| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. буримагодибан̃хо
2. Purimakoṭipañho
2. рааж̇аа ааха ‘‘бханд̇з нааг̇асзна, яам̣ банзд̇ам̣ б̣рууси ‘буримаа годи на бан̃н̃ааяад̇ий’д̇и, д̇асса обаммам̣ гарохий’’д̇и. ‘‘яат̇аа, махаарааж̇а, бурисо барид̇д̇ам̣ 1 б̣ийж̇ам̣ бат̇авияам̣ нигкибзяяа, д̇ад̇о ан̇гуро удтахид̇ваа анубуб̣б̣зна вуд̣дхим̣ вируул̣хим̣ взбуллам̣ аабаж̇ж̇ид̇ваа палам̣ д̣̇ад̣̇зяяа. д̇ад̇о б̣ийж̇ам̣ г̇ахзд̇ваа буна робзяяа, д̇ад̇оби ан̇гуро удтахид̇ваа анубуб̣б̣зна вуд̣дхим̣ вируул̣хим̣ взбуллам̣ аабаж̇ж̇ид̇ваа палам̣ д̣̇ад̣̇зяяа. звамзд̇иссаа санд̇ад̇ияаа ад̇т̇и анд̇о’’д̇и? ‘‘над̇т̇и бханд̇з’’д̇и. ‘‘звамзва ко, махаарааж̇а, ад̣̇д̇хаанассааби буримаа годи на бан̃н̃ааяад̇ий’’д̇и.
2. Rājā āha ‘‘bhante nāgasena, yaṃ panetaṃ brūsi ‘purimā koṭi na paññāyatī’ti, tassa opammaṃ karohī’’ti. ‘‘Yathā, mahārāja, puriso parittaṃ 2 bījaṃ pathaviyaṃ nikkhipeyya, tato aṅkuro uṭṭhahitvā anupubbena vuḍḍhiṃ virūḷhiṃ vepullaṃ āpajjitvā phalaṃ dadeyya. Tato bījaṃ gahetvā puna ropeyya, tatopi aṅkuro uṭṭhahitvā anupubbena vuḍḍhiṃ virūḷhiṃ vepullaṃ āpajjitvā phalaṃ dadeyya. Evametissā santatiyā atthi anto’’ti? ‘‘Natthi bhante’’ti. ‘‘Evameva kho, mahārāja, addhānassāpi purimā koṭi na paññāyatī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гуггудияаа ан̣д̣ам̣ бхавзяяа, ан̣д̣ад̇о гуггудий гуггудияаа ан̣д̣анд̇и. звамзд̇иссаа санд̇ад̇ияаа ад̇т̇и анд̇о’’д̇и? ‘‘над̇т̇и бханд̇з’’д̇и. ‘‘звамзва ко, махаарааж̇а, ад̣̇д̇хаанассааби буримаа годи на бан̃н̃ааяад̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kukkuṭiyā aṇḍaṃ bhaveyya, aṇḍato kukkuṭī kukkuṭiyā aṇḍanti. Evametissā santatiyā atthi anto’’ti? ‘‘Natthi bhante’’ti. ‘‘Evameva kho, mahārāja, addhānassāpi purimā koṭi na paññāyatī’’ti.
‘‘бхияяо обаммам̣ гарохий’’д̇и. т̇зро бат̇авияаа жаггам̣ ликид̇ваа милинд̣̇ам̣ рааж̇аанам̣ зд̇ад̣̇авожа ‘‘ад̇т̇и, махаарааж̇а, имасса жаггасса анд̇о’’д̇и? ‘‘над̇т̇и бханд̇з’’д̇и. ‘‘звамзва ко, махаарааж̇а, имаани жаггаани вуд̇д̇аани бхаг̇авад̇аа ‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа гаммам̣, гаммад̇о буна жагкум̣ ж̇ааяад̇ий’д̇и. звамзд̇иссаа санд̇ад̇ияаа ад̇т̇и анд̇о’’д̇и? ‘‘над̇т̇и бханд̇з’’д̇и.
‘‘Bhiyyo opammaṃ karohī’’ti. Thero pathaviyā cakkaṃ likhitvā milindaṃ rājānaṃ etadavoca ‘‘atthi, mahārāja, imassa cakkassa anto’’ti? ‘‘Natthi bhante’’ti. ‘‘Evameva kho, mahārāja, imāni cakkāni vuttāni bhagavatā ‘cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā kammaṃ, kammato puna cakkhuṃ jāyatī’ti. Evametissā santatiyā atthi anto’’ti? ‘‘Natthi bhante’’ti.
‘‘‘сод̇ан̃жа бадижжа сад̣̇д̣̇з жа…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа гаммам̣, гаммад̇о буна мано ж̇ааяад̇ий’д̇и. звамзд̇иссаа санд̇ад̇ияаа ад̇т̇и анд̇о’’д̇и? ‘‘над̇т̇и бханд̇з’’д̇и. ‘‘звамзва ко, махаарааж̇а, ад̣̇д̇хаанассааби буримаа годи на бан̃н̃ааяад̇ий’’д̇и.
‘‘‘Sotañca paṭicca sadde ca…pe… manañca paṭicca dhamme ca uppajjati manoviññāṇaṃ, tiṇṇaṃ saṅgati phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā kammaṃ, kammato puna mano jāyatī’ti. Evametissā santatiyā atthi anto’’ti? ‘‘Natthi bhante’’ti. ‘‘Evameva kho, mahārāja, addhānassāpi purimā koṭi na paññāyatī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
буримагодибан̃хо д̣̇уд̇ияо.
Purimakoṭipañho dutiyo.
Footnotes:
