| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਪੁਪ੍ਫਥੂਪਿਯਤ੍ਥੇਰਅਪਦਾਨવਣ੍ਣਨਾ
2. Pupphathūpiyattheraapadānavaṇṇanā
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਪੁਪ੍ਫਥੂਪਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਬੁਦ੍ਧਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਕਸਿਪ੍ਪੇ ਨਿਪ੍ਫਤ੍ਤਿਂ ਪਤ੍ਤੋ ਤਤ੍ਥ ਸਾਰਂ ਅਪਸ੍ਸਨ੍ਤੋ ਗੇਹਂ ਪਹਾਯ ਹਿਮવਨ੍ਤਂ ਪવਿਸਿਤ੍વਾ ਅਤ੍ਤਨਾ ਸਹਗਤੇਹਿ ਪਞ੍ਚਸਿਸ੍ਸਸਹਸ੍ਸੇਹਿ ਸਦ੍ਧਿਂ ਪਞ੍ਚਾਭਿਞ੍ਞਾ ਅਟ੍ਠ ਸਮਾਪਤ੍ਤਿਯੋ ਨਿਬ੍ਬਤ੍ਤੇਤ੍વਾ ਕੁਕ੍ਕੁਰਨਾਮਪਬ੍ਬਤਸਮੀਪੇ ਪਣ੍ਣਸਾਲਂ ਕਾਰੇਤ੍વਾ ਪਟਿવਸਤਿ। ਤਦਾ ਬੁਦ੍ਧੁਪ੍ਪਾਦਭਾવਂ ਸੁਤ੍વਾ ਸਿਸ੍ਸੇਹਿ ਸਹ ਬੁਦ੍ਧਸ੍ਸ ਸਨ੍ਤਿਕਂ ਗਨ੍ਤੁਕਾਮੋ ਕੇਨਚਿ ਬ੍ਯਾਧਿਨਾ ਪੀਲ਼ਿਤੋ ਪਣ੍ਣਸਾਲਂ ਪવਿਸਿਤ੍વਾ ਸਿਸ੍ਸਸਨ੍ਤਿਕਾ ਬੁਦ੍ਧਸ੍ਸਾਨੁਭਾવਂ ਲਕ੍ਖਣਞ੍ਚ ਸੁਤ੍વਾ ਪਸਨ੍ਨਮਾਨਸੋ ਹਿਮવਨ੍ਤਤੋ ਚਮ੍ਪਕਾਸੋਕਤਿਲਕਕੇਟਕਾਦ੍ਯਨੇਕੇ ਪੁਪ੍ਫੇ ਆਹਰਾਪੇਤ੍વਾ ਥੂਪਂ ਕਤ੍વਾ ਬੁਦ੍ਧਂ વਿਯ ਪੂਜੇਤ੍વਾ ਕਾਲਂ ਕਤ੍વਾ ਬ੍ਰਹ੍ਮਲੋਕੂਪਗੋ ਅਹੋਸਿ। ਅਥ ਤੇ ਸਿਸ੍ਸਾ ਤਸ੍ਸ ਆਲ਼ਹਨਂ ਕਤ੍વਾ ਬੁਦ੍ਧਸਨ੍ਤਿਕਂ ਗਨ੍ਤ੍વਾ ਤਂ ਪવਤ੍ਤਿਂ ਆਰੋਚੇਸੁਂ। ਅਥ ਭਗવਾ ਬੁਦ੍ਧਚਕ੍ਖੁਨਾ ਓਲੋਕੇਤ੍વਾ ਅਨਾਗਤਂਸਞਾਣੇਨ ਪਾਕਟੀਕਰਣਮਕਾਸਿ। ਸੋ ਅਪਰਭਾਗੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਪੁਬ੍ਬવਾਸਨਾਬਲੇਨ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Himavantassāvidūretiādikaṃ āyasmato pupphathūpiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassibuddhassa bhagavato kāle brāhmaṇakule nibbatto viññutaṃ patvā sakasippe nipphattiṃ patto tattha sāraṃ apassanto gehaṃ pahāya himavantaṃ pavisitvā attanā sahagatehi pañcasissasahassehi saddhiṃ pañcābhiññā aṭṭha samāpattiyo nibbattetvā kukkuranāmapabbatasamīpe paṇṇasālaṃ kāretvā paṭivasati. Tadā buddhuppādabhāvaṃ sutvā sissehi saha buddhassa santikaṃ gantukāmo kenaci byādhinā pīḷito paṇṇasālaṃ pavisitvā sissasantikā buddhassānubhāvaṃ lakkhaṇañca sutvā pasannamānaso himavantato campakāsokatilakakeṭakādyaneke pupphe āharāpetvā thūpaṃ katvā buddhaṃ viya pūjetvā kālaṃ katvā brahmalokūpago ahosi. Atha te sissā tassa āḷahanaṃ katvā buddhasantikaṃ gantvā taṃ pavattiṃ ārocesuṃ. Atha bhagavā buddhacakkhunā oloketvā anāgataṃsañāṇena pākaṭīkaraṇamakāsi. So aparabhāge imasmiṃ buddhuppāde sāvatthiyaṃ kulagehe nibbatto viññutaṃ patto pubbavāsanābalena satthari pasanno pabbajitvā nacirasseva arahā ahosi.
੧੦. ਅਥ ਸੋ ਅਤ੍ਤਨੋ ਪੁਬ੍ਬਕੁਸਲਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਕੁਕ੍ਕੁਰੋ ਨਾਮ ਪਬ੍ਬਤੋਤਿ ਪਬ੍ਬਤਸ੍ਸ ਸਿਖਰਂ ਕੁਕ੍ਕੁਰਾਕਾਰੇਨ ਸੁਨਖਾਕਾਰੇਨ ਸਣ੍ਠਿਤਤ੍ਤਾ ‘‘ਕੁਕ੍ਕੁਰਪਬ੍ਬਤੋ’’ਤਿ ਸਙ੍ਖ੍ਯਂ ਗਤੋ, ਤਸ੍ਸ ਸਮੀਪੇ ਪਣ੍ਣਸਾਲਂ ਕਤ੍વਾ ਪਞ੍ਚਤਾਪਸਸਹਸ੍ਸੇਹਿ ਸਹ વਸਮਾਨੋਤਿ ਅਤ੍ਥੋ। ਨਯਾਨੁਸਾਰੇਨ ਸੇਸਂ ਸਬ੍ਬਂ ਉਤ੍ਤਾਨਤ੍ਥਮੇવਾਤਿ।
10. Atha so attano pubbakusalaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ heṭṭhā vuttatthameva. Kukkuro nāma pabbatoti pabbatassa sikharaṃ kukkurākārena sunakhākārena saṇṭhitattā ‘‘kukkurapabbato’’ti saṅkhyaṃ gato, tassa samīpe paṇṇasālaṃ katvā pañcatāpasasahassehi saha vasamānoti attho. Nayānusārena sesaṃ sabbaṃ uttānatthamevāti.
ਪੁਪ੍ਫਥੂਪਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pupphathūpiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਪੁਪ੍ਫਥੂਪਿਯਤ੍ਥੇਰਅਪਦਾਨਂ • 2. Pupphathūpiyattheraapadānaṃ
