| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. бурисаг̇ад̇исуд̇д̇аван̣н̣анаа
2. Purisagatisuttavaṇṇanā
55. д̣̇уд̇ияз бурисаг̇ад̇ияод̇и бурисасса н̃аан̣аг̇ад̇ияо. анубаад̣̇аабариниб̣б̣аананд̇и абажжаяаниб̣б̣аанам̣. но жассаад̇и ад̇ийд̇з ад̇д̇абхааваниб̣б̣ад̇д̇агам̣ гаммам̣ но жз абхависса. но жа мз сияаад̇и зд̇арахи мз аяам̣ ад̇д̇абхааво на сияаа. на бхависсад̇ийд̇и зд̇арахи мз анааг̇ад̇ад̇д̇абхааваниб̣б̣ад̇д̇агам̣ гаммам̣ на бхависсад̇и. на жа мз бхависсад̇ийд̇и анааг̇ад̇з мз ад̇д̇абхааво на бхависсад̇и. яад̣̇ад̇т̇и яам̣ бхууд̇анд̇и яам̣ ад̇т̇и яам̣ бхууд̇ам̣ бажжуббаннагканд̇хабан̃жагам̣. д̇ам̣ баж̇ахаамийд̇и убзгкам̣ бадилабхад̇ийд̇и д̇ам̣ д̇ад̇т̇а чанд̣̇арааг̇аббахаанзна баж̇ахаамийд̇и вибассанубзгкам̣ бадилабхад̇и. бхавз на раж̇ж̇ад̇ийд̇и ад̇ийд̇з канд̇хабан̃жагз д̇ан̣хаад̣̇идтийхи на раж̇ж̇ад̇и. самбхавз на раж̇ж̇ад̇ийд̇и анааг̇ад̇зби д̇ат̇зва на раж̇ж̇ад̇и. ад̇т̇уд̇д̇ари бад̣̇ам̣ санд̇анд̇и уд̇д̇ари санд̇ам̣ ниб̣б̣аанабад̣̇ам̣ наама ад̇т̇и. саммаббан̃н̃ааяа бассад̇ийд̇и д̇ам̣ сахавибассанааяа маг̇г̇абан̃н̃ааяа саммаа бассад̇и. на саб̣б̣зна саб̣б̣анд̇и згажжаанам̣ гилзсаанам̣ аббахийнад̇д̇аа сажжабадижчаад̣̇агасса д̇амасса саб̣б̣асо авид̣̇д̇хам̣сид̇ад̇д̇аа на саб̣б̣аагаарзна саб̣б̣ам̣. хан̃н̃амаанзд̇и сан̣д̣аасзна г̇ахзд̇ваа мудтигааяа годдияамаанз. анд̇араабариниб̣б̣ааяийд̇и убабад̇д̇исамананд̇арад̇о бадтааяа ааяуно взмаж̇жхам̣ анад̇иггамид̇ваа зд̇т̇анд̇арз гилзсабариниб̣б̣аанзна бариниб̣б̣уд̇о ход̇и. анубахажжа д̇аланд̇и аагаасад̇алам̣ анубахажжа анад̇иггамид̇ваа , бхуумим̣ аббад̇ваа аагаасзязва ниб̣б̣ааязяяаад̇и имаахи д̇ийхи убамаахи д̇аяо анд̇араабариниб̣б̣ааяий д̣̇ассид̇аа.
55. Dutiye purisagatiyoti purisassa ñāṇagatiyo. Anupādāparinibbānanti apaccayanibbānaṃ. No cassāti atīte attabhāvanibbattakaṃ kammaṃ no ce abhavissa. No ca me siyāti etarahi me ayaṃ attabhāvo na siyā. Na bhavissatīti etarahi me anāgatattabhāvanibbattakaṃ kammaṃ na bhavissati. Na ca me bhavissatīti anāgate me attabhāvo na bhavissati. Yadatthi yaṃ bhūtanti yaṃ atthi yaṃ bhūtaṃ paccuppannakkhandhapañcakaṃ. Taṃ pajahāmīti upekkhaṃ paṭilabhatīti taṃ tattha chandarāgappahānena pajahāmīti vipassanupekkhaṃ paṭilabhati. Bhave na rajjatīti atīte khandhapañcake taṇhādiṭṭhīhi na rajjati. Sambhave na rajjatīti anāgatepi tatheva na rajjati. Atthuttaripadaṃ santanti uttari santaṃ nibbānapadaṃ nāma atthi. Sammappaññāya passatīti taṃ sahavipassanāya maggapaññāya sammā passati. Na sabbena sabbanti ekaccānaṃ kilesānaṃ appahīnattā saccapaṭicchādakassa tamassa sabbaso aviddhaṃsitattā na sabbākārena sabbaṃ. Haññamāneti saṇḍāsena gahetvā muṭṭhikāya koṭṭiyamāne. Antarāparinibbāyīti upapattisamanantarato paṭṭhāya āyuno vemajjhaṃ anatikkamitvā etthantare kilesaparinibbānena parinibbuto hoti. Anupahacca talanti ākāsatalaṃ anupahacca anatikkamitvā , bhūmiṃ appatvā ākāseyeva nibbāyeyyāti imāhi tīhi upamāhi tayo antarāparinibbāyī dassitā.
убахажжабариниб̣б̣ааяийд̇и ааяувзмаж̇жхам̣ ад̇иггамид̇ваа бажчимагодим̣ аббад̇ваа бариниб̣б̣уд̇о ход̇и. убахажжа д̇аланд̇и ж̇аламаанаа г̇анд̇ваа аагаасад̇алам̣ ад̇иггамид̇ваа бат̇авийд̇алам̣ ваа убаханид̇ваа бат̇авияам̣ бад̇ид̇амад̇д̇аава ниб̣б̣ааязяяа. асан̇каарзна аббаяог̇зна гилзсз кзбзд̇ваа бариниб̣б̣ааяийд̇и асан̇каарабариниб̣б̣ааяий. сасан̇каарзна саббаяог̇зна гилзсз кзбзд̇ваа бариниб̣б̣ааяийд̇и сасан̇каарабариниб̣б̣ааяий. г̇ажчанд̇и нираарагкам̣ аран̃н̃ам̣. д̣̇ааяанд̇и саарагкам̣ абхаяад̇т̇ааяа д̣̇иннам̣ аран̃н̃ам̣. сзсамзд̇т̇а уд̇д̇аанад̇т̇амзва. имасмим̣ суд̇д̇з арияабуг̇г̇алаава гат̇ид̇аад̇и.
Upahaccaparinibbāyīti āyuvemajjhaṃ atikkamitvā pacchimakoṭiṃ appatvā parinibbuto hoti. Upahacca talanti jalamānā gantvā ākāsatalaṃ atikkamitvā pathavītalaṃ vā upahanitvā pathaviyaṃ patitamattāva nibbāyeyya. Asaṅkhārena appayogena kilese khepetvā parinibbāyīti asaṅkhāraparinibbāyī. Sasaṅkhārena sappayogena kilese khepetvā parinibbāyīti sasaṅkhāraparinibbāyī. Gacchanti nirārakkhaṃ araññaṃ. Dāyanti sārakkhaṃ abhayatthāya dinnaṃ araññaṃ. Sesamettha uttānatthameva. Imasmiṃ sutte ariyapuggalāva kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. бурисаг̇ад̇исуд̇д̇ам̣ • 2. Purisagatisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. аб̣яаагад̇асуд̇д̇аад̣̇иван̣н̣анаа • 1-2. Abyākatasuttādivaṇṇanā
