Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā

    10. бураабхзд̣̇асуд̇д̇анид̣̇д̣̇зсаван̣н̣анаа

    10. Purābhedasuttaniddesavaṇṇanā

    83. д̣̇асамз бураабхзд̣̇асуд̇д̇анид̣̇д̣̇зсз гат̇ам̣д̣̇ассийд̇и имасса суд̇д̇асса ид̇о барзсан̃жа бан̃жаннам̣ галахавиваад̣̇ажуул̣аб̣яуухамахааб̣яуухад̇увадагаад̇д̇ад̣̇ан̣д̣асуд̇д̇аанам̣ саммаабариб̣б̣ааж̇анийяасуд̇д̇аван̣н̣анааяам̣ (су. ни. адта. 2.362 аад̣̇аяо) вуд̇д̇анаязнзва сааман̃н̃ад̇о уббад̇д̇и взд̣̇ид̇аб̣б̣аа. висзсад̇о бана яат̇зва д̇асмим̣ махаасамаяз рааг̇ажарид̇ад̣̇звад̇аанам̣ саббааяавасзна д̇хаммам̣ д̣̇зсзд̇ум̣ ниммид̇аб̣уд̣̇д̇хзна ад̇д̇аанам̣ бужчаабзд̇ваа саммаабариб̣б̣ааж̇анийяасуд̇д̇анд̇а- (су. ни. 361 аад̣̇аяо) мабхааси, звам̣ д̇асмим̣язва махаасамаяз ‘‘гим̣ ну ко бураа сарийрабхзд̣̇аа гад̇д̇аб̣б̣а’’нд̇и уббаннажид̇д̇аанам̣ д̣̇звад̇аанам̣ жид̇д̇ам̣ н̃ад̇ваа д̇аасам̣ ануг̇г̇ахад̇т̇ам̣ ад̣дхад̇зл̣асабхигкусад̇абариваарам̣ ниммид̇аб̣уд̣̇д̇хам̣ аагаасзна аанзд̇ваа д̇зна ад̇д̇аанам̣ бужчаабзд̇ваа имам̣ суд̇д̇амабхааси.

    83. Dasame purābhedasuttaniddese kathaṃdassīti imassa suttassa ito paresañca pañcannaṃ kalahavivādacūḷabyūhamahābyūhatuvaṭakaattadaṇḍasuttānaṃ sammāparibbājanīyasuttavaṇṇanāyaṃ (su. ni. aṭṭha. 2.362 ādayo) vuttanayeneva sāmaññato uppatti veditabbā. Visesato pana yatheva tasmiṃ mahāsamaye rāgacaritadevatānaṃ sappāyavasena dhammaṃ desetuṃ nimmitabuddhena attānaṃ pucchāpetvā sammāparibbājanīyasuttanta- (su. ni. 361 ādayo) mabhāsi, evaṃ tasmiṃyeva mahāsamaye ‘‘kiṃ nu kho purā sarīrabhedā kattabba’’nti uppannacittānaṃ devatānaṃ cittaṃ ñatvā tāsaṃ anuggahatthaṃ aḍḍhateḷasabhikkhusataparivāraṃ nimmitabuddhaṃ ākāsena ānetvā tena attānaṃ pucchāpetvā imaṃ suttamabhāsi.

    гат̇ам̣? б̣уд̣̇д̇хаа наама маханд̇аа зд̇з сад̇д̇ависзсаа, яам̣ сад̣̇звагасса логасса д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа на гин̃жи гад̇т̇ажи нийлаад̣̇ивасзна вибхад̇д̇аруубаарамман̣зсу вибхад̇д̇аруубаарамман̣ам̣ ваа, бхзрисад̣̇д̣̇аад̣̇ивасзна вибхад̇д̇асад̣̇д̣̇аарамман̣аад̣̇ийсу сад̣̇д̣̇аад̣̇иаарамман̣ам̣ ваа ад̇т̇и, яам̣ зд̇зсам̣ н̃аан̣амукз аабаат̇ам̣ нааг̇ажчад̇и. яат̇ааха – ‘‘яам̣, бхигкавз, сад̣̇звагасса логасса…бз… сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами д̇амахам̣ аб̣бхан̃н̃ааси’’нд̇и (а. ни. 4.24). звам̣ саб̣б̣ад̇т̇а аббадихад̇ан̃аан̣о бхаг̇аваа саб̣б̣ааби д̇аа д̣̇звад̇аа бхаб̣б̣аабхаб̣б̣авасзна д̣̇вз годтаасз агааси. ‘‘гаммааваран̣зна ваа саманнааг̇ад̇аа’’д̇иаад̣̇инаа (бу. ба. 12) хи наязна вуд̇д̇аа сад̇д̇аа абхаб̣б̣аа наама. д̇з згавихаарз васанд̇зби б̣уд̣̇д̇хаа на ологзнд̇и. вибарийд̇аа бана бхаб̣б̣аа наама. д̇з д̣̇уурз васанд̇зби г̇анд̇ваа сан̇г̇ан̣ханд̇и. д̇асмим̣ д̣̇звад̇аасаннибаад̇з яз абхаб̣б̣аа, д̇з бахааяа бхаб̣б̣з бариг̇г̇ахзси. бариг̇г̇ахзд̇ваа ‘‘зд̇д̇агаа зд̇т̇а рааг̇ажарид̇аа, зд̇д̇агаа д̣̇осаад̣̇ижарид̇аа’’д̇и жарияавасзна ча годтаасз агааси. ат̇а нзсам̣ саббааяад̇хаммад̣̇зсанам̣ убад̇хаарзнд̇о ‘‘рааг̇ажарид̇аанам̣ д̣̇зваанам̣ саммаабариб̣б̣ааж̇анийяасуд̇д̇ам̣ (су. ни. 361 аад̣̇аяо) гат̇зссаами, д̣̇осажарид̇аанам̣ галахавиваад̣̇асуд̇д̇ам̣ (су. ни. 868 аад̣̇аяо), мохажарид̇аанам̣ махааб̣яуухасуд̇д̇ам̣ (су. ни. 901 аад̣̇аяо), вид̇аггажарид̇аанам̣ жуул̣аб̣яуухасуд̇д̇ам̣ (су. ни. 884 аад̣̇аяо), сад̣̇д̇хаажарид̇аанам̣ д̇увадагасуд̇д̇ам̣ (су. ни. 921 аад̣̇аяо), б̣уд̣̇д̇хижарид̇аанам̣ бураабхзд̣̇асуд̇д̇ам̣ (су. ни. 854 аад̣̇аяо) гат̇зссаамий’’д̇и д̣̇зсанам̣ вавад̇т̇аабзд̇ваа буна д̇ам̣ барисам̣ манасаагааси ‘‘ад̇д̇аж̇жхаасаязна ну ко ж̇аанзяяа, бараж̇жхаасаязна, адтуббад̇д̇игзна, бужчаавасзнаа’’д̇и. д̇ад̇о ‘‘бужчаавасзна ж̇аанзяяаа’’д̇и н̃ад̇ваа ‘‘ад̇т̇и ну ко гожи д̣̇звад̇аанам̣ аж̇жхаасаяам̣ г̇ахзд̇ваа жарияавасзна бан̃хам̣ бужчид̇ум̣ самад̇т̇о’’д̇и ‘‘д̇зсу бан̃жасад̇зсу бхигкуусу згоби на саггод̇ий’’д̇и ад̣̇д̣̇аса. д̇ад̇о асийд̇имахаасаавагз, д̣̇вз аг̇г̇асаавагз жа саманнаахарид̇ваа ‘‘д̇зби на саггонд̇ий’’д̇и д̣̇исваа жинд̇зси – ‘‘сажз бажжзгаб̣уд̣̇д̇хо бхавзяяа, саггун̣зяяа ну ко’’д̇и. ‘‘соби на саггун̣зяяо’’д̇и н̃ад̇ваа ‘‘саггасуяаамаад̣̇ийсу гожи саггун̣зяяаа’’д̇и саманнаахари. сажз хи д̇зсу гожи саггун̣зяяа, д̇ам̣ бужчаабзд̇ваа ад̇д̇анаа виссаж̇ж̇зяяа. на бана д̇зсуби гожи саггод̇и. ат̇асса зд̇ад̣̇ахоси – ‘‘маад̣̇исо б̣уд̣̇д̇хоязва саггун̣зяяа, ад̇т̇и бана гад̇т̇ажи ан̃н̃о б̣уд̣̇д̇хо’’д̇и ананд̇аасу логад̇хаад̇уусу ананд̇ан̃аан̣ам̣ бад̇т̇арид̇ваа логам̣ ологзнд̇о на ан̃н̃ам̣ б̣уд̣̇д̇хам̣ ад̣̇д̣̇аса. анажчарияан̃жзд̇ам̣, ид̣̇аани ад̇д̇анаа самам̣ на бассзяяа, яо ж̇аад̇ад̣̇ивасзби б̣рахмаж̇аалаван̣н̣анааяам̣ (д̣̇ий. ни. адта. 1.7) вуд̇д̇анаязна ад̇д̇анаа самам̣ абассанд̇о ‘‘аг̇г̇охамасми логассаа’’д̇и (д̣̇ий. ни. 2.31) аббадивад̇д̇ияам̣ сийханаад̣̇ам̣ над̣̇и. звам̣ ан̃н̃ам̣ ад̇д̇анаа самам̣ абассид̇ваа жинд̇зси ‘‘сажз ахам̣ бужчид̇ваа ахамзва виссаж̇ж̇зяяам̣, звам̣ д̇аа д̣̇звад̇аа на сагкиссанд̇и бадивиж̇жхид̇ум̣. ан̃н̃асмим̣ бана б̣уд̣̇д̇хзязва бужчанд̇з маяи жа виссаж̇ж̇анд̇з ажчзрагам̣ бхависсад̇и, сагкиссанд̇и жа д̣̇звад̇аа бадивиж̇жхид̇ум̣, д̇асмаа ниммид̇аб̣уд̣̇д̇хам̣ маабзссаамий’’д̇и абхин̃н̃аабаад̣̇агам̣ жхаанам̣ самаабаж̇ж̇ид̇ваа вудтааяа ‘‘бад̇д̇ажийвараг̇г̇ахан̣ам̣ аалогид̇ам̣ вилогид̇ам̣ самин̃ж̇ид̇ам̣ басаарид̇ан̃жа мама сад̣̇исам̣язва ход̇уу’’д̇и гаамааважаражид̇д̇зхи баригаммам̣ гад̇ваа ‘‘баажийнаяуг̇анд̇харабаригкзбад̇о уллан̇гхаяамаанам̣ жанд̣̇аман̣д̣алам̣ бхинд̣̇ид̇ваа нигкаманд̇о вияа ааг̇ажчад̇уу’’д̇и руубааважаражид̇д̇зна ад̇хидтааси. д̣̇звасан̇гхо д̇ам̣ д̣̇исваа ‘‘ан̃н̃оби ну ко бхо, жанд̣̇о уг̇г̇ад̇о’’д̇и ааха. ат̇а жанд̣̇ам̣ охааяа аасаннад̇арз ж̇аад̇з ‘‘на жанд̣̇о, суурияо уг̇г̇ад̇о’’д̇и. буна аасаннад̇арз ж̇аад̇з ‘‘на суурияо, д̣̇звавимаанам̣ зд̇а’’нд̇и. буна аасаннад̇арз ж̇аад̇з ‘‘на д̣̇звавимаанам̣, д̣̇звабуд̇д̇о зсо’’д̇и. буна аасаннад̇арз ж̇аад̇з ‘‘на д̣̇звабуд̇д̇о, махааб̣рахмаа зсо’’д̇и. буна аасаннад̇арз ж̇аад̇з ‘‘на махааб̣рахмаа, абароби бхо б̣уд̣̇д̇хо ааг̇ад̇о’’д̇и ааха.

    Kathaṃ? Buddhā nāma mahantā ete sattavisesā, yaṃ sadevakassa lokassa diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā na kiñci katthaci nīlādivasena vibhattarūpārammaṇesu vibhattarūpārammaṇaṃ vā, bherisaddādivasena vibhattasaddārammaṇādīsu saddādiārammaṇaṃ vā atthi, yaṃ etesaṃ ñāṇamukhe āpāthaṃ nāgacchati. Yathāha – ‘‘yaṃ, bhikkhave, sadevakassa lokassa…pe… sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi tamahaṃ abbhaññāsi’’nti (a. ni. 4.24). Evaṃ sabbattha appaṭihatañāṇo bhagavā sabbāpi tā devatā bhabbābhabbavasena dve koṭṭhāse akāsi. ‘‘Kammāvaraṇena vā samannāgatā’’tiādinā (pu. pa. 12) hi nayena vuttā sattā abhabbā nāma. Te ekavihāre vasantepi buddhā na olokenti. Viparītā pana bhabbā nāma. Te dūre vasantepi gantvā saṅgaṇhanti. Tasmiṃ devatāsannipāte ye abhabbā, te pahāya bhabbe pariggahesi. Pariggahetvā ‘‘ettakā ettha rāgacaritā, ettakā dosādicaritā’’ti cariyavasena cha koṭṭhāse akāsi. Atha nesaṃ sappāyadhammadesanaṃ upadhārento ‘‘rāgacaritānaṃ devānaṃ sammāparibbājanīyasuttaṃ (su. ni. 361 ādayo) kathessāmi, dosacaritānaṃ kalahavivādasuttaṃ (su. ni. 868 ādayo), mohacaritānaṃ mahābyūhasuttaṃ (su. ni. 901 ādayo), vitakkacaritānaṃ cūḷabyūhasuttaṃ (su. ni. 884 ādayo), saddhācaritānaṃ tuvaṭakasuttaṃ (su. ni. 921 ādayo), buddhicaritānaṃ purābhedasuttaṃ (su. ni. 854 ādayo) kathessāmī’’ti desanaṃ vavatthāpetvā puna taṃ parisaṃ manasākāsi ‘‘attajjhāsayena nu kho jāneyya, parajjhāsayena, aṭṭhuppattikena, pucchāvasenā’’ti. Tato ‘‘pucchāvasena jāneyyā’’ti ñatvā ‘‘atthi nu kho koci devatānaṃ ajjhāsayaṃ gahetvā cariyavasena pañhaṃ pucchituṃ samattho’’ti ‘‘tesu pañcasatesu bhikkhūsu ekopi na sakkotī’’ti addasa. Tato asītimahāsāvake, dve aggasāvake ca samannāharitvā ‘‘tepi na sakkontī’’ti disvā cintesi – ‘‘sace paccekabuddho bhaveyya, sakkuṇeyya nu kho’’ti. ‘‘Sopi na sakkuṇeyyo’’ti ñatvā ‘‘sakkasuyāmādīsu koci sakkuṇeyyā’’ti samannāhari. Sace hi tesu koci sakkuṇeyya, taṃ pucchāpetvā attanā vissajjeyya. Na pana tesupi koci sakkoti. Athassa etadahosi – ‘‘mādiso buddhoyeva sakkuṇeyya, atthi pana katthaci añño buddho’’ti anantāsu lokadhātūsu anantañāṇaṃ pattharitvā lokaṃ olokento na aññaṃ buddhaṃ addasa. Anacchariyañcetaṃ, idāni attanā samaṃ na passeyya, yo jātadivasepi brahmajālavaṇṇanāyaṃ (dī. ni. aṭṭha. 1.7) vuttanayena attanā samaṃ apassanto ‘‘aggohamasmi lokassā’’ti (dī. ni. 2.31) appaṭivattiyaṃ sīhanādaṃ nadi. Evaṃ aññaṃ attanā samaṃ apassitvā cintesi ‘‘sace ahaṃ pucchitvā ahameva vissajjeyyaṃ, evaṃ tā devatā na sakkhissanti paṭivijjhituṃ. Aññasmiṃ pana buddheyeva pucchante mayi ca vissajjante accherakaṃ bhavissati, sakkhissanti ca devatā paṭivijjhituṃ, tasmā nimmitabuddhaṃ māpessāmī’’ti abhiññāpādakaṃ jhānaṃ samāpajjitvā vuṭṭhāya ‘‘pattacīvaraggahaṇaṃ ālokitaṃ vilokitaṃ samiñjitaṃ pasāritañca mama sadisaṃyeva hotū’’ti kāmāvacaracittehi parikammaṃ katvā ‘‘pācīnayugandharaparikkhepato ullaṅghayamānaṃ candamaṇḍalaṃ bhinditvā nikkhamanto viya āgacchatū’’ti rūpāvacaracittena adhiṭṭhāsi. Devasaṅgho taṃ disvā ‘‘aññopi nu kho bho, cando uggato’’ti āha. Atha candaṃ ohāya āsannatare jāte ‘‘na cando, sūriyo uggato’’ti. Puna āsannatare jāte ‘‘na sūriyo, devavimānaṃ eta’’nti. Puna āsannatare jāte ‘‘na devavimānaṃ, devaputto eso’’ti. Puna āsannatare jāte ‘‘na devaputto, mahābrahmā eso’’ti. Puna āsannatare jāte ‘‘na mahābrahmā, aparopi bho buddho āgato’’ti āha.

    д̇ад̇т̇а бут̇уж̇ж̇анад̣̇звад̇аа жинд̇аяим̣су – ‘‘згаб̣уд̣̇д̇хасса д̇аава аяам̣ д̣̇звад̇аасаннибаад̇о. д̣̇виннам̣ гийвамаханд̇о бхависсад̇ий’’д̇и. арияад̣̇звад̇аа жинд̇аяим̣су – ‘‘згиссаа логад̇хаад̇уяаа д̣̇вз б̣уд̣̇д̇хаа наама над̇т̇и, ад̣̇д̇хаа бхаг̇аваа ад̇д̇анаа сад̣̇исам̣ ан̃н̃ам̣ згам̣ б̣уд̣̇д̇хам̣ нимминий’’д̇и. ат̇асса д̣̇звасан̇гхасса бассанд̇ассзва ниммид̇аб̣уд̣̇д̇хо ааг̇анд̇ваа д̣̇асаб̣алам̣ аванд̣̇ид̇ваава саммукадтаанз самасамам̣ гад̇ваа маабид̇з аасанз нисийд̣̇и. бхаг̇авад̇о б̣аад̇д̇им̣самахаабурисалагкан̣аани, ниммид̇ассааби, бхаг̇авад̇о сарийраа чаб̣б̣ан̣н̣арасмияо нигкаманд̇и, ниммид̇ассааби, бхаг̇авад̇о сарийрарасмияо ниммид̇асарийрз бадихан̃н̃анд̇и, ниммид̇асса расмияо бхаг̇авад̇о гааяз бадихан̃н̃анд̇и. д̇аа д̣̇виннамби б̣уд̣̇д̇хаанам̣ сарийрад̇о уг̇г̇амма бхаваг̇г̇ам̣ аахажжа д̇ад̇о д̇ад̇о бадинивад̇д̇ид̇ваа д̣̇звад̇аанам̣ мад̇т̇агамад̇т̇агабарияанд̇зна од̇арид̇ваа жаггаваал̣амукаваддияам̣ бад̇идтахим̣су. сагалажаггаваал̣аг̇аб̣бхам̣ суван̣н̣амаяаван̇гаг̇обаанасивинад̣̇д̇хамива жзд̇ияагхарам̣ вирожид̇т̇а. д̣̇асасахассажаггаваал̣ад̣̇звад̇аа згажаггаваал̣з раасибхууд̇аа д̣̇виннам̣ б̣уд̣̇д̇хаанам̣ расмиаб̣бханд̇арам̣ бависид̇ваа адтам̣су. ниммид̇о нисийд̣̇анд̇оязва ‘‘гат̇ам̣д̣̇ассий гат̇ам̣сийло, убасанд̇од̇и вужжад̇ий’’д̇иаад̣̇инаа наязна ад̇хибан̃н̃аад̣̇игам̣ бужчанд̇о г̇аат̇амааха.

    Tattha puthujjanadevatā cintayiṃsu – ‘‘ekabuddhassa tāva ayaṃ devatāsannipāto. Dvinnaṃ kīvamahanto bhavissatī’’ti. Ariyadevatā cintayiṃsu – ‘‘ekissā lokadhātuyā dve buddhā nāma natthi, addhā bhagavā attanā sadisaṃ aññaṃ ekaṃ buddhaṃ nimminī’’ti. Athassa devasaṅghassa passantasseva nimmitabuddho āgantvā dasabalaṃ avanditvāva sammukhaṭṭhāne samasamaṃ katvā māpite āsane nisīdi. Bhagavato bāttiṃsamahāpurisalakkhaṇāni, nimmitassāpi, bhagavato sarīrā chabbaṇṇarasmiyo nikkhamanti, nimmitassāpi, bhagavato sarīrarasmiyo nimmitasarīre paṭihaññanti, nimmitassa rasmiyo bhagavato kāye paṭihaññanti. Tā dvinnampi buddhānaṃ sarīrato uggamma bhavaggaṃ āhacca tato tato paṭinivattitvā devatānaṃ matthakamatthakapariyantena otaritvā cakkavāḷamukhavaṭṭiyaṃ patiṭṭhahiṃsu. Sakalacakkavāḷagabbhaṃ suvaṇṇamayavaṅkagopānasivinaddhamiva cetiyagharaṃ virocittha. Dasasahassacakkavāḷadevatā ekacakkavāḷe rāsibhūtā dvinnaṃ buddhānaṃ rasmiabbhantaraṃ pavisitvā aṭṭhaṃsu. Nimmito nisīdantoyeva ‘‘kathaṃdassī kathaṃsīlo, upasantoti vuccatī’’tiādinā nayena adhipaññādikaṃ pucchanto gāthamāha.

    д̇ад̇т̇а бужчааяа д̇аава со ниммид̇о гат̇ам̣д̣̇ассийд̇и ад̇хибан̃н̃ам̣, гат̇ам̣сийлод̇и ад̇хисийлам̣, убасанд̇од̇и ад̇хижид̇д̇ам̣ бужчад̇и. сзсам̣ баагадамзва.

    Tattha pucchāya tāva so nimmito kathaṃdassīti adhipaññaṃ, kathaṃsīloti adhisīlaṃ, upasantoti adhicittaṃ pucchati. Sesaṃ pākaṭameva.

    ниммид̇аб̣уд̣̇д̇хаад̣̇ивибхааванад̇т̇ам̣ бздагз –

    Nimmitabuddhādivibhāvanatthaṃ peṭake –

    ‘‘убзд̇и д̇хаммам̣ барибужчамаано, гусалам̣ ад̇т̇убасан̃хид̇ам̣;

    ‘‘Upeti dhammaṃ paripucchamāno, kusalaṃ atthupasañhitaṃ;

    на ж̇ийвад̇и на ниб̣б̣уд̇о на мад̇о, д̇ам̣ буг̇г̇алам̣ гад̇амам̣ вад̣̇анд̇и б̣уд̣̇д̇хаа. (бари. 479);

    Na jīvati na nibbuto na mato, taṃ puggalaṃ katamaṃ vadanti buddhā. (pari. 479);

    ‘‘сам̣сааракийн̣о на жа ванд̇арааг̇о, на жааби сзгко на жа д̣̇идтад̇хаммо;

    ‘‘Saṃsārakhīṇo na ca vantarāgo, na cāpi sekkho na ca diṭṭhadhammo;

    акийн̣аасаво анд̇имад̣̇зхад̇хаарий, д̇ам̣ буг̇г̇алам̣ гад̇амам̣ вад̣̇анд̇и б̣уд̣̇д̇хаа.

    Akhīṇāsavo antimadehadhārī, taṃ puggalaṃ katamaṃ vadanti buddhā.

    ‘‘на д̣̇угкасажжзна саман̇г̇ибхууд̇о, на маг̇г̇асажжзна гуд̇о нирод̇хо;

    ‘‘Na dukkhasaccena samaṅgibhūto, na maggasaccena kuto nirodho;

    самуд̣̇аяасажжад̇о сувид̣̇ууравид̣̇ууро, д̇ам̣ буг̇г̇алам̣ гад̇амам̣ вад̣̇анд̇и б̣уд̣̇д̇хаа.

    Samudayasaccato suvidūravidūro, taṃ puggalaṃ katamaṃ vadanti buddhā.

    ‘‘ахзд̇уго ноби жа руубаниссид̇о, абажжаяо ноби жа со асан̇кад̇о;

    ‘‘Ahetuko nopi ca rūpanissito, apaccayo nopi ca so asaṅkhato;

    асан̇кад̇аарамман̣о ноби жа руубий, д̇ам̣ буг̇г̇алам̣ гад̇амам̣ вад̣̇анд̇и б̣уд̣̇д̇хаа’’д̇и. –

    Asaṅkhatārammaṇo nopi ca rūpī, taṃ puggalaṃ katamaṃ vadanti buddhā’’ti. –

    вуд̇д̇ам̣.

    Vuttaṃ.

    д̇ад̇т̇а батамаг̇аат̇аа ниммид̇аб̣уд̣̇д̇хам̣ санд̇хааяа, д̣̇уд̇ияаг̇аат̇аа бажчимабхавигаб̣од̇хисад̇д̇ам̣ санд̇хааяа, д̇ад̇ияаг̇аат̇аа арахад̇д̇апаладтам̣ санд̇хааяа, жад̇уд̇т̇аг̇аат̇аа аруубз ниб̣б̣аанабажжавзгкан̣аманод̣̇ваарабурзжааригажид̇д̇асаман̇г̇им̣ санд̇хааяа вуд̇д̇аад̇и н̃аад̇аб̣б̣аа. гийд̣̇исзна д̣̇ассанзнаад̇и гийд̣̇исавасзна д̣̇ассанзна. гим̣сан̣тид̇знаад̇и гим̣саригкзна. гим̣багаарзнаад̇и гим̣вид̇хзна. гим̣бадибхааг̇знаад̇и гим̣аагаарзна.

    Tattha paṭhamagāthā nimmitabuddhaṃ sandhāya, dutiyagāthā pacchimabhavikabodhisattaṃ sandhāya, tatiyagāthā arahattaphalaṭṭhaṃ sandhāya, catutthagāthā arūpe nibbānapaccavekkhaṇamanodvārapurecārikacittasamaṅgiṃ sandhāya vuttāti ñātabbā. Kīdisena dassanenāti kīdisavasena dassanena. Kiṃsaṇṭhitenāti kiṃsarikkhena. Kiṃpakārenāti kiṃvidhena. Kiṃpaṭibhāgenāti kiṃākārena.

    яам̣ бужчаамийд̇и яам̣ буг̇г̇алам̣ бужчаами, д̇ам̣ маяхам̣ вияаагарохи. яаажаамийд̇и ааяаажаами. аж̇жхзсаамийд̇и аан̣аабзми. басаад̣̇змийд̇и д̇ава санд̇аанз соманассам̣ уббаад̣̇зми. б̣руухийд̇и нид̣̇д̣̇зсасса уд̣̇д̣̇зсабад̣̇ам̣. аажигкаад̇и д̣̇зсзд̇аб̣б̣аанам̣ ‘‘имаани наамааний’’д̇и наамавасзна гат̇зхи. д̣̇зсзхийд̇и д̣̇ассзхи . бан̃н̃абзхийд̇и ж̇аанаабзхи. н̃аан̣амукавасзна хи аббанам̣ табзнд̇о ‘‘бан̃н̃абзхий’’д̇и вужжад̇и. бадтабзхийд̇и бан̃н̃аабзхи, бавад̇д̇аабзхийд̇и ад̇т̇о. н̃аан̣амукз табзхийд̇и ваа. вивараад̇и вивадам̣ гарохи, виварид̇ваа д̣̇ассзхийд̇и ад̇т̇о. вибхаж̇аад̇и вибхааг̇агирияааяа вибхаавзнд̇о д̣̇ассзхийд̇и ад̇т̇о. уд̇д̇аанийгарохийд̇и баагадабхаавам̣ гарохи.

    Yaṃ pucchāmīti yaṃ puggalaṃ pucchāmi, taṃ mayhaṃ viyākarohi. Yācāmīti āyācāmi. Ajjhesāmīti āṇāpemi. Pasādemīti tava santāne somanassaṃ uppādemi. Brūhīti niddesassa uddesapadaṃ. Ācikkhāti desetabbānaṃ ‘‘imāni nāmānī’’ti nāmavasena kathehi. Desehīti dassehi . Paññapehīti jānāpehi. Ñāṇamukhavasena hi appanaṃ ṭhapento ‘‘paññapehī’’ti vuccati. Paṭṭhapehīti paññāpehi, pavattāpehīti attho. Ñāṇamukhe ṭhapehīti vā. Vivarāti vivaṭaṃ karohi, vivaritvā dassehīti attho. Vibhajāti vibhāgakiriyāya vibhāvento dassehīti attho. Uttānīkarohīti pākaṭabhāvaṃ karohi.

    ат̇а ваа аажигкаад̇и д̣̇зсанаад̣̇ийнам̣ чаннам̣ бад̣̇аанам̣ муулабад̣̇ам̣. д̣̇зсанаад̣̇ийни ча бад̣̇аани зд̇асса ад̇т̇асса виваран̣ад̇т̇ам̣ вуд̇д̇аани. д̇ад̇т̇а д̣̇зсзхийд̇и уг̇гхадид̇ан̃н̃уунам̣ васзна сан̇кзбад̇о батамам̣ уд̣̇д̣̇зсавасзна д̣̇зсзхи. уг̇гхадид̇ан̃н̃уу хи сан̇кзбзна вуд̇д̇ам̣ батамам̣ вуд̇д̇ан̃жа бадивиж̇жханд̇и. бан̃н̃абзхийд̇и вибан̃жид̇ан̃н̃уунам̣ васзна д̇зсам̣ жид̇д̇ад̇осанзна б̣уд̣̇д̇хинисаанзна жа батамам̣ сам̣кид̇д̇асса вид̇т̇аарад̇о нид̣̇д̣̇зсавасзнзва бан̃н̃абзхи. бадтабзхийд̇и д̇зсам̣язва нид̣̇д̣̇идтасса нид̣̇д̣̇зсасса бадинид̣̇д̣̇зсавасзна вид̇т̇аарид̇авасзна табзд̇и бадтабзхи. вивараад̇и нид̣̇д̣̇идтассаби бунаббунам̣ важанзна вивараахи. вибхаж̇аад̇и бунаббунам̣ вуд̇д̇ассааби вибхааг̇агаран̣зна вибхаж̇аахи. уд̇д̇аанийгарохийд̇и вивадасса вид̇т̇аарад̇араважанзна вибхад̇д̇асса жа нид̣̇ассанаважанзна уд̇д̇ааним̣ гарохи. аяам̣ д̣̇зсанаа нзяяаанамби бадивзд̇хааяа ход̇ийд̇и.

    Atha vā ācikkhāti desanādīnaṃ channaṃ padānaṃ mūlapadaṃ. Desanādīni cha padāni etassa atthassa vivaraṇatthaṃ vuttāni. Tattha desehīti ugghaṭitaññūnaṃ vasena saṅkhepato paṭhamaṃ uddesavasena desehi. Ugghaṭitaññū hi saṅkhepena vuttaṃ paṭhamaṃ vuttañca paṭivijjhanti. Paññapehīti vipañcitaññūnaṃ vasena tesaṃ cittatosanena buddhinisānena ca paṭhamaṃ saṃkhittassa vitthārato niddesavaseneva paññapehi. Paṭṭhapehīti tesaṃyeva niddiṭṭhassa niddesassa paṭiniddesavasena vitthāritavasena ṭhapeti paṭṭhapehi. Vivarāti niddiṭṭhassapi punappunaṃ vacanena vivarāhi. Vibhajāti punappunaṃ vuttassāpi vibhāgakaraṇena vibhajāhi. Uttānīkarohīti vivaṭassa vitthārataravacanena vibhattassa ca nidassanavacanena uttāniṃ karohi. Ayaṃ desanā neyyānampi paṭivedhāya hotīti.

    84. виссаж̇ж̇анз бана бхаг̇аваа саруубзна ад̇хибан̃н̃аад̣̇ийни ависсаж̇ж̇зд̇ваава ад̇хибан̃н̃аад̣̇иббабхаавзна язсам̣ гилзсаанам̣ убасамаа ‘‘убасанд̇о’’д̇и вужжад̇и, наанаад̣̇звад̇аанам̣ аасаяаануломзна д̇зсам̣ убасамамзва д̣̇ийбзнд̇о ‘‘вийд̇ад̇ан̣хо’’д̇иаад̣̇игаа г̇аат̇ааяо абхааси. д̇ад̇т̇а аад̣̇ид̇о адтаннам̣ г̇аат̇аанам̣ ‘‘д̇ам̣ б̣рууми убасанд̇о’’д̇и имааяа г̇аат̇ааяа самб̣анд̇хо взд̣̇ид̇аб̣б̣о, д̇ад̇о бараасам̣ ‘‘са вз санд̇од̇и вужжад̇ий’’д̇и иминаа саб̣б̣абажчимзна бад̣̇зна.

    84. Vissajjane pana bhagavā sarūpena adhipaññādīni avissajjetvāva adhipaññādippabhāvena yesaṃ kilesānaṃ upasamā ‘‘upasanto’’ti vuccati, nānādevatānaṃ āsayānulomena tesaṃ upasamameva dīpento ‘‘vītataṇho’’tiādikā gāthāyo abhāsi. Tattha ādito aṭṭhannaṃ gāthānaṃ ‘‘taṃ brūmi upasanto’’ti imāya gāthāya sambandho veditabbo, tato parāsaṃ ‘‘sa ve santoti vuccatī’’ti iminā sabbapacchimena padena.

    анубад̣̇аван̣н̣анаанаяо – вийд̇ад̇ан̣хо бураабхзд̣̇аад̇и яо сарийрабхзд̣̇аа буб̣б̣амзва бахийнад̇ан̣хо. буб̣б̣аманд̇аманиссид̇од̇и ад̇ийд̇ад̣̇д̇хаад̣̇ибхзд̣̇ам̣ буб̣б̣аанд̇ам̣ аниссид̇о. взмаж̇жхз нубасан̇кзяяод̇и бажжуббаннзби ад̣̇д̇хани ‘‘рад̇д̇о’’д̇иаад̣̇инаа наязна на убасан̇каад̇аб̣б̣о . д̇асса над̇т̇и бурагкад̇анд̇и д̇асса арахад̇о д̣̇виннам̣ бурзгкаараанам̣ абхааваа анааг̇ад̇з ад̣̇д̇хани бурагкад̇амаби над̇т̇и, д̇ам̣ б̣рууми убасанд̇од̇и звамзд̇т̇а яож̇анаа взд̣̇ид̇аб̣б̣аа. зса наяо саб̣б̣ад̇т̇а.

    Anupadavaṇṇanānayo – vītataṇho purābhedāti yo sarīrabhedā pubbameva pahīnataṇho. Pubbamantamanissitoti atītaddhādibhedaṃ pubbaantaṃ anissito. Vemajjhe nupasaṅkheyyoti paccuppannepi addhani ‘‘ratto’’tiādinā nayena na upasaṅkhātabbo . Tassa natthi purakkhatanti tassa arahato dvinnaṃ purekkhārānaṃ abhāvā anāgate addhani purakkhatamapi natthi, taṃ brūmi upasantoti evamettha yojanā veditabbā. Esa nayo sabbattha.

    бураа гааяасса бхзд̣̇аад̇и гараж̇агааяасса бхзд̣̇ад̇о буб̣б̣зязва. ад̇д̇абхаавассаад̇и сагалад̇д̇абхаавасса. гал̣зварасса нигкзбаад̇и гал̣зварасса нигкзбад̇о сарийрасса табанад̇о. ж̇ийвид̇инд̣̇рияасса убажчзд̣̇аад̇и д̣̇увид̇хасса ж̇ийвид̇инд̣̇рияасса убажчзд̣̇ад̇о буб̣б̣амзва.

    Purā kāyassa bhedāti karajakāyassa bhedato pubbeyeva. Attabhāvassāti sakalattabhāvassa. Kaḷevarassa nikkhepāti kaḷevarassa nikkhepato sarīrassa ṭhapanato. Jīvitindriyassa upacchedāti duvidhassa jīvitindriyassa upacchedato pubbameva.

    буб̣б̣анд̇о вужжад̇и ад̇ийд̇о ад̣̇д̇хаад̇и буб̣б̣асан̇каад̇о анд̇о годтаасо ‘‘ад̇ийд̇о ад̣̇д̇хаад̇и, ад̇игганд̇о гаало’’д̇и гат̇ийяад̇и. ад̇ийд̇ам̣ ад̣̇д̇хаанам̣ аараб̣бхаад̇и ад̇ийд̇агаалам̣ бадижжа д̇ан̣хаа бахийнаа.

    Pubbanto vuccati atīto addhāti pubbasaṅkhāto anto koṭṭhāso ‘‘atīto addhāti, atikkanto kālo’’ti kathīyati. Atītaṃ addhānaṃ ārabbhāti atītakālaṃ paṭicca taṇhā pahīnā.

    абарамби бхад̣̇д̣̇згарад̇д̇абарияааяам̣ (ма. ни. 3.272 аад̣̇аяо) д̣̇ассзнд̇о ‘‘ат̇а ваа’’д̇иаад̣̇имааха. д̇ад̇т̇а звам̣руубо ахосинд̇и гаал̣оби самаано инд̣̇анийламан̣иван̣н̣о ахосинд̇и звам̣ манун̃н̃аруубавасзнзва звам̣руубо ахосим̣. гусаласукасоманассавзд̣̇анаавасзнзва звам̣взд̣̇ано. д̇ам̣ самбаяуд̇д̇аанам̣язва сан̃н̃аад̣̇ийнам̣ васзна звам̣сан̃н̃о. звам̣сан̇кааро. звам̣вин̃н̃аан̣о ахосим̣ ад̇ийд̇амад̣̇д̇хаананд̇и д̇ад̇т̇а нанд̣̇им̣ на саманнаанзд̇ийд̇и д̇зсу руубаад̣̇ийсу д̇ан̣хам̣ ваа д̇ан̣хаасамбаяуд̇д̇ад̣̇идтим̣ ваа наанубавад̇д̇аяад̇и. абарзна барияааязна махаагажжаанабхад̣̇д̣̇згарад̇д̇абарияааяам̣ д̣̇ассзнд̇о ‘‘ат̇а ваа ид̇и мз жагку ахосий’’д̇иаад̣̇имааха. д̇ад̇т̇а жагкууд̇и жагкубасаад̣̇о. руубаад̇и жад̇усамудтаанигаруубаа. иминаа наязна сзсааяад̇анааниби взд̣̇ид̇аб̣б̣аани. вин̃н̃аан̣анд̇и ниссаяавин̃н̃аан̣ам̣. на д̇ад̣̇абхинанд̣̇ад̇ийд̇и д̇ам̣ жагкун̃жзва руубан̃жа д̇ан̣хаад̣̇идтивасзна наабхинанд̣̇ад̇и. ид̇и мз мано ахоси ид̇и д̇хаммаад̇и зд̇т̇а бана манод̇и бхаван̇г̇ажид̇д̇ам̣. д̇хаммаад̇и д̇збхуумагад̇хаммаарамман̣ам̣. хасид̇алабид̇агийл̣ид̇аанийд̇и д̣̇анд̇авид̣̇ам̣сагахасид̇ан̃жа ваажаалабид̇ан̃жа гааяагийл̣аад̣̇игийл̣ид̇ан̃жаад̇и хасид̇алабид̇агийл̣ид̇аани. на д̇ад̣̇ассаад̣̇зд̇ийд̇и д̇аани хасид̇аад̣̇ийни наабхинанд̣̇ад̇и. на д̇ам̣ нигаамзд̇ийд̇и ганд̇ам̣ на гарод̇и. на жа д̇зна вид̇д̇им̣ аабаж̇ж̇ад̇ийд̇и д̇зна жа д̇удтим̣ на баабун̣аад̇и.

    Aparampi bhaddekarattapariyāyaṃ (ma. ni. 3.272 ādayo) dassento ‘‘atha vā’’tiādimāha. Tattha evaṃrūpo ahosinti kāḷopi samāno indanīlamaṇivaṇṇo ahosinti evaṃ manuññarūpavaseneva evaṃrūpo ahosiṃ. Kusalasukhasomanassavedanāvaseneva evaṃvedano. Taṃ sampayuttānaṃyeva saññādīnaṃ vasena evaṃsañño. Evaṃsaṅkhāro. Evaṃviññāṇo ahosiṃ atītamaddhānanti tattha nandiṃ na samannānetīti tesu rūpādīsu taṇhaṃ vā taṇhāsampayuttadiṭṭhiṃ vā nānupavattayati. Aparena pariyāyena mahākaccānabhaddekarattapariyāyaṃ dassento ‘‘atha vā iti me cakkhu ahosī’’tiādimāha. Tattha cakkhūti cakkhupasādo. Rūpāti catusamuṭṭhānikarūpā. Iminā nayena sesāyatanānipi veditabbāni. Viññāṇanti nissayaviññāṇaṃ. Na tadabhinandatīti taṃ cakkhuñceva rūpañca taṇhādiṭṭhivasena nābhinandati. Iti me mano ahosi iti dhammāti ettha pana manoti bhavaṅgacittaṃ. Dhammāti tebhūmakadhammārammaṇaṃ. Hasitalapitakīḷitānīti dantavidaṃsakahasitañca vācālapitañca kāyakīḷādikīḷitañcāti hasitalapitakīḷitāni. Na tadassādetīti tāni hasitādīni nābhinandati. Na taṃ nikāmetīti kantaṃ na karoti. Na ca tena vittiṃ āpajjatīti tena ca tuṭṭhiṃ na pāpuṇāti.

    д̇ам̣ д̇ам̣ бажжаяам̣ бадижжа уббаннод̇и бажжуббанно. рад̇д̇од̇и нубасан̇кзяяод̇и рааг̇зна рад̇д̇од̇и г̇ан̣анам̣ на убанзд̇аб̣б̣о. убариби зсзва наяо. зваруубо сияанд̇иаад̣̇ийсу бан̣ийд̇аманун̃н̃аруубаад̣̇ивасзнзва д̇ан̣хаад̣̇идтибавад̇д̇анасан̇каад̇аа нанд̣̇ий саманнаанаяанаа взд̣̇ид̇аб̣б̣аа. на бан̣ид̣̇ахад̇ийд̇и бад̇т̇анаавасзна на табзд̇и. аббан̣ид̇хаанабажжаяаад̇и на бад̇т̇анаатабанагааран̣зна.

    Taṃ taṃ paccayaṃ paṭicca uppannoti paccuppanno. Rattoti nupasaṅkheyyoti rāgena rattoti gaṇanaṃ na upanetabbo. Uparipi eseva nayo. Evarūpo siyantiādīsu paṇītamanuññarūpādivaseneva taṇhādiṭṭhipavattanasaṅkhātā nandī samannānayanā veditabbā. Na paṇidahatīti patthanāvasena na ṭhapeti. Appaṇidhānapaccayāti na patthanāṭhapanakāraṇena.

    85. асанд̇аасийд̇и д̇зна д̇зна алаабхад̇о асанд̇асанд̇о. авигад̇т̇ийд̇и сийлаад̣̇ийхи авигад̇т̇анасийло. агуггужод̇и хад̇т̇агуггужжаад̣̇ивирахид̇о. манд̇абхаан̣ийд̇и манд̇ааяа бариг̇г̇ахзд̇ваа ваажам̣ бхаасид̇аа. ануд̣̇д̇хад̇од̇и уд̣̇д̇хажжавирахид̇о. са вз ваажааяад̇од̇и со ваажааяа яад̇о сам̣яад̇о жад̇уд̣̇осавирахид̇ам̣ ваажам̣ бхаасид̇аа ход̇и.

    85.Asantāsīti tena tena alābhato asantasanto. Avikatthīti sīlādīhi avikatthanasīlo. Akukkucoti hatthakukkuccādivirahito. Mantabhāṇīti mantāya pariggahetvā vācaṃ bhāsitā. Anuddhatoti uddhaccavirahito. Sa ve vācāyatoti so vācāya yato saṃyato catudosavirahitaṃ vācaṃ bhāsitā hoti.

    аггод̇ханод̇и яан̃хи ко вуд̇д̇анд̇и ‘‘на год̇хано агод̇хано год̇хавирахид̇о’’д̇и яам̣ гат̇ид̇ам̣, д̇ам̣ батамам̣ д̇аава год̇хам̣ гат̇зд̇угаамо ‘‘абижа год̇хо д̇аава вад̇д̇аб̣б̣о’’д̇и ааха. год̇хо д̇аава вад̇д̇аб̣б̣од̇и батамам̣ год̇хо гат̇зд̇аб̣б̣о. д̣̇асахаагаарзхи год̇хо ж̇ааяад̇ийд̇и д̣̇асахи гааран̣зхи год̇хо уббаж̇ж̇ад̇и. анад̇т̇ам̣ мз ажарийд̇и авад̣дхим̣ мз агааси, иминаа убааязна саб̣б̣абад̣̇зсу ад̇т̇о взд̣̇ид̇аб̣б̣о. адтаанз ваа бана год̇хо ж̇ааяад̇ийд̇и агааран̣з год̇хо уббаж̇ж̇ад̇и. згажжо хи ‘‘д̣̇зво ад̇ивассад̇ий’’д̇и губбад̇и, ‘‘на вассад̇ий’’д̇и губбад̇и, ‘‘суурияо д̇аббад̇ий’’д̇и губбад̇и, ‘‘на д̇аббад̇ий’’д̇и губбад̇и, ваад̇з вааяанд̇зби губбад̇и, авааяанд̇зби губбад̇и, саммаж̇ж̇ид̇ум̣ асаггонд̇о б̣од̇хибан̣н̣аанам̣ губбад̇и, жийварам̣ баарубид̇ум̣ асаггонд̇о ваад̇асса губбад̇и, убагкалид̇ваа каан̣угасса губбад̇и. ид̣̇ам̣ санд̇хааяа вуд̇д̇ам̣ – ‘‘адтаанз ваа бана год̇хо ж̇ааяад̇ий’’д̇и. д̇ад̇т̇а хздтаа навасу таанзсу сад̇д̇з аараб̣бха уббаннад̇д̇аа гаммабат̇абхзд̣̇о ход̇и.

    Akkodhanoti yañhi kho vuttanti ‘‘na kodhano akodhano kodhavirahito’’ti yaṃ kathitaṃ, taṃ paṭhamaṃ tāva kodhaṃ kathetukāmo ‘‘apica kodho tāva vattabbo’’ti āha. Kodho tāva vattabboti paṭhamaṃ kodho kathetabbo. Dasahākārehi kodho jāyatīti dasahi kāraṇehi kodho uppajjati. Anatthaṃ me acarīti avaḍḍhiṃ me akāsi, iminā upāyena sabbapadesu attho veditabbo. Aṭṭhāne vā pana kodho jāyatīti akāraṇe kodho uppajjati. Ekacco hi ‘‘devo ativassatī’’ti kuppati, ‘‘na vassatī’’ti kuppati, ‘‘sūriyo tappatī’’ti kuppati, ‘‘na tappatī’’ti kuppati, vāte vāyantepi kuppati, avāyantepi kuppati, sammajjituṃ asakkonto bodhipaṇṇānaṃ kuppati, cīvaraṃ pārupituṃ asakkonto vātassa kuppati, upakkhalitvā khāṇukassa kuppati. Idaṃ sandhāya vuttaṃ – ‘‘aṭṭhāne vā pana kodho jāyatī’’ti. Tattha heṭṭhā navasu ṭhānesu satte ārabbha uppannattā kammapathabhedo hoti.

    адтаанагхаад̇о бана сан̇каарзсу уббанно гаммабат̇абхзд̣̇ам̣ на гарод̇и. жид̇д̇ам̣ аагхаад̇знд̇о уббаннод̇и жид̇д̇асса аагхаад̇о. д̇ад̇о б̣алавад̇аро бадигхаад̇о. бадихан̃н̃анавасзна бадигхам̣. бадивируж̇жхад̇ийд̇и бадивирод̇хо. губбанавасзна гобо. багобо самбагобод̇и убасаг̇г̇авасзна бад̣̇ам̣ вад̣дхид̇ам̣. д̣̇уссанавасзна д̣̇осо. бад̣̇осо самбад̣̇осод̇и убасаг̇г̇авасзна бад̣̇ам̣ вад̣дхид̇ам̣. жид̇д̇асса б̣яаабад̇д̇ийд̇и жид̇д̇асса вибаннад̇аа вибаривад̇д̇анаагааро. манам̣ бад̣̇уусаяамаано уббаж̇ж̇ад̇ийд̇и манобад̣̇осо. гуж̇жханавасзна год̇хо. гуж̇жханаагааро гуж̇жханаа. гуж̇жхид̇асса бхааво гуж̇жхид̇ад̇д̇ам̣. д̣̇уссад̇ийд̇и д̣̇осо. д̣̇уссанаад̇и д̣̇уссанаагааро. д̣̇уссид̇ад̇д̇анд̇и д̣̇уссид̇абхааво. багад̇ибхаававиж̇аханадтзна б̣яаабаж̇ж̇анам̣ б̣яаабад̇д̇и. б̣яаабаж̇ж̇анаад̇и б̣яаабаж̇ж̇анаагааро. вируж̇жхад̇ийд̇и вирод̇хо. бунаббунам̣ вируж̇жхад̇ийд̇и бадивирод̇хо. вируд̣̇д̇хаагаарабадивируд̣̇д̇хаагааравасзна ваа ид̣̇ам̣ вуд̇д̇ам̣. жан̣д̣иго вужжад̇и жан̣д̣о, т̇ад̣̇д̇хабуг̇г̇ало, д̇асса бхааво жан̣д̣иггам̣. на зд̇зна суробид̇ам̣ важанам̣ ход̇и, д̣̇уруд̇д̇ам̣ абарибун̣н̣амзва ход̇ийд̇и асуробо. гуд̣̇д̇хагаалз хи барибун̣н̣аважанам̣ наама над̇т̇и, сажзби гассажи ход̇и, д̇ам̣ аббамаан̣ам̣. абарз бана ‘‘ассуж̇ананадтзна ассуробанад̇о ассуробо’’д̇и вад̣̇анд̇и, д̇ам̣ агааран̣ам̣ соманассассааби ассуж̇ананад̇о. хздтаавуд̇д̇аад̇д̇аманад̇аабадибагкад̇о на ад̇д̇аманад̇аад̇и анад̇д̇аманад̇аа. саа бана яасмаа жид̇д̇ассзва, на сад̇д̇асса, д̇асмаа ‘‘жид̇д̇ассаа’’д̇и вуд̇д̇ам̣.

    Aṭṭhānaghāto pana saṅkhāresu uppanno kammapathabhedaṃ na karoti. Cittaṃ āghātento uppannoti cittassa āghāto. Tato balavataro paṭighāto. Paṭihaññanavasena paṭighaṃ. Paṭivirujjhatīti paṭivirodho. Kuppanavasena kopo. Pakopo sampakopoti upasaggavasena padaṃ vaḍḍhitaṃ. Dussanavasena doso. Padoso sampadosoti upasaggavasena padaṃ vaḍḍhitaṃ. Cittassabyāpattīti cittassa vipannatā viparivattanākāro. Manaṃ padūsayamāno uppajjatīti manopadoso. Kujjhanavasena kodho. Kujjhanākāro kujjhanā. Kujjhitassa bhāvo kujjhitattaṃ. Dussatīti doso. Dussanāti dussanākāro. Dussitattanti dussitabhāvo. Pakatibhāvavijahanaṭṭhena byāpajjanaṃ byāpatti. Byāpajjanāti byāpajjanākāro. Virujjhatīti virodho. Punappunaṃ virujjhatīti paṭivirodho. Viruddhākārapaṭiviruddhākāravasena vā idaṃ vuttaṃ. Caṇḍiko vuccati caṇḍo, thaddhapuggalo, tassa bhāvo caṇḍikkaṃ. Na etena suropitaṃ vacanaṃ hoti, duruttaṃ aparipuṇṇameva hotīti asuropo. Kuddhakāle hi paripuṇṇavacanaṃ nāma natthi, sacepi kassaci hoti, taṃ appamāṇaṃ. Apare pana ‘‘assujananaṭṭhena assuropanato assuropo’’ti vadanti, taṃ akāraṇaṃ somanassassāpi assujananato. Heṭṭhāvuttaattamanatāpaṭipakkhato na attamanatāti anattamanatā. Sā pana yasmā cittasseva, na sattassa, tasmā ‘‘cittassā’’ti vuttaṃ.

    ад̇химад̇д̇абарид̇д̇ад̇аа взд̣̇ид̇аб̣б̣аад̇и ад̇химад̇д̇абхааво барид̇д̇абхааво жа, б̣алавабхааво манд̣̇абхаавод̇и ад̇т̇о. ган̃жи гаалзд̇и згад̣̇аа. ‘‘ган̃жи гаала’’нд̇иби баато. жид̇д̇аавилагаран̣амад̇д̇о ход̇ийд̇и жид̇д̇асса аавилагаран̣аббамаан̣о, жид̇д̇агилидтагаран̣аббамаан̣од̇и ад̇т̇о. ‘‘жид̇д̇ааласагаран̣амад̇д̇о’’д̇иби баато, д̇ам̣ на сунд̣̇арам̣. д̇асса жид̇д̇агиламат̇агаран̣амад̇д̇од̇и ад̇т̇о. на жа д̇аава мукагулаанавигулаано ход̇ийд̇и мукасса сан̇гожанависан̇гожано на жа д̇аава ход̇и. на жа д̇аава ханусан̃жобано ход̇ийд̇и д̣̇виннам̣ хануунам̣ абараабарам̣ жалано на жа д̇аава ход̇и. на жа д̇аава парусаваажам̣ нижчааран̣о ход̇ийд̇и барзсам̣ маммажчзд̣̇агам̣ парусаваажам̣ мукад̇о нийхаран̣зна б̣ахи нигкамано на жа д̇аава ход̇и. на жа д̇аава д̣̇исаавид̣̇исаанувилогано ход̇ийд̇и барасса аб̣бхуггиран̣ад̇т̇ам̣ д̣̇ан̣д̣аад̣̇иад̇т̇ааяа д̣̇исан̃жа ануд̣̇исан̃жа бунаббунам̣ вилогано на жа д̇аава ход̇и.

    Adhimattaparittatā veditabbāti adhimattabhāvo parittabhāvo ca, balavabhāvo mandabhāvoti attho. Kañci kāleti ekadā. ‘‘Kañci kāla’’ntipi pāṭho. Cittāvilakaraṇamatto hotīti cittassa āvilakaraṇappamāṇo, cittakiliṭṭhakaraṇappamāṇoti attho. ‘‘Cittālasakaraṇamatto’’tipi pāṭho, taṃ na sundaraṃ. Tassa cittakilamathakaraṇamattoti attho. Na ca tāva mukhakulānavikulāno hotīti mukhassa saṅkocanavisaṅkocano na ca tāva hoti. Na ca tāva hanusañcopano hotīti dvinnaṃ hanūnaṃ aparāparaṃ calano na ca tāva hoti. Na ca tāva pharusavācaṃ nicchāraṇo hotīti paresaṃ mammacchedakaṃ pharusavācaṃ mukhato nīharaṇena bahi nikkhamano na ca tāva hoti. Na ca tāva disāvidisānuvilokano hotīti parassa abbhukkiraṇatthaṃ daṇḍādiatthāya disañca anudisañca punappunaṃ vilokano na ca tāva hoti.

    на жа д̇аава д̣̇ан̣д̣асад̇т̇абараамасано ход̇ийд̇и аагхаад̇анад̇т̇ам̣ д̣̇ан̣д̣ан̃жа згад̇од̇хаараад̣̇исад̇т̇ан̃жа аад̣̇ияано на жа д̇аава ход̇и. на жа д̇аава д̣̇ан̣д̣асад̇т̇ааб̣бхуггиран̣о ход̇ийд̇и вуд̇д̇аббагаарам̣ д̣̇ан̣д̣асад̇т̇ам̣ угкибид̇ваа бахаран̣о на жа д̇аава ход̇и. на жа д̇аава д̣̇ан̣д̣асад̇т̇аабхинибаад̇ано ход̇ийд̇и зд̇ам̣ д̣̇увид̇хам̣ барасса бахаран̣ад̇т̇ам̣ на жа д̇аава кибано ход̇и. на жа д̇аава чиннавижчиннагаран̣о ход̇ийд̇и д̣̇ан̣д̣асад̇т̇аад̣̇икибанзна барасарийрам̣ д̣̇вид̇хаагаран̣о жа вивид̇хаагаарзна ван̣агаран̣о жа на д̇аава ход̇и. ‘‘чид̣̇д̣̇авижчид̣̇д̣̇агаран̣о’’д̇иби баато. на жа д̇аава самбхан̃ж̇анабалибхан̃ж̇ано ход̇ийд̇и сарийрам̣ бхан̃ж̇ид̇ваа жун̣н̣авижун̣н̣агаран̣о на жа д̇аава ход̇и. на жа д̇аава ан̇г̇аман̇г̇аабагад̣дхано ход̇ийд̇и ан̇г̇абажжан̇г̇ам̣ самбаг̇г̇ахзд̇ваа абанзд̇ваа гад̣дхано на жа д̇аава ход̇и. на жа д̇аава ж̇ийвид̇аа воробано ход̇ийд̇и ж̇ийвид̇инд̣̇рияад̇о воробано на жа д̇аава ход̇и. на жа д̇аава саб̣б̣ажааг̇абарижжааг̇ааяа сан̣тид̇о ход̇ийд̇и саб̣б̣ам̣ барасса ж̇ийвид̇ам̣ наасзд̇ваа ад̇д̇ано ж̇ийвид̇анаасанад̇т̇ааяа сан̣тид̇о на жа д̇аава ход̇и. ид̣̇ам̣ вуд̇д̇ам̣ ход̇и – яад̣̇аа ан̃н̃ам̣ ж̇ийвид̇аа воробзд̇ваа ад̇д̇аанам̣ ж̇ийвид̇аа воробанад̇т̇ааяа тид̇о, д̇ад̣̇аа саб̣б̣ажааг̇абарижжааг̇аа наама ход̇и. вуд̇д̇ан̃хзд̇ам̣ бхаг̇авад̇аа –

    Na ca tāva daṇḍasatthaparāmasano hotīti āghātanatthaṃ daṇḍañca ekatodhārādisatthañca ādiyano na ca tāva hoti. Na ca tāva daṇḍasatthaabbhukkiraṇo hotīti vuttappakāraṃ daṇḍasatthaṃ ukkhipitvā paharaṇo na ca tāva hoti. Na ca tāvadaṇḍasatthaabhinipātano hotīti etaṃ duvidhaṃ parassa paharaṇatthaṃ na ca tāva khipano hoti. Na ca tāva chinnavicchinnakaraṇo hotīti daṇḍasatthādikhipanena parasarīraṃ dvidhākaraṇo ca vividhākārena vaṇakaraṇo ca na tāva hoti. ‘‘Chiddavicchiddakaraṇo’’tipi pāṭho. Na ca tāva sambhañjanapalibhañjano hotīti sarīraṃ bhañjitvā cuṇṇavicuṇṇakaraṇo na ca tāva hoti. Na ca tāva aṅgamaṅgaapakaḍḍhano hotīti aṅgapaccaṅgaṃ sampaggahetvā apanetvā kaḍḍhano na ca tāva hoti. Na ca tāva jīvitā voropano hotīti jīvitindriyato voropano na ca tāva hoti. Na ca tāva sabbacāgapariccāgāya saṇṭhito hotīti sabbaṃ parassa jīvitaṃ nāsetvā attano jīvitanāsanatthāya saṇṭhito na ca tāva hoti. Idaṃ vuttaṃ hoti – yadā aññaṃ jīvitā voropetvā attānaṃ jīvitā voropanatthāya ṭhito, tadā sabbacāgapariccāgā nāma hoti. Vuttañhetaṃ bhagavatā –

    ‘‘год̇хам̣ чзд̇ваа сукам̣ сзд̇и, год̇хам̣ чзд̇ваа на сожад̇и;

    ‘‘Kodhaṃ chetvā sukhaṃ seti, kodhaṃ chetvā na socati;

    год̇хасса висамууласса, мад̇хураг̇г̇асса б̣раахман̣а;

    Kodhassa visamūlassa, madhuraggassa brāhmaṇa;

    вад̇хам̣ арияаа басам̣санд̇и, д̇ан̃хи чзд̇ваа на сожад̇ий’’д̇и. (сам̣. ни. 1.187, 267);

    Vadhaṃ ariyā pasaṃsanti, tañhi chetvā na socatī’’ti. (saṃ. ni. 1.187, 267);

    яад̇од̇и яад̣̇аа. барабуг̇г̇алам̣ гхаадзд̇ваад̇и барабуг̇г̇алам̣ наасзд̇ваа. ад̇д̇аанам̣ гхаадзд̇ийд̇и ад̇д̇аанам̣ маарзд̇и. барамуссад̣̇аг̇ад̇од̇и ад̇иб̣алавабхаавам̣ г̇ад̇о. барамавзбуллаббад̇д̇од̇и ад̇ивибулабхаавам̣ бад̇д̇о. год̇хасса бахийнад̇д̇аад̇и анааг̇аамимаг̇г̇зна вуд̇д̇аббагаарасса год̇хасса бахийнабхаавзна. год̇хавад̇т̇усса барин̃н̃аад̇ад̇д̇аад̇и год̇хасса бад̇идтаабхууд̇асса гааран̣абхууд̇асса бияаабияаадтаанасан̇каад̇асса вад̇т̇усса н̃аад̇ад̇ийран̣абарин̃н̃аахи б̣яаабзд̇ваа н̃аад̇абхаавзна. год̇хахзд̇усса убажчиннад̇д̇аад̇и год̇хасса ж̇анагахзд̇уно д̣̇оманассасахаг̇ад̇ажид̇д̇уббаад̣̇асса ужчиннабхаавзна.

    Yatoti yadā. Parapuggalaṃ ghāṭetvāti parapuggalaṃ nāsetvā. Attānaṃ ghāṭetīti attānaṃ māreti. Paramussadagatoti atibalavabhāvaṃ gato. Paramavepullappattoti ativipulabhāvaṃ patto. Kodhassa pahīnattāti anāgāmimaggena vuttappakārassa kodhassa pahīnabhāvena. Kodhavatthussa pariññātattāti kodhassa patiṭṭhābhūtassa kāraṇabhūtassa piyāpiyaaṭṭhānasaṅkhātassa vatthussa ñātatīraṇapariññāhi byāpetvā ñātabhāvena. Kodhahetussa upacchinnattāti kodhassa janakahetuno domanassasahagatacittuppādassa ucchinnabhāvena.

    д̇аасийд̇и бхааяанасийло ход̇и. уд̇д̇аасийд̇и ад̇ибхааяанасийло. барид̇д̇аасийд̇и саманд̇ад̇о бхааяанасийло. бхааяад̇ийд̇и бхаяам̣ уббаж̇ж̇ад̇и. санд̇аасам̣ аабаж̇ж̇ад̇ийд̇и вируубабхаавам̣ баабун̣аад̇и. гад̇т̇ий ход̇ийд̇и ад̇д̇ано ван̣н̣абхан̣анасийло ход̇и. вигад̇т̇ийд̇и вивид̇хаа наанаббагаарад̇о ван̣н̣абхан̣анасийло. ж̇аад̇ияаа ваад̇и кад̇д̇ияабхааваад̣̇иж̇аад̇исамбад̇д̇ияаа ваа. г̇од̇д̇зна ваад̇и г̇од̇амаг̇од̇д̇аад̣̇инаа уггадтаг̇од̇д̇зна ваа. голабуд̇д̇иязна ваад̇и махаагулабхаавзна ваа. ван̣н̣абогкарад̇ааяа ваад̇и ван̣н̣асамбаннасарийрад̇ааяа ваа. сарийран̃хи ‘‘богкара’’нд̇и вужжад̇и, д̇асса ван̣н̣асамбад̇д̇ияаа абхируубабхаавзнаад̇и ад̇т̇о. д̇ханзна ваад̇иаад̣̇ийни уд̇д̇аанад̇т̇аанзва.

    Tāsīti bhāyanasīlo hoti. Uttāsīti atibhāyanasīlo. Parittāsīti samantato bhāyanasīlo. Bhāyatīti bhayaṃ uppajjati. Santāsaṃ āpajjatīti virūpabhāvaṃ pāpuṇāti. Katthīhotīti attano vaṇṇabhaṇanasīlo hoti. Vikatthīti vividhā nānappakārato vaṇṇabhaṇanasīlo. Jātiyā vāti khattiyabhāvādijātisampattiyā vā. Gottena vāti gotamagottādinā ukkaṭṭhagottena vā. Kolaputtiyena vāti mahākulabhāvena vā. Vaṇṇapokkharatāya vāti vaṇṇasampannasarīratāya vā. Sarīrañhi ‘‘pokkhara’’nti vuccati, tassa vaṇṇasampattiyā abhirūpabhāvenāti attho. Dhanena vātiādīni uttānatthāneva.

    гуггужжанд̇и нид̣̇д̣̇зсасса уд̣̇д̣̇зсабад̣̇ам̣. д̇ад̇т̇а гуггужжанд̇и гужчид̇ам̣ гад̇ам̣ гугад̇ам̣, д̇асса бхааво гуггужжам̣. д̇ам̣ бажчаануд̇аабалагкан̣ам̣, гад̇аагад̇аанусожанарасам̣, виббадисаарабажжубадтаанам̣, гад̇аагад̇абад̣̇адтаанам̣, д̣̇аасаб̣яам̣ вияа д̣̇адтаб̣б̣ам̣. хад̇т̇агуггужжамбийд̇и хад̇т̇зхи гужчид̇ам̣ гад̇ам̣ гугад̇ам̣, д̇асса бхааво хад̇т̇агуггужжам̣. баад̣̇агуггужжаад̣̇ийсуби зсзва наяо.

    Kukkuccanti niddesassa uddesapadaṃ. Tattha kukkuccanti kucchitaṃ kataṃ kukataṃ, tassa bhāvo kukkuccaṃ. Taṃ pacchānutāpalakkhaṇaṃ, katākatānusocanarasaṃ, vippaṭisārapaccupaṭṭhānaṃ, katākatapadaṭṭhānaṃ, dāsabyaṃ viya daṭṭhabbaṃ. Hatthakukkuccampīti hatthehi kucchitaṃ kataṃ kukataṃ, tassa bhāvo hatthakukkuccaṃ. Pādakukkuccādīsupi eseva nayo.

    агаббияз габбияасан̃н̃ид̇аад̇и ажчамам̣сам̣ суугарамам̣санд̇и каад̣̇ад̇и, д̣̇ийбимам̣сам̣ миг̇амам̣санд̇и каад̣̇ад̇и, агаббияабхож̇анам̣ габбияабхож̇ананд̇и бхун̃ж̇ад̇и, вигаалз гааласан̃н̃ид̇ааяа бхун̃ж̇ад̇и, агаббияабаанагам̣ габбияабаанаганд̇и бивад̇и. аяам̣ агаббияз габбияасан̃н̃ид̇аа. габбияз агаббияасан̃н̃ид̇аад̇и суугарамам̣сам̣ ажчамам̣санд̇и каад̣̇ад̇и, миг̇амам̣сам̣ д̣̇ийбимам̣санд̇и каад̣̇ад̇и, габбияабхож̇анам̣ агаббияабхож̇ананд̇и бхун̃ж̇ад̇и, гаалз вигааласан̃н̃ид̇ааяа бхун̃ж̇ад̇и, габбияабаанагам̣ агаббияабаанаганд̇и бивад̇и. аяам̣ габбияз агаббияасан̃н̃ид̇аа. аваж̇ж̇з важ̇ж̇асан̃н̃ид̇аад̇и нид̣̇д̣̇осз д̣̇осасан̃н̃ид̇аа. важ̇ж̇з аваж̇ж̇асан̃н̃ид̇аад̇и сад̣̇осз нид̣̇д̣̇осасан̃н̃ид̇аа. гуггужжааяанаад̇и гуггужжааяанаагааро. гуггужжааяид̇ад̇д̇анд̇и гуггужжааяид̇абхааво. жзд̇асо виббадисаарод̇и жид̇д̇асса вируубо бадисаран̣абхааво. мановилзкод̇и жид̇д̇асса вилзко.

    Akappiyekappiyasaññitāti acchamaṃsaṃ sūkaramaṃsanti khādati, dīpimaṃsaṃ migamaṃsanti khādati, akappiyabhojanaṃ kappiyabhojananti bhuñjati, vikāle kālasaññitāya bhuñjati, akappiyapānakaṃ kappiyapānakanti pivati. Ayaṃ akappiye kappiyasaññitā. Kappiye akappiyasaññitāti sūkaramaṃsaṃ acchamaṃsanti khādati, migamaṃsaṃ dīpimaṃsanti khādati, kappiyabhojanaṃ akappiyabhojananti bhuñjati, kāle vikālasaññitāya bhuñjati, kappiyapānakaṃ akappiyapānakanti pivati. Ayaṃ kappiye akappiyasaññitā. Avajje vajjasaññitāti niddose dosasaññitā. Vajje avajjasaññitāti sadose niddosasaññitā. Kukkuccāyanāti kukkuccāyanākāro. Kukkuccāyitattanti kukkuccāyitabhāvo. Cetaso vippaṭisāroti cittassa virūpo paṭisaraṇabhāvo. Manovilekhoti cittassa vilekho.

    гад̇ад̇д̇аа жа агад̇ад̇д̇аа жаад̇и гааяад̣̇ужжарид̇аад̣̇ийнам̣ гад̇абхаавзна жа гааяасужарид̇аад̣̇ийнам̣ агад̇абхаавзна жа. гад̇ам̣ мз гааяад̣̇ужжарид̇анд̇и маяаа гааязна гилзсабууд̇игад̇д̇аа д̣̇удту жарид̇ам̣ гааязна гад̇ам̣. агад̇ам̣ мз гааяасужарид̇анд̇и маяаа гааязна судту жарид̇ам̣ на гад̇ам̣. важийд̣̇ужжарид̇аважийсужарид̇аад̣̇ийсуби зсзва наяо нирод̇хабарияосаанзсу .

    Katattā ca akatattā cāti kāyaduccaritādīnaṃ katabhāvena ca kāyasucaritādīnaṃ akatabhāvena ca. Kataṃ me kāyaduccaritanti mayā kāyena kilesapūtikattā duṭṭhu caritaṃ kāyena kataṃ. Akataṃ me kāyasucaritanti mayā kāyena suṭṭhu caritaṃ na kataṃ. Vacīduccaritavacīsucaritādīsupi eseva nayo nirodhapariyosānesu .

    жид̇д̇ассаад̇и на сад̇д̇асса на босасса. уд̣̇д̇хажжанд̇и уд̣̇д̇хад̇аагааро. авуубасамод̇и на вуубасамо. жзд̇о вигкибад̇ийд̇и жзд̇асо вигкзбо, бханд̇ад̇д̇ам̣ жид̇д̇ассаад̇и жид̇д̇асса бханд̇абхааво бханд̇аяаанабханд̇аг̇он̣аад̣̇ийнам̣ вияа. иминаа згаарамман̣асмим̣язва вибпанд̣̇анам̣ гат̇ид̇ам̣. уд̣̇д̇хажжан̃хи згаарамман̣з вибпанд̣̇ад̇и, вижигижчаа наанаарамман̣зд̇и. ид̣̇ам̣ вужжад̇и уд̣̇д̇хажжанд̇и аяам̣ уд̣̇д̇хад̇абхааво гат̇ийяад̇и.

    Cittassāti na sattassa na posassa. Uddhaccanti uddhatākāro. Avūpasamoti na vūpasamo. Ceto vikkhipatīti cetaso vikkhepo, bhantattaṃ cittassāti cittassa bhantabhāvo bhantayānabhantagoṇādīnaṃ viya. Iminā ekārammaṇasmiṃyeva vipphandanaṃ kathitaṃ. Uddhaccañhi ekārammaṇe vipphandati, vicikicchā nānārammaṇeti. Idaṃ vuccati uddhaccanti ayaṃ uddhatabhāvo kathīyati.

    мусааваад̣̇ам̣ бахааяаад̇и зд̇т̇а мусаад̇и висам̣ваад̣̇анабурзгкаарасса ад̇т̇абхан̃ж̇аго важийбаяог̇о гааяабаяог̇о ваа. висам̣ваад̣̇анаад̇хиббааязна банасса барависам̣ваад̣̇агагааяаважийбаяог̇асамудтаабигаа жзд̇анаа мусааваад̣̇о.

    Musāvādaṃ pahāyāti ettha musāti visaṃvādanapurekkhārassa atthabhañjako vacīpayogo kāyapayogo vā. Visaṃvādanādhippāyena panassa paravisaṃvādakakāyavacīpayogasamuṭṭhāpikā cetanā musāvādo.

    абаро наяо – мусаад̇и абхууд̇ам̣ ад̇ажчам̣ вад̇т̇у. ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣. лагкан̣ад̇о бана ад̇ат̇ам̣ вад̇т̇ум̣ д̇ат̇ад̇о барам̣ вин̃н̃аабзд̇угаамасса д̇ат̇аавин̃н̃ад̇д̇исамудтаабигаа жзд̇анаа мусааваад̣̇о, д̇ам̣ мусааваад̣̇ам̣. бахааяаад̇и имам̣ мусааваад̣̇ажзд̇анаасан̇каад̇ам̣ д̣̇уссийляам̣ баж̇ахид̇ваа . бадивирад̇од̇и бахийнагаалад̇о бадтааяа д̇ад̇о д̣̇уссийляад̇о орад̇о вирад̇ова. над̇т̇и д̇асса вийд̇иггамиссаамийд̇и жагкусод̇авин̃н̃зяяаа д̇хаммаа, баг̇зва гааяавин̃н̃зяяаад̇и иминаа наязна ан̃н̃зсуби зваруубзсу бад̣̇зсу ад̇т̇о взд̣̇ид̇аб̣б̣о.

    Aparo nayo – musāti abhūtaṃ atacchaṃ vatthu. Vādoti tassa bhūtato tacchato viññāpanaṃ. Lakkhaṇato pana atathaṃ vatthuṃ tathato paraṃ viññāpetukāmassa tathāviññattisamuṭṭhāpikā cetanā musāvādo, taṃ musāvādaṃ. Pahāyāti imaṃ musāvādacetanāsaṅkhātaṃ dussīlyaṃ pajahitvā . Paṭiviratoti pahīnakālato paṭṭhāya tato dussīlyato orato viratova. Natthi tassa vītikkamissāmīti cakkhusotaviññeyyā dhammā, pageva kāyaviññeyyāti iminā nayena aññesupi evarūpesu padesu attho veditabbo.

    сажжам̣ вад̣̇ад̇ийд̇и сажжаваад̣̇ий. сажжзна сажжам̣ санд̣̇ахад̇и гхадзд̇ийд̇и сажжасанд̇хо, на анд̇аранд̇араа мусаа вад̣̇ад̇ийд̇и ад̇т̇о. яо хи бурисо гад̣̇аажи мусаа вад̣̇ад̇и, гад̣̇аажи сажжам̣, д̇асса мусааваад̣̇зна анд̇арид̇ад̇д̇аа сажжам̣ сажжзна на гхадияад̇и, д̇асмаа со на сажжасанд̇хо, аяам̣ бана на д̇аад̣̇исо, ж̇ийвид̇ахзд̇уби мусаа авад̇ваа сажжзна сажжам̣ санд̣̇ахад̇иязваад̇и сажжасанд̇хо.

    Saccaṃ vadatīti saccavādī. Saccena saccaṃ sandahati ghaṭetīti saccasandho, na antarantarā musā vadatīti attho. Yo hi puriso kadāci musā vadati, kadāci saccaṃ, tassa musāvādena antaritattā saccaṃ saccena na ghaṭiyati, tasmā so na saccasandho, ayaṃ pana na tādiso, jīvitahetupi musā avatvā saccena saccaṃ sandahatiyevāti saccasandho.

    т̇зд̇од̇и т̇иро, т̇ирагат̇од̇и ад̇т̇о. зго хи буг̇г̇ало халид̣̇д̣̇ирааг̇о вияа, т̇усараасимхи никаад̇акаан̣у вияа, ассабидтз табид̇агумбхан̣д̣амива жа на т̇ирагат̇о ход̇и, зго баасаан̣алзкаа вияа, инд̣̇акийлаа вияа жа т̇ирагат̇о ход̇и, асинаа сийсам̣ чинд̣̇анд̇зби д̣̇вз гат̇аа на гат̇зд̇и, аяам̣ вужжад̇и т̇зд̇о.

    Thetoti thiro, thirakathoti attho. Eko hi puggalo haliddirāgo viya, thusarāsimhi nikhātakhāṇu viya, assapiṭṭhe ṭhapitakumbhaṇḍamiva ca na thirakatho hoti, eko pāsāṇalekhā viya, indakhīlā viya ca thirakatho hoti, asinā sīsaṃ chindantepi dve kathā na katheti, ayaṃ vuccati theto.

    бажжаяигод̇и бад̇д̇ияааяид̇аб̣б̣аго, сад̣̇д̇хааяид̇аб̣б̣агод̇и ад̇т̇о. згажжо хи буг̇г̇ало на бажжаяиго ход̇и, ‘‘ид̣̇ам̣ гзна вуд̇д̇ам̣, асугзнаа’’д̇и вуд̇д̇з ‘‘маа д̇асса важанам̣ сад̣̇д̣̇ахат̇аа’’д̇и вад̇д̇аб̣б̣ад̇ам̣ аабаж̇ж̇ад̇и. зго бажжаяиго ход̇и, ‘‘ид̣̇ам̣ гзна вуд̇д̇ам̣, асугзнаа’’д̇и вуд̇д̇з ‘‘яад̣̇и д̇зна вуд̇д̇ам̣, ид̣̇амзва бамаан̣ам̣, ид̣̇аани убабаригкид̇аб̣б̣ам̣ над̇т̇и, звамзва ид̣̇а’’нд̇и вад̇д̇аб̣б̣ад̇ам̣ аабаж̇ж̇ад̇и, аяам̣ вужжад̇и бажжаяиго.

    Paccayikoti pattiyāyitabbako, saddhāyitabbakoti attho. Ekacco hi puggalo na paccayiko hoti, ‘‘idaṃ kena vuttaṃ, asukenā’’ti vutte ‘‘mā tassa vacanaṃ saddahathā’’ti vattabbataṃ āpajjati. Eko paccayiko hoti, ‘‘idaṃ kena vuttaṃ, asukenā’’ti vutte ‘‘yadi tena vuttaṃ, idameva pamāṇaṃ, idāni upaparikkhitabbaṃ natthi, evameva ida’’nti vattabbataṃ āpajjati, ayaṃ vuccati paccayiko.

    ависам̣ваад̣̇аго логассаад̇и д̇ааяа сажжаваад̣̇ид̇ааяа логам̣ на висам̣ваад̣̇зд̇ийд̇и ад̇т̇о.

    Avisaṃvādako lokassāti tāya saccavāditāya lokaṃ na visaṃvādetīti attho.

    бисун̣ам̣ ваажам̣ бахааяаад̇иаад̣̇ийсу яааяа ваажааяа яасса д̇ам̣ ваажам̣ бхаасад̇и, д̇асса хад̣̇аяз ад̇д̇ано бияабхаавам̣ барасса жа сун̃н̃абхаавам̣ гарод̇и, саа бисун̣аа ваажаа. яааяа бана ад̇д̇аанамби барамби парусам̣ гарод̇и, яаа ваажаа саяамби парусаа, нзва ган̣н̣асукаа на хад̣̇аяан̇г̇амаа, аяам̣ парусаа ваажаа. язна сампам̣ балабад̇и нирад̇т̇агам̣, со сампаббалаабо. яаа д̇зсам̣ муулабхууд̇аа жзд̇анааби бисун̣аваажаад̣̇инаамамзва лабхад̇и, саа зва жа ид̇ха ад̇хиббзд̇аа.

    Pisuṇaṃ vācaṃ pahāyātiādīsu yāya vācāya yassa taṃ vācaṃ bhāsati, tassa hadaye attano piyabhāvaṃ parassa ca suññabhāvaṃ karoti, sā pisuṇā vācā. Yāya pana attānampi parampi pharusaṃ karoti, yā vācā sayampi pharusā, neva kaṇṇasukhā na hadayaṅgamā, ayaṃ pharusā vācā. Yena samphaṃ palapati niratthakaṃ, so samphappalāpo. Yā tesaṃ mūlabhūtā cetanāpi pisuṇavācādināmameva labhati, sā eva ca idha adhippetā.

    имзсам̣ бхзд̣̇ааяаад̇и язсам̣ ид̇о вуд̇д̇аанам̣ санд̇игз суд̇ам̣, д̇зсам̣ бхзд̣̇ааяа. бхиннаанам̣ ваа санд̇хаад̇аад̇и д̣̇виннам̣ мид̇д̇аанам̣ ваа самаанубаж̇жхааяагаад̣̇ийнам̣ ваа гзнажид̣̇зва гааран̣зна бхиннаанам̣ згамзгам̣ убасан̇гамид̇ваа ‘‘д̇умхаагам̣ ийд̣̇исз гулз ж̇аад̇аанам̣ звам̣ б̣ахуссуд̇аанам̣ ид̣̇ам̣ на яуд̇д̇а’’нд̇иаад̣̇ийни вад̇ваа санд̇хаанам̣ гад̇д̇аа анугад̇д̇аа.

    Imesaṃbhedāyāti yesaṃ ito vuttānaṃ santike sutaṃ, tesaṃ bhedāya. Bhinnānaṃ vā sandhātāti dvinnaṃ mittānaṃ vā samānupajjhāyakādīnaṃ vā kenacideva kāraṇena bhinnānaṃ ekamekaṃ upasaṅkamitvā ‘‘tumhākaṃ īdise kule jātānaṃ evaṃ bahussutānaṃ idaṃ na yutta’’ntiādīni vatvā sandhānaṃ kattā anukattā.

    ануббад̣̇аад̇аад̇и санд̇хаанаануббад̣̇аад̇аа. д̣̇вз ж̇анз самаг̇г̇з д̣̇исваа ‘‘д̇умхаагам̣ зваруубз гулз ж̇аад̇аанам̣ зваруубзхи г̇ун̣зхи саманнааг̇ад̇аанам̣ анужчавигамзд̇а’’нд̇иаад̣̇ийни вад̇ваа д̣̇ал̣хийгаммам̣ гад̇д̇аад̇и ад̇т̇о. самаг̇г̇о аараамо ассаад̇и самаг̇г̇аараамо, яад̇т̇а самаг̇г̇аа над̇т̇и, д̇ад̇т̇а васид̇умби на ижчад̇ийд̇и ад̇т̇о. ‘‘самаг̇г̇араамо’’д̇иби баал̣и, аяамзвзд̇т̇а ад̇т̇о. самаг̇г̇арад̇од̇и самаг̇г̇зсу рад̇о, д̇з бахааяа ан̃н̃ад̇ра г̇анд̇умби на ижчад̇ийд̇и ад̇т̇о. самаг̇г̇з д̣̇исвааби суд̇вааби нанд̣̇ад̇ийд̇и самаг̇г̇ананд̣̇ий. самаг̇г̇агаран̣им̣ ваажам̣ бхаасид̇аад̇и яаа ваажаа сад̇д̇з самаг̇г̇зязва гарод̇и, д̇ам̣ саамаг̇г̇иг̇ун̣абарид̣̇ийбигамзва ваажам̣ бхаасад̇и, на ид̇аранд̇и.

    Anuppadātāti sandhānānuppadātā. Dve jane samagge disvā ‘‘tumhākaṃ evarūpe kule jātānaṃ evarūpehi guṇehi samannāgatānaṃ anucchavikameta’’ntiādīni vatvā daḷhīkammaṃ kattāti attho. Samaggo ārāmo assāti samaggārāmo, yattha samaggā natthi, tattha vasitumpi na icchatīti attho. ‘‘Samaggarāmo’’tipi pāḷi, ayamevettha attho. Samaggaratoti samaggesu rato, te pahāya aññatra gantumpi na icchatīti attho. Samagge disvāpi sutvāpi nandatīti samagganandī. Samaggakaraṇiṃ vācaṃ bhāsitāti yā vācā satte samaggeyeva karoti, taṃ sāmaggiguṇaparidīpikameva vācaṃ bhāsati, na itaranti.

    барасса маммажчзд̣̇агагааяаважийбаяог̇асамудтаабигаа зганд̇апарусажзд̇анаа парусаа ваажаа, нзлаад̇и злам̣ вужжад̇и д̣̇осо, нассаа зланд̇и нзлаа, нид̣̇д̣̇осаад̇и ад̇т̇о ‘‘нзлан̇г̇о сзд̇абажчаад̣̇о’’д̇и зд̇т̇а (уд̣̇аа. 65; бздаго. 25) вуд̇д̇анзлам̣ вияа. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа, сууживиж̇жханам̣ вияа ган̣н̣асуулам̣ на ж̇анзд̇и. ад̇т̇амад̇хурад̇ааяа сагаласарийрз гобам̣ аж̇анзд̇ваа бзмам̣ ж̇анзд̇ийд̇и бзманийяаа. хад̣̇аяам̣ г̇ажчад̇и абадихан̃н̃амаанаа сукзна жид̇д̇ам̣ бависад̇ийд̇и хад̣̇аяан̇г̇амаа. г̇ун̣абарибун̣н̣ад̇ааяа бурз бхаваад̇и борий, бурз сам̣вад̣дханаарий вияа сугумаараад̇иби борий, бурасса зсаад̇иби борий, наг̇араваасийнам̣ гат̇аад̇и ад̇т̇о. наг̇араваасино хи яуд̇д̇агат̇аа хонд̇и, бид̇имад̇д̇ам̣ бид̇аад̇и бхаад̇имад̇д̇ам̣ бхаад̇аад̇и вад̣̇анд̇и. зваруубий гат̇аа б̣ахуно ж̇анасса ганд̇аа ход̇ийд̇и б̣ахуж̇анаганд̇аа. ганд̇абхаавзнзва б̣ахуно ж̇анасса манаабаа жид̇д̇авуд̣дхигараад̇и б̣ахуж̇анаманаабаа.

    Parassa mammacchedakakāyavacīpayogasamuṭṭhāpikā ekantapharusacetanā pharusā vācā, nelāti elaṃ vuccati doso, nassā elanti nelā, niddosāti attho ‘‘nelaṅgo setapacchādo’’ti ettha (udā. 65; peṭako. 25) vuttanelaṃ viya. Kaṇṇasukhāti byañjanamadhuratāya kaṇṇānaṃ sukhā, sūcivijjhanaṃ viya kaṇṇasūlaṃ na janeti. atthamadhuratāya sakalasarīre kopaṃ ajanetvā pemaṃ janetīti pemanīyā. Hadayaṃ gacchati apaṭihaññamānā sukhena cittaṃ pavisatīti hadayaṅgamā. Guṇaparipuṇṇatāya pure bhavāti porī, pure saṃvaḍḍhanārī viya sukumārātipi porī, purassa esātipi porī, nagaravāsīnaṃ kathāti attho. Nagaravāsino hi yuttakathā honti, pitimattaṃ pitāti bhātimattaṃ bhātāti vadanti. Evarūpī kathā bahuno janassa kantā hotīti bahujanakantā. Kantabhāveneva bahuno janassa manāpā cittavuḍḍhikarāti bahujanamanāpā.

    анад̇т̇авин̃н̃аабигаа гааяаважийбаяог̇асамудтаабигаа агусалажзд̇анаа сампаббалаабо. гаалзна вад̣̇ад̇ийд̇и гаалаваад̣̇ий, вад̇д̇аб̣б̣аяуд̇д̇агаалам̣ саллагкзд̇ваа вад̣̇ад̇ийд̇и ад̇т̇о. бхууд̇ам̣ д̇ат̇ам̣ д̇ажчам̣ сабхаавамзва вад̣̇ад̇ийд̇и бхууд̇аваад̣̇ий . д̣̇идтад̇хаммигасамбарааяигад̇т̇асанниссид̇амзва гад̇ваа вад̣̇ад̇ийд̇и ад̇т̇аваад̣̇ий. навалогуд̇д̇арад̇хаммасанниссид̇ам̣ гад̇ваа вад̣̇ад̇ийд̇и д̇хаммаваад̣̇ий. сам̣варавинаяабахаанавинаяасанниссид̇ам̣ гад̇ваа вад̣̇ад̇ийд̇и винаяаваад̣̇ий.

    Anatthaviññāpikā kāyavacīpayogasamuṭṭhāpikā akusalacetanā samphappalāpo. Kālena vadatīti kālavādī, vattabbayuttakālaṃ sallakkhetvā vadatīti attho. Bhūtaṃ tathaṃ tacchaṃ sabhāvameva vadatīti bhūtavādī. Diṭṭhadhammikasamparāyikatthasannissitameva katvā vadatīti atthavādī. Navalokuttaradhammasannissitaṃ katvā vadatīti dhammavādī. Saṃvaravinayapahānavinayasannissitaṃ katvā vadatīti vinayavādī.

    нид̇хаанам̣ вужжад̇и табаногаасо, нид̇хаанамасса ад̇т̇ийд̇и нид̇хаанавад̇ий, хад̣̇аяз нид̇хаад̇аб̣б̣аяуд̇д̇агам̣ ваажам̣ бхаасид̇аад̇и ад̇т̇о. гаалзнаад̇и зваруубим̣ бхаасамааноби жа ‘‘ахам̣ нид̇хаанавад̇им̣ ваажам̣ бхаасиссаамий’’д̇и на агаалзна бхаасад̇и, яуд̇д̇агаалам̣ бана абзгкид̇ваава бхаасад̇ийд̇и ад̇т̇о. саабад̣̇зсанд̇и саубамам̣, сагааран̣анд̇и ад̇т̇о. барияанд̇авад̇инд̇и барижчзд̣̇ам̣ д̣̇ассзд̇ваа яат̇аассаа барижчзд̣̇о бан̃н̃ааяад̇и, звам̣ бхаасад̇ийд̇и ад̇т̇о. ад̇т̇асам̣хид̇анд̇и анзгзхиби наязхи вибхаж̇анд̇зна барияаад̣̇аад̇ум̣ асаггун̣зяяад̇ааяа ад̇т̇асамбаннам̣ бхаасад̇и. яам̣ ваа со ад̇т̇аваад̣̇ий ад̇т̇ам̣ вад̣̇ад̇и, д̇зна ад̇т̇зна сахид̇ад̇д̇аа ад̇т̇асам̣хид̇ам̣ ваажам̣ бхаасад̇и, на ан̃н̃ам̣ нигкибид̇ваа ан̃н̃ам̣ бхаасад̇ийд̇и вуд̇д̇ам̣ ход̇и. жад̇уд̣̇д̣̇осаабаг̇ад̇ам̣ ваажам̣ бхаасад̇ийд̇и мусааваад̣̇аад̣̇ийхи жад̇уухи д̣̇осзхи абаг̇ад̇ам̣ ваажам̣ бхаасад̇и. д̣̇вад̇д̇им̣сааяа д̇иражчаанагат̇ааяаад̇и д̣̇вад̇д̇им̣сааяа саг̇г̇амогкаанам̣ д̇иражчаанабхууд̇ааяа гат̇ааяа.

    Nidhānaṃ vuccati ṭhapanokāso, nidhānamassa atthīti nidhānavatī, hadaye nidhātabbayuttakaṃ vācaṃ bhāsitāti attho. Kālenāti evarūpiṃ bhāsamānopi ca ‘‘ahaṃ nidhānavatiṃ vācaṃ bhāsissāmī’’ti na akālena bhāsati, yuttakālaṃ pana apekkhitvāva bhāsatīti attho. Sāpadesanti saupamaṃ, sakāraṇanti attho. Pariyantavatinti paricchedaṃ dassetvā yathāssā paricchedo paññāyati, evaṃ bhāsatīti attho. Atthasaṃhitanti anekehipi nayehi vibhajantena pariyādātuṃ asakkuṇeyyatāya atthasampannaṃ bhāsati. Yaṃ vā so atthavādī atthaṃ vadati, tena atthena sahitattā atthasaṃhitaṃ vācaṃ bhāsati, na aññaṃ nikkhipitvā aññaṃ bhāsatīti vuttaṃ hoti. Catuddosāpagataṃ vācaṃ bhāsatīti musāvādādīhi catūhi dosehi apagataṃ vācaṃ bhāsati. Dvattiṃsāya tiracchānakathāyāti dvattiṃsāya saggamokkhānaṃ tiracchānabhūtāya kathāya.

    д̣̇аса гат̇аавад̇т̇уунийд̇и аббижчад̇аад̣̇ийни д̣̇аса вивадданиссид̇ааяа гат̇ааяа вад̇т̇убхууд̇аани гааран̣аани. аббижчагат̇анд̇и зд̇т̇а аббижчод̇и ижчаавирахид̇о анижчо нид̇д̇ан̣хо. зд̇т̇а хи б̣яан̃ж̇анам̣ саавасзсам̣ вияа, ад̇т̇о бана ниравасзсо. на хи кийн̣аасавасса ан̣умад̇д̇ааби ижчаа наама ад̇т̇и.

    Dasakathāvatthūnīti appicchatādīni dasa vivaṭṭanissitāya kathāya vatthubhūtāni kāraṇāni. Appicchakathanti ettha appicchoti icchāvirahito aniccho nittaṇho. Ettha hi byañjanaṃ sāvasesaṃ viya, attho pana niravaseso. Na hi khīṇāsavassa aṇumattāpi icchā nāma atthi.

    абижзд̇т̇а ад̇рижчад̇аа баабижчад̇аа махижчад̇аа аббижчад̇аад̇и аяам̣ бхзд̣̇о взд̣̇ид̇аб̣б̣о – д̇ад̇т̇а сагалаабхз ад̇ид̇д̇асса баралаабхабад̇т̇анаа ад̇рижчад̇аа наама, д̇ааяа саманнааг̇ад̇асса згабхааж̇анз баггабуувзби ад̇д̇ано бад̇д̇з бад̇ид̇з на субагго вияа куд̣̇д̣̇аго вияа жа кааяад̇и, свзва бана барасса бад̇д̇з багкид̇д̇о субагго вияа маханд̇о вияа жа кааяад̇и. асанд̇аг̇ун̣асамбхааванад̇аа бана бадиг̇г̇ахан̣з жа амад̇д̇ан̃н̃уд̇аа баабижчад̇аа наама, саа ‘‘ид̇хзгажжо асад̣̇д̇хо самаано сад̣̇д̇ход̇и мам̣ ж̇ано ж̇аанаад̇уу’’д̇иаад̣̇инаа (вибха. 851) наязна ад̇рзва ааг̇ад̇ааязва. д̇ааяа жа саманнааг̇ад̇о буг̇г̇ало гохан̃н̃з бад̇идтаад̇и. санд̇аг̇ун̣асамбхааванад̇аа бана бадиг̇г̇ахан̣з жа амад̇д̇ан̃н̃уд̇аа махижчад̇аа наама, сааби ‘‘ид̇хзгажжо сад̣̇д̇хо самаано сад̣̇д̇ход̇и мам̣ ж̇ано ж̇аанаад̇ууд̇и ижчад̇и, сийлаваа самаано сийлаваад̇и мам̣ ж̇ано ж̇аанаад̇уу’’д̇и (вибха. 851) иминаа наязна ааг̇ад̇ааязва. д̇ааяа саманнааг̇ад̇о буг̇г̇ало д̣̇уссанд̇аббаяо ход̇и, виж̇аад̇амаад̇аабисса жид̇д̇ам̣ г̇ахзд̇ум̣ на саггод̇и. д̇знзд̇ам̣ вужжад̇и –

    Apicettha atricchatā pāpicchatā mahicchatā appicchatāti ayaṃ bhedo veditabbo – tattha sakalābhe atittassa paralābhapatthanā atricchatā nāma, tāya samannāgatassa ekabhājane pakkapūvepi attano patte patite na supakko viya khuddako viya ca khāyati, sveva pana parassa patte pakkhitto supakko viya mahanto viya ca khāyati. Asantaguṇasambhāvanatā pana paṭiggahaṇe ca amattaññutā pāpicchatā nāma, sā ‘‘idhekacco asaddho samāno saddhoti maṃ jano jānātū’’tiādinā (vibha. 851) nayena atreva āgatāyeva. Tāya ca samannāgato puggalo kohaññe patiṭṭhāti. Santaguṇasambhāvanatā pana paṭiggahaṇe ca amattaññutā mahicchatā nāma, sāpi ‘‘idhekacco saddho samāno saddhoti maṃ jano jānātūti icchati, sīlavā samāno sīlavāti maṃ jano jānātū’’ti (vibha. 851) iminā nayena āgatāyeva. Tāya samannāgato puggalo dussantappayo hoti, vijātamātāpissa cittaṃ gahetuṃ na sakkoti. Tenetaṃ vuccati –

    ‘‘аг̇г̇игканд̇хо самуд̣̇д̣̇о жа, махижчо жааби буг̇г̇ало;

    ‘‘Aggikkhandho samuddo ca, mahiccho cāpi puggalo;

    сагадзна бажжаяз д̣̇зд̇у, д̇аяобзд̇з ад̇аббаяаа’’д̇и. (ма. ни. адта. 1.252; а. ни. адта. 1.1.63; уд̣̇аа. адта. 31);

    Sakaṭena paccaye detu, tayopete atappayā’’ti. (ma. ni. aṭṭha. 1.252; a. ni. aṭṭha. 1.1.63; udā. aṭṭha. 31);

    санд̇аг̇ун̣аниг̇ууханад̇аа бана бадиг̇г̇ахан̣з жа мад̇д̇ан̃н̃уд̇аа аббижчад̇аа наама, д̇ааяа саманнааг̇ад̇о буг̇г̇ало ад̇д̇ани виж̇ж̇амаанамби г̇ун̣ам̣ бадижчаад̣̇зд̇угаамад̇ааяа сад̣̇д̇хо самаано ‘‘сад̣̇д̇ход̇и мам̣ ж̇ано ж̇аанаад̇уу’’д̇и на ижчад̇и. сийлаваа… бавивид̇д̇о… б̣ахуссуд̇о… аарад̣̇д̇хавийрияо… самаад̇хисамбанно… бан̃н̃аваа… кийн̣аасаво самаано ‘‘кийн̣аасавод̇и мам̣ ж̇ано ж̇аанаад̇уу’’д̇и на ижчад̇и сзяяат̇ааби маж̇жханд̇игад̇т̇зро. звам̣ аббижчо жа бана бхигку ануббаннам̣ лаабхам̣ уббаад̣̇зд̇и, уббаннам̣ т̇ааварам̣ гарод̇и, д̣̇ааяагаанам̣ жид̇д̇ам̣ аараад̇хзд̇и, яат̇аа яат̇аа хи со ад̇д̇ано аббижчад̇ааяа аббам̣ г̇ан̣хаад̇и, д̇ат̇аа д̇ат̇аа д̇асса вад̇д̇з басаннаа мануссаа б̣ахуу д̣̇знд̇и.

    Santaguṇanigūhanatā pana paṭiggahaṇe ca mattaññutā appicchatā nāma, tāya samannāgato puggalo attani vijjamānampi guṇaṃ paṭicchādetukāmatāya saddho samāno ‘‘saddhoti maṃ jano jānātū’’ti na icchati. Sīlavā… pavivitto… bahussuto… āraddhavīriyo… samādhisampanno… paññavā… khīṇāsavo samāno ‘‘khīṇāsavoti maṃ jano jānātū’’ti na icchati seyyathāpi majjhantikatthero. Evaṃ appiccho ca pana bhikkhu anuppannaṃ lābhaṃ uppādeti, uppannaṃ thāvaraṃ karoti, dāyakānaṃ cittaṃ ārādheti, yathā yathā hi so attano appicchatāya appaṃ gaṇhāti, tathā tathā tassa vatte pasannā manussā bahū denti.

    абароби жад̇уб̣б̣ид̇хо аббижчо бажжаяааббижчо д̇худ̇ан̇г̇ааббижчо барияад̇д̇иаббижчо ад̇хиг̇амааббижчод̇и . д̇ад̇т̇а жад̇уусу бажжаязсу аббижчо бажжаяааббижчо. со д̣̇ааяагасса васам̣ ж̇аанаад̇и, д̣̇зяяад̇хаммасса васам̣ ж̇аанаад̇и, ад̇д̇ано т̇аамам̣ ж̇аанаад̇и. яад̣̇и хи д̣̇зяяад̇хаммо б̣аху ход̇и, д̣̇ааяаго аббам̣ д̣̇аад̇угаамо, д̣̇ааяагасса васзна аббам̣ г̇ан̣хаад̇и. д̣̇зяяад̇хаммо аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббам̣ г̇ан̣хаад̇и. д̣̇зяяад̇хаммоби б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣знзва г̇ан̣хаад̇и.

    Aparopi catubbidho appiccho paccayaappiccho dhutaṅgaappiccho pariyattiappiccho adhigamaappicchoti . Tattha catūsu paccayesu appiccho paccayaappiccho. So dāyakassa vasaṃ jānāti, deyyadhammassa vasaṃ jānāti, attano thāmaṃ jānāti. Yadi hi deyyadhammo bahu hoti, dāyako appaṃ dātukāmo, dāyakassa vasena appaṃ gaṇhāti. Deyyadhammo appo, dāyako bahuṃ dātukāmo, deyyadhammassa vasena appaṃ gaṇhāti. Deyyadhammopi bahu, dāyakopi bahuṃ dātukāmo, attano thāmaṃ ñatvā pamāṇeneva gaṇhāti.

    д̇худ̇ан̇г̇асамаад̣̇аанасса ад̇д̇ани ад̇т̇ибхаавам̣ на ж̇аанаабзд̇угаамо д̇худ̇ан̇г̇ааббижчо наама. яо бана б̣ахуссуд̇абхаавам̣ на ж̇аанаабзд̇угаамо, аяам̣ барияад̇д̇иаббижчо наама. яо бана сод̇аабаннаад̣̇ийсу ан̃н̃ад̇аро худ̇ваа сод̇аабаннаад̣̇ибхаавам̣ ж̇аанаабзд̇ум̣ на ижчад̇и, аяам̣ ад̇хиг̇амааббижчо наама. кийн̣аасаво бана ад̇рижчад̇ам̣ баабижчад̇ам̣ махижчад̇ам̣ бахааяа саб̣б̣асо ижчаабадибагкабхууд̇ааяа алобхасан̇каад̇ааяа барисуд̣̇д̇хааяа аббижчад̇ааяа саманнааг̇ад̇ад̇д̇аа аббижчо наама. ‘‘аавусо, ад̇рижчад̇аа баабижчад̇аа махижчад̇аад̇и, имз д̇хаммаа бахаад̇аб̣б̣аад̇и, д̇зсу аад̣̇ийнавам̣ д̣̇ассзд̇ваа зваруубам̣ аббижчад̇ам̣ самаад̣̇ааяа вад̇д̇ид̇аб̣б̣а’’нд̇и вад̣̇анд̇о аббижчагат̇ам̣ гат̇зд̇и наама.

    Dhutaṅgasamādānassa attani atthibhāvaṃ na jānāpetukāmo dhutaṅgaappiccho nāma. Yo pana bahussutabhāvaṃ na jānāpetukāmo, ayaṃ pariyattiappiccho nāma. Yo pana sotāpannādīsu aññataro hutvā sotāpannādibhāvaṃ jānāpetuṃ na icchati, ayaṃ adhigamaappiccho nāma. Khīṇāsavo pana atricchataṃ pāpicchataṃ mahicchataṃ pahāya sabbaso icchāpaṭipakkhabhūtāya alobhasaṅkhātāya parisuddhāya appicchatāya samannāgatattā appiccho nāma. ‘‘Āvuso, atricchatā pāpicchatā mahicchatāti, ime dhammā pahātabbāti, tesu ādīnavaṃ dassetvā evarūpaṃ appicchataṃ samādāya vattitabba’’nti vadanto appicchakathaṃ katheti nāma.

    санд̇удтийгат̇анд̇иаад̣̇ийсу висзсад̇т̇амзва д̣̇ийбаяиссаама, яож̇анаа бана вуд̇д̇анаязнзва взд̣̇ид̇аб̣б̣аа. санд̇удтийгат̇анд̇и ид̇арийд̇арабажжаяасанд̇осам̣ ниссид̇ам̣ гат̇ам̣. со банзса санд̇осо д̣̇ваад̣̇асавид̇хо ход̇и. сзяяат̇ид̣̇ам̣ – жийварз яат̇аалаабхасанд̇осо, яат̇ааб̣аласанд̇осо, яат̇аасааруббасанд̇осод̇и д̇ивид̇хо. звам̣ бин̣д̣абаад̇аад̣̇ийсуби.

    Santuṭṭhīkathantiādīsu visesatthameva dīpayissāma, yojanā pana vuttanayeneva veditabbā. Santuṭṭhīkathanti itarītarapaccayasantosaṃ nissitaṃ kathaṃ. So panesa santoso dvādasavidho hoti. Seyyathidaṃ – cīvare yathālābhasantoso, yathābalasantoso, yathāsāruppasantosoti tividho. Evaṃ piṇḍapātādīsupi.

    д̇ассааяам̣ бабхзд̣̇аван̣н̣анаа – ид̇ха бхигку жийварам̣ лабхад̇и сунд̣̇арам̣ ваа асунд̣̇арам̣ ваа. со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса жийварз яат̇аалаабхасанд̇осо. ат̇а бана яо багад̇ид̣̇уб̣б̣ало ваа ход̇и, ааб̣аад̇хаж̇араабхибхууд̇о ваа, г̇аружийварам̣ баарубанд̇о гиламад̇и. со сабхааг̇зна бхигкунаа сад̣̇д̇хим̣ д̇ам̣ баривад̇д̇зд̇ваа лахугзна яаабзнд̇оби санд̇удтова ход̇и. аяамасса жийварз яат̇ааб̣аласанд̇осо. абаро бан̣ийд̇абажжаяалаабхий ход̇и. со бад̇д̇ун̣н̣ажийвараад̣̇ийнам̣ ан̃н̃ад̇арам̣ махаг̇гхажийварам̣, б̣ахууни ваа бана жийвараани лабхид̇ваа ‘‘ид̣̇ам̣ т̇зраанам̣ жирабаб̣б̣аж̇ид̇аанам̣, ид̣̇ам̣ б̣ахуссуд̇аанам̣ ануруубам̣, ид̣̇ам̣ г̇илаанаанам̣, ид̣̇ам̣ аббалаабхийнам̣ ход̇уу’’д̇и д̣̇ад̇ваа д̇зсам̣ бураан̣ажийварам̣ ваа сан̇гаарагуудаад̣̇ид̇о ваа нанд̇агаани ужжинид̇ваа д̇зхи сан̇гхаадим̣ гад̇ваа д̇хаарзнд̇оби санд̇удтова ход̇и. аяамасса жийварз яат̇аасааруббасанд̇осо.

    Tassāyaṃ pabhedavaṇṇanā – idha bhikkhu cīvaraṃ labhati sundaraṃ vā asundaraṃ vā. So teneva yāpeti, aññaṃ na pattheti, labhantopi na gaṇhāti. Ayamassa cīvare yathālābhasantoso. Atha pana yo pakatidubbalo vā hoti, ābādhajarābhibhūto vā, garucīvaraṃ pārupanto kilamati. So sabhāgena bhikkhunā saddhiṃ taṃ parivattetvā lahukena yāpentopi santuṭṭhova hoti. Ayamassa cīvare yathābalasantoso. Aparo paṇītapaccayalābhī hoti. So pattuṇṇacīvarādīnaṃ aññataraṃ mahagghacīvaraṃ, bahūni vā pana cīvarāni labhitvā ‘‘idaṃ therānaṃ cirapabbajitānaṃ, idaṃ bahussutānaṃ anurūpaṃ, idaṃ gilānānaṃ, idaṃ appalābhīnaṃ hotū’’ti datvā tesaṃ purāṇacīvaraṃ vā saṅkārakūṭādito vā nantakāni uccinitvā tehi saṅghāṭiṃ katvā dhārentopi santuṭṭhova hoti. Ayamassa cīvare yathāsāruppasantoso.

    ид̇ха бана бхигку бин̣д̣абаад̇ам̣ лабхад̇и луукам̣ ваа бан̣ийд̇ам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса бин̣д̣абаад̇з яат̇аалаабхасанд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа бин̣д̣абаад̇ам̣ лабхад̇и, язнасса барибхуд̇д̇зна апаасу ход̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о саббааяабхож̇анам̣ бхун̃ж̇ид̇ваа саман̣ад̇хаммам̣ гаронд̇оби санд̇удтова ход̇и. аяамасса бин̣д̣абаад̇з яат̇ааб̣аласанд̇осо. абаро б̣ахум̣ бан̣ийд̇ам̣ бин̣д̣абаад̇ам̣ лабхад̇и, со д̇ам̣ жийварам̣ вияа т̇зражирабаб̣б̣аж̇ид̇аб̣ахуссуд̇ааббалаабхийг̇илаанаанам̣ д̣̇ад̇ваа д̇зсам̣ ваа сзсагам̣ бин̣д̣ааяа ваа жарид̇ваа миссагаахаарам̣ бхун̃ж̇анд̇оби санд̇удтова ход̇и. аяамасса бин̣д̣абаад̇з яат̇аасааруббасанд̇осо.

    Idha pana bhikkhu piṇḍapātaṃ labhati lūkhaṃ vā paṇītaṃ vā, so teneva yāpeti, aññaṃ na pattheti, labhantopi na gaṇhāti. Ayamassa piṇḍapāte yathālābhasantoso. Yo pana attano pakativiruddhaṃ vā byādhiviruddhaṃ vā piṇḍapātaṃ labhati, yenassa paribhuttena aphāsu hoti, so taṃ sabhāgassa bhikkhuno datvā tassa hatthato sappāyabhojanaṃ bhuñjitvā samaṇadhammaṃ karontopi santuṭṭhova hoti. Ayamassa piṇḍapāte yathābalasantoso. Aparo bahuṃ paṇītaṃ piṇḍapātaṃ labhati, so taṃ cīvaraṃ viya theracirapabbajitabahussutaappalābhīgilānānaṃ datvā tesaṃ vā sesakaṃ piṇḍāya vā caritvā missakāhāraṃ bhuñjantopi santuṭṭhova hoti. Ayamassa piṇḍapāte yathāsāruppasantoso.

    ид̇ха бана бхигку сзнаасанам̣ лабхад̇и манаабам̣ ваа аманаабам̣ ваа, со д̇зна нзва соманассам̣ на д̣̇оманассам̣ уббаад̣̇зд̇и, анд̇амасо д̇ин̣асант̇аарагзнааби яат̇аалад̣̇д̇хзнзва д̇уссад̇и. аяамасса сзнаасанз яат̇аалаабхасанд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа сзнаасанам̣ лабхад̇и, яад̇т̇асса васад̇о апаасу ход̇и, со д̇ам̣ сабхааг̇асса бхигкуно д̣̇ад̇ваа д̇асса санд̇агз саббааяасзнаасанз васанд̇оби санд̇удтова ход̇и. аяамасса сзнаасанз яат̇ааб̣аласанд̇осо.

    Idha pana bhikkhu senāsanaṃ labhati manāpaṃ vā amanāpaṃ vā, so tena neva somanassaṃ na domanassaṃ uppādeti, antamaso tiṇasanthārakenāpi yathāladdheneva tussati. Ayamassa senāsane yathālābhasantoso. Yo pana attano pakativiruddhaṃ vā byādhiviruddhaṃ vā senāsanaṃ labhati, yatthassa vasato aphāsu hoti, so taṃ sabhāgassa bhikkhuno datvā tassa santake sappāyasenāsane vasantopi santuṭṭhova hoti. Ayamassa senāsane yathābalasantoso.

    абаро махаабун̃н̃о лзн̣аман̣д̣абагуудааг̇аараад̣̇ийни б̣ахууни бан̣ийд̇асзнаасанаани лабхад̇и, со д̇ам̣ жийварам̣ вияа т̇зражирабаб̣б̣аж̇ид̇аб̣ахуссуд̇ааббалаабхийг̇илаанаанам̣ д̣̇ад̇ваа яад̇т̇а гад̇т̇ажи васанд̇оби санд̇удтова ход̇и. аяамасса сзнаасанз яат̇аасааруббасанд̇осо. яоби ‘‘уд̇д̇амасзнаасанам̣ наама бамаад̣̇адтаанам̣, д̇ад̇т̇а нисиннасса т̇инамид̣̇д̇хам̣ оггамад̇и, нид̣̇д̣̇аабхибхууд̇асса буна бадиб̣уж̇жхад̇о баабавид̇аггаа баад̇убхаванд̇ий’’д̇и бадисан̃жигкид̇ваа д̇аад̣̇исам̣ сзнаасанам̣ бад̇д̇амби на самбадижчад̇и, со д̇ам̣ бадигкибид̇ваа аб̣бхогаасаругкамуулаад̣̇ийсу васанд̇оби санд̇удтова ход̇и. аяамасса сзнаасанз яат̇аасааруббасанд̇осо.

    Aparo mahāpuñño leṇamaṇḍapakūṭāgārādīni bahūni paṇītasenāsanāni labhati, so taṃ cīvaraṃ viya theracirapabbajitabahussutaappalābhīgilānānaṃ datvā yattha katthaci vasantopi santuṭṭhova hoti. Ayamassa senāsane yathāsāruppasantoso. Yopi ‘‘uttamasenāsanaṃ nāma pamādaṭṭhānaṃ, tattha nisinnassa thinamiddhaṃ okkamati, niddābhibhūtassa puna paṭibujjhato pāpavitakkā pātubhavantī’’ti paṭisañcikkhitvā tādisaṃ senāsanaṃ pattampi na sampaṭicchati, so taṃ paṭikkhipitvā abbhokāsarukkhamūlādīsu vasantopi santuṭṭhova hoti. Ayamassa senāsane yathāsāruppasantoso.

    ид̇ха бана бхигку бхзсаж̇ж̇ам̣ лабхад̇и луукам̣ ваа бан̣ийд̇ам̣ ваа, со яам̣ лабхад̇и, д̇знзва д̇уссад̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса г̇илаанабажжаяз яат̇аалаабхасанд̇осо. яо бана д̇злзна ад̇т̇иго паан̣ид̇ам̣ лабхад̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о д̇злам̣ г̇ахзд̇ваа ан̃н̃ад̣̇зва ваа бариязсид̇ваа бхзсаж̇ж̇ам̣ гаронд̇оби санд̇удтова ход̇и. аяамасса г̇илаанабажжаяз яат̇ааб̣аласанд̇осо.

    Idha pana bhikkhu bhesajjaṃ labhati lūkhaṃ vā paṇītaṃ vā, so yaṃ labhati, teneva tussati, aññaṃ na pattheti, labhantopi na gaṇhāti. Ayamassa gilānapaccaye yathālābhasantoso. Yo pana telena atthiko phāṇitaṃ labhati, so taṃ sabhāgassa bhikkhuno datvā tassa hatthato telaṃ gahetvā aññadeva vā pariyesitvā bhesajjaṃ karontopi santuṭṭhova hoti. Ayamassa gilānapaccaye yathābalasantoso.

    абаро махаабун̃н̃о б̣ахум̣ д̇зламад̇хупаан̣ид̇аад̣̇ибан̣ийд̇абхзсаж̇ж̇ам̣ лабхад̇и, со д̇ам̣ жийварам̣ вияа т̇зражирабаб̣б̣аж̇ид̇аб̣ахуссуд̇ааббалаабхийг̇илаанаанам̣ д̣̇ад̇ваа д̇зсам̣ аабхад̇зна язна гзнажи яаабзнд̇оби санд̇удтова ход̇и. яо бана згасмим̣ бхааж̇анз жад̇умад̇хурам̣ табзд̇ваа згасмим̣ муд̇д̇ахарийд̇агам̣ ‘‘г̇ан̣ха, бханд̇з, яад̣̇ижчасий’’д̇и вужжамаано ‘‘сажасса д̇зсу ан̃н̃ад̇арзнаби рог̇о вуубасаммад̇и, ат̇а муд̇д̇ахарийд̇агам̣ наама б̣уд̣̇д̇хаад̣̇ийхи ван̣н̣ид̇а’’нд̇и жад̇умад̇хурам̣ бадигкибид̇ваа муд̇д̇ахарийд̇агзна бхзсаж̇ж̇ам̣ гаронд̇о барамасанд̇удтова ход̇и. аяамасса г̇илаанабажжаяз яат̇аасааруббасанд̇осо. имзсам̣ бана бажжзгабажжаязсу д̇ин̣н̣ам̣ д̇ин̣н̣ам̣ санд̇осаанам̣ яат̇аасааруббасанд̇осова аг̇г̇о. арахаа згзгасмим̣ бажжаяз имзхи д̇ийхиби санд̇удтова.

    Aparo mahāpuñño bahuṃ telamadhuphāṇitādipaṇītabhesajjaṃ labhati, so taṃ cīvaraṃ viya theracirapabbajitabahussutaappalābhīgilānānaṃ datvā tesaṃ ābhatena yena kenaci yāpentopi santuṭṭhova hoti. Yo pana ekasmiṃ bhājane catumadhuraṃ ṭhapetvā ekasmiṃ muttaharītakaṃ ‘‘gaṇha, bhante, yadicchasī’’ti vuccamāno ‘‘sacassa tesu aññatarenapi rogo vūpasammati, atha muttaharītakaṃ nāma buddhādīhi vaṇṇita’’nti catumadhuraṃ paṭikkhipitvā muttaharītakena bhesajjaṃ karonto paramasantuṭṭhova hoti. Ayamassa gilānapaccaye yathāsāruppasantoso. Imesaṃ pana paccekapaccayesu tiṇṇaṃ tiṇṇaṃ santosānaṃ yathāsāruppasantosova aggo. Arahā ekekasmiṃ paccaye imehi tīhipi santuṭṭhova.

    бавивзгагат̇анд̇и бавивзганиссид̇ам̣ гат̇ам̣. д̇аяо хи вивзгаа гааяавивзго жид̇д̇авивзго убад̇хививзгод̇и. д̇ад̇т̇а зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго абхиггамад̇и, зго жан̇гамам̣ ад̇хидтаад̇и, зго жарад̇и, зго вихарад̇ийд̇и аяам̣ гааяавивзго наама. адта самаабад̇д̇ияо бана жид̇д̇авивзго наама. ниб̣б̣аанам̣ убад̇хививзго наама.

    Pavivekakathanti pavivekanissitaṃ kathaṃ. Tayo hi vivekā kāyaviveko cittaviveko upadhivivekoti. Tattha eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko abhikkamati, eko caṅkamaṃ adhiṭṭhāti, eko carati, eko viharatīti ayaṃ kāyaviveko nāma. Aṭṭha samāpattiyo pana cittaviveko nāma. Nibbānaṃ upadhiviveko nāma.

    вуд̇д̇амби хзд̇ам̣ – ‘‘гааяавивзго жа вивзгадтагааяаанам̣ нзгкаммаабхирад̇аанам̣. жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣. убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 57).

    Vuttampi hetaṃ – ‘‘kāyaviveko ca vivekaṭṭhakāyānaṃ nekkhammābhiratānaṃ. Cittaviveko ca parisuddhacittānaṃ paramavodānappattānaṃ. Upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 57).

    асам̣саг̇г̇агат̇анд̇и зд̇т̇а бана саванасам̣саг̇г̇о д̣̇ассанасам̣саг̇г̇о самуллабанасам̣саг̇г̇о самбхог̇асам̣саг̇г̇о гааяасам̣саг̇г̇од̇и бан̃жавид̇хо сам̣саг̇г̇о. д̇зсу ид̇ха бхигку сун̣аад̇и ‘‘амугасмим̣ г̇аамз ваа ниг̇амз ваа ид̇т̇ий ваа гумаарий ваа абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа’’д̇и, со д̇ам̣ суд̇ваа сам̣сийд̣̇ад̇и висийд̣̇ад̇и, на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ анаавигад̇ваа хийнааяаавад̇д̇ад̇и. звам̣ барзхи гат̇ияамаанаруубаад̣̇исамбад̇д̇им̣ ад̇д̇анаа ваа хасид̇алабид̇аг̇ийд̇асад̣̇д̣̇ам̣ сун̣анд̇асса сод̇авин̃н̃аан̣авийт̇ивасзна уббанно рааг̇о саванасам̣саг̇г̇о наама.

    Asaṃsaggakathanti ettha pana savanasaṃsaggo dassanasaṃsaggo samullapanasaṃsaggo sambhogasaṃsaggo kāyasaṃsaggoti pañcavidho saṃsaggo. Tesu idha bhikkhu suṇāti ‘‘amukasmiṃ gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā’’ti, so taṃ sutvā saṃsīdati visīdati, na sakkoti brahmacariyaṃ sandhāretuṃ, sikkhādubbalyaṃ anāvikatvā hīnāyāvattati. Evaṃ parehi kathiyamānarūpādisampattiṃ attanā vā hasitalapitagītasaddaṃ suṇantassa sotaviññāṇavīthivasena uppanno rāgo savanasaṃsaggo nāma.

    ‘‘ид̇ха бхигку на хзва ко сун̣аад̇и, аби жа ко саамам̣ бассад̇и ид̇т̇им̣ ваа гумаарим̣ ваа абхируубам̣ д̣̇ассанийяам̣ баасаад̣̇игам̣ барамааяа ван̣н̣абогкарад̇ааяа саманнааг̇ад̇ам̣, со д̇ам̣ д̣̇исваа сам̣сийд̣̇ад̇и висийд̣̇ад̇и, на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ анаавигад̇ваа хийнааяаавад̇д̇ад̇и. звам̣ висабхааг̇аруубам̣ ологзнд̇асса бана жагкувин̃н̃аан̣авийт̇ивасзна уббаннарааг̇о д̣̇ассанасам̣саг̇г̇о наама.

    ‘‘Idha bhikkhu na heva kho suṇāti, api ca kho sāmaṃ passati itthiṃ vā kumāriṃ vā abhirūpaṃ dassanīyaṃ pāsādikaṃ paramāya vaṇṇapokkharatāya samannāgataṃ, so taṃ disvā saṃsīdati visīdati, na sakkoti brahmacariyaṃ sandhāretuṃ, sikkhādubbalyaṃ anāvikatvā hīnāyāvattati. Evaṃ visabhāgarūpaṃ olokentassa pana cakkhuviññāṇavīthivasena uppannarāgo dassanasaṃsaggo nāma.

    ан̃н̃аман̃н̃ам̣ аллаабасаллаабавасзна уббаннарааг̇о бана самуллабанасам̣саг̇г̇о наама. бхигкуно бхигкунияаа санд̇агам̣ бхигкунияаа ваа бхигкусса санд̇агам̣ г̇ахзд̇ваа барибхог̇агаран̣авасзна уббаннарааг̇о самбхог̇асам̣саг̇г̇о наама. хад̇т̇аг̇г̇аахаад̣̇ивасзна уббаннарааг̇о бана гааяасам̣саг̇г̇о наама. арахаа имзхи бан̃жахи сам̣саг̇г̇зхи жад̇уухиби барисаахи сад̣̇д̇хим̣ асам̣садто, г̇аахамуд̇д̇аго жзва сам̣саг̇г̇амуд̇д̇аго жа. асам̣саг̇г̇асса ван̣н̣ам̣ бхан̣анд̇о асам̣саг̇г̇агат̇ам̣ гат̇зд̇и наама.

    Aññamaññaṃ allāpasallāpavasena uppannarāgo pana samullapanasaṃsaggo nāma. Bhikkhuno bhikkhuniyā santakaṃ bhikkhuniyā vā bhikkhussa santakaṃ gahetvā paribhogakaraṇavasena uppannarāgo sambhogasaṃsaggo nāma. Hatthaggāhādivasena uppannarāgo pana kāyasaṃsaggo nāma. Arahā imehi pañcahi saṃsaggehi catūhipi parisāhi saddhiṃ asaṃsaṭṭho, gāhamuttako ceva saṃsaggamuttako ca. Asaṃsaggassa vaṇṇaṃ bhaṇanto asaṃsaggakathaṃ katheti nāma.

    вийрияаарамбхагат̇анд̇и зд̇т̇а яо баг̇г̇ахид̇авийрияо барибун̣н̣агааяигажзд̇асигавийрияо ход̇и, г̇аманз уббаннам̣ гилзсам̣ таанам̣ баабун̣ид̇ум̣ на д̣̇зд̇и, таанз уббаннам̣ гилзсам̣ нисаж̇ж̇ам̣, нисаж̇ж̇ааяа уббаннам̣ гилзсам̣ саяанам̣ баабун̣ид̇ум̣ на д̣̇зд̇и, д̣̇ан̣д̣зна ган̣хасаббам̣ уббийл̣зд̇ваа г̇ан̣ханд̇о вияа амид̇д̇ам̣ г̇ийвааяа аггаманд̇о вияа жа вижарад̇и, д̇аад̣̇исасса аарад̣̇д̇хавийрияасса ван̣н̣ам̣ бхан̣анд̇о вийрияаарамбхагат̇ам̣ гат̇зд̇и наама.

    Vīriyārambhakathanti ettha yo paggahitavīriyo paripuṇṇakāyikacetasikavīriyo hoti, gamane uppannaṃ kilesaṃ ṭhānaṃ pāpuṇituṃ na deti, ṭhāne uppannaṃ kilesaṃ nisajjaṃ, nisajjāya uppannaṃ kilesaṃ sayanaṃ pāpuṇituṃ na deti, daṇḍena kaṇhasappaṃ uppīḷetvā gaṇhanto viya amittaṃ gīvāya akkamanto viya ca vicarati, tādisassa āraddhavīriyassa vaṇṇaṃ bhaṇanto vīriyārambhakathaṃ katheti nāma.

    сийлагат̇анд̇иаад̣̇ийсу сийланд̇и жад̇убаарисуд̣̇д̇хисийлам̣. самаад̇хийд̇и вибассанаабаад̣̇агаа адта самаабад̇д̇ияо. бан̃н̃аад̇и логияалогуд̇д̇аран̃аан̣ам̣. вимуд̇д̇ийд̇и арахад̇д̇апалавимуд̇д̇и. вимуд̇д̇ин̃аан̣ад̣̇ассананд̇и згуунавийсад̇ивид̇хам̣ бажжавзгкан̣ан̃аан̣ам̣. сийлаад̣̇ийнам̣ г̇ун̣ам̣ багаасзнд̇о сийлаад̣̇игат̇ам̣ гат̇зд̇и наама.

    Sīlakathantiādīsu sīlanti catupārisuddhisīlaṃ. Samādhīti vipassanāpādakā aṭṭha samāpattiyo. Paññāti lokiyalokuttarañāṇaṃ. Vimuttīti arahattaphalavimutti. Vimuttiñāṇadassananti ekūnavīsatividhaṃ paccavekkhaṇañāṇaṃ. Sīlādīnaṃ guṇaṃ pakāsento sīlādikathaṃ katheti nāma.

    сад̇ибадтаанагат̇анд̇иаад̣̇ийни сан̇г̇аж̇ааламад̇ижжа со мунийд̇ибарияосаанаани буб̣б̣з вуд̇д̇аанусаарзна взд̣̇ид̇аб̣б̣аани.

    Satipaṭṭhānakathantiādīni saṅgajālamaticca so munītipariyosānāni pubbe vuttānusārena veditabbāni.

    86. нираасад̇д̇ийд̇и нид̇д̇ан̣хо. вивзгад̣̇ассий пассзсууд̇и бажжуббаннзсу жагкусампассаад̣̇ийсу ад̇д̇аад̣̇ибхаававивзгам̣ бассад̇и. д̣̇идтийсу жа на нийяад̇ийд̇и д̣̇ваасадтияаа д̣̇идтийсу гааяажи д̣̇идтияаа на нийяад̇и.

    86.Nirāsattīti nittaṇho. Vivekadassī phassesūti paccuppannesu cakkhusamphassādīsu attādibhāvavivekaṃ passati. Diṭṭhīsu ca na nīyatīti dvāsaṭṭhiyā diṭṭhīsu kāyaci diṭṭhiyā na nīyati.

    вибарин̣ад̇ам̣ ваа вад̇т̇ум̣ на сожад̇ийд̇и багад̇ибхаавам̣ ж̇ахид̇ваа надтз гисмин̃жи вад̇т̇усмим̣ на согам̣ аабаж̇ж̇ад̇и. вибарин̣ад̇асмим̣ ваад̇и винассамаанз вад̇т̇умхи.

    Vipariṇataṃvā vatthuṃ na socatīti pakatibhāvaṃ jahitvā naṭṭhe kismiñci vatthusmiṃ na sokaṃ āpajjati. Vipariṇatasmiṃ vāti vinassamāne vatthumhi.

    жагкусампассод̇и жагкум̣ вад̇т̇ум̣ гад̇ваа жагкувин̃н̃аан̣асахаж̇аад̇о пассо жагкусампассо. сзсзсуби зсзва наяо. зд̇т̇а жа буримаа жагкубасаад̣̇аад̣̇ивад̇т̇угаава, маносампассо хад̣̇аяавад̇т̇угоби авад̇т̇угоби саб̣б̣о жад̇убхуумаго пассо. ад̇хиважанасампассод̇и барияааязна зд̇асса наамам̣ ход̇иязва . д̇аяо хи аруубино канд̇хаа саяам̣ бидтиваддагаа худ̇ваа ад̇д̇ано сахаж̇аад̇асампассасса ад̇хиважанасампассод̇и наамам̣ гаронд̇и. бадигхасампассод̇и ниббарияааязна бана бадигхасампассо наама бан̃жад̣̇вааригапассо. ад̇хиважанасампассо наама манод̣̇вааригапассо. сукавзд̣̇анийяо пассод̇и сукавзд̣̇анааяа хид̇о уббаад̣̇аго пассо. ид̇арад̣̇ваязби зсзва наяо. гусало пассод̇и згавийсад̇игусалажид̇д̇асахаж̇аад̇о пассо. агусалод̇и д̣̇ваад̣̇асаагусаласахаж̇аад̇о пассо. аб̣яаагад̇од̇и чаббан̃н̃аасааб̣яаагад̇асахаж̇аад̇о пассо. гаамааважарод̇и жад̇убан̃н̃аасагаамааважарасахаж̇аад̇о пассо. руубааважарод̇и гусалаад̣̇ибан̃жад̣̇асаруубааважарасамбаяуд̇д̇о . аруубааважарод̇и гусалааб̣яаагад̇авасзна д̣̇ваад̣̇асааруубааважарасамбаяуд̇д̇о.

    Cakkhusamphassoti cakkhuṃ vatthuṃ katvā cakkhuviññāṇasahajāto phasso cakkhusamphasso. Sesesupi eseva nayo. Ettha ca purimā cakkhupasādādivatthukāva, manosamphasso hadayavatthukopi avatthukopi sabbo catubhūmako phasso. Adhivacanasamphassoti pariyāyena etassa nāmaṃ hotiyeva . Tayo hi arūpino khandhā sayaṃ piṭṭhivaṭṭakā hutvā attano sahajātasamphassassa adhivacanasamphassoti nāmaṃ karonti. Paṭighasamphassoti nippariyāyena pana paṭighasamphasso nāma pañcadvārikaphasso. Adhivacanasamphasso nāma manodvārikaphasso. Sukhavedanīyo phassoti sukhavedanāya hito uppādako phasso. Itaradvayepi eseva nayo. Kusalo phassoti ekavīsatikusalacittasahajāto phasso. Akusaloti dvādasaakusalasahajāto phasso. Abyākatoti chappaññāsaabyākatasahajāto phasso. Kāmāvacaroti catupaññāsakāmāvacarasahajāto phasso. Rūpāvacaroti kusalādipañcadasarūpāvacarasampayutto . Arūpāvacaroti kusalābyākatavasena dvādasaarūpāvacarasampayutto.

    сун̃н̃ад̇од̇и анад̇д̇аанубассанаавасзна вибассанд̇асса уббанно маг̇г̇о сун̃н̃ад̇о, д̇зна сахаж̇аад̇о пассо сун̃н̃ад̇о пассо. ид̇арад̣̇ваязби зсзва наяо. анимид̇д̇од̇и зд̇т̇а анижжаанубассанаавасзна вибассанд̇асса уббанно маг̇г̇о анимид̇д̇о. аббан̣ихид̇од̇и д̣̇угкаанубассанаавасзна вибассанд̇асса уббанно маг̇г̇о аббан̣ихид̇о. логияод̇и лого вужжад̇и луж̇ж̇анабалуж̇ж̇анадтзна ваддо, д̇асмим̣ барияаабаннабхаавзна логз нияуд̇д̇од̇и логияо, д̇збхуумаго д̇хаммо. логуд̇д̇арод̇и логад̇о уд̇д̇аро уд̇д̇ин̣н̣од̇и логуд̇д̇аро, логз абарияаабаннабхаавзнаби логуд̇д̇аро. ад̇д̇зна ваад̇и ад̇д̇абхаавзна ваа. ад̇д̇аниязна ваад̇и ад̇д̇ааяад̇д̇зна ваа.

    Suññatoti anattānupassanāvasena vipassantassa uppanno maggo suññato, tena sahajāto phasso suññato phasso. Itaradvayepi eseva nayo. Animittoti ettha aniccānupassanāvasena vipassantassa uppanno maggo animitto. Appaṇihitoti dukkhānupassanāvasena vipassantassa uppanno maggo appaṇihito. Lokiyoti loko vuccati lujjanapalujjanaṭṭhena vaṭṭo, tasmiṃ pariyāpannabhāvena loke niyuttoti lokiyo, tebhūmako dhammo. Lokuttaroti lokato uttaro uttiṇṇoti lokuttaro, loke apariyāpannabhāvenapi lokuttaro. Attena vāti attabhāvena vā. Attaniyena vāti attāyattena vā.

    87. бад̇илийнод̇и рааг̇аад̣̇ийнам̣ бахийнад̇д̇аа д̇ад̇о абаг̇ад̇о. агухагод̇и авимхаабаго д̇ийхи гуханавад̇т̇уухи. абихаалууд̇и абиханасийло, бад̇т̇анаад̇ан̣хааяа рахид̇од̇и вуд̇д̇ам̣ ход̇и. амажчарийд̇и бан̃жамажчзравирахид̇о. аббаг̇аб̣бход̇и гааяабааг̇аб̣бхияаад̣̇ивирахид̇о. аж̇зг̇ужчод̇и самбаннасийлаад̣̇ид̇ааяа аж̇зг̇ужчанийяо асзжанаго манаабо. бзсун̣зяяз жа но яуд̇од̇и д̣̇вийхи аагаарзхи убасам̣харид̇аб̣б̣з бисун̣агаммз аяуд̇д̇о.

    87.Patilīnoti rāgādīnaṃ pahīnattā tato apagato. Akuhakoti avimhāpako tīhi kuhanavatthūhi. Apihālūti apihanasīlo, patthanātaṇhāya rahitoti vuttaṃ hoti. Amaccharīti pañcamaccheravirahito. Appagabbhoti kāyapāgabbhiyādivirahito. Ajegucchoti sampannasīlāditāya ajegucchanīyo asecanako manāpo. Pesuṇeyye ca no yutoti dvīhi ākārehi upasaṃharitabbe pisuṇakamme ayutto.

    рааг̇асса бахийнад̇д̇аад̇и арахад̇д̇амаг̇г̇зна рааг̇агилзсасса бахийнабхаавзна. асмимаано бахийно ход̇ийд̇и асмийд̇и уннад̇имаано самужчзд̣̇авасзна бахийно ход̇и.

    Rāgassa pahīnattāti arahattamaggena rāgakilesassa pahīnabhāvena. Asmimāno pahīno hotīti asmīti unnatimāno samucchedavasena pahīno hoti.

    д̇ийн̣и гуханавад̇т̇уунийд̇и д̇ийн̣и вимхаабанагааран̣аани. бажжаяабадисзванасан̇каад̇ам̣ гуханавад̇т̇ууд̇иаад̣̇ийсу жийвараад̣̇ийхи ниманд̇ид̇асса д̇ад̣̇ад̇т̇игассзва сад̇о баабижчад̇ам̣ ниссааяа бадигкибанзна д̇з жа г̇ахабад̇игз ад̇д̇ани суббад̇идтид̇абасаад̣̇з н̃ад̇ваа буна д̇зсам̣ ‘‘ахо аяяо аббижчо, на гин̃жи бадиг̇г̇ан̣хид̇ум̣ ижчад̇и, сулад̣̇д̇хам̣ вад̇а но асса, сажз аббамад̇д̇агамби гин̃жи бадиг̇г̇ан̣хзяяаа’’д̇и наанаавид̇хзхи убааязхи бан̣ийд̇аани жийвараад̣̇ийни убанзнд̇аанам̣ д̇ад̣̇ануг̇г̇ахагаамад̇ам̣язва авигад̇ваа бадиг̇г̇ахан̣зна жа д̇ад̇о бабхуд̇и аби сагадабхаарзхи убанааманахзд̇убхууд̇ам̣ вимхаабанам̣ бажжаяабадисзванасан̇каад̇ам̣ гуханавад̇т̇ууд̇и взд̣̇ид̇аб̣б̣ам̣. баабижчассзва бана сад̇о самбхааванаад̇хиббааязна гад̇зна ирияаабат̇зна вимхаабанам̣ ирияаабат̇асан̇каад̇ам̣ гуханавад̇т̇ууд̇и взд̣̇ид̇аб̣б̣ам̣. баабижчассзва бана сад̇о уд̇д̇аримануссад̇хаммаад̇хиг̇амабарид̣̇ийбанаваажааяа д̇ат̇аа д̇ат̇аа вимхаабанам̣ сааманд̇аж̇аббанасан̇каад̇ам̣ гуханавад̇т̇ууд̇и взд̣̇ид̇аб̣б̣ам̣.

    Tīṇi kuhanavatthūnīti tīṇi vimhāpanakāraṇāni. Paccayapaṭisevanasaṅkhātaṃ kuhanavatthūtiādīsu cīvarādīhi nimantitassa tadatthikasseva sato pāpicchataṃ nissāya paṭikkhipanena te ca gahapatike attani suppatiṭṭhitapasāde ñatvā puna tesaṃ ‘‘aho ayyo appiccho, na kiñci paṭiggaṇhituṃ icchati, suladdhaṃ vata no assa, sace appamattakampi kiñci paṭiggaṇheyyā’’ti nānāvidhehi upāyehi paṇītāni cīvarādīni upanentānaṃ tadanuggahakāmataṃyeva avikatvā paṭiggahaṇena ca tato pabhuti api sakaṭabhārehi upanāmanahetubhūtaṃ vimhāpanaṃ paccayapaṭisevanasaṅkhātaṃ kuhanavatthūti veditabbaṃ. Pāpicchasseva pana sato sambhāvanādhippāyena katena iriyāpathena vimhāpanaṃ iriyāpathasaṅkhātaṃ kuhanavatthūti veditabbaṃ. Pāpicchasseva pana sato uttarimanussadhammādhigamaparidīpanavācāya tathā tathā vimhāpanaṃ sāmantajappanasaṅkhātaṃ kuhanavatthūti veditabbaṃ.

    гад̇амам̣ бажжаяабадисзванасан̇каад̇анд̇и зд̇т̇а бажжаяабадисзвананд̇и звам̣ сан̇каад̇ам̣ бажжаяабадисзванасан̇каад̇ам̣. ниманд̇знд̇ийд̇и ид̇ха г̇ахабад̇игаа ‘‘бхигкам̣ г̇ан̣хат̇аа’’д̇и бхигкуу ниманд̇знд̇и. аяамзва ваа баато. ‘‘ниманд̇зд̇ий’’д̇и ваа ‘‘вад̣̇анд̇ий’’д̇и ваа гзжи батанд̇и. д̇аад̣̇исз ниманд̇аабзнд̇и. ниманд̇знд̇ийд̇и баатасса самбхаво д̣̇адтаб̣б̣о. жийварам̣ бажжагкаад̇ийд̇и жийварам̣ бадигкибад̇и. зд̇ам̣ сааруббам̣, яам̣ саман̣од̇и яам̣ жийварад̇хааран̣ам̣ саман̣о гарод̇и, зд̇ам̣ сааруббам̣ анужчавигам̣. баабан̣игаа ваа нанд̇агаанийд̇и аабан̣ад̣̇ваарз бад̇игаани анд̇авирахид̇аани билод̇игаани. ужжинид̇ваад̇и сам̣гад̣дхид̇ваа. ун̃чаажарияааяаад̇и бхигкаажаран̣зна. бин̣д̣ияаалобзнаад̇и бин̣д̣ам̣ гад̇ваа лад̣̇д̇хааалобзна. бууд̇имуд̇д̇зна ваад̇и г̇омуд̇д̇зна ваа. осад̇хам̣ гарзяяаад̇и бхзсаж̇ж̇агижжам̣ гарзяяа. д̇ад̣̇убаад̣̇ааяаад̇и д̇ад̇о бадтааяа. д̇худ̇аваад̣̇од̇и д̇худ̇аг̇ун̣аваад̣̇ий. бхияяо бхияяо ниманд̇знд̇ийд̇и убаруубари ниманд̇знд̇и. саммукийбхааваад̇и саммукийбхаавзна, виж̇ж̇амаанад̇ааяаад̇и ад̇т̇о. басавад̇ийд̇и бадилабхад̇и. сад̣̇д̇хааяа саммукийбхаавзна саггаа гаад̇унд̇и ‘‘сад̣̇д̇хааяа саммукийбхааваа’’д̇иаад̣̇имааха. д̣̇зяяад̇хаммаа сулабхаа д̣̇агкин̣зяяаа жа, сад̣̇д̇хаа бана д̣̇уллабхаа. бут̇уж̇ж̇анасса хи сад̣̇д̇хаа ат̇аавараа, бад̣̇аваарз бад̣̇аваарз наанаа ход̇и. д̇знзвасса махаамог̇г̇аллаанасад̣̇исоби аг̇г̇асааваго баадибхог̇о бхавид̇ум̣ асаггонд̇о ааха ‘‘д̣̇виннам̣ ко нзсам̣ аавусо д̇хаммаанам̣ баадибхог̇о бхог̇аанан̃жа ж̇ийвид̇асса жа, сад̣̇д̇хааяа бана д̇вам̣ баадибхог̇о’’д̇и.

    Katamaṃ paccayapaṭisevanasaṅkhātanti ettha paccayapaṭisevananti evaṃ saṅkhātaṃ paccayapaṭisevanasaṅkhātaṃ. Nimantentīti idha gahapatikā ‘‘bhikkhaṃ gaṇhathā’’ti bhikkhū nimantenti. Ayameva vā pāṭho. ‘‘Nimantetī’’ti vā ‘‘vadantī’’ti vā keci paṭhanti. Tādise nimantāpenti. Nimantentīti pāṭhassa sambhavo daṭṭhabbo. Cīvaraṃ paccakkhātīti cīvaraṃ paṭikkhipati. Etaṃ sāruppaṃ, yaṃ samaṇoti yaṃ cīvaradhāraṇaṃ samaṇo karoti, etaṃ sāruppaṃ anucchavikaṃ. Pāpaṇikā vā nantakānīti āpaṇadvāre patikāni antavirahitāni pilotikāni. Uccinitvāti saṃkaḍḍhitvā. Uñchācariyāyāti bhikkhācaraṇena. Piṇḍiyālopenāti piṇḍaṃ katvā laddhaālopena. Pūtimuttena vāti gomuttena vā. Osadhaṃ kareyyāti bhesajjakiccaṃ kareyya. Tadupādāyāti tato paṭṭhāya. Dhutavādoti dhutaguṇavādī. Bhiyyo bhiyyo nimantentīti uparūpari nimantenti. Sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvena sakkā kātunti ‘‘saddhāya sammukhībhāvā’’tiādimāha. Deyyadhammā sulabhā dakkhiṇeyyā ca, saddhā pana dullabhā. Puthujjanassa hi saddhā athāvarā, padavāre padavāre nānā hoti. Tenevassa mahāmoggallānasadisopi aggasāvako pāṭibhogo bhavituṃ asakkonto āha ‘‘dvinnaṃ kho nesaṃ āvuso dhammānaṃ pāṭibhogo bhogānañca jīvitassa ca, saddhāya pana tvaṃ pāṭibhogo’’ti.

    звам̣ д̇умхз бун̃н̃зна бариб̣аахираа бхависсат̇аад̇и зд̇т̇а бун̃н̃знаад̇и ниссаггад̇т̇з гаран̣аважанам̣. бун̃н̃ад̇о барихийнаа бараммукаа бхависсат̇а. бхаагудигаад̇и мукаанам̣ бад̇хаанабуримадтид̇абхаавад̣̇ассанзна бхаагудигаран̣ам̣, мукасан̇гожод̇и вуд̇д̇ам̣ ход̇и. бхаагудигаран̣ам̣ сийламассаад̇и бхаагудиго, бхаагудигасса бхааво бхаагудияам̣. гуханаад̇и вимхаабанаа. гухасса ааяанаа гухааяанаа. гухид̇асса бхааво гухид̇ад̇д̇ам̣.

    Evaṃ tumhe puññena paribāhirā bhavissathāti ettha puññenāti nissakkatthe karaṇavacanaṃ. Puññato parihīnā parammukhā bhavissatha. Bhākuṭikāti mukhānaṃ padhānapurimaṭṭhitabhāvadassanena bhākuṭikaraṇaṃ, mukhasaṅkocoti vuttaṃ hoti. Bhākuṭikaraṇaṃ sīlamassāti bhākuṭiko, bhākuṭikassa bhāvo bhākuṭiyaṃ. Kuhanāti vimhāpanā. Kuhassa āyanā kuhāyanā. Kuhitassa bhāvo kuhitattaṃ.

    баабижчод̇и асанд̇аг̇ун̣ад̣̇ийбанагаамо. ижчаабагад̇од̇и ижчааяа абагад̇о, убад̣̇д̣̇уд̇од̇и ад̇т̇о. самбхааванаад̇хиббааяод̇и б̣ахумаанаж̇жхаасаяо. г̇аманам̣ сан̣табзд̇ийд̇и абхиггамаад̣̇иг̇аманам̣ абхисан̇карод̇и, баасаад̣̇игабхаавам̣ гарод̇ийд̇и вуд̇д̇ам̣ ход̇и. ид̇арзсуби зсзва наяо. бан̣ид̇хааяа г̇ажчад̇ийд̇и бад̇т̇анам̣ табзд̇ваа г̇ажчад̇и. сзсзсуби зсзва наяо. самаахид̇о вияа г̇ажчад̇ийд̇и убажаараббад̇д̇о вияа г̇ажчад̇и. сзсзсуби зсзва наяо.

    Pāpicchoti asantaguṇadīpanakāmo. Icchāpakatoti icchāya apakato, upaddutoti attho. Sambhāvanādhippāyoti bahumānajjhāsayo. Gamanaṃ saṇṭhapetīti abhikkamādigamanaṃ abhisaṅkharoti, pāsādikabhāvaṃ karotīti vuttaṃ hoti. Itaresupi eseva nayo. Paṇidhāya gacchatīti patthanaṃ ṭhapetvā gacchati. Sesesupi eseva nayo. Samāhito viya gacchatīti upacārappatto viya gacchati. Sesesupi eseva nayo.

    аабаат̇агаж̇жхааяийва ход̇ийд̇и саммукаа ааг̇ад̇аанам̣ мануссаанам̣ жхаанам̣ самаабаж̇ж̇анд̇о вияа санд̇абхаавам̣ д̣̇ассзд̇и. ирияаабат̇ассаад̇и жад̇уирияаабат̇асса. аатабанаад̇и аад̣̇идтабанаа, аад̣̇арзна ваа табанаа. табанаад̇и табанаагааро. сан̣табанаад̇и абхисан̇каран̣ам̣, баасаад̣̇игабхаавагаран̣анд̇и вуд̇д̇ам̣ ход̇и. арияад̇хаммасанниссид̇анд̇и логуд̇д̇арад̇хаммабадиб̣ад̣̇д̇хам̣. гун̃жиганд̇и аваабуран̣ам̣. мид̇д̇аад̇и синзхаванд̇о. санд̣̇идтаад̇и д̣̇идтамад̇д̇аа. самбхад̇д̇аад̇и д̣̇ал̣хамид̇д̇аа. уд̣̇д̣̇ан̣д̣зд̇и зго бад̇иссаяависзсо.

    Āpāthakajjhāyīva hotīti sammukhā āgatānaṃ manussānaṃ jhānaṃ samāpajjanto viya santabhāvaṃ dasseti. Iriyāpathassāti catuiriyāpathassa. Āṭhapanāti ādiṭṭhapanā, ādarena vā ṭhapanā. Ṭhapanāti ṭhapanākāro. Saṇṭhapanāti abhisaṅkharaṇaṃ, pāsādikabhāvakaraṇanti vuttaṃ hoti. Ariyadhammasannissitanti lokuttaradhammapaṭibaddhaṃ. Kuñcikanti avāpuraṇaṃ. Mittāti sinehavanto. Sandiṭṭhāti diṭṭhamattā. Sambhattāti daḷhamittā. Uddaṇḍeti eko patissayaviseso.

    гораж̇игагораж̇игод̇и сан̇гожасан̇гожаго, ад̇исан̇гожагод̇и вуд̇д̇ам̣ ход̇и. ‘‘горажагагоражаго’’д̇и ваа баато. бхаагудигабхаагудигод̇и ад̇ивияа мукасан̇гожанасийло. гухагагухагод̇и ад̇ивияа вимхаабаго. лабагалабагод̇и ад̇ивияа саллаабаго. мукасамбхаавигод̇и ад̇д̇ано мукавасзна ан̃н̃зхи саха самбхаавиго, аббид̇ажид̇д̇од̇и згз. санд̇аананд̇и гилзсасанд̇ад̇ааяа санд̇аанам̣. самаабад̇д̇ийнанд̇и самаабаж̇ж̇ид̇аб̣б̣аанам̣. г̇амбхийранд̇и ниннабад̇идтаанам̣. г̇уул̣ханд̇и д̣̇ассзд̇ум̣ д̣̇угкам̣. нибун̣анд̇и сукумам̣. бадижчаннанд̇и бад̣̇ад̇т̇зна д̣̇уббадивиж̇жхаад̇хиббааяам̣. логуд̇д̇аранд̇и д̇хаммад̣̇ийбагам̣. сун̃н̃ад̇аабадисан̃н̃уд̇д̇анд̇и ниб̣б̣аанабадисан̃н̃уд̇д̇ам̣. ат̇а ваа логуд̇д̇арасун̃н̃ад̇аабадисан̃н̃уд̇д̇анд̇и логуд̇д̇арад̇хаммабхууд̇аниб̣б̣аанабадисан̃н̃уд̇д̇ам̣.

    Korajikakorajikoti saṅkocasaṅkocako, atisaṅkocakoti vuttaṃ hoti. ‘‘Koracakakoracako’’ti vā pāṭho. Bhākuṭikabhākuṭikoti ativiya mukhasaṅkocanasīlo. Kuhakakuhakoti ativiya vimhāpako. Lapakalapakoti ativiya sallāpako. Mukhasambhāvikoti attano mukhavasena aññehi saha sambhāviko, appitacittoti eke. Santānanti kilesasantatāya santānaṃ. Samāpattīnanti samāpajjitabbānaṃ. Gambhīranti ninnapatiṭṭhānaṃ. Gūḷhanti dassetuṃ dukkhaṃ. Nipuṇanti sukhumaṃ. Paṭicchannanti padatthena duppaṭivijjhādhippāyaṃ. Lokuttaranti dhammadīpakaṃ. Suññatāpaṭisaññuttanti nibbānapaṭisaññuttaṃ. Atha vā lokuttarasuññatāpaṭisaññuttanti lokuttaradhammabhūtanibbānapaṭisaññuttaṃ.

    гааяигам̣ бааг̇аб̣бхияанд̇и гааяз бхавам̣ гааяигам̣. ваажасигажзд̇асигзсуби зсзва наяо. ажид̇д̇ийгаарагад̇од̇и б̣ахумаанагирияарахид̇о. анубааханаанам̣ жан̇гаманд̇аананд̇и убааханавирахид̇аанам̣ жан̇гаманд̇аанам̣ самийбз, анаад̣̇арз ваа саамиважанам̣. саубааханод̇и убааханааруул̣хо худ̇ваа жан̇гамад̇и. нийжз жан̇гамз жан̇гаманд̇аананд̇и агад̇абарижчзд̣̇ааяа бхуумияаа жан̇гаманд̇з барижчзд̣̇ам̣ гад̇ваа ваалугам̣ аагирид̇ваа ааламб̣анам̣ яож̇зд̇ваа гад̇ажан̇гамз нийжзби жан̇гамз жан̇гаманд̇з. ужжз жан̇гамз жан̇гамад̇ийд̇и идтагажаяанасамбаннз взд̣̇игаабаригкид̇д̇з ужжз жан̇гамз жан̇гамад̇и. сажз баагаарабаригкид̇д̇о ход̇и д̣̇ваарагодтагаяуд̇д̇о, баб̣б̣ад̇анд̇аравананд̇арабхууманд̇арасса ваа суббадижчанно, д̇аад̣̇исз жан̇гамз жан̇гамид̇ум̣ ваддад̇и, аббадижчаннзби убажаарам̣ мун̃жид̇ваа ваддад̇и. гхаддаяанд̇оби д̇идтад̇ийд̇и ад̇исамийбз д̇идтад̇и. бурад̇оби д̇идтад̇ийд̇и бурад̇т̇имад̇оби д̇идтад̇и. тид̇агоби бхан̣ад̇ийд̇и каан̣уго вияа анонамид̇ваа бхан̣ад̇и. б̣аахаавигкзбагод̇и б̣аахум̣ кибид̇ваа кибид̇ваа бхан̣ад̇и.

    Kāyikaṃ pāgabbhiyanti kāye bhavaṃ kāyikaṃ. Vācasikacetasikesupi eseva nayo. Acittīkārakatoti bahumānakiriyarahito. Anupāhanānaṃ caṅkamantānanti upāhanavirahitānaṃ caṅkamantānaṃ samīpe, anādare vā sāmivacanaṃ. Saupāhanoti upāhanārūḷho hutvā caṅkamati. Nīce caṅkame caṅkamantānanti akataparicchedāya bhūmiyā caṅkamante paricchedaṃ katvā vālukaṃ ākiritvā ālambanaṃ yojetvā katacaṅkame nīcepi caṅkame caṅkamante. Ucce caṅkame caṅkamatīti iṭṭhakacayanasampanne vedikāparikkhitte ucce caṅkame caṅkamati. Sace pākāraparikkhitto hoti dvārakoṭṭhakayutto, pabbatantaravanantarabhūmantarassa vā suppaṭicchanno, tādise caṅkame caṅkamituṃ vaṭṭati, appaṭicchannepi upacāraṃ muñcitvā vaṭṭati. Ghaṭṭayantopi tiṭṭhatīti atisamīpe tiṭṭhati. Puratopitiṭṭhatīti puratthimatopi tiṭṭhati. Ṭhitakopi bhaṇatīti khāṇuko viya anonamitvā bhaṇati. Bāhāvikkhepakoti bāhuṃ khipitvā khipitvā bhaṇati.

    анубакаж̇ж̇аад̇и саб̣б̣зсам̣ нисиннадтаанам̣ бависид̇ваа. навзби бхигкуу аасанзна бадиб̣аахад̇ийд̇и ад̇д̇ано бад̇д̇аасанз анисийд̣̇ид̇ваа бурз ваа бажчаа ваа бависанд̇о аасанзна бадиб̣аахад̇и наама.

    Anupakhajjāti sabbesaṃ nisinnaṭṭhānaṃ pavisitvā. Navepi bhikkhū āsanena paṭibāhatīti attano pattāsane anisīditvā pure vā pacchā vā pavisanto āsanena paṭibāhati nāma.

    анаабужчамби гадтам̣ багкибад̇ийд̇и анаабужчид̇ваа анабалогзд̇ваа аг̇г̇имхи д̣̇аарум̣ кибад̇и. д̣̇ваарам̣ бид̣̇ахад̇ийд̇и ж̇анд̇аагхарз бид̣̇ахад̇и.

    Anāpucchampi kaṭṭhaṃ pakkhipatīti anāpucchitvā anapaloketvā aggimhi dāruṃ khipati. Dvāraṃ pidahatīti jantāghare pidahati.

    од̇арад̇ийд̇и уд̣̇агад̇ид̇т̇ам̣ бависад̇и. нхааяад̇ийд̇и сарийрам̣ синзхзд̇и. уд̇д̇арад̇ийд̇и уд̣̇агад̇ид̇т̇ад̇о д̇ийрам̣ уг̇г̇ажчад̇и.

    Otaratīti udakatitthaṃ pavisati. Nhāyatīti sarīraṃ sineheti. Uttaratīti udakatitthato tīraṃ uggacchati.

    воггаммаабийд̇и ад̇иггамид̇вааби. оварагаанийд̇и г̇аб̣бхз бад̇идтид̇асаяанагхараани.

    Vokkammāpīti atikkamitvāpi. Ovarakānīti gabbhe patiṭṭhitasayanagharāni.

    г̇уул̣хаанийд̇и бадижчаннаани. бадижчаннаанийд̇и ан̃н̃зхи бадижчаад̣̇ид̇аани.

    Gūḷhānīti paṭicchannāni. Paṭicchannānīti aññehi paṭicchāditāni.

    анаж̇жхидто ваад̇и т̇зрзхи ‘‘д̇хаммам̣ бхан̣аахий’’д̇и анаан̣ад̇д̇о анааяаажид̇о жа.

    Anajjhiṭṭho vāti therehi ‘‘dhammaṃ bhaṇāhī’’ti anāṇatto anāyācito ca.

    баабад̇хаммод̇и лаамагад̇хаммо. асужисан̇гасарасамаажаарод̇и ан̃н̃зхи ‘‘аяам̣ д̣̇уссийло’’д̇и сан̇гааяа сарид̇аб̣б̣о аажааро сам̣яог̇о зд̇ассаад̇и асужисан̇гасарасамаажааро. сан̇гассарасамаажаарод̇и сагаарам̣ сам̣яог̇ам̣ гад̇вааби батанд̇и. бадижчаннагамманд̇од̇и бадижчаад̣̇ид̇агааяаважийгамманд̇о. ассаман̣од̇и на саман̣о. саман̣абадин̃н̃од̇и ‘‘ахам̣ саман̣о’’д̇и бадиж̇аананд̇о. аб̣рахмажаарийд̇и сздтажарияаа вирахид̇о. б̣рахмажаарибадин̃н̃од̇и вуд̇д̇абадибагко. анд̇обууд̇ийд̇и аб̣бханд̇арз гусалад̇хаммавирахид̇ад̇д̇аа анд̇обууд̇ибхаавамаабанно. авассуд̇од̇и рааг̇зна д̇инд̇о. гасамб̣уж̇аад̇од̇и сан̇гаарасабхааво. аажаараг̇ожарасамбаннод̇и зд̇т̇а бхигку саг̇аараво саббад̇иссо хирод̇д̇аббасамбанно сунивад̇т̇о субааруд̇о баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна огкид̇д̇ажагку ирияаабат̇асамбанно инд̣̇риязсу г̇уд̇д̇ад̣̇вааро бхож̇анз мад̇д̇ан̃н̃уу ж̇ааг̇арияамануяуд̇д̇о сад̇исамбаж̇ан̃н̃зна саманнааг̇ад̇о аббижчо санд̇удто аарад̣̇д̇хавийрияо аабхисамаажааригзсу саггажжагаарий г̇аружид̇д̇ийгаараб̣ахуло вихарад̇и, аяам̣ вужжад̇и аажааро. звам̣ д̇аава аажааро взд̣̇ид̇аб̣б̣о.

    Pāpadhammoti lāmakadhammo. Asucisaṅkasarasamācāroti aññehi ‘‘ayaṃ dussīlo’’ti saṅkāya saritabbo ācāro saṃyogo etassāti asucisaṅkasarasamācāro. Saṅkassarasamācāroti sakāraṃ saṃyogaṃ katvāpi paṭhanti. Paṭicchannakammantoti paṭicchāditakāyavacīkammanto. Assamaṇoti na samaṇo. Samaṇapaṭiññoti ‘‘ahaṃ samaṇo’’ti paṭijānanto. Abrahmacārīti seṭṭhacariyā virahito. Brahmacāripaṭiññoti vuttapaṭipakkho. Antopūtīti abbhantare kusaladhammavirahitattā antopūtibhāvamāpanno. Avassutoti rāgena tinto. Kasambujātoti saṅkārasabhāvo. Ācāragocarasampannoti ettha bhikkhu sagāravo sappatisso hirottappasampanno sunivattho supāruto pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno indriyesu guttadvāro bhojane mattaññū jāgariyamanuyutto satisampajaññena samannāgato appiccho santuṭṭho āraddhavīriyo ābhisamācārikesu sakkaccakārī garucittīkārabahulo viharati, ayaṃ vuccati ācāro. Evaṃ tāva ācāro veditabbo.

    г̇ожаро бана д̇ивид̇хо убаниссаяаг̇ожаро аарагкаг̇ожаро убаниб̣анд̇хаг̇ожарод̇и. д̇ад̇т̇а гад̇амо убаниссаяаг̇ожаро? д̣̇асагат̇аавад̇т̇уг̇ун̣асаманнааг̇ад̇о галяаан̣амид̇д̇о, яам̣ ниссааяа ассуд̇ам̣ сун̣аад̇и, суд̇ам̣ барияод̣̇аабзд̇и, ган̇кам̣ вид̇арад̇и, д̣̇идтим̣ уж̇ум̣ гарод̇и, жид̇д̇ам̣ басаад̣̇зд̇и; яасса ваа бана анусигкамаано сад̣̇д̇хааяа вад̣дхад̇и, сийлзна, суд̇зна, жааг̇зна, бан̃н̃ааяа вад̣дхад̇и. аяам̣ вужжад̇и убаниссаяаг̇ожаро.

    Gocaro pana tividho upanissayagocaro ārakkhagocaro upanibandhagocaroti. Tattha katamo upanissayagocaro? Dasakathāvatthuguṇasamannāgato kalyāṇamitto, yaṃ nissāya assutaṃ suṇāti, sutaṃ pariyodāpeti, kaṅkhaṃ vitarati, diṭṭhiṃ ujuṃ karoti, cittaṃ pasādeti; yassa vā pana anusikkhamāno saddhāya vaḍḍhati, sīlena, sutena, cāgena, paññāya vaḍḍhati. Ayaṃ vuccati upanissayagocaro.

    гад̇амо аарагкаг̇ожаро? ид̇ха бхигку анд̇арагхарам̣ бавидто вийт̇им̣ бадибанно огкид̇д̇ажагку яуг̇амад̇д̇ад̣̇ассаавий сусам̣вуд̇о г̇ажчад̇и, на хад̇т̇им̣ ологзнд̇о, на ассам̣, на рат̇ам̣, на бад̇д̇им̣, на ид̇т̇им̣, на бурисам̣ ологзнд̇о, на уд̣̇д̇хам̣ уллогзнд̇о, на ад̇хо ологзнд̇о, на д̣̇исаавид̣̇исам̣ бзгкамаано г̇ажчад̇и. аяам̣ вужжад̇и аарагкаг̇ожаро.

    Katamo ārakkhagocaro? Idha bhikkhu antaragharaṃ paviṭṭho vīthiṃ paṭipanno okkhittacakkhu yugamattadassāvī susaṃvuto gacchati, na hatthiṃ olokento, na assaṃ, na rathaṃ, na pattiṃ, na itthiṃ, na purisaṃ olokento, na uddhaṃ ullokento, na adho olokento, na disāvidisaṃ pekkhamāno gacchati. Ayaṃ vuccati ārakkhagocaro.

    гад̇амо убаниб̣анд̇хаг̇ожаро? жад̇д̇ааро сад̇ибадтаанаа яад̇т̇а жид̇д̇ам̣ убаниб̣анд̇хад̇и. вуд̇д̇ан̃хзд̇ам̣ бхаг̇авад̇аа – ‘‘го жа, бхигкавз, бхигкуно г̇ожаро саго бзд̇д̇иго висаяо? яад̣̇ид̣̇ам̣ жад̇д̇ааро сад̇ибадтаанаа’’д̇и (сам̣. ни. 5.372), аяам̣ вужжад̇и убаниб̣анд̇хаг̇ожарод̇и. ид̇и иминаа жа аажаарзна иминаа жа г̇ожарзна убзд̇о…бз… саманнааг̇ад̇о. д̇знаби вужжад̇и аажаараг̇ожарасамбаннод̇и.

    Katamo upanibandhagocaro? Cattāro satipaṭṭhānā yattha cittaṃ upanibandhati. Vuttañhetaṃ bhagavatā – ‘‘ko ca, bhikkhave, bhikkhuno gocaro sako pettiko visayo? Yadidaṃ cattāro satipaṭṭhānā’’ti (saṃ. ni. 5.372), ayaṃ vuccati upanibandhagocaroti. Iti iminā ca ācārena iminā ca gocarena upeto…pe… samannāgato. Tenapi vuccati ācāragocarasampannoti.

    ан̣умад̇д̇зсу важ̇ж̇зсу бхаяад̣̇ассаавийд̇и ан̣уббамаан̣зсу асан̃жижжа аабаннасзкияаагусалажид̇д̇уббаад̣̇аад̣̇ибхзд̣̇зсу важ̇ж̇зсу бхаяад̣̇ассанасийло. самаад̣̇ааяа сигкад̇и сигкаабад̣̇зсууд̇и яам̣гин̃жи сигкаабад̣̇зсу сигкид̇аб̣б̣ам̣, д̇ам̣ саб̣б̣ам̣ саммаа аад̣̇ааяа сигкад̇и. зд̇т̇а жа ‘‘баад̇имогкасам̣варасам̣вуд̇о’’д̇и зд̇д̇аавад̇аа жа буг̇г̇алаад̇хидтаанааяа д̣̇зсанааяа баад̇имогкасам̣варасийлам̣ д̣̇ассид̇ам̣. ‘‘аажаараг̇ожарасамбанно’’д̇иаад̣̇и бана саб̣б̣ам̣ яат̇аабадибаннасса д̇ам̣ сийлам̣ самбаж̇ж̇ад̇и, д̇ам̣ бадибад̇д̇им̣ д̣̇ассзд̇ум̣ вуд̇д̇анд̇и взд̣̇ид̇аб̣б̣ам̣.

    Aṇumattesu vajjesu bhayadassāvīti aṇuppamāṇesu asañcicca āpannasekhiyaakusalacittuppādādibhedesu vajjesu bhayadassanasīlo. Samādāya sikkhati sikkhāpadesūti yaṃkiñci sikkhāpadesu sikkhitabbaṃ, taṃ sabbaṃ sammā ādāya sikkhati. Ettha ca ‘‘pātimokkhasaṃvarasaṃvuto’’ti ettāvatā ca puggalādhiṭṭhānāya desanāya pātimokkhasaṃvarasīlaṃ dassitaṃ. ‘‘Ācāragocarasampanno’’tiādi pana sabbaṃ yathāpaṭipannassa taṃ sīlaṃ sampajjati, taṃ paṭipattiṃ dassetuṃ vuttanti veditabbaṃ.

    88. саад̇иязсу анассаавийд̇и саад̇авад̇т̇уусу гаамаг̇ун̣зсу д̇ан̣хаасант̇ававирахид̇о. сан̣ход̇и сан̣хзхи гааяагаммаад̣̇ийхи саманнааг̇ад̇о. бадибхаанаваад̇и барияад̇д̇ибарибужчаад̇хиг̇амабадибхаанзхи саманнааг̇ад̇о. на сад̣̇д̇ход̇и саамам̣ ад̇хиг̇ад̇ад̇хаммам̣ на гассажи сад̣̇д̣̇ахад̇и. на вираж̇ж̇ад̇ийд̇и каяаа рааг̇асса вирад̇д̇ад̇д̇аа ид̣̇аани на вираж̇ж̇ад̇и.

    88.Sātiyesu anassāvīti sātavatthūsu kāmaguṇesu taṇhāsanthavavirahito. Saṇhoti saṇhehi kāyakammādīhi samannāgato. Paṭibhānavāti pariyattiparipucchādhigamapaṭibhānehi samannāgato. Na saddhoti sāmaṃ adhigatadhammaṃ na kassaci saddahati. Na virajjatīti khayā rāgassa virattattā idāni na virajjati.

    язсам̣ зсаад̇и язсам̣ буг̇г̇алаанам̣ саад̇авад̇т̇уусу гаамаг̇ун̣зсу ижчаа д̇ан̣хаа. аббахийнаад̇и сант̇авасамбаяуд̇д̇аа д̇ан̣хаа арахад̇д̇амаг̇г̇зна аббахийнаа. д̇зсам̣ жагкуд̇о руубад̇ан̣хаа савад̇ийд̇и зд̇зсам̣ жагкуд̣̇ваарад̇о бавад̇д̇аж̇аванавийт̇исамбаяуд̇д̇аа руубаарамман̣аа д̇ан̣хаа уббаж̇ж̇ад̇и. аасавад̇ийд̇и огаасад̇о яаава бхаваг̇г̇аа д̇хаммад̇о яаава г̇од̇рабхуу савад̇и. санд̣̇ад̇ийд̇и над̣̇ийсод̇ам̣ вияа ад̇хомукам̣ санд̣̇ад̇и. бавад̇д̇ад̇ийд̇и бунаббунам̣ уббад̇д̇ивасзна бавад̇д̇ад̇и. сзсад̣̇ваарзсуби зсзва наяо. суггабагкз вуд̇д̇авибарияааязна д̇ан̣хаа арахад̇д̇амаг̇г̇зна суббахийнаа. д̇зсам̣ жагкуд̇о руубад̇ан̣хаа на савад̇и.

    Yesaṃ esāti yesaṃ puggalānaṃ sātavatthūsu kāmaguṇesu icchā taṇhā. Appahīnāti santhavasampayuttā taṇhā arahattamaggena appahīnā. Tesaṃ cakkhuto rūpataṇhā savatīti etesaṃ cakkhudvārato pavattajavanavīthisampayuttā rūpārammaṇā taṇhā uppajjati. Āsavatīti okāsato yāva bhavaggā dhammato yāva gotrabhū savati. Sandatīti nadīsotaṃ viya adhomukhaṃ sandati. Pavattatīti punappunaṃ uppattivasena pavattati. Sesadvāresupi eseva nayo. Sukkapakkhe vuttavipariyāyena taṇhā arahattamaggena suppahīnā. Tesaṃ cakkhuto rūpataṇhā na savati.

    сан̣хзна гааяагаммзна саманнааг̇ад̇од̇и апарусзна муд̣̇унаа гааяагаммзна саман̇г̇ийбхууд̇о згийбхууд̇о. важийгаммаад̣̇ийсуби зсзва наяо. сан̣хзхи сад̇ибадтаанзхийд̇иаад̣̇ийсу сад̇ибадтаанаад̣̇аяо логияалогуд̇д̇арамиссагаа. барияаабун̣анаад̇т̇аад̣̇ибарибужчаалогияалогуд̇д̇арад̇хаммаад̇хиг̇амавасзна саллагкан̣авибхааванававад̇т̇аанагаран̣асамад̇т̇аа д̇иссо бадибхаанаббабхзд̣̇асан̇каад̇аа бан̃н̃аа яасса ад̇т̇и, со бадибхаанаваа. д̇асса барияад̇д̇им̣ ниссааяа бадибхааяад̇ийд̇и д̇асса буг̇г̇аласса барияаабун̣анам̣ аллийяид̇ваа н̃аан̣ам̣ ж̇ааяад̇и н̃аан̣ам̣ абхимукам̣ ход̇и. жад̇д̇ааро сад̇ибадтаанаад̇и сад̇д̇ад̇им̣са б̣од̇хибагкияад̇хаммаа логияалогуд̇д̇арамиссагавасзна вуд̇д̇аа. маг̇г̇апалаани ниб̣б̣ад̇д̇ид̇алогуд̇д̇аравасзна. жад̇ассо бадисамбхид̣̇ааяо ча жа абхин̃н̃ааяо вимогканд̇игавасзна вуд̇д̇аад̇и н̃аад̇аб̣б̣аа.

    Saṇhenakāyakammena samannāgatoti apharusena mudunā kāyakammena samaṅgībhūto ekībhūto. Vacīkammādīsupi eseva nayo. Saṇhehi satipaṭṭhānehītiādīsu satipaṭṭhānādayo lokiyalokuttaramissakā. Pariyāpuṇanaatthādiparipucchālokiyalokuttaradhammādhigamavasena sallakkhaṇavibhāvanavavatthānakaraṇasamatthā tisso paṭibhānappabhedasaṅkhātā paññā yassa atthi, so paṭibhānavā. Tassa pariyattiṃ nissāya paṭibhāyatīti tassa puggalassa pariyāpuṇanaṃ allīyitvā ñāṇaṃ jāyati ñāṇaṃ abhimukhaṃ hoti. Cattāro satipaṭṭhānāti sattatiṃsa bodhipakkhiyadhammā lokiyalokuttaramissakavasena vuttā. Maggaphalāni nibbattitalokuttaravasena. Catasso paṭisambhidāyo cha ca abhiññāyo vimokkhantikavasena vuttāti ñātabbā.

    д̇ад̇т̇а жад̇ассо бадисамбхид̣̇ааяод̇и жад̇д̇ааро н̃аан̣аббабхзд̣̇аад̇и ад̇т̇о. ид̣̇д̇хивид̇хаад̣̇иаасавагкаяабарияосаанаани ад̇хигаани ча н̃аан̣аани. д̇ассаад̇и барасса, ад̇т̇о бадибхааяад̇ийд̇и самб̣анд̇хо. ад̇т̇од̇и сан̇кзбад̇о хзд̇упалам̣. д̇ан̃хи яасмаа хзд̇уанусаарзна арийяад̇и ад̇хиг̇амийяад̇и баабун̣ийяад̇и, д̇асмаа ад̇т̇од̇и вужжад̇и. бабхзд̣̇ад̇о бана яам̣гин̃жи бажжаяуббаннам̣ ниб̣б̣аанам̣ бхаасид̇ад̇т̇о вибааго гирияаад̇и имз бан̃жа д̇хаммаа ад̇т̇од̇и взд̣̇ид̇аб̣б̣аа, д̇ам̣ ад̇т̇ам̣ бажжавзгканд̇асса со ад̇т̇о бабхзд̣̇ад̇о н̃аад̇о баагадо ход̇и. д̇хаммод̇и сан̇кзбад̇о бажжаяо. со хи яасмаа д̇ам̣ д̇ам̣ вид̣̇ахад̇и бавад̇д̇зд̇и жзва баабзд̇и жа, д̇асмаа д̇хаммод̇и вужжад̇и. бабхзд̣̇ад̇о бана яо гожи паланиб̣б̣ад̇д̇аго хзд̇у арияамаг̇г̇о бхаасид̇ам̣ гусалам̣ агусаланд̇и имз бан̃жа д̇хаммаа д̇хаммод̇и взд̣̇ид̇аб̣б̣аа, д̇ам̣ д̇хаммам̣ бажжавзгканд̇асса со д̇хаммо бабхзд̣̇ад̇о н̃аад̇о баагадо ход̇и, д̇асмим̣ ад̇т̇з жа д̇хаммз жа яаа сабхааванируд̇д̇и аб̣яабхижаарий вохааро, д̇асса абхилаабз бхаасанз уд̣̇ийран̣з д̇ам̣ лабид̇ам̣ бхаасид̇ам̣ уд̣̇ийрид̇ам̣ сабхааванируд̇д̇исад̣̇д̣̇ам̣ аарамман̣ам̣ гад̇ваа бажжавзгканд̇асса саа нируд̇д̇и н̃аад̇аа баагадаа ход̇и.

    Tattha catasso paṭisambhidāyoti cattāro ñāṇappabhedāti attho. Iddhividhādiāsavakkhayapariyosānāni adhikāni cha ñāṇāni. Tassāti parassa, attho paṭibhāyatīti sambandho. Atthoti saṅkhepato hetuphalaṃ. Tañhi yasmā hetuanusārena arīyati adhigamīyati pāpuṇīyati, tasmā atthoti vuccati. Pabhedato pana yaṃkiñci paccayuppannaṃ nibbānaṃ bhāsitattho vipāko kiriyāti ime pañca dhammā atthoti veditabbā, taṃ atthaṃ paccavekkhantassa so attho pabhedato ñāto pākaṭo hoti. Dhammoti saṅkhepato paccayo. So hi yasmā taṃ taṃ vidahati pavatteti ceva pāpeti ca, tasmā dhammoti vuccati. Pabhedato pana yo koci phalanibbattako hetu ariyamaggo bhāsitaṃ kusalaṃ akusalanti ime pañca dhammā dhammoti veditabbā, taṃ dhammaṃ paccavekkhantassa so dhammo pabhedato ñāto pākaṭo hoti, tasmiṃ atthe ca dhamme ca yā sabhāvanirutti abyabhicārī vohāro, tassa abhilāpe bhāsane udīraṇe taṃ lapitaṃ bhāsitaṃ udīritaṃ sabhāvaniruttisaddaṃ ārammaṇaṃ katvā paccavekkhantassa sā nirutti ñātā pākaṭā hoti.

    зд̇т̇а ад̇т̇з н̃аад̇з ад̇т̇о бадибхааяад̇ийд̇и ид̣̇аани д̇асса сад̣̇д̣̇ам̣ аахарид̇ваа вуд̇д̇аббабхзд̣̇з ад̇т̇з баагадийбхууд̇з вуд̇д̇аббабхзд̣̇о ад̇т̇о д̇асса буг̇г̇аласса бадибхааяад̇и н̃аан̣аабхимуко ход̇и. д̇хаммз н̃аад̇з д̇хаммо бадибхааяад̇ийд̇и вуд̇д̇аббабхзд̣̇з д̇хаммз баагадийбхууд̇з вуд̇д̇аббабхзд̣̇о д̇хаммо бадибхааяад̇и. нируд̇д̇ияаа н̃аад̇ааяа нируд̇д̇и бадибхааяад̇ийд̇и вуд̇д̇аббабхзд̣̇ааяа нируд̇д̇ияаа баагадааяа вуд̇д̇аббабхзд̣̇аа нируд̇д̇и бадибхааяад̇и. имзсу д̇ийсу н̃аан̣зсу н̃аан̣анд̇и ад̇т̇ад̇хамманируд̇д̇ийсу имзсу д̇ийсу саб̣б̣ад̇т̇аган̃аан̣амаарамман̣ам̣ гад̇ваа бажжавзгканд̇асса д̇зсу д̇ийсу н̃аан̣зсу бабхзд̣̇аг̇ад̇ам̣ н̃аан̣ам̣, яат̇аавуд̇д̇зсу ваа д̇зсу д̇ийсу н̃аан̣зсу г̇ожарагижжаад̣̇ивасзна вид̇т̇аараг̇ад̇ам̣ н̃аан̣ам̣ бадибхаанабадисамбхид̣̇аа. имааяа бадибхаанабадисамбхид̣̇ааяаад̇и имааяа вуд̇д̇аббагаарааяа яат̇аавуд̇д̇авид̇т̇аарабан̃н̃ааяа убзд̇о ход̇и. со вужжад̇и бадибхаанаваад̇и ниг̇амзнд̇о ааха. яасса барияад̇д̇и над̇т̇ийд̇и барияад̇д̇и наама б̣уд̣̇д̇хаважанам̣. д̇ан̃хи уг̇г̇ан̣ханд̇асса бадисамбхид̣̇аа висад̣̇аа хонд̇и. яасса буг̇г̇аласса зваруубаа барияад̇д̇и над̇т̇и. барибужчаа над̇т̇ийд̇и барибужчаа наама баал̣иадтагат̇аад̣̇ийсу г̇ан̣тибад̣̇аад̇т̇абад̣̇авинижчаяагат̇аа. уг̇г̇ахид̇абаал̣иаад̣̇ийсу хи ад̇т̇ам̣ гат̇знд̇асса бадисамбхид̣̇аа висад̣̇аа хонд̇и. ад̇хиг̇амо над̇т̇ийд̇и ад̇хиг̇амо наама арахад̇д̇аббад̇д̇и. арахад̇д̇ан̃хи бад̇д̇асса бадисамбхид̣̇аа висад̣̇аа хонд̇и. яасса вуд̇д̇аббагаараа д̇ивид̇хаа самбад̇д̇и над̇т̇и. гим̣ д̇асса бадибхааяиссад̇ийд̇и гзна гааран̣зна д̇асса буг̇г̇аласса бабхзд̣̇аг̇ад̇ам̣ н̃аан̣ам̣ убадтахиссад̇и.

    Ettha atthe ñāte attho paṭibhāyatīti idāni tassa saddaṃ āharitvā vuttappabhede atthe pākaṭībhūte vuttappabhedo attho tassa puggalassa paṭibhāyati ñāṇābhimukho hoti. Dhamme ñātedhammo paṭibhāyatīti vuttappabhede dhamme pākaṭībhūte vuttappabhedo dhammo paṭibhāyati. Niruttiyā ñātāya nirutti paṭibhāyatīti vuttappabhedāya niruttiyā pākaṭāya vuttappabhedā nirutti paṭibhāyati. Imesu tīsu ñāṇesu ñāṇanti atthadhammaniruttīsu imesu tīsu sabbatthakañāṇamārammaṇaṃ katvā paccavekkhantassa tesu tīsu ñāṇesu pabhedagataṃ ñāṇaṃ, yathāvuttesu vā tesu tīsu ñāṇesu gocarakiccādivasena vitthāragataṃ ñāṇaṃ paṭibhānapaṭisambhidā. Imāya paṭibhānapaṭisambhidāyāti imāya vuttappakārāya yathāvuttavitthārapaññāya upeto hoti. So vuccati paṭibhānavāti nigamento āha. Yassa pariyatti natthīti pariyatti nāma buddhavacanaṃ. Tañhi uggaṇhantassa paṭisambhidā visadā honti. Yassa puggalassa evarūpā pariyatti natthi. Paripucchā natthīti paripucchā nāma pāḷiaṭṭhakathādīsu gaṇṭhipadaatthapadavinicchayakathā. Uggahitapāḷiādīsu hi atthaṃ kathentassa paṭisambhidā visadā honti. Adhigamo natthīti adhigamo nāma arahattappatti. Arahattañhi pattassa paṭisambhidā visadā honti. Yassa vuttappakārā tividhā sampatti natthi. Kiṃ tassa paṭibhāyissatīti kena kāraṇena tassa puggalassa pabhedagataṃ ñāṇaṃ upaṭṭhahissati.

    сааманд̇и саяамзва. саяам̣ абхин̃н̃аад̇анд̇и саяамзва д̇зна н̃аан̣зна аваг̇амид̇ам̣. ад̇д̇абажжагкам̣ д̇хамманд̇и ад̇д̇анаа бадивиж̇жхид̇ам̣ бажжавзгкид̇ам̣ д̇хаммам̣. на гассажи сад̣̇д̣̇ахад̇ийд̇и ад̇д̇абажжагкад̇ааяа барзсам̣ на сад̣̇д̣̇ахад̇и, сад̣̇д̇хааяа на г̇ажчад̇и. авиж̇ж̇аабажжаяаа сан̇каараад̇иаад̣̇игам̣ д̣̇ваад̣̇асабад̣̇игабажжаяаагаарад̣̇ассанавасзна вуд̇д̇ам̣. авиж̇ж̇аанирод̇хаад̇иаад̣̇аяо сам̣сааранивад̇д̇им̣ санд̇хааяа вуд̇д̇аа. ид̣̇ам̣ д̣̇угканд̇иаад̣̇и сажжад̣̇ассанавасзна. имз аасаваад̇иаад̣̇аяо абарзна барияааязна гилзсавасзна бажжаяад̣̇ассанавасзна. имз д̇хаммаа абхин̃н̃зяяаад̇иаад̣̇аяо абхин̃н̃зяяабарин̃н̃зяяабахаад̇аб̣б̣абхаавзд̇аб̣б̣асажчигаад̇аб̣б̣ад̇хаммаанам̣ д̣̇ассанавасзна. чаннам̣ пассааяад̇анаананд̇иаад̣̇аяо пассааяад̇анаанам̣ уббад̇д̇ин̃жа ад̇т̇ан̇г̇аман̃жа ассаад̣̇ан̃жа убад̣̇д̣̇аван̃жа ниссаран̣ан̃жа д̣̇ассанавасзна. бан̃жаннам̣ убаад̣̇аанагканд̇хаанам̣ бан̃жавийсад̇ивид̇хзна уд̣̇аяан̃жа ваяан̃жа, д̇зсу чанд̣̇арааг̇авасзна ассаад̣̇ан̃жа, д̇зсам̣ вибарин̣аамам̣ аад̣̇ийнаван̃жа, ниссаран̣асан̇каад̇ам̣ ниб̣б̣аанан̃жа. жад̇уннам̣ махаабхууд̇аанам̣ авиж̇ж̇аад̣̇исамуд̣̇аяан̃жа, авиж̇ж̇аад̣̇инирод̇хз ад̇т̇ан̇г̇аман̃жа звамаад̣̇ид̣̇ассанавасзна вуд̇д̇аа. зд̇з д̇хаммаа д̇ад̇т̇а д̇ад̇т̇а вуд̇д̇анаязна взд̣̇ид̇аб̣б̣аа.

    Sāmanti sayameva. Sayaṃ abhiññātanti sayameva tena ñāṇena avagamitaṃ. Attapaccakkhaṃ dhammanti attanā paṭivijjhitaṃ paccavekkhitaṃ dhammaṃ. Na kassaci saddahatīti attapaccakkhatāya paresaṃ na saddahati, saddhāya na gacchati. Avijjāpaccayā saṅkhārātiādikaṃ dvādasapadikapaccayākāradassanavasena vuttaṃ. Avijjānirodhātiādayo saṃsāranivattiṃ sandhāya vuttā. Idaṃ dukkhantiādi saccadassanavasena. Ime āsavātiādayo aparena pariyāyena kilesavasena paccayadassanavasena. Ime dhammā abhiññeyyātiādayo abhiññeyyapariññeyyapahātabbabhāvetabbasacchikātabbadhammānaṃ dassanavasena. Channaṃ phassāyatanānantiādayo phassāyatanānaṃ uppattiñca atthaṅgamañca assādañca upaddavañca nissaraṇañca dassanavasena. Pañcannaṃ upādānakkhandhānaṃ pañcavīsatividhena udayañca vayañca, tesu chandarāgavasena assādañca, tesaṃ vipariṇāmaṃ ādīnavañca, nissaraṇasaṅkhātaṃ nibbānañca. Catunnaṃ mahābhūtānaṃ avijjādisamudayañca, avijjādinirodhe atthaṅgamañca evamādidassanavasena vuttā. Ete dhammā tattha tattha vuttanayena veditabbā.

    амад̇ог̇ад̇ханд̇и над̇т̇и зд̇асса маран̣асан̇каад̇ам̣ мад̇анд̇и амад̇ам̣. гилзсависабадибагкад̇д̇аа аг̇ад̣̇анд̇иби амад̇ам̣. д̇асмим̣ ниннад̇ааяа амад̇ог̇ад̇хам̣. амад̇абарааяананд̇и вуд̇д̇аббагаарам̣ амад̇ам̣ барам̣ аяанам̣ г̇ад̇и бад̇идтаа ассаад̇и амад̇абарааяанам̣. амад̇абарияосаананд̇и д̇ам̣ амад̇ам̣ сам̣саарасса нидтаабхууд̇ад̇д̇аа барияосаанамассаад̇и амад̇абарияосаанам̣.

    Amatogadhanti natthi etassa maraṇasaṅkhātaṃ matanti amataṃ. Kilesavisapaṭipakkhattā agadantipi amataṃ. Tasmiṃ ninnatāya amatogadhaṃ. Amataparāyananti vuttappakāraṃ amataṃ paraṃ ayanaṃ gati patiṭṭhā assāti amataparāyanaṃ. Amatapariyosānanti taṃ amataṃ saṃsārassa niṭṭhābhūtattā pariyosānamassāti amatapariyosānaṃ.

    89. лаабхагамяаа на сигкад̇ийд̇и лаабхабад̇т̇анааяа суд̇д̇анд̇аад̣̇ийни на сигкад̇и. авируд̣̇д̇хо жа д̇ан̣хааяа, расзсу наануг̇иж̇жхад̇ийд̇и вирод̇хаабхаавзна жа авируд̣̇д̇хо худ̇ваа д̇ан̣хааяа мууларасаад̣̇ийсу г̇зд̇хам̣ наабаж̇ж̇ад̇и.

    89.Lābhakamyā na sikkhatīti lābhapatthanāya suttantādīni na sikkhati. Aviruddho ca taṇhāya, rasesu nānugijjhatīti virodhābhāvena ca aviruddho hutvā taṇhāya mūlarasādīsu gedhaṃ nāpajjati.

    гзна ну код̇и лаабхабад̇т̇анааяа гааран̣ажинд̇зна бихасса бариязсанз нибаад̇о. лаабхаабхиниб̣б̣ад̇д̇ияаад̇и жад̇уннам̣ бажжаяаанам̣ висзсзна уббад̇д̇ияаа. лаабхам̣ барибаажзнд̇од̇и бажжаяз барибаажаяанд̇о.

    Kena nu khoti lābhapatthanāya kāraṇacintena pihassa pariyesane nipāto. Lābhābhinibbattiyāti catunnaṃ paccayānaṃ visesena uppattiyā. Lābhaṃ paripācentoti paccaye paripācayanto.

    ад̇д̇ад̣̇амад̇т̇ааяаад̇и вибассанаасамбаяуд̇д̇ааяа бан̃н̃ааяа ад̇д̇ано д̣̇аманад̇т̇ааяа. ад̇д̇асамад̇т̇ааяаад̇и самаад̇хисамбаяуд̇д̇ааяа бан̃н̃ааяа ад̇д̇ано самаад̇хаанад̇т̇ааяа. ад̇д̇абариниб̣б̣аабанад̇т̇ааяаад̇и д̣̇увид̇хзнааби н̃аан̣зна ад̇д̇ано анубаад̣̇аабариниб̣б̣аанад̇т̇ааяа. вуд̇д̇ан̃хзд̇ам̣ ‘‘анубаад̣̇аабариниб̣б̣аанад̇т̇ам̣ ко аавусо бхаг̇авад̇и б̣рахмажарияам̣ вуссад̇ий’’д̇и (ма. ни. 1.259). аббижчан̃н̃зва ниссааяаад̇и зд̇т̇а бажжаяааббижчо ад̇хиг̇амааббижчо барияад̇д̇иаббижчо д̇худ̇ан̇г̇ааббижчод̇и жад̇д̇ааро аббижчаа, д̇зсам̣ наанад̇т̇ам̣ хздтаа вид̇т̇аарид̇ам̣ зва, д̇ам̣ аббижчам̣ аллийяид̇ваа. санд̇удтин̃н̃зваад̇и жад̇уусу бажжаязсу жа д̇ивид̇хам̣ санд̇осам̣ аллийяид̇ваа, зд̇зсам̣ вибхааг̇о хздтаа вид̇т̇аарид̇оязва. саллзкан̃н̃зваад̇и гилзсалзканам̣. ид̣̇амад̇т̇ид̇ан̃н̃зваад̇и имзхи гусалад̇хаммзхи ад̇т̇и ид̣̇амад̇т̇и, д̇асса бхааво ид̣̇амад̇т̇ид̇аа, д̇ам̣ ид̣̇амад̇т̇ид̇ам̣язва ниссааяа аллийяид̇ваа.

    Attadamatthāyāti vipassanāsampayuttāya paññāya attano damanatthāya. Attasamatthāyāti samādhisampayuttāya paññāya attano samādhānatthāya. Attaparinibbāpanatthāyāti duvidhenāpi ñāṇena attano anupādāparinibbānatthāya. Vuttañhetaṃ ‘‘anupādāparinibbānatthaṃ kho āvuso bhagavati brahmacariyaṃ vussatī’’ti (ma. ni. 1.259). Appicchaññeva nissāyāti ettha paccayaappiccho adhigamaappiccho pariyattiappiccho dhutaṅgaappicchoti cattāro appicchā, tesaṃ nānatthaṃ heṭṭhā vitthāritaṃ eva, taṃ appicchaṃ allīyitvā. Santuṭṭhiññevāti catūsu paccayesu ca tividhaṃ santosaṃ allīyitvā, etesaṃ vibhāgo heṭṭhā vitthāritoyeva. Sallekhaññevāti kilesalekhanaṃ. Idamatthitaññevāti imehi kusaladhammehi atthi idamatthi, tassa bhāvo idamatthitā, taṃ idamatthitaṃyeva nissāya allīyitvā.

    расод̇и нид̣̇д̣̇зсасса уд̣̇д̣̇зсабад̣̇ам̣. мууларасод̇и яам̣гин̃жи муулам̣ бадижжа ниб̣б̣ад̇д̇арасо. канд̇харасаад̣̇ийсуби зсзва наяо. амб̣иланд̇и д̇аггамб̣илаад̣̇и. мад̇хуранд̇и зганд̇ад̇о г̇осаббиаад̣̇и. мад̇ху бана гасааваяуд̇д̇ам̣ жиранигкид̇д̇ам̣ гасаавам̣ ход̇и, паан̣ид̇ам̣ каарияуд̇д̇ам̣ жиранигкид̇д̇ам̣ каарияам̣ ход̇и. сабби бана жиранигкид̇д̇ам̣ ван̣н̣аг̇анд̇хз ж̇аханд̇амби расам̣ на ж̇ахад̇ийд̇и д̇ад̣̇зва зганд̇амад̇хурам̣. д̇ид̇д̇аганд̇и нимб̣абан̣н̣аад̣̇и. гадуганд̇и син̇г̇ивзрамарижаад̣̇и. лон̣иганд̇и саамуд̣̇д̣̇игалон̣аад̣̇и. каариганд̇и ваад̇ин̇г̇ан̣агал̣ийраад̣̇и. ламб̣иганд̇и б̣ад̣̇араамалагагабидтасаалаваад̣̇и. гасааванд̇и харийд̇агаад̣̇и. имз саб̣б̣зби расаа вад̇т̇увасзна вуд̇д̇аа. д̇ам̣д̇ам̣вад̇т̇уго банзд̇т̇а расо жа амб̣илаад̣̇ийни наамзхи вуд̇д̇од̇и взд̣̇ид̇аб̣б̣о. саад̣̇ууд̇и идтарасо. асаад̣̇ууд̇и анидтарасо. иминаа бад̣̇ад̣̇ваязна саб̣б̣оби расо барияаад̣̇инно. сийд̇анд̇и сийд̇арасо. ун̣ханд̇и ун̣харасо. звамаяам̣ мууларасаад̣̇инаа бхзд̣̇зна бхинноби расо лагкан̣аад̣̇ийхи абхинноязва. саб̣б̣оби хзса ж̇ивхаабадихананалагкан̣о, ж̇ивхаавин̃н̃аан̣асса висаяабхааварасо, д̇ассзва г̇ожарабажжубадтаано. д̇з ж̇ивхаг̇г̇зна расаг̇г̇аанийд̇и зд̇з саман̣аб̣раахман̣аа басаад̣̇аж̇ивхаг̇г̇зна уд̇д̇амарасаани. бариязсанд̇аад̇и г̇авзсамаанаа. аахин̣д̣анд̇ийд̇и д̇ад̇т̇а д̇ад̇т̇а вижаранд̇и. д̇з амб̣илам̣ лабхид̇ваа анамб̣илам̣ бариязсанд̇ийд̇и д̇аггаад̣̇иамб̣илам̣ лад̣̇д̇хаа анамб̣илам̣ г̇авзсанд̇и. звам̣ саб̣б̣ам̣ баривад̇д̇зд̇ваа баривад̇д̇зд̇ваа яож̇ид̇ам̣.

    Rasoti niddesassa uddesapadaṃ. Mūlarasoti yaṃkiñci mūlaṃ paṭicca nibbattaraso. Khandharasādīsupi eseva nayo. Ambilanti takkambilādi. Madhuranti ekantato gosappiādi. Madhu pana kasāvayuttaṃ ciranikkhittaṃ kasāvaṃ hoti, phāṇitaṃ khāriyuttaṃ ciranikkhittaṃ khāriyaṃ hoti. Sappi pana ciranikkhittaṃ vaṇṇagandhe jahantampi rasaṃ na jahatīti tadeva ekantamadhuraṃ. Tittakanti nimbapaṇṇādi. Kaṭukanti siṅgiveramaricādi. Loṇikanti sāmuddikaloṇādi. Khārikanti vātiṅgaṇakaḷīrādi. Lambikanti badarāmalakakapiṭṭhasālavādi. Kasāvanti harītakādi. Ime sabbepi rasā vatthuvasena vuttā. Taṃtaṃvatthuko panettha raso ca ambilādīni nāmehi vuttoti veditabbo. Sādūti iṭṭharaso. Asādūti aniṭṭharaso. Iminā padadvayena sabbopi raso pariyādinno. Sītanti sītaraso. Uṇhanti uṇharaso. Evamayaṃ mūlarasādinā bhedena bhinnopi raso lakkhaṇādīhi abhinnoyeva. Sabbopi hesa jivhāpaṭihananalakkhaṇo, jivhāviññāṇassa visayabhāvaraso, tasseva gocarapaccupaṭṭhāno. Te jivhaggena rasaggānīti ete samaṇabrāhmaṇā pasādajivhaggena uttamarasāni. Pariyesantāti gavesamānā. Āhiṇḍantīti tattha tattha vicaranti. Te ambilaṃ labhitvā anambilaṃ pariyesantīti takkādiambilaṃ laddhā anambilaṃ gavesanti. Evaṃ sabbaṃ parivattetvā parivattetvā yojitaṃ.

    бадисан̇каа яонисо аахаарам̣ аахаарзд̇ийд̇и бадисан̇каанабан̃н̃ааяа ж̇аанид̇ваа убааязна аахаарам̣ аахаарзд̇и. ид̣̇аани убааяам̣ д̣̇ассзд̇ум̣ ‘‘нзва д̣̇авааяаа’’д̇иаад̣̇и вуд̇д̇ам̣.

    Paṭisaṅkhā yoniso āhāraṃ āhāretīti paṭisaṅkhānapaññāya jānitvā upāyena āhāraṃ āhāreti. Idāni upāyaṃ dassetuṃ ‘‘neva davāyā’’tiādi vuttaṃ.

    д̇ад̇т̇а нзва д̣̇авааяаад̇и д̣̇авад̇т̇ааяа на аахаарзд̇и. д̇ад̇т̇а надалан̇гхагаад̣̇аяо д̣̇авад̇т̇ааяа аахаарзнд̇и наама. яан̃хи бхож̇анам̣ бхуд̇д̇асса нажжаг̇ийд̇агаб̣б̣асилогасан̇каад̇о д̣̇аво ад̇ирзгад̇арзна бадибхаад̇и, д̇ам̣ бхож̇анам̣ ад̇хаммзна висамзна бариязсид̇ваа д̇з аахаарзнд̇и. аяам̣ бана бхигку на звамаахаарзд̇и.

    Tattha neva davāyāti davatthāya na āhāreti. Tattha naṭalaṅghakādayo davatthāya āhārenti nāma. Yañhi bhojanaṃ bhuttassa naccagītakabbasilokasaṅkhāto davo atirekatarena paṭibhāti, taṃ bhojanaṃ adhammena visamena pariyesitvā te āhārenti. Ayaṃ pana bhikkhu na evamāhāreti.

    на мад̣̇ааяаад̇и маанамад̣̇абурисамад̣̇аанам̣ вад̣дханад̇т̇ааяа на аахаарзд̇и. д̇ад̇т̇а рааж̇арааж̇амахаамад̇д̇аа мад̣̇ад̇т̇ааяа аахаарзнд̇и наама. д̇з хи ад̇д̇ано маанамад̣̇абурисамад̣̇аанам̣ вад̣дханад̇т̇ааяа бин̣д̣арасабхож̇анаад̣̇ийни бан̣ийд̇абхож̇анаани бхун̃ж̇анд̇и. аяам̣ бана бхигку звам̣ наахаарзд̇и.

    Namadāyāti mānamadapurisamadānaṃ vaḍḍhanatthāya na āhāreti. Tattha rājarājamahāmattā madatthāya āhārenti nāma. Te hi attano mānamadapurisamadānaṃ vaḍḍhanatthāya piṇḍarasabhojanādīni paṇītabhojanāni bhuñjanti. Ayaṃ pana bhikkhu evaṃ nāhāreti.

    на ман̣д̣анааяаад̇и сарийраман̣д̣анад̇т̇ааяа на аахаарзд̇и. д̇ад̇т̇а руубуубаж̇ийвинияо маад̇уг̇аамаа анд̇збуригаад̣̇аяо жа саббипаан̣ид̇аад̣̇ийни биванд̇и, синид̣̇д̇хамуд̣̇умад̣̇д̣̇авабхож̇анам̣ аахаарзнд̇и. звам̣ но ан̇г̇аладти сусан̣тид̇аа бхависсад̇и, сарийрз чавиван̣н̣о басанно бхависсад̇ийд̇и. аяам̣ бана бхигку звам̣ на аахаарзд̇и.

    Namaṇḍanāyāti sarīramaṇḍanatthāya na āhāreti. Tattha rūpūpajīviniyo mātugāmā antepurikādayo ca sappiphāṇitādīni pivanti, siniddhamudumaddavabhojanaṃ āhārenti. Evaṃ no aṅgalaṭṭhi susaṇṭhitā bhavissati, sarīre chavivaṇṇo pasanno bhavissatīti. Ayaṃ pana bhikkhu evaṃ na āhāreti.

    на вибхуусанааяаад̇и сарийрз мам̣савибхуусанад̇т̇ааяа на аахаарзд̇и. д̇ад̇т̇а ниб̣б̣уд̣̇д̇хамалламудтигамаллажздагаад̣̇аяо сусинид̣̇д̇хзхи мажчамам̣саад̣̇ийхи сарийрам̣ бийн̣знд̇и ‘‘звам̣ но мам̣сам̣ уссад̣̇ам̣ бхависсад̇и бахаарасаханад̇т̇ааяаа’’д̇и. аяам̣ бана бхигку звам̣ сарийрз мам̣савибхуусанад̇т̇ааяа на аахаарзд̇и.

    Na vibhūsanāyāti sarīre maṃsavibhūsanatthāya na āhāreti. Tattha nibbuddhamallamuṭṭhikamallaceṭakādayo susiniddhehi macchamaṃsādīhi sarīraṃ pīṇenti ‘‘evaṃ no maṃsaṃ ussadaṃ bhavissati pahārasahanatthāyā’’ti. Ayaṃ pana bhikkhu evaṃ sarīre maṃsavibhūsanatthāya na āhāreti.

    яаавад̣̇зваад̇и аахаараахаран̣абаяож̇анасса барижчзд̣̇анияамад̣̇ассанам̣. имасса гааяасса тид̇ияаад̇и имасса жад̇умахаабхууд̇игасса гараж̇агааяасса табанад̇т̇ааяа аахаарзд̇и, ид̣̇амасса аахаараахаран̣з баяож̇ананд̇и ад̇т̇о. яаабанааяаад̇и ж̇ийвид̇инд̣̇рияаяаабанад̇т̇ааяа аахаарзд̇и. вихим̣суубарад̇ияаад̇и вихим̣саа наама абхуд̇д̇абажжаяаа уббаж̇ж̇анагакуд̣̇д̣̇аа, д̇ассаа убарад̇ияаа вуубасаманад̇т̇ааяа аахаарзд̇и. б̣рахмажарияаануг̇г̇ахааяаад̇и б̣рахмажарияам̣ наама д̇иссо сигкаа сагаласаасанам̣, д̇асса ануг̇г̇ан̣хад̇т̇ааяа аахаарзд̇и.

    Yāvadevāti āhārāharaṇapayojanassa paricchedaniyamadassanaṃ. Imassa kāyassa ṭhitiyāti imassa catumahābhūtikassa karajakāyassa ṭhapanatthāya āhāreti, idamassa āhārāharaṇe payojananti attho. Yāpanāyāti jīvitindriyayāpanatthāya āhāreti. Vihiṃsūparatiyāti vihiṃsā nāma abhuttapaccayā uppajjanakakhuddā, tassā uparatiyā vūpasamanatthāya āhāreti. Brahmacariyānuggahāyāti brahmacariyaṃ nāma tisso sikkhā sakalasāsanaṃ, tassa anuggaṇhatthāya āhāreti.

    ид̇ийд̇и убааяанид̣̇ассанам̣, иминаа убааязнаад̇и ад̇т̇о. бураан̣ан̃жа взд̣̇анам̣ бадихан̇каамийд̇и бураан̣авзд̣̇анам̣ наама абхуд̇д̇абажжаяаа уббаж̇ж̇анагавзд̣̇анаа, д̇ам̣ бадиханиссаамийд̇и аахаарзд̇и. наван̃жа взд̣̇анам̣ на уббаад̣̇зссаамийд̇и нававзд̣̇анаа наама ад̇ибхуд̇д̇абажжаязна уббаж̇ж̇анагавзд̣̇анаа, на д̇ам̣ уббаад̣̇зссаамийд̇и аахаарзд̇и. ат̇а ваа нававзд̣̇анаа наама бхуд̇д̇абажжаяаа на уббаж̇ж̇анагавзд̣̇анаа, д̇ассаа ануббаннааяа ануббаж̇ж̇анад̇т̇амзва аахаарзд̇и.

    Itīti upāyanidassanaṃ, iminā upāyenāti attho. Purāṇañca vedanaṃ paṭihaṅkhāmīti purāṇavedanaṃ nāma abhuttapaccayā uppajjanakavedanā, taṃ paṭihanissāmīti āhāreti. Navañca vedanaṃ na uppādessāmīti navavedanā nāma atibhuttapaccayena uppajjanakavedanā, na taṃ uppādessāmīti āhāreti. Atha vā navavedanā nāma bhuttapaccayā na uppajjanakavedanā, tassā anuppannāya anuppajjanatthameva āhāreti.

    яаад̇раа жа мз бхависсад̇ийд̇и яаабанаа жа мз бхависсад̇и. анаваж̇ж̇ад̇аа жаад̇и зд̇т̇а ад̇т̇и сааваж̇ж̇ам̣, ад̇т̇и анаваж̇ж̇ам̣. д̇ад̇т̇а ад̇хаммигабариязсанаа ад̇хаммигабадиг̇г̇ахан̣ам̣ ад̇хаммзна барибхог̇од̇и ид̣̇ам̣ сааваж̇ж̇ам̣ наама. д̇хаммзна бана бариязсид̇ваа д̇хаммзна бадиг̇г̇ахзд̇ваа бажжавзгкид̇ваа барибхун̃ж̇анам̣ анаваж̇ж̇ам̣ наама. згажжо анаваж̇ж̇зязва сааваж̇ж̇ам̣ гарод̇и, ‘‘лад̣̇д̇хам̣ мз’’д̇и гад̇ваа бамаан̣аад̇игганд̇ам̣ бхун̃ж̇ад̇и, д̇ам̣ ж̇ийраабзд̇ум̣ асаггонд̇о уд̣̇д̇хам̣вирзжанаад̇ховирзжанаад̣̇ийхи гиламад̇и, сагалавихаарз бхигкуу д̇асса сарийрабадиж̇аг̇г̇анабхзсаж̇ж̇абариязсанаад̣̇ийсу уссуггам̣ аабаж̇ж̇анд̇и, ‘‘гим̣ ид̣̇а’’нд̇и вуд̇д̇з ‘‘асугасса наама уд̣̇арам̣ уд̣̇д̇хумаад̇а’’нд̇иаад̣̇им̣ вад̣̇анд̇и. ‘‘зса нижжагааламби звам̣ багад̇игоязва, ад̇д̇ано гужчиббамаан̣ам̣ наама на ж̇аанаад̇ий’’д̇и нинд̣̇анд̇и г̇араханд̇и. аяам̣ анаваж̇ж̇зязва сааваж̇ж̇ам̣ гарод̇и наама. звам̣ агад̇ваа ‘‘анаваж̇ж̇ад̇аа жа мз бхависсад̇ий’’д̇и аахаарзд̇и.

    Yātrā ca me bhavissatīti yāpanā ca me bhavissati. Anavajjatā cāti ettha atthi sāvajjaṃ, atthi anavajjaṃ. Tattha adhammikapariyesanā adhammikapaṭiggahaṇaṃ adhammena paribhogoti idaṃ sāvajjaṃ nāma. Dhammena pana pariyesitvā dhammena paṭiggahetvā paccavekkhitvā paribhuñjanaṃ anavajjaṃ nāma. Ekacco anavajjeyeva sāvajjaṃ karoti, ‘‘laddhaṃ me’’ti katvā pamāṇātikkantaṃ bhuñjati, taṃ jīrāpetuṃ asakkonto uddhaṃvirecanaadhovirecanādīhi kilamati, sakalavihāre bhikkhū tassa sarīrapaṭijagganabhesajjapariyesanādīsu ussukkaṃ āpajjanti, ‘‘kiṃ ida’’nti vutte ‘‘asukassa nāma udaraṃ uddhumāta’’ntiādiṃ vadanti. ‘‘Esa niccakālampi evaṃ pakatikoyeva, attano kucchippamāṇaṃ nāma na jānātī’’ti nindanti garahanti. Ayaṃ anavajjeyeva sāvajjaṃ karoti nāma. Evaṃ akatvā ‘‘anavajjatā ca me bhavissatī’’ti āhāreti.

    паасувихааро жаад̇и зд̇т̇ааби ад̇т̇и паасувихааро, ад̇т̇и на паасувихааро. д̇ад̇т̇а аахарахад̇т̇аго алам̣саадаго д̇ад̇раваддаго гаагамаасаго бхуд̇д̇авамид̇агод̇и имзсам̣ бан̃жаннам̣ б̣раахман̣аанам̣ бхож̇анам̣ на паасувихааро наама. зд̇зсу хи аахарахад̇т̇аго наама б̣ахум̣ бхун̃ж̇ид̇ваа ад̇д̇ано д̇хаммад̇ааяа удтаад̇ум̣ асаггонд̇о ‘‘аахара хад̇т̇а’’нд̇и вад̣̇ад̇и. алам̣саадаго наама ажжуд̣̇д̇хумаад̇агужчид̇ааяа удтид̇оби саадагам̣ ниваасзд̇ум̣ на саггод̇и. д̇ад̇раваддаго наама удтаад̇ум̣ асаггонд̇о д̇ад̇рзва бариваддад̇и. гаагамаасаго наама яат̇аа гаагзхи аамасид̇ум̣ саггод̇и, звам̣ яаава мукад̣̇ваараа аахаарзд̇и. бхуд̇д̇авамид̇аго наама мукзна санд̇хаарзд̇ум̣ асаггонд̇о д̇ад̇т̇зва вамад̇и. звам̣ агад̇ваа ‘‘паасувихааро жа мз бхависсад̇ий’’д̇и аахаарзд̇и. паасувихааро наама жад̇уухи бан̃жахи аалобзд̇и уунууд̣̇арад̇аа. зд̇д̇аган̃хи бхун̃ж̇ид̇ваа баанийяам̣ бивад̇о жад̇д̇ааро ирияаабат̇аа сукзна бавад̇д̇анд̇и. д̇асмаа д̇хаммасзнаабад̇и звамааха –

    Phāsuvihāro cāti etthāpi atthi phāsuvihāro, atthi na phāsuvihāro. Tattha āharahatthako alaṃsāṭako tatravaṭṭako kākamāsako bhuttavamitakoti imesaṃ pañcannaṃ brāhmaṇānaṃ bhojanaṃ na phāsuvihāro nāma. Etesu hi āharahatthako nāma bahuṃ bhuñjitvā attano dhammatāya uṭṭhātuṃ asakkonto ‘‘āhara hattha’’nti vadati. Alaṃsāṭako nāma accuddhumātakucchitāya uṭṭhitopi sāṭakaṃ nivāsetuṃ na sakkoti. Tatravaṭṭako nāma uṭṭhātuṃ asakkonto tatreva parivaṭṭati. Kākamāsako nāma yathā kākehi āmasituṃ sakkoti, evaṃ yāva mukhadvārā āhāreti. Bhuttavamitako nāma mukhena sandhāretuṃ asakkonto tattheva vamati. Evaṃ akatvā ‘‘phāsuvihāro ca me bhavissatī’’ti āhāreti. Phāsuvihāro nāma catūhi pañcahi ālopeti ūnūdaratā. Ettakañhi bhuñjitvā pānīyaṃ pivato cattāro iriyāpathā sukhena pavattanti. Tasmā dhammasenāpati evamāha –

    ‘‘жад̇д̇ааро бан̃жа аалобз, абхуд̇ваа уд̣̇агам̣ бивз;

    ‘‘Cattāro pañca ālope, abhutvā udakaṃ pive;

    алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983; ми. ба. 6.5.10);

    Alaṃ phāsuvihārāya, pahitattassa bhikkhuno’’ti. (theragā. 983; mi. pa. 6.5.10);

    имасмим̣ бана таанз ан̇г̇аани самод̇хаанзд̇аб̣б̣аани. нзва д̣̇авааяаад̇и хи згам̣ ан̇г̇ам̣, на мад̣̇ааяаад̇и згам̣, на ман̣д̣анааяаад̇и згам̣, на вибхуусанааяаад̇и згам̣, яаавад̣̇зва имасса гааяасса тид̇ияаа яаабанааяаад̇и згам̣, вихим̣суубарад̇ияаа б̣рахмажарияаануг̇г̇ахааяаад̇и згам̣, ид̇и бураан̣ан̃жа взд̣̇анам̣ бадихан̇каами наван̃жа взд̣̇анам̣ на уббаад̣̇зссаамийд̇и згам̣, яаад̇раа жа мз бхависсад̇ийд̇и згам̣ ан̇г̇ам̣, анаваж̇ж̇ад̇аа жа паасувихааро жаад̇и аяамзд̇т̇а бхож̇анаанисам̣со.

    Imasmiṃ pana ṭhāne aṅgāni samodhānetabbāni. Neva davāyāti hi ekaṃ aṅgaṃ, na madāyāti ekaṃ, na maṇḍanāyāti ekaṃ, na vibhūsanāyāti ekaṃ, yāvadeva imassa kāyassa ṭhitiyā yāpanāyāti ekaṃ, vihiṃsūparatiyā brahmacariyānuggahāyāti ekaṃ, iti purāṇañca vedanaṃ paṭihaṅkhāmi navañca vedanaṃ na uppādessāmīti ekaṃ, yātrā ca me bhavissatīti ekaṃ aṅgaṃ, anavajjatā ca phāsuvihāro cāti ayamettha bhojanānisaṃso.

    махаасивад̇т̇зро банааха – ‘‘хздтаа жад̇д̇аари ан̇г̇аани бадигкзбо наама, убари бана адтан̇г̇аани самод̇хаанзд̇аб̣б̣ааний’’д̇и. д̇ад̇т̇а яаавад̣̇зва имасса гааяасса тид̇ияаад̇и згам̣ ан̇г̇ам̣, яаабанааяаад̇и згам̣, вихим̣суубарад̇ияаад̇и згам̣, б̣рахмажарияаануг̇г̇ахааяаад̇и згам̣, ид̇и бураан̣ан̃жа взд̣̇анам̣ бадихан̇каамийд̇и згам̣, наван̃жа взд̣̇анам̣ на уббаад̣̇зссаамийд̇и згам̣, яаад̇раа жа мз бхависсад̇ийд̇и згам̣, анаваж̇ж̇ад̇аа жаад̇и згам̣, паасувихааро бана бхож̇анаанисам̣сод̇и. звам̣ адтан̇г̇асаманнааг̇ад̇ам̣ аахаарам̣ аахаарзд̇и.

    Mahāsivatthero panāha – ‘‘heṭṭhā cattāri aṅgāni paṭikkhepo nāma, upari pana aṭṭhaṅgāni samodhānetabbānī’’ti. Tattha yāvadeva imassa kāyassa ṭhitiyāti ekaṃ aṅgaṃ, yāpanāyāti ekaṃ, vihiṃsūparatiyāti ekaṃ, brahmacariyānuggahāyāti ekaṃ, iti purāṇañca vedanaṃ paṭihaṅkhāmīti ekaṃ, navañca vedanaṃ na uppādessāmīti ekaṃ, yātrā ca me bhavissatīti ekaṃ, anavajjatā cāti ekaṃ, phāsuvihāro pana bhojanānisaṃsoti. Evaṃ aṭṭhaṅgasamannāgataṃ āhāraṃ āhāreti.

    90. убзгкагод̇и чал̣ан̇г̇убзгкааяа саманнааг̇ад̇о. сад̇од̇и гааяаанубассанаад̣̇исад̇ияуд̇д̇о.

    90.Upekkhakoti chaḷaṅgupekkhāya samannāgato. Satoti kāyānupassanādisatiyutto.

    убзгкагод̇и чал̣ан̇г̇убзгкааяа саманнааг̇ад̇од̇и зд̇т̇а чал̣ан̇г̇убзгкаад̇хаммо наама год̇и? н̃аан̣аад̣̇аяо. ‘‘н̃аан̣а’’нд̇и вуд̇д̇з гирияад̇о жад̇д̇аари н̃аан̣асамбаяуд̇д̇аани лаб̣бханд̇и, ‘‘сад̇ад̇авихааро’’д̇и вуд̇д̇з адта махаажид̇д̇аани лаб̣бханд̇и, ‘‘раж̇ж̇анад̣̇уссанам̣ над̇т̇ий’’д̇и вуд̇д̇з д̣̇аса жид̇д̇аани лаб̣бханд̇и. соманассам̣ аасзванавасзна лаб̣бхад̇и. жагкунаа руубам̣ д̣̇исваад̇и гааран̣авасзна жагкууд̇и лад̣̇д̇хавохаарзна руубад̣̇ассанасамад̇т̇зна жагкувин̃н̃аан̣зна руубам̣ д̣̇исваа. бораан̣аа банааху – жагку руубам̣ на бассад̇и ажид̇д̇агад̇д̇аа, жид̇д̇амби на бассад̇и ажагкугад̇д̇аа. д̣̇ваараарамман̣асан̇гхадданзна бана басаад̣̇авад̇т̇угзна жид̇д̇зна бассад̇и. ийд̣̇исзсу бана таанзсу ‘‘д̇ханунаа виж̇жхад̇ий’’д̇иаад̣̇ийсу вияа сасамбхаарагат̇аа наама ход̇и. д̇асмаа жагкувин̃н̃аан̣зна руубам̣ д̣̇исваад̇и аяамзвзд̇т̇а ад̇т̇о.

    Upekkhakoti chaḷaṅgupekkhāya samannāgatoti ettha chaḷaṅgupekkhādhammo nāma koti? Ñāṇādayo. ‘‘Ñāṇa’’nti vutte kiriyato cattāri ñāṇasampayuttāni labbhanti, ‘‘satatavihāro’’ti vutte aṭṭha mahācittāni labbhanti, ‘‘rajjanadussanaṃ natthī’’ti vutte dasa cittāni labbhanti. Somanassaṃ āsevanavasena labbhati. Cakkhunā rūpaṃ disvāti kāraṇavasena cakkhūti laddhavohārena rūpadassanasamatthena cakkhuviññāṇena rūpaṃ disvā. Porāṇā panāhu – cakkhu rūpaṃ na passati acittakattā, cittampi na passati acakkhukattā. Dvārārammaṇasaṅghaṭṭanena pana pasādavatthukena cittena passati. Īdisesu pana ṭhānesu ‘‘dhanunā vijjhatī’’tiādīsu viya sasambhārakathā nāma hoti. Tasmā cakkhuviññāṇena rūpaṃ disvāti ayamevettha attho.

    нзва сумано ход̇ийд̇и лобхуббад̇д̇ивасзна чанд̣̇арааг̇уббад̇д̇ивасзна соманассо на ход̇и. на д̣̇умманод̇и бадигхуббад̇д̇ивасзна д̣̇удтажид̇д̇о на ход̇и. убзгкагод̇и убабад̇д̇ид̇о игкаго ход̇и, абагкабад̇ид̇о худ̇ваа ирияаабат̇ам̣ бавад̇д̇зд̇и. сад̇о самбаж̇аанод̇и сад̇имаа н̃аан̣асамбанно. манаабам̣ наабхиг̇иж̇жхад̇ийд̇и манавад̣дханагам̣ идтаарамман̣ам̣ наабхиг̇иж̇жхад̇и на бад̇т̇зд̇и. наабхихам̣сад̇ийд̇и на д̇уссад̇и. на рааг̇ам̣ ж̇анзд̇ийд̇и д̇ад̇т̇а д̇ад̇т̇а ран̃ж̇анам̣ на уббаад̣̇зд̇и. д̇асса тид̇ова гааяо ход̇ийд̇и д̇асса кийн̣аасавасса жагкаад̣̇игааяо гамбаарахид̇ад̇д̇аа тид̇о нижжало ход̇и. аманаабанд̇и анидтаарамман̣ам̣ . на ман̇гу ход̇ийд̇и д̣̇оманассид̇о на ход̇и. аббад̇идтид̇ажид̇д̇од̇и год̇хавасзна тид̇амано на ход̇и. алийнаманасод̇и алийнажид̇д̇о. аб̣яаабаннажзд̇асод̇и б̣яаабаад̣̇арахид̇ажид̇д̇о.

    Neva sumano hotīti lobhuppattivasena chandarāguppattivasena somanasso na hoti. Na dummanoti paṭighuppattivasena duṭṭhacitto na hoti. Upekkhakoti upapattito ikkhako hoti, apakkhapatito hutvā iriyāpathaṃ pavatteti. Sato sampajānoti satimā ñāṇasampanno. Manāpaṃ nābhigijjhatīti manavaḍḍhanakaṃ iṭṭhārammaṇaṃ nābhigijjhati na pattheti. Nābhihaṃsatīti na tussati. Na rāgaṃ janetīti tattha tattha rañjanaṃ na uppādeti. Tassaṭhitova kāyo hotīti tassa khīṇāsavassa cakkhādikāyo kampārahitattā ṭhito niccalo hoti. Amanāpanti aniṭṭhārammaṇaṃ . Na maṅku hotīti domanassito na hoti. Appatiṭṭhitacittoti kodhavasena ṭhitamano na hoti. Alīnamanasoti alīnacitto. Abyāpannacetasoti byāpādarahitacitto.

    раж̇анийяз на раж̇ж̇ад̇ийд̇и раж̇анийяасмим̣ вад̇т̇усмим̣ на рааг̇ам̣ уббаад̣̇зд̇и. д̣̇уссанийяз на д̣̇уссад̇ийд̇и д̣̇осуббаад̣̇з вад̇т̇усмим̣ на д̣̇осам̣ уббаад̣̇зд̇и. моханийяз на муяхад̇ийд̇и моханийяасмим̣ вад̇т̇усмим̣ на мохам̣ уббаад̣̇зд̇и. гобанийяз на губбад̇ийд̇и год̇ханийяасмим̣ вад̇т̇усмим̣ на жалад̇и. мад̣̇анийяз на маж̇ж̇ад̇ийд̇и мад̣̇анийяасмим̣ вад̇т̇усмим̣ на сам̣сийд̣̇ад̇и. гилзсанийяз на гилиссад̇ийд̇и убад̇абанийяасмим̣ вад̇т̇усмим̣ на убад̇аббад̇и. д̣̇идтз д̣̇идтамад̇д̇од̇и руубаарамман̣з жагкувин̃н̃аан̣зна д̣̇идтз д̣̇идтамад̇д̇о. суд̇з суд̇амад̇д̇од̇и сад̣̇д̣̇ааяад̇анз сод̇авин̃н̃аан̣зна суд̇з суд̇амад̇д̇о. муд̇з муд̇амад̇д̇од̇и гхаанаж̇ивхаагааяавин̃н̃аан̣зна баабун̣ид̇ваа г̇ахид̇з г̇ахид̇амад̇д̇о. вин̃н̃аад̇з вин̃н̃аад̇амад̇д̇од̇и мановин̃н̃аан̣зна н̃аад̇з н̃аад̇амад̇д̇о. д̣̇идтз на лимбад̇ийд̇и жагкувин̃н̃аан̣зна д̣̇идтз руубаарамман̣з д̇ан̣хаад̣̇идтилзбзна на лимбад̇и. д̣̇идтз ануубаяод̇и руубаарамман̣з нид̇д̇ан̣хо ход̇и. анабааяод̇и абад̣̇удтажид̇д̇о.

    Rajanīye na rajjatīti rajanīyasmiṃ vatthusmiṃ na rāgaṃ uppādeti. Dussanīye na dussatīti dosuppāde vatthusmiṃ na dosaṃ uppādeti. Mohanīye na muyhatīti mohanīyasmiṃ vatthusmiṃ na mohaṃ uppādeti. Kopanīye na kuppatīti kodhanīyasmiṃ vatthusmiṃ na calati. Madanīye na majjatīti madanīyasmiṃ vatthusmiṃ na saṃsīdati. Kilesanīye na kilissatīti upatapanīyasmiṃ vatthusmiṃ na upatappati. Diṭṭhe diṭṭhamattoti rūpārammaṇe cakkhuviññāṇena diṭṭhe diṭṭhamatto. Sute sutamattoti saddāyatane sotaviññāṇena sute sutamatto. Mute mutamattoti ghānajivhākāyaviññāṇena pāpuṇitvā gahite gahitamatto. Viññāte viññātamattoti manoviññāṇena ñāte ñātamatto. Diṭṭhe na limpatīti cakkhuviññāṇena diṭṭhe rūpārammaṇe taṇhādiṭṭhilepena na limpati. Diṭṭhe anūpayoti rūpārammaṇe nittaṇho hoti. Anapāyoti apaduṭṭhacitto.

    сам̣виж̇ж̇ад̇ийд̇и лаб̣бхад̇и. бассад̇ийд̇и ологзд̇и. чанд̣̇арааг̇од̇и синзхо. руубаарааманд̇и руубам̣ аараамам̣ ассаад̇и руубаараамам̣. руубз рад̇анд̇и руубарад̇ам̣. руубз санд̇удтийд̇и руубасаммуд̣̇ид̇ам̣.

    Saṃvijjatīti labbhati. Passatīti oloketi. Chandarāgoti sineho. Rūpārāmanti rūpaṃ ārāmaṃ assāti rūpārāmaṃ. Rūpe ratanti rūparataṃ. Rūpe santuṭṭhīti rūpasammuditaṃ.

    д̣̇анд̇ам̣ наяанд̇и самид̇инд̇и уяяаанагийл̣ааман̣д̣алаад̣̇ийсу махааж̇анамаж̇жхам̣ г̇ажчанд̇аа д̣̇анд̇амзва г̇он̣аж̇аад̇им̣ ваа ассаж̇аад̇им̣ ваа яаанз яож̇зд̇ваа наяанд̇и. рааж̇аад̇и д̇ат̇ааруубаанзва таанаани г̇ажчанд̇о рааж̇ааби д̣̇анд̇амзва абхирухад̇и. мануссзсууд̇и мануссзсуби жад̇уухи арияамаг̇г̇зхи д̣̇анд̇о ниб̣б̣исзванова сздто. яод̇иваагяанд̇и яо зваруубам̣ ад̇иггамаважанам̣ бунаббунам̣ вужжамаанамби д̇ид̇игкад̇и на бадибпанд̣̇ад̇и на вихан̃н̃ад̇и, зваруубо д̣̇анд̇о сздтод̇и ад̇т̇о.

    Dantaṃ nayanti samitinti uyyānakīḷāmaṇḍalādīsu mahājanamajjhaṃ gacchantā dantameva goṇajātiṃ vā assajātiṃ vā yāne yojetvā nayanti. Rājāti tathārūpāneva ṭhānāni gacchanto rājāpi dantameva abhiruhati. Manussesūti manussesupi catūhi ariyamaggehi danto nibbisevanova seṭṭho. Yotivākyanti yo evarūpaṃ atikkamavacanaṃ punappunaṃ vuccamānampi titikkhati na paṭipphandati na vihaññati, evarūpo danto seṭṭhoti attho.

    ассад̇араад̇и вал̣авааяа г̇ад̣̇рабхзна ж̇аад̇аа. ааж̇аанийяаад̇и яам̣ ассад̣̇аммасаарат̇и гааран̣ам̣ гаарзд̇и, д̇асса киббам̣ ж̇аананасамад̇т̇аа. синд̇хаваад̇и синд̇хаварадтз ж̇аад̇аа ассаа. махаанааг̇аад̇и гун̃ж̇арасан̇каад̇аа махаахад̇т̇ино. ад̇д̇ад̣̇анд̇од̇и зд̇з ассад̇араа ваа ааж̇аанийяаа ваа синд̇хаваа ваа гун̃ж̇араа ваа вараа д̣̇анд̇аа, на ад̣̇анд̇аа. яо бана жад̇умаг̇г̇асан̇каад̇зна ад̇д̇ад̣̇анд̇зна д̣̇анд̇ад̇ааяа ад̇д̇ад̣̇анд̇о ниб̣б̣исзвано, аяам̣ д̇ад̇оби варам̣, саб̣б̣зхиби зд̇зхи уд̇д̇арид̇арод̇и ад̇т̇о.

    Assatarāti vaḷavāya gadrabhena jātā. Ājānīyāti yaṃ assadammasārathi kāraṇaṃ kāreti, tassa khippaṃ jānanasamatthā. Sindhavāti sindhavaraṭṭhe jātā assā. Mahānāgāti kuñjarasaṅkhātā mahāhatthino. Attadantoti ete assatarā vā ājānīyā vā sindhavā vā kuñjarā vā varā dantā, na adantā. Yo pana catumaggasaṅkhātena attadantena dantatāya attadanto nibbisevano, ayaṃ tatopi varaṃ, sabbehipi etehi uttaritaroti attho.

    на хи зд̇зхи яаанзхийд̇и яаани зд̇аани хад̇т̇ияаанаад̣̇ияаанаани, на хи зд̇зхи яаанзхи гожи буг̇г̇ало субинанд̇знаби аг̇ад̇абуб̣б̣ад̇д̇аа ‘‘аг̇ад̇а’’нд̇и сан̇каад̇ам̣ ниб̣б̣аанад̣̇исам̣, д̇ам̣ таанам̣ г̇ажчзяяа. яат̇аа буб̣б̣абхааг̇з инд̣̇рияад̣̇амзна д̣̇анд̇зна абарабхааг̇з арияамаг̇г̇абхааванааяа суд̣̇анд̇зна д̣̇анд̇о ниб̣б̣исзвано саббан̃н̃о буг̇г̇ало д̇ам̣ аг̇ад̇абуб̣б̣ам̣ д̣̇исам̣ г̇ажчад̇и, д̣̇анд̇абхуумим̣ баабун̣аад̇и. д̇асмаа ад̇д̇ад̣̇аманамзва варанд̇и ад̇т̇о.

    Na hi etehi yānehīti yāni etāni hatthiyānādiyānāni, na hi etehi yānehi koci puggalo supinantenapi agatapubbattā ‘‘agata’’nti saṅkhātaṃ nibbānadisaṃ, taṃ ṭhānaṃ gaccheyya. Yathā pubbabhāge indriyadamena dantena aparabhāge ariyamaggabhāvanāya sudantena danto nibbisevano sappañño puggalo taṃ agatapubbaṃ disaṃ gacchati, dantabhūmiṃ pāpuṇāti. Tasmā attadamanameva varanti attho.

    вид̇хаасу на вигамбанд̇ийд̇и сзяяасса сзяяохамасмийд̇иаад̣̇ийсу маанавид̇хаасу на жаланд̇и наббавзд̇ханд̇и. виббамуд̇д̇аа бунаб̣бхаваад̇и бунаб̣бхавабадисанд̇хияаа бунаббунам̣ уббад̇д̇ид̇о судту муд̇д̇аа мун̃жид̇ваа тид̇аа. д̣̇анд̇абхуумимануббад̇д̇аад̇и зганд̇ад̣̇аманам̣ арахад̇д̇апалабхуумим̣ баабун̣ид̇ваа тид̇аа. д̇з логз виж̇ид̇аавинод̇и д̇з араханд̇о сад̇д̇алогз виж̇ид̇авиж̇аяаа виж̇ид̇аванд̇о наама хонд̇и.

    Vidhāsu na vikampantīti seyyassa seyyohamasmītiādīsu mānavidhāsu na calanti nappavedhanti. Vippamuttā punabbhavāti punabbhavapaṭisandhiyā punappunaṃ uppattito suṭṭhu muttā muñcitvā ṭhitā. Dantabhūmimanuppattāti ekantadamanaṃ arahattaphalabhūmiṃ pāpuṇitvā ṭhitā. Te loke vijitāvinoti te arahanto sattaloke vijitavijayā vijitavanto nāma honti.

    яасмаа жа бхаавид̇инд̣̇рияо ниб̣бхаяо ниб̣б̣игааро д̣̇анд̇о ход̇и, д̇асмаа д̇амад̇т̇ам̣ д̣̇ассзнд̇о ‘‘яассинд̣̇рияааний’’д̇и г̇аат̇амааха. д̇ассад̇т̇о – яасса жагкаад̣̇ийни чал̣инд̣̇рияаани г̇ожарабхааванааяа анижжаад̣̇ид̇илагкан̣ам̣ ааробзд̇ваа ваасанаабхааванааяа сад̇исамбаж̇ан̃н̃аг̇анд̇хам̣ г̇аахаабзд̇ваа бхаавид̇аани, д̇аани жа ко аж̇жхад̇д̇аг̇ожарабхааванааяа, звам̣ бана б̣ахид̣̇д̇хаа жа саб̣б̣алогзд̇и яад̇т̇а яад̇т̇а инд̣̇рияаанам̣ взгаллад̇аа взгаллад̇о ваа самбхаво, д̇ад̇т̇а наабхиж̇жхаад̣̇ивасзна бхаавид̇аанийд̇и звам̣ ниб̣б̣иж̇жха н̃ад̇ваа бадивиж̇жхид̇ваа имам̣ баран̃жа логам̣ сагасанд̇ад̇иканд̇халогам̣ барасанд̇ад̇иканд̇халоган̃жа д̣̇анд̇амаран̣ам̣ марид̇угаамо гаалам̣ ган̇кад̇и, ж̇ийвид̇агкаяагаалам̣ ааг̇амзд̇и бад̇имаанзд̇и, на бхааяад̇и маран̣асса. яат̇ааха –

    Yasmā ca bhāvitindriyo nibbhayo nibbikāro danto hoti, tasmā tamatthaṃ dassento ‘‘yassindriyānī’’ti gāthamāha. Tassattho – yassa cakkhādīni chaḷindriyāni gocarabhāvanāya aniccāditilakkhaṇaṃ āropetvā vāsanābhāvanāya satisampajaññagandhaṃ gāhāpetvā bhāvitāni, tāni ca kho ajjhattagocarabhāvanāya, evaṃ pana bahiddhā ca sabbaloketi yattha yattha indriyānaṃ vekallatā vekallato vā sambhavo, tattha nābhijjhādivasena bhāvitānīti evaṃ nibbijjha ñatvā paṭivijjhitvā imaṃ parañca lokaṃ sakasantatikhandhalokaṃ parasantatikhandhalokañca dantamaraṇaṃ maritukāmo kālaṃ kaṅkhati, jīvitakkhayakālaṃ āgameti patimāneti, na bhāyati maraṇassa. Yathāha –

    ‘‘маран̣з мз бхаяам̣ над̇т̇и, ниганд̇и над̇т̇ий ж̇ийвид̇з’’. (т̇зраг̇аа. 20);

    ‘‘Maraṇe me bhayaṃ natthi, nikanti natthī jīvite’’. (theragā. 20);

    ‘‘наабхиган̇каами маран̣ам̣, наабхиган̇каами ж̇ийвид̇ам̣;

    ‘‘Nābhikaṅkhāmi maraṇaṃ, nābhikaṅkhāmi jīvitaṃ;

    гаалан̃жа бад̇имаанзми, ниб̣б̣исам̣ бхад̇аго яат̇аа’’д̇и. (т̇зраг̇аа. 606, 654, 1002; ми. ба. 2.2.4 т̇огам̣ висад̣̇исам̣);

    Kālañca patimānemi, nibbisaṃ bhatako yathā’’ti. (theragā. 606, 654, 1002; mi. pa. 2.2.4 thokaṃ visadisaṃ);

    бхаавид̇о са д̣̇анд̇од̇и звам̣ бхаавид̇инд̣̇рияо со д̣̇анд̇о.

    Bhāvitosa dantoti evaṃ bhāvitindriyo so danto.

    91. ниссаяад̇аад̇и д̇ан̣хаад̣̇идтиниссаяаа. н̃ад̇ваа д̇хамманд̇и анижжаад̣̇ийхи аагаарзхи д̇хаммам̣ ж̇аанид̇ваа. аниссид̇од̇и звам̣ д̇зхи ниссаязхи аниссид̇о. д̇зна ан̃н̃ад̇ра д̇хамман̃аан̣аа над̇т̇и ниссаяаанам̣ абхаавод̇и д̣̇ийбзд̇и. бхавааяа вибхавааяа ваад̇и сассад̇ааяа ужчзд̣̇ааяа ваа. имиссаа г̇аат̇ааяа нид̣̇д̣̇зсо уд̇д̇аано.

    91.Nissayatāti taṇhādiṭṭhinissayā. Ñatvā dhammanti aniccādīhi ākārehi dhammaṃ jānitvā. Anissitoti evaṃ tehi nissayehi anissito. Tena aññatra dhammañāṇā natthi nissayānaṃ abhāvoti dīpeti. Bhavāya vibhavāya vāti sassatāya ucchedāya vā. Imissā gāthāya niddeso uttāno.

    92. д̇ам̣ б̣рууми убасанд̇од̇и д̇ам̣ зваруубам̣ згзгаг̇аат̇ааяа вуд̇д̇ам̣ убасанд̇од̇и гат̇зми. ад̇арий со висад̇д̇иганд̇и со имам̣ висад̇аад̣̇ибхаавзна висад̇д̇игаасан̇каад̇ам̣ махаад̇ан̣хам̣ ад̇ари.

    92.Taṃ brūmi upasantoti taṃ evarūpaṃ ekekagāthāya vuttaṃ upasantoti kathemi. Atarī so visattikanti so imaṃ visatādibhāvena visattikāsaṅkhātaṃ mahātaṇhaṃ atari.

    ад̇д̇ано д̣̇идтияаа рааг̇о абхиж̇жхаагааяаг̇ант̇од̇и саяам̣ г̇ахид̇ад̣̇идтияаа ран̃ж̇анасан̇каад̇о рааг̇о абхиж̇жхаагааяаг̇ант̇о. бараваад̣̇зсу аагхаад̇о аббажжаяод̇и барзсам̣ ваад̣̇абадиваад̣̇зсу гобо жа ад̇удтаагааро жа б̣яаабаад̣̇о гааяаг̇ант̇о. ад̇д̇ано сийлам̣ ваа вад̇ам̣ ваад̇и саяам̣ г̇ахид̇амзт̇унавирад̇исан̇каад̇ам̣ сийлам̣ ваа г̇овад̇аад̣̇ивад̇ам̣ ваа. сийлаб̣б̣ад̇ам̣ ваад̇и д̇ад̣̇убхаяам̣ ваа. бараамаасод̇и иминаа суд̣̇д̇хийд̇иаад̣̇ивасзна барад̇о аамасад̇и. ад̇д̇ано д̣̇идти ид̣̇ам̣сажжаабхинивзсо гааяаг̇ант̇од̇и саяам̣ г̇ахид̇ад̣̇идтим̣ ‘‘ид̣̇амзва сажжам̣ могхаман̃н̃а’’нд̇и (уд̣̇аа. 54; ма. ни. 3.27, 301) аяонисо абхинивзсо ид̣̇ам̣сажжаабхинивзсо гааяаг̇ант̇о. г̇ант̇аа д̇асса на виж̇ж̇анд̇ийд̇и д̇асса кийн̣аасавасса д̣̇вз д̣̇идтиг̇ант̇аа сод̇аабад̇д̇имаг̇г̇зна на санд̇и. б̣яаабаад̣̇о гааяаг̇ант̇о анааг̇аамимаг̇г̇зна. абхиж̇жхаагааяаг̇ант̇о арахад̇д̇амаг̇г̇зна.

    Attano diṭṭhiyā rāgo abhijjhākāyaganthoti sayaṃ gahitadiṭṭhiyā rañjanasaṅkhāto rāgo abhijjhākāyagantho. Paravādesu āghāto appaccayoti paresaṃ vādapaṭivādesu kopo ca atuṭṭhākāro ca byāpādo kāyagantho. Attano sīlaṃ vā vataṃ vāti sayaṃ gahitamethunaviratisaṅkhātaṃ sīlaṃ vā govatādivataṃ vā. Sīlabbataṃ vāti tadubhayaṃ vā. Parāmāsoti iminā suddhītiādivasena parato āmasati. Attano diṭṭhi idaṃsaccābhiniveso kāyaganthoti sayaṃ gahitadiṭṭhiṃ ‘‘idameva saccaṃ moghamañña’’nti (udā. 54; ma. ni. 3.27, 301) ayoniso abhiniveso idaṃsaccābhiniveso kāyagantho. Ganthā tassa na vijjantīti tassa khīṇāsavassa dve diṭṭhiganthā sotāpattimaggena na santi. Byāpādo kāyagantho anāgāmimaggena. Abhijjhākāyagantho arahattamaggena.

    93. ид̣̇аани д̇амзва убасанд̇ам̣ басам̣санд̇о ааха ‘‘на д̇асса буд̇д̇аа’’д̇и звамаад̣̇и. д̇ад̇т̇а буд̇д̇аа ад̇раж̇аад̣̇аяо жад̇д̇ааро. зд̇т̇а жа буд̇д̇абариг̇г̇ахаад̣̇аяо буд̇д̇аад̣̇инаамзна вуд̇д̇аад̇и взд̣̇ид̇аб̣б̣аа. д̇з хисса на виж̇ж̇анд̇и, д̇зсам̣ ваа абхаавзна буд̇д̇аад̣̇аяо на виж̇ж̇анд̇ийд̇и. ад̇д̇аад̇и ‘‘ад̇д̇аа ад̇т̇ий’’д̇и г̇ахид̇аа сассад̇ад̣̇идтим̣ над̇т̇и. нирад̇д̇аад̇и ‘‘ужчиж̇ж̇ад̇ий’’д̇и г̇ахид̇аа ужчзд̣̇ад̣̇идти.

    93. Idāni tameva upasantaṃ pasaṃsanto āha ‘‘na tassa puttā’’ti evamādi. Tattha puttā atrajādayo cattāro. Ettha ca puttapariggahādayo puttādināmena vuttāti veditabbā. Te hissa na vijjanti, tesaṃ vā abhāvena puttādayo na vijjantīti. Attāti ‘‘attā atthī’’ti gahitā sassatadiṭṭhiṃ natthi. Nirattāti ‘‘ucchijjatī’’ti gahitā ucchedadiṭṭhi.

    над̇т̇ийд̇и г̇ахзд̇аб̣б̣ам̣ над̇т̇и. мун̃жид̇аб̣б̣ам̣ над̇т̇ийд̇и можзд̇аб̣б̣ам̣ над̇т̇и. яасса над̇т̇и г̇ахид̇анд̇и яасса буг̇г̇аласса д̇ан̣хаад̣̇идтивасзна г̇ахид̇ам̣ на виж̇ж̇ад̇и. д̇асса над̇т̇и мун̃жид̇аб̣б̣анд̇и д̇асса буг̇г̇аласса мун̃жид̇аб̣б̣ам̣ на виж̇ж̇ад̇и. г̇аахамун̃жанасамад̇игганд̇од̇и г̇ахан̣ан̃жа можанан̃жа вийд̇ивад̇д̇о. вуд̣̇д̇хибарихаанивийд̇ивад̇д̇од̇и вуд̣дхин̃жа хаанин̃жа ад̇игганд̇о.

    Natthīti gahetabbaṃ natthi. Muñcitabbaṃ natthīti mocetabbaṃ natthi. Yassa natthi gahitanti yassa puggalassa taṇhādiṭṭhivasena gahitaṃ na vijjati. Tassa natthi muñcitabbanti tassa puggalassa muñcitabbaṃ na vijjati. Gāhamuñcanasamatikkantoti gahaṇañca mocanañca vītivatto. Vuddhiparihānivītivattoti vuḍḍhiñca hāniñca atikkanto.

    94. язна нам̣ важ̇ж̇ум̣ бут̇уж̇ж̇анаа, ат̇о саман̣аб̣раахман̣аад̇и язна д̇ам̣ рааг̇аад̣̇инаа важ̇ж̇зна бут̇уж̇ж̇анаа саб̣б̣зби д̣̇звамануссаа ид̇ова б̣ахид̣̇д̇хаа саман̣аб̣раахман̣аа жа рад̇д̇од̇и ваа д̣̇удтод̇и ваа вад̣̇зяяум̣. д̇ам̣ д̇асса абурагкад̇анд̇и д̇ам̣ рааг̇аад̣̇иваж̇ж̇ам̣ д̇асса арахад̇о абурагкад̇ам̣. д̇асмаа ваад̣̇зсу нзж̇ад̇ийд̇и д̇ам̣гааран̣аа нинд̣̇ааважанзсу на гамбад̇и.

    94.Yena naṃ vajjuṃ puthujjanā, atho samaṇabrāhmaṇāti yena taṃ rāgādinā vajjena puthujjanā sabbepi devamanussā itova bahiddhā samaṇabrāhmaṇā ca rattoti vā duṭṭhoti vā vadeyyuṃ. Taṃ tassa apurakkhatanti taṃ rāgādivajjaṃ tassa arahato apurakkhataṃ. Tasmā vādesu nejatīti taṃkāraṇā nindāvacanesu na kampati.

    нзж̇ад̇ийд̇и нид̣̇д̣̇зсасса уд̣̇д̣̇зсабад̣̇ам̣. на ин̃ж̇ад̇ийд̇и жаланам̣ на гарод̇и. на жалад̇ийд̇и на д̇ад̇т̇а намад̇и. на взд̇хад̇ийд̇и гамбзд̇ум̣ асаггун̣зяяад̇ааяа на панд̣̇ад̇и. наббавзд̇хад̇ийд̇и на гамбад̇и. на самбавзд̇хад̇ийд̇и на баривад̇д̇ад̇и.

    Nejatīti niddesassa uddesapadaṃ. Na iñjatīti calanaṃ na karoti. Na calatīti na tattha namati. Na vedhatīti kampetuṃ asakkuṇeyyatāya na phandati. Nappavedhatīti na kampati. Na sampavedhatīti na parivattati.

    95. на уссзсу вад̣̇ад̇зд̇и висидтзсу ад̇д̇аанам̣ анд̇огад̇ваа ‘‘ахам̣ висидто’’д̇и ад̇имаанавасзна на вад̣̇ад̇и. зса наяо ид̇арзсу д̣̇вийсу. габбам̣ нзд̇и агаббияод̇и со зваруубо д̣̇увид̇хамби габбам̣ на зд̇и. гасмаа? яасмаа агаббияо, бахийнагаббод̇и вуд̇д̇ам̣ ход̇и. имиссааби г̇аат̇ааяа нид̣̇д̣̇зсо уд̇д̇аанова.

    95.Na ussesu vadateti visiṭṭhesu attānaṃ antokatvā ‘‘ahaṃ visiṭṭho’’ti atimānavasena na vadati. Esa nayo itaresu dvīsu. Kappaṃ neti akappiyoti so evarūpo duvidhampi kappaṃ na eti. Kasmā? Yasmā akappiyo, pahīnakappoti vuttaṃ hoti. Imissāpi gāthāya niddeso uttānova.

    96. саганд̇и маяханд̇и бариг̇г̇ахид̇ам̣. асад̇аа жа на сожад̇ийд̇и авиж̇ж̇амаанаад̣̇инаа асад̇аа жа на сожад̇и. д̇хаммзсу жа на г̇ажчад̇ийд̇и саб̣б̣ад̇хаммзсу чанд̣̇аад̣̇ивасзна на г̇ажчад̇и. са вз санд̇од̇и вужжад̇ийд̇и со зваруубо наруд̇д̇амо ‘‘санд̇о’’д̇и вужжад̇и. имиссааби г̇аат̇ааяа нид̣̇д̣̇зсо уд̇д̇аанова. арахад̇д̇анигуудзна д̣̇зсанам̣ нидтаабзси. д̣̇зсанаабарияосаанз годисад̇асахассад̣̇звад̇аанам̣ арахад̇д̇аббад̇д̇и ахоси, сод̇аабаннаад̣̇ийнам̣ г̇ан̣анаа над̇т̇ийд̇и.

    96.Sakanti mayhanti pariggahitaṃ. Asatā ca na socatīti avijjamānādinā asatā ca na socati. Dhammesu ca na gacchatīti sabbadhammesu chandādivasena na gacchati. Sa ve santoti vuccatīti so evarūpo naruttamo ‘‘santo’’ti vuccati. Imissāpi gāthāya niddeso uttānova. Arahattanikūṭena desanaṃ niṭṭhāpesi. Desanāpariyosāne koṭisatasahassadevatānaṃ arahattappatti ahosi, sotāpannādīnaṃ gaṇanā natthīti.

    сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа

    Saddhammappajjotikāya mahāniddesaṭṭhakathāya

    бураабхзд̣̇асуд̇д̇анид̣̇д̣̇зсаван̣н̣анаа нидтид̇аа.

    Purābhedasuttaniddesavaṇṇanā niṭṭhitā.




    Next: 11. галахавиваад̣̇асуд̇д̇анид̣̇д̣̇зсаван̣н̣анаа • 11. Kalahavivādasuttaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 10. бураабхзд̣̇асуд̇д̇анид̣̇д̣̇зсо • 10. Purābhedasuttaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact