| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. бурисасуд̇д̇аван̣н̣анаа
2. Purisasuttavaṇṇanā
113. буримасуд̇д̇зд̇и буримасуд̇д̇ад̣̇зсанааяам̣. д̇ад̇т̇а хи убасан̇гаманд̇авзлааяа сад̇т̇у г̇ун̣з аж̇аананд̇о гзвалам̣ саммод̣̇анам̣ гарод̇и. д̣̇зсанам̣ суд̇ваа бана сад̇т̇у г̇ун̣з н̃ад̇ваа саран̣ан̇г̇ад̇ад̇д̇аа ид̇ха имасмим̣ самааг̇амз абхиваад̣̇зси бан̃жабад̇идтид̇зна ванд̣̇и. ад̇д̇аанам̣ ад̇хи аж̇жхад̇д̇ам̣, авиж̇ахзна ад̇д̇аанам̣ ад̇хигижжа уд̣̇д̣̇исса бавад̇д̇ад̇хаммаа аж̇жхад̇д̇ам̣ згаж̇жхам̣ г̇ахан̣авасзна, бхуммад̇т̇з жзд̇ам̣ бажжад̇д̇аважанам̣. гааман̃жааяам̣ аж̇жхад̇д̇асад̣̇д̣̇о г̇ожараж̇жхад̇д̇ависаяаж̇жхад̇д̇ааж̇жхад̇д̇аж̇жхад̇д̇зсу бавад̇д̇ад̇и. д̇з банзд̇т̇а на яуж̇ж̇анд̇ийд̇и вуд̇д̇ам̣ ‘‘нияагаж̇жхад̇д̇а’’нд̇и, нияагасан̇каад̇ааж̇жхад̇д̇ад̇хаммзсууд̇и ад̇т̇о. д̇знааха ‘‘ад̇д̇ано санд̇аанз’’д̇и. луб̣бханалагкан̣од̇и г̇иж̇жханалагкан̣о, аарамман̣з д̣̇ал̣хаг̇г̇ахан̣асабхаавод̇и ад̇т̇о. д̣̇уссаналагкан̣од̇и гуж̇жханалагкан̣о, б̣яаабаж̇ж̇анасабхаавод̇и ад̇т̇о. муяханалагкан̣од̇и ан̃н̃аан̣алагкан̣о, аарамман̣з сабхаавасаммохабхаавод̇и ад̇т̇о. вихзтзнд̇ийд̇и ад̇т̇анаасанаанад̇т̇уббаад̣̇анзхи виб̣аад̇хзнд̇и. д̇ад̇о зва яат̇аа саг̇г̇амаг̇г̇зсу на д̣̇иссад̇и, звам̣ гаронд̇ийд̇и ааха ‘‘наасзнд̇и винаасзнд̇ий’’д̇и. ад̇д̇ани самбхууд̇аад̇и санд̇аанз ниб̣б̣ад̇д̇аа.
113.Purimasutteti purimasuttadesanāyaṃ. Tattha hi upasaṅkamantavelāya satthu guṇe ajānanto kevalaṃ sammodanaṃ karoti. Desanaṃ sutvā pana satthu guṇe ñatvā saraṇaṅgatattā idha imasmiṃ samāgame abhivādesi pañcapatiṭṭhitena vandi. Attānaṃ adhi ajjhattaṃ, avijahena attānaṃ adhikicca uddissa pavattadhammā ajjhattaṃ ekajjhaṃ gahaṇavasena, bhummatthe cetaṃ paccattavacanaṃ. Kāmañcāyaṃ ajjhattasaddo gocarajjhattavisayajjhattaajjhattajjhattesu pavattati. Te panettha na yujjantīti vuttaṃ ‘‘niyakajjhatta’’nti, niyakasaṅkhātaajjhattadhammesūti attho. Tenāha ‘‘attano santāne’’ti. Lubbhanalakkhaṇoti gijjhanalakkhaṇo, ārammaṇe daḷhaggahaṇasabhāvoti attho. Dussanalakkhaṇoti kujjhanalakkhaṇo, byāpajjanasabhāvoti attho. Muyhanalakkhaṇoti aññāṇalakkhaṇo, ārammaṇe sabhāvasammohabhāvoti attho. Viheṭhentīti atthanāsanaanatthuppādanehi vibādhenti. Tato eva yathā saggamaggesu na dissati, evaṃ karontīti āha ‘‘nāsenti vināsentī’’ti. Attani sambhūtāti santāne nibbattā.
бурисасуд̇д̇аван̣н̣анаа нидтид̇аа.
Purisasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. бурисасуд̇д̇ам̣ • 2. Purisasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. бурисасуд̇д̇аван̣н̣анаа • 2. Purisasuttavaṇṇanā
