| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ಪುರಿಸಸುತ್ತವಣ್ಣನಾ
2. Purisasuttavaṇṇanā
೧೧೩. ಪುರಿಮಸುತ್ತೇತಿ ಪುರಿಮಸುತ್ತದೇಸನಾಯಂ। ತತ್ಥ ಹಿ ಉಪಸಙ್ಕಮನ್ತವೇಲಾಯ ಸತ್ಥು ಗುಣೇ ಅಜಾನನ್ತೋ ಕೇವಲಂ ಸಮ್ಮೋದನಂ ಕರೋತಿ। ದೇಸನಂ ಸುತ್ವಾ ಪನ ಸತ್ಥು ಗುಣೇ ಞತ್ವಾ ಸರಣಙ್ಗತತ್ತಾ ಇಧ ಇಮಸ್ಮಿಂ ಸಮಾಗಮೇ ಅಭಿವಾದೇಸಿ ಪಞ್ಚಪತಿಟ್ಠಿತೇನ ವನ್ದಿ। ಅತ್ತಾನಂ ಅಧಿ ಅಜ್ಝತ್ತಂ, ಅವಿಜಹೇನ ಅತ್ತಾನಂ ಅಧಿಕಿಚ್ಚ ಉದ್ದಿಸ್ಸ ಪವತ್ತಧಮ್ಮಾ ಅಜ್ಝತ್ತಂ ಏಕಜ್ಝಂ ಗಹಣವಸೇನ, ಭುಮ್ಮತ್ಥೇ ಚೇತಂ ಪಚ್ಚತ್ತವಚನಂ। ಕಾಮಞ್ಚಾಯಂ ಅಜ್ಝತ್ತಸದ್ದೋ ಗೋಚರಜ್ಝತ್ತವಿಸಯಜ್ಝತ್ತಅಜ್ಝತ್ತಜ್ಝತ್ತೇಸು ಪವತ್ತತಿ। ತೇ ಪನೇತ್ಥ ನ ಯುಜ್ಜನ್ತೀತಿ ವುತ್ತಂ ‘‘ನಿಯಕಜ್ಝತ್ತ’’ನ್ತಿ, ನಿಯಕಸಙ್ಖಾತಅಜ್ಝತ್ತಧಮ್ಮೇಸೂತಿ ಅತ್ಥೋ। ತೇನಾಹ ‘‘ಅತ್ತನೋ ಸನ್ತಾನೇ’’ತಿ। ಲುಬ್ಭನಲಕ್ಖಣೋತಿ ಗಿಜ್ಝನಲಕ್ಖಣೋ, ಆರಮ್ಮಣೇ ದಳ್ಹಗ್ಗಹಣಸಭಾವೋತಿ ಅತ್ಥೋ। ದುಸ್ಸನಲಕ್ಖಣೋತಿ ಕುಜ್ಝನಲಕ್ಖಣೋ, ಬ್ಯಾಪಜ್ಜನಸಭಾವೋತಿ ಅತ್ಥೋ। ಮುಯ್ಹನಲಕ್ಖಣೋತಿ ಅಞ್ಞಾಣಲಕ್ಖಣೋ, ಆರಮ್ಮಣೇ ಸಭಾವಸಮ್ಮೋಹಭಾವೋತಿ ಅತ್ಥೋ। ವಿಹೇಠೇನ್ತೀತಿ ಅತ್ಥನಾಸನಅನತ್ಥುಪ್ಪಾದನೇಹಿ ವಿಬಾಧೇನ್ತಿ। ತತೋ ಏವ ಯಥಾ ಸಗ್ಗಮಗ್ಗೇಸು ನ ದಿಸ್ಸತಿ, ಏವಂ ಕರೋನ್ತೀತಿ ಆಹ ‘‘ನಾಸೇನ್ತಿ ವಿನಾಸೇನ್ತೀ’’ತಿ। ಅತ್ತನಿ ಸಮ್ಭೂತಾತಿ ಸನ್ತಾನೇ ನಿಬ್ಬತ್ತಾ।
113.Purimasutteti purimasuttadesanāyaṃ. Tattha hi upasaṅkamantavelāya satthu guṇe ajānanto kevalaṃ sammodanaṃ karoti. Desanaṃ sutvā pana satthu guṇe ñatvā saraṇaṅgatattā idha imasmiṃ samāgame abhivādesi pañcapatiṭṭhitena vandi. Attānaṃ adhi ajjhattaṃ, avijahena attānaṃ adhikicca uddissa pavattadhammā ajjhattaṃ ekajjhaṃ gahaṇavasena, bhummatthe cetaṃ paccattavacanaṃ. Kāmañcāyaṃ ajjhattasaddo gocarajjhattavisayajjhattaajjhattajjhattesu pavattati. Te panettha na yujjantīti vuttaṃ ‘‘niyakajjhatta’’nti, niyakasaṅkhātaajjhattadhammesūti attho. Tenāha ‘‘attano santāne’’ti. Lubbhanalakkhaṇoti gijjhanalakkhaṇo, ārammaṇe daḷhaggahaṇasabhāvoti attho. Dussanalakkhaṇoti kujjhanalakkhaṇo, byāpajjanasabhāvoti attho. Muyhanalakkhaṇoti aññāṇalakkhaṇo, ārammaṇe sabhāvasammohabhāvoti attho. Viheṭhentīti atthanāsanaanatthuppādanehi vibādhenti. Tato eva yathā saggamaggesu na dissati, evaṃ karontīti āha ‘‘nāsenti vināsentī’’ti. Attani sambhūtāti santāne nibbattā.
ಪುರಿಸಸುತ್ತವಣ್ಣನಾ ನಿಟ್ಠಿತಾ।
Purisasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಪುರಿಸಸುತ್ತಂ • 2. Purisasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ಪುರಿಸಸುತ್ತವಣ್ಣನಾ • 2. Purisasuttavaṇṇanā
