| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. бубпат̇уубияад̇т̇зраабад̣̇аанаван̣н̣анаа
2. Pupphathūpiyattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о бубпат̇уубияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассиб̣уд̣̇д̇хасса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇ваа сагасиббз нибпад̇д̇им̣ бад̇д̇о д̇ад̇т̇а саарам̣ абассанд̇о г̇зхам̣ бахааяа химаванд̇ам̣ бависид̇ваа ад̇д̇анаа сахаг̇ад̇зхи бан̃жасиссасахассзхи сад̣̇д̇хим̣ бан̃жаабхин̃н̃аа адта самаабад̇д̇ияо ниб̣б̣ад̇д̇зд̇ваа гуггуранаамабаб̣б̣ад̇асамийбз бан̣н̣асаалам̣ гаарзд̇ваа бадивасад̇и. д̇ад̣̇аа б̣уд̣̇д̇хуббаад̣̇абхаавам̣ суд̇ваа сиссзхи саха б̣уд̣̇д̇хасса санд̇игам̣ г̇анд̇угаамо гзнажи б̣яаад̇хинаа бийл̣ид̇о бан̣н̣асаалам̣ бависид̇ваа сиссасанд̇игаа б̣уд̣̇д̇хассаанубхаавам̣ лагкан̣ан̃жа суд̇ваа басаннамаанасо химаванд̇ад̇о жамбагаасогад̇илагагздагаад̣̇яанзгз бубпз аахараабзд̇ваа т̇уубам̣ гад̇ваа б̣уд̣̇д̇хам̣ вияа бууж̇зд̇ваа гаалам̣ гад̇ваа б̣рахмалогуубаг̇о ахоси. ат̇а д̇з сиссаа д̇асса аал̣аханам̣ гад̇ваа б̣уд̣̇д̇хасанд̇игам̣ г̇анд̇ваа д̇ам̣ бавад̇д̇им̣ аарожзсум̣. ат̇а бхаг̇аваа б̣уд̣̇д̇хажагкунаа ологзд̇ваа анааг̇ад̇ам̣сан̃аан̣зна баагадийгаран̣амагааси. со абарабхааг̇з имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о буб̣б̣аваасанааб̣алзна сад̇т̇ари басанно баб̣б̣аж̇ид̇ваа нажирассзва арахаа ахоси.
Himavantassāvidūretiādikaṃ āyasmato pupphathūpiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassibuddhassa bhagavato kāle brāhmaṇakule nibbatto viññutaṃ patvā sakasippe nipphattiṃ patto tattha sāraṃ apassanto gehaṃ pahāya himavantaṃ pavisitvā attanā sahagatehi pañcasissasahassehi saddhiṃ pañcābhiññā aṭṭha samāpattiyo nibbattetvā kukkuranāmapabbatasamīpe paṇṇasālaṃ kāretvā paṭivasati. Tadā buddhuppādabhāvaṃ sutvā sissehi saha buddhassa santikaṃ gantukāmo kenaci byādhinā pīḷito paṇṇasālaṃ pavisitvā sissasantikā buddhassānubhāvaṃ lakkhaṇañca sutvā pasannamānaso himavantato campakāsokatilakakeṭakādyaneke pupphe āharāpetvā thūpaṃ katvā buddhaṃ viya pūjetvā kālaṃ katvā brahmalokūpago ahosi. Atha te sissā tassa āḷahanaṃ katvā buddhasantikaṃ gantvā taṃ pavattiṃ ārocesuṃ. Atha bhagavā buddhacakkhunā oloketvā anāgataṃsañāṇena pākaṭīkaraṇamakāsi. So aparabhāge imasmiṃ buddhuppāde sāvatthiyaṃ kulagehe nibbatto viññutaṃ patto pubbavāsanābalena satthari pasanno pabbajitvā nacirasseva arahā ahosi.
10. ат̇а со ад̇д̇ано буб̣б̣агусалам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. д̇ам̣ хздтаа вуд̇д̇ад̇т̇амзва. гуггуро наама баб̣б̣ад̇од̇и баб̣б̣ад̇асса сикарам̣ гуггураагаарзна сунакаагаарзна сан̣тид̇ад̇д̇аа ‘‘гуггурабаб̣б̣ад̇о’’д̇и сан̇кяам̣ г̇ад̇о, д̇асса самийбз бан̣н̣асаалам̣ гад̇ваа бан̃жад̇аабасасахассзхи саха васамаанод̇и ад̇т̇о. наяаанусаарзна сзсам̣ саб̣б̣ам̣ уд̇д̇аанад̇т̇амзваад̇и.
10. Atha so attano pubbakusalaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ heṭṭhā vuttatthameva. Kukkuro nāma pabbatoti pabbatassa sikharaṃ kukkurākārena sunakhākārena saṇṭhitattā ‘‘kukkurapabbato’’ti saṅkhyaṃ gato, tassa samīpe paṇṇasālaṃ katvā pañcatāpasasahassehi saha vasamānoti attho. Nayānusārena sesaṃ sabbaṃ uttānatthamevāti.
бубпат̇уубияад̇т̇зраабад̣̇аанаван̣н̣анаа самад̇д̇аа.
Pupphathūpiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. бубпат̇уубияад̇т̇зраабад̣̇аанам̣ • 2. Pupphathūpiyattheraapadānaṃ
