| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ
4. Purāṇacīvarasikkhāpadavaṇṇanā
੫੦੩-੫. ਤੇਨ ਸਮਯੇਨਾਤਿ ਪੁਰਾਣਚੀવਰਸਿਕ੍ਖਾਪਦਂ। ਤਤ੍ਥ ਯਾવ ਸਤ੍ਤਮਾ ਪਿਤਾਮਹਯੁਗਾਤਿ ਪਿਤੁਪਿਤਾ ਪਿਤਾਮਹੋ, ਪਿਤਾਮਹਸ੍ਸ ਯੁਗਂ ਪਿਤਾਮਹਯੁਗਂ। ਯੁਗਨ੍ਤਿ ਆਯੁਪ੍ਪਮਾਣਂ વੁਚ੍ਚਤਿ। ਅਭਿਲਾਪ ਮਤ੍ਤਮੇવ ਚੇਤਂ। ਅਤ੍ਥਤੋ ਪਨ ਪਿਤਾਮਹੋਯੇવ ਪਿਤਾਮਹਯੁਗਂ। ਤਤੋ ਉਦ੍ਧਂ ਸਬ੍ਬੇਪਿ ਪੁਬ੍ਬਪੁਰਿਸਾ ਪਿਤਾਮਹਗ੍ਗਹਣੇਨੇવ ਗਹਿਤਾ। ਏવਂ ਯਾવ ਸਤ੍ਤਮੋ ਪੁਰਿਸੋ ਤਾવ ਯਾ ਅਸਮ੍ਬਦ੍ਧਾ ਸਾ ਯਾવ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾਤਿ વੁਚ੍ਚਤਿ। ਦੇਸਨਾਮੁਖਮੇવ ਚੇਤਂ। ‘‘ਮਾਤਿਤੋ વਾ ਪਿਤਿਤੋ વਾ’’ਤਿવਚਨਤੋ ਪਨ ਪਿਤਾਮਹਯੁਗਮ੍ਪਿ ਪਿਤਾਮਹਿਯੁਗਮ੍ਪਿ ਮਾਤਾਮਹਯੁਗਮ੍ਪਿ ਮਾਤਾਮਹਿਯੁਗਮ੍ਪਿ ਤੇਸਂ ਭਾਤੁਭਗਿਨੀਭਾਗਿਨੇਯ੍ਯਪੁਤ੍ਤਪਪੁਤ੍ਤਾਦਯੋਪਿ ਸਬ੍ਬੇ ਇਧ ਸਙ੍ਗਹਿਤਾ ਏવਾਤਿ વੇਦਿਤਬ੍ਬਾ।
503-5.Tena samayenāti purāṇacīvarasikkhāpadaṃ. Tattha yāva sattamā pitāmahayugāti pitupitā pitāmaho, pitāmahassa yugaṃ pitāmahayugaṃ. Yuganti āyuppamāṇaṃ vuccati. Abhilāpa mattameva cetaṃ. Atthato pana pitāmahoyeva pitāmahayugaṃ. Tato uddhaṃ sabbepi pubbapurisā pitāmahaggahaṇeneva gahitā. Evaṃ yāva sattamo puriso tāva yā asambaddhā sā yāva sattamā pitāmahayugā asambaddhāti vuccati. Desanāmukhameva cetaṃ. ‘‘Mātito vā pitito vā’’tivacanato pana pitāmahayugampi pitāmahiyugampi mātāmahayugampi mātāmahiyugampi tesaṃ bhātubhaginībhāgineyyaputtapaputtādayopi sabbe idha saṅgahitā evāti veditabbā.
ਤਤ੍ਰਾਯਂ વਿਤ੍ਥਾਰਨਯੋ – ਪਿਤਾ ਪਿਤੁਪਿਤਾ ਤਸ੍ਸ ਪਿਤਾ ਤਸ੍ਸਾਪਿ ਪਿਤਾਤਿ ਏવਂ ਯਾવ ਸਤ੍ਤਮਾ ਯੁਗਾ, ਪਿਤਾ ਪਿਤੁਮਾਤਾ ਤਸ੍ਸਾ ਪਿਤਾ ਚ ਮਾਤਾ ਚ ਭਾਤਾ ਚ ਭਗਿਨੀ ਚ ਪੁਤ੍ਤਾ ਚ ਧੀਤਰੋ ਚਾਤਿ ਏવਮ੍ਪਿ ਉਦ੍ਧਞ੍ਚ ਅਧੋ ਚ ਯਾવ ਸਤ੍ਤਮਾ ਯੁਗਾ, ਪਿਤਾ ਪਿਤੁਭਾਤਾ ਪਿਤੁਭਗਿਨੀ ਪਿਤੁਪੁਤ੍ਤਾ ਪਿਤੁਧੀਤਰੋ ਤੇਸਮ੍ਪਿ ਪੁਤ੍ਤਧੀਤੁਪਰਮ੍ਪਰਾਤਿ ਏવਮ੍ਪਿ ਯਾવ ਸਤ੍ਤਮਾ ਯੁਗਾ, ਮਾਤਾ ਮਾਤੁਮਾਤਾ ਤਸ੍ਸਾ ਮਾਤਾ ਤਸ੍ਸਾਪਿ ਮਾਤਾਤਿ ਏવਮ੍ਪਿ ਯਾવ ਸਤ੍ਤਮਾ ਯੁਗਾ, ਮਾਤਾ ਮਾਤੁਪਿਤਾ ਤਸ੍ਸ ਮਾਤਾ ਚ ਪਿਤਾ ਚ ਭਾਤਾ ਚ ਭਗਿਨੀ ਚ ਪੁਤ੍ਤਾ ਚ ਧੀਤਰੋ ਚਾਤਿ, ਏવਮ੍ਪਿ ਉਦ੍ਧਞ੍ਚ ਅਧੋ ਚ ਯਾવ ਸਤ੍ਤਮਾ ਯੁਗਾ, ਮਾਤਾ ਮਾਤੁਭਾਤਾ ਮਾਤੁਭਗਿਨੀ ਮਾਤੁਪੁਤ੍ਤਾ ਮਾਤੁਧੀਤਰੋ ਤੇਸਮ੍ਪਿ ਪੁਤ੍ਤਧੀਤੁਪਰਮ੍ਪਰਾਤਿ ਏવਮ੍ਪਿ ਯਾવ ਸਤ੍ਤਮਾ ਯੁਗਾ, ਨੇવ ਮਾਤੁਸਮ੍ਬਨ੍ਧੇਨ ਨ ਪਿਤੁਸਮ੍ਬਨ੍ਧੇਨ ਸਮ੍ਬਦ੍ਧਾ, ਅਯਂ ਅਞ੍ਞਾਤਿਕਾ ਨਾਮ।
Tatrāyaṃ vitthāranayo – pitā pitupitā tassa pitā tassāpi pitāti evaṃ yāva sattamā yugā, pitā pitumātā tassā pitā ca mātā ca bhātā ca bhaginī ca puttā ca dhītaro cāti evampi uddhañca adho ca yāva sattamā yugā, pitā pitubhātā pitubhaginī pituputtā pitudhītaro tesampi puttadhītuparamparāti evampi yāva sattamā yugā, mātā mātumātā tassā mātā tassāpi mātāti evampi yāva sattamā yugā, mātā mātupitā tassa mātā ca pitā ca bhātā ca bhaginī ca puttā ca dhītaro cāti, evampi uddhañca adho ca yāva sattamā yugā, mātā mātubhātā mātubhaginī mātuputtā mātudhītaro tesampi puttadhītuparamparāti evampi yāva sattamā yugā, neva mātusambandhena na pitusambandhena sambaddhā, ayaṃ aññātikā nāma.
ਉਭਤੋ ਸਙ੍ਘੇਤਿ ਭਿਕ੍ਖੁਨਿਸਙ੍ਘੇ ਞਤ੍ਤਿਚਤੁਤ੍ਥੇਨ ਭਿਕ੍ਖੁਸਙ੍ਘੇ ਞਤ੍ਤਿਚਤੁਤ੍ਥੇਨਾਤਿ ਅਟ੍ਠવਾਚਿਕવਿਨਯਕਮ੍ਮੇਨ ਉਪਸਮ੍ਪਨ੍ਨਾ।
Ubhato saṅgheti bhikkhunisaṅghe ñatticatutthena bhikkhusaṅghe ñatticatutthenāti aṭṭhavācikavinayakammena upasampannā.
ਸਕਿਂ ਨਿવਤ੍ਥਮ੍ਪਿ ਸਕਿਂ ਪਾਰੁਤਮ੍ਪੀਤਿ ਰਜਿਤ੍વਾ ਕਪ੍ਪਂ ਕਤ੍વਾ ਏਕવਾਰਮ੍ਪਿ ਨਿવਤ੍ਥਂ વਾ ਪਾਰੁਤਂ વਾ। ਅਨ੍ਤਮਸੋ ਪਰਿਭੋਗਸੀਸੇਨ ਅਂਸੇ વਾ ਮਤ੍ਥਕੇ વਾ ਕਤ੍વਾ ਮਗ੍ਗਂ ਗਤੋ ਹੋਤਿ, ਉਸ੍ਸੀਸਕਂ વਾ ਕਤ੍વਾ ਨਿਪਨ੍ਨੋ ਹੋਤਿ, ਏਤਮ੍ਪਿ ਪੁਰਾਣਚੀવਰਮੇવ। ਸਚੇ ਪਨ ਪਚ੍ਚਤ੍ਥਰਣਸ੍ਸ ਹੇਟ੍ਠਾ ਕਤ੍વਾ ਨਿਪਜ੍ਜਤਿ, ਹਤ੍ਥੇਹਿ વਾ ਉਕ੍ਖਿਪਿਤ੍વਾ ਆਕਾਸੇ વਿਤਾਨਂ ਕਤ੍વਾ ਸੀਸੇਨ ਅਫੁਸਨ੍ਤੋ ਗਚ੍ਛਤਿ, ਅਯਂ ਪਰਿਭੋਗੋ ਨਾਮ ਨ ਹੋਤੀਤਿ ਕੁਰੁਨ੍ਦਿਯਂ વੁਤ੍ਤਂ।
Sakiṃ nivatthampi sakiṃ pārutampīti rajitvā kappaṃ katvā ekavārampi nivatthaṃ vā pārutaṃ vā. Antamaso paribhogasīsena aṃse vā matthake vā katvā maggaṃ gato hoti, ussīsakaṃ vā katvā nipanno hoti, etampi purāṇacīvarameva. Sace pana paccattharaṇassa heṭṭhā katvā nipajjati, hatthehi vā ukkhipitvā ākāse vitānaṃ katvā sīsena aphusanto gacchati, ayaṃ paribhogo nāma na hotīti kurundiyaṃ vuttaṃ.
ਧੋਤਂ ਨਿਸ੍ਸਗ੍ਗਿਯਨ੍ਤਿ ਏਤ੍ਥ ਏવਂ ਆਣਤ੍ਤਾ ਭਿਕ੍ਖੁਨੀ ਧੋવਨਤ੍ਥਾਯ ਉਦ੍ਧਨਂ ਸਜ੍ਜੇਤਿ, ਦਾਰੂਨਿ ਸਂਹਰਤਿ, ਅਗ੍ਗਿਂ ਕਰੋਤਿ, ਉਦਕਂ ਆਹਰਤਿ ਯਾવ ਨਂ ਧੋવਿਤ੍વਾ ਉਕ੍ਖਿਪਤਿ, ਤਾવ ਭਿਕ੍ਖੁਨਿਯਾ ਪਯੋਗੇ ਪਯੋਗੇ ਭਿਕ੍ਖੁਸ੍ਸ ਦੁਕ੍ਕਟਂ। ਧੋવਿਤ੍વਾ ਉਕ੍ਖਿਤ੍ਤਮਤ੍ਤੇ ਨਿਸ੍ਸਗ੍ਗਿਯਂ ਹੋਤਿ। ਸਚੇ ਦੁਦ੍ਧੋਤਨ੍ਤਿ ਮਞ੍ਞਮਾਨਾ ਪੁਨ ਸਿਞ੍ਚਤਿ વਾ ਧੋવਤਿ વਾ ਯਾવ ਨਿਟ੍ਠਾਨਂ ਨ ਗਚ੍ਛਤਿ ਤਾવ ਪਯੋਗੇ ਪਯੋਗੇ ਦੁਕ੍ਕਟਂ। ਏਸ ਨਯੋ ਰਜਨਾਕੋਟਨੇਸੁ। ਰਜਨਦੋਣਿਯਞ੍ਹਿ ਰਜਨਂ ਆਕਿਰਿਤ੍વਾ ਯਾવ ਸਕਿਂ ਚੀવਰਂ ਰਜਤਿ, ਤਤੋ ਪੁਬ੍ਬੇ ਯਂਕਿਞ੍ਚਿ ਰਜਨਤ੍ਥਾਯ ਕਰੋਤਿ, ਪਚ੍ਛਾ વਾ ਪਟਿਰਜਤਿ, ਸਬ੍ਬਤ੍ਥ ਪਯੋਗੇ ਪਯੋਗੇ ਭਿਕ੍ਖੁਸ੍ਸ ਦੁਕ੍ਕਟਂ। ਏવਂ ਆਕੋਟਨੇਪਿ ਪਯੋਗੋ વੇਦਿਤਬ੍ਬੋ।
Dhotaṃ nissaggiyanti ettha evaṃ āṇattā bhikkhunī dhovanatthāya uddhanaṃ sajjeti, dārūni saṃharati, aggiṃ karoti, udakaṃ āharati yāva naṃ dhovitvā ukkhipati, tāva bhikkhuniyā payoge payoge bhikkhussa dukkaṭaṃ. Dhovitvā ukkhittamatte nissaggiyaṃ hoti. Sace duddhotanti maññamānā puna siñcati vā dhovati vā yāva niṭṭhānaṃ na gacchati tāva payoge payoge dukkaṭaṃ. Esa nayo rajanākoṭanesu. Rajanadoṇiyañhi rajanaṃ ākiritvā yāva sakiṃ cīvaraṃ rajati, tato pubbe yaṃkiñci rajanatthāya karoti, pacchā vā paṭirajati, sabbattha payoge payoge bhikkhussa dukkaṭaṃ. Evaṃ ākoṭanepi payogo veditabbo.
੫੦੬. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਧੋવਾਪੇਤੀਤਿ ਨੋ ਚੇਪਿ ‘‘ਇਮਂ ਧੋવਾ’’ਤਿ વਦਤਿ, ਅਥ ਖੋ ਧੋવਨਤ੍ਥਾਯ ਕਾਯવਿਕਾਰਂ ਕਤ੍વਾ ਹਤ੍ਥੇਨ વਾ ਹਤ੍ਥੇ ਦੇਤਿ, ਪਾਦਮੂਲੇ વਾ ਠਪੇਤਿ, ਉਪਰਿ વਾ ਖਿਪਤਿ, ਸਿਕ੍ਖਮਾਨਾਸਾਮਣੇਰੀਸਾਮਣੇਰਉਪਾਸਕਤਿਤ੍ਥਿਯਾਦੀਨਂ વਾ ਹਤ੍ਥੇ ਪੇਸੇਤਿ, ਨਦੀਤਿਤ੍ਥੇ ਧੋવਨ੍ਤਿਯਾ ਉਪਚਾਰੇ વਾ ਖਿਪਤਿ, ਅਨ੍ਤੋਦ੍વਾਦਸਹਤ੍ਥੇ ਓਕਾਸੇ ਠਤ੍વਾ, ਧੋવਾਪਿਤਂਯੇવ ਹੋਤਿ। ਸਚੇ ਪਨ ਉਪਚਾਰਂ ਮੁਞ੍ਚਿਤ੍વਾ ਓਰਤੋ ਠਪੇਤਿ ਸਾ ਚੇ ਧੋવਿਤ੍વਾ ਆਨੇਤਿ, ਅਨਾਪਤ੍ਤਿ। ਸਿਕ੍ਖਮਾਨਾਯ વਾ ਸਾਮਣੇਰਿਯਾ વਾ ਉਪਾਸਿਕਾਯ વਾ ਹਤ੍ਥੇ ਧੋવਨਤ੍ਥਾਯ ਦੇਤਿ, ਸਾ ਚੇ ਉਪਸਮ੍ਪਜ੍ਜਿਤ੍વਾ ਧੋવਤਿ, ਆਪਤ੍ਤਿਯੇવ। ਉਪਾਸਕਸ੍ਸ ਹਤ੍ਥੇ ਦੇਤਿ, ਸੋ ਚੇ ਲਿਙ੍ਗੇ ਪਰਿવਤ੍ਤੇ ਭਿਕ੍ਖੁਨੀਸੁ ਪਬ੍ਬਜਿਤ੍વਾ ਉਪਸਮ੍ਪਜ੍ਜਿਤ੍વਾ ਧੋવਤਿ , ਆਪਤ੍ਤਿਯੇવ। ਸਾਮਣੇਰਸ੍ਸ વਾ ਭਿਕ੍ਖੁਸ੍ਸ વਾ ਹਤ੍ਥੇ ਦਿਨ੍ਨੇਪਿ ਲਿਙ੍ਗਪਰਿવਤ੍ਤਨੇ ਏਸੇવ ਨਯੋ।
506.Aññātikāya aññātikasaññī purāṇacīvaraṃ dhovāpetīti no cepi ‘‘imaṃ dhovā’’ti vadati, atha kho dhovanatthāya kāyavikāraṃ katvā hatthena vā hatthe deti, pādamūle vā ṭhapeti, upari vā khipati, sikkhamānāsāmaṇerīsāmaṇeraupāsakatitthiyādīnaṃ vā hatthe peseti, nadītitthe dhovantiyā upacāre vā khipati, antodvādasahatthe okāse ṭhatvā, dhovāpitaṃyeva hoti. Sace pana upacāraṃ muñcitvā orato ṭhapeti sā ce dhovitvā āneti, anāpatti. Sikkhamānāya vā sāmaṇeriyā vā upāsikāya vā hatthe dhovanatthāya deti, sā ce upasampajjitvā dhovati, āpattiyeva. Upāsakassa hatthe deti, so ce liṅge parivatte bhikkhunīsu pabbajitvā upasampajjitvā dhovati , āpattiyeva. Sāmaṇerassa vā bhikkhussa vā hatthe dinnepi liṅgaparivattane eseva nayo.
ਧੋવਾਪੇਤਿ ਰਜਾਪੇਤੀਤਿਆਦੀਸੁ ਏਕੇਨ વਤ੍ਥੁਨਾ ਨਿਸ੍ਸਗ੍ਗਿਯਂ, ਦੁਤਿਯੇਨ ਦੁਕ੍ਕਟਂ। ਤੀਣਿਪਿ ਕਾਰਾਪੇਨ੍ਤਸ੍ਸ ਏਕੇਨ ਨਿਸ੍ਸਗ੍ਗਿਯਂ, ਸੇਸੇਹਿ ਦ੍વੇ ਦੁਕ੍ਕਟਾਨਿ। ਯਸ੍ਮਾ ਪਨੇਤਾਨਿ ਧੋવਨਾਦੀਨਿ ਪਟਿਪਾਟਿਯਾ વਾ ਉਪ੍ਪਟਿਪਾਟਿਯਾ વਾ ਕਾਰੇਨ੍ਤਸ੍ਸ ਮੋਕ੍ਖੋ ਨਤ੍ਥਿ, ਤਸ੍ਮਾ ਏਤ੍ਥ ਤੀਣਿ ਚਤੁਕ੍ਕਾਨਿ વੁਤ੍ਤਾਨਿ। ਸਚੇਪਿ ਹਿ ‘‘ਇਮਂ ਚੀવਰਂ ਰਜਿਤ੍વਾ ਧੋવਿਤ੍વਾ ਆਨੇਹੀ’’ਤਿ વੁਤ੍ਤੇ ਸਾ ਭਿਕ੍ਖੁਨੀ ਪਠਮਂ ਧੋવਿਤ੍વਾ ਪਚ੍ਛਾ ਰਜਤਿ, ਨਿਸ੍ਸਗ੍ਗਿਯੇਨ ਦੁਕ੍ਕਟਮੇવ। ਏવਂ ਸਬ੍ਬੇਸੁ વਿਪਰੀਤવਚਨੇਸੁ ਨਯੋ ਨੇਤਬ੍ਬੋ। ਸਚੇ ਪਨ ‘‘ਧੋવਿਤ੍વਾ ਆਨੇਹੀ’’ਤਿ વੁਤ੍ਤਾ ਧੋવਤਿ ਚੇવ ਰਜਤਿ ਚ, ਧੋવਾਪਨਪਚ੍ਚਯਾ ਏવ ਆਪਤ੍ਤਿ, ਰਜਨੇ ਅਨਾਪਤ੍ਤਿ। ਏવਂ ਸਬ੍ਬਤ੍ਥ વੁਤ੍ਤਾਧਿਕਕਰਣੇ ‘‘ਅવੁਤ੍ਤਾ ਧੋવਤੀ’’ਤਿ ਇਮਿਨਾ ਲਕ੍ਖਣੇਨ ਅਨਾਪਤ੍ਤਿ વੇਦਿਤਬ੍ਬਾ। ‘‘ਇਮਸ੍ਮਿਂ ਚੀવਰੇ ਯਂ ਕਾਤਬ੍ਬਂ, ਸਬ੍ਬਂ ਤਂ ਤੁਯ੍ਹਂ ਭਾਰੋ’’ਤਿ વਦਨ੍ਤੋ ਪਨ ਏਕવਾਚਾਯ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਤੀਤਿ।
Dhovāpeti rajāpetītiādīsu ekena vatthunā nissaggiyaṃ, dutiyena dukkaṭaṃ. Tīṇipi kārāpentassa ekena nissaggiyaṃ, sesehi dve dukkaṭāni. Yasmā panetāni dhovanādīni paṭipāṭiyā vā uppaṭipāṭiyā vā kārentassa mokkho natthi, tasmā ettha tīṇi catukkāni vuttāni. Sacepi hi ‘‘imaṃ cīvaraṃ rajitvā dhovitvā ānehī’’ti vutte sā bhikkhunī paṭhamaṃ dhovitvā pacchā rajati, nissaggiyena dukkaṭameva. Evaṃ sabbesu viparītavacanesu nayo netabbo. Sace pana ‘‘dhovitvā ānehī’’ti vuttā dhovati ceva rajati ca, dhovāpanapaccayā eva āpatti, rajane anāpatti. Evaṃ sabbattha vuttādhikakaraṇe ‘‘avuttā dhovatī’’ti iminā lakkhaṇena anāpatti veditabbā. ‘‘Imasmiṃ cīvare yaṃ kātabbaṃ, sabbaṃ taṃ tuyhaṃ bhāro’’ti vadanto pana ekavācāya sambahulā āpattiyo āpajjatīti.
ਅਞ੍ਞਾਤਿਕਾਯ વੇਮਤਿਕੋ ਅਞ੍ਞਾਤਿਕਾਯ ਞਾਤਿਕਸਞ੍ਞੀਤਿ ਇਮਾਨਿਪਿ ਪਦਾਨਿ વੁਤ੍ਤਾਨਂਯੇવ ਤਿਣ੍ਣਂ ਚਤੁਕ੍ਕਾਨਂ વਸੇਨ વਿਤ੍ਥਾਰਤੋ વੇਦਿਤਬ੍ਬਾਨਿ।
Aññātikāya vematiko aññātikāya ñātikasaññīti imānipi padāni vuttānaṃyeva tiṇṇaṃ catukkānaṃ vasena vitthārato veditabbāni.
ਏਕਤੋ ਉਪਸਮ੍ਪਨ੍ਨਾਯਾਤਿ ਭਿਕ੍ਖੁਨੀਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ ਧੋવਾਪੇਨ੍ਤਸ੍ਸ ਦੁਕ੍ਕਟਂ। ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ ਪਨ ਯਥਾવਤ੍ਥੁਕਮੇવ, ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾ ਨਾਮ ਪਞ੍ਚਸਤਾ ਸਾਕਿਯਾਨਿਯੋ।
Ekato upasampannāyāti bhikkhunīnaṃ santike upasampannāya dhovāpentassa dukkaṭaṃ. Bhikkhūnaṃ santike upasampannāya pana yathāvatthukameva, bhikkhūnaṃ santike upasampannā nāma pañcasatā sākiyāniyo.
੫੦੭. ਅવੁਤ੍ਤਾ ਧੋવਤੀਤਿ ਉਦ੍ਦੇਸਾਯ વਾ ਓવਾਦਾਯ વਾ ਆਗਤਾ ਕਿਲਿਨ੍ਨਂ ਚੀવਰਂ ਦਿਸ੍વਾ ਠਪਿਤਟ੍ਠਾਨਤੋ ਗਹੇਤ੍વਾ વਾ ‘‘ਦੇਥ, ਅਯ੍ਯ, ਧੋવਿਸ੍ਸਾਮੀ’’ਤਿ ਆਹਰਾਪੇਤ੍વਾ વਾ ਧੋવਤਿ ਚੇવ ਰਜਤਿ ਚ ਆਕੋਟੇਤਿ ਚ, ਅਯਂ ਅવੁਤ੍ਤਾ ਧੋવਤਿ ਨਾਮ। ਯਾਪਿ ‘‘ਇਮਂ ਚੀવਰਂ ਧੋવਾ’’ਤਿ ਦਹਰਂ વਾ ਸਾਮਣੇਰਂ વਾ ਆਣਾਪੇਨ੍ਤਸ੍ਸ ਭਿਕ੍ਖੁਨੋ ਸੁਤ੍વਾ ‘‘ਆਹਰਥਯ੍ਯ ਅਹਂ ਧੋવਿਸ੍ਸਾਮੀ’’ਤਿ ਧੋવਤਿ, ਤਾવਕਾਲਿਕਂ વਾ ਗਹੇਤ੍વਾ ਧੋવਿਤ੍વਾ ਰਜਿਤ੍વਾ ਦੇਤਿ, ਅਯਮ੍ਪਿ ਅવੁਤ੍ਤਾ ਧੋવਤਿ ਨਾਮ।
507.Avuttā dhovatīti uddesāya vā ovādāya vā āgatā kilinnaṃ cīvaraṃ disvā ṭhapitaṭṭhānato gahetvā vā ‘‘detha, ayya, dhovissāmī’’ti āharāpetvā vā dhovati ceva rajati ca ākoṭeti ca, ayaṃ avuttā dhovati nāma. Yāpi ‘‘imaṃ cīvaraṃ dhovā’’ti daharaṃ vā sāmaṇeraṃ vā āṇāpentassa bhikkhuno sutvā ‘‘āharathayya ahaṃ dhovissāmī’’ti dhovati, tāvakālikaṃ vā gahetvā dhovitvā rajitvā deti, ayampi avuttā dhovati nāma.
ਅਞ੍ਞਂ ਪਰਿਕ੍ਖਾਰਨ੍ਤਿ ਉਪਾਹਨਤ੍ਥવਿਕਪਤ੍ਤਤ੍ਥવਿਕਅਂਸਬਦ੍ਧਕਕਾਯਬਨ੍ਧਨਮਞ੍ਚਪੀਠਭਿਸਿਤਟ੍ਟਿਕਾਦਿਂ ਯਂਕਿਞ੍ਚਿ ਧੋવਾਪੇਤਿ, ਅਨਾਪਤ੍ਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ।
Aññaṃ parikkhāranti upāhanatthavikapattatthavikaaṃsabaddhakakāyabandhanamañcapīṭhabhisitaṭṭikādiṃ yaṃkiñci dhovāpeti, anāpatti. Sesamettha uttānatthameva.
ਸਮੁਟ੍ਠਾਨਾਦੀਸੁ ਪਨ ਇਦਂ ਸਿਕ੍ਖਾਪਦਂ ਛਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Samuṭṭhānādīsu pana idaṃ sikkhāpadaṃ chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Purāṇacīvarasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਪੁਰਾਣਚੀવਰਸਿਕ੍ਖਾਪਦਂ • 4. Purāṇacīvarasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
