| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਪੁਰਿਸਗਤਿਸੁਤ੍ਤવਣ੍ਣਨਾ
2. Purisagatisuttavaṇṇanā
੫੫. ਦੁਤਿਯੇ ਪੁਰਿਸਗਤਿਯੋਤਿ ਪੁਰਿਸਸ੍ਸ ਞਾਣਗਤਿਯੋ। ਅਨੁਪਾਦਾਪਰਿਨਿਬ੍ਬਾਨਨ੍ਤਿ ਅਪਚ੍ਚਯਨਿਬ੍ਬਾਨਂ। ਨੋ ਚਸ੍ਸਾਤਿ ਅਤੀਤੇ ਅਤ੍ਤਭਾવਨਿਬ੍ਬਤ੍ਤਕਂ ਕਮ੍ਮਂ ਨੋ ਚੇ ਅਭવਿਸ੍ਸ। ਨੋ ਚ ਮੇ ਸਿਯਾਤਿ ਏਤਰਹਿ ਮੇ ਅਯਂ ਅਤ੍ਤਭਾવੋ ਨ ਸਿਯਾ। ਨ ਭવਿਸ੍ਸਤੀਤਿ ਏਤਰਹਿ ਮੇ ਅਨਾਗਤਤ੍ਤਭਾવਨਿਬ੍ਬਤ੍ਤਕਂ ਕਮ੍ਮਂ ਨ ਭવਿਸ੍ਸਤਿ। ਨ ਚ ਮੇ ਭવਿਸ੍ਸਤੀਤਿ ਅਨਾਗਤੇ ਮੇ ਅਤ੍ਤਭਾવੋ ਨ ਭવਿਸ੍ਸਤਿ। ਯਦਤ੍ਥਿ ਯਂ ਭੂਤਨ੍ਤਿ ਯਂ ਅਤ੍ਥਿ ਯਂ ਭੂਤਂ ਪਚ੍ਚੁਪ੍ਪਨ੍ਨਕ੍ਖਨ੍ਧਪਞ੍ਚਕਂ। ਤਂ ਪਜਹਾਮੀਤਿ ਉਪੇਕ੍ਖਂ ਪਟਿਲਭਤੀਤਿ ਤਂ ਤਤ੍ਥ ਛਨ੍ਦਰਾਗਪ੍ਪਹਾਨੇਨ ਪਜਹਾਮੀਤਿ વਿਪਸ੍ਸਨੁਪੇਕ੍ਖਂ ਪਟਿਲਭਤਿ। ਭવੇ ਨ ਰਜ੍ਜਤੀਤਿ ਅਤੀਤੇ ਖਨ੍ਧਪਞ੍ਚਕੇ ਤਣ੍ਹਾਦਿਟ੍ਠੀਹਿ ਨ ਰਜ੍ਜਤਿ। ਸਮ੍ਭવੇ ਨ ਰਜ੍ਜਤੀਤਿ ਅਨਾਗਤੇਪਿ ਤਥੇવ ਨ ਰਜ੍ਜਤਿ। ਅਤ੍ਥੁਤ੍ਤਰਿ ਪਦਂ ਸਨ੍ਤਨ੍ਤਿ ਉਤ੍ਤਰਿ ਸਨ੍ਤਂ ਨਿਬ੍ਬਾਨਪਦਂ ਨਾਮ ਅਤ੍ਥਿ। ਸਮ੍ਮਪ੍ਪਞ੍ਞਾਯ ਪਸ੍ਸਤੀਤਿ ਤਂ ਸਹવਿਪਸ੍ਸਨਾਯ ਮਗ੍ਗਪਞ੍ਞਾਯ ਸਮ੍ਮਾ ਪਸ੍ਸਤਿ। ਨ ਸਬ੍ਬੇਨ ਸਬ੍ਬਨ੍ਤਿ ਏਕਚ੍ਚਾਨਂ ਕਿਲੇਸਾਨਂ ਅਪ੍ਪਹੀਨਤ੍ਤਾ ਸਚ੍ਚਪਟਿਚ੍ਛਾਦਕਸ੍ਸ ਤਮਸ੍ਸ ਸਬ੍ਬਸੋ ਅવਿਦ੍ਧਂਸਿਤਤ੍ਤਾ ਨ ਸਬ੍ਬਾਕਾਰੇਨ ਸਬ੍ਬਂ। ਹਞ੍ਞਮਾਨੇਤਿ ਸਣ੍ਡਾਸੇਨ ਗਹੇਤ੍વਾ ਮੁਟ੍ਠਿਕਾਯ ਕੋਟ੍ਟਿਯਮਾਨੇ। ਅਨ੍ਤਰਾਪਰਿਨਿਬ੍ਬਾਯੀਤਿ ਉਪਪਤ੍ਤਿਸਮਨਨ੍ਤਰਤੋ ਪਟ੍ਠਾਯ ਆਯੁਨੋ વੇਮਜ੍ਝਂ ਅਨਤਿਕ੍ਕਮਿਤ੍વਾ ਏਤ੍ਥਨ੍ਤਰੇ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤੋ ਹੋਤਿ। ਅਨੁਪਹਚ੍ਚ ਤਲਨ੍ਤਿ ਆਕਾਸਤਲਂ ਅਨੁਪਹਚ੍ਚ ਅਨਤਿਕ੍ਕਮਿਤ੍વਾ , ਭੂਮਿਂ ਅਪ੍ਪਤ੍વਾ ਆਕਾਸੇਯੇવ ਨਿਬ੍ਬਾਯੇਯ੍ਯਾਤਿ ਇਮਾਹਿ ਤੀਹਿ ਉਪਮਾਹਿ ਤਯੋ ਅਨ੍ਤਰਾਪਰਿਨਿਬ੍ਬਾਯੀ ਦਸ੍ਸਿਤਾ।
55. Dutiye purisagatiyoti purisassa ñāṇagatiyo. Anupādāparinibbānanti apaccayanibbānaṃ. No cassāti atīte attabhāvanibbattakaṃ kammaṃ no ce abhavissa. No ca me siyāti etarahi me ayaṃ attabhāvo na siyā. Na bhavissatīti etarahi me anāgatattabhāvanibbattakaṃ kammaṃ na bhavissati. Na ca me bhavissatīti anāgate me attabhāvo na bhavissati. Yadatthi yaṃ bhūtanti yaṃ atthi yaṃ bhūtaṃ paccuppannakkhandhapañcakaṃ. Taṃ pajahāmīti upekkhaṃ paṭilabhatīti taṃ tattha chandarāgappahānena pajahāmīti vipassanupekkhaṃ paṭilabhati. Bhave na rajjatīti atīte khandhapañcake taṇhādiṭṭhīhi na rajjati. Sambhave na rajjatīti anāgatepi tatheva na rajjati. Atthuttaripadaṃ santanti uttari santaṃ nibbānapadaṃ nāma atthi. Sammappaññāya passatīti taṃ sahavipassanāya maggapaññāya sammā passati. Na sabbena sabbanti ekaccānaṃ kilesānaṃ appahīnattā saccapaṭicchādakassa tamassa sabbaso aviddhaṃsitattā na sabbākārena sabbaṃ. Haññamāneti saṇḍāsena gahetvā muṭṭhikāya koṭṭiyamāne. Antarāparinibbāyīti upapattisamanantarato paṭṭhāya āyuno vemajjhaṃ anatikkamitvā etthantare kilesaparinibbānena parinibbuto hoti. Anupahacca talanti ākāsatalaṃ anupahacca anatikkamitvā , bhūmiṃ appatvā ākāseyeva nibbāyeyyāti imāhi tīhi upamāhi tayo antarāparinibbāyī dassitā.
ਉਪਹਚ੍ਚਪਰਿਨਿਬ੍ਬਾਯੀਤਿ ਆਯੁવੇਮਜ੍ਝਂ ਅਤਿਕ੍ਕਮਿਤ੍વਾ ਪਚ੍ਛਿਮਕੋਟਿਂ ਅਪ੍ਪਤ੍વਾ ਪਰਿਨਿਬ੍ਬੁਤੋ ਹੋਤਿ। ਉਪਹਚ੍ਚ ਤਲਨ੍ਤਿ ਜਲਮਾਨਾ ਗਨ੍ਤ੍વਾ ਆਕਾਸਤਲਂ ਅਤਿਕ੍ਕਮਿਤ੍વਾ ਪਥવੀਤਲਂ વਾ ਉਪਹਨਿਤ੍વਾ ਪਥવਿਯਂ ਪਤਿਤਮਤ੍ਤਾવ ਨਿਬ੍ਬਾਯੇਯ੍ਯ। ਅਸਙ੍ਖਾਰੇਨ ਅਪ੍ਪਯੋਗੇਨ ਕਿਲੇਸੇ ਖੇਪੇਤ੍વਾ ਪਰਿਨਿਬ੍ਬਾਯੀਤਿ ਅਸਙ੍ਖਾਰਪਰਿਨਿਬ੍ਬਾਯੀ। ਸਸਙ੍ਖਾਰੇਨ ਸਪ੍ਪਯੋਗੇਨ ਕਿਲੇਸੇ ਖੇਪੇਤ੍વਾ ਪਰਿਨਿਬ੍ਬਾਯੀਤਿ ਸਸਙ੍ਖਾਰਪਰਿਨਿਬ੍ਬਾਯੀ। ਗਚ੍ਛਨ੍ਤਿ ਨਿਰਾਰਕ੍ਖਂ ਅਰਞ੍ਞਂ। ਦਾਯਨ੍ਤਿ ਸਾਰਕ੍ਖਂ ਅਭਯਤ੍ਥਾਯ ਦਿਨ੍ਨਂ ਅਰਞ੍ਞਂ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ। ਇਮਸ੍ਮਿਂ ਸੁਤ੍ਤੇ ਅਰਿਯਪੁਗ੍ਗਲਾવ ਕਥਿਤਾਤਿ।
Upahaccaparinibbāyīti āyuvemajjhaṃ atikkamitvā pacchimakoṭiṃ appatvā parinibbuto hoti. Upahacca talanti jalamānā gantvā ākāsatalaṃ atikkamitvā pathavītalaṃ vā upahanitvā pathaviyaṃ patitamattāva nibbāyeyya. Asaṅkhārena appayogena kilese khepetvā parinibbāyīti asaṅkhāraparinibbāyī. Sasaṅkhārena sappayogena kilese khepetvā parinibbāyīti sasaṅkhāraparinibbāyī. Gacchanti nirārakkhaṃ araññaṃ. Dāyanti sārakkhaṃ abhayatthāya dinnaṃ araññaṃ. Sesamettha uttānatthameva. Imasmiṃ sutte ariyapuggalāva kathitāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਪੁਰਿਸਗਤਿਸੁਤ੍ਤਂ • 2. Purisagatisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੨. ਅਬ੍ਯਾਕਤਸੁਤ੍ਤਾਦਿવਣ੍ਣਨਾ • 1-2. Abyākatasuttādivaṇṇanā
