| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. புப்ப²ஸுத்தவண்ணனா
2. Pupphasuttavaṇṇanā
94. து³தியே விவத³தீதி ‘‘அனிச்சங் து³க்க²ங் அனத்தா அஸுப⁴’’ந்தி யதா²ஸபா⁴வேன வத³ந்தேன ஸத்³தி⁴ங் ‘‘நிச்சங் ஸுக²ங் அத்தா ஸுப⁴’’ந்தி வத³ந்தோ விவத³தி. லோகத⁴ம்மோதி க²ந்த⁴பஞ்சகங். தஞ்ஹி லுஜ்ஜனஸபா⁴வத்தா லோகத⁴ம்மோதி வுச்சதி. கிந்தி கரோமீதி கத²ங் கரோமி? மய்ஹஞ்ஹி படிபத்திகத²னமேவ பா⁴ரோ, படிபத்திபூரணங் பன குலபுத்தானங் பா⁴ரோதி த³ஸ்ஸேதி. இமஸ்மிங் ஸுத்தே தயோ லோகா கதி²தா. ‘‘நாஹங், பி⁴க்க²வே, லோகேனா’’தி எத்த² ஹி ஸத்தலோகோ கதி²தோ, ‘‘அத்தி², பி⁴க்க²வே, லோகே லோகத⁴ம்மோ’’தி எத்த² ஸங்கா²ரலோகோ, ‘‘ததா²க³தோ லோகே ஜாதோ லோகே ஸங்வட்³டோ⁴’’தி எத்த² ஓகாஸலோகோ கதி²தோ. து³தியங்.
94. Dutiye vivadatīti ‘‘aniccaṃ dukkhaṃ anattā asubha’’nti yathāsabhāvena vadantena saddhiṃ ‘‘niccaṃ sukhaṃ attā subha’’nti vadanto vivadati. Lokadhammoti khandhapañcakaṃ. Tañhi lujjanasabhāvattā lokadhammoti vuccati. Kinti karomīti kathaṃ karomi? Mayhañhi paṭipattikathanameva bhāro, paṭipattipūraṇaṃ pana kulaputtānaṃ bhāroti dasseti. Imasmiṃ sutte tayo lokā kathitā. ‘‘Nāhaṃ, bhikkhave, lokenā’’ti ettha hi sattaloko kathito, ‘‘atthi, bhikkhave, loke lokadhammo’’ti ettha saṅkhāraloko, ‘‘tathāgato loke jāto loke saṃvaḍḍho’’ti ettha okāsaloko kathito. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. புப்ப²ஸுத்தங் • 2. Pupphasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. புப்ப²ஸுத்தவண்ணனா • 2. Pupphasuttavaṇṇanā
