| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. පුප්‌ඵාසනදායකත්‌ථෙරඅපදානං
5. Pupphāsanadāyakattheraapadānaṃ
20.
20.
‘‘සුවණ්‌ණවණ්‌ණං සම්‌බුද්‌ධං, පීතරංසිංව 1 භාණුමං;
‘‘Suvaṇṇavaṇṇaṃ sambuddhaṃ, pītaraṃsiṃva 2 bhāṇumaṃ;
අවිදූරෙන ගච්‌ඡන්‌තං, සිද්‌ධත්‌ථං අපරාජිතං.
Avidūrena gacchantaṃ, siddhatthaṃ aparājitaṃ.
21.
21.
‘‘තස්‌ස පච්‌චුග්‌ගමිත්‌වාන, පවෙසෙත්‌වාන අස්‌සමං;
‘‘Tassa paccuggamitvāna, pavesetvāna assamaṃ;
පුප්‌ඵාසනං මයා දින්‌නං, විප්‌පසන්‌නෙන චෙතසා.
Pupphāsanaṃ mayā dinnaṃ, vippasannena cetasā.
22.
22.
‘‘අඤ්‌ජලිං පග්‌ගහෙත්‌වාන, වෙදජාතො තදා අහං;
‘‘Añjaliṃ paggahetvāna, vedajāto tadā ahaṃ;
බුද්‌ධෙ චිත්‌තං පසාදෙත්‌වා, තං කම්‌මං පරිණාමයිං.
Buddhe cittaṃ pasādetvā, taṃ kammaṃ pariṇāmayiṃ.
23.
23.
‘‘යං මෙ අත්‌ථි කතං පුඤ්‌ඤං, සයම්‌භුම්‌හපරාජිතෙ;
‘‘Yaṃ me atthi kataṃ puññaṃ, sayambhumhaparājite;
සබ්‌බෙන තෙන කුසලෙන, විමලො හොමි සාසනෙ.
Sabbena tena kusalena, vimalo homi sāsane.
24.
24.
‘‘චතුන්‌නවුතිතො කප්‌පෙ, පුප්‌ඵාසනමදං තදා;
‘‘Catunnavutito kappe, pupphāsanamadaṃ tadā;
දුග්‌ගතිං නාභිජානාමි, පුප්‌ඵාසනස්‌සිදං ඵලං.
Duggatiṃ nābhijānāmi, pupphāsanassidaṃ phalaṃ.
25.
25.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පුප්‌ඵාසනදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pupphāsanadāyako thero imā gāthāyo abhāsitthāti.
පුප්‌ඵාසනදායකත්‌ථෙරස්‌සාපදානං පඤ්‌චමං.
Pupphāsanadāyakattherassāpadānaṃ pañcamaṃ.
Footnotes:
