| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. бураан̣ажийварасигкаабад̣̇аван̣н̣анаа
4. Purāṇacīvarasikkhāpadavaṇṇanā
‘‘амхаагамзва н̃аад̇ий’’д̇и н̃ааяад̇ийд̇и н̃аад̇и, саава н̃аад̇игаа, на н̃аад̇игаа ан̃н̃аад̇игаа, д̇ааяа ан̃н̃аад̇игааяа. д̇знааха ‘‘на н̃аад̇игааяаа’’д̇и. маад̇ид̇о ваа бид̇ид̇о ваад̇и маад̇ибагкад̇о ваа бид̇ибагкад̇о ваа. яаава сад̇д̇амам̣ яуг̇анд̇и (баараа. адта. 2.503-505) яаава сад̇д̇амасса бурисасса, сад̇д̇амааяа ваа ид̇т̇ияаа ааяуббамаан̣ам̣, яаава бид̇аамахаяуг̇ам̣ бид̇аамахияуг̇ам̣ маад̇аамахаяуг̇ам̣ маад̇аамахияуг̇анд̇и вуд̇д̇ам̣ ход̇и. ат̇а ваа яаава сад̇д̇амам̣ яуг̇анд̇и яаава сад̇д̇амад̣̇ванд̣̇анд̇и ад̇т̇о. яуг̇асад̣̇д̣̇о жзд̇т̇а згасзсанаязна д̣̇адтаб̣б̣о ‘‘яуг̇о жа яуг̇о жа яуг̇аа’’д̇и. зван̃хи д̇ад̇т̇а д̇ад̇т̇а д̣̇ванд̣̇ам̣ г̇ахид̇ам̣ ход̇и. гзнажи аагаарзна асамб̣ад̣̇д̇хааяаад̇и бхаад̇убхаг̇инибхааг̇инзяяабуд̇д̇абабуд̇д̇аад̣̇ийсу язна гзнажи аагаарзна асамб̣ад̣̇д̇хааяа. бид̇аа, бид̇убид̇аа, д̇асса бид̇аа, д̇ассааби бид̇аад̇и звам̣ яаава сад̇д̇амаа яуг̇аа, бид̇аа, бид̇умаад̇аа, д̇ассаа бид̇аа жа маад̇аа жа бхаад̇аа жа бхаг̇иний жа, буд̇д̇аа жа, д̇хийд̇аро жаад̇и звамби уд̣̇д̇хан̃жа ад̇хо жа яаава сад̇д̇амаа яуг̇аа, бид̇аа, бид̇убхаад̇аа, бид̇убхаг̇иний, бид̇убуд̇д̇аа, бид̇уд̇хийд̇аро, д̇зсамби буд̇д̇ад̇хийд̇убарамбараад̇и звамби яаава сад̇д̇амаа яуг̇аа, маад̇аа, маад̇умаад̇аа, д̇ассаа маад̇аа, д̇ассааби маад̇аад̇и звам̣ яаава сад̇д̇амаа яуг̇аа, маад̇аа, маад̇убид̇аа, д̇асса бид̇аа жа маад̇аа жа бхаад̇аа жа бхаг̇иний жа буд̇д̇аа жа д̇хийд̇аро жаад̇и звамби уд̣̇д̇хан̃жа ад̇хо жа яаава сад̇д̇амаа яуг̇аа, маад̇аа, маад̇убхаад̇аа, маад̇убхаг̇иний, маад̇убуд̇д̇аа, маад̇уд̇хийд̇аро , д̇зсамби буд̇д̇ад̇хийд̇убарамбараад̇и звамби яаава сад̇д̇амаа яуг̇аа, д̇аава нзва маад̇усамб̣анд̇хзна, на бид̇усамб̣анд̇хзна яаа самб̣ад̣̇д̇хаа, саа ‘‘ан̃н̃аад̇игаа наамаа’’д̇и вуд̇д̇ам̣ ход̇и.
‘‘Amhākameva ñātī’’ti ñāyatīti ñāti, sāva ñātikā, na ñātikā aññātikā, tāya aññātikāya. Tenāha ‘‘na ñātikāyā’’ti. Mātito vā pitito vāti mātipakkhato vā pitipakkhato vā. Yāva sattamaṃ yuganti (pārā. aṭṭha. 2.503-505) yāva sattamassa purisassa, sattamāya vā itthiyā āyuppamāṇaṃ, yāva pitāmahayugaṃ pitāmahiyugaṃ mātāmahayugaṃ mātāmahiyuganti vuttaṃ hoti. Atha vā yāva sattamaṃ yuganti yāva sattamadvandanti attho. Yugasaddo cettha ekasesanayena daṭṭhabbo ‘‘yugo ca yugo ca yugā’’ti. Evañhi tattha tattha dvandaṃ gahitaṃ hoti. Kenaci ākārena asambaddhāyāti bhātubhaginibhāgineyyaputtapaputtādīsu yena kenaci ākārena asambaddhāya. Pitā, pitupitā, tassa pitā, tassāpi pitāti evaṃ yāva sattamā yugā, pitā, pitumātā, tassā pitā ca mātā ca bhātā ca bhaginī ca, puttā ca, dhītaro cāti evampi uddhañca adho ca yāva sattamā yugā, pitā, pitubhātā, pitubhaginī, pituputtā, pitudhītaro, tesampi puttadhītuparamparāti evampi yāva sattamā yugā, mātā, mātumātā, tassā mātā, tassāpi mātāti evaṃ yāva sattamā yugā, mātā, mātupitā, tassa pitā ca mātā ca bhātā ca bhaginī ca puttā ca dhītaro cāti evampi uddhañca adho ca yāva sattamā yugā, mātā, mātubhātā, mātubhaginī, mātuputtā, mātudhītaro , tesampi puttadhītuparamparāti evampi yāva sattamā yugā, tāva neva mātusambandhena, na pitusambandhena yā sambaddhā, sā ‘‘aññātikā nāmā’’ti vuttaṃ hoti.
саагияаанияо вияаад̇и бан̃жасад̇амад̇д̇аа саагияаанияо вияа. нид̣̇ассанамад̇д̇ан̃жзд̇ам̣, д̇асмаа бхигкубхаавз тад̇ваа баривад̇д̇алин̇г̇аа бхигкунияоби ид̇ха суд̣̇д̇хабхигкусан̇гхз ‘‘убасамбаннаа’’ ижжзва взд̣̇ид̇аб̣б̣аа. убхад̇осан̇гхз ваад̇и бхигкунисан̇гхз н̃ад̇д̇ижад̇уд̇т̇зна, бхигкусан̇гхз н̃ад̇д̇ижад̇уд̇т̇знаад̇и звам̣ убхад̇осан̇гхз ваа. бураан̣ажийваранд̇и зд̇т̇а жийваранд̇и ниваасанабаарубанубаг̇амзва ад̇хиббзд̇анд̇и ааха ‘‘раж̇ид̇ваа’’д̇иаад̣̇и. габбам̣ гад̇ваад̇и габбаб̣инд̣̇ум̣ д̣̇ад̇ваа. ‘‘иминаа ад̣̇иннагаббам̣ баажид̇д̇ияавад̇т̇у на ход̇ийд̇и д̣̇ассзд̇ий’’д̇и (саарад̇т̇а. дий. 2.505) вад̣̇анд̇и. барибхог̇асийсзнаад̇и гааязна пусид̇ваа барибхог̇асийсзна. ам̣сзд̇и ж̇ад̇д̇умхи. мад̇т̇агзд̇и сийсамад̇т̇агз. сажз бана бажжад̇т̇аран̣асса хздтаа гад̇ваа нибаж̇ж̇ад̇и, хад̇т̇зхи ваа угкибид̇ваа аагаасз вид̇аанам̣ гад̇ваа сийсзна асампусанд̇о г̇ажчад̇и, аяам̣ барибхог̇о наама на ход̇и.
Sākiyāniyo viyāti pañcasatamattā sākiyāniyo viya. Nidassanamattañcetaṃ, tasmā bhikkhubhāve ṭhatvā parivattaliṅgā bhikkhuniyopi idha suddhabhikkhusaṅghe ‘‘upasampannā’’ icceva veditabbā. Ubhatosaṅghe vāti bhikkhunisaṅghe ñatticatutthena, bhikkhusaṅghe ñatticatutthenāti evaṃ ubhatosaṅghe vā. Purāṇacīvaranti ettha cīvaranti nivāsanapārupanupagameva adhippetanti āha ‘‘rajitvā’’tiādi. Kappaṃ katvāti kappabinduṃ datvā. ‘‘Iminā adinnakappaṃ pācittiyavatthu na hotīti dassetī’’ti (sārattha. ṭī. 2.505) vadanti. Paribhogasīsenāti kāyena phusitvā paribhogasīsena. Aṃseti jattumhi. Matthaketi sīsamatthake. Sace pana paccattharaṇassa heṭṭhā katvā nipajjati, hatthehi vā ukkhipitvā ākāse vitānaṃ katvā sīsena asamphusanto gacchati, ayaṃ paribhogo nāma na hoti.
гааяавигаарам̣ ваа гарод̇ийд̇и яат̇аа саа ‘‘д̇ховаабзд̇угаамо аяа’’нд̇и ж̇аанаад̇и, звам̣ гааяавигаарам̣ гарод̇и. ‘‘анд̇од̣̇ваад̣̇асахад̇т̇з огаасз тад̇ваа убари ваа кибад̇ий’’д̇и иминаа убажаарам̣ мун̃жид̇ваа орад̇о кибанд̇асса анаабад̇д̇ийд̇и д̣̇ассзд̇и. ан̃н̃асса ваа хад̇т̇з бзсзд̇ийд̇и анд̇од̣̇ваад̣̇асахад̇т̇з огаасз тад̇ваа сигкамаанасааман̣зрасааман̣зриубаасагаид̇т̇ияаад̣̇ийсу яасса гассажи ан̃н̃асса хад̇т̇з ваа бзсзд̇и. сод̇и убаасаго жа сааман̣зро жа. убасамбаж̇ж̇ид̇ваа д̇ховад̇ийд̇и зд̇т̇а убаасаго лин̇г̇з баривад̇д̇з бхигкунийсу баб̣б̣аж̇ид̇ваа убасамбаж̇ж̇ид̇ваа д̇ховад̇и, сааман̣зро лин̇г̇з баривад̇д̇з бхигкунийсу убасамбаж̇ж̇ид̇ваа д̇ховад̇ийд̇и яат̇ааяог̇ам̣ ад̇т̇о г̇ахзд̇аб̣б̣о. сажз бана бхигкунияаа хад̇т̇з д̣̇иннам̣ ход̇и, сажз лин̇г̇з баривад̇д̇з д̇ховад̇и, ваддад̇и.
Kāyavikāraṃ vā karotīti yathā sā ‘‘dhovāpetukāmo aya’’nti jānāti, evaṃ kāyavikāraṃ karoti. ‘‘Antodvādasahatthe okāse ṭhatvā upari vā khipatī’’ti iminā upacāraṃ muñcitvā orato khipantassa anāpattīti dasseti. Aññassa vā hatthe pesetīti antodvādasahatthe okāse ṭhatvā sikkhamānasāmaṇerasāmaṇeriupāsakaitthiyādīsu yassa kassaci aññassa hatthe vā peseti. Soti upāsako ca sāmaṇero ca. Upasampajjitvā dhovatīti ettha upāsako liṅge parivatte bhikkhunīsu pabbajitvā upasampajjitvā dhovati, sāmaṇero liṅge parivatte bhikkhunīsu upasampajjitvā dhovatīti yathāyogaṃ attho gahetabbo. Sace pana bhikkhuniyā hatthe dinnaṃ hoti, sace liṅge parivatte dhovati, vaṭṭati.
зд̇т̇а жа згасса д̇игкад̇д̇ум̣ ниссаж̇ж̇анаабхаавад̇о д̇ийн̣иби гаарзнд̇асса згзна ниссаг̇г̇ияам̣, д̣̇вийхи д̣̇вз д̣̇уггадаани. д̣̇вз гаарзнд̇асса згзна ниссаг̇г̇ияам̣, д̣̇уд̇иязна д̣̇уггадам̣. д̇знааха ‘‘д̇хованаад̣̇ийни д̇ийн̣ий’’д̇иаад̣̇и. ‘‘згзна вад̇т̇унаа’’д̇и батамам̣ гад̇ваа нидтаабид̇ам̣ санд̇хааяа вуд̇д̇ам̣. сажз бана ‘‘имам̣ жийварам̣ раж̇ид̇ваа д̇ховид̇ваа аанзхий’’д̇и вуд̇д̇з саа бхигкуний батамам̣ д̇ховид̇ваа бажчаа раж̇ад̇и, ниссаг̇г̇иязна д̣̇уггадамзва, звам̣ саб̣б̣зсу вибарийд̇аважанзсу наяо нзд̇аб̣б̣о. сажз бана ‘‘д̇ховид̇ваа аанзхий’’д̇и вуд̇д̇аа д̇ховад̇и жзва раж̇ад̇и жа, д̇ховаабанабажжаяаа зва аабад̇д̇и, раж̇анз анаабад̇д̇и. звам̣ саб̣б̣ад̇т̇а. д̇знааха ‘‘сажз бана‘д̇ховаа’д̇и вуд̇д̇аа’’д̇иаад̣̇и. бхигкуунам̣ васзна згад̇о убасамбаннааяа д̇ховаабзнд̇асса яат̇аавад̇т̇угамзваад̇и ааха ‘‘бхигкунисан̇гхавасзнаа’’д̇иаад̣̇и.
Ettha ca ekassa tikkhattuṃ nissajjanābhāvato tīṇipi kārentassa ekena nissaggiyaṃ, dvīhi dve dukkaṭāni. Dve kārentassa ekena nissaggiyaṃ, dutiyena dukkaṭaṃ. Tenāha ‘‘dhovanādīni tīṇī’’tiādi. ‘‘Ekena vatthunā’’ti paṭhamaṃ katvā niṭṭhāpitaṃ sandhāya vuttaṃ. Sace pana ‘‘imaṃ cīvaraṃ rajitvā dhovitvā ānehī’’ti vutte sā bhikkhunī paṭhamaṃ dhovitvā pacchā rajati, nissaggiyena dukkaṭameva, evaṃ sabbesu viparītavacanesu nayo netabbo. Sace pana ‘‘dhovitvā ānehī’’ti vuttā dhovati ceva rajati ca, dhovāpanapaccayā eva āpatti, rajane anāpatti. Evaṃ sabbattha. Tenāha ‘‘sace pana‘dhovā’ti vuttā’’tiādi. Bhikkhūnaṃ vasena ekato upasampannāya dhovāpentassa yathāvatthukamevāti āha ‘‘bhikkhunisaṅghavasenā’’tiādi.
ан̃н̃асса ваа санд̇аганд̇и ан̃н̃асса санд̇агам̣ бураан̣ажийварам̣ д̇ховаабзнд̇ассаад̇и ад̇т̇о. нисийд̣̇анабажжад̇т̇аран̣анд̇и ан̃н̃асса ваа ад̇д̇ано ваа санд̇агам̣ нисийд̣̇анан̃жзва бажжад̇т̇аран̣ан̃жа. ниваасанабаарубанубаг̇ассзва жа ид̇ха ‘‘бураан̣ажийвара’’нд̇и ад̇хиббзд̇ад̇д̇аа ад̇д̇ано санд̇агамби нисийд̣̇анабажжад̇т̇аран̣ам̣ д̇ховаабзнд̇асса д̣̇уггадамзва ход̇и, на ниссаг̇г̇ияам̣. авуд̇д̇аа ваа д̇ховад̇ийд̇и уд̣̇д̣̇зсааяа ваа оваад̣̇ааяа ваа ааг̇ад̇аа гилидтажийварам̣ д̣̇исваа табид̇адтаанад̇о ваа г̇ахзд̇ваа, ‘‘д̣̇зт̇а аяяа, д̇ховиссаамий’’д̇и аахараабзд̇ваа ваа д̇ховад̇и жзва раж̇ад̇и жа аагодзд̇и жа, аяам̣ авуд̇д̇аа д̇ховад̇и наама. яааби ‘‘имам̣ жийварам̣ д̇ховаа’’д̇и д̣̇ахарам̣ ваа сааман̣зрам̣ ваа аан̣аабзнд̇асса бхигкуно важанам̣ суд̇ваа ‘‘аахарат̇аяяа, ахам̣ д̇ховиссаамий’’д̇и д̇ховад̇и, д̇аавагаалигам̣ ваа г̇ахзд̇ваа д̇ховид̇ваа раж̇ид̇ваа д̣̇зд̇и, аяамби авуд̇д̇аа д̇ховад̇и наама.
Aññassavā santakanti aññassa santakaṃ purāṇacīvaraṃ dhovāpentassāti attho. Nisīdanapaccattharaṇanti aññassa vā attano vā santakaṃ nisīdanañceva paccattharaṇañca. Nivāsanapārupanupagasseva ca idha ‘‘purāṇacīvara’’nti adhippetattā attano santakampi nisīdanapaccattharaṇaṃ dhovāpentassa dukkaṭameva hoti, na nissaggiyaṃ. Avuttā vā dhovatīti uddesāya vā ovādāya vā āgatā kiliṭṭhacīvaraṃ disvā ṭhapitaṭṭhānato vā gahetvā, ‘‘detha ayya, dhovissāmī’’ti āharāpetvā vā dhovati ceva rajati ca ākoṭeti ca, ayaṃ avuttā dhovati nāma. Yāpi ‘‘imaṃ cīvaraṃ dhovā’’ti daharaṃ vā sāmaṇeraṃ vā āṇāpentassa bhikkhuno vacanaṃ sutvā ‘‘āharathayya, ahaṃ dhovissāmī’’ti dhovati, tāvakālikaṃ vā gahetvā dhovitvā rajitvā deti, ayampi avuttā dhovati nāma.
ан̃н̃ам̣ ваа баригкааранд̇и убааханад̇т̇авигабад̇д̇ад̇т̇авигаам̣саб̣ад̣̇д̇хагагааяаб̣анд̇ханаман̃жабийтад̇аддигаад̣̇им̣ яам̣ гин̃жи. ‘‘убажаарз тад̇ваа’’д̇и важанад̇о бзсид̇ваа д̇хованзби анаабад̇д̇и. убажаарзд̇и анд̇од̣̇ваад̣̇асахад̇т̇з огаасз.
Aññaṃ vā parikkhāranti upāhanatthavikapattatthavikaaṃsabaddhakakāyabandhanamañcapīṭhataṭṭikādiṃ yaṃ kiñci. ‘‘Upacāre ṭhatvā’’ti vacanato pesitvā dhovanepi anāpatti. Upacāreti antodvādasahatthe okāse.
бураан̣ажийварасигкаабад̣̇аван̣н̣анаа нидтид̇аа.
Purāṇacīvarasikkhāpadavaṇṇanā niṭṭhitā.
