| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. бураан̣ажийварасигкаабад̣̇аван̣н̣анаа
4. Purāṇacīvarasikkhāpadavaṇṇanā
503. жад̇уд̇т̇з бхад̇д̇ависсаг̇г̇анд̇и баал̣ибад̣̇асса бхад̇д̇агижжанд̇и ад̇т̇о взд̣̇ид̇аб̣б̣о, ‘‘бхад̇д̇асам̣вид̇хаана’’нд̇иби гзжи. д̇ад̇т̇а наама д̇ванд̇и имассаби со наама д̇ванд̇и ад̇т̇о взд̣̇ид̇аб̣б̣о, ‘‘д̇ааяа наама д̇ва’’нд̇и гзжи.
503. Catutthe bhattavissagganti pāḷipadassa bhattakiccanti attho veditabbo, ‘‘bhattasaṃvidhāna’’ntipi keci. Tattha nāma tvanti imassapi so nāma tvanti attho veditabbo, ‘‘tāya nāma tva’’nti keci.
505. бид̇аа жа маад̇аа жа бид̇аро, бид̇уунам̣ бид̇аро бид̇аамахаа, д̇зсам̣язва яуг̇о бид̇аамахаяуг̇о, д̇асмаа яаава сад̇д̇амаа бид̇аамахаяуг̇аа бид̇аамахад̣̇ванд̣̇аад̇и звамзд̇т̇а ад̇т̇о д̣̇адтаб̣б̣о. зван̃хи бид̇аамахаг̇г̇ахан̣знзва маад̇аамахоби г̇ахид̇од̇и. ‘‘яаава сад̇д̇амаа бид̇аамахаяуг̇аа’’д̇и важанад̇о хздтаа жа уд̣̇д̇хан̃жа адтамаяуг̇о н̃аад̇и наама на ход̇и. д̣̇зсанаамукамзва жзд̇анд̇и бид̇аамахаяуг̇аад̇и бид̇аамаха-г̇г̇ахан̣ам̣ д̣̇зсанаамукам̣ бид̇аамахиймаад̇аамахийаад̣̇ийнамби ад̇хиббзд̇ад̇д̇аа. бид̇у маад̇аа бид̇аамахий. маад̇у бид̇аа маад̇аамахо . маад̇у маад̇аа маад̇аамахий. зд̇т̇а гин̃жааби бан̃жасад̇асаагияаанийнам̣ васзна бхигкубхаавз тад̇ваа баривад̇д̇алин̇г̇ааяа бхигкунияаа жа васзна згад̇оубасамбаннаа бхигкуний лаб̣бхад̇и, д̇ат̇ааби багад̇инияаамзнзва д̣̇ассзд̇ум̣ ‘‘бхигкуний наама убхад̇осан̇гхз убасамбаннаа’’д̇и вуд̇д̇ам̣. ‘‘габбам̣ гад̇ваад̇и важанад̇о д̣̇иннагаббамзва баажид̇д̇ияам̣ ж̇анзд̇ий’’д̇и вад̣̇анд̇и. ‘‘бураан̣ажийварам̣ наама сагим̣ нивад̇т̇амби сагим̣ бааруд̇амбий’’д̇и ид̣̇ам̣ нид̣̇ассанамад̇д̇анд̇и ааха ‘‘анд̇амасо барибхог̇асийсзнаа’’д̇иаад̣̇и. ‘‘гааязна пусид̇ваа барибхог̇оязва барибхог̇о наамаа’’д̇и гурунд̣̇ияам̣ ад̇хиббааяо.
505. Pitā ca mātā ca pitaro, pitūnaṃ pitaro pitāmahā, tesaṃyeva yugo pitāmahayugo, tasmā yāva sattamā pitāmahayugā pitāmahadvandāti evamettha attho daṭṭhabbo. Evañhi pitāmahaggahaṇeneva mātāmahopi gahitoti. ‘‘Yāva sattamā pitāmahayugā’’ti vacanato heṭṭhā ca uddhañca aṭṭhamayugo ñāti nāma na hoti. Desanāmukhameva cetanti pitāmahayugāti pitāmaha-ggahaṇaṃ desanāmukhaṃ pitāmahīmātāmahīādīnampi adhippetattā. Pitu mātā pitāmahī. Mātu pitā mātāmaho. Mātu mātā mātāmahī. Ettha kiñcāpi pañcasatasākiyānīnaṃ vasena bhikkhubhāve ṭhatvā parivattaliṅgāya bhikkhuniyā ca vasena ekatoupasampannā bhikkhunī labbhati, tathāpi pakatiniyāmeneva dassetuṃ ‘‘bhikkhunī nāma ubhatosaṅghe upasampannā’’ti vuttaṃ. ‘‘Kappaṃ katvāti vacanato dinnakappameva pācittiyaṃ janetī’’ti vadanti. ‘‘Purāṇacīvaraṃ nāma sakiṃ nivatthampi sakiṃ pārutampī’’ti idaṃ nidassanamattanti āha ‘‘antamaso paribhogasīsenā’’tiādi. ‘‘Kāyena phusitvā paribhogoyeva paribhogo nāmā’’ti kurundiyaṃ adhippāyo.
506. гааяавигаарам̣ гад̇ваад̇и ид̣̇ам̣ яаава ‘‘орад̇о табзд̇ий’’д̇и бад̣̇ам̣, д̇аава саб̣б̣абад̣̇зсу самб̣анд̇хид̇аб̣б̣ам̣. яат̇аа саа ‘‘д̇ховаабзд̇угаамо аяа’’нд̇и ж̇аанаад̇и, звам̣ гааяавигаарам̣ гад̇ваад̇и ад̇т̇о. ‘‘гааяавигаарам̣ гад̇ваа’’д̇и важанад̇о гааяаваажаахи ган̃жи вигаарам̣ агад̇ваа хад̇т̇зна хад̇т̇з д̣̇знд̇ассаби анаабад̇д̇и. анд̇од̣̇ваад̣̇асахад̇т̇з огаасзд̇и ид̣̇ам̣ висзсанам̣ яат̇аасамбхавам̣ яож̇зд̇аб̣б̣ам̣. д̇ат̇аа хи хад̇т̇зна хад̇т̇з д̣̇знд̇асса баад̣̇амуулз жа табзд̇ваа д̣̇знд̇асса ‘‘анд̇од̣̇ваад̣̇асахад̇т̇з огаасз’’д̇и ид̣̇ам̣ вад̇д̇аб̣б̣анд̇и над̇т̇и ан̃н̃ат̇аа асамбхавад̇о. сад̇и хи самбхавз б̣яабхижаарз жа висзсанам̣ саад̇т̇агам̣ ход̇и. убари ‘‘кибад̇ий’’д̇иаад̣̇ийни бана санд̇хааяа ид̣̇ам̣ висзсанам̣ вуд̇д̇ам̣, д̇асмаа анд̇од̣̇ваад̣̇асахад̇т̇з огаасз тад̇ваа убари кибанд̇асса ан̃н̃асса хад̇т̇з бзсзнд̇асса жа аабад̇д̇и. убажаарам̣ бана мун̃жид̇ваа гааяаваажаахи вигаарам̣ гад̇ваа аан̣аабзнд̇ассаби анаабад̇д̇и. убажаарзд̇и анд̇од̣̇ваад̣̇асахад̇т̇амзва огаасам̣ вад̣̇ад̇и. убажаарам̣ мун̃жид̇ваад̇и д̣̇ваад̣̇асахад̇т̇уубажаарам̣ мун̃жид̇ваа.
506.Kāyavikāraṃ katvāti idaṃ yāva ‘‘orato ṭhapetī’’ti padaṃ, tāva sabbapadesu sambandhitabbaṃ. Yathā sā ‘‘dhovāpetukāmo aya’’nti jānāti, evaṃ kāyavikāraṃ katvāti attho. ‘‘Kāyavikāraṃ katvā’’ti vacanato kāyavācāhi kañci vikāraṃ akatvā hatthena hatthe dentassapi anāpatti. Antodvādasahatthe okāseti idaṃ visesanaṃ yathāsambhavaṃ yojetabbaṃ. Tathā hi hatthena hatthe dentassa pādamūle ca ṭhapetvā dentassa ‘‘antodvādasahatthe okāse’’ti idaṃ vattabbanti natthi aññathā asambhavato. Sati hi sambhave byabhicāre ca visesanaṃ sātthakaṃ hoti. Upari ‘‘khipatī’’tiādīni pana sandhāya idaṃ visesanaṃ vuttaṃ, tasmā antodvādasahatthe okāse ṭhatvā upari khipantassa aññassa hatthe pesentassa ca āpatti. Upacāraṃ pana muñcitvā kāyavācāhi vikāraṃ katvā āṇāpentassapi anāpatti. Upacāreti antodvādasahatthameva okāsaṃ vadati. Upacāraṃ muñcitvāti dvādasahatthūpacāraṃ muñcitvā.
згзна вад̇т̇унаад̇и батамам̣ гад̇ваа нидтаабид̇ам̣ санд̇хааяа вуд̇д̇ам̣. раж̇анз анаабад̇д̇ийд̇и раж̇анам̣ бажжаасийсанд̇ассаби ‘‘д̇ховид̇ваа аанзхий’’д̇и вуд̇д̇ад̇д̇аа анаабад̇д̇и анаан̣ад̇д̇ияаа гад̇ад̇д̇аа. ‘‘авуд̇д̇аа д̇ховад̇ий’’д̇и иминаа ‘‘авуд̇д̇аа раж̇ад̇и, авуд̇д̇аа аагодзд̇ий’’д̇и ид̣̇амби вуд̇д̇амзва ход̇ийд̇и ааха – ‘‘авуд̇д̇аа д̇ховад̇ийд̇и иминаа лагкан̣зна анаабад̇д̇ий’’д̇и. самб̣ахулаа аабад̇д̇ияо аабаж̇ж̇ад̇ийд̇и баажид̇д̇иязна сад̣̇д̇хим̣ д̣̇вз д̣̇уггадаани аабаж̇ж̇ад̇и. яат̇аавад̇т̇угамзваад̇и ниссаг̇г̇ияамзваад̇и ад̇т̇о. бан̃жа сад̇аани баримаан̣амзд̇аасанд̇и бан̃жасад̇аа.
Ekena vatthunāti paṭhamaṃ katvā niṭṭhāpitaṃ sandhāya vuttaṃ. Rajane anāpattīti rajanaṃ paccāsīsantassapi ‘‘dhovitvā ānehī’’ti vuttattā anāpatti anāṇattiyā katattā. ‘‘Avuttā dhovatī’’ti iminā ‘‘avuttā rajati, avuttā ākoṭetī’’ti idampi vuttameva hotīti āha – ‘‘avuttā dhovatīti iminā lakkhaṇena anāpattī’’ti. Sambahulā āpattiyo āpajjatīti pācittiyena saddhiṃ dve dukkaṭāni āpajjati. Yathāvatthukamevāti nissaggiyamevāti attho. Pañca satāni parimāṇametāsanti pañcasatā.
507. жийварам̣ д̇ховаад̇и…бз… аан̣аабзнд̇ассаад̇и зд̇т̇а д̇ааяа д̇хованам̣ бажжаасийсанд̇ассаби анаабад̇д̇и. бураан̣ажийварад̇аа, убажаарз тад̇ваа ан̃н̃аад̇игааяа бхигкунияаа аан̣аабанам̣, д̇ассаа д̇хованаад̣̇ийни жаад̇и имаанзд̇т̇а д̇ийн̣и ан̇г̇аани.
507.Cīvaraṃdhovāti…pe… āṇāpentassāti ettha tāya dhovanaṃ paccāsīsantassapi anāpatti. Purāṇacīvaratā, upacāre ṭhatvā aññātikāya bhikkhuniyā āṇāpanaṃ, tassā dhovanādīni cāti imānettha tīṇi aṅgāni.
бураан̣ажийварасигкаабад̣̇аван̣н̣анаа нидтид̇аа.
Purāṇacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бураан̣ажийварасигкаабад̣̇ам̣ • 4. Purāṇacīvarasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
