| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
10. புரேஜாதபச்சயனித்³தே³ஸவண்ணனா
10. Purejātapaccayaniddesavaṇṇanā
10. புரேஜாதபச்சயனித்³தே³ஸே புரேஜாதபச்சயேன பச்சயோதி எத்த² புரேஜாதங் நாம யஸ்ஸ பச்சயோ ஹோதி, ததோ புரிமதரங் ஜாதங் ஜாதிக்க²ணங் அதிக்கமித்வா டி²திக்க²ணப்பத்தங். சக்கா²யதனந்திஆதி³ வத்து²புரேஜாதவஸேன வுத்தங். ரூபாயதனந்திஆதி³ ஆரம்மணபுரேஜாதவஸேன. கிஞ்சிகாலே புரேஜாதபச்சயேனாதி பவத்திங் ஸந்தா⁴ய வுத்தங். கிஞ்சிகாலே ந புரேஜாதபச்சயேனாதி படிஸந்தி⁴ங் ஸந்தா⁴ய வுத்தங். ஏவங் ஸப்³ப³தா²பி பஞ்சத்³வாரே வத்தா²ரம்மணவஸேன, மனொத்³வாரே வத்து²வஸேனேவாயங் பாளி ஆக³தா, பஞ்ஹாவாரே பன ‘‘ஆரம்மணபுரேஜாதங் – ஸெக்கா² வா புது²ஜ்ஜனா வா சக்கு²ங் அனிச்சதோ து³க்க²தோ அனத்ததோ விபஸ்ஸந்தீ’’தி ஆக³தத்தா மனொத்³வாரேபி ஆரம்மணபுரேஜாதங் லப்³ப⁴தேவ. இத⁴ பன ஸாவஸேஸவஸேன தே³ஸனா கதாதி அயங் தாவெத்த² பாளிவண்ணனா.
10. Purejātapaccayaniddese purejātapaccayena paccayoti ettha purejātaṃ nāma yassa paccayo hoti, tato purimataraṃ jātaṃ jātikkhaṇaṃ atikkamitvā ṭhitikkhaṇappattaṃ. Cakkhāyatanantiādi vatthupurejātavasena vuttaṃ. Rūpāyatanantiādi ārammaṇapurejātavasena. Kiñcikāle purejātapaccayenāti pavattiṃ sandhāya vuttaṃ. Kiñcikāle na purejātapaccayenāti paṭisandhiṃ sandhāya vuttaṃ. Evaṃ sabbathāpi pañcadvāre vatthārammaṇavasena, manodvāre vatthuvasenevāyaṃ pāḷi āgatā, pañhāvāre pana ‘‘ārammaṇapurejātaṃ – sekkhā vā puthujjanā vā cakkhuṃ aniccato dukkhato anattato vipassantī’’ti āgatattā manodvārepi ārammaṇapurejātaṃ labbhateva. Idha pana sāvasesavasena desanā katāti ayaṃ tāvettha pāḷivaṇṇanā.
அயங் பன புரேஜாதபச்சயோ ஸுத்³த⁴ரூபமேவ ஹோதி. தஞ்ச கோ² உப்பாத³க்க²ணங் அதிக்கமித்வா டி²திப்பத்தங் அட்டா²ரஸவித⁴ங் ரூபரூபமேவ. தங் ஸப்³ப³ம்பி வத்து²புரேஜாதங் ஆரம்மணபுரேஜாதந்தி த்³விதா⁴ டி²தங். தத்த² சக்கா²யதனங்…பே॰… காயாயதனங் வத்து²ரூபந்தி இத³ங் வத்து²புரேஜாதங் நாம. ஸேஸங் இமாய பாளியா ஆக³தஞ்ச அனாக³தஞ்ச வண்ணோ ஸத்³தோ³ க³ந்தோ⁴ ரஸோ சதஸ்ஸோ தா⁴துயோ தீணி இந்த்³ரியானி கப³ளீகாரோ ஆஹாரோதி த்³வாத³ஸவித⁴ங் ரூபங் ஆரம்மணபுரேஜாதபச்சயோ நாமாதி ஏவமெத்த² நானப்பகாரபே⁴த³தோ விஞ்ஞாதப்³போ³ வினிச்ச²யோ.
Ayaṃ pana purejātapaccayo suddharūpameva hoti. Tañca kho uppādakkhaṇaṃ atikkamitvā ṭhitippattaṃ aṭṭhārasavidhaṃ rūparūpameva. Taṃ sabbampi vatthupurejātaṃ ārammaṇapurejātanti dvidhā ṭhitaṃ. Tattha cakkhāyatanaṃ…pe… kāyāyatanaṃ vatthurūpanti idaṃ vatthupurejātaṃ nāma. Sesaṃ imāya pāḷiyā āgatañca anāgatañca vaṇṇo saddo gandho raso catasso dhātuyo tīṇi indriyāni kabaḷīkāro āhāroti dvādasavidhaṃ rūpaṃ ārammaṇapurejātapaccayo nāmāti evamettha nānappakārabhedato viññātabbo vinicchayo.
ஏவங் பி⁴ன்னே பனெத்த² சக்கா²யதனங் த்³வின்னங் சக்கு²விஞ்ஞாணானங் புரேஜாதபச்சயேன பச்சயோ, ததா² இதரானி சத்தாரி ஸோதவிஞ்ஞாணாதீ³னங். வத்து²ரூபங் பன ட²பெத்வா த்³விபஞ்சவிஞ்ஞாணானி சத்தாரோ ச ஆருப்பவிபாகே ஸேஸானங் ஸப்³பே³ஸம்பி சதுபூ⁴மகானங் குஸலாகுஸலாப்³யாகதானங் சித்தசேதஸிகானங் புரேஜாதபச்சயோ ஹோதி. ரூபாதீ³னி பன பஞ்சாரம்மணானி த்³விபஞ்சவிஞ்ஞாணானஞ்சேவ மனோதா⁴தூனஞ்ச ஏகந்தேனேவ புரேஜாதபச்சயா ஹொந்தி. அட்டா²ரஸவித⁴ம்பி பனேதங் ரூபரூபங் காமாவசரகுஸலஸ்ஸ ரூபாவசரதோ அபி⁴ஞ்ஞாகுஸலஸ்ஸ அகுஸலஸ்ஸ ததா³ரம்மணபா⁴வினோ காமாவசரவிபாகஸ்ஸ காமாவசரகிரியஸ்ஸ ரூபாவசரதோ அபி⁴ஞ்ஞாகிரியஸ்ஸாதி இமேஸங் ச²ன்னங் ராஸீனங் புரேஜாதபச்சயோ ஹோதீதி ஏவமெத்த² பச்சயுப்பன்னதோபி விஞ்ஞாதப்³போ³ வினிச்ச²யோதி.
Evaṃ bhinne panettha cakkhāyatanaṃ dvinnaṃ cakkhuviññāṇānaṃ purejātapaccayena paccayo, tathā itarāni cattāri sotaviññāṇādīnaṃ. Vatthurūpaṃ pana ṭhapetvā dvipañcaviññāṇāni cattāro ca āruppavipāke sesānaṃ sabbesampi catubhūmakānaṃ kusalākusalābyākatānaṃ cittacetasikānaṃ purejātapaccayo hoti. Rūpādīni pana pañcārammaṇāni dvipañcaviññāṇānañceva manodhātūnañca ekanteneva purejātapaccayā honti. Aṭṭhārasavidhampi panetaṃ rūparūpaṃ kāmāvacarakusalassa rūpāvacarato abhiññākusalassa akusalassa tadārammaṇabhāvino kāmāvacaravipākassa kāmāvacarakiriyassa rūpāvacarato abhiññākiriyassāti imesaṃ channaṃ rāsīnaṃ purejātapaccayo hotīti evamettha paccayuppannatopi viññātabbo vinicchayoti.
புரேஜாதபச்சயனித்³தே³ஸவண்ணனா.
Purejātapaccayaniddesavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / (2) பச்சயனித்³தே³ஸோ • (2) Paccayaniddeso
