| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ
4. Purāṇacīvarasikkhāpadavaṇṇanā
੫੦੩-੫. ਚਤੁਤ੍ਥੇ ਪਾਲ਼ਿਯਂ ਭਤ੍ਤવਿਸ੍ਸਗ੍ਗਨ੍ਤਿ ਭਤ੍ਤਸ੍ਸ ਉਦਰੇ વਿਸ੍ਸਜ੍ਜਨਂ, ਪવੇਸਨਂ ਅਜ੍ਝੋਹਰਣਂ ਭਤ੍ਤਕਿਚ੍ਚਨ੍ਤਿ ਅਤ੍ਥੋ, ਭੋਜਨਪਰਿਯੋਸਾਨੇਨ ਭਤ੍ਤਸ੍ਸ વਿਸ੍ਸਜ੍ਜਨਨ੍ਤਿਪਿ વਦਨ੍ਤਿ। ਤਤ੍ਥ ਨਾਮ ਤ੍વਨ੍ਤਿ ਸੋ ਨਾਮ ਤ੍વਂ, ਤਾਯ ਨਾਮ ਤ੍વਨ੍ਤਿ વਾ ਅਤ੍ਥੋ। ਪਿਤਾ ਚ ਮਾਤਾ ਚ ਪਿਤਰੋ, ਪਿਤੂਨਂ ਪਿਤਾ ਚ ਮਾਤਾ ਚ ਪਿਤਾਮਹਾ, ਤੇ ਏવ ਯੁਗਲ਼ਟ੍ਠੇਨ ਯੁਗੋ, ਤਸ੍ਮਾ ਯਾવ ਸਤ੍ਤਮਾ ਪਿਤਾਮਹਯੁਗਾ ਪਿਤਾਮਹਾવਟ੍ਟਾਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਏવਞ੍ਹਿ ਪਿਤਾਮਹਗ੍ਗਹਣੇਨ ਮਾਤਾਮਹੋ ਚ ਪਿਤਾਮਹੀ ਮਾਤਾਮਹੀ ਚ ਗਹਿਤਾવ ਹੋਨ੍ਤਿ। ਸਤ੍ਤਮਯੁਗਤੋ ਪਰਂ ‘‘ਅਞ੍ਞਾਤਕਾ’’ਤਿ વੇਦਿਤਬ੍ਬਂ। ਯਾਤਿ ਭਿਕ੍ਖੁਨੀ। ਪਿਤੁ ਮਾਤਾ ਪਿਤਾਮਹੀ, ਮਾਤੁ ਪਿਤਾ ਮਾਤਾਮਹੋ।
503-5. Catutthe pāḷiyaṃ bhattavissagganti bhattassa udare vissajjanaṃ, pavesanaṃ ajjhoharaṇaṃ bhattakiccanti attho, bhojanapariyosānena bhattassa vissajjanantipi vadanti. Tattha nāma tvanti so nāma tvaṃ, tāya nāma tvanti vā attho. Pitā ca mātā ca pitaro, pitūnaṃ pitā ca mātā ca pitāmahā, te eva yugaḷaṭṭhena yugo, tasmā yāva sattamā pitāmahayugā pitāmahāvaṭṭāti evamettha attho daṭṭhabbo. Evañhi pitāmahaggahaṇena mātāmaho ca pitāmahī mātāmahī ca gahitāva honti. Sattamayugato paraṃ ‘‘aññātakā’’ti veditabbaṃ. Yāti bhikkhunī. Pitu mātā pitāmahī, mātu pitā mātāmaho.
ਪਯੋਗੇ ਪਯੋਗੇ ਭਿਕ੍ਖੁਸ੍ਸ ਦੁਕ੍ਕਟਨ੍ਤਿ ‘‘ਧੋવਾ’’ਤਿ ਆਣਾਪਨવਾਚਾਯ ਏਕਾਯ ਏવ ਤਦਨੁਗੁਣਸ੍ਸ ਸਬ੍ਬਸ੍ਸਾਪਿ ਪਯੋਗਸ੍ਸ ਆਣਤ੍ਤਤ੍ਤਾ વੁਤ੍ਤਂ।
Payoge payoge bhikkhussa dukkaṭanti ‘‘dhovā’’ti āṇāpanavācāya ekāya eva tadanuguṇassa sabbassāpi payogassa āṇattattā vuttaṃ.
੫੦੬. ਤਦવਿਨਾਭਾવਤੋ ਧੋવਨਸ੍ਸ ‘‘ਕਾਯવਿਕਾਰਂ ਕਤ੍વਾ’’ਤਿ ਚ ‘‘ਅਨ੍ਤੋਦ੍વਾਦਸਹਤ੍ਥੇ’’ਤਿ ਚ વੁਤ੍ਤਤ੍ਤਾ ਕਾਯੇਨ ਧੋવਾਪੇਤੁਕਾਮਤਂ ਅਪ੍ਪਕਾਸੇਤ੍વਾ ਦਾਨਖਿਪਨਪੇਸਨਾਦਿਂ ਕਰੋਨ੍ਤਸ੍ਸ ਚ ਦ੍વਾਦਸਹਤ੍ਥਂ ਉਪਚਾਰਂ ਮੁਞ੍ਚਿਤ੍વਾ ਬਹਿ ਠਤ੍વਾ ਕਾਯવਾਚਾਹਿ ਆਣਾਪੇਤ੍વਾ ਖਿਪਨਪੇਸਨਾਦਿਂ ਕਰੋਨ੍ਤਸ੍ਸ ਚ ਅਨਾਪਤ੍ਤਿ ਏવ।
506. Tadavinābhāvato dhovanassa ‘‘kāyavikāraṃ katvā’’ti ca ‘‘antodvādasahatthe’’ti ca vuttattā kāyena dhovāpetukāmataṃ appakāsetvā dānakhipanapesanādiṃ karontassa ca dvādasahatthaṃ upacāraṃ muñcitvā bahi ṭhatvā kāyavācāhi āṇāpetvā khipanapesanādiṃ karontassa ca anāpatti eva.
ਏਕੇਨ વਤ੍ਥੁਨਾਤਿ ਪਠਮਕਤੇਨ। ਪਞ੍ਚਸਤਾਨਿ ਪਮਾਣਂ ਏਤਾਸਨ੍ਤਿ ਪਞ੍ਚਸਤਾ। ਭਿਕ੍ਖੁਭਾવਤੋ ਪਰਿવਤ੍ਤਲਿਙ੍ਗਾਪਿ ਭਿਕ੍ਖੁਨੀ ਭਿਕ੍ਖੂਨਂ ਸਨ੍ਤਿਕੇ ਏਕਤੋਉਪਸਮ੍ਪਨ੍ਨਾ ਏવ।
Ekena vatthunāti paṭhamakatena. Pañcasatāni pamāṇaṃ etāsanti pañcasatā. Bhikkhubhāvato parivattaliṅgāpi bhikkhunī bhikkhūnaṃ santike ekatoupasampannā eva.
੫੦੭. ਤਾવਕਾਲਿਕਂ ਗਹੇਤ੍વਾਤਿ ਅਤ੍ਤਨਾ ਕਤਿਪਾਹਂ ਪਾਰੁਪਨਾਦਿਅਤ੍ਥਾਯ ਤਾવਕਾਲਿਕਂ ਯਾਚਿਤ੍વਾ। ਪੁਰਾਣਚੀવਰਤਾ, ਉਪਚਾਰੇ ਠਤ੍વਾ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਆਣਾਪਨਂ, ਤਸ੍ਸਾ ਧੋવਾਪਨਾਦੀਨਿ ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
507.Tāvakālikaṃ gahetvāti attanā katipāhaṃ pārupanādiatthāya tāvakālikaṃ yācitvā. Purāṇacīvaratā, upacāre ṭhatvā aññātikāya bhikkhuniyā āṇāpanaṃ, tassā dhovāpanādīni cāti imānettha tīṇi aṅgāni.
ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Purāṇacīvarasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਪੁਰਾਣਚੀવਰਸਿਕ੍ਖਾਪਦਂ • 4. Purāṇacīvarasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
