| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೪. ಪುಪ್ಫಚ್ಛದನಿಯತ್ಥೇರಅಪದಾನವಣ್ಣನಾ
4. Pupphacchadaniyattheraapadānavaṇṇanā
ಸುನನ್ದೋ ನಾಮ ನಾಮೇನಾತಿಆದಿಕಂ ಆಯಸ್ಮತೋ ಪುಪ್ಫಚ್ಛದನಿಯತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೋ ಅನೇಕೇಸು ಭವೇಸು ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ಪದುಮುತ್ತರಸ್ಸ ಭಗವತೋ ಕಾಲೇ ಬ್ರಾಹ್ಮಣಕುಲೇ ನಿಬ್ಬತ್ತೋ ವಿಞ್ಞುತಂ ಪತ್ವಾ ಸಕಸಿಪ್ಪೇಸು ನಿಪ್ಫತ್ತಿಂ ಪತ್ತೋ ಮಹಾಭೋಗೋ ಮಹಾಯಸೋ ದಾನಾಭಿರತೋ ಅಹೋಸಿ। ಏಕದಿವಸಂ ಸೋ ‘‘ಸಕಲಜಮ್ಬುದೀಪೇ ಇಮೇ ಯಾಚಕಾ ನಾಮ ‘ಅಹಂ ದಾನಂ ನ ಲದ್ಧೋಸ್ಮೀ’ತಿ ವತ್ತುಂ ಮಾ ಲಭನ್ತೂ’’ತಿ ಮಹಾದಾನಂ ಸಜ್ಜೇಸಿ। ತದಾ ಪದುಮುತ್ತರೋ ಭಗವಾ ಸಪರಿವಾರೋ ಆಕಾಸೇನ ಗಚ್ಛತಿ। ಬ್ರಾಹ್ಮಣೋ ತಂ ದಿಸ್ವಾ ಪಸನ್ನಚಿತ್ತೋ ಸಕಸಿಸ್ಸೇ ಪಕ್ಕೋಸಾಪೇತ್ವಾ ಪುಪ್ಫಾನಿ ಆಹರಾಪೇತ್ವಾ ಆಕಾಸೇ ಉಕ್ಖಿಪಿತ್ವಾ ಪೂಜೇಸಿ। ತಾನಿ ಸಕಲನಗರಂ ಛಾದೇತ್ವಾ ಸತ್ತ ದಿವಸಾನಿ ಅಟ್ಠಂಸು।
Sunando nāma nāmenātiādikaṃ āyasmato pupphacchadaniyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippesu nipphattiṃ patto mahābhogo mahāyaso dānābhirato ahosi. Ekadivasaṃ so ‘‘sakalajambudīpe ime yācakā nāma ‘ahaṃ dānaṃ na laddhosmī’ti vattuṃ mā labhantū’’ti mahādānaṃ sajjesi. Tadā padumuttaro bhagavā saparivāro ākāsena gacchati. Brāhmaṇo taṃ disvā pasannacitto sakasisse pakkosāpetvā pupphāni āharāpetvā ākāse ukkhipitvā pūjesi. Tāni sakalanagaraṃ chādetvā satta divasāni aṭṭhaṃsu.
೨೬. ಸೋ ತೇನ ಪುಞ್ಞಕಮ್ಮೇನ ದೇವಮನುಸ್ಸೇಸು ಸುಖಂ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಸಾವತ್ಥಿಯಂ ಏಕಸ್ಮಿಂ ಕುಲಗೇಹೇ ನಿಬ್ಬತ್ತೋ ಸದ್ಧಾಜಾತೋ ಪಬ್ಬಜಿತ್ವಾ ಖುರಗ್ಗೇಯೇವ ಅರಹತ್ತಂ ಪತ್ವಾ ಅತ್ತನೋ ಪುಬ್ಬಕಮ್ಮಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ಸುನನ್ದೋ ನಾಮ ನಾಮೇನಾತಿಆದಿಮಾಹ। ತಂ ಹೇಟ್ಠಾ ವುತ್ತನಯತ್ತಾ ಸುವಿಞ್ಞೇಯ್ಯಮೇವಾತಿ।
26. So tena puññakammena devamanussesu sukhaṃ anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto saddhājāto pabbajitvā khuraggeyeva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento sunando nāma nāmenātiādimāha. Taṃ heṭṭhā vuttanayattā suviññeyyamevāti.
ಪುಪ್ಫಚ್ಛದನಿಯತ್ಥೇರಅಪದಾನವಣ್ಣನಾ ಸಮತ್ತಾ।
Pupphacchadaniyattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೪. ಪುಪ್ಫಚ್ಛದನಿಯತ್ಥೇರಅಪದಾನಂ • 4. Pupphacchadaniyattheraapadānaṃ
