| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. புரிஸிந்த்³ரியஞாணஸுத்தவண்ணனா
8. Purisindriyañāṇasuttavaṇṇanā
62. அட்ட²மே அஞ்ஞதரோதி தே³வத³த்தபக்கி²கோ ஏகோ. ஸமன்னாஹரித்வாதி ஆவஜ்ஜித்வா. இத³ங் ஸோ ‘‘கிங் நு கோ² ப⁴க³வதா ஜானித்வா கதி²தங், உதா³ஹு அஜானித்வா, ஏகங்ஸிகங் வா கதி²தங் உதா³ஹு விப⁴ஜ்ஜகதி²த’’ந்தி அதி⁴ப்பாயேன புச்ச²தி. ஆபாயிகோதி அபாயே நிப்³ப³த்தனகோ. நேரயிகோதி நிரயகா³மீ. கப்பட்டோ²தி கப்பட்டி²யகம்மஸ்ஸ கதத்தா கப்பங் ட²ஸ்ஸதி. அதேகிச்சோ²தி ந ஸக்கா திகிச்சி²துங். த்³வெஜ்ஜ²ந்தி த்³விதா⁴பா⁴வங். வாலக்³க³கோடினித்துத³னமத்தந்தி வாலஸ்ஸ அக்³க³கோடியா த³ஸ்ஸேதப்³ப³மத்தகங், வாலக்³க³கோடினிபாதமத்தகங் வா. புரிஸிந்த்³ரியஞாணானீதி புரிஸபுக்³க³லானங் இந்த்³ரியபரோபரியத்தஞாணானி, இந்த்³ரியானங் திக்க²முது³பா⁴வஜானநஞாணானீதி அத்தோ².
62. Aṭṭhame aññataroti devadattapakkhiko eko. Samannāharitvāti āvajjitvā. Idaṃ so ‘‘kiṃ nu kho bhagavatā jānitvā kathitaṃ, udāhu ajānitvā, ekaṃsikaṃ vā kathitaṃ udāhu vibhajjakathita’’nti adhippāyena pucchati. Āpāyikoti apāye nibbattanako. Nerayikoti nirayagāmī. Kappaṭṭhoti kappaṭṭhiyakammassa katattā kappaṃ ṭhassati. Atekicchoti na sakkā tikicchituṃ. Dvejjhanti dvidhābhāvaṃ. Vālaggakoṭinittudanamattanti vālassa aggakoṭiyā dassetabbamattakaṃ, vālaggakoṭinipātamattakaṃ vā. Purisindriyañāṇānīti purisapuggalānaṃ indriyaparopariyattañāṇāni, indriyānaṃ tikkhamudubhāvajānanañāṇānīti attho.
விஜ்ஜமானா குஸலாபி த⁴ம்மா அகுஸலாபி த⁴ம்மாதி எத்தகா குஸலா த⁴ம்மா விஜ்ஜந்தி, எத்தகா அகுஸலா த⁴ம்மாதி ஜானாமி. அந்தரஹிதாதி அத³ஸ்ஸனங் க³தா. ஸம்முகீ²பூ⁴தாதி ஸமுதா³சாரவஸேன பாகடா ஜாதா. குஸலமூலந்தி குஸலஜ்ஜா²ஸயோ. குஸலா குஸலந்தி தம்ஹா குஸலஜ்ஜா²ஸயா அஞ்ஞம்பி குஸலங் நிப்³ப³த்திஸ்ஸதி. ஸாரதா³னீதி ஸாராதா³னி க³ஹிதஸாரானி, ஸரத³மாஸே வா நிப்³ப³த்தானி. ஸுக²ஸயிதானீதி ஸுக²ஸன்னிசிதானி. ஸுகெ²த்தேதி மண்ட³கெ²த்தே. நிக்கி²த்தானீதி வுத்தானி. ஸப்படிபா⁴கா³தி ஸரிக்க²கா. அபி⁴தோ³ அத்³த⁴ரத்தந்தி அபி⁴அத்³த⁴ரத்தங் அத்³த⁴ரத்தே அபி⁴முகீ²பூ⁴தே. ப⁴த்தகாலஸமயேதி ராஜகுலானங் ப⁴த்தகாலஸங்கா²தே ஸமயே. பரிஹானத⁴ம்மோதி கோ ஏவங் ப⁴க³வதா ஞாதோதி? அஜாதஸத்துராஜா. ஸோ ஹி பாபமித்தங் நிஸ்ஸாய மக்³க³ப²லேஹி பரிஹீனோ. அபரேபி ஸுப்பபு³த்³த⁴ஸுனக்க²த்தாத³யோ ப⁴க³வதா ஞாதாவ. அபரிஹானத⁴ம்மோதி ஏவங் ப⁴க³வதா கோ ஞாதோ? ஸுஸீமோ பரிப்³பா³ஜகோ அஞ்ஞே ச ஏவரூபா. பரினிப்³பா³யிஸ்ஸதீதி ஏவங் கோ ஞாதோ ப⁴க³வதாதி? ஸந்ததிமஹாமத்தோ அஞ்ஞே ச ஏவரூபா.
Vijjamānā kusalāpi dhammā akusalāpi dhammāti ettakā kusalā dhammā vijjanti, ettakā akusalā dhammāti jānāmi. Antarahitāti adassanaṃ gatā. Sammukhībhūtāti samudācāravasena pākaṭā jātā. Kusalamūlanti kusalajjhāsayo. Kusalā kusalanti tamhā kusalajjhāsayā aññampi kusalaṃ nibbattissati. Sāradānīti sārādāni gahitasārāni, saradamāse vā nibbattāni. Sukhasayitānīti sukhasannicitāni. Sukhetteti maṇḍakhette. Nikkhittānīti vuttāni. Sappaṭibhāgāti sarikkhakā. Abhido addharattanti abhiaddharattaṃ addharatte abhimukhībhūte. Bhattakālasamayeti rājakulānaṃ bhattakālasaṅkhāte samaye. Parihānadhammoti ko evaṃ bhagavatā ñātoti? Ajātasatturājā. So hi pāpamittaṃ nissāya maggaphalehi parihīno. Aparepi suppabuddhasunakkhattādayo bhagavatā ñātāva. Aparihānadhammoti evaṃ bhagavatā ko ñāto? Susīmo paribbājako aññe ca evarūpā. Parinibbāyissatīti evaṃ ko ñāto bhagavatāti? Santatimahāmatto aññe ca evarūpā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. புரிஸிந்த்³ரியஞாணஸுத்தங் • 8. Purisindriyañāṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. புரிஸிந்த்³ரியஞாணஸுத்தவண்ணனா • 8. Purisindriyañāṇasuttavaṇṇanā
