| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਪੁਪ੍ਫਚ੍ਛਦਨਿਯਤ੍ਥੇਰਅਪਦਾਨવਣ੍ਣਨਾ
4. Pupphacchadaniyattheraapadānavaṇṇanā
ਸੁਨਨ੍ਦੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ ਪੁਪ੍ਫਚ੍ਛਦਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਕਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍ਤੋ ਮਹਾਭੋਗੋ ਮਹਾਯਸੋ ਦਾਨਾਭਿਰਤੋ ਅਹੋਸਿ। ਏਕਦਿવਸਂ ਸੋ ‘‘ਸਕਲਜਮ੍ਬੁਦੀਪੇ ਇਮੇ ਯਾਚਕਾ ਨਾਮ ‘ਅਹਂ ਦਾਨਂ ਨ ਲਦ੍ਧੋਸ੍ਮੀ’ਤਿ વਤ੍ਤੁਂ ਮਾ ਲਭਨ੍ਤੂ’’ਤਿ ਮਹਾਦਾਨਂ ਸਜ੍ਜੇਸਿ। ਤਦਾ ਪਦੁਮੁਤ੍ਤਰੋ ਭਗવਾ ਸਪਰਿવਾਰੋ ਆਕਾਸੇਨ ਗਚ੍ਛਤਿ। ਬ੍ਰਾਹ੍ਮਣੋ ਤਂ ਦਿਸ੍વਾ ਪਸਨ੍ਨਚਿਤ੍ਤੋ ਸਕਸਿਸ੍ਸੇ ਪਕ੍ਕੋਸਾਪੇਤ੍વਾ ਪੁਪ੍ਫਾਨਿ ਆਹਰਾਪੇਤ੍વਾ ਆਕਾਸੇ ਉਕ੍ਖਿਪਿਤ੍વਾ ਪੂਜੇਸਿ। ਤਾਨਿ ਸਕਲਨਗਰਂ ਛਾਦੇਤ੍વਾ ਸਤ੍ਤ ਦਿવਸਾਨਿ ਅਟ੍ਠਂਸੁ।
Sunando nāma nāmenātiādikaṃ āyasmato pupphacchadaniyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippesu nipphattiṃ patto mahābhogo mahāyaso dānābhirato ahosi. Ekadivasaṃ so ‘‘sakalajambudīpe ime yācakā nāma ‘ahaṃ dānaṃ na laddhosmī’ti vattuṃ mā labhantū’’ti mahādānaṃ sajjesi. Tadā padumuttaro bhagavā saparivāro ākāsena gacchati. Brāhmaṇo taṃ disvā pasannacitto sakasisse pakkosāpetvā pupphāni āharāpetvā ākāse ukkhipitvā pūjesi. Tāni sakalanagaraṃ chādetvā satta divasāni aṭṭhaṃsu.
੨੬. ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਖੁਰਗ੍ਗੇਯੇવ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁਨਨ੍ਦੋ ਨਾਮ ਨਾਮੇਨਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਨਯਤ੍ਤਾ ਸੁવਿਞ੍ਞੇਯ੍ਯਮੇવਾਤਿ।
26. So tena puññakammena devamanussesu sukhaṃ anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto saddhājāto pabbajitvā khuraggeyeva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento sunando nāma nāmenātiādimāha. Taṃ heṭṭhā vuttanayattā suviññeyyamevāti.
ਪੁਪ੍ਫਚ੍ਛਦਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pupphacchadaniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਪੁਪ੍ਫਚ੍ਛਦਨਿਯਤ੍ਥੇਰਅਪਦਾਨਂ • 4. Pupphacchadaniyattheraapadānaṃ
