| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ปุปฺผถูปิยเตฺถรอปทานํ
2. Pupphathūpiyattheraapadānaṃ
๑๐.
10.
เวมเชฺฌ ตสฺส วสติ, พฺราหฺมโณ มนฺตปารคูฯ
Vemajjhe tassa vasati, brāhmaṇo mantapāragū.
๑๑.
11.
‘‘ปญฺจ สิสฺสสหสฺสานิ, ปริวาเรนฺติ มํ สทา;
‘‘Pañca sissasahassāni, parivārenti maṃ sadā;
ปุพฺพุฎฺฐายี จ เต อาสุํ, มเนฺตสุ จ วิสารทาฯ
Pubbuṭṭhāyī ca te āsuṃ, mantesu ca visāradā.
๑๒.
12.
‘‘พุโทฺธ โลเก สมุปฺปโนฺน, ตํ วิชานาถ โน ภวํ;
‘‘Buddho loke samuppanno, taṃ vijānātha no bhavaṃ;
อสีติพฺยญฺชนานสฺส, พาตฺติํสวรลกฺขณาฯ
Asītibyañjanānassa, bāttiṃsavaralakkhaṇā.
๑๓.
13.
‘‘พฺยามปฺปโภ ชินวโร, อาทิโจฺจว วิโรจติ;
‘‘Byāmappabho jinavaro, ādiccova virocati;
สิสฺสานํ วจนํ สุตฺวา, พฺราหฺมโณ มนฺตปารคูฯ
Sissānaṃ vacanaṃ sutvā, brāhmaṇo mantapāragū.
๑๔.
14.
ยมฺหิ เทเส มหาวีโร, วสติ โลกนายโกฯ
Yamhi dese mahāvīro, vasati lokanāyako.
๑๕.
15.
‘‘ตาหํ ทิสํ นมสฺสิสฺสํ, ชินํ อปฺปฎิปุคฺคลํ;
‘‘Tāhaṃ disaṃ namassissaṃ, jinaṃ appaṭipuggalaṃ;
อุทคฺคจิโตฺต สุมโน, ปูเชสิํ ตํ ตถาคตํฯ
Udaggacitto sumano, pūjesiṃ taṃ tathāgataṃ.
๑๖.
16.
‘‘เอถ สิสฺสา คมิสฺสาม, ทกฺขิสฺสาม ตถาคตํ;
‘‘Etha sissā gamissāma, dakkhissāma tathāgataṃ;
วนฺทิตฺวา สตฺถุโน ปาเท, โสสฺสาม ชินสาสนํฯ
Vanditvā satthuno pāde, sossāma jinasāsanaṃ.
๑๗.
17.
‘‘เอกาหํ อภินิกฺขมฺม, พฺยาธิํ ปฎิลภิํ อหํ;
‘‘Ekāhaṃ abhinikkhamma, byādhiṃ paṭilabhiṃ ahaṃ;
พฺยาธินา ปีฬิโต สโนฺต, สาลํ วาสยิตุํ คมิํฯ
Byādhinā pīḷito santo, sālaṃ vāsayituṃ gamiṃ.
๑๘.
18.
‘‘สเพฺพ สิเสฺส สมาเนตฺวา, อปุจฺฉิํ เต ตถาคตํ;
‘‘Sabbe sisse samānetvā, apucchiṃ te tathāgataṃ;
กีทิสํ โลกนาถสฺส, คุณํ ปรมพุทฺธิโนฯ
Kīdisaṃ lokanāthassa, guṇaṃ paramabuddhino.
๑๙.
19.
‘‘เต เม ปุฎฺฐา วิยากํสุ, ยถา ทสฺสาวิโน ตถา;
‘‘Te me puṭṭhā viyākaṃsu, yathā dassāvino tathā;
สกฺกจฺจํ พุทฺธเสฎฺฐํ ตํ, เทเสสุํ 5 มม สมฺมุขาฯ
Sakkaccaṃ buddhaseṭṭhaṃ taṃ, desesuṃ 6 mama sammukhā.
๒๐.
20.
‘‘เตสาหํ วจนํ สุตฺวา, สกํ จิตฺตํ ปสาทยิํ;
‘‘Tesāhaṃ vacanaṃ sutvā, sakaṃ cittaṃ pasādayiṃ;
ปุเปฺผหิ ถูปํ กตฺวาน, ตตฺถ กาลงฺกโต อหํฯ
Pupphehi thūpaṃ katvāna, tattha kālaṅkato ahaṃ.
๒๑.
21.
‘‘เต เม สรีรํ ฌาเปตฺวา, อคมุํ พุทฺธสนฺติกํ;
‘‘Te me sarīraṃ jhāpetvā, agamuṃ buddhasantikaṃ;
อญฺชลิํ ปคฺคเหตฺวาน, สตฺถารมภิวาทยุํฯ
Añjaliṃ paggahetvāna, satthāramabhivādayuṃ.
๒๒.
22.
‘‘ปุเปฺผหิ ถูปํ กตฺวาน, สุคตสฺส มเหสิโน;
‘‘Pupphehi thūpaṃ katvāna, sugatassa mahesino;
กปฺปานํ สตสหสฺสํ, ทุคฺคติํ นุปปชฺชหํฯ
Kappānaṃ satasahassaṃ, duggatiṃ nupapajjahaṃ.
๒๓.
23.
‘‘จตฺตาลีสสหสฺสมฺหิ , กเปฺป โสฬส ขตฺติยา;
‘‘Cattālīsasahassamhi , kappe soḷasa khattiyā;
นาเมนคฺคิสมา นาม, จกฺกวตฺตี มหพฺพลาฯ
Nāmenaggisamā nāma, cakkavattī mahabbalā.
๒๔.
24.
‘‘วีสกปฺปสหสฺสมฺหิ, ราชาโน จกฺกวตฺติโน;
‘‘Vīsakappasahassamhi, rājāno cakkavattino;
ฆตาสนสนามาว, อฎฺฐตฺติํส มหีปตีฯ
Ghatāsanasanāmāva, aṭṭhattiṃsa mahīpatī.
๒๕.
25.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปุปฺผถูปิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā pupphathūpiyo thero imā gāthāyo abhāsitthāti.
ปุปฺผถูปิยเตฺถรสฺสาปทานํ ทุติยํฯ
Pupphathūpiyattherassāpadānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. ปุปฺผถูปิยเตฺถรอปทานวณฺณนา • 2. Pupphathūpiyattheraapadānavaṇṇanā
