| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
10. புரேஜாதபச்சயனித்³தே³ஸவண்ணனா
10. Purejātapaccayaniddesavaṇṇanā
10. நயத³ஸ்ஸனவஸேன யானி வினா ஆரம்மணபுரேஜாதேன ந வத்தந்தி, தேஸங் சக்கு²விஞ்ஞாணாதீ³னங் ஆரம்மணபுரேஜாதத³ஸ்ஸனேன மனொத்³வாரேபி யங் யதா³ரம்மணபுரேஜாதேன வத்ததி, தஸ்ஸ ததா³லம்பி³தங் ஸப்³ப³ம்பி ரூபரூபங் ஆரம்மணபுரேஜாதந்தி த³ஸ்ஸிதமேவ ஹோதி, ஸரூபேன பன அத³ஸ்ஸிதத்தா ‘‘ஸாவஸேஸவஸேன தே³ஸனா கதா’’தி ஆஹ. சித்தவஸேன காயங் பரிணாமயதோ இத்³தி⁴விதா⁴பி⁴ஞ்ஞாய ச அட்டா²ரஸஸு யங்கிஞ்சி ஆரம்மணபுரேஜாதங் ஹோதீதி த³ட்ட²ப்³ப³ங்.
10. Nayadassanavasena yāni vinā ārammaṇapurejātena na vattanti, tesaṃ cakkhuviññāṇādīnaṃ ārammaṇapurejātadassanena manodvārepi yaṃ yadārammaṇapurejātena vattati, tassa tadālambitaṃ sabbampi rūparūpaṃ ārammaṇapurejātanti dassitameva hoti, sarūpena pana adassitattā ‘‘sāvasesavasena desanā katā’’ti āha. Cittavasena kāyaṃ pariṇāmayato iddhividhābhiññāya ca aṭṭhārasasu yaṃkiñci ārammaṇapurejātaṃ hotīti daṭṭhabbaṃ.
ததா³ரம்மணபா⁴வினோதி எத்த² படிஸந்தி⁴பா⁴வினோ வத்து²புரேஜாதாபா⁴வேன இதரஸ்ஸபி அபா⁴வா அக்³க³ஹணங். ப⁴வங்க³பா⁴வினோ பன க³ஹணங் காதப்³ப³ங் ந வா காதப்³ப³ங் படிஸந்தி⁴யா விய அபரிப்³யத்தஸ்ஸ ஆரம்மணஸ்ஸ ஆரம்மணமத்தபா⁴வதோ, ‘‘மனோதா⁴தூனஞ்சா’’தி எத்த² ஸந்தீரணபா⁴வினோ மனோவிஞ்ஞாணதா⁴துயாபி.
Tadārammaṇabhāvinoti ettha paṭisandhibhāvino vatthupurejātābhāvena itarassapi abhāvā aggahaṇaṃ. Bhavaṅgabhāvino pana gahaṇaṃ kātabbaṃ na vā kātabbaṃ paṭisandhiyā viya aparibyattassa ārammaṇassa ārammaṇamattabhāvato, ‘‘manodhātūnañcā’’ti ettha santīraṇabhāvino manoviññāṇadhātuyāpi.
புரேஜாதபச்சயனித்³தே³ஸவண்ணனா நிட்டி²தா.
Purejātapaccayaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / (2) பச்சயனித்³தே³ஸோ • (2) Paccayaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. புரேஜாதபச்சயனித்³தே³ஸவண்ணனா • 10. Purejātapaccayaniddesavaṇṇanā
