Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi

10. бураабхзд̣̇асуд̇д̇анид̣̇д̣̇зсо

10. Purābhedasuttaniddeso

ат̇а бураабхзд̣̇асуд̇д̇анид̣̇д̣̇зсам̣ вагкад̇и –

Atha purābhedasuttaniddesaṃ vakkhati –

83.

гат̇ам̣д̣̇ассий гат̇ам̣сийло, убасанд̇од̇и вужжад̇и;

Kathaṃdassīkathaṃsīlo, upasantoti vuccati;

д̇ам̣ мз г̇од̇ама баб̣руухи, бужчид̇о уд̇д̇амам̣ нарам̣.

Taṃ me gotama pabrūhi, pucchito uttamaṃ naraṃ.

гат̇ам̣д̣̇ассий гат̇ам̣сийло, убасанд̇од̇и вужжад̇ийд̇и. гат̇ам̣д̣̇ассийд̇и гийд̣̇исзна д̣̇ассанзна саманнааг̇ад̇о, гим̣сан̣тид̇зна, гим̣багаарзна, гим̣бадибхааг̇знаад̇и – гат̇ам̣д̣̇ассий. гат̇ам̣сийлод̇и гийд̣̇исзна сийлзна саманнааг̇ад̇о, гим̣сан̣тид̇зна, гим̣багаарзна, гим̣бадибхааг̇знаад̇и – гат̇ам̣д̣̇ассий гат̇ам̣сийло. убасанд̇од̇и вужжад̇ийд̇и санд̇о убасанд̇о вуубасанд̇о ниб̣б̣уд̇о бадибассад̣̇д̇ход̇и вужжад̇и бавужжад̇и гат̇ийяад̇и бхан̣ийяад̇и д̣̇ийбийяад̇и вохарийяад̇и. гат̇ам̣д̣̇ассийд̇и ад̇хибан̃н̃ам̣ бужчад̇и, гат̇ам̣сийлод̇и ад̇хисийлам̣ бужчад̇и, убасанд̇од̇и ад̇хижид̇д̇ам̣ бужчад̇ийд̇и – гат̇ам̣д̣̇ассий гат̇ам̣сийло убасанд̇од̇и вужжад̇и.

Kathaṃdassī kathaṃsīlo, upasantoti vuccatīti. Kathaṃdassīti kīdisena dassanena samannāgato, kiṃsaṇṭhitena, kiṃpakārena, kiṃpaṭibhāgenāti – kathaṃdassī. Kathaṃsīloti kīdisena sīlena samannāgato, kiṃsaṇṭhitena, kiṃpakārena, kiṃpaṭibhāgenāti – kathaṃdassī kathaṃsīlo. Upasantoti vuccatīti santo upasanto vūpasanto nibbuto paṭipassaddhoti vuccati pavuccati kathīyati bhaṇīyati dīpīyati voharīyati. Kathaṃdassīti adhipaññaṃ pucchati, kathaṃsīloti adhisīlaṃ pucchati, upasantoti adhicittaṃ pucchatīti – kathaṃdassī kathaṃsīlo upasantoti vuccati.

д̇ам̣ мз г̇од̇ама баб̣руухийд̇и. д̇анд̇и яам̣ бужчаами, яам̣ яаажаами, яам̣ аж̇жхзсаами, яам̣ басаад̣̇зми. г̇од̇амаад̇и со ниммид̇о б̣уд̣̇д̇хам̣ бхаг̇аванд̇ам̣ г̇од̇д̇зна аалабад̇и. баб̣руухийд̇и б̣руухи аажигка д̣̇зсзхи бан̃н̃абзхи бадтабзхи вивара вибхаж̇а уд̇д̇аанийгарохи багаасзхийд̇и – д̇ам̣ мз г̇од̇ама баб̣руухи.

Taṃ me gotama pabrūhīti. Tanti yaṃ pucchāmi, yaṃ yācāmi, yaṃ ajjhesāmi, yaṃ pasādemi. Gotamāti so nimmito buddhaṃ bhagavantaṃ gottena ālapati. Pabrūhīti brūhi ācikkha desehi paññapehi paṭṭhapehi vivara vibhaja uttānīkarohi pakāsehīti – taṃ me gotama pabrūhi.

бужчид̇о уд̇д̇амам̣ наранд̇и. бужчид̇од̇и будто бужчид̇о яаажид̇о аж̇жхзсид̇о басаад̣̇ид̇о. уд̇д̇амам̣ наранд̇и аг̇г̇ам̣ сздтам̣ висидтам̣ баамогкам̣ уд̇д̇амам̣ баварам̣ наранд̇и – бужчид̇о уд̇д̇амам̣ нарам̣.

Pucchito uttamaṃ naranti. Pucchitoti puṭṭho pucchito yācito ajjhesito pasādito. Uttamaṃ naranti aggaṃ seṭṭhaṃ visiṭṭhaṃ pāmokkhaṃ uttamaṃ pavaraṃ naranti – pucchito uttamaṃ naraṃ.

д̇знааха со ниммид̇о –

Tenāha so nimmito –

‘‘гат̇ам̣д̣̇ассий гат̇ам̣сийло, убасанд̇од̇и вужжад̇и;

‘‘Kathaṃdassī kathaṃsīlo, upasantoti vuccati;

д̇ам̣ мз г̇од̇ама баб̣руухи, бужчид̇о уд̇д̇амам̣ нара’’нд̇и.

Taṃ me gotama pabrūhi, pucchito uttamaṃ nara’’nti.

84.

вийд̇ад̇ан̣хо бураабхзд̣̇аа, [ид̇и бхаг̇аваа]

Vītataṇhopurābhedā, [iti bhagavā]

буб̣б̣аманд̇аманиссид̇о;

Pubbamantamanissito;

взмаж̇жхз нубасан̇кзяяо,

Vemajjhe nupasaṅkheyyo,

д̇асса над̇т̇и бурагкад̇ам̣.

Tassa natthi purakkhataṃ.

вийд̇ад̇ан̣хо бураабхзд̣̇аад̇и. бураа гааяасса бхзд̣̇аа, бураа ад̇д̇абхаавасса бхзд̣̇аа, бураа гал̣зварасса нигкзбаа, бураа ж̇ийвид̇инд̣̇рияасса убажчзд̣̇аа вийд̇ад̇ан̣хо виг̇ад̇ад̇ан̣хо жад̇д̇ад̇ан̣хо ванд̇ад̇ан̣хо муд̇д̇ад̇ан̣хо бахийнад̇ан̣хо бадиниссадтад̇ан̣хо, вийд̇арааг̇о виг̇ад̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о, нижчаад̇о ниб̣б̣уд̇о сийд̇ибхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и.

Vītataṇho purābhedāti. Purā kāyassa bhedā, purā attabhāvassa bhedā, purā kaḷevarassa nikkhepā, purā jīvitindriyassa upacchedā vītataṇho vigatataṇho cattataṇho vantataṇho muttataṇho pahīnataṇho paṭinissaṭṭhataṇho, vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo, nicchāto nibbuto sītibhūto sukhappaṭisaṃvedī brahmabhūtena attanā viharati.

бхаг̇аваад̇и г̇аараваад̇хиважанам̣. аби жа бхаг̇г̇арааг̇од̇и бхаг̇аваа, бхаг̇г̇ад̣̇осод̇и бхаг̇аваа, бхаг̇г̇амоход̇и бхаг̇аваа, бхаг̇г̇амаанод̇и бхаг̇аваа, бхаг̇г̇ад̣̇идтийд̇и бхаг̇аваа, бхаг̇г̇ад̇ан̣ход̇и бхаг̇аваа, бхаг̇г̇агилзсод̇и бхаг̇аваа, бхаж̇и вибхаж̇и бавибхаж̇и д̇хаммарад̇ананд̇и бхаг̇аваа, бхаваанам̣ анд̇агарод̇и бхаг̇аваа, бхаавид̇агааяо бхаавид̇асийло бхаавид̇ажид̇д̇о бхаавид̇абан̃н̃од̇и бхаг̇аваа, бхаж̇и ваа бхаг̇аваа аран̃н̃аванабад̇т̇аани банд̇аани сзнаасанаани аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаанийд̇и бхаг̇аваа, бхааг̇ий ваа бхаг̇аваа жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараананд̇и бхаг̇аваа, бхааг̇ий ваа бхаг̇аваа ад̇т̇арасасса д̇хаммарасасса вимуд̇д̇ирасасса ад̇хисийласса ад̇хижид̇д̇асса ад̇хибан̃н̃ааяаад̇и бхаг̇аваа, бхааг̇ий ваа бхаг̇аваа жад̇уннам̣ жхаанаанам̣ жад̇уннам̣ аббаман̃н̃аанам̣ жад̇уннам̣ аруубасамаабад̇д̇ийнанд̇и бхаг̇аваа, бхааг̇ий ваа бхаг̇аваа адтаннам̣ вимогкаанам̣ адтаннам̣ абхибхааяад̇анаанам̣ наваннам̣ анубуб̣б̣авихаарасамаабад̇д̇ийнанд̇и бхаг̇аваа, бхааг̇ий ваа бхаг̇аваа д̣̇асаннам̣ бан̃н̃аабхааванаанам̣ д̣̇асаннам̣ гасин̣асамаабад̇д̇ийнам̣ аанаабаанассад̇исамаад̇хисса асубхасамаабад̇д̇ияаад̇и бхаг̇аваа, бхааг̇ий ваа бхаг̇аваа жад̇уннам̣ сад̇ибадтаанаанам̣ жад̇уннам̣ саммаббад̇хаанаанам̣ жад̇уннам̣ ид̣̇д̇хибаад̣̇аанам̣ бан̃жаннам̣ инд̣̇рияаанам̣ бан̃жаннам̣ б̣алаанам̣ сад̇д̇аннам̣ б̣ож̇жхан̇г̇аанам̣ арияасса адтан̇г̇игасса маг̇г̇ассаад̇и бхаг̇аваа, бхааг̇ий ваа бхаг̇аваа д̣̇асаннам̣ д̇ат̇ааг̇ад̇аб̣алаанам̣ жад̇уннам̣ взсаараж̇ж̇аанам̣ жад̇уннам̣ бадисамбхид̣̇аанам̣ чаннам̣ абхин̃н̃аанам̣ чаннам̣ б̣уд̣̇д̇хад̇хаммаананд̇и бхаг̇аваа. бхаг̇аваад̇и нзд̇ам̣ наамам̣ маад̇араа гад̇ам̣, на бид̇араа гад̇ам̣, на бхаад̇араа гад̇ам̣, на бхаг̇инияаа гад̇ам̣, на мид̇д̇аамажжзхи гад̇ам̣, на н̃аад̇исаалохид̇зхи гад̇ам̣ , на саман̣аб̣раахман̣зхи гад̇ам̣, на д̣̇звад̇аахи гад̇ам̣; вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ б̣од̇хияаа муулз саха саб̣б̣ан̃н̃уд̇ан̃аан̣асса бадилаабхаа сажчигаа бан̃н̃ад̇д̇и яад̣̇ид̣̇ам̣ бхаг̇аваад̇и – вийд̇ад̇ан̣хо бураабхзд̣̇аад̇и бхаг̇аваа.

Bhagavāti gāravādhivacanaṃ. Api ca bhaggarāgoti bhagavā, bhaggadosoti bhagavā, bhaggamohoti bhagavā, bhaggamānoti bhagavā, bhaggadiṭṭhīti bhagavā, bhaggataṇhoti bhagavā, bhaggakilesoti bhagavā, bhaji vibhaji pavibhaji dhammaratananti bhagavā, bhavānaṃ antakaroti bhagavā, bhāvitakāyo bhāvitasīlo bhāvitacitto bhāvitapaññoti bhagavā, bhaji vā bhagavā araññavanapatthāni pantāni senāsanāni appasaddāni appanigghosāni vijanavātāni manussarāhasseyyakāni paṭisallānasāruppānīti bhagavā, bhāgī vā bhagavā cīvarapiṇḍapātasenāsanagilānapaccayabhesajjaparikkhārānanti bhagavā, bhāgī vā bhagavā attharasassa dhammarasassa vimuttirasassa adhisīlassa adhicittassa adhipaññāyāti bhagavā, bhāgī vā bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnanti bhagavā, bhāgī vā bhagavā aṭṭhannaṃ vimokkhānaṃ aṭṭhannaṃ abhibhāyatanānaṃ navannaṃ anupubbavihārasamāpattīnanti bhagavā, bhāgī vā bhagavā dasannaṃ paññābhāvanānaṃ dasannaṃ kasiṇasamāpattīnaṃ ānāpānassatisamādhissa asubhasamāpattiyāti bhagavā, bhāgī vā bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhipādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassāti bhagavā, bhāgī vā bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānanti bhagavā. Bhagavāti netaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ , na samaṇabrāhmaṇehi kataṃ, na devatāhi kataṃ; vimokkhantikametaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ bhagavāti – vītataṇho purābhedāti bhagavā.

буб̣б̣аманд̇аманиссид̇од̇и буб̣б̣анд̇о вужжад̇и ад̇ийд̇о ад̣̇д̇хаа. ад̇ийд̇ам̣ ад̣̇д̇хаанам̣ аараб̣бха д̇ан̣хаа бахийнаа, д̣̇идти бадиниссадтаа д̇ан̣хааяа бахийнад̇д̇аа, д̣̇идтияаа бадиниссадтад̇д̇аа. звамби буб̣б̣аманд̇аманиссид̇о. ат̇а ваа ‘‘звам̣руубо ахосим̣ ад̇ийд̇амад̣̇д̇хаана’’нд̇и д̇ад̇т̇а нанд̣̇им̣ на саманнаанзд̇и, ‘‘звам̣взд̣̇ано ахосим̣… звам̣сан̃н̃о ахосим̣… звам̣сан̇кааро ахосим̣… звам̣вин̃н̃аан̣о ахосим̣ ад̇ийд̇амад̣̇д̇хаана’’нд̇и д̇ад̇т̇а нанд̣̇им̣ на саманнаанзд̇и. звамби буб̣б̣аманд̇аманиссид̇о. ат̇а ваа ‘‘ид̇и мз жагку ¹ ахоси ад̇ийд̇амад̣̇д̇хаанам̣ – ид̇и руубаа’’д̇и д̇ад̇т̇а на чанд̣̇арааг̇абадиб̣ад̣̇д̇хам̣ ход̇и вин̃н̃аан̣ам̣, на чанд̣̇арааг̇абадиб̣ад̣̇д̇хад̇д̇аа вин̃н̃аан̣асса на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби буб̣б̣аманд̇аманиссид̇о. ‘‘ид̇и мз сод̇ам̣ ахоси ад̇ийд̇амад̣̇д̇хаанам̣ – ид̇и сад̣̇д̣̇аа’’д̇и, ‘‘ид̇и мз гхаанам̣ ахоси ад̇ийд̇амад̣̇д̇хаанам̣ – ид̇и г̇анд̇хаа’’д̇и, ‘‘ид̇и мз ж̇ивхаа ахоси ад̇ийд̇амад̣̇д̇хаанам̣ – ид̇и расаа’’д̇и, ‘‘ид̇и мз гааяо ахоси ад̇ийд̇амад̣̇д̇хаанам̣ – ид̇и подтаб̣б̣аа’’д̇и, ‘‘ид̇и мз мано ахоси ад̇ийд̇амад̣̇д̇хаанам̣ – ид̇и д̇хаммаа’’д̇и д̇ад̇т̇а на чанд̣̇арааг̇абадиб̣ад̣̇д̇хам̣ ход̇и вин̃н̃аан̣ам̣, на чанд̣̇арааг̇абадиб̣ад̣̇д̇хад̇д̇аа вин̃н̃аан̣асса на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби буб̣б̣аманд̇аманиссид̇о. ат̇а ваа яаани д̇аани буб̣б̣з маад̇уг̇аамзна сад̣̇д̇хим̣ хасид̇алабид̇агийл̣ид̇аани на д̇ад̣̇ассаад̣̇зд̇и, на д̇ам̣ нигаамзд̇и, на жа д̇зна вид̇д̇им̣ аабаж̇ж̇ад̇и. звамби буб̣б̣аманд̇аманиссид̇о.

Pubbamantamanissitoti pubbanto vuccati atīto addhā. Atītaṃ addhānaṃ ārabbha taṇhā pahīnā, diṭṭhi paṭinissaṭṭhā taṇhāya pahīnattā, diṭṭhiyā paṭinissaṭṭhattā. Evampi pubbamantamanissito. Atha vā ‘‘evaṃrūpo ahosiṃ atītamaddhāna’’nti tattha nandiṃ na samannāneti, ‘‘evaṃvedano ahosiṃ… evaṃsañño ahosiṃ… evaṃsaṅkhāro ahosiṃ… evaṃviññāṇo ahosiṃ atītamaddhāna’’nti tattha nandiṃ na samannāneti. Evampi pubbamantamanissito. Atha vā ‘‘iti me cakkhu ² ahosi atītamaddhānaṃ – iti rūpā’’ti tattha na chandarāgapaṭibaddhaṃ hoti viññāṇaṃ, na chandarāgapaṭibaddhattā viññāṇassa na tadabhinandati; na tadabhinandanto. Evampi pubbamantamanissito. ‘‘Iti me sotaṃ ahosi atītamaddhānaṃ – iti saddā’’ti, ‘‘iti me ghānaṃ ahosi atītamaddhānaṃ – iti gandhā’’ti, ‘‘iti me jivhā ahosi atītamaddhānaṃ – iti rasā’’ti, ‘‘iti me kāyo ahosi atītamaddhānaṃ – iti phoṭṭhabbā’’ti, ‘‘iti me mano ahosi atītamaddhānaṃ – iti dhammā’’ti tattha na chandarāgapaṭibaddhaṃ hoti viññāṇaṃ, na chandarāgapaṭibaddhattā viññāṇassa na tadabhinandati; na tadabhinandanto. Evampi pubbamantamanissito. Atha vā yāni tāni pubbe mātugāmena saddhiṃ hasitalapitakīḷitāni na tadassādeti, na taṃ nikāmeti, na ca tena vittiṃ āpajjati. Evampi pubbamantamanissito.

взмаж̇жхз нубасан̇кзяяод̇и. взмаж̇жхам̣ вужжад̇и бажжуббанно ад̣̇д̇хаа. бажжуббаннам̣ ад̣̇д̇хаанам̣ аараб̣бха д̇ан̣хаа бахийнаа, д̣̇идти бадиниссадтаа . д̇ан̣хааяа бахийнад̇д̇аа, д̣̇идтияаа бадиниссадтад̇д̇аа рад̇д̇од̇и нубасан̇кзяяо, д̣̇удтод̇и нубасан̇кзяяо, муул̣ход̇и нубасан̇кзяяо, виниб̣ад̣̇д̇ход̇и нубасан̇кзяяо, бараамадтод̇и нубасан̇кзяяо, вигкзбаг̇ад̇од̇и нубасан̇кзяяо, анидтан̇г̇ад̇од̇и нубасан̇кзяяо, т̇аамаг̇ад̇од̇и нубасан̇кзяяо; д̇з абхисан̇каараа бахийнаа; абхисан̇каараанам̣ бахийнад̇д̇аа г̇ад̇ияаа нубасан̇кзяяо, нзраяигод̇и ваа д̇иражчаанаяонигод̇и ваа бзд̇д̇ивисаяигод̇и ваа мануссод̇и ваа д̣̇звод̇и ваа руубийд̇и ваа аруубийд̇и ваа сан̃н̃ийд̇и ваа асан̃н̃ийд̇и ваа нзвасан̃н̃ийнаасан̃н̃ийд̇и ваа. со хзд̇у над̇т̇и бажжаяо над̇т̇и гааран̣ам̣ над̇т̇и язна сан̇кам̣ г̇ажчзяяаад̇и – взмаж̇жхз нубасан̇кзяяо.

Vemajjhe nupasaṅkheyyoti. Vemajjhaṃ vuccati paccuppanno addhā. Paccuppannaṃ addhānaṃ ārabbha taṇhā pahīnā, diṭṭhi paṭinissaṭṭhā . Taṇhāya pahīnattā, diṭṭhiyā paṭinissaṭṭhattā rattoti nupasaṅkheyyo, duṭṭhoti nupasaṅkheyyo, mūḷhoti nupasaṅkheyyo, vinibaddhoti nupasaṅkheyyo, parāmaṭṭhoti nupasaṅkheyyo, vikkhepagatoti nupasaṅkheyyo, aniṭṭhaṅgatoti nupasaṅkheyyo, thāmagatoti nupasaṅkheyyo; te abhisaṅkhārā pahīnā; abhisaṅkhārānaṃ pahīnattā gatiyā nupasaṅkheyyo, nerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā. So hetu natthi paccayo natthi kāraṇaṃ natthi yena saṅkhaṃ gaccheyyāti – vemajjhe nupasaṅkheyyo.

д̇асса над̇т̇и бурагкад̇анд̇и. д̇ассаад̇и арахад̇о кийн̣аасавасса. бурзгкаараад̇и д̣̇вз бурзгкаараа – д̇ан̣хаабурзгкааро жа д̣̇идтибурзгкааро жа…бз… аяам̣ д̇ан̣хаабурзгкааро…бз… аяам̣ д̣̇идтибурзгкааро. д̇асса д̇ан̣хаабурзгкааро бахийно, д̣̇идтибурзгкааро бадиниссадто. д̇ан̣хаабурзгкаарасса бахийнад̇д̇аа, д̣̇идтибурзгкаарасса бадиниссадтад̇д̇аа на д̇ан̣хам̣ ваа д̣̇идтим̣ ваа бурад̇о гад̇ваа жарад̇и, на д̇ан̣хаад̇хаж̇о на д̇ан̣хаагзд̇у на д̇ан̣хаад̇хибад̇зяяо, на д̣̇идтид̇хаж̇о на д̣̇идтигзд̇у на д̣̇идтаад̇хибад̇зяяо, на д̇ан̣хааяа ваа д̣̇идтияаа ваа бариваарид̇о жарад̇и. звамби д̇асса над̇т̇и бурагкад̇ам̣. ат̇а ваа ‘‘звам̣руубо сияам̣ анааг̇ад̇амад̣̇д̇хаана’’нд̇и д̇ад̇т̇а нанд̣̇им̣ на саманнаанзд̇и, ‘‘звам̣взд̣̇ано сияам̣… звам̣сан̃н̃о сияам̣… звам̣сан̇кааро сияам̣… звам̣вин̃н̃аан̣о сияам̣ анааг̇ад̇амад̣̇д̇хаана’’нд̇и д̇ад̇т̇а нанд̣̇им̣ на саманнаанзд̇и. звамби д̇асса над̇т̇и бурагкад̇ам̣. ат̇а ваа ‘‘ид̇и мз жагку сияаа анааг̇ад̇амад̣̇д̇хаанам̣ – ид̇и руубаа’’д̇и аббадилад̣̇д̇хасса бадилаабхааяа жид̇д̇ам̣ на бан̣ид̣̇ахад̇и, жзд̇асо аббан̣ид̇хаанаббажжаяаа на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби д̇асса над̇т̇и бурагкад̇ам̣. ‘‘ид̇и мз сод̇ам̣ сияаа анааг̇ад̇амад̣̇д̇хаанам̣ – ид̇и сад̣̇д̣̇аа’’д̇и, ‘‘ид̇и мз гхаанам̣ сияаа анааг̇ад̇амад̣̇д̇хаанам̣ – ид̇и г̇анд̇хаа’’д̇и, ‘‘ид̇и мз ж̇ивхаа сияаа анааг̇ад̇амад̣̇д̇хаанам̣ – ид̇и расаа’’д̇и, ‘‘ид̇и мз гааяо сияаа анааг̇ад̇амад̣̇д̇хаанам̣ – ид̇и подтаб̣б̣аа’’д̇и, ‘‘ид̇и мз мано сияаа анааг̇ад̇амад̣̇д̇хаанам̣ – ид̇и д̇хаммаа’’д̇и аббадилад̣̇д̇хасса бадилаабхааяа жид̇д̇ам̣ на бан̣ид̣̇ахад̇и, жзд̇асо аббан̣ид̇хаанаббажжаяаа на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби д̇асса над̇т̇и бурагкад̇ам̣. ат̇а ваа ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро’’д̇и ваа аббадилад̣̇д̇хасса бадилаабхааяа жид̇д̇ам̣ на бан̣ид̣̇ахад̇и, жзд̇асо аббан̣ид̇хаанаббажжаяаа на д̇ад̣̇абхинанд̣̇ад̇и; на д̇ад̣̇абхинанд̣̇ад̇о. звамби д̇асса над̇т̇и бурагкад̇ам̣.

Tassa natthi purakkhatanti. Tassāti arahato khīṇāsavassa. Purekkhārāti dve purekkhārā – taṇhāpurekkhāro ca diṭṭhipurekkhāro ca…pe… ayaṃ taṇhāpurekkhāro…pe… ayaṃ diṭṭhipurekkhāro. Tassa taṇhāpurekkhāro pahīno, diṭṭhipurekkhāro paṭinissaṭṭho. Taṇhāpurekkhārassa pahīnattā, diṭṭhipurekkhārassa paṭinissaṭṭhattā na taṇhaṃ vā diṭṭhiṃ vā purato katvā carati, na taṇhādhajo na taṇhāketu na taṇhādhipateyyo, na diṭṭhidhajo na diṭṭhiketu na diṭṭhādhipateyyo, na taṇhāya vā diṭṭhiyā vā parivārito carati. Evampi tassa natthi purakkhataṃ. Atha vā ‘‘evaṃrūpo siyaṃ anāgatamaddhāna’’nti tattha nandiṃ na samannāneti, ‘‘evaṃvedano siyaṃ… evaṃsañño siyaṃ… evaṃsaṅkhāro siyaṃ… evaṃviññāṇo siyaṃ anāgatamaddhāna’’nti tattha nandiṃ na samannāneti. Evampi tassa natthi purakkhataṃ. Atha vā ‘‘iti me cakkhu siyā anāgatamaddhānaṃ – iti rūpā’’ti appaṭiladdhassa paṭilābhāya cittaṃ na paṇidahati, cetaso appaṇidhānappaccayā na tadabhinandati; na tadabhinandanto. Evampi tassa natthi purakkhataṃ. ‘‘Iti me sotaṃ siyā anāgatamaddhānaṃ – iti saddā’’ti, ‘‘iti me ghānaṃ siyā anāgatamaddhānaṃ – iti gandhā’’ti, ‘‘iti me jivhā siyā anāgatamaddhānaṃ – iti rasā’’ti, ‘‘iti me kāyo siyā anāgatamaddhānaṃ – iti phoṭṭhabbā’’ti, ‘‘iti me mano siyā anāgatamaddhānaṃ – iti dhammā’’ti appaṭiladdhassa paṭilābhāya cittaṃ na paṇidahati, cetaso appaṇidhānappaccayā na tadabhinandati; na tadabhinandanto. Evampi tassa natthi purakkhataṃ. Atha vā ‘‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro’’ti vā appaṭiladdhassa paṭilābhāya cittaṃ na paṇidahati, cetaso appaṇidhānappaccayā na tadabhinandati; na tadabhinandato. Evampi tassa natthi purakkhataṃ.

д̇знааха бхаг̇аваа –

Tenāha bhagavā –

‘‘вийд̇ад̇ан̣хо бураабхзд̣̇аа, [ид̇и бхаг̇аваа]

‘‘Vītataṇho purābhedā, [iti bhagavā]

буб̣б̣аманд̇аманиссид̇о;

Pubbamantamanissito;

взмаж̇жхз нубасан̇кзяяо,

Vemajjhe nupasaṅkheyyo,

д̇асса над̇т̇и бурагкад̇а’’нд̇и.

Tassa natthi purakkhata’’nti.

85.

аггод̇хано асанд̇аасий, авигад̇т̇ий агуггужо;

Akkodhanoasantāsī, avikatthī akukkuco;

манд̇абхаан̣ий ануд̣̇д̇хад̇о, са вз ваажааяад̇о муни.

Mantabhāṇī anuddhato, sa ve vācāyato muni.

аггод̇хано асанд̇аасийд̇и. аггод̇ханод̇и яан̃хи ко вуд̇д̇ам̣. аби жа год̇хо д̇аава вад̇д̇аб̣б̣о. д̣̇асахаагаарзхи год̇хо ж̇ааяад̇и – ‘‘анад̇т̇ам̣ мз ажарий’’д̇и год̇хо ж̇ааяад̇и, ‘‘анад̇т̇ам̣ мз жарад̇ий’’д̇и год̇хо ж̇ааяад̇и, ‘‘анад̇т̇ам̣ мз жариссад̇ий’’д̇и год̇хо ж̇ааяад̇и, ‘‘бияасса мз манаабасса анад̇т̇ам̣ ажари… анад̇т̇ам̣ жарад̇и… анад̇т̇ам̣ жариссад̇ий’’д̇и год̇хо ж̇ааяад̇и, ‘‘аббияасса мз аманаабасса ад̇т̇ам̣ ажари… ад̇т̇ам̣ жарад̇и… ад̇т̇ам̣ жариссад̇ий’’д̇и год̇хо ж̇ааяад̇и, адтаанз ваа бана год̇хо ж̇ааяад̇и. яо зваруубо жид̇д̇асса аагхаад̇о бадигхаад̇о, бадигхам̣ бадивирод̇хо, гобо багобо самбагобо, д̣̇осо бад̣̇осо самбад̣̇осо, жид̇д̇асса б̣яаабад̇д̇и манобад̣̇осо , год̇хо гуж̇жханаа гуж̇жхид̇ад̇д̇ам̣, д̣̇осо д̣̇уссанаа д̣̇уссид̇ад̇д̇ам̣, б̣яаабад̇д̇и б̣яаабаж̇ж̇анаа б̣яаабаж̇ж̇ид̇ад̇д̇ам̣, вирод̇хо бадивирод̇хо жан̣д̣иггам̣, асуробо ³ анад̇д̇аманад̇аа жид̇д̇асса – аяам̣ вужжад̇и год̇хо.

Akkodhano asantāsīti. Akkodhanoti yañhi kho vuttaṃ. Api ca kodho tāva vattabbo. Dasahākārehi kodho jāyati – ‘‘anatthaṃ me acarī’’ti kodho jāyati, ‘‘anatthaṃ me caratī’’ti kodho jāyati, ‘‘anatthaṃ me carissatī’’ti kodho jāyati, ‘‘piyassa me manāpassa anatthaṃ acari… anatthaṃ carati… anatthaṃ carissatī’’ti kodho jāyati, ‘‘appiyassa me amanāpassa atthaṃ acari… atthaṃ carati… atthaṃ carissatī’’ti kodho jāyati, aṭṭhāne vā pana kodho jāyati. Yo evarūpo cittassa āghāto paṭighāto, paṭighaṃ paṭivirodho, kopo pakopo sampakopo, doso padoso sampadoso, cittassa byāpatti manopadoso , kodho kujjhanā kujjhitattaṃ, doso dussanā dussitattaṃ, byāpatti byāpajjanā byāpajjitattaṃ, virodho paṭivirodho caṇḍikkaṃ, asuropo ⁴ anattamanatā cittassa – ayaṃ vuccati kodho.

аби жа год̇хасса ад̇химад̇д̇абарид̇д̇ад̇аа взд̣̇ид̇аб̣б̣аа. ад̇т̇и ган̃жи ⁵ гаалам̣ год̇хо жид̇д̇аавилагаран̣амад̇д̇о ход̇и, на жа д̇аава мукагулаанавигулаано ход̇и; ад̇т̇и ган̃жи гаалам̣ год̇хо мукагулаанавигулаанамад̇д̇о ход̇и, на жа д̇аава ханусан̃жобано ход̇и; ад̇т̇и ган̃жи гаалам̣ год̇хо ханусан̃жобанамад̇д̇о ход̇и, на жа д̇аава парусаваажам̣ нижчааран̣о ⁶ ход̇и; ад̇т̇и ган̃жи гаалам̣ год̇хо парусаваажам̣ нижчааран̣амад̇д̇о ход̇и, на жа д̇аава д̣̇исаавид̣̇исаанувилогано ход̇и; ад̇т̇и ган̃жи гаалам̣ год̇хо д̣̇исаавид̣̇исаанувилоганамад̇д̇о ход̇и, на жа д̇аава д̣̇ан̣д̣асад̇т̇абараамасано ход̇и; ад̇т̇и ган̃жи гаалам̣ год̇хо д̣̇ан̣д̣асад̇т̇абараамасанамад̇д̇о ход̇и, на жа д̇аава д̣̇ан̣д̣асад̇т̇ааб̣бхуггиран̣о ход̇и; ад̇т̇и ган̃жи гаалам̣ год̇хо д̣̇ан̣д̣асад̇т̇ааб̣бхуггиран̣амад̇д̇о ход̇и, на жа д̇аава д̣̇ан̣д̣асад̇т̇аабхинибаад̇ано ход̇и; ад̇т̇и ган̃жи гаалам̣ год̇хо д̣̇ан̣д̣асад̇т̇аабхинибаад̇амад̇д̇о ход̇и, на жа д̇аава чиннавижчиннагаран̣о ход̇и; ад̇т̇и ган̃жи гаалам̣ год̇хо чиннавижчиннагаран̣амад̇д̇о ход̇и, на жа д̇аава самбхан̃ж̇анабалибхан̃ж̇ано ход̇и; ад̇т̇и ган̃жи гаалам̣ год̇хо самбхан̃ж̇анабалибхан̃ж̇анамад̇д̇о ход̇и, на жа д̇аава ан̇г̇аман̇г̇аабагад̣дхано ход̇и; ад̇т̇и ган̃жи гаалам̣ год̇хо ан̇г̇аман̇г̇аабагад̣дханамад̇д̇о ход̇и, на жа д̇аава ж̇ийвид̇ааворобано ⁷ ход̇и; ад̇т̇и ган̃жи гаалам̣ год̇хо ж̇ийвид̇ааворобанамад̇д̇о ход̇и, на жа д̇аава саб̣б̣ажааг̇абарижжааг̇ааяа сан̣тид̇о ход̇и. яад̇о год̇хо барабуг̇г̇алам̣ гхаадзд̇ваа ад̇д̇аанам̣ гхаадзд̇и, зд̇д̇аавад̇аа год̇хо барамуссад̣̇аг̇ад̇о барамавзбуллаббад̇д̇о ход̇и. яасса со год̇хо бахийно самужчинно вуубасанд̇о бадибассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо, со вужжад̇и аггод̇хано. год̇хасса бахийнад̇д̇аа аггод̇хано, год̇хавад̇т̇усса барин̃н̃аад̇ад̇д̇аа аггод̇хано, год̇хахзд̇усса убажчиннад̇д̇аа аггод̇ханод̇и – аггод̇хано.

Api ca kodhassa adhimattaparittatā veditabbā. Atthi kañci ⁸ kālaṃ kodho cittāvilakaraṇamatto hoti, na ca tāva mukhakulānavikulāno hoti; atthi kañci kālaṃ kodho mukhakulānavikulānamatto hoti, na ca tāva hanusañcopano hoti; atthi kañci kālaṃ kodho hanusañcopanamatto hoti, na ca tāva pharusavācaṃ nicchāraṇo ⁹ hoti; atthi kañci kālaṃ kodho pharusavācaṃ nicchāraṇamatto hoti, na ca tāva disāvidisānuvilokano hoti; atthi kañci kālaṃ kodho disāvidisānuvilokanamatto hoti, na ca tāva daṇḍasatthaparāmasano hoti; atthi kañci kālaṃ kodho daṇḍasatthaparāmasanamatto hoti, na ca tāva daṇḍasatthaabbhukkiraṇo hoti; atthi kañci kālaṃ kodho daṇḍasatthaabbhukkiraṇamatto hoti, na ca tāva daṇḍasatthaabhinipātano hoti; atthi kañci kālaṃ kodho daṇḍasatthaabhinipātamatto hoti, na ca tāva chinnavicchinnakaraṇo hoti; atthi kañci kālaṃ kodho chinnavicchinnakaraṇamatto hoti, na ca tāva sambhañjanapalibhañjano hoti; atthi kañci kālaṃ kodho sambhañjanapalibhañjanamatto hoti, na ca tāva aṅgamaṅgaapakaḍḍhano hoti; atthi kañci kālaṃ kodho aṅgamaṅgaapakaḍḍhanamatto hoti, na ca tāva jīvitāvoropano ¹⁰ hoti; atthi kañci kālaṃ kodho jīvitāvoropanamatto hoti, na ca tāva sabbacāgapariccāgāya saṇṭhito hoti. Yato kodho parapuggalaṃ ghāṭetvā attānaṃ ghāṭeti, ettāvatā kodho paramussadagato paramavepullappatto hoti. Yassa so kodho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati akkodhano. Kodhassa pahīnattā akkodhano, kodhavatthussa pariññātattā akkodhano, kodhahetussa upacchinnattā akkodhanoti – akkodhano.

асанд̇аасийд̇и ид̇хзгажжо д̇аасий ход̇и уд̇д̇аасий барид̇д̇аасий, со д̇асад̇и на уд̇д̇асад̇и барид̇д̇асад̇и бхааяад̇и санд̇аасам̣ аабаж̇ж̇ад̇и. гулам̣ ваа на лабхаами, г̇ан̣ам̣ ваа на лабхаами, ааваасам̣ ваа на лабхаами, лаабхам̣ ваа на лабхаами, яасам̣ ваа на лабхаами, басам̣сам̣ ваа на лабхаами, сукам̣ ваа на лабхаами, жийварам̣ ваа на лабхаами, бин̣д̣абаад̇ам̣ ваа на лабхаами, сзнаасанам̣ ваа на лабхаами, г̇илаанабажжаяабхзсаж̇ж̇абаригкаарам̣ ваа на лабхаами, г̇илаанубадтаагам̣ ваа на лабхаами, аббан̃н̃аад̇омхийд̇и д̇асад̇и уд̇д̇асад̇и барид̇д̇асад̇и бхааяад̇и санд̇аасам̣ аабаж̇ж̇ад̇и.

Asantāsīti idhekacco tāsī hoti uttāsī parittāsī, so tasati na uttasati parittasati bhāyati santāsaṃ āpajjati. Kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appaññātomhīti tasati uttasati parittasati bhāyati santāsaṃ āpajjati.

ид̇ха бхигку асанд̇аасий ход̇и ануд̇д̇аасий абарид̇д̇аасий; со на д̇асад̇и на уд̇д̇асад̇и на барид̇д̇асад̇и на бхааяад̇и на санд̇аасам̣ аабаж̇ж̇ад̇и. гулам̣ ваа на лабхаами, г̇ан̣ам̣ ваа на лабхаами, ааваасам̣ ваа на лабхаами, лаабхам̣ ваа на лабхаами, яасам̣ ваа на лабхаами, басам̣сам̣ ваа на лабхаами, сукам̣ ваа на лабхаами, жийварам̣ ваа на лабхаами, бин̣д̣абаад̇ам̣ ваа на лабхаами, сзнаасанам̣ ваа на лабхаами, г̇илаанабажжаяабхзсаж̇ж̇абаригкаарам̣ ваа на лабхаами, г̇илаанубадтаагам̣ ваа на лабхаами, аббан̃н̃аад̇омхийд̇и на д̇асад̇и на уд̇д̇асад̇и на барид̇д̇асад̇и на бхааяад̇и на санд̇аасам̣ аабаж̇ж̇ад̇ийд̇и – аггод̇хано асанд̇аасий.

Idha bhikkhu asantāsī hoti anuttāsī aparittāsī; so na tasati na uttasati na parittasati na bhāyati na santāsaṃ āpajjati. Kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appaññātomhīti na tasati na uttasati na parittasati na bhāyati na santāsaṃ āpajjatīti – akkodhano asantāsī.

авигад̇т̇ий агуггужод̇и. ид̇хзгажжо гад̇т̇ий ход̇и вигад̇т̇ий, со гад̇т̇ад̇и вигад̇т̇ад̇и – ахамасми сийласамбаннод̇и ваа вад̇асамбаннод̇и ваа сийлаб̣б̣ад̇асамбаннод̇и ваа ж̇аад̇ияаа ваа г̇од̇д̇зна ваа голабуд̇д̇иязна ваа ван̣н̣абогкарад̇ааяа ваа д̇ханзна ваа аж̇жхзнзна ваа гаммааяад̇анзна ваа сиббааяад̇анзна ваа виж̇ж̇аадтаанзна ваа суд̇зна ваа бадибхаанзна ваа ан̃н̃ад̇аран̃н̃ад̇арзна ваа вад̇т̇унаа. ужжаа гулаа баб̣б̣аж̇ид̇од̇и ваа махаагулаа баб̣б̣аж̇ид̇од̇и ваа, махаабхог̇агулаа баб̣б̣аж̇ид̇од̇и ваа ул̣аарабхог̇агулаа баб̣б̣аж̇ид̇од̇и ваа, н̃аад̇о яасассий г̇ахадтабаб̣б̣аж̇ид̇аананд̇и ваа, лаабхимхи жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараананд̇и ваа, суд̇д̇анд̇игод̇и ваа винаяад̇харод̇и ваа д̇хаммагат̇игод̇и ваа, ааран̃н̃игод̇и ваа бин̣д̣абаад̇игод̇и ваа бам̣сугуулигод̇и ваа д̇зжийваригод̇и ваа, сабад̣̇аанажааригод̇и ваа калубажчаабхад̇д̇игод̇и ваа нзсаж̇ж̇игод̇и ваа яат̇аасант̇ад̇игод̇и ваа, батамасса жхаанасса лаабхийд̇и ваа д̣̇уд̇ияасса жхаанасса лаабхийд̇и ваа д̇ад̇ияасса жхаанасса лаабхийд̇и ваа жад̇уд̇т̇асса жхаанасса лаабхийд̇и ваа, аагаасаанан̃жааяад̇анасамаабад̇д̇ияаа… вин̃н̃аан̣ан̃жааяад̇анасамаабад̇д̇ияаа… аагин̃жан̃н̃ааяад̇анасамаабад̇д̇ияаа… нзвасан̃н̃аанаасан̃н̃ааяад̇анасамаабад̇д̇ияаа лаабхийд̇и ваа гад̇т̇ад̇и вигад̇т̇ад̇и. звам̣ на гад̇т̇ад̇и на вигад̇т̇ад̇и, гад̇т̇анаа вигад̇т̇анаа аарад̇о вирад̇о бадивирад̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – авигад̇т̇ий.

Avikatthī akukkucoti. Idhekacco katthī hoti vikatthī, so katthati vikatthati – ahamasmi sīlasampannoti vā vatasampannoti vā sīlabbatasampannoti vā jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā. Uccā kulā pabbajitoti vā mahākulā pabbajitoti vā, mahābhogakulā pabbajitoti vā uḷārabhogakulā pabbajitoti vā, ñāto yasassī gahaṭṭhapabbajitānanti vā, lābhimhi cīvarapiṇḍapātasenāsanagilānapaccayabhesajjaparikkhārānanti vā, suttantikoti vā vinayadharoti vā dhammakathikoti vā, āraññikoti vā piṇḍapātikoti vā paṃsukūlikoti vā tecīvarikoti vā, sapadānacārikoti vā khalupacchābhattikoti vā nesajjikoti vā yathāsanthatikoti vā, paṭhamassa jhānassa lābhīti vā dutiyassa jhānassa lābhīti vā tatiyassa jhānassa lābhīti vā catutthassa jhānassa lābhīti vā, ākāsānañcāyatanasamāpattiyā… viññāṇañcāyatanasamāpattiyā… ākiñcaññāyatanasamāpattiyā… nevasaññānāsaññāyatanasamāpattiyā lābhīti vā katthati vikatthati. Evaṃ na katthati na vikatthati, katthanā vikatthanā ārato virato paṭivirato nikkhanto nissaṭo vippamutto visaññutto vimariyādikatena cetasā viharatīti – avikatthī.

агуггужод̇и. гуггужжанд̇и хад̇т̇агуггужжамби гуггужжам̣, баад̣̇агуггужжамби гуггужжам̣, хад̇т̇абаад̣̇агуггужжамби гуггужжам̣, агаббияз габбияасан̃н̃ид̇аа габбияз агаббияасан̃н̃ид̇аа, вигаалз гааласан̃н̃ид̇аа гаалз вигааласан̃н̃ид̇аа, аваж̇ж̇з важ̇ж̇асан̃н̃ид̇аа важ̇ж̇з аваж̇ж̇асан̃н̃ид̇аа; яам̣ зваруубам̣ гуггужжам̣ гуггужжааяанаа гуггужжааяид̇ад̇д̇ам̣ жзд̇асо виббадисааро мановилзко – ид̣̇ам̣ вужжад̇и гуггужжам̣.

Akukkucoti. Kukkuccanti hatthakukkuccampi kukkuccaṃ, pādakukkuccampi kukkuccaṃ, hatthapādakukkuccampi kukkuccaṃ, akappiye kappiyasaññitā kappiye akappiyasaññitā, vikāle kālasaññitā kāle vikālasaññitā, avajje vajjasaññitā vajje avajjasaññitā; yaṃ evarūpaṃ kukkuccaṃ kukkuccāyanā kukkuccāyitattaṃ cetaso vippaṭisāro manovilekho – idaṃ vuccati kukkuccaṃ.

аби жа д̣̇вийхи гааран̣зхи уббаж̇ж̇ад̇и гуггужжам̣ жзд̇асо виббадисааро мановилзко гад̇ад̇д̇аа жа агад̇ад̇д̇аа жа. гат̇ам̣ гад̇ад̇д̇аа жа агад̇ад̇д̇аа жа уббаж̇ж̇ад̇и гуггужжам̣ жзд̇асо виббадисааро мановилзко? ‘‘гад̇ам̣ мз гааяад̣̇ужжарид̇ам̣, агад̇ам̣ мз гааяасужарид̇а’’нд̇иуббаж̇ж̇ад̇и гуггужжам̣ жзд̇асо виббадисааро мановилзко; ‘‘гад̇ам̣ мз важийд̣̇ужжарид̇ам̣, агад̇ам̣ мз важийсужарид̇ам̣… гад̇ам̣ мз манод̣̇ужжарид̇ам̣, агад̇ам̣ мз маносужарид̇а’’нд̇и – уббаж̇ж̇ад̇и гуггужжам̣ жзд̇асо виббадисааро мановилзко; ‘‘гад̇о мз баан̣аад̇ибаад̇о, агад̇аа мз баан̣аад̇ибаад̇аа взраман̣ий’’д̇и – уббаж̇ж̇ад̇и гуггужжам̣ жзд̇асо виббадисааро мановилзко; ‘‘гад̇ам̣ мз ад̣̇иннаад̣̇аанам̣ , агад̇аа мз ад̣̇иннаад̣̇аанаа взраман̣ий’’д̇и – уббаж̇ж̇ад̇и гуггужжам̣ жзд̇асо виббадисааро мановилзко; ‘‘гад̇о мз гаамзсумижчаажааро, агад̇аа мз гаамзсумижчаажаараа взраман̣ий’’д̇и – уббаж̇ж̇ад̇и гуггужжам̣ жзд̇асо виббадисааро мановилзко; ‘‘гад̇о мз мусааваад̣̇о, агад̇аа мз мусааваад̣̇аа взраман̣ий’’д̇и… ‘‘гад̇аа мз бисун̣аа ваажаа, агад̇аа мз бисун̣ааяа ваажааяа взраман̣ий’’д̇и… ‘‘гад̇аа мз парусаа ваажаа, агад̇аа мз парусааяа ваажааяа взраман̣ий’’д̇и… ‘‘гад̇о мз сампаббалаабо, агад̇аа мз сампаббалаабаа взраман̣ий’’д̇и… ‘‘гад̇аа мз абхиж̇жхаа, агад̇аа мз анабхиж̇жхаа’’д̇и… ‘‘гад̇о мз б̣яаабаад̣̇о, агад̇о мз аб̣яаабаад̣̇о’’д̇и… ‘‘гад̇аа мз мижчаад̣̇идти, агад̇аа мз саммаад̣̇идтий’’д̇и – уббаж̇ж̇ад̇и гуггужжам̣ жзд̇асо виббадисааро мановилзко. звам̣ гад̇ад̇д̇аа жа агад̇ад̇д̇аа жа уббаж̇ж̇ад̇и гуггужжам̣ жзд̇асо виббадисааро мановилзко.

Api ca dvīhi kāraṇehi uppajjati kukkuccaṃ cetaso vippaṭisāro manovilekho katattā ca akatattā ca. Kathaṃ katattā ca akatattā ca uppajjati kukkuccaṃ cetaso vippaṭisāro manovilekho? ‘‘Kataṃ me kāyaduccaritaṃ, akataṃ me kāyasucarita’’ntiuppajjati kukkuccaṃ cetaso vippaṭisāro manovilekho; ‘‘kataṃ me vacīduccaritaṃ, akataṃ me vacīsucaritaṃ… kataṃ me manoduccaritaṃ, akataṃ me manosucarita’’nti – uppajjati kukkuccaṃ cetaso vippaṭisāro manovilekho; ‘‘kato me pāṇātipāto, akatā me pāṇātipātā veramaṇī’’ti – uppajjati kukkuccaṃ cetaso vippaṭisāro manovilekho; ‘‘kataṃ me adinnādānaṃ , akatā me adinnādānā veramaṇī’’ti – uppajjati kukkuccaṃ cetaso vippaṭisāro manovilekho; ‘‘kato me kāmesumicchācāro, akatā me kāmesumicchācārā veramaṇī’’ti – uppajjati kukkuccaṃ cetaso vippaṭisāro manovilekho; ‘‘kato me musāvādo, akatā me musāvādā veramaṇī’’ti… ‘‘katā me pisuṇā vācā, akatā me pisuṇāya vācāya veramaṇī’’ti… ‘‘katā me pharusā vācā, akatā me pharusāya vācāya veramaṇī’’ti… ‘‘kato me samphappalāpo, akatā me samphappalāpā veramaṇī’’ti… ‘‘katā me abhijjhā, akatā me anabhijjhā’’ti… ‘‘kato me byāpādo, akato me abyāpādo’’ti… ‘‘katā me micchādiṭṭhi, akatā me sammādiṭṭhī’’ti – uppajjati kukkuccaṃ cetaso vippaṭisāro manovilekho. Evaṃ katattā ca akatattā ca uppajjati kukkuccaṃ cetaso vippaṭisāro manovilekho.

ат̇а ваа ‘‘сийлзсумхи на барибуурагаарий’’д̇и – уббаж̇ж̇ад̇и гуггужжам̣ жзд̇асо виббадисааро мановилзко; ‘‘инд̣̇риязсумхи аг̇уд̇д̇ад̣̇вааро’’д̇и… ‘‘бхож̇анз амад̇д̇ан̃н̃умхий’’д̇и… ‘‘ж̇ааг̇арияам̣ анануяуд̇д̇омхий’’д̇и… ‘‘на сад̇исамбаж̇ан̃н̃зна саманнааг̇ад̇омхий’’д̇и… ‘‘абхаавид̇аа мз жад̇д̇ааро сад̇ибадтаанаа’’д̇и… ‘‘абхаавид̇аа мз жад̇д̇ааро саммаббад̇хаанаа’’д̇и… ‘‘абхаавид̇аа мз жад̇д̇ааро ид̣̇д̇хибаад̣̇аа’’д̇и… ‘‘абхаавид̇аани мз бан̃жинд̣̇рияааний’’д̇и… ‘‘абхаавид̇аани мз бан̃жа б̣алааний’’д̇и… ‘‘абхаавид̇аа мз сад̇д̇а б̣ож̇жхан̇г̇аа’’д̇и… ‘‘абхаавид̇о мз арияо адтан̇г̇иго маг̇г̇о’’д̇и… ‘‘д̣̇угкам̣ мз абарин̃н̃аад̇а’’нд̇и… ‘‘самуд̣̇аяо мз аббахийно’’д̇и… ‘‘маг̇г̇о мз абхаавид̇о’’д̇и… ‘‘нирод̇хо мз асажчигад̇о’’д̇и – уббаж̇ж̇ад̇и гуггужжам̣ жзд̇асо виббадисааро мановилзко. яассзд̇ам̣ гуггужжам̣ бахийнам̣ самужчиннам̣ вуубасанд̇ам̣ бадибассад̣̇д̇хам̣ абхаб̣б̣уббад̇д̇игам̣ н̃аан̣аг̇г̇инаа д̣̇ад̣дхам̣, со вужжад̇и агуггужжод̇и – авигад̇т̇ий агуггужо.

Atha vā ‘‘sīlesumhi na paripūrakārī’’ti – uppajjati kukkuccaṃ cetaso vippaṭisāro manovilekho; ‘‘indriyesumhi aguttadvāro’’ti… ‘‘bhojane amattaññumhī’’ti… ‘‘jāgariyaṃ ananuyuttomhī’’ti… ‘‘na satisampajaññena samannāgatomhī’’ti… ‘‘abhāvitā me cattāro satipaṭṭhānā’’ti… ‘‘abhāvitā me cattāro sammappadhānā’’ti… ‘‘abhāvitā me cattāro iddhipādā’’ti… ‘‘abhāvitāni me pañcindriyānī’’ti… ‘‘abhāvitāni me pañca balānī’’ti… ‘‘abhāvitā me satta bojjhaṅgā’’ti… ‘‘abhāvito me ariyo aṭṭhaṅgiko maggo’’ti… ‘‘dukkhaṃ me apariññāta’’nti… ‘‘samudayo me appahīno’’ti… ‘‘maggo me abhāvito’’ti… ‘‘nirodho me asacchikato’’ti – uppajjati kukkuccaṃ cetaso vippaṭisāro manovilekho. Yassetaṃ kukkuccaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati akukkuccoti – avikatthī akukkuco.

манд̇абхаан̣ий ануд̣̇д̇хад̇од̇и. манд̇аа вужжад̇и бан̃н̃аа. яаа бан̃н̃аа баж̇аананаа…бз… амохо д̇хаммавижаяо саммаад̣̇идти. манд̇ааяа бариг̇г̇ахзд̇ваа бариг̇г̇ахзд̇ваа ваажам̣ бхаасад̇и б̣ахумби гат̇знд̇о б̣ахумби бхан̣анд̇о б̣ахумби д̣̇ийбаяанд̇о б̣ахумби вохаранд̇о. д̣̇уггат̇ид̇ам̣ д̣̇уб̣бхан̣ид̇ам̣ д̣̇уллабид̇ам̣ д̣̇уруд̇д̇ам̣ д̣̇уб̣бхаасид̇ам̣ ваажам̣ на бхаасад̇ийд̇и – манд̇абхаан̣ий. ануд̣̇д̇хад̇од̇и. д̇ад̇т̇а гад̇амам̣ уд̣̇д̇хажжам̣? яам̣ жид̇д̇асса уд̣̇д̇хажжам̣ авуубасамо жзд̇асо вигкзбо бханд̇ад̇д̇ам̣ жид̇д̇асса – ид̣̇ам̣ вужжад̇и уд̣̇д̇хажжам̣. яассзд̇ам̣ уд̣̇д̇хажжам̣ бахийнам̣ самужчиннам̣ вуубасанд̇ам̣ бадибассад̣̇д̇хам̣ абхаб̣б̣уббад̇д̇игам̣ н̃аан̣аг̇г̇инаа д̣̇ад̣дхам̣, со вужжад̇и ануд̣̇д̇хад̇од̇и – манд̇абхаан̣ий ануд̣̇д̇хад̇о.

Mantabhāṇī anuddhatoti. Mantā vuccati paññā. Yā paññā pajānanā…pe… amoho dhammavicayo sammādiṭṭhi. Mantāya pariggahetvā pariggahetvā vācaṃ bhāsati bahumpi kathento bahumpi bhaṇanto bahumpi dīpayanto bahumpi voharanto. Dukkathitaṃ dubbhaṇitaṃ dullapitaṃ duruttaṃ dubbhāsitaṃ vācaṃ na bhāsatīti – mantabhāṇī. Anuddhatoti. Tattha katamaṃ uddhaccaṃ? Yaṃ cittassa uddhaccaṃ avūpasamo cetaso vikkhepo bhantattaṃ cittassa – idaṃ vuccati uddhaccaṃ. Yassetaṃ uddhaccaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati anuddhatoti – mantabhāṇī anuddhato.

са вз ваажааяад̇о мунийд̇и. ид̇ха бхигку мусааваад̣̇ам̣ бахааяа мусааваад̣̇аа бадивирад̇о ход̇и сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса. бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и – ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа, сахид̇аанам̣ ваа ануббад̣̇аад̇аа, самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ход̇и. парусам̣ ваажам̣ бахааяа парусааяа ваажааяа бадивирад̇о ход̇и – яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и. сампаббалаабам̣ бахааяа сампаббалаабаа бадивирад̇о ход̇и – гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий нид̇хаанавад̇им̣ ваажам̣ бхаасид̇аа ход̇и гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣. жад̇уухи важийсужарид̇зхи саманнааг̇ад̇о жад̇уд̣̇д̣̇осаабаг̇ад̇ам̣ ваажам̣ бхаасад̇и, б̣аад̇д̇им̣сааяа д̇иражчаанагат̇ааяа аарад̇о асса вирад̇о бадивирад̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇и.

Sa ve vācāyato munīti. Idha bhikkhu musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa. Pisuṇaṃ vācaṃ pahāya pisuṇāya vācāya paṭivirato hoti – ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya. Iti bhinnānaṃ vā sandhātā, sahitānaṃ vā anuppadātā, samaggārāmo samaggarato samagganandī samaggakaraṇiṃ vācaṃ bhāsitā hoti. Pharusaṃ vācaṃ pahāya pharusāya vācāya paṭivirato hoti – yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti. Samphappalāpaṃ pahāya samphappalāpā paṭivirato hoti – kālavādī bhūtavādī atthavādī dhammavādī vinayavādī nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ. Catūhi vacīsucaritehi samannāgato catuddosāpagataṃ vācaṃ bhāsati, bāttiṃsāya tiracchānakathāya ārato assa virato paṭivirato nikkhanto nissaṭo vippamutto visaññutto vimariyādikatena cetasā viharati.

