| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಪುಪ್ಫಾಸನದಾಯಕತ್ಥೇರಅಪದಾನಂ
5. Pupphāsanadāyakattheraapadānaṃ
೨೦.
20.
ಅವಿದೂರೇನ ಗಚ್ಛನ್ತಂ, ಸಿದ್ಧತ್ಥಂ ಅಪರಾಜಿತಂ॥
Avidūrena gacchantaṃ, siddhatthaṃ aparājitaṃ.
೨೧.
21.
‘‘ತಸ್ಸ ಪಚ್ಚುಗ್ಗಮಿತ್ವಾನ, ಪವೇಸೇತ್ವಾನ ಅಸ್ಸಮಂ।
‘‘Tassa paccuggamitvāna, pavesetvāna assamaṃ;
ಪುಪ್ಫಾಸನಂ ಮಯಾ ದಿನ್ನಂ, ವಿಪ್ಪಸನ್ನೇನ ಚೇತಸಾ॥
Pupphāsanaṃ mayā dinnaṃ, vippasannena cetasā.
೨೨.
22.
‘‘ಅಞ್ಜಲಿಂ ಪಗ್ಗಹೇತ್ವಾನ, ವೇದಜಾತೋ ತದಾ ಅಹಂ।
‘‘Añjaliṃ paggahetvāna, vedajāto tadā ahaṃ;
ಬುದ್ಧೇ ಚಿತ್ತಂ ಪಸಾದೇತ್ವಾ, ತಂ ಕಮ್ಮಂ ಪರಿಣಾಮಯಿಂ॥
Buddhe cittaṃ pasādetvā, taṃ kammaṃ pariṇāmayiṃ.
೨೩.
23.
‘‘ಯಂ ಮೇ ಅತ್ಥಿ ಕತಂ ಪುಞ್ಞಂ, ಸಯಮ್ಭುಮ್ಹಪರಾಜಿತೇ।
‘‘Yaṃ me atthi kataṃ puññaṃ, sayambhumhaparājite;
ಸಬ್ಬೇನ ತೇನ ಕುಸಲೇನ, ವಿಮಲೋ ಹೋಮಿ ಸಾಸನೇ॥
Sabbena tena kusalena, vimalo homi sāsane.
೨೪.
24.
‘‘ಚತುನ್ನವುತಿತೋ ಕಪ್ಪೇ, ಪುಪ್ಫಾಸನಮದಂ ತದಾ।
‘‘Catunnavutito kappe, pupphāsanamadaṃ tadā;
ದುಗ್ಗತಿಂ ನಾಭಿಜಾನಾಮಿ, ಪುಪ್ಫಾಸನಸ್ಸಿದಂ ಫಲಂ॥
Duggatiṃ nābhijānāmi, pupphāsanassidaṃ phalaṃ.
೨೫.
25.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪುಪ್ಫಾಸನದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pupphāsanadāyako thero imā gāthāyo abhāsitthāti.
ಪುಪ್ಫಾಸನದಾಯಕತ್ಥೇರಸ್ಸಾಪದಾನಂ ಪಞ್ಚಮಂ।
Pupphāsanadāyakattherassāpadānaṃ pañcamaṃ.
Footnotes:
