| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. бурисинд̣̇рияан̃аан̣асуд̇д̇ам̣
8. Purisindriyañāṇasuttaṃ
62. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна д̣̇ан̣д̣агаббагам̣ наама госалаанам̣ ниг̇амо д̇ад̣̇авасари. ат̇а ко бхаг̇аваа маг̇г̇аа оггамма ан̃н̃ад̇арасмим̣ ругкамуулз бан̃н̃ад̇д̇з аасанз нисийд̣̇и. д̇з жа бхигкуу д̣̇ан̣д̣агаббагам̣ бависим̣су аавасат̇ам̣ бариязсид̇ум̣.
62. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena daṇḍakappakaṃ nāma kosalānaṃ nigamo tadavasari. Atha kho bhagavā maggā okkamma aññatarasmiṃ rukkhamūle paññatte āsane nisīdi. Te ca bhikkhū daṇḍakappakaṃ pavisiṃsu āvasathaṃ pariyesituṃ.
ат̇а ко ааяасмаа аананд̣̇о самб̣ахулзхи бхигкуухи сад̣̇д̇хим̣ язна ажиравад̇ий над̣̇ий д̇знубасан̇гами г̇ад̇д̇аани барисин̃жид̇ум̣. ажиравад̇ияаа над̣̇ияаа г̇ад̇д̇аани барисин̃жид̇ваа бажжуд̇д̇арид̇ваа згажийваро адтааси г̇ад̇д̇аани буб̣б̣аабаяамаано. ат̇а ко ан̃н̃ад̇аро бхигку язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘гим̣ ну ко, аавусо аананд̣̇а, саб̣б̣ам̣ жзд̇асо саманнаахарид̇ваа ну ко д̣̇звад̣̇ад̇д̇о бхаг̇авад̇аа б̣яаагад̇о – ‘аабааяиго д̣̇звад̣̇ад̇д̇о нзраяиго габбадто ад̇згижчо’д̇и 1, уд̣̇ааху гзнажид̣̇зва барияааязнаа’д̇и? ‘‘звам̣ ко банзд̇ам̣, аавусо, бхаг̇авад̇аа б̣яаагад̇а’’нд̇и.
Atha kho āyasmā ānando sambahulehi bhikkhūhi saddhiṃ yena aciravatī nadī tenupasaṅkami gattāni parisiñcituṃ. Aciravatiyā nadiyā gattāni parisiñcitvā paccuttaritvā ekacīvaro aṭṭhāsi gattāni pubbāpayamāno. Atha kho aññataro bhikkhu yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca – ‘‘kiṃ nu kho, āvuso ānanda, sabbaṃ cetaso samannāharitvā nu kho devadatto bhagavatā byākato – ‘āpāyiko devadatto nerayiko kappaṭṭho atekiccho’ti 2, udāhu kenacideva pariyāyenā’ti? ‘‘Evaṃ kho panetaṃ, āvuso, bhagavatā byākata’’nti.
ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, самб̣ахулзхи бхигкуухи сад̣̇д̇хим̣ язна ажиравад̇ий над̣̇ий д̇знубасан̇гамим̣ г̇ад̇д̇аани барисин̃жид̇ум̣. ажиравад̇ияаа над̣̇ияаа г̇ад̇д̇аани барисин̃жид̇ваа бажжуд̇д̇арид̇ваа згажийваро адтаасим̣ г̇ад̇д̇аани буб̣б̣аабаяамаано . ат̇а ко, бханд̇з, ан̃н̃ад̇аро бхигку язнаахам̣ д̇знубасан̇гами; убасан̇гамид̇ваа мам̣ зд̇ад̣̇авожа – ‘гим̣ ну ко, аавусо, аананд̣̇а саб̣б̣ам̣ жзд̇асо саманнаахарид̇ваа ну ко д̣̇звад̣̇ад̇д̇о бхаг̇авад̇аа б̣яаагад̇о – аабааяиго д̣̇звад̣̇ад̇д̇о нзраяиго габбадто ад̇згижчод̇и, уд̣̇ааху гзнажид̣̇зва барияааязнаа’д̇и? звам̣ вуд̇д̇з ахам̣, бханд̇з, д̇ам̣ бхигкум̣ зд̇ад̣̇авожам̣ – ‘звам̣ ко банзд̇ам̣, аавусо, бхаг̇авад̇аа б̣яаагад̇а’’’нд̇и.
Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘idhāhaṃ, bhante, sambahulehi bhikkhūhi saddhiṃ yena aciravatī nadī tenupasaṅkamiṃ gattāni parisiñcituṃ. Aciravatiyā nadiyā gattāni parisiñcitvā paccuttaritvā ekacīvaro aṭṭhāsiṃ gattāni pubbāpayamāno . Atha kho, bhante, aññataro bhikkhu yenāhaṃ tenupasaṅkami; upasaṅkamitvā maṃ etadavoca – ‘kiṃ nu kho, āvuso, ānanda sabbaṃ cetaso samannāharitvā nu kho devadatto bhagavatā byākato – āpāyiko devadatto nerayiko kappaṭṭho atekicchoti, udāhu kenacideva pariyāyenā’ti? Evaṃ vutte ahaṃ, bhante, taṃ bhikkhuṃ etadavocaṃ – ‘evaṃ kho panetaṃ, āvuso, bhagavatā byākata’’’nti.