д̣̇аса гат̇аавад̇т̇ууни гат̇зси, сзяяат̇ид̣̇ам̣ – аббижчагат̇ам̣ гат̇зд̇и, санд̇удтийгат̇ам̣ гат̇зд̇и, бавивзгагат̇ам̣… асам̣саг̇г̇агат̇ам̣… вийрияаарамбхагат̇ам̣… сийлагат̇ам̣… самаад̇хигат̇ам̣… бан̃н̃аагат̇ам̣… вимуд̇д̇игат̇ам̣ … вимуд̇д̇ин̃аан̣ад̣̇ассанагат̇ам̣… сад̇ибадтаанагат̇ам̣… саммаббад̇хаанагат̇ам̣… ид̣̇д̇хибаад̣̇агат̇ам̣… инд̣̇рияагат̇ам̣… б̣алагат̇ам̣… б̣ож̇жхан̇г̇агат̇ам̣… маг̇г̇агат̇ам̣… палагат̇ам̣… ниб̣б̣аанагат̇ам̣ гат̇зд̇и. ваажааяад̇од̇и яад̇д̇о барияад̇д̇о г̇уд̇д̇о г̇обид̇о рагкид̇о вуубасанд̇о. мунийд̇и. монам̣ вужжад̇и н̃аан̣ам̣. яаа бан̃н̃аа баж̇аананаа…бз… амохо д̇хаммавижаяо саммаад̣̇идти…бз… сан̇г̇аж̇ааламад̇ижжа со мунийд̇и – са вз ваажааяад̇о муни.

Dasa kathāvatthūni kathesi, seyyathidaṃ – appicchakathaṃ katheti, santuṭṭhīkathaṃ katheti, pavivekakathaṃ… asaṃsaggakathaṃ… vīriyārambhakathaṃ… sīlakathaṃ… samādhikathaṃ… paññākathaṃ… vimuttikathaṃ … vimuttiñāṇadassanakathaṃ… satipaṭṭhānakathaṃ… sammappadhānakathaṃ… iddhipādakathaṃ… indriyakathaṃ… balakathaṃ… bojjhaṅgakathaṃ… maggakathaṃ… phalakathaṃ… nibbānakathaṃ katheti. Vācāyatoti yatto pariyatto gutto gopito rakkhito vūpasanto. Munīti. Monaṃ vuccati ñāṇaṃ. Yā paññā pajānanā…pe… amoho dhammavicayo sammādiṭṭhi…pe… saṅgajālamaticca so munīti – sa ve vācāyato muni.

д̇знааха бхаг̇аваа –

Tenāha bhagavā –

‘‘аггод̇хано асанд̇аасий, авигад̇т̇ий агуггужо;

‘‘Akkodhano asantāsī, avikatthī akukkuco;

манд̇абхаан̣ий ануд̣̇д̇хад̇о, са вз ваажааяад̇о муний’’д̇и.

Mantabhāṇī anuddhato, sa ve vācāyato munī’’ti.

86.

нираасад̇д̇и анааг̇ад̇з, ад̇ийд̇ам̣ наанусожад̇и;

Nirāsattianāgate, atītaṃ nānusocati;

вивзгад̣̇ассий пассзсу, д̣̇идтийсу жа на нийяад̇и.

Vivekadassī phassesu, diṭṭhīsu ca na nīyati.

нираасад̇д̇и анааг̇ад̇зд̇и. аасад̇д̇и вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. яассзсаа аасад̇д̇и д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и. звамби нираасад̇д̇и анааг̇ад̇з. ат̇а ваа ‘‘звам̣руубо сияам̣ анааг̇ад̇амад̣̇д̇хаана’’нд̇и д̇ад̇т̇а нанд̣̇им̣ на саманнаанзд̇и, ‘‘звам̣взд̣̇ано сияам̣… звам̣сан̃н̃о сияам̣… звам̣сан̇кааро сияам̣… звам̣вин̃н̃аан̣о сияам̣ анааг̇ад̇амад̣̇д̇хаана’’нд̇и д̇ад̇т̇а нанд̣̇им̣ на саманнаанзд̇и. звамби нираасад̇д̇и анааг̇ад̇з. ат̇а ваа ‘‘ид̇и мз жагку сияаа анааг̇ад̇амад̣̇д̇хаанам̣ – ид̇и руубаа’’д̇и аббадилад̣̇д̇хасса бадилаабхааяа жид̇д̇ам̣ на бан̣ид̣̇ахад̇и , жзд̇асо аббан̣ид̇хаанаббажжаяаа на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби нираасад̇д̇и анааг̇ад̇з. ‘‘ид̇и мз сод̇ам̣ сияаа анааг̇ад̇амад̣̇д̇хаанам̣ – ид̇и сад̣̇д̣̇аа’’д̇и…бз… ‘‘ид̇и мз мано сияаа анааг̇ад̇амад̣̇д̇хаанам̣ – ид̇и д̇хаммаа’’д̇и аббадилад̣̇д̇хасса бадилаабхааяа жид̇д̇ам̣ на бан̣ид̣̇ахад̇и, жзд̇асо аббан̣ид̇хаанаббажжаяаа на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби нираасад̇д̇и анааг̇ад̇з. ат̇а ваа ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’’д̇и аббадилад̣̇д̇хасса бадилаабхааяа жид̇д̇ам̣ на бан̣ид̣̇ахад̇и, жзд̇асо аббан̣ид̇хаанаббажжаяаа на д̇ад̣̇абхинанд̣̇ад̇и; на д̇ад̣̇абхинанд̣̇анд̇о. звамби нираасад̇д̇и анааг̇ад̇з.

Nirāsatti anāgateti. Āsatti vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā āsatti taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti. Evampi nirāsatti anāgate. Atha vā ‘‘evaṃrūpo siyaṃ anāgatamaddhāna’’nti tattha nandiṃ na samannāneti, ‘‘evaṃvedano siyaṃ… evaṃsañño siyaṃ… evaṃsaṅkhāro siyaṃ… evaṃviññāṇo siyaṃ anāgatamaddhāna’’nti tattha nandiṃ na samannāneti. Evampi nirāsatti anāgate. Atha vā ‘‘iti me cakkhu siyā anāgatamaddhānaṃ – iti rūpā’’ti appaṭiladdhassa paṭilābhāya cittaṃ na paṇidahati , cetaso appaṇidhānappaccayā na tadabhinandati; na tadabhinandanto. Evampi nirāsatti anāgate. ‘‘Iti me sotaṃ siyā anāgatamaddhānaṃ – iti saddā’’ti…pe… ‘‘iti me mano siyā anāgatamaddhānaṃ – iti dhammā’’ti appaṭiladdhassa paṭilābhāya cittaṃ na paṇidahati, cetaso appaṇidhānappaccayā na tadabhinandati; na tadabhinandanto. Evampi nirāsatti anāgate. Atha vā ‘‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’’ti appaṭiladdhassa paṭilābhāya cittaṃ na paṇidahati, cetaso appaṇidhānappaccayā na tadabhinandati; na tadabhinandanto. Evampi nirāsatti anāgate.

ад̇ийд̇ам̣ наанусожад̇ийд̇и. вибарин̣ад̇ам̣ ваа вад̇т̇ум̣ на сожад̇и, вибарин̣ад̇асмим̣ ваа вад̇т̇усмим̣ на сожад̇и, ‘‘жагку мз вибарин̣ад̇а’’нд̇и на сожад̇и, ‘‘сод̇ам̣ мз… гхаанам̣ мз… ж̇ивхаа мз… гааяо мз… руубаа мз… сад̣̇д̣̇аа мз… г̇анд̇хаа мз… расаа мз… подтаб̣б̣аа мз… гулам̣ мз… г̇ан̣о мз… ааваасо мз… лаабхо мз… яасо мз… басам̣саа мз… сукам̣ мз… жийварам̣ мз… бин̣д̣абаад̇о мз… сзнаасанам̣ мз… г̇илаанабажжаяабхзсаж̇ж̇абаригкааро мз… маад̇аа мз… бид̇аа мз… бхаад̇аа мз… бхаг̇иний мз… буд̇д̇о мз… д̇хийд̇аа мз… мид̇д̇аа мз… амажжаа мз… н̃аад̇агаа мз… саалохид̇аа мз вибарин̣ад̇аа’’д̇и на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇ийд̇и – ад̇ийд̇ам̣ наанусожад̇и.

Atītaṃ nānusocatīti. Vipariṇataṃ vā vatthuṃ na socati, vipariṇatasmiṃ vā vatthusmiṃ na socati, ‘‘cakkhu me vipariṇata’’nti na socati, ‘‘sotaṃ me… ghānaṃ me… jivhā me… kāyo me… rūpā me… saddā me… gandhā me… rasā me… phoṭṭhabbā me… kulaṃ me… gaṇo me… āvāso me… lābho me… yaso me… pasaṃsā me… sukhaṃ me… cīvaraṃ me… piṇḍapāto me… senāsanaṃ me… gilānapaccayabhesajjaparikkhāro me… mātā me… pitā me… bhātā me… bhaginī me… putto me… dhītā me… mittā me… amaccā me… ñātakā me… sālohitā me vipariṇatā’’ti na socati na kilamati na paridevati na urattāḷiṃ kandati na sammohaṃ āpajjatīti – atītaṃ nānusocati.

вивзгад̣̇ассий пассзсууд̇и. жагкусампассо сод̇асампассо гхаанасампассо ж̇ивхаасампассо гааяасампассо маносампассо, ад̇хиважанасампассо бадигхасампассо, сукавзд̣̇анийяо пассо д̣̇угкавзд̣̇анийяо пассо ад̣̇угкамасукавзд̣̇анийяо пассо, гусало пассо агусало пассо аб̣яаагад̇о пассо, гаамааважаро пассо руубааважаро пассо аруубааважаро пассо, сун̃н̃ад̇о пассо анимид̇д̇о пассо аббан̣ихид̇о пассо, логияо пассо логуд̇д̇аро пассо, ад̇ийд̇о пассо анааг̇ад̇о пассо бажжуббанно пассо; яо зваруубо пассо пусанаа сампусанаа сампусид̇ад̇д̇ам̣ – аяам̣ вужжад̇и пассо.

Vivekadassīphassesūti. Cakkhusamphasso sotasamphasso ghānasamphasso jivhāsamphasso kāyasamphasso manosamphasso, adhivacanasamphasso paṭighasamphasso, sukhavedanīyo phasso dukkhavedanīyo phasso adukkhamasukhavedanīyo phasso, kusalo phasso akusalo phasso abyākato phasso, kāmāvacaro phasso rūpāvacaro phasso arūpāvacaro phasso, suññato phasso animitto phasso appaṇihito phasso, lokiyo phasso lokuttaro phasso, atīto phasso anāgato phasso paccuppanno phasso; yo evarūpo phasso phusanā samphusanā samphusitattaṃ – ayaṃ vuccati phasso.

вивзгад̣̇ассий пассзсууд̇и. жагкусампассам̣ вивид̇д̇ам̣ бассад̇и ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа, сод̇асампассам̣ вивид̇д̇ам̣ бассад̇и… гхаанасампассам̣ вивид̇д̇ам̣ бассад̇и… ж̇ивхаасампассам̣ вивид̇д̇ам̣ бассад̇и… гааяасампассам̣ вивид̇д̇ам̣ бассад̇и… маносампассам̣ вивид̇д̇ам̣ бассад̇и… ад̇хиважанасампассам̣ вивид̇д̇ам̣ бассад̇и… бадигхасампассам̣ вивид̇д̇ам̣ бассад̇и… сукавзд̣̇анийяам̣ пассам̣… д̣̇угкавзд̣̇анийяам̣ пассам̣… ад̣̇угкамасукавзд̣̇анийяам̣ пассам̣… гусалам̣ пассам̣… агусалам̣ пассам̣… аб̣яаагад̇ам̣ пассам̣… гаамааважарам̣ пассам̣… руубааважарам̣ пассам̣… аруубааважарам̣ пассам̣… логияам̣ пассам̣ вивид̇д̇ам̣ бассад̇и ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа.

Vivekadassī phassesūti. Cakkhusamphassaṃ vivittaṃ passati attena vā attaniyena vā niccena vā dhuvena vā sassatena vā avipariṇāmadhammena vā, sotasamphassaṃ vivittaṃ passati… ghānasamphassaṃ vivittaṃ passati… jivhāsamphassaṃ vivittaṃ passati… kāyasamphassaṃ vivittaṃ passati… manosamphassaṃ vivittaṃ passati… adhivacanasamphassaṃ vivittaṃ passati… paṭighasamphassaṃ vivittaṃ passati… sukhavedanīyaṃ phassaṃ… dukkhavedanīyaṃ phassaṃ… adukkhamasukhavedanīyaṃ phassaṃ… kusalaṃ phassaṃ… akusalaṃ phassaṃ… abyākataṃ phassaṃ… kāmāvacaraṃ phassaṃ… rūpāvacaraṃ phassaṃ… arūpāvacaraṃ phassaṃ… lokiyaṃ phassaṃ vivittaṃ passati attena vā attaniyena vā niccena vā dhuvena vā sassatena vā avipariṇāmadhammena vā.

ат̇а ваа ад̇ийд̇ам̣ пассам̣ анааг̇ад̇зхи жа бажжуббаннзхи жа пассзхи вивид̇д̇ам̣ бассад̇и, анааг̇ад̇ам̣ пассам̣ ад̇ийд̇зхи жа бажжуббаннзхи жа пассзхи вивид̇д̇ам̣ бассад̇и, бажжуббаннам̣ пассам̣ ад̇ийд̇зхи жа анааг̇ад̇зхи жа пассзхи вивид̇д̇ам̣ бассад̇и. ат̇а ваа яз д̇з пассаа арияаа анаасаваа логуд̇д̇араа сун̃н̃ад̇абадисан̃н̃уд̇д̇аа, д̇з пассз вивид̇д̇з бассад̇и рааг̇зна д̣̇осзна мохзна год̇хзна убанаахзна магкзна бал̣аасзна иссааяа мажчариязна мааяааяа саатзяязна т̇амбхзна саарамбхзна маанзна ад̇имаанзна мад̣̇зна бамаад̣̇зна саб̣б̣агилзсзхи саб̣б̣ад̣̇ужжарид̇зхи саб̣б̣ад̣̇арат̇зхи саб̣б̣абарил̣аахзхи саб̣б̣асанд̇аабзхи саб̣б̣аагусалаабхисан̇каарзхи вивид̇д̇з бассад̇ийд̇и – вивзгад̣̇ассий пассзсу.

Atha vā atītaṃ phassaṃ anāgatehi ca paccuppannehi ca phassehi vivittaṃ passati, anāgataṃ phassaṃ atītehi ca paccuppannehi ca phassehi vivittaṃ passati, paccuppannaṃ phassaṃ atītehi ca anāgatehi ca phassehi vivittaṃ passati. Atha vā ye te phassā ariyā anāsavā lokuttarā suññatapaṭisaññuttā, te phasse vivitte passati rāgena dosena mohena kodhena upanāhena makkhena paḷāsena issāya macchariyena māyāya sāṭheyyena thambhena sārambhena mānena atimānena madena pamādena sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṅkhārehi vivitte passatīti – vivekadassī phassesu.

д̣̇идтийсу жа на нийяад̇ийд̇и. д̇асса д̣̇ваасадти д̣̇идтиг̇ад̇аани бахийнаани самужчиннаани вуубасанд̇аани бадибассад̣̇д̇хаани абхаб̣б̣уббад̇д̇игаани н̃аан̣аг̇г̇инаа д̣̇ад̣дхаани. со д̣̇идтияаа на яааяад̇и на нийяад̇и на вуяхад̇и на сам̣харийяад̇и; наби д̇ам̣ д̣̇идтиг̇ад̇ам̣ саарад̇о бажжзд̇и на бажжааг̇ажчад̇ийд̇и – д̣̇идтийсу жа на нийяад̇и.

Diṭṭhīsu ca na nīyatīti. Tassa dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni. So diṭṭhiyā na yāyati na nīyati na vuyhati na saṃharīyati; napi taṃ diṭṭhigataṃ sārato pacceti na paccāgacchatīti – diṭṭhīsu ca na nīyati.

д̇знааха бхаг̇аваа –

Tenāha bhagavā –

‘‘нираасад̇д̇и анааг̇ад̇з, ад̇ийд̇ам̣ наанусожад̇и;

‘‘Nirāsatti anāgate, atītaṃ nānusocati;

вивзгад̣̇ассий пассзсу, д̣̇идтийсу жа на нийяад̇ий’’д̇и.

Vivekadassī phassesu, diṭṭhīsu ca na nīyatī’’ti.

87.

бад̇илийно агухаго, абихаалу амажчарий;

Patilīno akuhako, apihālu amaccharī;

аббаг̇аб̣бхо аж̇зг̇ужчо, бзсун̣зяяз жа но яуд̇о.

Appagabbho ajeguccho, pesuṇeyye ca no yuto.

бад̇илийно агухагод̇и. бад̇илийнод̇и рааг̇асса бахийнад̇д̇аа бад̇илийно, д̣̇осасса бахийнад̇д̇аа бад̇илийно, мохасса бахийнад̇д̇аа бад̇илийно, год̇хасса… убанаахасса … магкасса… бал̣аасасса… иссааяа… мажчарияасса…бз… саб̣б̣аагусалаабхисан̇каараанам̣ бахийнад̇д̇аа бад̇илийно. вуд̇д̇ан̃хзд̇ам̣ бхаг̇авад̇аа – ‘‘гат̇ан̃жа, бхигкавз, бхигку бад̇илийно ход̇и? имасса, бхигкавз, бхигкуно асмимаано бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. звам̣ ко, бхигкавз, бхигку бад̇илийно ход̇ий’’д̇и – бад̇илийно.

Patilīno akuhakoti. Patilīnoti rāgassa pahīnattā patilīno, dosassa pahīnattā patilīno, mohassa pahīnattā patilīno, kodhassa… upanāhassa … makkhassa… paḷāsassa… issāya… macchariyassa…pe… sabbākusalābhisaṅkhārānaṃ pahīnattā patilīno. Vuttañhetaṃ bhagavatā – ‘‘kathañca, bhikkhave, bhikkhu patilīno hoti? Imassa, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Evaṃ kho, bhikkhave, bhikkhu patilīno hotī’’ti – patilīno.

агухагод̇и д̇ийн̣и гуханавад̇т̇ууни – бажжаяабадисзванасан̇каад̇ам̣ гуханавад̇т̇у, ирияаабат̇асан̇каад̇ам̣ гуханавад̇т̇у, сааманд̇аж̇аббанасан̇каад̇ам̣ гуханавад̇т̇у.

Akuhakoti tīṇi kuhanavatthūni – paccayapaṭisevanasaṅkhātaṃ kuhanavatthu, iriyāpathasaṅkhātaṃ kuhanavatthu, sāmantajappanasaṅkhātaṃ kuhanavatthu.

гад̇амам̣ бажжаяабадисзванасан̇каад̇ам̣ гуханавад̇т̇у? ид̇ха г̇ахабад̇игаа бхигкум̣ ниманд̇знд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзхи. со баабижчо ижчаабагад̇о ад̇т̇иго жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣ бхияяогамяад̇ам̣ убаад̣̇ааяа жийварам̣ бажжагкаад̇и, бин̣д̣абаад̇ам̣ бажжагкаад̇и, сзнаасанам̣ бажжагкаад̇и, г̇илаанабажжаяабхзсаж̇ж̇абаригкаарам̣ бажжагкаад̇и. со звамааха – ‘‘гим̣ саман̣асса махаг̇гхзна жийварзна! зд̇ам̣ сааруббам̣ яам̣ саман̣о сусаанаа ваа сан̇гаарагуудаа ваа баабан̣игаа ваа нанд̇агаани ужжинид̇ваа сан̇гхаадим̣ гад̇ваа д̇хаарзяяа. гим̣ саман̣асса махаг̇гхзна бин̣д̣абаад̇зна ! зд̇ам̣ сааруббам̣ яам̣ саман̣о ун̃чаажарияааяа бин̣д̣ияаалобзна ж̇ийвигам̣ габбзяяа. гим̣ саман̣асса махаг̇гхзна сзнаасанзна! зд̇ам̣ сааруббам̣ яам̣ саман̣о ругкамуулиго ваа асса сосааниго ваа аб̣бхогаасиго ваа. гим̣ саман̣асса махаг̇гхзна г̇илаанабажжаяабхзсаж̇ж̇абаригкаарзна! зд̇ам̣ сааруббам̣ яам̣ саман̣о бууд̇имуд̇д̇зна ваа харид̇агийкан̣д̣зна ваа осад̇хам̣ гарзяяаа’’д̇и. д̇ад̣̇убаад̣̇ааяа луукам̣ жийварам̣ д̇хаарзд̇и, луукам̣ бин̣д̣абаад̇ам̣ барибхун̃ж̇ад̇и, луукам̣ сзнаасанам̣ бадисзвад̇и , луукам̣ г̇илаанабажжаяабхзсаж̇ж̇абаригкаарам̣ бадисзвад̇и. д̇амзнам̣ г̇ахабад̇игаа звам̣ ж̇аананд̇и – ‘‘аяам̣ саман̣о аббижчо санд̇удто бавивид̇д̇о асам̣садто аарад̣̇д̇хавийрияо д̇худ̇аваад̣̇о’’д̇и бхияяо бхияяо ниманд̇знд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзхи. со звамааха – ‘‘д̇ин̣н̣ам̣ саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и. сад̣̇д̇хааяа саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и, д̣̇зяяад̇хаммасса саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и, д̣̇агкин̣зяяаанам̣ саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и. ‘д̇умхааган̃жзвааяам̣ сад̣̇д̇хаа ад̇т̇и, д̣̇зяяад̇хаммо жа сам̣виж̇ж̇ад̇и, ахан̃жа бадиг̇г̇аахаго. сажзхам̣ на бадиг̇г̇ахзссаами, звам̣ д̇умхз бун̃н̃зна бариб̣аахираа бхависсанд̇и. на маяхам̣ иминаа ад̇т̇о. аби жа д̇умхаагам̣язва анугамбааяа бадиг̇г̇ан̣хаамий’’’д̇и. д̇ад̣̇убаад̣̇ааяа б̣ахумби жийварам̣ бадиг̇г̇ан̣хаад̇и, б̣ахумби бин̣д̣абаад̇ам̣ бадиг̇г̇ан̣хаад̇и, б̣ахумби г̇илаанабажжаяабхзсаж̇ж̇абаригкаарам̣ бадиг̇г̇ан̣хаад̇и. яаа зваруубаа бхаагудигаа бхаагудияам̣ гуханаа гухааяанаа гухид̇ад̇д̇ам̣ – ид̣̇ам̣ бажжаяабадисзванасан̇каад̇ам̣ гуханавад̇т̇у.

Katamaṃ paccayapaṭisevanasaṅkhātaṃ kuhanavatthu? Idha gahapatikā bhikkhuṃ nimantenti cīvarapiṇḍapātasenāsanagilānapaccayabhesajjaparikkhārehi. So pāpiccho icchāpakato atthiko cīvarapiṇḍapātasenāsanagilānapaccayabhesajjaparikkhārānaṃ bhiyyokamyataṃ upādāya cīvaraṃ paccakkhāti, piṇḍapātaṃ paccakkhāti, senāsanaṃ paccakkhāti, gilānapaccayabhesajjaparikkhāraṃ paccakkhāti. So evamāha – ‘‘kiṃ samaṇassa mahagghena cīvarena! Etaṃ sāruppaṃ yaṃ samaṇo susānā vā saṅkārakūṭā vā pāpaṇikā vā nantakāni uccinitvā saṅghāṭiṃ katvā dhāreyya. Kiṃ samaṇassa mahagghena piṇḍapātena ! Etaṃ sāruppaṃ yaṃ samaṇo uñchācariyāya piṇḍiyālopena jīvikaṃ kappeyya. Kiṃ samaṇassa mahagghena senāsanena! Etaṃ sāruppaṃ yaṃ samaṇo rukkhamūliko vā assa sosāniko vā abbhokāsiko vā. Kiṃ samaṇassa mahagghena gilānapaccayabhesajjaparikkhārena! Etaṃ sāruppaṃ yaṃ samaṇo pūtimuttena vā haritakīkhaṇḍena vā osadhaṃ kareyyā’’ti. Tadupādāya lūkhaṃ cīvaraṃ dhāreti, lūkhaṃ piṇḍapātaṃ paribhuñjati, lūkhaṃ senāsanaṃ paṭisevati , lūkhaṃ gilānapaccayabhesajjaparikkhāraṃ paṭisevati. Tamenaṃ gahapatikā evaṃ jānanti – ‘‘ayaṃ samaṇo appiccho santuṭṭho pavivitto asaṃsaṭṭho āraddhavīriyo dhutavādo’’ti bhiyyo bhiyyo nimantenti cīvarapiṇḍapātasenāsanagilānapaccayabhesajjaparikkhārehi. So evamāha – ‘‘tiṇṇaṃ sammukhībhāvā saddho kulaputto bahuṃ puññaṃ pasavati. Saddhāya sammukhībhāvā saddho kulaputto bahuṃ puññaṃ pasavati, deyyadhammassa sammukhībhāvā saddho kulaputto bahuṃ puññaṃ pasavati, dakkhiṇeyyānaṃ sammukhībhāvā saddho kulaputto bahuṃ puññaṃ pasavati. ‘Tumhākañcevāyaṃ saddhā atthi, deyyadhammo ca saṃvijjati, ahañca paṭiggāhako. Sacehaṃ na paṭiggahessāmi, evaṃ tumhe puññena paribāhirā bhavissanti. Na mayhaṃ iminā attho. Api ca tumhākaṃyeva anukampāya paṭiggaṇhāmī’’’ti. Tadupādāya bahumpi cīvaraṃ paṭiggaṇhāti, bahumpi piṇḍapātaṃ paṭiggaṇhāti, bahumpi gilānapaccayabhesajjaparikkhāraṃ paṭiggaṇhāti. Yā evarūpā bhākuṭikā bhākuṭiyaṃ kuhanā kuhāyanā kuhitattaṃ – idaṃ paccayapaṭisevanasaṅkhātaṃ kuhanavatthu.

гад̇амам̣ ирияаабат̇асан̇каад̇ам̣ гуханавад̇т̇у? ид̇хзгажжо баабижчо ижчаабагад̇о самбхааванаад̇хиббааяо, ‘‘звам̣ мам̣ ж̇ано самбхаавзссад̇ий’’д̇и, г̇аманам̣ сан̣табзд̇и таанам̣ сан̣табзд̇и нисаж̇ж̇ам̣ сан̣табзд̇и саяанам̣ сан̣табзд̇и, бан̣ид̇хааяа г̇ажчад̇и бан̣ид̇хааяа д̇идтад̇и бан̣ид̇хааяа нисийд̣̇ад̇и бан̣ид̇хааяа сзяяам̣ габбзд̇и, самаахид̇о вияа г̇ажчад̇и самаахид̇о вияа д̇идтад̇и самаахид̇о вияа нисийд̣̇ад̇и самаахид̇о вияа сзяяам̣ габбзд̇и, аабаат̇агаж̇жхааяийва ход̇и. яаа зваруубаа ирияаабат̇асса табанаа аатабанаа ¹¹ сан̣табанаа бхаагудигаа бхаагудияам̣ гуханаа гухааяанаа гухид̇ад̇д̇ам̣ – ид̣̇ам̣ ирияаабат̇асан̇каад̇ам̣ гуханавад̇т̇у.

Katamaṃ iriyāpathasaṅkhātaṃ kuhanavatthu? Idhekacco pāpiccho icchāpakato sambhāvanādhippāyo, ‘‘evaṃ maṃ jano sambhāvessatī’’ti, gamanaṃ saṇṭhapeti ṭhānaṃ saṇṭhapeti nisajjaṃ saṇṭhapeti sayanaṃ saṇṭhapeti, paṇidhāya gacchati paṇidhāya tiṭṭhati paṇidhāya nisīdati paṇidhāya seyyaṃ kappeti, samāhito viya gacchati samāhito viya tiṭṭhati samāhito viya nisīdati samāhito viya seyyaṃ kappeti, āpāthakajjhāyīva hoti. Yā evarūpā iriyāpathassa ṭhapanā āṭhapanā ¹² saṇṭhapanā bhākuṭikā bhākuṭiyaṃ kuhanā kuhāyanā kuhitattaṃ – idaṃ iriyāpathasaṅkhātaṃ kuhanavatthu.

гад̇амам̣ сааманд̇аж̇аббанасан̇каад̇ам̣ гуханавад̇т̇у? ид̇хзгажжо баабижчо ижчаабагад̇о самбхааванаад̇хиббааяо, ‘‘звам̣ мам̣ ж̇ано самбхаавзссад̇ий’’д̇и, арияад̇хаммасанниссид̇ам̣ ваажам̣ бхаасад̇и. ‘‘яо зваруубам̣ жийварам̣ д̇хаарзд̇и со саман̣о махзсагко’’д̇и бхан̣ад̇и; ‘‘яо зваруубам̣ бад̇д̇ам̣ д̇хаарзд̇и… лохат̇аалагам̣ д̇хаарзд̇и… д̇хаммагаран̣ам̣ д̇хаарзд̇и… барисааванам̣ д̇хаарзд̇и… гун̃жигам̣ д̇хаарзд̇и… убааханам̣ д̇хаарзд̇и… гааяаб̣анд̇ханам̣ д̇хаарзд̇и… ааяог̇ам̣ д̇хаарзд̇и со саман̣о махзсагко’’д̇и бхан̣ад̇и; ‘‘яасса зваруубо убаж̇жхааяо со саман̣о махзсагко’’д̇и бхан̣ад̇и; ‘‘яасса зваруубо аажарияо… зваруубаа самаанубаж̇жхааяагаа… самаанаажарияагаа… мид̇д̇аа… санд̣̇идтаа… самбхад̇д̇аа… сахааяаа со саман̣о махзсагко’’д̇и бхан̣ад̇и; ‘‘яо зваруубз вихаарз васад̇и со саман̣о махзсагко’’д̇и бхан̣ад̇и; ‘‘яо зваруубз ад̣дхаяог̇з васад̇и… баасаад̣̇з васад̇и… хаммияз васад̇и… г̇ухааяам̣ васад̇и… лзн̣з васад̇и… гудияаа васад̇и… гуудааг̇аарз васад̇и… аддз васад̇и … маал̣з васад̇и… уд̣̇д̣̇ан̣д̣з васад̇и… убадтаанасаалааяам̣ васад̇и… ман̣д̣абз васад̇и… ругкамуулз васад̇и, со саман̣о махзсагко’’д̇и бхан̣ад̇и.

Katamaṃ sāmantajappanasaṅkhātaṃ kuhanavatthu? Idhekacco pāpiccho icchāpakato sambhāvanādhippāyo, ‘‘evaṃ maṃ jano sambhāvessatī’’ti, ariyadhammasannissitaṃ vācaṃ bhāsati. ‘‘Yo evarūpaṃ cīvaraṃ dhāreti so samaṇo mahesakkho’’ti bhaṇati; ‘‘yo evarūpaṃ pattaṃ dhāreti… lohathālakaṃ dhāreti… dhammakaraṇaṃ dhāreti… parisāvanaṃ dhāreti… kuñcikaṃ dhāreti… upāhanaṃ dhāreti… kāyabandhanaṃ dhāreti… āyogaṃ dhāreti so samaṇo mahesakkho’’ti bhaṇati; ‘‘yassa evarūpo upajjhāyo so samaṇo mahesakkho’’ti bhaṇati; ‘‘yassa evarūpo ācariyo… evarūpā samānupajjhāyakā… samānācariyakā… mittā… sandiṭṭhā… sambhattā… sahāyā so samaṇo mahesakkho’’ti bhaṇati; ‘‘yo evarūpe vihāre vasati so samaṇo mahesakkho’’ti bhaṇati; ‘‘yo evarūpe aḍḍhayoge vasati… pāsāde vasati… hammiye vasati… guhāyaṃ vasati… leṇe vasati… kuṭiyā vasati… kūṭāgāre vasati… aṭṭe vasati … māḷe vasati… uddaṇḍe vasati… upaṭṭhānasālāyaṃ vasati… maṇḍape vasati… rukkhamūle vasati, so samaṇo mahesakkho’’ti bhaṇati.

ат̇а ваа гораж̇игагораж̇иго ¹³ бхаагудигабхаагудиго гухагагухаго лабагалабаго мукасамбхаавиго, ‘‘аяам̣ саман̣о имаасам̣ зваруубаанам̣ санд̇аанам̣ вихаарасамаабад̇д̇ийнам̣ лаабхий’’д̇и д̇аад̣̇исам̣ г̇амбхийрам̣ г̇уул̣хам̣ нибун̣ам̣ бадижчаннам̣ логуд̇д̇арам̣ сун̃н̃ад̇аабадисам̣яуд̇д̇ам̣ гат̇ам̣ гат̇зси. яаа зваруубаа бхаагудигаа бхаагудияам̣ гуханаа гухааяанаа гухид̇ад̇д̇ам̣ – ид̣̇ам̣ сааманд̇аж̇аббанасан̇каад̇ам̣ гуханавад̇т̇у. яассимаани д̇ийн̣и гуханавад̇т̇ууни бахийнаани самужчиннаани вуубасанд̇аани бадибассад̣̇д̇хаани абхаб̣б̣уббад̇д̇игаани н̃аан̣аг̇г̇инаа д̣̇ад̣дхаани, со вужжад̇и агухагод̇и – бад̇илийно агухаго.

Atha vā korajikakorajiko ¹⁴ bhākuṭikabhākuṭiko kuhakakuhako lapakalapako mukhasambhāviko, ‘‘ayaṃ samaṇo imāsaṃ evarūpānaṃ santānaṃ vihārasamāpattīnaṃ lābhī’’ti tādisaṃ gambhīraṃ gūḷhaṃ nipuṇaṃ paṭicchannaṃ lokuttaraṃ suññatāpaṭisaṃyuttaṃ kathaṃ kathesi. Yā evarūpā bhākuṭikā bhākuṭiyaṃ kuhanā kuhāyanā kuhitattaṃ – idaṃ sāmantajappanasaṅkhātaṃ kuhanavatthu. Yassimāni tīṇi kuhanavatthūni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so vuccati akuhakoti – patilīno akuhako.

абихаалу амажчарийд̇и. бихаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. яассзсаа бихаа д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и абихаалу. со руубз на бихзд̇и, сад̣̇д̣̇з… г̇анд̇хз… расз… подтаб̣б̣з… гулам̣… г̇ан̣ам̣… ааваасам̣… лаабхам̣… яасам̣… басам̣сам̣… сукам̣… жийварам̣… бин̣д̣абаад̇ам̣… сзнаасанам̣… г̇илаанабажжаяабхзсаж̇ж̇абаригкаарам̣… гаамад̇хаад̇ум̣… руубад̇хаад̇ум̣… аруубад̇хаад̇ум̣… гаамабхавам̣… руубабхавам̣… аруубабхавам̣… сан̃н̃аабхавам̣… асан̃н̃аабхавам̣ … нзвасан̃н̃аанаасан̃н̃аабхавам̣… згавогаарабхавам̣… жад̇увогаарабхавам̣… бан̃жавогаарабхавам̣… ад̇ийд̇ам̣… анааг̇ад̇ам̣… бажжуббаннам̣… д̣̇идтасуд̇амуд̇авин̃н̃аад̇аб̣б̣з д̇хаммз на бихзд̇и на ижчад̇и на саад̣̇ияад̇и на бад̇т̇зд̇и наабхиж̇аббад̇ийд̇и – абихаалу. амажчарийд̇и бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣. яам̣ зваруубам̣ мажчарам̣ мажчарааяанаа мажчарааяид̇ад̇д̇ам̣ взвижчам̣ гад̣̇арияам̣ гадуган̃жугад̇аа аг̇г̇ахид̇ад̇д̇ам̣ жид̇д̇асса – ид̣̇ам̣ вужжад̇и мажчарияам̣. аби жа канд̇хамажчарияамби мажчарияам̣, д̇хаад̇умажчарияамби мажчарияам̣, ааяад̇анамажчарияамби мажчарияам̣ г̇аахо – ид̣̇ам̣ вужжад̇и мажчарияам̣. яассзд̇ам̣ мажчарияам̣ бахийнам̣ самужчиннам̣ вуубасанд̇ам̣ бадибассад̣̇д̇хам̣ абхаб̣б̣уббад̇д̇игам̣ н̃аан̣аг̇г̇инаа д̣̇ад̣дхам̣, со вужжад̇и амажчарийд̇и – абихаалу амажчарий.

Apihālu amaccharīti. Pihā vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā pihā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati apihālu. So rūpe na piheti, sadde… gandhe… rase… phoṭṭhabbe… kulaṃ… gaṇaṃ… āvāsaṃ… lābhaṃ… yasaṃ… pasaṃsaṃ… sukhaṃ… cīvaraṃ… piṇḍapātaṃ… senāsanaṃ… gilānapaccayabhesajjaparikkhāraṃ… kāmadhātuṃ… rūpadhātuṃ… arūpadhātuṃ… kāmabhavaṃ… rūpabhavaṃ… arūpabhavaṃ… saññābhavaṃ… asaññābhavaṃ … nevasaññānāsaññābhavaṃ… ekavokārabhavaṃ… catuvokārabhavaṃ… pañcavokārabhavaṃ… atītaṃ… anāgataṃ… paccuppannaṃ… diṭṭhasutamutaviññātabbe dhamme na piheti na icchati na sādiyati na pattheti nābhijappatīti – apihālu. Amaccharīti pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ maccharaṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa – idaṃ vuccati macchariyaṃ. Api ca khandhamacchariyampi macchariyaṃ, dhātumacchariyampi macchariyaṃ, āyatanamacchariyampi macchariyaṃ gāho – idaṃ vuccati macchariyaṃ. Yassetaṃ macchariyaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati amaccharīti – apihālu amaccharī.

аббаг̇аб̣бхо аж̇зг̇ужчод̇и. бааг̇аб̣бхияанд̇и д̇ийн̣и бааг̇аб̣бхияаани – гааяигам̣ бааг̇аб̣бхияам̣, ваажасигам̣ бааг̇аб̣бхияам̣, жзд̇асигам̣ бааг̇аб̣бхияам̣. гад̇амам̣ гааяигам̣ бааг̇аб̣бхияам̣? ид̇хзгажжо сан̇гхаг̇ад̇оби гааяигам̣ бааг̇аб̣бхияам̣ д̣̇ассзд̇и, г̇ан̣аг̇ад̇оби гааяигам̣ бааг̇аб̣бхияам̣ д̣̇ассзд̇и, бхож̇анасаалааяамби гааяигам̣ бааг̇аб̣бхияам̣ д̣̇ассзд̇и, ж̇анд̇аагхарзби гааяигам̣ бааг̇аб̣бхияам̣ д̣̇ассзд̇и, уд̣̇агад̇ид̇т̇зби гааяигам̣ бааг̇аб̣бхияам̣ д̣̇ассзд̇и, анд̇арагхарам̣ бависанд̇оби гааяигам̣ бааг̇аб̣бхияам̣ д̣̇ассзд̇и, анд̇арагхарам̣ бавидтоби гааяигам̣ бааг̇аб̣бхияам̣ д̣̇ассзд̇и.

Appagabbhoajegucchoti. Pāgabbhiyanti tīṇi pāgabbhiyāni – kāyikaṃ pāgabbhiyaṃ, vācasikaṃ pāgabbhiyaṃ, cetasikaṃ pāgabbhiyaṃ. Katamaṃ kāyikaṃ pāgabbhiyaṃ? Idhekacco saṅghagatopi kāyikaṃ pāgabbhiyaṃ dasseti, gaṇagatopi kāyikaṃ pāgabbhiyaṃ dasseti, bhojanasālāyampi kāyikaṃ pāgabbhiyaṃ dasseti, jantāgharepi kāyikaṃ pāgabbhiyaṃ dasseti, udakatitthepi kāyikaṃ pāgabbhiyaṃ dasseti, antaragharaṃ pavisantopi kāyikaṃ pāgabbhiyaṃ dasseti, antaragharaṃ paviṭṭhopi kāyikaṃ pāgabbhiyaṃ dasseti.

гат̇ам̣ сан̇гхаг̇ад̇о гааяигам̣ бааг̇аб̣бхияам̣ д̣̇ассзд̇и? ид̇хзгажжо сан̇гхаг̇ад̇о ажид̇д̇ийгаарагад̇о ¹⁵ т̇зрз бхигкуу гхаддаяанд̇оби д̇идтад̇и, гхаддаяанд̇оби нисийд̣̇ад̇и, бурад̇оби д̇идтад̇и, бурад̇оби нисийд̣̇ад̇и, ужжзби аасанз нисийд̣̇ад̇и, сасийсам̣ баарубид̇вааби нисийд̣̇ад̇и, тид̇агоби бхан̣ад̇и, б̣аахаавигкзбагоби бхан̣ад̇и. звам̣ сан̇гхаг̇ад̇о гааяигам̣ бааг̇аб̣бхияам̣ д̣̇ассзд̇и.

Kathaṃ saṅghagato kāyikaṃ pāgabbhiyaṃ dasseti? Idhekacco saṅghagato acittīkārakato ¹⁶ there bhikkhū ghaṭṭayantopi tiṭṭhati, ghaṭṭayantopi nisīdati, puratopi tiṭṭhati, puratopi nisīdati, uccepi āsane nisīdati, sasīsaṃ pārupitvāpi nisīdati, ṭhitakopi bhaṇati, bāhāvikkhepakopi bhaṇati. Evaṃ saṅghagato kāyikaṃ pāgabbhiyaṃ dasseti.

гат̇ам̣ г̇ан̣аг̇ад̇о гааяигам̣ бааг̇аб̣бхияам̣ д̣̇ассзд̇и? ид̇хзгажжо г̇ан̣аг̇ад̇о ажид̇д̇ийгаарагад̇о т̇зраанам̣ бхигкуунам̣ анубааханаанам̣ жан̇гаманд̇аанам̣ саубаахано жан̇гамад̇и, нийжз жан̇гамз жан̇гаманд̇аанам̣ ужжз жан̇гамз жан̇гамад̇и, чамааяа жан̇гаманд̇аанам̣ жан̇гамз жан̇гамад̇и, гхаддаяанд̇оби д̇идтад̇и, гхаддаяанд̇оби нисийд̣̇ад̇и, бурад̇оби д̇идтад̇и, бурад̇оби нисийд̣̇ад̇и, ужжзби аасанз нисийд̣̇ад̇и, сасийсам̣ баарубид̇ваа нисийд̣̇ад̇и, тид̇агоби бхан̣ад̇и, б̣аахаавигкзбагоби бхан̣ад̇и. звам̣ г̇ан̣аг̇ад̇о гааяигам̣ бааг̇аб̣бхияам̣ д̣̇ассзд̇и.

Kathaṃ gaṇagato kāyikaṃ pāgabbhiyaṃ dasseti? Idhekacco gaṇagato acittīkārakato therānaṃ bhikkhūnaṃ anupāhanānaṃ caṅkamantānaṃ saupāhano caṅkamati, nīce caṅkame caṅkamantānaṃ ucce caṅkame caṅkamati, chamāya caṅkamantānaṃ caṅkame caṅkamati, ghaṭṭayantopi tiṭṭhati, ghaṭṭayantopi nisīdati, puratopi tiṭṭhati, puratopi nisīdati, uccepi āsane nisīdati, sasīsaṃ pārupitvā nisīdati, ṭhitakopi bhaṇati, bāhāvikkhepakopi bhaṇati. Evaṃ gaṇagato kāyikaṃ pāgabbhiyaṃ dasseti.

гат̇ам̣ бхож̇анасаалааяам̣ гааяигам̣ бааг̇аб̣бхияам̣ д̣̇ассзд̇и? ид̇хзгажжо бхож̇анасаалааяам̣ ажид̇д̇ийгаарагад̇о т̇зрз бхигкуу анубакаж̇ж̇а нисийд̣̇ад̇и, навзби бхигкуу аасанзна бадиб̣аахад̇и, гхаддаяанд̇оби д̇идтад̇и, гхаддаяанд̇оби нисийд̣̇ад̇и, бурад̇оби д̇идтад̇и, бурад̇оби нисийд̣̇ад̇и, ужжзби аасанз нисийд̣̇ад̇и, сасийсам̣ баарубид̇вааби нисийд̣̇ад̇и, тид̇агоби бхан̣ад̇и, б̣аахаавигкзбагоби бхан̣ад̇и. звам̣ бхож̇анасаалааяам̣ гааяигам̣ бааг̇аб̣бхияам̣ д̣̇ассзд̇и.

Kathaṃ bhojanasālāyaṃ kāyikaṃ pāgabbhiyaṃ dasseti? Idhekacco bhojanasālāyaṃ acittīkārakato there bhikkhū anupakhajja nisīdati, navepi bhikkhū āsanena paṭibāhati, ghaṭṭayantopi tiṭṭhati, ghaṭṭayantopi nisīdati, puratopi tiṭṭhati, puratopi nisīdati, uccepi āsane nisīdati, sasīsaṃ pārupitvāpi nisīdati, ṭhitakopi bhaṇati, bāhāvikkhepakopi bhaṇati. Evaṃ bhojanasālāyaṃ kāyikaṃ pāgabbhiyaṃ dasseti.

гат̇ам̣ ж̇анд̇аагхарз гааяигам̣ бааг̇аб̣бхияам̣ д̣̇ассзд̇и? ид̇хзгажжо ж̇анд̇аагхарз ажид̇д̇ийгаарагад̇о т̇зрз бхигкуу гхаддаяанд̇оби д̇идтад̇и, гхаддаяанд̇оби нисийд̣̇ад̇и, бурад̇оби д̇идтад̇и, бурад̇оби нисийд̣̇ад̇и, ужжзби аасанз нисийд̣̇ад̇и , анаабужчамби анаж̇жхидтоби гадтам̣ багкибад̇и, д̣̇ваарамби бид̣̇ахад̇и, б̣аахаавигкзбагоби бхан̣ад̇и. звам̣ ж̇анд̇аагхарз гааяигам̣ бааг̇аб̣бхияам̣ д̣̇ассзд̇и.

Kathaṃ jantāghare kāyikaṃ pāgabbhiyaṃ dasseti? Idhekacco jantāghare acittīkārakato there bhikkhū ghaṭṭayantopi tiṭṭhati, ghaṭṭayantopi nisīdati, puratopi tiṭṭhati, puratopi nisīdati, uccepi āsane nisīdati , anāpucchampi anajjhiṭṭhopi kaṭṭhaṃ pakkhipati, dvārampi pidahati, bāhāvikkhepakopi bhaṇati. Evaṃ jantāghare kāyikaṃ pāgabbhiyaṃ dasseti.

гат̇ам̣ уд̣̇агад̇ид̇т̇з гааяигам̣ бааг̇аб̣бхияам̣ д̣̇ассзд̇и? ид̇хзгажжо уд̣̇агад̇ид̇т̇з ажид̇д̇ийгаарагад̇о т̇зрз бхигкуу гхаддаяанд̇оби од̇арад̇и, бурад̇оби од̇арад̇и, гхаддаяанд̇оби нхааяад̇и ¹⁷, бурад̇оби нхааяад̇и , убарид̇оби нхааяад̇и, гхаддаяанд̇оби уд̇д̇арад̇и, бурад̇оби уд̇д̇арад̇и, убарид̇оби уд̇д̇арад̇и. звам̣ уд̣̇агад̇ид̇т̇з гааяигам̣ бааг̇аб̣бхияам̣ д̣̇ассзд̇и.

Kathaṃ udakatitthe kāyikaṃ pāgabbhiyaṃ dasseti? Idhekacco udakatitthe acittīkārakato there bhikkhū ghaṭṭayantopi otarati, puratopi otarati, ghaṭṭayantopi nhāyati ¹⁸, puratopi nhāyati , uparitopi nhāyati, ghaṭṭayantopi uttarati, puratopi uttarati, uparitopi uttarati. Evaṃ udakatitthe kāyikaṃ pāgabbhiyaṃ dasseti.

гат̇ам̣ анд̇арагхарам̣ бависанд̇о гааяигам̣ бааг̇аб̣бхияам̣ д̣̇ассзд̇и? ид̇хзгажжо анд̇арагхарам̣ бависанд̇о ажид̇д̇ийгаарагад̇о т̇зрз бхигкуу гхаддаяанд̇оби г̇ажчад̇и, бурад̇оби г̇ажчад̇и, воггаммааби т̇зраанам̣ бхигкуунам̣ бурад̇о бурад̇о г̇ажчад̇и. звам̣ анд̇арагхарам̣ бависанд̇о гааяигам̣ бааг̇аб̣бхияам̣ д̣̇ассзд̇и.

Kathaṃ antaragharaṃ pavisanto kāyikaṃ pāgabbhiyaṃ dasseti? Idhekacco antaragharaṃ pavisanto acittīkārakato there bhikkhū ghaṭṭayantopi gacchati, puratopi gacchati, vokkammāpi therānaṃ bhikkhūnaṃ purato purato gacchati. Evaṃ antaragharaṃ pavisanto kāyikaṃ pāgabbhiyaṃ dasseti.

гат̇ам̣ анд̇арагхарам̣ бавидто гааяигам̣ бааг̇аб̣бхияам̣ д̣̇ассзд̇и? ид̇хзгажжо анд̇арагхарам̣ бавидто, ‘‘на бависа ¹⁹, бханд̇з’’д̇и вужжамаано бависад̇и, ‘‘на д̇идта, бханд̇з’’д̇и вужжамаано д̇идтад̇и, ‘‘на нисийд̣̇а, бханд̇з’’д̇и вужжамаано нисийд̣̇ад̇и, аногаасамби бависад̇и, аногаасзби д̇идтад̇и, аногаасзби нисийд̣̇ад̇и, яааниби д̇аани хонд̇и гулаанам̣ оварагаани г̇уул̣хаани жа бадижчаннаани жа. яад̇т̇а гулид̇т̇ияо гулад̇хийд̇аро гуласун̣хааяо гулагумаарияо нисийд̣̇анд̇и, д̇ад̇т̇аби сахасаа бависад̇и гумаарагассаби сирам̣ бараамасад̇и. звам̣ анд̇арагхарам̣ бавидто гааяигам̣ бааг̇аб̣бхияам̣ д̣̇ассзд̇и – ид̣̇ам̣ гааяигам̣ бааг̇аб̣бхияам̣ д̣̇ассзд̇и.

Kathaṃ antaragharaṃ paviṭṭho kāyikaṃ pāgabbhiyaṃ dasseti? Idhekacco antaragharaṃ paviṭṭho, ‘‘na pavisa ²⁰, bhante’’ti vuccamāno pavisati, ‘‘na tiṭṭha, bhante’’ti vuccamāno tiṭṭhati, ‘‘na nisīda, bhante’’ti vuccamāno nisīdati, anokāsampi pavisati, anokāsepi tiṭṭhati, anokāsepi nisīdati, yānipi tāni honti kulānaṃ ovarakāni gūḷhāni ca paṭicchannāni ca. Yattha kulitthiyo kuladhītaro kulasuṇhāyo kulakumāriyo nisīdanti, tatthapi sahasā pavisati kumārakassapi siraṃ parāmasati. Evaṃ antaragharaṃ paviṭṭho kāyikaṃ pāgabbhiyaṃ dasseti – idaṃ kāyikaṃ pāgabbhiyaṃ dasseti.

гад̇амам̣ ваажасигам̣ бааг̇аб̣бхияам̣ д̣̇ассзд̇и? ид̇хзгажжо сан̇гхаг̇ад̇оби ваажасигам̣ бааг̇аб̣бхияам̣ д̣̇ассзд̇и, г̇ан̣аг̇ад̇оби ваажасигам̣ бааг̇аб̣бхияам̣ д̣̇ассзд̇и, анд̇арагхарам̣ бавидтоби ваажасигам̣ бааг̇аб̣бхияам̣ д̣̇ассзд̇и.

Katamaṃ vācasikaṃ pāgabbhiyaṃ dasseti? Idhekacco saṅghagatopi vācasikaṃ pāgabbhiyaṃ dasseti, gaṇagatopi vācasikaṃ pāgabbhiyaṃ dasseti, antaragharaṃ paviṭṭhopi vācasikaṃ pāgabbhiyaṃ dasseti.

гат̇ам̣ сан̇гхаг̇ад̇о ваажасигам̣ бааг̇аб̣бхияам̣ д̣̇ассзд̇и? ид̇хзгажжо сан̇гхаг̇ад̇о ажид̇д̇ийгаарагад̇о т̇зрз бхигкуу анаабужчам̣ ваа анаж̇жхидто ваа аараамаг̇ад̇аанам̣ бхигкуунам̣ д̇хаммам̣ бхан̣ад̇и, бан̃хам̣ висаж̇ж̇зд̇и, баад̇имогкам̣ уд̣̇д̣̇исад̇и, тид̇агоби бхан̣ад̇и, б̣аахаавигкзбагоби бхан̣ад̇и. звам̣ сан̇гхаг̇ад̇о ваажасигам̣ бааг̇аб̣бхияам̣ д̣̇ассзд̇и.

Kathaṃ saṅghagato vācasikaṃ pāgabbhiyaṃ dasseti? Idhekacco saṅghagato acittīkārakato there bhikkhū anāpucchaṃ vā anajjhiṭṭho vā ārāmagatānaṃ bhikkhūnaṃ dhammaṃ bhaṇati, pañhaṃ visajjeti, pātimokkhaṃ uddisati, ṭhitakopi bhaṇati, bāhāvikkhepakopi bhaṇati. Evaṃ saṅghagato vācasikaṃ pāgabbhiyaṃ dasseti.

гат̇ам̣ г̇ан̣аг̇ад̇о ваажасигам̣ бааг̇аб̣бхияам̣ д̣̇ассзд̇и? ид̇хзгажжо г̇ан̣аг̇ад̇о ажид̇д̇ийгаарагад̇о т̇зрз бхигкуу анаабужчам̣ ваа анаж̇жхидто ваа аараамаг̇ад̇аанам̣ бхигкуунам̣ д̇хаммам̣ бхан̣ад̇и, бан̃хам̣ висаж̇ж̇зд̇и, тид̇агоби бхан̣ад̇и, б̣аахаавигкзбагоби бхан̣ад̇и. аараамаг̇ад̇аанам̣ бхигкунийнам̣ убаасагаанам̣ убаасигаанам̣ д̇хаммам̣ бхан̣ад̇и, бан̃хам̣ висаж̇ж̇зд̇и, тид̇агоби бхан̣ад̇и, б̣аахаавигкзбагоби бхан̣ад̇и. звам̣ г̇ан̣аг̇ад̇о ваажасигам̣ бааг̇аб̣бхияам̣ д̣̇ассзд̇и.

Kathaṃ gaṇagato vācasikaṃ pāgabbhiyaṃ dasseti? Idhekacco gaṇagato acittīkārakato there bhikkhū anāpucchaṃ vā anajjhiṭṭho vā ārāmagatānaṃ bhikkhūnaṃ dhammaṃ bhaṇati, pañhaṃ visajjeti, ṭhitakopi bhaṇati, bāhāvikkhepakopi bhaṇati. Ārāmagatānaṃ bhikkhunīnaṃ upāsakānaṃ upāsikānaṃ dhammaṃ bhaṇati, pañhaṃ visajjeti, ṭhitakopi bhaṇati, bāhāvikkhepakopi bhaṇati. Evaṃ gaṇagato vācasikaṃ pāgabbhiyaṃ dasseti.

гат̇ам̣ анд̇арагхарам̣ бавидто ваажасигам̣ бааг̇аб̣бхияам̣ д̣̇ассзд̇и? ид̇хзгажжо анд̇арагхарам̣ бавидто ид̇т̇им̣ ваа гумаарим̣ ваа звамааха – ‘‘ид̇т̇ам̣наамз ид̇т̇ам̣г̇од̇д̇з гим̣ ад̇т̇и? яааг̇у ад̇т̇и, бхад̇д̇ам̣ ад̇т̇и, каад̣̇анийяам̣ ад̇т̇и. гим̣ бивиссаама, гим̣ бхун̃ж̇иссаама, гим̣ каад̣̇иссаама? гим̣ ваа ад̇т̇и, гим̣ ваа мз д̣̇ассат̇аа’’д̇и виббалабад̇и, яаа зваруубаа ваажаа балаабо виббалаабо лаалаббо лаалаббанаа лаалаббид̇ад̇д̇ам̣. звам̣ анд̇арагхарам̣ бавидто ваажасигам̣ бааг̇аб̣бхияам̣ д̣̇ассзд̇и – ид̣̇ам̣ ваажасигам̣ бааг̇аб̣бхияам̣.

Kathaṃ antaragharaṃ paviṭṭho vācasikaṃ pāgabbhiyaṃ dasseti? Idhekacco antaragharaṃ paviṭṭho itthiṃ vā kumāriṃ vā evamāha – ‘‘itthaṃnāme itthaṃgotte kiṃ atthi? Yāgu atthi, bhattaṃ atthi, khādanīyaṃ atthi. Kiṃ pivissāma, kiṃ bhuñjissāma, kiṃ khādissāma? Kiṃ vā atthi, kiṃ vā me dassathā’’ti vippalapati, yā evarūpā vācā palāpo vippalāpo lālappo lālappanā lālappitattaṃ. Evaṃ antaragharaṃ paviṭṭho vācasikaṃ pāgabbhiyaṃ dasseti – idaṃ vācasikaṃ pāgabbhiyaṃ.

гад̇амам̣ жзд̇асигам̣ бааг̇аб̣бхияам̣? ид̇хзгажжо на ужжаа гулаа баб̣б̣аж̇ид̇о самаано ужжаа гулаа баб̣б̣аж̇ид̇зна сад̣̇д̇хим̣ сад̣̇исам̣ ад̇д̇аанам̣ д̣̇ахад̇и жид̇д̇зна, на махаагулаа баб̣б̣аж̇ид̇о самаано махаагулаа баб̣б̣аж̇ид̇зна сад̣̇д̇хим̣ сад̣̇исам̣ ад̇д̇аанам̣ д̣̇ахад̇и жид̇д̇зна, на махаабхог̇агулаа баб̣б̣аж̇ид̇о самаано махаабхог̇агулаа баб̣б̣аж̇ид̇зна сад̣̇д̇хим̣ сад̣̇исам̣ ад̇д̇аанам̣ д̣̇ахад̇и жид̇д̇зна, на ул̣аарабхог̇агулаа баб̣б̣аж̇ид̇о самаано… на суд̇д̇анд̇иго самаано суд̇д̇анд̇игзна сад̣̇д̇хим̣ сад̣̇исам̣ ад̇д̇аанам̣ д̣̇ахад̇и жид̇д̇зна, на винаяад̇харо самаано… на д̇хаммагат̇иго самаано… на ааран̃н̃иго самаано… на бин̣д̣абаад̇иго самаано… на бам̣сугуулиго самаано… на д̇зжийвариго самаано… на сабад̣̇аанажаариго самаано… на калубажчаабхад̇д̇иго самаано… на нзсаж̇ж̇иго самаано… на яат̇аасант̇ад̇иго самаано… на батамасса жхаанасса лаабхий самаано батамасса жхаанасса лаабхинаа сад̣̇д̇хим̣ сад̣̇исам̣ ад̇д̇аанам̣ д̣̇ахад̇и жид̇д̇зна…бз… на нзвасан̃н̃аанаасан̃н̃ааяад̇анасамаабад̇д̇ияаа лаабхий самаано нзвасан̃н̃аанаасан̃н̃ааяад̇анасамаабад̇д̇ияаа лаабхинаа сад̣̇д̇хим̣ сад̣̇исам̣ ад̇д̇аанам̣ д̣̇ахад̇и жид̇д̇зна – ид̣̇ам̣ жзд̇асигам̣ бааг̇аб̣бхияам̣. яассимаани д̇ийн̣и бааг̇аб̣бхияаани бахийнаани самужчиннаани вуубасанд̇аани бадибассад̣̇д̇хаани абхаб̣б̣уббад̇д̇игаани н̃аан̣аг̇г̇инаа д̣̇ад̣дхаани, со вужжад̇и аббаг̇аб̣бход̇и – аббаг̇аб̣бхо.

Katamaṃ cetasikaṃ pāgabbhiyaṃ? Idhekacco na uccā kulā pabbajito samāno uccā kulā pabbajitena saddhiṃ sadisaṃ attānaṃ dahati cittena, na mahākulā pabbajito samāno mahākulā pabbajitena saddhiṃ sadisaṃ attānaṃ dahati cittena, na mahābhogakulā pabbajito samāno mahābhogakulā pabbajitena saddhiṃ sadisaṃ attānaṃ dahati cittena, na uḷārabhogakulā pabbajito samāno… na suttantiko samāno suttantikena saddhiṃ sadisaṃ attānaṃ dahati cittena, na vinayadharo samāno… na dhammakathiko samāno… na āraññiko samāno… na piṇḍapātiko samāno… na paṃsukūliko samāno… na tecīvariko samāno… na sapadānacāriko samāno… na khalupacchābhattiko samāno… na nesajjiko samāno… na yathāsanthatiko samāno… na paṭhamassa jhānassa lābhī samāno paṭhamassa jhānassa lābhinā saddhiṃ sadisaṃ attānaṃ dahati cittena…pe… na nevasaññānāsaññāyatanasamāpattiyā lābhī samāno nevasaññānāsaññāyatanasamāpattiyā lābhinā saddhiṃ sadisaṃ attānaṃ dahati cittena – idaṃ cetasikaṃ pāgabbhiyaṃ. Yassimāni tīṇi pāgabbhiyāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so vuccati appagabbhoti – appagabbho.

аж̇зг̇ужчод̇и . ад̇т̇и буг̇г̇ало ж̇зг̇ужчо, ад̇т̇и аж̇зг̇ужчо. гад̇амо жа буг̇г̇ало ж̇зг̇ужчо? ид̇хзгажжо буг̇г̇ало д̣̇уссийло ход̇и баабад̇хаммо асужисан̇гассарасамаажааро бадижчаннагамманд̇о ассаман̣о саман̣абадин̃н̃о аб̣рахмажаарий б̣рахмажаарибадин̃н̃о анд̇обууд̇и авассуд̇о гасамб̣уж̇аад̇о – аяам̣ вужжад̇и буг̇г̇ало ж̇зг̇ужчо. ат̇а ваа год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇идтийяад̇и, гобан̃жа д̣̇осан̃жа аббажжаяан̃жа баад̇угарод̇и – аяам̣ вужжад̇и буг̇г̇ало ж̇зг̇ужчо. ат̇а ваа год̇хано ход̇и убанаахий, магкий ход̇и бал̣аасий, иссугий ход̇и мажчарий, сато ход̇и мааяаавий , т̇ад̣̇д̇хо ход̇и ад̇имааний, баабижчо ход̇и мижчаад̣̇идти ²¹, санд̣̇идтибараамаасий ход̇и аад̣̇аанаг̇г̇аахий д̣̇уббадиниссаг̇г̇ий – аяам̣ вужжад̇и буг̇г̇ало ж̇зг̇ужчо.

Ajegucchoti . Atthi puggalo jeguccho, atthi ajeguccho. Katamo ca puggalo jeguccho? Idhekacco puggalo dussīlo hoti pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto – ayaṃ vuccati puggalo jeguccho. Atha vā kodhano hoti upāyāsabahulo, appampi vutto samāno abhisajjati kuppati byāpajjati patiṭṭhīyati, kopañca dosañca appaccayañca pātukaroti – ayaṃ vuccati puggalo jeguccho. Atha vā kodhano hoti upanāhī, makkhī hoti paḷāsī, issukī hoti maccharī, saṭho hoti māyāvī , thaddho hoti atimānī, pāpiccho hoti micchādiṭṭhi ²², sandiṭṭhiparāmāsī hoti ādānaggāhī duppaṭinissaggī – ayaṃ vuccati puggalo jeguccho.

гад̇амо жа буг̇г̇ало аж̇зг̇ужчо? ид̇ха бхигку сийлаваа ход̇и баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу – аяам̣ вужжад̇и буг̇г̇ало аж̇зг̇ужчо. ат̇а ваа аггод̇хано ход̇и анубааяаасаб̣ахуло, б̣ахумби вуд̇д̇о самаано на абхисаж̇ж̇ад̇и на губбад̇и на б̣яаабаж̇ж̇ад̇и на бад̇идтийяад̇и, на гобан̃жа д̣̇осан̃жа аббажжаяан̃жа баад̇угарод̇и – аяам̣ вужжад̇и буг̇г̇ало аж̇зг̇ужчо. ат̇а ваа аггод̇хано ход̇и анубанаахий, амагкий ход̇и абал̣аасий, аниссугий ход̇и амажчарий, асато ход̇и амааяаавий, ат̇ад̣̇д̇хо ход̇и анад̇имааний , на баабижчо ход̇и на мижчаад̣̇идти, асанд̣̇идтибараамаасий ход̇и анаад̣̇аанаг̇г̇аахий суббадиниссаг̇г̇ий – аяам̣ вужжад̇и буг̇г̇ало аж̇зг̇ужчо. саб̣б̣з б̣аалабут̇уж̇ж̇анаа ж̇зг̇ужчаа, бут̇уж̇ж̇анагаляаан̣агам̣ убаад̣̇ааяа адта арияабуг̇г̇алаа аж̇зг̇ужчаад̇и – аббаг̇аб̣бхо аж̇зг̇ужчо.

Katamo ca puggalo ajeguccho? Idha bhikkhu sīlavā hoti pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu – ayaṃ vuccati puggalo ajeguccho. Atha vā akkodhano hoti anupāyāsabahulo, bahumpi vutto samāno na abhisajjati na kuppati na byāpajjati na patiṭṭhīyati, na kopañca dosañca appaccayañca pātukaroti – ayaṃ vuccati puggalo ajeguccho. Atha vā akkodhano hoti anupanāhī, amakkhī hoti apaḷāsī, anissukī hoti amaccharī, asaṭho hoti amāyāvī, athaddho hoti anatimānī , na pāpiccho hoti na micchādiṭṭhi, asandiṭṭhiparāmāsī hoti anādānaggāhī suppaṭinissaggī – ayaṃ vuccati puggalo ajeguccho. Sabbe bālaputhujjanā jegucchā, puthujjanakalyāṇakaṃ upādāya aṭṭha ariyapuggalā ajegucchāti – appagabbho ajeguccho.

бзсун̣зяяз жа но яуд̇од̇и. бзсун̃н̃анд̇и ид̇хзгажжо бисун̣аваажо ход̇и, ид̇о суд̇ваа амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа имзсам̣ агкаад̇аа амуусам̣ бхзд̣̇ааяа. ид̇и самаг̇г̇аанам̣ ваа бхзд̇д̇аа ²³, бхиннаанам̣ ваа ануббад̣̇аад̇аа, ваг̇г̇аараамо, ваг̇г̇арад̇о, ваг̇г̇ананд̣̇ий, ваг̇г̇агаран̣им̣ ваажам̣ бхаасид̇аа ход̇и – ид̣̇ам̣ вужжад̇и бзсун̃н̃ам̣.

Pesuṇeyye ca no yutoti. Pesuññanti idhekacco pisuṇavāco hoti, ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya. Iti samaggānaṃ vā bhettā ²⁴, bhinnānaṃ vā anuppadātā, vaggārāmo, vaggarato, vagganandī, vaggakaraṇiṃ vācaṃ bhāsitā hoti – idaṃ vuccati pesuññaṃ.

аби жа д̣̇вийхи гааран̣зхи бзсун̃н̃ам̣ убасам̣харад̇и – бияагамяад̇ааяа ваа, бхзд̣̇аад̇хиббааязна ²⁵ ваа. гат̇ам̣ бияагамяад̇ааяа бзсун̃н̃ам̣ убасам̣харад̇и? имасса бияо бхависсаами, манаабо бхависсаами, виссаасиго бхависсаами, аб̣бханд̇ариго бхависсаами, сухад̣̇аяо бхависсаамийд̇и. звам̣ бияагамяад̇ааяа бзсун̃н̃ам̣ убасам̣харад̇и. гат̇ам̣ бхзд̣̇аад̇хиббааязна бзсун̃н̃ам̣ убасам̣харад̇и? ‘‘гат̇ам̣ имз наанаа ассу винаа ассу ваг̇г̇аа ассу д̣̇взд̇хаа ассу д̣̇взж̇жхаа ассу д̣̇вз багкаа ассу бхиж̇ж̇зяяум̣ на самааг̇ажчзяяум̣ д̣̇угкам̣ на паасу ²⁶ вихарзяяу’’нд̇и. звам̣ бхзд̣̇аад̇хиббааязна бзсун̃н̃ам̣ убасам̣харад̇и. яассзд̇ам̣ бзсун̃н̃ам̣ бахийнам̣ самужчиннам̣ вуубасанд̇ам̣ бадибассад̣̇д̇хам̣ абхаб̣б̣уббад̇д̇игам̣ н̃аан̣аг̇г̇инаа д̣̇ад̣дхам̣, со бзсун̃н̃з но яуд̇о на яуд̇д̇о на баяуд̇д̇о на саммааяуд̇д̇од̇и – бзсун̣зяяз жа но яуд̇о.

Api ca dvīhi kāraṇehi pesuññaṃ upasaṃharati – piyakamyatāya vā, bhedādhippāyena ²⁷ vā. Kathaṃ piyakamyatāya pesuññaṃ upasaṃharati? Imassa piyo bhavissāmi, manāpo bhavissāmi, vissāsiko bhavissāmi, abbhantariko bhavissāmi, suhadayo bhavissāmīti. Evaṃ piyakamyatāya pesuññaṃ upasaṃharati. Kathaṃ bhedādhippāyena pesuññaṃ upasaṃharati? ‘‘Kathaṃ ime nānā assu vinā assu vaggā assu dvedhā assu dvejjhā assu dve pakkhā assu bhijjeyyuṃ na samāgaccheyyuṃ dukkhaṃ na phāsu ²⁸ vihareyyu’’nti. Evaṃ bhedādhippāyena pesuññaṃ upasaṃharati. Yassetaṃ pesuññaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so pesuññe no yuto na yutto na payutto na sammāyuttoti – pesuṇeyye ca no yuto.

д̇знааха бхаг̇аваа –

Tenāha bhagavā –

‘‘бад̇илийно агухаго, абихаалу амажчарий;

‘‘Patilīno akuhako, apihālu amaccharī;

аббаг̇аб̣бхо аж̇зг̇ужчо, бзсун̣зяяз жа но яуд̇о’’д̇и.

Appagabbho ajeguccho, pesuṇeyye ca no yuto’’ti.

88.

саад̇иязсу анассаавий, ад̇имаанз жа но яуд̇о;

Sātiyesu anassāvī, atimāne ca no yuto;

сан̣хо жа бадибхаанаваа, на сад̣̇д̇хо на вираж̇ж̇ад̇и.

Saṇho ca paṭibhānavā, na saddho na virajjati.

саад̇иязсу анассаавийд̇и. саад̇ияаа вужжанд̇и бан̃жа гаамаг̇ун̣аа. гим̣гааран̣аа саад̇ияаа вужжанд̇и бан̃жа гаамаг̇ун̣аа? язбхуяязна д̣̇звамануссаа бан̃жа гаамаг̇ун̣з ижчанд̇и саад̇ияанд̇и бад̇т̇аяанд̇и бихаяанд̇и абхиж̇аббанд̇и, д̇ам̣гааран̣аа саад̇ияаа вужжанд̇и бан̃жа гаамаг̇ун̣аа. язсам̣ зсаа саад̇ияаа д̇ан̣хаа аббахийнаа д̇зсам̣ жагкуд̇о руубад̇ан̣хаа савад̇и аасавад̇и ²⁹ санд̣̇ад̇и бавад̇д̇ад̇и, сод̇ад̇о сад̣̇д̣̇ад̇ан̣хаа… гхаанад̇о г̇анд̇хад̇ан̣хаа… ж̇ивхаад̇о расад̇ан̣хаа… гааяад̇о подтаб̣б̣ад̇ан̣хаа… манад̇о д̇хаммад̇ан̣хаа савад̇и аасавад̇и санд̣̇ад̇и бавад̇д̇ад̇и. язсам̣ зсаа саад̇ияаа д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа д̇зсам̣ жагкуд̇о руубад̇ан̣хаа на савад̇и наасавад̇и ³⁰ на санд̣̇ад̇и на бавад̇д̇ад̇и , сод̇ад̇о сад̣̇д̣̇ад̇ан̣хаа…бз… манад̇о д̇хаммад̇ан̣хаа на савад̇и наасавад̇и на санд̣̇ад̇и на бавад̇д̇ад̇ийд̇и – саад̇иязсу анассаавий.

Sātiyesu anassāvīti. Sātiyā vuccanti pañca kāmaguṇā. Kiṃkāraṇā sātiyā vuccanti pañca kāmaguṇā? Yebhuyyena devamanussā pañca kāmaguṇe icchanti sātiyanti patthayanti pihayanti abhijappanti, taṃkāraṇā sātiyā vuccanti pañca kāmaguṇā. Yesaṃ esā sātiyā taṇhā appahīnā tesaṃ cakkhuto rūpataṇhā savati āsavati ³¹ sandati pavattati, sotato saddataṇhā… ghānato gandhataṇhā… jivhāto rasataṇhā… kāyato phoṭṭhabbataṇhā… manato dhammataṇhā savati āsavati sandati pavattati. Yesaṃ esā sātiyā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā tesaṃ cakkhuto rūpataṇhā na savati nāsavati ³² na sandati na pavattati , sotato saddataṇhā…pe… manato dhammataṇhā na savati nāsavati na sandati na pavattatīti – sātiyesu anassāvī.

ад̇имаанз жа но яуд̇од̇и. гад̇амо ад̇имаано? ид̇хзгажжо барам̣ ад̇иман̃н̃ад̇и ж̇аад̇ияаа ваа г̇од̇д̇зна ваа…бз… ан̃н̃ад̇аран̃н̃ад̇арзна ваа вад̇т̇унаа. яо зваруубо маано ман̃н̃анаа ман̃н̃ид̇ад̇д̇ам̣ уннад̇и уннамо д̇хаж̇о самбаг̇г̇аахо гзд̇угамяад̇аа жид̇д̇асса – аяам̣ вужжад̇и ад̇имаано. яассзсо ад̇имаано бахийно самужчинно вуубасанд̇о бадибассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо, со ад̇имаанз жа но яуд̇о на яуд̇д̇о наббаяуд̇д̇о на саммааяуд̇д̇од̇и – ад̇имаанз жа но яуд̇о.

Atimāne ca no yutoti. Katamo atimāno? Idhekacco paraṃ atimaññati jātiyā vā gottena vā…pe… aññataraññatarena vā vatthunā. Yo evarūpo māno maññanā maññitattaṃ unnati unnamo dhajo sampaggāho ketukamyatā cittassa – ayaṃ vuccati atimāno. Yasseso atimāno pahīno samucchinno vūpasanto paṭipassaddho abhabbuppattiko ñāṇagginā daḍḍho, so atimāne ca no yuto na yutto nappayutto na sammāyuttoti – atimāne ca no yuto.

сан̣хо жа бадибхаанаваад̇и. сан̣ход̇и сан̣хзна гааяагаммзна саманнааг̇ад̇од̇и сан̣хо, сан̣хзна важийгаммзна… сан̣хзна маногаммзна саманнааг̇ад̇од̇и сан̣хо, сан̣хзхи сад̇ибадтаанзхи саманнааг̇ад̇од̇и сан̣хо, сан̣хзхи саммаббад̇хаанзхи… сан̣хзхи ид̣̇д̇хибаад̣̇зхи… сан̣хзхи инд̣̇риязхи… сан̣хзхи б̣алзхи… сан̣хзхи б̣ож̇жхан̇г̇зхи саманнааг̇ад̇од̇и сан̣хо, сан̣хзна ариязна адтан̇г̇игзна маг̇г̇зна саманнааг̇ад̇од̇и – сан̣хо.

Saṇho ca paṭibhānavāti. Saṇhoti saṇhena kāyakammena samannāgatoti saṇho, saṇhena vacīkammena… saṇhena manokammena samannāgatoti saṇho, saṇhehi satipaṭṭhānehi samannāgatoti saṇho, saṇhehi sammappadhānehi… saṇhehi iddhipādehi… saṇhehi indriyehi… saṇhehi balehi… saṇhehi bojjhaṅgehi samannāgatoti saṇho, saṇhena ariyena aṭṭhaṅgikena maggena samannāgatoti – saṇho.

бадибхаанаваад̇и д̇аяо бадибхаанаванд̇о – барияад̇д̇ибадибхаанаваа, барибужчаабадибхаанаваа, ад̇хиг̇амабадибхаанаваа. гад̇амо барияад̇д̇ибадибхаанаваа? ид̇хзгажжасса багад̇ияаа барияаабудам̣ ход̇и – суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣, д̇асса барияад̇д̇им̣ ниссааяа бадибхааяад̇и – аяам̣ барияад̇д̇ибадибхаанаваа. гад̇амо барибужчаабадибхаанаваа? ид̇хзгажжо барибужчид̇аа ³³ ход̇и ад̇д̇ад̇т̇з жа н̃ааяад̇т̇з жа лагкан̣з жа гааран̣з жа таанаатаанз жа, д̇асса д̇ам̣ барибужчам̣ ниссааяа бадибхааяад̇и – аяам̣ барибужчаабадибхаанаваа. гад̇амо ад̇хиг̇амабадибхаанаваа? ид̇хзгажжасса ад̇хиг̇ад̇аа хонд̇и жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о жад̇д̇ааро арияамаг̇г̇аа жад̇д̇аари сааман̃н̃апалаани жад̇ассо бадисамбхид̣̇ааяо ча абхин̃н̃ааяо, д̇асса ад̇т̇о н̃аад̇о д̇хаммо н̃аад̇о нируд̇д̇и н̃аад̇аа, ад̇т̇з н̃аад̇з ад̇т̇о бадибхааяад̇и , д̇хаммз н̃аад̇з д̇хаммо бадибхааяад̇и, нируд̇д̇ияаа н̃аад̇ааяа нируд̇д̇и бадибхааяад̇и; имзсу д̇ийсу н̃аан̣зсу н̃аан̣ам̣ бадибхаанабадисамбхид̣̇аа. имааяа бадибхаанабадисамбхид̣̇ааяа убзд̇о самубзд̇о убаг̇ад̇о самубаг̇ад̇о убабанно самубабанно саманнааг̇ад̇о со вужжад̇и бадибхаанаваа. яасса барияад̇д̇и над̇т̇и, барибужчаа над̇т̇и, ад̇хиг̇амо над̇т̇и, гим̣ д̇асса бадибхааяиссад̇ийд̇и – сан̣хо жа бадибхаанаваа.

Paṭibhānavāti tayo paṭibhānavanto – pariyattipaṭibhānavā, paripucchāpaṭibhānavā, adhigamapaṭibhānavā. Katamo pariyattipaṭibhānavā? Idhekaccassa pakatiyā pariyāpuṭaṃ hoti – suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ, tassa pariyattiṃ nissāya paṭibhāyati – ayaṃ pariyattipaṭibhānavā. Katamo paripucchāpaṭibhānavā? Idhekacco paripucchitā ³⁴ hoti attatthe ca ñāyatthe ca lakkhaṇe ca kāraṇe ca ṭhānāṭhāne ca, tassa taṃ paripucchaṃ nissāya paṭibhāyati – ayaṃ paripucchāpaṭibhānavā. Katamo adhigamapaṭibhānavā? Idhekaccassa adhigatā honti cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo cattāro ariyamaggā cattāri sāmaññaphalāni catasso paṭisambhidāyo cha abhiññāyo, tassa attho ñāto dhammo ñāto nirutti ñātā, atthe ñāte attho paṭibhāyati , dhamme ñāte dhammo paṭibhāyati, niruttiyā ñātāya nirutti paṭibhāyati; imesu tīsu ñāṇesu ñāṇaṃ paṭibhānapaṭisambhidā. Imāya paṭibhānapaṭisambhidāya upeto samupeto upagato samupagato upapanno samupapanno samannāgato so vuccati paṭibhānavā. Yassa pariyatti natthi, paripucchā natthi, adhigamo natthi, kiṃ tassa paṭibhāyissatīti – saṇho ca paṭibhānavā.

на сад̣̇д̇хо на вираж̇ж̇ад̇ийд̇и. на сад̣̇д̇ход̇и саамам̣ саяам̣ абхин̃н̃аад̇ам̣ ад̇д̇абажжагкам̣ д̇хаммам̣ на гассажи сад̣̇д̣̇ахад̇и ан̃н̃асса саман̣асса ваа б̣раахман̣асса ваа д̣̇звасса ваа маарасса ваа б̣рахмуно ваа. ‘‘саб̣б̣з сан̇каараа анижжаа’’д̇и саамам̣ саяам̣ абхин̃н̃аад̇ам̣…бз… ‘‘саб̣б̣з сан̇каараа д̣̇угкаа’’д̇и… ‘‘саб̣б̣з д̇хаммаа анад̇д̇аа’’д̇и… ‘‘авиж̇ж̇аабажжаяаа сан̇каараа’’д̇и…бз… ‘‘ж̇аад̇ибажжаяаа ж̇араамаран̣а’’нд̇и… ‘‘авиж̇ж̇аанирод̇хаа сан̇кааранирод̇хо’’д̇и…бз… ‘‘ж̇аад̇инирод̇хаа ж̇араамаран̣анирод̇хо’’д̇и… ‘‘ид̣̇ам̣ д̣̇угка’’нд̇и…бз… ‘‘аяам̣ д̣̇угканирод̇хаг̇ааминий бадибад̣̇аа’’д̇и… ‘‘имз аасаваа’’д̇и…бз… ‘‘аяам̣ аасаванирод̇хаг̇ааминий бадибад̣̇аа’’д̇и… ‘‘имз д̇хаммаа абхин̃н̃зяяаа’’д̇и…бз… ‘‘имз д̇хаммаа сажчигаад̇аб̣б̣аа’’д̇и саамам̣ саяам̣ абхин̃н̃аад̇ам̣…бз… чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа, бан̃жаннам̣ убаад̣̇аанагканд̇хаанам̣ самуд̣̇аяан̃жа…бз… жад̇уннам̣ махаабхууд̇аанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа саамам̣ саяам̣ абхин̃н̃аад̇ам̣…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и саамам̣ саяам̣ абхин̃н̃аад̇ам̣ ад̇д̇абажжагкам̣ д̇хаммам̣ на гассажи сад̣̇д̣̇ахад̇и ан̃н̃асса саман̣асса ваа б̣раахман̣асса ваа д̣̇звасса ваа маарасса ваа б̣рахмуно ваа ³⁵.

Na saddho na virajjatīti. Na saddhoti sāmaṃ sayaṃ abhiññātaṃ attapaccakkhaṃ dhammaṃ na kassaci saddahati aññassa samaṇassa vā brāhmaṇassa vā devassa vā mārassa vā brahmuno vā. ‘‘Sabbe saṅkhārā aniccā’’ti sāmaṃ sayaṃ abhiññātaṃ…pe… ‘‘sabbe saṅkhārā dukkhā’’ti… ‘‘sabbe dhammā anattā’’ti… ‘‘avijjāpaccayā saṅkhārā’’ti…pe… ‘‘jātipaccayā jarāmaraṇa’’nti… ‘‘avijjānirodhā saṅkhāranirodho’’ti…pe… ‘‘jātinirodhā jarāmaraṇanirodho’’ti… ‘‘idaṃ dukkha’’nti…pe… ‘‘ayaṃ dukkhanirodhagāminī paṭipadā’’ti… ‘‘ime āsavā’’ti…pe… ‘‘ayaṃ āsavanirodhagāminī paṭipadā’’ti… ‘‘ime dhammā abhiññeyyā’’ti…pe… ‘‘ime dhammā sacchikātabbā’’ti sāmaṃ sayaṃ abhiññātaṃ…pe… channaṃ phassāyatanānaṃ samudayañca atthaṅgamañca assādañca ādīnavañca nissaraṇañca, pañcannaṃ upādānakkhandhānaṃ samudayañca…pe… catunnaṃ mahābhūtānaṃ samudayañca atthaṅgamañca assādañca ādīnavañca nissaraṇañca sāmaṃ sayaṃ abhiññātaṃ…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti sāmaṃ sayaṃ abhiññātaṃ attapaccakkhaṃ dhammaṃ na kassaci saddahati aññassa samaṇassa vā brāhmaṇassa vā devassa vā mārassa vā brahmuno vā ³⁶.

вуд̇д̇ан̃хзд̇ам̣ бхаг̇авад̇аа – ‘‘сад̣̇д̣̇ахаси д̇вам̣, саарибуд̇д̇а, сад̣̇д̇хинд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаанам̣; вийрияинд̣̇рияам̣… сад̇инд̣̇рияам̣… самаад̇хинд̣̇рияам̣… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаана’’нд̇и?

Vuttañhetaṃ bhagavatā – ‘‘saddahasi tvaṃ, sāriputta, saddhindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ; vīriyindriyaṃ… satindriyaṃ… samādhindriyaṃ… paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosāna’’nti?

‘‘на кваахам̣ зд̇т̇а, бханд̇з, бхаг̇авад̇о сад̣̇д̇хааяа г̇ажчаами сад̣̇д̇хинд̣̇рияам̣… вийрияинд̣̇рияам̣… сад̇инд̣̇рияам̣… самаад̇хинд̣̇рияам̣… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаанам̣. язсам̣ нуунзд̇ам̣, бханд̇з , ан̃н̃аад̇ам̣ асса ад̣̇идтам̣ авид̣̇ид̇ам̣ асажчигад̇ам̣ апассид̇ам̣ бан̃н̃ааяа, д̇з д̇ад̇т̇а барзсам̣ сад̣̇д̇хааяа г̇ажчзяяум̣ сад̣̇д̇хинд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаанам̣. вийрияинд̣̇рияам̣… сад̇инд̣̇рияам̣… самаад̇хинд̣̇рияам̣ … бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаанам̣. язсан̃жа ко зд̇ам̣, бханд̇з, н̃аад̇ам̣ д̣̇идтам̣ вид̣̇ид̇ам̣ сажчигад̇ам̣ пассид̇ам̣ бан̃н̃ааяа, нигган̇каа д̇з д̇ад̇т̇а ниб̣б̣ижигижчаа. сад̣̇д̇хинд̣̇рияам̣… вийрияинд̣̇рияам̣… сад̇инд̣̇рияам̣… самаад̇хинд̣̇рияам̣… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаанам̣. маяхан̃жа ко, зд̇ам̣ бханд̇з, н̃аад̇ам̣ д̣̇идтам̣ вид̣̇ид̇ам̣ сажчигад̇ам̣ пассид̇ам̣ бан̃н̃ааяа, нигган̇кохам̣ д̇ад̇т̇а ниб̣б̣ижигижчо. сад̣̇д̇хинд̣̇рияам̣… вийрияинд̣̇рияам̣… сад̇инд̣̇рияам̣… самаад̇хинд̣̇рияам̣… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаана’’нд̇и.

‘‘Na khvāhaṃ ettha, bhante, bhagavato saddhāya gacchāmi saddhindriyaṃ… vīriyindriyaṃ… satindriyaṃ… samādhindriyaṃ… paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ. Yesaṃ nūnetaṃ, bhante , aññātaṃ assa adiṭṭhaṃ aviditaṃ asacchikataṃ aphassitaṃ paññāya, te tattha paresaṃ saddhāya gaccheyyuṃ saddhindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ. Vīriyindriyaṃ… satindriyaṃ… samādhindriyaṃ … paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ. Yesañca kho etaṃ, bhante, ñātaṃ diṭṭhaṃ viditaṃ sacchikataṃ phassitaṃ paññāya, nikkaṅkhā te tattha nibbicikicchā. Saddhindriyaṃ… vīriyindriyaṃ… satindriyaṃ… samādhindriyaṃ… paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ. Mayhañca kho, etaṃ bhante, ñātaṃ diṭṭhaṃ viditaṃ sacchikataṃ phassitaṃ paññāya, nikkaṅkhohaṃ tattha nibbicikiccho. Saddhindriyaṃ… vīriyindriyaṃ… satindriyaṃ… samādhindriyaṃ… paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosāna’’nti.

‘‘саад̇ху саад̇ху, саарибуд̇д̇а! язсан̃хзд̇ам̣, саарибуд̇д̇а, ан̃н̃аад̇ам̣ асса ад̣̇идтам̣ авид̣̇ид̇ам̣ асажчигад̇ам̣ апассид̇ам̣ бан̃н̃ааяа, д̇з д̇ад̇т̇а барзсам̣ сад̣̇д̇хааяа г̇ажчзяяум̣ сад̣̇д̇хинд̣̇рияам̣…бз… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяанам̣ амад̇абарияосаананд̇и.

‘‘Sādhu sādhu, sāriputta! Yesañhetaṃ, sāriputta, aññātaṃ assa adiṭṭhaṃ aviditaṃ asacchikataṃ aphassitaṃ paññāya, te tattha paresaṃ saddhāya gaccheyyuṃ saddhindriyaṃ…pe… paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānanti.

‘‘ассад̣̇д̇хо агад̇ан̃н̃уу жа, санд̇хижчзд̣̇о жа яо наро;

‘‘Assaddho akataññū ca, sandhicchedo ca yo naro;

хад̇аавагаасо ванд̇аасо, са вз уд̇д̇амаборисо’’д̇и.

Hatāvakāso vantāso, sa ve uttamaporiso’’ti.

на сад̣̇д̇хо на вираж̇ж̇ад̇ийд̇и. саб̣б̣з б̣аалабут̇уж̇ж̇анаа раж̇ж̇анд̇и, бут̇уж̇ж̇анагаляаан̣агам̣ убаад̣̇ааяа сад̇д̇а сзгкаа вираж̇ж̇анд̇и. арахаа нзва раж̇ж̇ад̇и но вираж̇ж̇ад̇и, вирад̇д̇о со каяаа рааг̇асса вийд̇арааг̇ад̇д̇аа каяаа д̣̇осасса вийд̇ад̣̇осад̇д̇аа, каяаа мохасса вийд̇амохад̇д̇аа. со вудтаваасо жин̣н̣ажаран̣о…бз… ж̇аад̇имаран̣асам̣сааро над̇т̇и д̇асса бунаб̣бхавод̇и – на сад̣̇д̇хо на вираж̇ж̇ад̇и.

Na saddho na virajjatīti. Sabbe bālaputhujjanā rajjanti, puthujjanakalyāṇakaṃ upādāya satta sekkhā virajjanti. Arahā neva rajjati no virajjati, viratto so khayā rāgassa vītarāgattā khayā dosassa vītadosattā, khayā mohassa vītamohattā. So vuṭṭhavāso ciṇṇacaraṇo…pe… jātimaraṇasaṃsāro natthi tassa punabbhavoti – na saddho na virajjati.

д̇знааха бхаг̇аваа –

Tenāha bhagavā –

‘‘саад̇иязсу анассаавий, ад̇имаанз жа но яуд̇о;

‘‘Sātiyesu anassāvī, atimāne ca no yuto;

сан̣хо жа бадибхаанаваа, на сад̣̇д̇хо на вираж̇ж̇ад̇ий’’д̇и.

Saṇho ca paṭibhānavā, na saddho na virajjatī’’ti.

89.

лаабхагамяаа на сигкад̇и, алаабхз жа на губбад̇и;

Lābhakamyā na sikkhati, alābhe ca na kuppati;

авируд̣̇д̇хо жа д̇ан̣хааяа, расзсу ³⁷ наануг̇иж̇жхад̇и.

Aviruddho ca taṇhāya, rasesu³⁸nānugijjhati.

лаабхагамяаа на сигкад̇и, алаабхз жа на губбад̇ийд̇и. гат̇ам̣ лаабхагамяаа сигкад̇и? ид̇ха, бхигкавз, бхигку бхигкум̣ бассад̇и лаабхим̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. д̇асса звам̣ ход̇и – ‘‘гзна ну ко аяамааяасмаа лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и? д̇асса звам̣ ход̇и – ‘‘аяам̣ ко ааяасмаа суд̇д̇анд̇иго, д̇знааяамааяасмаа лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и. со лаабхахзд̇у лаабхабажжаяаа лаабхагааран̣аа лаабхаабхиниб̣б̣ад̇д̇ияаа лаабхам̣ барибаажзнд̇о суд̇д̇анд̇ам̣ барияаабун̣аад̇и. звамби лаабхагамяаа сигкад̇и.

Lābhakamyā na sikkhati, alābhe ca na kuppatīti. Kathaṃ lābhakamyā sikkhati? Idha, bhikkhave, bhikkhu bhikkhuṃ passati lābhiṃ cīvarapiṇḍapātasenāsanagilānapaccayabhesajjaparikkhārānaṃ. Tassa evaṃ hoti – ‘‘kena nu kho ayamāyasmā lābhī cīvarapiṇḍapātasenāsanagilānapaccayabhesajjaparikkhārāna’’nti? Tassa evaṃ hoti – ‘‘ayaṃ kho āyasmā suttantiko, tenāyamāyasmā lābhī cīvarapiṇḍapātasenāsanagilānapaccayabhesajjaparikkhārāna’’nti. So lābhahetu lābhapaccayā lābhakāraṇā lābhābhinibbattiyā lābhaṃ paripācento suttantaṃ pariyāpuṇāti. Evampi lābhakamyā sikkhati.

ат̇а ваа бхигку бхигкум̣ бассад̇и лаабхим̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. д̇асса звам̣ ход̇и – ‘‘гзна ну ко аяамааяасмаа лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и? д̇асса звам̣ ход̇и – ‘‘аяам̣ ко ааяасмаа винаяад̇харо…бз… д̇хаммагат̇иго… аабхид̇хаммиго, д̇знааяамааяасмаа лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и. со лаабхахзд̇у лаабхабажжаяаа лаабхагааран̣аа лаабхаабхиниб̣б̣ад̇д̇ияаа лаабхам̣ барибаажзнд̇о абхид̇хаммам̣ барияаабун̣аад̇и. звамби лаабхагамяаа сигкад̇и.

Atha vā bhikkhu bhikkhuṃ passati lābhiṃ cīvarapiṇḍapātasenāsanagilānapaccayabhesajjaparikkhārānaṃ. Tassa evaṃ hoti – ‘‘kena nu kho ayamāyasmā lābhī cīvarapiṇḍapātasenāsanagilānapaccayabhesajjaparikkhārāna’’nti? Tassa evaṃ hoti – ‘‘ayaṃ kho āyasmā vinayadharo…pe… dhammakathiko… ābhidhammiko, tenāyamāyasmā lābhī cīvarapiṇḍapātasenāsanagilānapaccayabhesajjaparikkhārāna’’nti. So lābhahetu lābhapaccayā lābhakāraṇā lābhābhinibbattiyā lābhaṃ paripācento abhidhammaṃ pariyāpuṇāti. Evampi lābhakamyā sikkhati.

ат̇а ваа бхигку бхигкум̣ бассад̇и лаабхим̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. д̇асса звам̣ ход̇и – ‘‘гзна ну ко аяамааяасмаа лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и? д̇асса звам̣ ход̇и – ‘‘аяам̣ ко ааяасмаа ааран̃н̃иго… бин̣д̣абаад̇иго… бам̣сугуулиго… д̇зжийвариго… сабад̣̇аанажаариго… калубажчаабхад̇д̇иго… нзсаж̇ж̇иго… яат̇аасант̇ад̇иго, д̇знааяамааяасмаа лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и. со лаабхахзд̇у лаабхабажжаяаа лаабхагааран̣аа лаабхаабхиниб̣б̣ад̇д̇ияаа лаабхам̣ барибаажзнд̇о ааран̃н̃иго ход̇и…бз… яат̇аасант̇ад̇иго ход̇и. звамби лаабхагамяаа сигкад̇и.

Atha vā bhikkhu bhikkhuṃ passati lābhiṃ cīvarapiṇḍapātasenāsanagilānapaccayabhesajjaparikkhārānaṃ. Tassa evaṃ hoti – ‘‘kena nu kho ayamāyasmā lābhī cīvarapiṇḍapātasenāsanagilānapaccayabhesajjaparikkhārāna’’nti? Tassa evaṃ hoti – ‘‘ayaṃ kho āyasmā āraññiko… piṇḍapātiko… paṃsukūliko… tecīvariko… sapadānacāriko… khalupacchābhattiko… nesajjiko… yathāsanthatiko, tenāyamāyasmā lābhī cīvarapiṇḍapātasenāsanagilānapaccayabhesajjaparikkhārāna’’nti. So lābhahetu lābhapaccayā lābhakāraṇā lābhābhinibbattiyā lābhaṃ paripācento āraññiko hoti…pe… yathāsanthatiko hoti. Evampi lābhakamyā sikkhati.

гат̇ам̣ на лаабхагамяаа сигкад̇и? ид̇ха бхигку на лаабхахзд̇у, на лаабхабажжаяаа, на лаабхагааран̣аа, на лаабхаабхиниб̣б̣ад̇д̇ияаа, на лаабхам̣ барибаажзнд̇о, яаавад̣̇зва ад̇д̇ад̣̇амад̇т̇ааяа ад̇д̇асамад̇т̇ааяа ад̇д̇абариниб̣б̣аабанад̇т̇ааяа суд̇д̇анд̇ам̣ барияаабун̣аад̇и, винаяам̣ барияаабун̣аад̇и, абхид̇хаммам̣ барияаабун̣аад̇и. звамби на лаабхагамяаа сигкад̇и.

Kathaṃ na lābhakamyā sikkhati? Idha bhikkhu na lābhahetu, na lābhapaccayā, na lābhakāraṇā, na lābhābhinibbattiyā, na lābhaṃ paripācento, yāvadeva attadamatthāya attasamatthāya attaparinibbāpanatthāya suttantaṃ pariyāpuṇāti, vinayaṃ pariyāpuṇāti, abhidhammaṃ pariyāpuṇāti. Evampi na lābhakamyā sikkhati.

ат̇а ваа бхигку на лаабхахзд̇у, на лаабхабажжаяаа, на лаабхагааран̣аа, на лаабхаабхиниб̣б̣ад̇д̇ияаа, на лаабхам̣ барибаажзнд̇о, яаавад̣̇зва аббижчан̃н̃зва ³⁹ ниссааяа санд̇удтин̃н̃зва ниссааяа саллзкан̃н̃зва ниссааяа бавивзган̃н̃зва ниссааяа ид̣̇амад̇т̇ид̇ан̃н̃зва ⁴⁰ ниссааяа ааран̃н̃иго ход̇и, бин̣д̣абаад̇иго ход̇и, бам̣сугуулиго ход̇и, д̇зжийвариго ход̇и , сабад̣̇аанажаариго ход̇и, калубажчаабхад̇д̇иго ход̇и, нзсаж̇ж̇иго ход̇и, яат̇аасант̇ад̇иго ход̇и. звамби на лаабхагамяаа сигкад̇ийд̇и – лаабхагамяаа на сигкад̇и.

Atha vā bhikkhu na lābhahetu, na lābhapaccayā, na lābhakāraṇā, na lābhābhinibbattiyā, na lābhaṃ paripācento, yāvadeva appicchaññeva ⁴¹ nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva ⁴² nissāya āraññiko hoti, piṇḍapātiko hoti, paṃsukūliko hoti, tecīvariko hoti , sapadānacāriko hoti, khalupacchābhattiko hoti, nesajjiko hoti, yathāsanthatiko hoti. Evampi na lābhakamyā sikkhatīti – lābhakamyā na sikkhati.

алаабхз жа на губбад̇ийд̇и. гат̇ам̣ алаабхз губбад̇и? ид̇хзгажжо ‘‘гулам̣ ваа на лабхаами, г̇ан̣ам̣ ваа на лабхаами, ааваасам̣ ваа на лабхаами, лаабхам̣ ваа на лабхаами, яасам̣ ваа на лабхаами, басам̣сам̣ ваа на лабхаами, сукам̣ ваа на лабхаами, жийварам̣ ваа на лабхаами, бин̣д̣абаад̇ам̣ ваа на лабхаами, сзнаасанам̣ ваа на лабхаами, г̇илаанабажжаяабхзсаж̇ж̇абаригкаарам̣ ваа на лабхаами, г̇илаанубадтаагам̣ ваа на лабхаами, аббан̃н̃аад̇омхий’’д̇и губбад̇и б̣яаабаж̇ж̇ад̇и бад̇идтийяад̇и, гобан̃жа д̣̇осан̃жа аббажжаяан̃жа баад̇угарод̇и. звам̣ алаабхз губбад̇и.

Alābheca na kuppatīti. Kathaṃ alābhe kuppati? Idhekacco ‘‘kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appaññātomhī’’ti kuppati byāpajjati patiṭṭhīyati, kopañca dosañca appaccayañca pātukaroti. Evaṃ alābhe kuppati.

гат̇ам̣ алаабхз на губбад̇и? ид̇ха бхигку ‘‘гулам̣ ваа на лабхаами г̇ан̣ам̣ ваа на лабхаами…бз… аббан̃н̃аад̇омхий’’д̇и на губбад̇и на б̣яаабаж̇ж̇ад̇и на бад̇идтийяад̇и, на гобан̃жа д̣̇осан̃жа аббажжаяан̃жа баад̇угарод̇и. звам̣ алаабхз на губбад̇ийд̇и – лаабхагамяаа на сигкад̇и алаабхз жа на губбад̇и.

Kathaṃ alābhe na kuppati? Idha bhikkhu ‘‘kulaṃ vā na labhāmi gaṇaṃ vā na labhāmi…pe… appaññātomhī’’ti na kuppati na byāpajjati na patiṭṭhīyati, na kopañca dosañca appaccayañca pātukaroti. Evaṃ alābhe na kuppatīti – lābhakamyā na sikkhati alābhe ca na kuppati.

авируд̣̇д̇хо жа д̇ан̣хааяа, расзсу наануг̇иж̇жхад̇ийд̇и. вируд̣̇д̇ход̇и яо жид̇д̇асса аагхаад̇о бадигхаад̇о, бадигхам̣ бадивирод̇хо, гобо багобо самбагобо, д̣̇осо бад̣̇осо самбад̣̇осо, жид̇д̇асса б̣яаабад̇д̇и манобад̣̇осо, год̇хо гуж̇жханаа гуж̇жхид̇ад̇д̇ам̣, д̣̇осо д̣̇уссанаа д̣̇уссид̇ад̇д̇ам̣, б̣яаабад̇д̇и б̣яаабаж̇ж̇анаа б̣яаабаж̇ж̇ид̇ад̇д̇ам̣ вирод̇хо бадивирод̇хо, жан̣д̣иггам̣, асуробо, анад̇д̇аманад̇аа жид̇д̇асса – аяам̣ вужжад̇и вирод̇хо. яассзсо вирод̇хо бахийно самужчинно вуубасанд̇о бадибассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо, со вужжад̇и авируд̣̇д̇хо. д̇ан̣хаад̇и руубад̇ан̣хаа сад̣̇д̣̇ад̇ан̣хаа г̇анд̇хад̇ан̣хаа расад̇ан̣хаа подтаб̣б̣ад̇ан̣хаа д̇хаммад̇ан̣хаа. расод̇и мууларасо канд̇харасо д̇ажарасо бад̇д̇арасо бубпарасо паларасо, амб̣илам̣ мад̇хурам̣ д̇ид̇д̇агам̣ гадугам̣ лон̣игам̣ кааригам̣ ламб̣игам̣ ⁴³ гасааво саад̣̇у асаад̣̇у сийд̇ам̣ ун̣хам̣. санд̇згз саман̣аб̣раахман̣аа расаг̇ид̣̇д̇хаа. д̇з ж̇ивхаг̇г̇зна расаг̇г̇аани бариязсанд̇аа аахин̣д̣анд̇и, д̇з амб̣илам̣ лабхид̇ваа анамб̣илам̣ бариязсанд̇и, анамб̣илам̣ лабхид̇ваа амб̣илам̣ бариязсанд̇и; мад̇хурам̣ лабхид̇ваа амад̇хурам̣ бариязсанд̇и, амад̇хурам̣ лабхид̇ваа мад̇хурам̣ бариязсанд̇и; д̇ид̇д̇агам̣ лабхид̇ваа ад̇ид̇д̇агам̣ бариязсанд̇и, ад̇ид̇д̇агам̣ лабхид̇ваа д̇ид̇д̇агам̣ бариязсанд̇и; гадугам̣ лабхид̇ваа агадугам̣ бариязсанд̇и, агадугам̣ лабхид̇ваа гадугам̣ бариязсанд̇и; лон̣игам̣ лабхид̇ваа алон̣игам̣ бариязсанд̇и, алон̣игам̣ лабхид̇ваа лон̣игам̣ бариязсанд̇и; кааригам̣ лабхид̇ваа акааригам̣ бариязсанд̇и, акааригам̣ лабхид̇ваа кааригам̣ бариязсанд̇и; ламб̣игам̣ лабхид̇ваа гасаавам̣ бариязсанд̇и , гасаавам̣ лабхид̇ваа ламб̣игам̣ бариязсанд̇и; саад̣̇ум̣ лабхид̇ваа асаад̣̇ум̣ бариязсанд̇и, асаад̣̇ум̣ лабхид̇ваа саад̣̇ум̣ бариязсанд̇и; сийд̇ам̣ лабхид̇ваа ун̣хам̣ бариязсанд̇и, ун̣хам̣ лабхид̇ваа сийд̇ам̣ бариязсанд̇и. д̇з яам̣ яам̣ лабхид̇ваа д̇зна д̇зна на санд̇уссанд̇и абараабарам̣ бариязсанд̇и, манаабигзсу расзсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаа. яассзсаа расад̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со бадисан̇каа яонисо аахаарам̣ аахаарзд̇и – ‘‘нзва д̣̇авааяа на мад̣̇ааяа на ман̣д̣анааяа на вибхуусанааяа, яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа. ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаа’’д̇и.

Aviruddhoca taṇhāya, rasesu nānugijjhatīti. Viruddhoti yo cittassa āghāto paṭighāto, paṭighaṃ paṭivirodho, kopo pakopo sampakopo, doso padoso sampadoso, cittassa byāpatti manopadoso, kodho kujjhanā kujjhitattaṃ, doso dussanā dussitattaṃ, byāpatti byāpajjanā byāpajjitattaṃ virodho paṭivirodho, caṇḍikkaṃ, asuropo, anattamanatā cittassa – ayaṃ vuccati virodho. Yasseso virodho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati aviruddho. Taṇhāti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā. Rasoti mūlaraso khandharaso tacaraso pattaraso puppharaso phalaraso, ambilaṃ madhuraṃ tittakaṃ kaṭukaṃ loṇikaṃ khārikaṃ lambikaṃ ⁴⁴ kasāvo sādu asādu sītaṃ uṇhaṃ. Santeke samaṇabrāhmaṇā rasagiddhā. Te jivhaggena rasaggāni pariyesantā āhiṇḍanti, te ambilaṃ labhitvā anambilaṃ pariyesanti, anambilaṃ labhitvā ambilaṃ pariyesanti; madhuraṃ labhitvā amadhuraṃ pariyesanti, amadhuraṃ labhitvā madhuraṃ pariyesanti; tittakaṃ labhitvā atittakaṃ pariyesanti, atittakaṃ labhitvā tittakaṃ pariyesanti; kaṭukaṃ labhitvā akaṭukaṃ pariyesanti, akaṭukaṃ labhitvā kaṭukaṃ pariyesanti; loṇikaṃ labhitvā aloṇikaṃ pariyesanti, aloṇikaṃ labhitvā loṇikaṃ pariyesanti; khārikaṃ labhitvā akhārikaṃ pariyesanti, akhārikaṃ labhitvā khārikaṃ pariyesanti; lambikaṃ labhitvā kasāvaṃ pariyesanti , kasāvaṃ labhitvā lambikaṃ pariyesanti; sāduṃ labhitvā asāduṃ pariyesanti, asāduṃ labhitvā sāduṃ pariyesanti; sītaṃ labhitvā uṇhaṃ pariyesanti, uṇhaṃ labhitvā sītaṃ pariyesanti. Te yaṃ yaṃ labhitvā tena tena na santussanti aparāparaṃ pariyesanti, manāpikesu rasesu rattā giddhā gadhitā mucchitā ajjhosannā laggā laggitā palibuddhā. Yassesā rasataṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so paṭisaṅkhā yoniso āhāraṃ āhāreti – ‘‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya. Iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’’ti.

яат̇аа ванам̣ аалимбзяяа яаавад̣̇зва робанад̇т̇ааяа, яат̇аа ваа бана агкам̣ аб̣бхан̃ж̇зяяа яаавад̣̇зва бхаарасса нид̇т̇аран̣ад̇т̇ааяа, яат̇аа ваа бана буд̇д̇амам̣сам̣ аахаарам̣ аахарзяяа яаавад̣̇зва ганд̇аарасса нид̇т̇аран̣ад̇т̇ааяа; звамзва бхигку бадисан̇каа яонисо аахаарам̣ аахаарзд̇и – ‘‘нзва д̣̇авааяа…бз… паасувихааро жаа’’д̇и. расад̇ан̣хам̣ баж̇ахад̇и винод̣̇зд̇и б̣яанд̇им̣ гарод̇и анабхаавам̣ г̇амзд̇и, расад̇ан̣хааяа аарад̇о асса вирад̇о бадивирад̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – авируд̣̇д̇хо жа д̇ан̣хааяа расзсу наануг̇иж̇жхад̇и.

Yathā vanaṃ ālimpeyya yāvadeva ropanatthāya, yathā vā pana akkhaṃ abbhañjeyya yāvadeva bhārassa nittharaṇatthāya, yathā vā pana puttamaṃsaṃ āhāraṃ āhareyya yāvadeva kantārassa nittharaṇatthāya; evameva bhikkhu paṭisaṅkhā yoniso āhāraṃ āhāreti – ‘‘neva davāya…pe… phāsuvihāro cā’’ti. Rasataṇhaṃ pajahati vinodeti byantiṃ karoti anabhāvaṃ gameti, rasataṇhāya ārato assa virato paṭivirato nikkhanto nissaṭo vippamutto visaññutto vimariyādikatena cetasā viharatīti – aviruddho ca taṇhāya rasesu nānugijjhati.

д̇знааха бхаг̇аваа –

Tenāha bhagavā –

‘‘лаабхагамяаа на сигкад̇и, алаабхз жа на губбад̇и;

‘‘Lābhakamyā na sikkhati, alābhe ca na kuppati;

авируд̣̇д̇хо жа д̇ан̣хааяа, расзсу наануг̇иж̇жхад̇ий’’д̇и.

Aviruddho ca taṇhāya, rasesu nānugijjhatī’’ti.

90.

убзгкаго сад̣̇аа сад̇о, на логз ман̃н̃ад̇з самам̣;

Upekkhako sadā sato, na loke maññate samaṃ;

на висзсий на нийжзяяо, д̇асса но санд̇и уссад̣̇аа.

Na visesī na nīceyyo, tassa no santi ussadā.

убзгкаго сад̣̇аа сад̇од̇и. убзгкагод̇и чал̣ан̇г̇убзгкааяа саманнааг̇ад̇о. жагкунаа руубам̣ д̣̇исваа нзва сумано ход̇и на д̣̇уммано, убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа нзва сумано ход̇и на д̣̇уммано, убзгкаго вихарад̇и сад̇о самбаж̇аано. жагкунаа руубам̣ д̣̇исваа манаабам̣ наабхиг̇иж̇жхад̇и наабхихам̣сад̇и ⁴⁵ на рааг̇ам̣ ж̇анзд̇и, д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. жагкунаа ко банзва руубам̣ д̣̇исваа аманаабам̣ на ман̇гу ход̇и аббад̇идтид̇ажид̇д̇о ⁴⁶ алийнаманасо ⁴⁷ аб̣яаабаннажзд̇асо, д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа манаабам̣ наабхиг̇иж̇жхад̇и наабхихам̣сад̇и на рааг̇ам̣ ж̇анзд̇и, д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. манасаа ко банзва д̇хаммам̣ вин̃н̃ааяа аманаабам̣ на ман̇гу ход̇и аббад̇идтид̇ажид̇д̇о алийнаманасо аб̣яаабаннажзд̇асо, д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣.

Upekkhako sadā satoti. Upekkhakoti chaḷaṅgupekkhāya samannāgato. Cakkhunā rūpaṃ disvā neva sumano hoti na dummano, upekkhako viharati sato sampajāno. Sotena saddaṃ sutvā…pe… manasā dhammaṃ viññāya neva sumano hoti na dummano, upekkhako viharati sato sampajāno. Cakkhunā rūpaṃ disvā manāpaṃ nābhigijjhati nābhihaṃsati ⁴⁸ na rāgaṃ janeti, tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Cakkhunā kho paneva rūpaṃ disvā amanāpaṃ na maṅku hoti appatiṭṭhitacitto ⁴⁹ alīnamanaso ⁵⁰ abyāpannacetaso, tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya manāpaṃ nābhigijjhati nābhihaṃsati na rāgaṃ janeti, tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Manasā kho paneva dhammaṃ viññāya amanāpaṃ na maṅku hoti appatiṭṭhitacitto alīnamanaso abyāpannacetaso, tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ.

жагкунаа руубам̣ д̣̇исваа манаабааманаабзсу руубзсу д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа манаабааманаабзсу д̇хаммзсу д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣.

Cakkhunā rūpaṃ disvā manāpāmanāpesu rūpesu tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Sotena saddaṃ sutvā…pe… manasā dhammaṃ viññāya manāpāmanāpesu dhammesu tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ.

жагкунаа руубам̣ д̣̇исваа раж̇анийяз на раж̇ж̇ад̇и, д̣̇уссанийяз ⁵¹ на д̣̇уссад̇и, моханийяз на муяхад̇и, гобанийяз на губбад̇и, мад̣̇анийяз на маж̇ж̇ад̇и, гилзсанийяз на гилиссад̇и. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа раж̇анийяз на раж̇ж̇ад̇и д̣̇уссанийяз на д̣̇уссад̇и, моханийяз на муяхад̇и, гобанийяз на губбад̇и, мад̣̇анийяз на маж̇ж̇ад̇и, гилзсанийяз на гилиссад̇и. д̣̇идтз д̣̇идтамад̇д̇о, суд̇з суд̇амад̇д̇о, муд̇з муд̇амад̇д̇о, вин̃н̃аад̇з вин̃н̃аад̇амад̇д̇о. д̣̇идтз на лимбад̇и, суд̇з на лимбад̇и, муд̇з на лимбад̇и, вин̃н̃аад̇з на лимбад̇и. д̣̇идтз ануубаяо анабааяо аниссид̇о аббадиб̣ад̣̇д̇хо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇и. суд̇з… муд̇з… вин̃н̃аад̇з ануубаяо анабааяо аниссид̇о аббадиб̣ад̣̇д̇хо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇и.

Cakkhunā rūpaṃ disvā rajanīye na rajjati, dussanīye ⁵² na dussati, mohanīye na muyhati, kopanīye na kuppati, madanīye na majjati, kilesanīye na kilissati. Sotena saddaṃ sutvā…pe… manasā dhammaṃ viññāya rajanīye na rajjati dussanīye na dussati, mohanīye na muyhati, kopanīye na kuppati, madanīye na majjati, kilesanīye na kilissati. Diṭṭhe diṭṭhamatto, sute sutamatto, mute mutamatto, viññāte viññātamatto. Diṭṭhe na limpati, sute na limpati, mute na limpati, viññāte na limpati. Diṭṭhe anūpayo anapāyo anissito appaṭibaddho vippamutto visaññutto vimariyādikatena cetasā viharati. Sute… mute… viññāte anūpayo anapāyo anissito appaṭibaddho vippamutto visaññutto vimariyādikatena cetasā viharati.

сам̣виж̇ж̇ад̇и арахад̇о жагку, бассад̇и арахаа жагкунаа руубам̣. чанд̣̇арааг̇о арахад̇о над̇т̇и, сувимуд̇д̇ажид̇д̇о арахаа. сам̣виж̇ж̇ад̇и арахад̇о сод̇ам̣, сун̣аад̇и арахаа сод̇зна сад̣̇д̣̇ам̣. чанд̣̇арааг̇о арахад̇о над̇т̇и, сувимуд̇д̇ажид̇д̇о арахаа. сам̣виж̇ж̇ад̇и арахад̇о гхаанам̣, гхааяад̇и арахаа гхаанзна г̇анд̇хам̣. чанд̣̇арааг̇о арахад̇о над̇т̇и, сувимуд̇д̇ажид̇д̇о арахаа. сам̣виж̇ж̇ад̇и арахад̇о ж̇ивхаа, сааяад̇и арахаа ж̇ивхааяа расам̣…бз… сам̣виж̇ж̇ад̇и арахад̇о гааяо, пусад̇и арахаа гааязна подтаб̣б̣ам̣…бз… сам̣виж̇ж̇ад̇и арахад̇о мано, виж̇аанаад̇и арахаа манасаа д̇хаммам̣. чанд̣̇арааг̇о арахад̇о над̇т̇и сувимуд̇д̇ажид̇д̇о арахаа.

Saṃvijjati arahato cakkhu, passati arahā cakkhunā rūpaṃ. Chandarāgo arahato natthi, suvimuttacitto arahā. Saṃvijjati arahato sotaṃ, suṇāti arahā sotena saddaṃ. Chandarāgo arahato natthi, suvimuttacitto arahā. Saṃvijjati arahato ghānaṃ, ghāyati arahā ghānena gandhaṃ. Chandarāgo arahato natthi, suvimuttacitto arahā. Saṃvijjati arahato jivhā, sāyati arahā jivhāya rasaṃ…pe… saṃvijjati arahato kāyo, phusati arahā kāyena phoṭṭhabbaṃ…pe… saṃvijjati arahato mano, vijānāti arahā manasā dhammaṃ. Chandarāgo arahato natthi suvimuttacitto arahā.

жагку руубаараамам̣ руубарад̇ам̣ руубасаммуд̣̇ид̇ам̣, д̇ам̣ арахад̇о д̣̇анд̇ам̣ г̇уд̇д̇ам̣ рагкид̇ам̣ сам̣вуд̇ам̣, д̇асса жа сам̣варааяа д̇хаммам̣ д̣̇зсзд̇и. сод̇ам̣ сад̣̇д̣̇аараамам̣…бз… гхаанам̣ г̇анд̇хаараамам̣… ж̇ивхаа расаараамаа расарад̇аа расасаммуд̣̇ид̇аа, саа арахад̇о д̣̇анд̇аа г̇уд̇д̇аа рагкид̇аа сам̣вуд̇аа, д̇ассаа жа сам̣варааяа д̇хаммам̣ д̣̇зсзд̇и. гааяо подтаб̣б̣аараамо…бз… мано д̇хаммаараамо д̇хаммарад̇о д̇хаммасаммуд̣̇ид̇о, со арахад̇о д̣̇анд̇о г̇уд̇д̇о рагкид̇о сам̣вуд̇о, д̇асса жа сам̣варааяа д̇хаммам̣ д̣̇зсзд̇и.

Cakkhu rūpārāmaṃ rūparataṃ rūpasammuditaṃ, taṃ arahato dantaṃ guttaṃ rakkhitaṃ saṃvutaṃ, tassa ca saṃvarāya dhammaṃ deseti. Sotaṃ saddārāmaṃ…pe… ghānaṃ gandhārāmaṃ… jivhā rasārāmā rasaratā rasasammuditā, sā arahato dantā guttā rakkhitā saṃvutā, tassā ca saṃvarāya dhammaṃ deseti. Kāyo phoṭṭhabbārāmo…pe… mano dhammārāmo dhammarato dhammasammudito, so arahato danto gutto rakkhito saṃvuto, tassa ca saṃvarāya dhammaṃ deseti.

‘‘д̣̇анд̇ам̣ наяанд̇и самид̇им̣, д̣̇анд̇ам̣ рааж̇аабхируухад̇и;

‘‘Dantaṃ nayanti samitiṃ, dantaṃ rājābhirūhati;

д̣̇анд̇о сздто мануссзсу, яод̇иваагяам̣ д̇ид̇игкад̇и.

Danto seṭṭho manussesu, yotivākyaṃ titikkhati.

‘‘варамассад̇араа д̣̇анд̇аа, ааж̇аанийяаа жа ⁵³ синд̇хаваа;

‘‘Varamassatarā dantā, ājānīyā ca ⁵⁴ sindhavā;

гун̃ж̇араа жа махаанааг̇аа, ад̇д̇ад̣̇анд̇о д̇ад̇о варам̣.

Kuñjarā ca mahānāgā, attadanto tato varaṃ.

‘‘на хи зд̇зхи яаанзхи, г̇ажчзяяа аг̇ад̇ам̣ д̣̇исам̣;

‘‘Na hi etehi yānehi, gaccheyya agataṃ disaṃ;

яат̇аад̇д̇анаа суд̣̇анд̇зна, д̣̇анд̇о д̣̇анд̇зна г̇ажчад̇и.

Yathāttanā sudantena, danto dantena gacchati.

‘‘вид̇хаасу на вигамбанд̇и, виббамуд̇д̇аа бунаб̣бхаваа;

‘‘Vidhāsu na vikampanti, vippamuttā punabbhavā;

д̣̇анд̇абхуумимануббад̇д̇аа, д̇з логз виж̇ид̇аавино.

Dantabhūmimanuppattā, te loke vijitāvino.

‘‘яассинд̣̇рияаани бхаавид̇аани ⁵⁵, аж̇жхад̇д̇ам̣ б̣ахид̣̇д̇хаа жа ⁵⁶ саб̣б̣алогз;

‘‘Yassindriyāni bhāvitāni ⁵⁷, ajjhattaṃ bahiddhā ca ⁵⁸ sabbaloke;

ниб̣б̣иж̇жха имам̣ ⁵⁹ баран̃жа логам̣, гаалам̣ ган̇кад̇и бхаавид̇о са д̣̇анд̇о’’д̇и.

Nibbijjha imaṃ ⁶⁰ parañca lokaṃ, kālaṃ kaṅkhati bhāvito sa danto’’ti.

убзгкаго сад̣̇аад̇и. сад̣̇аа саб̣б̣ад̣̇аа саб̣б̣агаалам̣ нижжагаалам̣ д̇хувагаалам̣…бз… бажчимз ваяоканд̇хз. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о, взд̣̇анаасу… жид̇д̇з… д̇хаммзсу д̇хаммаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇од̇и – убзгкаго сад̣̇аа сад̇о.

Upekkhako sadāti. Sadā sabbadā sabbakālaṃ niccakālaṃ dhuvakālaṃ…pe… pacchime vayokhandhe. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu… citte… dhammesu dhammānupassanāsatipaṭṭhānaṃ bhāvento sato…pe… so vuccati satoti – upekkhako sadā sato.

на логз ман̃н̃ад̇з саманд̇и. ‘‘сад̣̇исохамасмий’’д̇и маанам̣ на ж̇анзд̇и ж̇аад̇ияаа ваа г̇од̇д̇зна ваа…бз… ан̃н̃ад̇аран̃н̃ад̇арзна ваа вад̇т̇унаад̇и – на логз ман̃н̃ад̇з самам̣.

Na loke maññate samanti. ‘‘Sadisohamasmī’’ti mānaṃ na janeti jātiyā vā gottena vā…pe… aññataraññatarena vā vatthunāti – na loke maññate samaṃ.

на висзсий на нийжзяяод̇и. ‘‘сзяяохамасмий’’д̇и ад̇имаанам̣ на ж̇анзд̇и ж̇аад̇ияаа ваа г̇од̇д̇зна ваа…бз… ан̃н̃ад̇аран̃н̃ад̇арзна ваа вад̇т̇унаа . ‘‘хийнохамасмий’’д̇и омаанам̣ на ж̇анзд̇и ж̇аад̇ияаа ваа г̇од̇д̇зна ваа…бз… ан̃н̃ад̇аран̃н̃ад̇арзна ваа вад̇т̇унаад̇и – на висзсий на нийжзяяо.

Na visesī na nīceyyoti. ‘‘Seyyohamasmī’’ti atimānaṃ na janeti jātiyā vā gottena vā…pe… aññataraññatarena vā vatthunā . ‘‘Hīnohamasmī’’ti omānaṃ na janeti jātiyā vā gottena vā…pe… aññataraññatarena vā vatthunāti – na visesī na nīceyyo.

д̇асса но санд̇и уссад̣̇аад̇и. д̇ассаад̇и арахад̇о кийн̣аасавасса. уссад̣̇аад̇и сад̇д̇уссад̣̇аа – рааг̇уссад̣̇о д̣̇осуссад̣̇о мохуссад̣̇о маануссад̣̇о д̣̇идтуссад̣̇о гилзсуссад̣̇о гаммуссад̣̇о. д̇ассимз уссад̣̇аа над̇т̇и на санд̇и на сам̣виж̇ж̇анд̇и нубалаб̣бханд̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – д̇асса но санд̇и уссад̣̇аа.

Tassa no santi ussadāti. Tassāti arahato khīṇāsavassa. Ussadāti sattussadā – rāgussado dosussado mohussado mānussado diṭṭhussado kilesussado kammussado. Tassime ussadā natthi na santi na saṃvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – tassa no santi ussadā.

д̇знааха бхаг̇аваа –

Tenāha bhagavā –

‘‘убзгкаго сад̣̇аа сад̇о, на логз ман̃н̃ад̇з самам̣;

‘‘Upekkhako sadā sato, na loke maññate samaṃ;

на висзсий на нийжзяяо, д̇асса но санд̇и уссад̣̇аа’’д̇и.

Na visesī na nīceyyo, tassa no santi ussadā’’ti.

91.

яасса ниссаяад̇аа ⁶¹ над̇т̇и, н̃ад̇ваа д̇хаммам̣ аниссид̇о;

Yassanissayatā⁶²natthi, ñatvā dhammaṃ anissito;

бхавааяа вибхавааяа ваа, д̇ан̣хаа яасса на виж̇ж̇ад̇и.

Bhavāya vibhavāya vā, taṇhā yassa na vijjati.

яасса ниссаяад̇аа над̇т̇ийд̇и. яассаад̇и арахад̇о кийн̣аасавасса. ниссаяаад̇и д̣̇вз ниссаяаа – д̇ан̣хааниссаяо жа д̣̇идтиниссаяо жа…бз… аяам̣ д̇ан̣хааниссаяо…бз… аяам̣ д̣̇идтиниссаяо . д̇асса д̇ан̣хааниссаяо бахийно, д̣̇идтиниссаяо бадиниссадто; д̇ан̣хааниссаяасса бахийнад̇д̇аа д̣̇идтиниссаяасса бадиниссадтад̇д̇аа ниссаяад̇аа яасса над̇т̇и на санд̇и на сам̣виж̇ж̇ад̇и нубалаб̣бхад̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – яасса ниссаяад̇аа над̇т̇и.

Yassanissayatā natthīti. Yassāti arahato khīṇāsavassa. Nissayāti dve nissayā – taṇhānissayo ca diṭṭhinissayo ca…pe… ayaṃ taṇhānissayo…pe… ayaṃ diṭṭhinissayo . Tassa taṇhānissayo pahīno, diṭṭhinissayo paṭinissaṭṭho; taṇhānissayassa pahīnattā diṭṭhinissayassa paṭinissaṭṭhattā nissayatā yassa natthi na santi na saṃvijjati nupalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – yassa nissayatā natthi.

н̃ад̇ваа д̇хаммам̣ аниссид̇од̇и. н̃ад̇ваад̇и н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа анижжаа’’д̇и н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа д̣̇угкаа’’д̇и… ‘‘саб̣б̣з д̇хаммаа анад̇д̇аа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇нд̇д̇и н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. аниссид̇од̇и д̣̇вз ниссаяаа – д̇ан̣хааниссаяо жа д̣̇идтиниссаяо жа…бз… аяам̣ д̇ан̣хааниссаяо…бз… аяам̣ д̣̇идтиниссаяо. д̇ан̣хааниссаяам̣ бахааяа д̣̇идтиниссаяам̣ бадиниссаж̇ж̇ид̇ваа жагкум̣ аниссид̇о, сод̇ам̣ аниссид̇о, гхаанам̣ аниссид̇о, ж̇ивхам̣ аниссид̇о, гааяам̣ аниссид̇о, манам̣ аниссид̇о, руубз… сад̣̇д̣̇з… г̇анд̇хз… расз… подтаб̣б̣з… гулам̣… г̇ан̣ам̣… ааваасам̣…бз… д̣̇идтасуд̇амуд̇авин̃н̃аад̇аб̣б̣з д̇хаммз аниссид̇о аналлийно анубаг̇ад̇о анаж̇жхосид̇о анад̇химуд̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – н̃ад̇ваа д̇хаммам̣ аниссид̇о.

Ñatvādhammaṃ anissitoti. Ñatvāti ñatvā jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā aniccā’’ti ñatvā jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā dukkhā’’ti… ‘‘sabbe dhammā anattā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’ntntti ñatvā jānitvā tulayitvā tīrayitvā vibhāvayitvā vibhūtaṃ katvā. Anissitoti dve nissayā – taṇhānissayo ca diṭṭhinissayo ca…pe… ayaṃ taṇhānissayo…pe… ayaṃ diṭṭhinissayo. Taṇhānissayaṃ pahāya diṭṭhinissayaṃ paṭinissajjitvā cakkhuṃ anissito, sotaṃ anissito, ghānaṃ anissito, jivhaṃ anissito, kāyaṃ anissito, manaṃ anissito, rūpe… sadde… gandhe… rase… phoṭṭhabbe… kulaṃ… gaṇaṃ… āvāsaṃ…pe… diṭṭhasutamutaviññātabbe dhamme anissito anallīno anupagato anajjhosito anadhimutto nikkhanto nissaṭo vippamutto visaññutto vimariyādikatena cetasā viharatīti – ñatvā dhammaṃ anissito.

бхавааяа вибхавааяа ваа, д̇ан̣хаа яасса на виж̇ж̇ад̇ийд̇и. д̇ан̣хаад̇и руубад̇ан̣хаа сад̣̇д̣̇ад̇ан̣хаа г̇анд̇хад̇ан̣хаа расад̇ан̣хаа подтаб̣б̣ад̇ан̣хаа д̇хаммад̇ан̣хаа. яассаад̇и арахад̇о кийн̣аасавасса. бхавааяаад̇и бхавад̣̇идтияаа, вибхавааяаад̇и вибхавад̣̇идтияаа; бхавааяаад̇и сассад̇ад̣̇идтияаа, вибхавааяаад̇и ужчзд̣̇ад̣̇идтияаа; бхавааяаад̇и бунаббунабхавааяа бунаббунаг̇ад̇ияаа бунаббунаубабад̇д̇ияаа бунаббунабадисанд̇хияаа бунаббунаад̇д̇абхааваабхиниб̣б̣ад̇д̇ияаа . д̇ан̣хаа яасса над̇т̇и на санд̇и на сам̣виж̇ж̇ад̇и нубалаб̣бхад̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – бхавааяа вибхавааяа ваа д̇ан̣хаа яасса на виж̇ж̇ад̇и.

Bhavāya vibhavāya vā, taṇhā yassa na vijjatīti. Taṇhāti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā. Yassāti arahato khīṇāsavassa. Bhavāyāti bhavadiṭṭhiyā, vibhavāyāti vibhavadiṭṭhiyā; bhavāyāti sassatadiṭṭhiyā, vibhavāyāti ucchedadiṭṭhiyā; bhavāyāti punappunabhavāya punappunagatiyā punappunaupapattiyā punappunapaṭisandhiyā punappunaattabhāvābhinibbattiyā . Taṇhā yassa natthi na santi na saṃvijjati nupalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – bhavāya vibhavāya vā taṇhā yassa na vijjati.

д̇знааха бхаг̇аваа –

Tenāha bhagavā –

‘‘яасса ниссаяад̇аа над̇т̇и, н̃ад̇ваа д̇хаммам̣ аниссид̇о;

‘‘Yassa nissayatā natthi, ñatvā dhammaṃ anissito;

бхавааяа вибхавааяа ваа, д̇ан̣хаа яасса на виж̇ж̇ад̇ий’’д̇и.

Bhavāya vibhavāya vā, taṇhā yassa na vijjatī’’ti.

92.

д̇ам̣ б̣рууми убасанд̇од̇и, гаамзсу анабзгкинам̣;

Taṃbrūmi upasantoti, kāmesu anapekkhinaṃ;

г̇ант̇аа д̇асса на виж̇ж̇анд̇и, ад̇арий со висад̇д̇игам̣.

Ganthā tassa na vijjanti, atarī so visattikaṃ.

д̇ам̣ б̣рууми убасанд̇од̇и. убасанд̇о вуубасанд̇о ниб̣б̣уд̇о бадибассад̣̇д̇ход̇и. д̇ам̣ б̣рууми д̇ам̣ гат̇зми д̇ам̣ бхан̣аами д̇ам̣ д̣̇ийбаяаами д̇ам̣ вохараамийд̇и – д̇ам̣ б̣рууми убасанд̇од̇и.

Taṃ brūmi upasantoti. Upasanto vūpasanto nibbuto paṭipassaddhoti. Taṃ brūmi taṃ kathemi taṃ bhaṇāmi taṃ dīpayāmi taṃ voharāmīti – taṃ brūmi upasantoti.

гаамзсу анабзгкинанд̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. вад̇т̇угаамз бариж̇аанид̇ваа, гилзсагаамз бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амзд̇ваа гаамзсу анабзгкино вийд̇агаамо жад̇д̇агаамо ванд̇агаамо муд̇д̇агаамо бахийнагаамо бадиниссадтагаамо, гаамзсу вийд̇арааг̇о виг̇ад̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о нижчаад̇о ниб̣б̣уд̇о сийд̇ибхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇ийд̇и – гаамзсу анабзгкинам̣.

Kāmesu anapekkhinanti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Vatthukāme parijānitvā, kilesakāme pahāya pajahitvā vinodetvā byantiṃ karitvā anabhāvaṃ gametvā kāmesu anapekkhino vītakāmo cattakāmo vantakāmo muttakāmo pahīnakāmo paṭinissaṭṭhakāmo, kāmesu vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharatīti – kāmesu anapekkhinaṃ.

г̇ант̇аа д̇асса на виж̇ж̇анд̇ийд̇и. г̇ант̇аад̇и жад̇д̇ааро г̇ант̇аа – абхиж̇жхаа гааяаг̇ант̇о, б̣яаабаад̣̇о гааяаг̇ант̇о, сийлаб̣б̣ад̇абараамаасо гааяаг̇ант̇о, ид̣̇ам̣сажжаабхинивзсо гааяаг̇ант̇о. ад̇д̇ано д̣̇идтияаа рааг̇о абхиж̇жхаа гааяаг̇ант̇о, бараваад̣̇зсу аагхаад̇о аббажжаяо б̣яаабаад̣̇о гааяаг̇ант̇о, ад̇д̇ано сийлам̣ ваа вад̇ам̣ ваа сийлаб̣б̣ад̇ам̣ ваа бараамаасо сийлаб̣б̣ад̇абараамаасо гааяаг̇ант̇о, ад̇д̇ано д̣̇идти ид̣̇ам̣сажжаабхинивзсо гааяаг̇ант̇о. д̇ассаад̇и арахад̇о кийн̣аасавасса. г̇ант̇аа д̇асса на виж̇ж̇анд̇ийд̇и. г̇ант̇аа д̇асса над̇т̇и на санд̇и на сам̣виж̇ж̇анд̇и нубалаб̣бханд̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – г̇ант̇аа д̇асса на виж̇ж̇анд̇и.

Ganthātassa na vijjantīti. Ganthāti cattāro ganthā – abhijjhā kāyagantho, byāpādo kāyagantho, sīlabbataparāmāso kāyagantho, idaṃsaccābhiniveso kāyagantho. Attano diṭṭhiyā rāgo abhijjhā kāyagantho, paravādesu āghāto appaccayo byāpādo kāyagantho, attano sīlaṃ vā vataṃ vā sīlabbataṃ vā parāmāso sīlabbataparāmāso kāyagantho, attano diṭṭhi idaṃsaccābhiniveso kāyagantho. Tassāti arahato khīṇāsavassa. Ganthā tassa na vijjantīti. Ganthā tassa natthi na santi na saṃvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – ganthā tassa na vijjanti.

ад̇арий со висад̇д̇иганд̇и. висад̇д̇игаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. висад̇д̇игаад̇и гзнадтзна висад̇д̇игаа ? висад̇аад̇и висад̇д̇игаа, висаалаад̇и висад̇д̇игаа, висадаад̇и висад̇д̇игаа, висамаад̇и висад̇д̇игаа, висаггад̇ийд̇и висад̇д̇игаа, висам̣харад̇ийд̇и висад̇д̇игаа, висам̣ваад̣̇игаад̇и висад̇д̇игаа, висамуулаад̇и висад̇д̇игаа, висапалаад̇и висад̇д̇игаа, висабарибхог̇аад̇и висад̇д̇игаа, висаалаа ваа бана саа д̇ан̣хаа руубз… сад̣̇д̣̇з… г̇анд̇хз… расз… подтаб̣б̣з… гулз… г̇ан̣з… ааваасз…бз… д̣̇идтасуд̇амуд̇авин̃н̃аад̇аб̣б̣зсу д̇хаммзсу висад̇ам̣ вид̇т̇ад̇аад̇и висад̇д̇игаа. ад̇арий со висад̇д̇иганд̇и. со имам̣ висад̇д̇игам̣ д̇ан̣хам̣ ад̇ари уд̇д̇ари бад̇ари самад̇иггами вийд̇ивад̇д̇ийд̇и – ад̇арий со висад̇д̇игам̣.

Atarī so visattikanti. Visattikā vuccati taṇhā. Yo rāgo sārāgo…pe… abhijjhā lobho akusalamūlaṃ. Visattikāti kenaṭṭhena visattikā ? Visatāti visattikā, visālāti visattikā, visaṭāti visattikā, visamāti visattikā, visakkatīti visattikā, visaṃharatīti visattikā, visaṃvādikāti visattikā, visamūlāti visattikā, visaphalāti visattikā, visaparibhogāti visattikā, visālā vā pana sā taṇhā rūpe… sadde… gandhe… rase… phoṭṭhabbe… kule… gaṇe… āvāse…pe… diṭṭhasutamutaviññātabbesu dhammesu visataṃ vitthatāti visattikā. Atarī so visattikanti. So imaṃ visattikaṃ taṇhaṃ atari uttari patari samatikkami vītivattīti – atarī so visattikaṃ.

д̇знааха бхаг̇аваа –

Tenāha bhagavā –

‘‘д̇ам̣ б̣рууми убасанд̇од̇и, гаамзсу анабзгкинам̣;

‘‘Taṃ brūmi upasantoti, kāmesu anapekkhinaṃ;

г̇ант̇аа д̇асса на виж̇ж̇анд̇и, ад̇арий со висад̇д̇ига’’нд̇и.

Ganthā tassa na vijjanti, atarī so visattika’’nti.

93.

на д̇асса буд̇д̇аа басаво, кзд̇д̇ам̣ вад̇т̇ун̃жа виж̇ж̇ад̇и;

Na tassa puttā pasavo, khettaṃ vatthuñca vijjati;

ад̇д̇аа вааби нирад̇д̇аа ваа, на д̇асмим̣ убалаб̣бхад̇и.

Attā vāpi nirattā vā, na tasmiṃ upalabbhati.

на д̇асса буд̇д̇аа басаво, кзд̇д̇ам̣ вад̇т̇ун̃жа виж̇ж̇ад̇ийд̇и. наад̇и бадигкзбо. д̇ассаад̇и арахад̇о кийн̣аасавасса. буд̇д̇аад̇и жад̇д̇ааро буд̇д̇аа – ад̇д̇аж̇о буд̇д̇о, кзд̇д̇аж̇о буд̇д̇о, д̣̇иннаго буд̇д̇о , анд̇зваасиго буд̇д̇о. басавод̇и. аж̇зл̣агаа гуггудасуугараа хад̇т̇иг̇ааваассавал̣аваа. кзд̇д̇анд̇и сааликзд̇д̇ам̣ вийхикзд̇д̇ам̣ муг̇г̇акзд̇д̇ам̣ маасакзд̇д̇ам̣ яавакзд̇д̇ам̣ г̇од̇хумакзд̇д̇ам̣ д̇илакзд̇д̇ам̣. вад̇т̇унд̇и гхаравад̇т̇ум̣ годтавад̇т̇ум̣ бурзвад̇т̇ум̣ бажчаавад̇т̇ум̣ аараамавад̇т̇ум̣ вихааравад̇т̇ум̣. на д̇асса буд̇д̇аа басаво, кзд̇д̇ам̣ вад̇т̇ун̃жа виж̇ж̇ад̇ийд̇и. д̇асса буд̇д̇абариг̇г̇ахо ваа басубариг̇г̇ахо ваа кзд̇д̇абариг̇г̇ахо ваа вад̇т̇убариг̇г̇ахо ваа над̇т̇и на санд̇и на сам̣виж̇ж̇анд̇и нубалаб̣бханд̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – на д̇асса буд̇д̇аа басаво, кзд̇д̇ам̣ вад̇т̇ун̃жа виж̇ж̇ад̇и.

Na tassa puttā pasavo, khettaṃ vatthuñca vijjatīti. Nāti paṭikkhepo. Tassāti arahato khīṇāsavassa. Puttāti cattāro puttā – attajo putto, khettajo putto, dinnako putto , antevāsiko putto. Pasavoti. Ajeḷakā kukkuṭasūkarā hatthigāvāssavaḷavā. Khettanti sālikhettaṃ vīhikhettaṃ muggakhettaṃ māsakhettaṃ yavakhettaṃ godhumakhettaṃ tilakhettaṃ. Vatthunti gharavatthuṃ koṭṭhavatthuṃ purevatthuṃ pacchāvatthuṃ ārāmavatthuṃ vihāravatthuṃ. Na tassa puttā pasavo, khettaṃ vatthuñca vijjatīti. Tassa puttapariggaho vā pasupariggaho vā khettapariggaho vā vatthupariggaho vā natthi na santi na saṃvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – na tassa puttā pasavo, khettaṃ vatthuñca vijjati.

ад̇д̇аа вааби нирад̇д̇аа ваа, на д̇асмим̣ убалаб̣бхад̇ийд̇и. ад̇д̇аад̇и ад̇д̇ад̣̇идти, нирад̇д̇аад̇и ужчзд̣̇ад̣̇идти; ад̇д̇аад̇и г̇ахид̇ам̣ над̇т̇и, нирад̇д̇аад̇и мун̃жид̇аб̣б̣ам̣ над̇т̇и. яасса над̇т̇и г̇ахид̇ам̣ д̇асса над̇т̇и мун̃жид̇аб̣б̣ам̣. яасса над̇т̇и мун̃жид̇аб̣б̣ам̣ д̇асса над̇т̇и г̇ахид̇ам̣. г̇аахамун̃жанасамад̇игганд̇о арахаа вуд̣̇д̇хибарихаанивийд̇ивад̇д̇о. со вудтаваасо жин̣н̣ажаран̣о…бз… ж̇аад̇имаран̣асам̣сааро над̇т̇и д̇асса бунаб̣бхавод̇и – ад̇д̇аа вааби нирад̇д̇аа ваа, на д̇асмим̣ убалаб̣бхад̇и.

Attā vāpi nirattā vā, na tasmiṃ upalabbhatīti. Attāti attadiṭṭhi, nirattāti ucchedadiṭṭhi; attāti gahitaṃ natthi, nirattāti muñcitabbaṃ natthi. Yassa natthi gahitaṃ tassa natthi muñcitabbaṃ. Yassa natthi muñcitabbaṃ tassa natthi gahitaṃ. Gāhamuñcanasamatikkanto arahā vuddhiparihānivītivatto. So vuṭṭhavāso ciṇṇacaraṇo…pe… jātimaraṇasaṃsāro natthi tassa punabbhavoti – attā vāpi nirattā vā, na tasmiṃ upalabbhati.

д̇знааха бхаг̇аваа –

Tenāha bhagavā –

‘‘на д̇асса буд̇д̇аа басаво, кзд̇д̇ам̣ вад̇т̇ун̃жа виж̇ж̇ад̇и;

‘‘Na tassa puttā pasavo, khettaṃ vatthuñca vijjati;

ад̇д̇аа вааби нирад̇д̇аа ваа, на д̇асмим̣ убалаб̣бхад̇ий’’д̇и.

Attā vāpi nirattā vā, na tasmiṃ upalabbhatī’’ti.

94.

язна нам̣ важ̇ж̇ум̣ бут̇уж̇ж̇анаа, ат̇о саман̣аб̣раахман̣аа;

Yena naṃ vajjuṃ puthujjanā, atho samaṇabrāhmaṇā;

д̇ам̣ д̇асса абурагкад̇ам̣, д̇асмаа ваад̣̇зсу нзж̇ад̇и.

Taṃ tassa apurakkhataṃ, tasmā vādesu nejati.

язна нам̣ важ̇ж̇ум̣ бут̇уж̇ж̇анаа, ат̇о саман̣аб̣раахман̣аад̇и. бут̇уж̇ж̇анаад̇и бут̇у гилзсз ж̇анзнд̇ийд̇и бут̇уж̇ж̇анаа , бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукуллогигаад̇и ⁶³ бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа, бут̇у наанаабхисан̇каарз абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇аббзнд̇ийд̇и бут̇уж̇ж̇анаа, бут̇у наанаабарил̣аахзхи барид̣аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и – бут̇уж̇ж̇анаа. саман̣аад̇и яз гзжи ид̇о б̣ахид̣̇д̇хаа бариб̣б̣аж̇уубаг̇ад̇аа бариб̣б̣аж̇асамаабаннаа. б̣раахман̣аад̇и яз гзжи бховаад̣̇игаа. язна нам̣ важ̇ж̇ум̣ бут̇уж̇ж̇анаа, ат̇о саман̣аб̣раахман̣аад̇и . бут̇уж̇ж̇анаа язна д̇ам̣ рааг̇зна вад̣̇зяяум̣, язна д̣̇осзна вад̣̇зяяум̣, язна мохзна вад̣̇зяяум̣, язна маанзна вад̣̇зяяум̣, яааяа д̣̇идтияаа вад̣̇зяяум̣, язна уд̣̇д̇хажжзна вад̣̇зяяум̣, яааяа вижигижчааяа вад̣̇зяяум̣, язхи анусаязхи вад̣̇зяяум̣, рад̇д̇од̇и ваа д̣̇удтод̇и ваа муул̣ход̇и ваа виниб̣ад̣̇д̇ход̇и ваа бараамадтод̇и ваа вигкзбаг̇ад̇од̇и ваа анидтан̇г̇ад̇од̇и ваа т̇аамаг̇ад̇од̇и ваа д̇з абхисан̇каараа бахийнаа; абхисан̇каараанам̣ бахийнад̇д̇аа г̇ад̇ияаа ⁶⁴ язна д̇ам̣ вад̣̇зяяум̣ – нзраяигод̇и ваа д̇иражчаанаяонигод̇и ваа бзд̇д̇ивисаяигод̇и ваа мануссод̇и ваа д̣̇звод̇и ваа руубийд̇и ваа аруубийд̇и ваа сан̃н̃ийд̇и ваа асан̃н̃ийд̇и ваа нзвасан̃н̃ийнаасан̃н̃ийд̇и ваа. со хзд̇у над̇т̇и бажжаяо над̇т̇и гааран̣ам̣ над̇т̇и язна нам̣ вад̣̇зяяум̣ гат̇зяяум̣ бхан̣зяяум̣ д̣̇ийбаязяяум̣ вохарзяяунд̇и – язна нам̣ важ̇ж̇ум̣ бут̇уж̇ж̇анаа, ат̇о саман̣аб̣раахман̣аа.

Yena naṃ vajjuṃ puthujjanā, atho samaṇabrāhmaṇāti. Puthujjanāti puthu kilese janentīti puthujjanā , puthu avihatasakkāyadiṭṭhikāti puthujjanā, puthu satthārānaṃ mukhullokikāti ⁶⁵ puthujjanā, puthu sabbagatīhi avuṭṭhitāti puthujjanā, puthu nānābhisaṅkhāre abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santappentīti puthujjanā, puthu nānāpariḷāhehi pariḍayhantīti puthujjanā, puthu pañcasu kāmaguṇesu rattā giddhā gadhitā mucchitā ajjhosannā laggā laggitā palibuddhāti puthujjanā, puthu pañcahi nīvaraṇehi āvutā nivutā ovutā pihitā paṭicchannā paṭikujjitāti – puthujjanā. Samaṇāti ye keci ito bahiddhā paribbajūpagatā paribbajasamāpannā. Brāhmaṇāti ye keci bhovādikā. Yena naṃ vajjuṃ puthujjanā, atho samaṇabrāhmaṇāti . Puthujjanā yena taṃ rāgena vadeyyuṃ, yena dosena vadeyyuṃ, yena mohena vadeyyuṃ, yena mānena vadeyyuṃ, yāya diṭṭhiyā vadeyyuṃ, yena uddhaccena vadeyyuṃ, yāya vicikicchāya vadeyyuṃ, yehi anusayehi vadeyyuṃ, rattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti vā thāmagatoti vā te abhisaṅkhārā pahīnā; abhisaṅkhārānaṃ pahīnattā gatiyā ⁶⁶ yena taṃ vadeyyuṃ – nerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā. So hetu natthi paccayo natthi kāraṇaṃ natthi yena naṃ vadeyyuṃ katheyyuṃ bhaṇeyyuṃ dīpayeyyuṃ vohareyyunti – yena naṃ vajjuṃ puthujjanā, atho samaṇabrāhmaṇā.

д̇ам̣ д̇асса абурагкад̇анд̇и. д̇ассаад̇и арахад̇о кийн̣аасавасса. бурзгкаараад̇и д̣̇вз бурзгкаараа – д̇ан̣хаабурзгкааро жа д̣̇идтибурзгкааро жа…бз… аяам̣ д̇ан̣хаабурзгкааро…бз… аяам̣ д̣̇идтибурзгкааро. д̇асса д̇ан̣хаабурзгкааро бахийно, д̣̇идтибурзгкааро бадиниссадто; д̇ан̣хаабурзгкаарасса бахийнад̇д̇аа, д̣̇идтибурзгкаарасса бадиниссадтад̇д̇аа на д̇ан̣хам̣ ваа д̣̇идтим̣ ваа бурад̇о гад̇ваа жарад̇и, на д̇ан̣хаад̇хаж̇о на д̇ан̣хаагзд̇у на д̇ан̣хаад̇хибад̇зяяо, на д̣̇идтид̇хаж̇о на д̣̇идтигзд̇у на д̣̇идтаад̇хибад̇зяяо, на д̇ан̣хааяа ваа на д̣̇идтияаа ваа бариваарид̇о жарад̇ийд̇и – д̇ам̣ д̇асса абурагкад̇ам̣.

Taṃ tassa apurakkhatanti. Tassāti arahato khīṇāsavassa. Purekkhārāti dve purekkhārā – taṇhāpurekkhāro ca diṭṭhipurekkhāro ca…pe… ayaṃ taṇhāpurekkhāro…pe… ayaṃ diṭṭhipurekkhāro. Tassa taṇhāpurekkhāro pahīno, diṭṭhipurekkhāro paṭinissaṭṭho; taṇhāpurekkhārassa pahīnattā, diṭṭhipurekkhārassa paṭinissaṭṭhattā na taṇhaṃ vā diṭṭhiṃ vā purato katvā carati, na taṇhādhajo na taṇhāketu na taṇhādhipateyyo, na diṭṭhidhajo na diṭṭhiketu na diṭṭhādhipateyyo, na taṇhāya vā na diṭṭhiyā vā parivārito caratīti – taṃ tassa apurakkhataṃ.

д̇асмаа ваад̣̇зсу нзж̇ад̇ийд̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа ваад̣̇зсу убаваад̣̇зсу нинд̣̇ааяа г̇арахааяа агид̇д̇ияаа аван̣н̣ахааригааяа нзж̇ад̇и на ин̃ж̇ад̇и на жалад̇и на взд̇хад̇и наббавзд̇хад̇и на самбавзд̇хад̇ийд̇и – д̇асмаа ваад̣̇зсу нзж̇ад̇и.

Tasmā vādesu nejatīti. Tasmāti tasmā taṃkāraṇā taṃhetu tappaccayā taṃnidānā vādesu upavādesu nindāya garahāya akittiyā avaṇṇahārikāya nejati na iñjati na calati na vedhati nappavedhati na sampavedhatīti – tasmā vādesu nejati.

д̇знааха бхаг̇аваа –

Tenāha bhagavā –

‘‘язна нам̣ важ̇ж̇ум̣ бут̇уж̇ж̇анаа, ат̇о саман̣аб̣раахман̣аа;

‘‘Yena naṃ vajjuṃ puthujjanā, atho samaṇabrāhmaṇā;

д̇ам̣ д̇асса абурагкад̇ам̣, д̇асмаа ваад̣̇зсу нзж̇ад̇ий’’д̇и.

Taṃ tassa apurakkhataṃ, tasmā vādesu nejatī’’ti.

95.

вийд̇аг̇зд̇хо амажчарий, на уссзсу вад̣̇ад̇з муни;

Vītagedho amaccharī, na ussesu vadate muni;

на самзсу на омзсу, габбам̣ нзд̇и агаббияо.

Na samesu na omesu, kappaṃ neti akappiyo.

вийд̇аг̇зд̇хо амажчарийд̇и. г̇зд̇хо вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. яассзсо г̇зд̇хо бахийно самужчинно вуубасанд̇о бадибассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо, со вужжад̇и вийд̇аг̇зд̇хо. со руубз аг̇ид̣̇д̇хо…бз… д̣̇идтасуд̇амуд̇авин̃н̃аад̇аб̣б̣зсу д̇хаммзсу аг̇ид̣̇д̇хо аг̇ад̇хид̇о амужчид̇о анаж̇жхосид̇о, вийд̇аг̇зд̇хо виг̇ад̇аг̇зд̇хо жад̇д̇аг̇зд̇хо ванд̇аг̇зд̇хо муд̇д̇аг̇зд̇хо бахийнаг̇зд̇хо бадиниссадтаг̇зд̇хо нижчаад̇о…бз… б̣рахмабхууд̇зна ад̇д̇анаа вихарад̇ийд̇и – вийд̇аг̇зд̇хо. амажчарийд̇и мажчарияанд̇и бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣. яам̣ зваруубам̣…бз… г̇аахо – ид̣̇ам̣ вужжад̇и мажчарияам̣. яассзд̇ам̣ мажчарияам̣ бахийнам̣ самужчиннам̣ вуубасанд̇ам̣ бадибассад̣̇д̇хам̣ абхаб̣б̣уббад̇д̇игам̣ н̃аан̣аг̇г̇инаа д̣̇ад̣дхам̣, со вужжад̇и амажчарийд̇и – вийд̇аг̇зд̇хо амажчарий.

Vītagedho amaccharīti. Gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Yasseso gedho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati vītagedho. So rūpe agiddho…pe… diṭṭhasutamutaviññātabbesu dhammesu agiddho agadhito amucchito anajjhosito, vītagedho vigatagedho cattagedho vantagedho muttagedho pahīnagedho paṭinissaṭṭhagedho nicchāto…pe… brahmabhūtena attanā viharatīti – vītagedho. Amaccharīti macchariyanti pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ…pe… gāho – idaṃ vuccati macchariyaṃ. Yassetaṃ macchariyaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati amaccharīti – vītagedho amaccharī.

на уссзсу вад̣̇ад̇з муни, на самзсу на омзсууд̇и. мунийд̇и. монам̣ вужжад̇и н̃аан̣ам̣…бз… сан̇г̇аж̇ааламад̇ижжа со муни. ‘‘сзяяохамасмий’’д̇и ваа, ‘‘сад̣̇исохамасмий’’д̇и ваа, ‘‘хийнохамасмий’’д̇и ваа на вад̣̇ад̇и на гат̇зд̇и на бхан̣ад̇и на д̣̇ийбаяад̇и на вохарад̇ийд̇и – на уссзсу вад̣̇ад̇з муни, на самзсу на омзсу.

Na ussesu vadate muni, na samesu na omesūti. Munīti. Monaṃ vuccati ñāṇaṃ…pe… saṅgajālamaticca so muni. ‘‘Seyyohamasmī’’ti vā, ‘‘sadisohamasmī’’ti vā, ‘‘hīnohamasmī’’ti vā na vadati na katheti na bhaṇati na dīpayati na voharatīti – na ussesu vadate muni, na samesu na omesu.

габбам̣ нзд̇и агаббияод̇и. габбаад̇и д̣̇вз габбаа – д̇ан̣хаагаббо жа д̣̇идтигаббо жа…бз… аяам̣ д̇ан̣хаагаббо…бз… аяам̣ д̣̇идтигаббо. д̇асса д̇ан̣хаагаббо бахийно, д̣̇идтигаббо бадиниссадто; д̇ан̣хаагаббасса бахийнад̇д̇аа, д̣̇идтигаббасса бадиниссадтад̇д̇аа д̇ан̣хаагаббам̣ ваа д̣̇идтигаббам̣ ваа нзд̇и на убзд̇и на убаг̇ажчад̇и на г̇ан̣хаад̇и на бараамасад̇и наабхинивисад̇ийд̇и – габбам̣ нзд̇и. агаббияод̇и. габбаад̇и д̣̇вз габбаа – д̇ан̣хаагаббо жа д̣̇идтигаббо жа…бз… аяам̣ д̇ан̣хаагаббо…бз… аяам̣ д̣̇идтигаббо. д̇асса д̇ан̣хаагаббо бахийно, д̣̇идтигаббо бадиниссадто; д̇асса д̇ан̣хаагаббасса бахийнад̇д̇аа, д̣̇идтигаббасса бадиниссадтад̇д̇аа д̇ан̣хаагаббам̣ ваа д̣̇идтигаббам̣ ваа на габбзд̇и на ж̇анзд̇и на сан̃ж̇анзд̇и на ниб̣б̣ад̇д̇зд̇и наабхиниб̣б̣ад̇д̇зд̇ийд̇и – габбам̣ нзд̇и агаббияо.

Kappaṃ neti akappiyoti. Kappāti dve kappā – taṇhākappo ca diṭṭhikappo ca…pe… ayaṃ taṇhākappo…pe… ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho; taṇhākappassa pahīnattā, diṭṭhikappassa paṭinissaṭṭhattā taṇhākappaṃ vā diṭṭhikappaṃ vā neti na upeti na upagacchati na gaṇhāti na parāmasati nābhinivisatīti – kappaṃ neti. Akappiyoti. Kappāti dve kappā – taṇhākappo ca diṭṭhikappo ca…pe… ayaṃ taṇhākappo…pe… ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho; tassa taṇhākappassa pahīnattā, diṭṭhikappassa paṭinissaṭṭhattā taṇhākappaṃ vā diṭṭhikappaṃ vā na kappeti na janeti na sañjaneti na nibbatteti nābhinibbattetīti – kappaṃ neti akappiyo.

д̇знааха бхаг̇аваа –

Tenāha bhagavā –

‘‘вийд̇аг̇зд̇хо амажчарий, на уссзсу вад̣̇ад̇з муни;

‘‘Vītagedho amaccharī, na ussesu vadate muni;

на самзсу на омзсу, габбам̣ нзд̇и агаббияо’’д̇и.

Na samesu na omesu, kappaṃ neti akappiyo’’ti.

96.

яасса логз сагам̣ над̇т̇и, асад̇аа жа на сожад̇и;

Yassa loke sakaṃ natthi, asatā ca na socati;

д̇хаммзсу жа на г̇ажчад̇и, са вз санд̇од̇и вужжад̇и.

Dhammesu ca na gacchati, sa ve santoti vuccati.

яасса логз сагам̣ над̇т̇ийд̇и. яассаад̇и арахад̇о кийн̣аасавасса. логз сагам̣ над̇т̇ийд̇и. д̇асса маяхам̣ ваа ид̣̇ам̣ барзсам̣ ваа ид̣̇анд̇и гин̃жи руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣, г̇ахид̇ам̣ бараамадтам̣ абхинивидтам̣ аж̇жхосид̇ам̣ ад̇химуд̇д̇ам̣, над̇т̇и на санд̇и…бз… н̃аан̣аг̇г̇инаа д̣̇ад̣дханд̇и – яасса логз сагам̣ над̇т̇и. асад̇аа жа на сожад̇ийд̇и. вибарин̣ад̇ам̣ ваа вад̇т̇ум̣ на сожад̇и, вибарин̣ад̇асмим̣ ваа вад̇т̇усмим̣ на сожад̇и. жагку мз вибарин̣ад̇анд̇и на сожад̇и. сод̇ам̣ мз… гхаанам̣ мз… ж̇ивхаа мз… гааяо мз… мано мз… руубаа мз… сад̣̇д̣̇аа мз… г̇анд̇хаа мз… расаа мз… подтаб̣б̣аа мз… гулам̣ мз… г̇ан̣о мз… ааваасо мз… лаабхо мз… яасо мз… басам̣саа мз… сукам̣ мз… жийварам̣ мз… бин̣д̣абаад̇о мз… сзнаасанам̣ мз… г̇илаанабажжаяабхзсаж̇ж̇абаригкааро мз… маад̇аа мз… бид̇аа мз… бхаад̇аа мз… бхаг̇иний мз… буд̇д̇о мз… д̇хийд̇аа мз… мид̇д̇аа мз… амажжаа мз… н̃аад̇агаа мз… саалохид̇аа мз вибарин̣ад̇аад̇и на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇ийд̇и. звамби, асад̇аа жа на сожад̇и.

Yassaloke sakaṃ natthīti. Yassāti arahato khīṇāsavassa. Loke sakaṃ natthīti. Tassa mayhaṃ vā idaṃ paresaṃ vā idanti kiñci rūpagataṃ vedanāgataṃ saññāgataṃ saṅkhāragataṃ viññāṇagataṃ, gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ, natthi na santi…pe… ñāṇagginā daḍḍhanti – yassa loke sakaṃ natthi. Asatā ca na socatīti. Vipariṇataṃ vā vatthuṃ na socati, vipariṇatasmiṃ vā vatthusmiṃ na socati. Cakkhu me vipariṇatanti na socati. Sotaṃ me… ghānaṃ me… jivhā me… kāyo me… mano me… rūpā me… saddā me… gandhā me… rasā me… phoṭṭhabbā me… kulaṃ me… gaṇo me… āvāso me… lābho me… yaso me… pasaṃsā me… sukhaṃ me… cīvaraṃ me… piṇḍapāto me… senāsanaṃ me… gilānapaccayabhesajjaparikkhāro me… mātā me… pitā me… bhātā me… bhaginī me… putto me… dhītā me… mittā me… amaccā me… ñātakā me… sālohitā me vipariṇatāti na socati na kilamati na paridevati na urattāḷiṃ kandati na sammohaṃ āpajjatīti. Evampi, asatā ca na socati.

ат̇а ваа асанд̇ааяа ⁶⁷ д̣̇угкааяа взд̣̇анааяа пудто барзд̇о самохид̇о саманнааг̇ад̇о на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇и. жагкурог̇зна пудто барзд̇о самохид̇о саманнааг̇ад̇о на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇и, сод̇арог̇зна… гхаанарог̇зна… ж̇ивхаарог̇зна… гааяарог̇зна… сийсарог̇зна… ган̣н̣арог̇зна… мукарог̇зна… д̣̇анд̇арог̇зна… гаасзна… саасзна… бинаасзна… д̣аахзна… ж̇арзна… гужчирог̇зна… мужчааяа… багканд̣̇игааяа… суулзна… висуужигааяа… гудтзна… г̇ан̣д̣зна… гилаасзна… сосзна… абамаарзна… д̣̇ад̣̇д̣̇уяаа… ган̣д̣уяаа… гажчуяаа… ракасааяа … вид̇ажчигааяа… лохид̇зна… бид̇д̇зна… мад̇хумзхзна… ам̣сааяа… бил̣агааяа… бхаг̇анд̣̇алзна ⁶⁸ … бид̇д̇асамудтаанзна ааб̣аад̇хзна… сзмхасамудтаанзна ааб̣аад̇хзна… ваад̇асамудтаанзна ааб̣аад̇хзна… саннибаад̇игзна ааб̣аад̇хзна… уд̇убарин̣аамаж̇зна ааб̣аад̇хзна… висамабарихаараж̇зна ааб̣аад̇хзна… обаггамигзна ааб̣аад̇хзна… гаммавибаагаж̇зна ааб̣аад̇хзна… сийд̇зна… ун̣хзна… ж̇игхажчааяа… бибаасааяа… д̣ам̣самагасаваад̇аад̇абасарийсабасампассзхи пудто барзд̇о самохид̇о саманнааг̇ад̇о на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇ийд̇и. звамби, асад̇аа жа на сожад̇и.

Atha vā asantāya ⁶⁹ dukkhāya vedanāya phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjati. Cakkhurogena phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjati, sotarogena… ghānarogena… jivhārogena… kāyarogena… sīsarogena… kaṇṇarogena… mukharogena… dantarogena… kāsena… sāsena… pināsena… ḍāhena… jarena… kucchirogena… mucchāya… pakkhandikāya… sūlena… visūcikāya… kuṭṭhena… gaṇḍena… kilāsena… sosena… apamārena… dadduyā… kaṇḍuyā… kacchuyā… rakhasāya … vitacchikāya… lohitena… pittena… madhumehena… aṃsāya… piḷakāya… bhagandalena ⁷⁰ … pittasamuṭṭhānena ābādhena… semhasamuṭṭhānena ābādhena… vātasamuṭṭhānena ābādhena… sannipātikena ābādhena… utupariṇāmajena ābādhena… visamaparihārajena ābādhena… opakkamikena ābādhena… kammavipākajena ābādhena… sītena… uṇhena… jighacchāya… pipāsāya… ḍaṃsamakasavātātapasarīsapasamphassehi phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjatīti. Evampi, asatā ca na socati.

ат̇а ваа асанд̇з асам̣виж̇ж̇амаанз анубалаб̣бхамаанз ⁷¹ – ‘‘ахо вад̇а мз д̇ам̣ над̇т̇и, сияаа вад̇а мз д̇ам̣, д̇ам̣ вад̇аахам̣ на жа лабхаамий’’д̇и на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇ийд̇и. звамби асад̇аа жа на сожад̇и. д̇хаммзсу жа на г̇ажчад̇ийд̇и на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, на рааг̇авасзна г̇ажчад̇и, на д̣̇осавасзна г̇ажчад̇и, на мохавасзна г̇ажчад̇и, на маанавасзна г̇ажчад̇и, на д̣̇идтивасзна г̇ажчад̇и, на уд̣̇д̇хажжавасзна г̇ажчад̇и, на вижигижчаавасзна г̇ажчад̇и, на анусаяавасзна г̇ажчад̇и на жа ваг̇г̇зхи д̇хаммзхи яааяад̇и нийяад̇и вуяхад̇и сам̣харийяад̇ийд̇и – д̇хаммзсу жа на г̇ажчад̇и.

Atha vā asante asaṃvijjamāne anupalabbhamāne ⁷² – ‘‘aho vata me taṃ natthi, siyā vata me taṃ, taṃ vatāhaṃ na ca labhāmī’’ti na socati na kilamati na paridevati na urattāḷiṃ kandati na sammohaṃ āpajjatīti. Evampi asatā ca na socati. Dhammesuca na gacchatīti na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati na ca vaggehi dhammehi yāyati nīyati vuyhati saṃharīyatīti – dhammesu ca na gacchati.

са вз санд̇од̇и вужжад̇ийд̇и. со санд̇о убасанд̇о вуубасанд̇о ниб̣б̣уд̇о бадибассад̣̇д̇ход̇и вужжад̇и бавужжад̇и гат̇ийяад̇и бхан̣ийяад̇и д̣̇ийбийяад̇и вохарийяад̇ийд̇и – са вз санд̇од̇и вужжад̇и.

Sa ve santoti vuccatīti. So santo upasanto vūpasanto nibbuto paṭipassaddhoti vuccati pavuccati kathīyati bhaṇīyati dīpīyati voharīyatīti – sa ve santoti vuccati.

д̇знааха бхаг̇аваа –

Tenāha bhagavā –

‘‘яасса логз сагам̣ над̇т̇и, асад̇аа жа на сожад̇и;

‘‘Yassa loke sakaṃ natthi, asatā ca na socati;

д̇хаммзсу жа на г̇ажчад̇и, са вз санд̇од̇и вужжад̇ий’’д̇и.

Dhammesu ca na gacchati, sa ve santoti vuccatī’’ti.

бураабхзд̣̇асуд̇д̇анид̣̇д̣̇зсо д̣̇асамо.

Purābhedasuttaniddeso dasamo.

Next: 11. галахавиваад̣̇асуд̇д̇анид̣̇д̣̇зсо • 11. Kalahavivādasuttaniddeso

Footnotes:

1. жагкум̣ (сий. га.)

2. cakkhuṃ (sī. ka.)

3. ассуробо (сий. га.)

4. assuropo (sī. ka.)

5. гин̃жи (га.)

6. парусаваажанижчааран̣о (сяаа.)

7. ж̇ийвид̇абанаасано (сяаа.)

8. kiñci (ka.)

9. pharusavācanicchāraṇo (syā.)

10. jīvitapanāsano (syā.)

11. адтабанаа (сий.)

12. aṭṭhapanā (sī.)

13. горан̃ж̇игагоран̃ж̇иго (сий.)

14. korañjikakorañjiko (sī.)

15. ажид̇д̇игаарагад̇о (сяаа. га.)

16. acittikārakato (syā. ka.)

17. нахааяад̇и (сий.)

18. nahāyati (sī.)

19. бависат̇а (сий.) зваман̃н̃зсу бад̣̇ад̣̇ваязсуби

20. pavisatha (sī.) evamaññesu padadvayesupi

21. мижчаад̣̇идтий (сий.)

22. micchādiṭṭhī (sī.)

23. бхзд̣̇о (га.)

24. bhedo (ka.)

25. бхзд̣̇аад̇хиббааяо (б̣ахуусу)

26. апаасум̣ (сий.)

27. bhedādhippāyo (bahūsu)

28. aphāsuṃ (sī.)

29. басавад̇и (сяаа.)

30. на басавад̇и (сяаа.)

31. pasavati (syā.)

32. na pasavati (syā.)

33. барибужчид̇ам̣ (сий.), барибужчаго (сяаа.)

34. paripucchitaṃ (sī.), paripucchako (syā.)

35. б̣рахмуно ваа…бз… (сий. га.)

36. brahmuno vā…pe… (sī. ka.)

37. расз жа (сий. сяаа.)

38. rase ca (sī. syā.)

39. аббижчам̣язва (сий.)

40. ид̣̇амад̇т̇игад̇ан̃н̃зва (сий.)

41. appicchaṃyeva (sī.)

42. idamatthikataññeva (sī.)

43. лабилам̣ (сий.), ламб̣илам̣ (сяаа.), лаб̣илам̣ (га.), ааяад̇анавибхан̇г̇з

44. lapilaṃ (sī.), lambilaṃ (syā.), labilaṃ (ka.), āyatanavibhaṅge

45. наабхихасад̇и (сий. сяаа.)

46. аббад̇идтийна жид̇д̇о (сяаа.), аббад̇идтанажид̇д̇о (га.)

47. аад̣̇инаманасо (сяаа.)

48. nābhihasati (sī. syā.)

49. appatiṭṭhīna citto (syā.), appatiṭṭhanacitto (ka.)

50. ādinamanaso (syā.)

51. д̣̇осанийяз (б̣ахуусу)

52. dosanīye (bahūsu)

53. ааж̇аанияаава (сяаа.)

54. ājāniyāva (syā.)

55. вибхаавид̇аани (сий.)

56. аж̇жхад̇д̇аб̣ахид̣̇д̇хаа жа (сий.), аж̇жхад̇д̇ан̃жа б̣ахид̣̇д̇хаа жа (сяаа. га.) су. ни. 521

57. vibhāvitāni (sī.)

58. ajjhattabahiddhā ca (sī.), ajjhattañca bahiddhā ca (syā. ka.) su. ni. 521

59. ниб̣б̣иж̇жхимам̣ (сяаа.), ниб̣б̣иж̇ж̇а имам̣ (га.)

60. nibbijjhimaṃ (syā.), nibbijja imaṃ (ka.)

61. ниссаяанаа (га.)

62. nissayanā (ka.)

63. мукуллогагаад̇и (сий.)

64. г̇ад̇ияо (сяаа.)

65. mukhullokakāti (sī.)

66. gatiyo (syā.)

67. асад̇ааяа (сий.), асаад̇ааяа (сяаа.)

68. бхаг̇анд̣̇алааяа (сий. сяаа.)

69. asatāya (sī.), asātāya (syā.)

70. bhagandalāya (sī. syā.)

71. анубалаб̣бхияамаанз (сяаа. га.)

72. anupalabbhiyamāne (syā. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 10. бураабхзд̣̇асуд̇д̇анид̣̇д̣̇зсаван̣н̣анаа • 10. Purābhedasuttaniddesavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact