| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৪. পুরাণচীৰরসিক্খাপদৰণ্ণনা
4. Purāṇacīvarasikkhāpadavaṇṇanā
‘‘সাকিযানিযো ৰিয সুদ্ধভিক্খুসঙ্ঘে ৰা’’তি ইদং ‘‘ভিক্খুনী নাম উভতোসঙ্ঘে উপসম্পন্না’’তি (পারা॰ ৫০৫) ইমিনা ৰিরুজ্ঝতীতি চে? ন, অধিপ্পাযাজাননতো । ভিক্খূনং সন্তিকে উপসম্পদায পটিক্খিত্তত্তা তদনুপ্পসঙ্গভযা এৰং ৰুত্তন্তি ৰেদিতব্বং।
‘‘Sākiyāniyo viya suddhabhikkhusaṅghe vā’’ti idaṃ ‘‘bhikkhunī nāma ubhatosaṅghe upasampannā’’ti (pārā. 505) iminā virujjhatīti ce? Na, adhippāyājānanato . Bhikkhūnaṃ santike upasampadāya paṭikkhittattā tadanuppasaṅgabhayā evaṃ vuttanti veditabbaṃ.
একেন ৰত্থুনাতি যেন কেনচি পঠমেন। অৰুত্তা ৰা ধোৰতীতি অৰুত্তা ধোৰতি, রজতি আকোটেতীতি অত্থো। ‘‘‘অৰুত্তা’তি ৰচনতো অৰাদাপেত্ৰা ধোৰনাদীসু অনাপত্তী’’তি লিখিতং। ইধ চীৰরং নাম নিৰাসনপারুপনূপগমেৰ। যদি এৰং ‘‘নিৰাসনপারুপনূপগমেৰ ৰত্তব্ব’’ন্তি চে? তং ন ৰত্তব্বং ‘‘পুরাণচীৰর’’ন্তি ইমিনাৰ সিদ্ধত্তা। ৰুত্তঞ্হেতং ‘‘পুরাণচীৰরং নাম সকিং নিৰত্থম্পি সকিং পারুতম্পী’’তি (পারা॰ ৫০৫)।
Ekena vatthunāti yena kenaci paṭhamena. Avuttā vā dhovatīti avuttā dhovati, rajati ākoṭetīti attho. ‘‘‘Avuttā’ti vacanato avādāpetvā dhovanādīsu anāpattī’’ti likhitaṃ. Idha cīvaraṃ nāma nivāsanapārupanūpagameva. Yadi evaṃ ‘‘nivāsanapārupanūpagameva vattabba’’nti ce? Taṃ na vattabbaṃ ‘‘purāṇacīvara’’nti imināva siddhattā. Vuttañhetaṃ ‘‘purāṇacīvaraṃ nāma sakiṃ nivatthampi sakiṃ pārutampī’’ti (pārā. 505).
পুরাণচীৰরসিক্খাপদৰণ্ণনা নিট্ঠিতা।
Purāṇacīvarasikkhāpadavaṇṇanā niṭṭhitā.
