| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. бураан̣ажийварасигкаабад̣̇аван̣н̣анаа
4. Purāṇacīvarasikkhāpadavaṇṇanā
503-5. жад̇уд̇т̇з баал̣ияам̣ бхад̇д̇ависсаг̇г̇анд̇и бхад̇д̇асса уд̣̇арз виссаж̇ж̇анам̣, бавзсанам̣ аж̇жхохаран̣ам̣ бхад̇д̇агижжанд̇и ад̇т̇о, бхож̇анабарияосаанзна бхад̇д̇асса виссаж̇ж̇ананд̇иби вад̣̇анд̇и. д̇ад̇т̇а наама д̇ванд̇и со наама д̇вам̣, д̇ааяа наама д̇ванд̇и ваа ад̇т̇о. бид̇аа жа маад̇аа жа бид̇аро, бид̇уунам̣ бид̇аа жа маад̇аа жа бид̇аамахаа, д̇з зва яуг̇ал̣адтзна яуг̇о, д̇асмаа яаава сад̇д̇амаа бид̇аамахаяуг̇аа бид̇аамахааваддаад̇и звамзд̇т̇а ад̇т̇о д̣̇адтаб̣б̣о. зван̃хи бид̇аамахаг̇г̇ахан̣зна маад̇аамахо жа бид̇аамахий маад̇аамахий жа г̇ахид̇аава хонд̇и. сад̇д̇амаяуг̇ад̇о барам̣ ‘‘ан̃н̃аад̇агаа’’д̇и взд̣̇ид̇аб̣б̣ам̣. яаад̇и бхигкуний. бид̇у маад̇аа бид̇аамахий, маад̇у бид̇аа маад̇аамахо.
503-5. Catutthe pāḷiyaṃ bhattavissagganti bhattassa udare vissajjanaṃ, pavesanaṃ ajjhoharaṇaṃ bhattakiccanti attho, bhojanapariyosānena bhattassa vissajjanantipi vadanti. Tattha nāma tvanti so nāma tvaṃ, tāya nāma tvanti vā attho. Pitā ca mātā ca pitaro, pitūnaṃ pitā ca mātā ca pitāmahā, te eva yugaḷaṭṭhena yugo, tasmā yāva sattamā pitāmahayugā pitāmahāvaṭṭāti evamettha attho daṭṭhabbo. Evañhi pitāmahaggahaṇena mātāmaho ca pitāmahī mātāmahī ca gahitāva honti. Sattamayugato paraṃ ‘‘aññātakā’’ti veditabbaṃ. Yāti bhikkhunī. Pitu mātā pitāmahī, mātu pitā mātāmaho.
баяог̇з баяог̇з бхигкусса д̣̇уггаданд̇и ‘‘д̇ховаа’’д̇и аан̣аабанаваажааяа згааяа зва д̇ад̣̇ануг̇ун̣асса саб̣б̣ассааби баяог̇асса аан̣ад̇д̇ад̇д̇аа вуд̇д̇ам̣.
Payoge payoge bhikkhussa dukkaṭanti ‘‘dhovā’’ti āṇāpanavācāya ekāya eva tadanuguṇassa sabbassāpi payogassa āṇattattā vuttaṃ.
506. д̇ад̣̇авинаабхаавад̇о д̇хованасса ‘‘гааяавигаарам̣ гад̇ваа’’д̇и жа ‘‘анд̇од̣̇ваад̣̇асахад̇т̇з’’д̇и жа вуд̇д̇ад̇д̇аа гааязна д̇ховаабзд̇угаамад̇ам̣ аббагаасзд̇ваа д̣̇аанакибанабзсанаад̣̇им̣ гаронд̇асса жа д̣̇ваад̣̇асахад̇т̇ам̣ убажаарам̣ мун̃жид̇ваа б̣ахи тад̇ваа гааяаваажаахи аан̣аабзд̇ваа кибанабзсанаад̣̇им̣ гаронд̇асса жа анаабад̇д̇и зва.
506. Tadavinābhāvato dhovanassa ‘‘kāyavikāraṃ katvā’’ti ca ‘‘antodvādasahatthe’’ti ca vuttattā kāyena dhovāpetukāmataṃ appakāsetvā dānakhipanapesanādiṃ karontassa ca dvādasahatthaṃ upacāraṃ muñcitvā bahi ṭhatvā kāyavācāhi āṇāpetvā khipanapesanādiṃ karontassa ca anāpatti eva.
згзна вад̇т̇унаад̇и батамагад̇зна. бан̃жасад̇аани бамаан̣ам̣ зд̇аасанд̇и бан̃жасад̇аа. бхигкубхаавад̇о баривад̇д̇алин̇г̇ааби бхигкуний бхигкуунам̣ санд̇игз згад̇оубасамбаннаа зва.
Ekena vatthunāti paṭhamakatena. Pañcasatāni pamāṇaṃ etāsanti pañcasatā. Bhikkhubhāvato parivattaliṅgāpi bhikkhunī bhikkhūnaṃ santike ekatoupasampannā eva.
507. д̇аавагаалигам̣ г̇ахзд̇ваад̇и ад̇д̇анаа гад̇ибаахам̣ баарубанаад̣̇иад̇т̇ааяа д̇аавагаалигам̣ яаажид̇ваа. бураан̣ажийварад̇аа, убажаарз тад̇ваа ан̃н̃аад̇игааяа бхигкунияаа аан̣аабанам̣, д̇ассаа д̇ховаабанаад̣̇ийни жаад̇и имаанзд̇т̇а д̇ийн̣и ан̇г̇аани.
507.Tāvakālikaṃ gahetvāti attanā katipāhaṃ pārupanādiatthāya tāvakālikaṃ yācitvā. Purāṇacīvaratā, upacāre ṭhatvā aññātikāya bhikkhuniyā āṇāpanaṃ, tassā dhovāpanādīni cāti imānettha tīṇi aṅgāni.
бураан̣ажийварасигкаабад̣̇аван̣н̣анаа нидтид̇аа.
Purāṇacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бураан̣ажийварасигкаабад̣̇ам̣ • 4. Purāṇacīvarasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