‘‘со ваа 3 ко, аананд̣̇а, бхигку наво бхависсад̇и ажирабаб̣б̣аж̇ид̇о, т̇зро ваа бана б̣аало аб̣яад̇д̇о. гат̇ан̃хи наама яам̣ маяаа згам̣сзна б̣яаагад̇ам̣ д̇ад̇т̇а д̣̇взж̇жхам̣ аабаж̇ж̇иссад̇и! наахам̣, аананд̣̇а, ан̃н̃ам̣ згабуг̇г̇аламби саманубассаами, яо звам̣ маяаа саб̣б̣ам̣ жзд̇асо саманнаахарид̇ваа б̣яаагад̇о, яат̇аяид̣̇ам̣ д̣̇звад̣̇ад̇д̇о. яаавагийван̃жаахам̣, аананд̣̇а, д̣̇звад̣̇ад̇д̇асса ваалаг̇г̇агодинид̇д̇уд̣̇анамад̇д̇амби суггад̇хаммам̣ ад̣̇д̣̇асам̣; нзва д̇ааваахам̣ д̣̇звад̣̇ад̇д̇ам̣ б̣яаагаасим̣ – ‘аабааяиго д̣̇звад̣̇ад̇д̇о нзраяиго габбадто ад̇згижчо’д̇и. яад̇о жа ко ахам̣, аананд̣̇а, д̣̇звад̣̇ад̇д̇асса ваалаг̇г̇агодинид̇д̇уд̣̇анамад̇д̇амби суггад̇хаммам̣ на ад̣̇д̣̇асам̣; ат̇аахам̣ д̣̇звад̣̇ад̇д̇ам̣ б̣яаагаасим̣ – ‘аабааяиго д̣̇звад̣̇ад̇д̇о нзраяиго габбадто ад̇згижчо’д̇и.
‘‘So vā 4 kho, ānanda, bhikkhu navo bhavissati acirapabbajito, thero vā pana bālo abyatto. Kathañhi nāma yaṃ mayā ekaṃsena byākataṃ tattha dvejjhaṃ āpajjissati! Nāhaṃ, ānanda, aññaṃ ekapuggalampi samanupassāmi, yo evaṃ mayā sabbaṃ cetaso samannāharitvā byākato, yathayidaṃ devadatto. Yāvakīvañcāhaṃ, ānanda, devadattassa vālaggakoṭinittudanamattampi sukkadhammaṃ addasaṃ; neva tāvāhaṃ devadattaṃ byākāsiṃ – ‘āpāyiko devadatto nerayiko kappaṭṭho atekiccho’ti. Yato ca kho ahaṃ, ānanda, devadattassa vālaggakoṭinittudanamattampi sukkadhammaṃ na addasaṃ; athāhaṃ devadattaṃ byākāsiṃ – ‘āpāyiko devadatto nerayiko kappaṭṭho atekiccho’ti.
‘‘сзяяат̇ааби, аананд̣̇а, г̇уут̇агуубо саад̇хигаборисо бууро г̇уут̇асса самад̇ид̇д̇иго. д̇ад̇ра бурисо сасийсаго нимуг̇г̇о асса. д̇асса гожид̣̇зва бурисо уббаж̇ж̇зяяа ад̇т̇агаамо хид̇агаамо яог̇агкзмагаамо д̇амхаа г̇уут̇агуубаа уд̣̇д̇харид̇угаамо. со д̇ам̣ г̇уут̇агуубам̣ саманд̇аанубариг̇ажчанд̇о нзва бассзяяа д̇асса бурисасса ваалаг̇г̇агодинид̇д̇уд̣̇анамад̇д̇амби г̇уут̇зна амагкид̇ам̣, яад̇т̇а д̇ам̣ г̇ахзд̇ваа уд̣̇д̇харзяяа. звамзвам̣ ко ахам̣, аананд̣̇а, яад̇о д̣̇звад̣̇ад̇д̇асса ваалаг̇г̇агодинид̇д̇уд̣̇анамад̇д̇амби суггад̇хаммам̣ на ад̣̇д̣̇асам̣; ат̇аахам̣ д̣̇звад̣̇ад̇д̇ам̣ б̣яаагаасим̣ – ‘аабааяиго д̣̇звад̣̇ад̇д̇о нзраяиго габбадто ад̇згижчо’д̇и . сажз д̇умхз, аананд̣̇а, сун̣зяяаат̇а д̇ат̇ааг̇ад̇асса бурисинд̣̇рияан̃аан̣аани вибхаж̇иссаамий’’д̇и 5?
‘‘Seyyathāpi, ānanda, gūthakūpo sādhikaporiso pūro gūthassa samatittiko. Tatra puriso sasīsako nimuggo assa. Tassa kocideva puriso uppajjeyya atthakāmo hitakāmo yogakkhemakāmo tamhā gūthakūpā uddharitukāmo. So taṃ gūthakūpaṃ samantānuparigacchanto neva passeyya tassa purisassa vālaggakoṭinittudanamattampi gūthena amakkhitaṃ, yattha taṃ gahetvā uddhareyya. Evamevaṃ kho ahaṃ, ānanda, yato devadattassa vālaggakoṭinittudanamattampi sukkadhammaṃ na addasaṃ; athāhaṃ devadattaṃ byākāsiṃ – ‘āpāyiko devadatto nerayiko kappaṭṭho atekiccho’ti . Sace tumhe, ānanda, suṇeyyātha tathāgatassa purisindriyañāṇāni vibhajissāmī’’ti 6?
‘‘зд̇асса, бхаг̇аваа, гаало; зд̇асса, суг̇ад̇а, гаало яам̣ бхаг̇аваа бурисинд̣̇рияан̃аан̣аани вибхаж̇зяяа. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇знахаананд̣̇а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. бхаг̇аваа зд̇ад̣̇авожа –
‘‘Etassa, bhagavā, kālo; etassa, sugata, kālo yaṃ bhagavā purisindriyañāṇāni vibhajeyya. Bhagavato sutvā bhikkhū dhāressantī’’ti. ‘‘Tenahānanda, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā ānando bhagavato paccassosi. Bhagavā etadavoca –
‘‘ид̇хаахам̣, аананд̣̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса гусалаа д̇хаммаа анд̇арахид̇аа, агусалаа д̇хаммаа саммукийбхууд̇аа . ад̇т̇и жа квасса гусаламуулам̣ асамужчиннам̣, д̇амхаа д̇асса гусалаа гусалам̣ баад̇убхависсад̇и. звамаяам̣ буг̇г̇ало ааяад̇им̣ абарихаанад̇хаммо бхависсад̇ий’д̇и. сзяяат̇ааби, аананд̣̇а, б̣ийж̇аани акан̣д̣аани абууд̇ийни аваад̇аад̇абахад̇аани саарад̣̇аани сукасаяид̇аани сукзд̇д̇з субаригаммагад̇ааяа бхуумияаа нигкид̇д̇аани. ж̇аанзяяааси д̇вам̣, аананд̣̇а, имаани б̣ийж̇аани вуд̣̇д̇хим̣ вируул̣хим̣ взбуллам̣ аабаж̇ж̇иссанд̇ий’’д̇и? ‘‘звам̣, бханд̇з’’. ‘‘звамзвам̣ ко ахам̣, аананд̣̇а, ид̇хзгажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса гусалаа д̇хаммаа анд̇арахид̇аа, агусалаа д̇хаммаа саммукийбхууд̇аа. ад̇т̇и жа квасса гусаламуулам̣ асамужчиннам̣, д̇амхаа д̇асса гусалаа гусалам̣ баад̇убхависсад̇и. звамаяам̣ буг̇г̇ало ааяад̇им̣ абарихаанад̇хаммо бхависсад̇ий’д̇и. звамби ко, аананд̣̇а, д̇ат̇ааг̇ад̇асса бурисабуг̇г̇ало жзд̇асаа жзд̇о барижжа вид̣̇ид̇о ход̇и. звамби ко, аананд̣̇а, д̇ат̇ааг̇ад̇асса бурисинд̣̇рияан̃аан̣ам̣ жзд̇асаа жзд̇о барижжа вид̣̇ид̇ам̣ ход̇и. звамби ко, аананд̣̇а, д̇ат̇ааг̇ад̇асса ааяад̇им̣ д̇хаммасамуббаад̣̇о жзд̇асаа жзд̇о барижжа вид̣̇ид̇о ход̇и.
‘‘Idhāhaṃ, ānanda, ekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa kusalā dhammā antarahitā, akusalā dhammā sammukhībhūtā . Atthi ca khvassa kusalamūlaṃ asamucchinnaṃ, tamhā tassa kusalā kusalaṃ pātubhavissati. Evamayaṃ puggalo āyatiṃ aparihānadhammo bhavissatī’ti. Seyyathāpi, ānanda, bījāni akhaṇḍāni apūtīni avātātapahatāni sāradāni sukhasayitāni sukhette suparikammakatāya bhūmiyā nikkhittāni. Jāneyyāsi tvaṃ, ānanda, imāni bījāni vuddhiṃ virūḷhiṃ vepullaṃ āpajjissantī’’ti? ‘‘Evaṃ, bhante’’. ‘‘Evamevaṃ kho ahaṃ, ānanda, idhekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa kusalā dhammā antarahitā, akusalā dhammā sammukhībhūtā. Atthi ca khvassa kusalamūlaṃ asamucchinnaṃ, tamhā tassa kusalā kusalaṃ pātubhavissati. Evamayaṃ puggalo āyatiṃ aparihānadhammo bhavissatī’ti. Evampi kho, ānanda, tathāgatassa purisapuggalo cetasā ceto paricca vidito hoti. Evampi kho, ānanda, tathāgatassa purisindriyañāṇaṃ cetasā ceto paricca viditaṃ hoti. Evampi kho, ānanda, tathāgatassa āyatiṃ dhammasamuppādo cetasā ceto paricca vidito hoti.
‘‘ид̇ха банаахам̣, аананд̣̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса агусалаа д̇хаммаа анд̇арахид̇аа, гусалаа д̇хаммаа саммукийбхууд̇аа. ад̇т̇и жа квасса агусаламуулам̣ асамужчиннам̣, д̇амхаа д̇асса агусалаа агусалам̣ баад̇убхависсад̇и. звамаяам̣ буг̇г̇ало ааяад̇им̣ барихаанад̇хаммо бхависсад̇ий’д̇и. сзяяат̇ааби, аананд̣̇а, б̣ийж̇аани акан̣д̣аани абууд̇ийни аваад̇аад̇абахад̇аани саарад̣̇аани сукасаяид̇аани бут̇усилааяа нигкид̇д̇аани. ж̇аанзяяааси д̇вам̣, аананд̣̇а, наяимаани б̣ийж̇аани вуд̣̇д̇хим̣ вируул̣хим̣ взбуллам̣ аабаж̇ж̇иссанд̇ий’’д̇и? ‘‘звам̣, бханд̇з’’. ‘‘звамзвам̣ ко ахам̣, аананд̣̇а, ид̇хзгажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса агусалаа д̇хаммаа анд̇арахид̇аа, гусалаа д̇хаммаа саммукийбхууд̇аа. ад̇т̇и жа квасса агусаламуулам̣ асамужчиннам̣, д̇амхаа д̇асса агусалаа агусалам̣ баад̇убхависсад̇и . звамаяам̣ буг̇г̇ало ааяад̇им̣ барихаанад̇хаммо бхависсад̇ий’д̇и. звамби ко, аананд̣̇а, д̇ат̇ааг̇ад̇асса бурисабуг̇г̇ало жзд̇асаа жзд̇о барижжа вид̣̇ид̇о ход̇и. звамби ко, аананд̣̇а, д̇ат̇ааг̇ад̇асса бурисинд̣̇рияан̃аан̣ам̣ жзд̇асаа жзд̇о барижжа вид̣̇ид̇ам̣ ход̇и. звамби ко, аананд̣̇а, д̇ат̇ааг̇ад̇асса ааяад̇им̣ д̇хаммасамуббаад̣̇о жзд̇асаа жзд̇о барижжа вид̣̇ид̇о ход̇и.
‘‘Idha panāhaṃ, ānanda, ekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa akusalā dhammā antarahitā, kusalā dhammā sammukhībhūtā. Atthi ca khvassa akusalamūlaṃ asamucchinnaṃ, tamhā tassa akusalā akusalaṃ pātubhavissati. Evamayaṃ puggalo āyatiṃ parihānadhammo bhavissatī’ti. Seyyathāpi, ānanda, bījāni akhaṇḍāni apūtīni avātātapahatāni sāradāni sukhasayitāni puthusilāya nikkhittāni. Jāneyyāsi tvaṃ, ānanda, nayimāni bījāni vuddhiṃ virūḷhiṃ vepullaṃ āpajjissantī’’ti? ‘‘Evaṃ, bhante’’. ‘‘Evamevaṃ kho ahaṃ, ānanda, idhekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa akusalā dhammā antarahitā, kusalā dhammā sammukhībhūtā. Atthi ca khvassa akusalamūlaṃ asamucchinnaṃ, tamhā tassa akusalā akusalaṃ pātubhavissati . Evamayaṃ puggalo āyatiṃ parihānadhammo bhavissatī’ti. Evampi kho, ānanda, tathāgatassa purisapuggalo cetasā ceto paricca vidito hoti. Evampi kho, ānanda, tathāgatassa purisindriyañāṇaṃ cetasā ceto paricca viditaṃ hoti. Evampi kho, ānanda, tathāgatassa āyatiṃ dhammasamuppādo cetasā ceto paricca vidito hoti.
‘‘ид̇ха банаахам̣, аананд̣̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘над̇т̇и имасса буг̇г̇аласса ваалаг̇г̇агодинид̇д̇уд̣̇анамад̇д̇оби сугго д̇хаммо, саманнааг̇ад̇ояам̣ буг̇г̇ало зганд̇агаал̣агзхи агусалзхи д̇хаммзхи, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇ий’д̇и. сзяяат̇ааби, аананд̣̇а, б̣ийж̇аани кан̣д̣аани бууд̇ийни ваад̇аад̇абахад̇аани сукзд̇д̇з субаригаммагад̇ааяа бхуумияаа нигкид̇д̇аани. ж̇аанзяяааси д̇вам̣, аананд̣̇а, наяимаани б̣ийж̇аани вуд̣̇д̇хим̣ вируул̣хим̣ взбуллам̣ аабаж̇ж̇иссанд̇ий’’д̇и? ‘‘звам̣, бханд̇з’’. ‘‘звамзвам̣ ко ахам̣, аананд̣̇а, ид̇хзгажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘над̇т̇и имасса буг̇г̇аласса ваалаг̇г̇агодинид̇д̇уд̣̇анамад̇д̇оби сугго д̇хаммо, саманнааг̇ад̇ояам̣ буг̇г̇ало зганд̇агаал̣агзхи агусалзхи д̇хаммзхи, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇ий’д̇и. звамби ко, аананд̣̇а, д̇ат̇ааг̇ад̇асса бурисабуг̇г̇ало жзд̇асаа жзд̇о барижжа вид̣̇ид̇о ход̇и. звамби ко, аананд̣̇а, д̇ат̇ааг̇ад̇асса бурисинд̣̇рияан̃аан̣ам̣ жзд̇асаа жзд̇о барижжа вид̣̇ид̇ам̣ ход̇и. звамби ко, аананд̣̇а, д̇ат̇ааг̇ад̇асса ааяад̇им̣ д̇хаммасамуббаад̣̇о жзд̇асаа жзд̇о барижжа вид̣̇ид̇о ход̇ий’’д̇и.
‘‘Idha panāhaṃ, ānanda, ekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘natthi imassa puggalassa vālaggakoṭinittudanamattopi sukko dhammo, samannāgatoyaṃ puggalo ekantakāḷakehi akusalehi dhammehi, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissatī’ti. Seyyathāpi, ānanda, bījāni khaṇḍāni pūtīni vātātapahatāni sukhette suparikammakatāya bhūmiyā nikkhittāni. Jāneyyāsi tvaṃ, ānanda, nayimāni bījāni vuddhiṃ virūḷhiṃ vepullaṃ āpajjissantī’’ti? ‘‘Evaṃ, bhante’’. ‘‘Evamevaṃ kho ahaṃ, ānanda, idhekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘natthi imassa puggalassa vālaggakoṭinittudanamattopi sukko dhammo, samannāgatoyaṃ puggalo ekantakāḷakehi akusalehi dhammehi, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissatī’ti. Evampi kho, ānanda, tathāgatassa purisapuggalo cetasā ceto paricca vidito hoti. Evampi kho, ānanda, tathāgatassa purisindriyañāṇaṃ cetasā ceto paricca viditaṃ hoti. Evampi kho, ānanda, tathāgatassa āyatiṃ dhammasamuppādo cetasā ceto paricca vidito hotī’’ti.
звам̣ вуд̇д̇з ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саггаа ну ко, бханд̇з, имзсам̣ д̇ин̣н̣ам̣ буг̇г̇алаанам̣ абарзби д̇аяо буг̇г̇алаа саббадибхааг̇аа бан̃н̃аабзд̇у’’нд̇и? ‘‘саггаа, аананд̣̇аа’’д̇и бхаг̇аваа авожа – ‘‘ид̇хаахам̣, аананд̣̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса гусалаа д̇хаммаа анд̇арахид̇аа, агусалаа д̇хаммаа саммукийбхууд̇аа. ад̇т̇и жа квасса гусаламуулам̣ асамужчиннам̣, д̇амби саб̣б̣зна саб̣б̣ам̣ самуг̇гхаад̇ам̣ г̇ажчад̇и. звамаяам̣ буг̇г̇ало ааяад̇им̣ барихаанад̇хаммо бхависсад̇ий’д̇и. сзяяат̇ааби, аананд̣̇а, ан̇г̇аараани аад̣̇ид̇д̇аани самбаж̇ж̇алид̇аани саж̇од̇ибхууд̇аани бут̇усилааяа нигкид̇д̇аани. ж̇аанзяяааси д̇вам̣, аананд̣̇а, наяимаани ан̇г̇аараани вуд̣̇д̇хим̣ вируул̣хим̣ взбуллам̣ аабаж̇ж̇иссанд̇ий’’д̇и? ‘‘звам̣, бханд̇з’’. ‘‘сзяяат̇ааби ваа бана, аананд̣̇а, сааяанхасамаяам̣ 7 суурияз ог̇ажчанд̇з, ж̇аанзяяааси д̇вам̣, аананд̣̇а, аалого анд̇арад̇хааяиссад̇и анд̇хагааро баад̇убхависсад̇ий’’д̇и? ‘‘звам̣, бханд̇з’’. ‘‘сзяяат̇ааби ваа, банаананд̣̇а, абхид̣̇о ад̣̇д̇харад̇д̇ам̣ бхад̇д̇агааласамаяз, ж̇аанзяяааси д̇вам̣, аананд̣̇а, аалого анд̇арахид̇о анд̇хагааро баад̇убхууд̇о’’д̇и? ‘‘звам̣, бханд̇з’’. ‘‘звамзвам̣ ко ахам̣, аананд̣̇а, ид̇хзгажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса гусалаа д̇хаммаа анд̇арахид̇аа, агусалаа д̇хаммаа саммукийбхууд̇аа. ад̇т̇и жа квасса гусаламуулам̣ асамужчиннам̣, д̇амби саб̣б̣зна саб̣б̣ам̣ самуг̇гхаад̇ам̣ г̇ажчад̇и. звамаяам̣ буг̇г̇ало ааяад̇им̣ барихаанад̇хаммо бхависсад̇ий’д̇и. звамби ко, аананд̣̇а, д̇ат̇ааг̇ад̇асса бурисабуг̇г̇ало жзд̇асаа жзд̇о барижжа вид̣̇ид̇о ход̇и. звамби ко, аананд̣̇а, д̇ат̇ааг̇ад̇асса бурисинд̣̇рияан̃аан̣ам̣ жзд̇асаа жзд̇о барижжа вид̣̇ид̇ам̣ ход̇и. звамби ко, аананд̣̇а, д̇ат̇ааг̇ад̇асса ааяад̇им̣ д̇хаммасамуббаад̣̇о жзд̇асаа жзд̇о барижжа вид̣̇ид̇о ход̇и.
Evaṃ vutte āyasmā ānando bhagavantaṃ etadavoca – ‘‘sakkā nu kho, bhante, imesaṃ tiṇṇaṃ puggalānaṃ aparepi tayo puggalā sappaṭibhāgā paññāpetu’’nti? ‘‘Sakkā, ānandā’’ti bhagavā avoca – ‘‘idhāhaṃ, ānanda, ekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa kusalā dhammā antarahitā, akusalā dhammā sammukhībhūtā. Atthi ca khvassa kusalamūlaṃ asamucchinnaṃ, tampi sabbena sabbaṃ samugghātaṃ gacchati. Evamayaṃ puggalo āyatiṃ parihānadhammo bhavissatī’ti. Seyyathāpi, ānanda, aṅgārāni ādittāni sampajjalitāni sajotibhūtāni puthusilāya nikkhittāni. Jāneyyāsi tvaṃ, ānanda, nayimāni aṅgārāni vuddhiṃ virūḷhiṃ vepullaṃ āpajjissantī’’ti? ‘‘Evaṃ, bhante’’. ‘‘Seyyathāpi vā pana, ānanda, sāyanhasamayaṃ 8 sūriye ogacchante, jāneyyāsi tvaṃ, ānanda, āloko antaradhāyissati andhakāro pātubhavissatī’’ti? ‘‘Evaṃ, bhante’’. ‘‘Seyyathāpi vā, panānanda, abhido addharattaṃ bhattakālasamaye, jāneyyāsi tvaṃ, ānanda, āloko antarahito andhakāro pātubhūto’’ti? ‘‘Evaṃ, bhante’’. ‘‘Evamevaṃ kho ahaṃ, ānanda, idhekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa kusalā dhammā antarahitā, akusalā dhammā sammukhībhūtā. Atthi ca khvassa kusalamūlaṃ asamucchinnaṃ, tampi sabbena sabbaṃ samugghātaṃ gacchati. Evamayaṃ puggalo āyatiṃ parihānadhammo bhavissatī’ti. Evampi kho, ānanda, tathāgatassa purisapuggalo cetasā ceto paricca vidito hoti. Evampi kho, ānanda, tathāgatassa purisindriyañāṇaṃ cetasā ceto paricca viditaṃ hoti. Evampi kho, ānanda, tathāgatassa āyatiṃ dhammasamuppādo cetasā ceto paricca vidito hoti.
‘‘ид̇ха банаахам̣, аананд̣̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса агусалаа д̇хаммаа анд̇арахид̇аа, гусалаа д̇хаммаа саммукийбхууд̇аа. ад̇т̇и жа квасса агусаламуулам̣ асамужчиннам̣, д̇амби саб̣б̣зна саб̣б̣ам̣ самуг̇гхаад̇ам̣ г̇ажчад̇и. звамаяам̣ буг̇г̇ало ааяад̇им̣ абарихаанад̇хаммо бхависсад̇ий’д̇и. сзяяат̇ааби, аананд̣̇а, ан̇г̇аараани аад̣̇ид̇д̇аани самбаж̇ж̇алид̇аани саж̇од̇ибхууд̇аани сугкз д̇ин̣абун̃ж̇з ваа гадтабун̃ж̇з ваа нигкид̇д̇аани. ж̇аанзяяааси д̇вам̣, аананд̣̇а, имаани ан̇г̇аараани вуд̣дхим̣ вируул̣хим̣ взбуллам̣ аабаж̇ж̇иссанд̇ий’’д̇и? ‘‘звам̣, бханд̇з’’. ‘‘сзяяат̇ааби ваа банаананд̣̇а, рад̇д̇ияаа бажжуусасамаяам̣ 9 суурияз уг̇г̇ажчанд̇з, ж̇аанзяяааси д̇вам̣, аананд̣̇а, анд̇хагааро анд̇арад̇хааяиссад̇и, аалого баад̇убхависсад̇ий’’д̇и? ‘‘звам̣, бханд̇з’’. ‘‘сзяяат̇ааби ваа банаананд̣̇а, абхид̣̇о маж̇жханхигз бхад̇д̇агааласамаяз, ж̇аанзяяааси д̇вам̣, аананд̣̇а, анд̇хагааро анд̇арахид̇о аалого баад̇убхууд̇о’’д̇и? ‘‘звам̣, бханд̇з’’. ‘‘звамзвам̣ ко ахам̣, аананд̣̇а, ид̇хзгажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса агусалаа д̇хаммаа анд̇арахид̇аа, гусалаа д̇хаммаа саммукийбхууд̇аа. ад̇т̇и жа квасса агусаламуулам̣ асамужчиннам̣, д̇амби саб̣б̣зна саб̣б̣ам̣ самуг̇гхаад̇ам̣ г̇ажчад̇и. звамаяам̣ буг̇г̇ало ааяад̇им̣ абарихаанад̇хаммо бхависсад̇ий’д̇и. звамби ко, аананд̣̇а, д̇ат̇ааг̇ад̇асса бурисабуг̇г̇ало жзд̇асаа жзд̇о барижжа вид̣̇ид̇о ход̇и. звамби ко, аананд̣̇а, д̇ат̇ааг̇ад̇асса бурисинд̣̇рияан̃аан̣ам̣ жзд̇асаа жзд̇о барижжа вид̣̇ид̇ам̣ ход̇и. звамби ко, аананд̣̇а, д̇ат̇ааг̇ад̇асса ааяад̇им̣ д̇хаммасамуббаад̣̇о жзд̇асаа жзд̇о барижжа вид̣̇ид̇о ход̇и.
‘‘Idha panāhaṃ, ānanda, ekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa akusalā dhammā antarahitā, kusalā dhammā sammukhībhūtā. Atthi ca khvassa akusalamūlaṃ asamucchinnaṃ, tampi sabbena sabbaṃ samugghātaṃ gacchati. Evamayaṃ puggalo āyatiṃ aparihānadhammo bhavissatī’ti. Seyyathāpi, ānanda, aṅgārāni ādittāni sampajjalitāni sajotibhūtāni sukkhe tiṇapuñje vā kaṭṭhapuñje vā nikkhittāni. Jāneyyāsi tvaṃ, ānanda, imāni aṅgārāni vuḍḍhiṃ virūḷhiṃ vepullaṃ āpajjissantī’’ti? ‘‘Evaṃ, bhante’’. ‘‘Seyyathāpi vā panānanda, rattiyā paccūsasamayaṃ 10 sūriye uggacchante, jāneyyāsi tvaṃ, ānanda, andhakāro antaradhāyissati, āloko pātubhavissatī’’ti? ‘‘Evaṃ, bhante’’. ‘‘Seyyathāpi vā panānanda, abhido majjhanhike bhattakālasamaye, jāneyyāsi tvaṃ, ānanda, andhakāro antarahito āloko pātubhūto’’ti? ‘‘Evaṃ, bhante’’. ‘‘Evamevaṃ kho ahaṃ, ānanda, idhekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘imassa kho puggalassa akusalā dhammā antarahitā, kusalā dhammā sammukhībhūtā. Atthi ca khvassa akusalamūlaṃ asamucchinnaṃ, tampi sabbena sabbaṃ samugghātaṃ gacchati. Evamayaṃ puggalo āyatiṃ aparihānadhammo bhavissatī’ti. Evampi kho, ānanda, tathāgatassa purisapuggalo cetasā ceto paricca vidito hoti. Evampi kho, ānanda, tathāgatassa purisindriyañāṇaṃ cetasā ceto paricca viditaṃ hoti. Evampi kho, ānanda, tathāgatassa āyatiṃ dhammasamuppādo cetasā ceto paricca vidito hoti.
‘‘ид̇ха банаахам̣, аананд̣̇а, згажжам̣ буг̇г̇алам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘над̇т̇и имасса буг̇г̇аласса ваалаг̇г̇агодинид̇д̇уд̣̇анамад̇д̇оби агусало д̇хаммо, саманнааг̇ад̇ояам̣ буг̇г̇ало зганд̇асуггзхи анаваж̇ж̇зхи д̇хаммзхи, д̣̇идтзва д̇хаммз бариниб̣б̣ааяиссад̇ий’д̇и. сзяяат̇ааби, аананд̣̇а, ан̇г̇аараани сийд̇аани ниб̣б̣уд̇аани сугкз д̇ин̣абун̃ж̇з ваа гадтабун̃ж̇з ваа нигкид̇д̇аани. ж̇аанзяяааси д̇вам̣, аананд̣̇а, наяимаани ан̇г̇аараани вуд̣дхим̣ вируул̣хим̣ взбуллам̣ аабаж̇ж̇иссанд̇ий’’д̇и? ‘‘звам̣, бханд̇з’’. ‘‘звамзвам̣ ко ахам̣, аананд̣̇а, ид̇хзгажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘имасса ко буг̇г̇аласса виж̇ж̇амаанаа гусалааби д̇хаммаа агусалааби д̇хаммаа’д̇и. д̇амзнам̣ абарзна самаязна звам̣ жзд̇асаа жзд̇о барижжа баж̇аанаами – ‘над̇т̇и имасса буг̇г̇аласса ваалаг̇г̇агодинид̇д̇уд̣̇анамад̇д̇оби агусало д̇хаммо, саманнааг̇ад̇ояам̣ буг̇г̇ало зганд̇асуггзхи анаваж̇ж̇зхи д̇хаммзхи, д̣̇идтзва д̇хаммз бариниб̣б̣ааяиссад̇ий’д̇и. звамби ко, аананд̣̇а, д̇ат̇ааг̇ад̇асса бурисабуг̇г̇ало жзд̇асаа жзд̇о барижжа вид̣̇ид̇о ход̇и. звамби ко, аананд̣̇а, д̇ат̇ааг̇ад̇асса бурисинд̣̇рияан̃аан̣ам̣ жзд̇асаа жзд̇о барижжа вид̣̇ид̇ам̣ ход̇и. звамби ко, аананд̣̇а, д̇ат̇ааг̇ад̇асса ааяад̇им̣ д̇хаммасамуббаад̣̇о жзд̇асаа жзд̇о барижжа вид̣̇ид̇о ход̇и.
‘‘Idha panāhaṃ, ānanda, ekaccaṃ puggalaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘natthi imassa puggalassa vālaggakoṭinittudanamattopi akusalo dhammo, samannāgatoyaṃ puggalo ekantasukkehi anavajjehi dhammehi, diṭṭheva dhamme parinibbāyissatī’ti. Seyyathāpi, ānanda, aṅgārāni sītāni nibbutāni sukkhe tiṇapuñje vā kaṭṭhapuñje vā nikkhittāni. Jāneyyāsi tvaṃ, ānanda, nayimāni aṅgārāni vuḍḍhiṃ virūḷhiṃ vepullaṃ āpajjissantī’’ti? ‘‘Evaṃ, bhante’’. ‘‘Evamevaṃ kho ahaṃ, ānanda, idhekaccaṃ puggalaṃ evaṃ cetasā ceto paricca pajānāmi – ‘imassa kho puggalassa vijjamānā kusalāpi dhammā akusalāpi dhammā’ti. Tamenaṃ aparena samayena evaṃ cetasā ceto paricca pajānāmi – ‘natthi imassa puggalassa vālaggakoṭinittudanamattopi akusalo dhammo, samannāgatoyaṃ puggalo ekantasukkehi anavajjehi dhammehi, diṭṭheva dhamme parinibbāyissatī’ti. Evampi kho, ānanda, tathāgatassa purisapuggalo cetasā ceto paricca vidito hoti. Evampi kho, ānanda, tathāgatassa purisindriyañāṇaṃ cetasā ceto paricca viditaṃ hoti. Evampi kho, ānanda, tathāgatassa āyatiṃ dhammasamuppādo cetasā ceto paricca vidito hoti.
‘‘д̇ад̇раананд̣̇а, яз д̇з буримаа д̇аяо буг̇г̇алаа д̇зсам̣ д̇ин̣н̣ам̣ буг̇г̇алаанам̣ зго абарихаанад̇хаммо, зго барихаанад̇хаммо, зго аабааяиго нзраяиго. д̇ад̇раананд̣̇а, язмз бажчимаа д̇аяо буг̇г̇алаа имзсам̣ д̇ин̣н̣ам̣ буг̇г̇алаанам̣ зго барихаанад̇хаммо, зго абарихаанад̇хаммо, зго бариниб̣б̣аанад̇хаммо’’д̇и. адтамам̣.
‘‘Tatrānanda, ye te purimā tayo puggalā tesaṃ tiṇṇaṃ puggalānaṃ eko aparihānadhammo, eko parihānadhammo, eko āpāyiko nerayiko. Tatrānanda, yeme pacchimā tayo puggalā imesaṃ tiṇṇaṃ puggalānaṃ eko parihānadhammo, eko aparihānadhammo, eko parinibbānadhammo’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бурисинд̣̇рияан̃аан̣асуд̇д̇аван̣н̣анаа • 8. Purisindriyañāṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бурисинд̣̇рияан̃аан̣асуд̇д̇аван̣н̣анаа • 8. Purisindriyañāṇasuttavaṇṇanā
