| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. புரிஸக³திஸுத்தவண்ணனா
2. Purisagatisuttavaṇṇanā
55. து³தியே புரிஸக³தியோதி புரிஸஸ்ஸ ஞாணக³தியோ. அனுபாதா³பரினிப்³பா³னந்தி அபச்சயனிப்³பா³னங். நோ சஸ்ஸாதி அதீதே அத்தபா⁴வனிப்³ப³த்தகங் கம்மங் நோ சே அப⁴விஸ்ஸ. நோ ச மே ஸியாதி ஏதரஹி மே அயங் அத்தபா⁴வோ ந ஸியா. ந ப⁴விஸ்ஸதீதி ஏதரஹி மே அனாக³தத்தபா⁴வனிப்³ப³த்தகங் கம்மங் ந ப⁴விஸ்ஸதி. ந ச மே ப⁴விஸ்ஸதீதி அனாக³தே மே அத்தபா⁴வோ ந ப⁴விஸ்ஸதி. யத³த்தி² யங் பூ⁴தந்தி யங் அத்தி² யங் பூ⁴தங் பச்சுப்பன்னக்க²ந்த⁴பஞ்சகங். தங் பஜஹாமீதி உபெக்க²ங் படிலப⁴தீதி தங் தத்த² ச²ந்த³ராக³ப்பஹானேன பஜஹாமீதி விபஸ்ஸனுபெக்க²ங் படிலப⁴தி. ப⁴வே ந ரஜ்ஜதீதி அதீதே க²ந்த⁴பஞ்சகே தண்ஹாதி³ட்டீ²ஹி ந ரஜ்ஜதி. ஸம்ப⁴வே ந ரஜ்ஜதீதி அனாக³தேபி ததே²வ ந ரஜ்ஜதி. அத்து²த்தரி பத³ங் ஸந்தந்தி உத்தரி ஸந்தங் நிப்³பா³னபத³ங் நாம அத்தி². ஸம்மப்பஞ்ஞாய பஸ்ஸதீதி தங் ஸஹவிபஸ்ஸனாய மக்³க³பஞ்ஞாய ஸம்மா பஸ்ஸதி. ந ஸப்³பே³ன ஸப்³ப³ந்தி ஏகச்சானங் கிலேஸானங் அப்பஹீனத்தா ஸச்சபடிச்சா²த³கஸ்ஸ தமஸ்ஸ ஸப்³ப³ஸோ அவித்³த⁴ங்ஸிதத்தா ந ஸப்³பா³காரேன ஸப்³ப³ங். ஹஞ்ஞமானேதி ஸண்டா³ஸேன க³ஹெத்வா முட்டி²காய கொட்டியமானே. அந்தராபரினிப்³பா³யீதி உபபத்திஸமனந்தரதோ பட்டா²ய ஆயுனோ வேமஜ்ஜ²ங் அனதிக்கமித்வா எத்த²ந்தரே கிலேஸபரினிப்³பா³னேன பரினிப்³பு³தோ ஹோதி. அனுபஹச்ச தலந்தி ஆகாஸதலங் அனுபஹச்ச அனதிக்கமித்வா , பூ⁴மிங் அப்பத்வா ஆகாஸேயேவ நிப்³பா³யெய்யாதி இமாஹி தீஹி உபமாஹி தயோ அந்தராபரினிப்³பா³யீ த³ஸ்ஸிதா.
55. Dutiye purisagatiyoti purisassa ñāṇagatiyo. Anupādāparinibbānanti apaccayanibbānaṃ. No cassāti atīte attabhāvanibbattakaṃ kammaṃ no ce abhavissa. No ca me siyāti etarahi me ayaṃ attabhāvo na siyā. Na bhavissatīti etarahi me anāgatattabhāvanibbattakaṃ kammaṃ na bhavissati. Na ca me bhavissatīti anāgate me attabhāvo na bhavissati. Yadatthi yaṃ bhūtanti yaṃ atthi yaṃ bhūtaṃ paccuppannakkhandhapañcakaṃ. Taṃ pajahāmīti upekkhaṃ paṭilabhatīti taṃ tattha chandarāgappahānena pajahāmīti vipassanupekkhaṃ paṭilabhati. Bhave na rajjatīti atīte khandhapañcake taṇhādiṭṭhīhi na rajjati. Sambhave na rajjatīti anāgatepi tatheva na rajjati. Atthuttaripadaṃ santanti uttari santaṃ nibbānapadaṃ nāma atthi. Sammappaññāya passatīti taṃ sahavipassanāya maggapaññāya sammā passati. Na sabbena sabbanti ekaccānaṃ kilesānaṃ appahīnattā saccapaṭicchādakassa tamassa sabbaso aviddhaṃsitattā na sabbākārena sabbaṃ. Haññamāneti saṇḍāsena gahetvā muṭṭhikāya koṭṭiyamāne. Antarāparinibbāyīti upapattisamanantarato paṭṭhāya āyuno vemajjhaṃ anatikkamitvā etthantare kilesaparinibbānena parinibbuto hoti. Anupahacca talanti ākāsatalaṃ anupahacca anatikkamitvā , bhūmiṃ appatvā ākāseyeva nibbāyeyyāti imāhi tīhi upamāhi tayo antarāparinibbāyī dassitā.
உபஹச்சபரினிப்³பா³யீதி ஆயுவேமஜ்ஜ²ங் அதிக்கமித்வா பச்சி²மகோடிங் அப்பத்வா பரினிப்³பு³தோ ஹோதி. உபஹச்ச தலந்தி ஜலமானா க³ந்த்வா ஆகாஸதலங் அதிக்கமித்வா பத²வீதலங் வா உபஹனித்வா பத²வியங் பதிதமத்தாவ நிப்³பா³யெய்ய. அஸங்கா²ரேன அப்பயோகே³ன கிலேஸே கே²பெத்வா பரினிப்³பா³யீதி அஸங்கா²ரபரினிப்³பா³யீ. ஸஸங்கா²ரேன ஸப்பயோகே³ன கிலேஸே கே²பெத்வா பரினிப்³பா³யீதி ஸஸங்கா²ரபரினிப்³பா³யீ. க³ச்ச²ந்தி நிராரக்க²ங் அரஞ்ஞங். தா³யந்தி ஸாரக்க²ங் அப⁴யத்தா²ய தி³ன்னங் அரஞ்ஞங். ஸேஸமெத்த² உத்தானத்த²மேவ. இமஸ்மிங் ஸுத்தே அரியபுக்³க³லாவ கதி²தாதி.
Upahaccaparinibbāyīti āyuvemajjhaṃ atikkamitvā pacchimakoṭiṃ appatvā parinibbuto hoti. Upahacca talanti jalamānā gantvā ākāsatalaṃ atikkamitvā pathavītalaṃ vā upahanitvā pathaviyaṃ patitamattāva nibbāyeyya. Asaṅkhārena appayogena kilese khepetvā parinibbāyīti asaṅkhāraparinibbāyī. Sasaṅkhārena sappayogena kilese khepetvā parinibbāyīti sasaṅkhāraparinibbāyī. Gacchanti nirārakkhaṃ araññaṃ. Dāyanti sārakkhaṃ abhayatthāya dinnaṃ araññaṃ. Sesamettha uttānatthameva. Imasmiṃ sutte ariyapuggalāva kathitāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. புரிஸக³திஸுத்தங் • 2. Purisagatisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. அப்³யாகதஸுத்தாதி³வண்ணனா • 1-2. Abyākatasuttādivaṇṇanā
