| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. бубпасуд̇д̇ам̣
2. Pupphasuttaṃ
94. саавад̇т̇инид̣̇аанам̣. ‘‘наахам̣, бхигкавз, логзна вивад̣̇аами, логова маяаа вивад̣̇ад̇и. на, бхигкавз, д̇хаммаваад̣̇ий гзнажи логасмим̣ вивад̣̇ад̇и. яам̣, бхигкавз, над̇т̇исаммад̇ам̣ логз бан̣д̣ид̇аанам̣, ахамби д̇ам̣ ‘над̇т̇ий’д̇и вад̣̇аами. яам̣, бхигкавз, ад̇т̇исаммад̇ам̣ логз бан̣д̣ид̇аанам̣, ахамби д̇ам̣ ‘ад̇т̇ий’д̇и вад̣̇аами’’.
94. Sāvatthinidānaṃ. ‘‘Nāhaṃ, bhikkhave, lokena vivadāmi, lokova mayā vivadati. Na, bhikkhave, dhammavādī kenaci lokasmiṃ vivadati. Yaṃ, bhikkhave, natthisammataṃ loke paṇḍitānaṃ, ahampi taṃ ‘natthī’ti vadāmi. Yaṃ, bhikkhave, atthisammataṃ loke paṇḍitānaṃ, ahampi taṃ ‘atthī’ti vadāmi’’.
‘‘гин̃жа, бхигкавз, над̇т̇исаммад̇ам̣ логз бан̣д̣ид̇аанам̣, яамахам̣ ‘над̇т̇ий’д̇и вад̣̇аами? руубам̣ , бхигкавз, нижжам̣ д̇хувам̣ сассад̇ам̣ авибарин̣аамад̇хаммам̣ над̇т̇исаммад̇ам̣ логз бан̣д̣ид̇аанам̣; ахамби д̇ам̣ ‘над̇т̇ий’д̇и вад̣̇аами. взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ д̇хувам̣ сассад̇ам̣ авибарин̣аамад̇хаммам̣ над̇т̇исаммад̇ам̣ логз бан̣д̣ид̇аанам̣; ахамби д̇ам̣ ‘над̇т̇ий’д̇и вад̣̇аами. ид̣̇ам̣ ко, бхигкавз, над̇т̇исаммад̇ам̣ логз бан̣д̣ид̇аанам̣; ахамби д̇ам̣ ‘над̇т̇ий’д̇и вад̣̇аами’’.
‘‘Kiñca, bhikkhave, natthisammataṃ loke paṇḍitānaṃ, yamahaṃ ‘natthī’ti vadāmi? Rūpaṃ , bhikkhave, niccaṃ dhuvaṃ sassataṃ avipariṇāmadhammaṃ natthisammataṃ loke paṇḍitānaṃ; ahampi taṃ ‘natthī’ti vadāmi. Vedanā… saññā… saṅkhārā… viññāṇaṃ niccaṃ dhuvaṃ sassataṃ avipariṇāmadhammaṃ natthisammataṃ loke paṇḍitānaṃ; ahampi taṃ ‘natthī’ti vadāmi. Idaṃ kho, bhikkhave, natthisammataṃ loke paṇḍitānaṃ; ahampi taṃ ‘natthī’ti vadāmi’’.
‘‘гин̃жа, бхигкавз, ад̇т̇исаммад̇ам̣ логз бан̣д̣ид̇аанам̣, яамахам̣ ‘ад̇т̇ий’д̇и вад̣̇аами? руубам̣, бхигкавз, анижжам̣ д̣̇угкам̣ вибарин̣аамад̇хаммам̣ ад̇т̇исаммад̇ам̣ логз бан̣д̣ид̇аанам̣; ахамби д̇ам̣ ‘ад̇т̇ий’д̇и вад̣̇аами. взд̣̇анаа анижжаа…бз… вин̃н̃аан̣ам̣ анижжам̣ д̣̇угкам̣ вибарин̣аамад̇хаммам̣ ад̇т̇исаммад̇ам̣ логз бан̣д̣ид̇аанам̣; ахамби д̇ам̣ ‘ад̇т̇ий’д̇и вад̣̇аами. ид̣̇ам̣ ко, бхигкавз, ад̇т̇исаммад̇ам̣ логз бан̣д̣ид̇аанам̣; ахамби д̇ам̣ ‘ад̇т̇ий’д̇и вад̣̇аами’’.
‘‘Kiñca, bhikkhave, atthisammataṃ loke paṇḍitānaṃ, yamahaṃ ‘atthī’ti vadāmi? Rūpaṃ, bhikkhave, aniccaṃ dukkhaṃ vipariṇāmadhammaṃ atthisammataṃ loke paṇḍitānaṃ; ahampi taṃ ‘atthī’ti vadāmi. Vedanā aniccā…pe… viññāṇaṃ aniccaṃ dukkhaṃ vipariṇāmadhammaṃ atthisammataṃ loke paṇḍitānaṃ; ahampi taṃ ‘atthī’ti vadāmi. Idaṃ kho, bhikkhave, atthisammataṃ loke paṇḍitānaṃ; ahampi taṃ ‘atthī’ti vadāmi’’.
‘‘ад̇т̇и, бхигкавз, логз логад̇хаммо, д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и; абхисамб̣уж̇жхид̇ваа абхисамзд̇ваа д̇ам̣ аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и.
‘‘Atthi, bhikkhave, loke lokadhammo, taṃ tathāgato abhisambujjhati abhisameti; abhisambujjhitvā abhisametvā taṃ ācikkhati deseti paññapeti paṭṭhapeti vivarati vibhajati uttānīkaroti.
‘‘гин̃жа , бхигкавз, логз логад̇хаммо, д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и, абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и? руубам̣, бхигкавз, логз логад̇хаммо д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и. абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и.
‘‘Kiñca , bhikkhave, loke lokadhammo, taṃ tathāgato abhisambujjhati abhisameti, abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti? Rūpaṃ, bhikkhave, loke lokadhammo taṃ tathāgato abhisambujjhati abhisameti. Abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti.
‘‘яо, бхигкавз, д̇ат̇ааг̇ад̇зна звам̣ аажигкияамаанз д̣̇зсияамаанз бан̃н̃абияамаанз бадтабияамаанз виварияамаанз вибхаж̇ияамаанз уд̇д̇аанийгарияамаанз на ж̇аанаад̇и на бассад̇и д̇амахам̣, бхигкавз, б̣аалам̣ бут̇уж̇ж̇анам̣ анд̇хам̣ ажагкугам̣ аж̇аананд̇ам̣ абассанд̇ам̣ гинд̇и гароми! взд̣̇анаа, бхигкавз, логз логад̇хаммо…бз… сан̃н̃аа, бхигкавз… сан̇каараа, бхигкавз… вин̃н̃аан̣ам̣, бхигкавз, логз логад̇хаммо д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и. абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и.
‘‘Yo, bhikkhave, tathāgatena evaṃ ācikkhiyamāne desiyamāne paññapiyamāne paṭṭhapiyamāne vivariyamāne vibhajiyamāne uttānīkariyamāne na jānāti na passati tamahaṃ, bhikkhave, bālaṃ puthujjanaṃ andhaṃ acakkhukaṃ ajānantaṃ apassantaṃ kinti karomi! Vedanā, bhikkhave, loke lokadhammo…pe… saññā, bhikkhave… saṅkhārā, bhikkhave… viññāṇaṃ, bhikkhave, loke lokadhammo taṃ tathāgato abhisambujjhati abhisameti. Abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti.
‘‘яо, бхигкавз, д̇ат̇ааг̇ад̇зна звам̣ аажигкияамаанз д̣̇зсияамаанз бан̃н̃абияамаанз бадтабияамаанз виварияамаанз вибхаж̇ияамаанз уд̇д̇аанийгарияамаанз на ж̇аанаад̇и на бассад̇и д̇амахам̣, бхигкавз, б̣аалам̣ бут̇уж̇ж̇анам̣ анд̇хам̣ ажагкугам̣ аж̇аананд̇ам̣ абассанд̇ам̣ гинд̇и гароми!
‘‘Yo, bhikkhave, tathāgatena evaṃ ācikkhiyamāne desiyamāne paññapiyamāne paṭṭhapiyamāne vivariyamāne vibhajiyamāne uttānīkariyamāne na jānāti na passati tamahaṃ, bhikkhave, bālaṃ puthujjanaṃ andhaṃ acakkhukaṃ ajānantaṃ apassantaṃ kinti karomi!
‘‘сзяяат̇ааби, бхигкавз, уббалам̣ ваа бад̣̇умам̣ ваа бун̣д̣арийгам̣ ваа уд̣̇агз ж̇аад̇ам̣ уд̣̇агз сам̣вад̣дхам̣ уд̣̇агаа ажжуг̇г̇амма таад̇и 1 анубалид̇д̇ам̣ уд̣̇агзна; звамзва ко, бхигкавз, д̇ат̇ааг̇ад̇о логз ж̇аад̇о логз сам̣вад̣дхо логам̣ абхибхуяяа вихарад̇и анубалид̇д̇о логзнаа’’д̇и. д̣̇уд̇ияам̣.
‘‘Seyyathāpi, bhikkhave, uppalaṃ vā padumaṃ vā puṇḍarīkaṃ vā udake jātaṃ udake saṃvaḍḍhaṃ udakā accuggamma ṭhāti 2 anupalittaṃ udakena; evameva kho, bhikkhave, tathāgato loke jāto loke saṃvaḍḍho lokaṃ abhibhuyya viharati anupalitto lokenā’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. бубпасуд̇д̇аван̣н̣анаа • 2. Pupphasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. бубпасуд̇д̇аван̣н̣анаа • 2. Pupphasuttavaṇṇanā
