| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
১০. পুরেজাতপচ্চযনিদ্দেসৰণ্ণনা
10. Purejātapaccayaniddesavaṇṇanā
১০. নযদস্সনৰসেন যানি ৰিনা আরম্মণপুরেজাতেন ন ৰত্তন্তি, তেসং চক্খুৰিঞ্ঞাণাদীনং আরম্মণপুরেজাতদস্সনেন মনোদ্ৰারেপি যং যদারম্মণপুরেজাতেন ৰত্ততি, তস্স তদালম্বিতং সব্বম্পি রূপরূপং আরম্মণপুরেজাতন্তি দস্সিতমেৰ হোতি, সরূপেন পন অদস্সিতত্তা ‘‘সাৰসেসৰসেন দেসনা কতা’’তি আহ। চিত্তৰসেন কাযং পরিণামযতো ইদ্ধিৰিধাভিঞ্ঞায চ অট্ঠারসসু যংকিঞ্চি আরম্মণপুরেজাতং হোতীতি দট্ঠব্বং।
10. Nayadassanavasena yāni vinā ārammaṇapurejātena na vattanti, tesaṃ cakkhuviññāṇādīnaṃ ārammaṇapurejātadassanena manodvārepi yaṃ yadārammaṇapurejātena vattati, tassa tadālambitaṃ sabbampi rūparūpaṃ ārammaṇapurejātanti dassitameva hoti, sarūpena pana adassitattā ‘‘sāvasesavasena desanā katā’’ti āha. Cittavasena kāyaṃ pariṇāmayato iddhividhābhiññāya ca aṭṭhārasasu yaṃkiñci ārammaṇapurejātaṃ hotīti daṭṭhabbaṃ.
তদারম্মণভাৰিনোতি এত্থ পটিসন্ধিভাৰিনো ৰত্থুপুরেজাতাভাৰেন ইতরস্সপি অভাৰা অগ্গহণং। ভৰঙ্গভাৰিনো পন গহণং কাতব্বং ন ৰা কাতব্বং পটিসন্ধিযা ৰিয অপরিব্যত্তস্স আরম্মণস্স আরম্মণমত্তভাৰতো, ‘‘মনোধাতূনঞ্চা’’তি এত্থ সন্তীরণভাৰিনো মনোৰিঞ্ঞাণধাতুযাপি।
Tadārammaṇabhāvinoti ettha paṭisandhibhāvino vatthupurejātābhāvena itarassapi abhāvā aggahaṇaṃ. Bhavaṅgabhāvino pana gahaṇaṃ kātabbaṃ na vā kātabbaṃ paṭisandhiyā viya aparibyattassa ārammaṇassa ārammaṇamattabhāvato, ‘‘manodhātūnañcā’’ti ettha santīraṇabhāvino manoviññāṇadhātuyāpi.
পুরেজাতপচ্চযনিদ্দেসৰণ্ণনা নিট্ঠিতা।
Purejātapaccayaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / (২) পচ্চযনিদ্দেসো • (2) Paccayaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১০. পুরেজাতপচ্চযনিদ্দেসৰণ্ণনা • 10. Purejātapaccayaniddesavaṇṇanā
