| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
10. бурзж̇аад̇абажжаяанид̣̇д̣̇зсаван̣н̣анаа
10. Purejātapaccayaniddesavaṇṇanā
10. д̣̇ассид̇амзва наяад̣̇ассанавасзнаад̇и яож̇анаа. яад̣̇и д̣̇ассид̇амзва, гасмаа вуд̇д̇ам̣ ‘‘саавасзсавасзна д̣̇зсанаа гад̇аа’’д̇и ааха ‘‘саруубзна ад̣̇ассид̇ад̇д̇аа’’д̇и. ‘‘яам̣ яам̣ д̇хаммам̣ бурзж̇аад̇ам̣ аараб̣бха яз яз д̇хаммаа уббаж̇ж̇анд̇и жид̇д̇ажзд̇асигаа д̇хаммаа, д̇з д̇з д̇хаммаа д̇зсам̣ д̇зсам̣ д̇хаммаанам̣ бурзж̇аад̇абажжаязна бажжаяо’’д̇и звам̣ саруубзна баал̣ияам̣ ад̣̇ассид̇ад̇д̇аа. ид̣̇д̇хивид̇хаабхин̃н̃ааяа жаад̇и жа-сад̣̇д̣̇зна жуд̇уубабаад̇ан̃аан̣ассаби сан̇г̇ахо д̣̇адтаб̣б̣о. д̇ассаби хи руубад̇хаммаарамман̣агаалз адтаарасасу яам̣ гин̃жи аарамман̣абурзж̇аад̇ам̣ ход̇и бажжуббаннаарамман̣ад̇д̇аа. ‘‘жавамаанз убабаж̇ж̇амаанз’’д̇и хи вуд̇д̇ам̣. д̣̇иб̣б̣ажагкуд̣̇иб̣б̣асод̇ан̃аан̣зсу жа вад̇д̇аб̣б̣амзва над̇т̇и.
10. Dassitameva nayadassanavasenāti yojanā. Yadi dassitameva, kasmā vuttaṃ ‘‘sāvasesavasena desanā katā’’ti āha ‘‘sarūpena adassitattā’’ti. ‘‘Yaṃ yaṃ dhammaṃ purejātaṃ ārabbha ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ purejātapaccayena paccayo’’ti evaṃ sarūpena pāḷiyaṃ adassitattā. Iddhividhābhiññāya cāti ca-saddena cutūpapātañāṇassapi saṅgaho daṭṭhabbo. Tassapi hi rūpadhammārammaṇakāle aṭṭhārasasu yaṃ kiñci ārammaṇapurejātaṃ hoti paccuppannārammaṇattā. ‘‘Cavamāne upapajjamāne’’ti hi vuttaṃ. Dibbacakkhudibbasotañāṇesu ca vattabbameva natthi.
ид̇арассаби абхааваад̇и аарамман̣абурзж̇аад̇ассаби абхааваа аг̇г̇ахан̣ам̣ бадисанд̇хибхаавинод̇и яож̇анаа. сад̇иби гассажи бадисанд̇хибхаавино аарамман̣абурзж̇аад̇з вибхууд̇ам̣ бана гад̇ваа аарамман̣агаран̣аабхаавад̇о авиж̇ж̇амаанасад̣̇исанд̇и гад̇ваа вуд̇д̇ам̣ ‘‘ид̇арассаби абхааваа’’д̇и. д̇знзвааха ‘‘бадисанд̇хияаа вияа абариб̣яад̇д̇асса аарамман̣асса аарамман̣амад̇д̇абхаавад̇о’’д̇и. санд̇ийран̣абхаавино мановин̃н̃аан̣ад̇хаад̇уяааби зганд̇знзва бурзж̇аад̇абажжаяо руубаад̣̇ийни бан̃жаарамман̣аанийд̇и яож̇анаа. зд̇т̇а жа ‘‘манод̇хаад̇уунан̃жаа’’д̇иаад̣̇и ‘‘д̇ад̣̇аарамман̣абхаавино’’д̇и бад̣̇асса бурад̇о вад̇д̇аб̣б̣о, уббадибаадияаа ликид̇ам̣.
Itarassapi abhāvāti ārammaṇapurejātassapi abhāvā aggahaṇaṃ paṭisandhibhāvinoti yojanā. Satipi kassaci paṭisandhibhāvino ārammaṇapurejāte vibhūtaṃ pana katvā ārammaṇakaraṇābhāvato avijjamānasadisanti katvā vuttaṃ ‘‘itarassapi abhāvā’’ti. Tenevāha ‘‘paṭisandhiyā viya aparibyattassa ārammaṇassa ārammaṇamattabhāvato’’ti. Santīraṇabhāvino manoviññāṇadhātuyāpi ekanteneva purejātapaccayo rūpādīni pañcārammaṇānīti yojanā. Ettha ca ‘‘manodhātūnañcā’’tiādi ‘‘tadārammaṇabhāvino’’ti padassa purato vattabbo, uppaṭipāṭiyā likhitaṃ.
бурзж̇аад̇абажжаяанид̣̇д̣̇зсаван̣н̣анаа нидтид̇аа.
Purejātapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. бурзж̇аад̇абажжаяанид̣̇д̣̇зсаван̣н̣анаа • 10. Purejātapaccayaniddesavaṇṇanā
