| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. бурисинд̣̇рияан̃аан̣асуд̇д̇аван̣н̣анаа
8. Purisindriyañāṇasuttavaṇṇanā
62. адтамз ан̃н̃ад̇арод̇и д̣̇звад̣̇ад̇д̇абагкиго зго. саманнаахарид̇ваад̇и ааваж̇ж̇ид̇ваа. ид̣̇ам̣ со ‘‘гим̣ ну ко бхаг̇авад̇аа ж̇аанид̇ваа гат̇ид̇ам̣, уд̣̇ааху аж̇аанид̇ваа, згам̣сигам̣ ваа гат̇ид̇ам̣ уд̣̇ааху вибхаж̇ж̇агат̇ид̇а’’нд̇и ад̇хиббааязна бужчад̇и. аабааяигод̇и абааяз ниб̣б̣ад̇д̇анаго. нзраяигод̇и нираяаг̇аамий. габбадтод̇и габбадтияагаммасса гад̇ад̇д̇аа габбам̣ тассад̇и. ад̇згижчод̇и на саггаа д̇игижчид̇ум̣. д̣̇взж̇жханд̇и д̣̇вид̇хаабхаавам̣. ваалаг̇г̇агодинид̇д̇уд̣̇анамад̇д̇анд̇и вааласса аг̇г̇агодияаа д̣̇ассзд̇аб̣б̣амад̇д̇агам̣, ваалаг̇г̇агодинибаад̇амад̇д̇агам̣ ваа. бурисинд̣̇рияан̃аан̣аанийд̇и бурисабуг̇г̇алаанам̣ инд̣̇рияабаробарияад̇д̇ан̃аан̣аани, инд̣̇рияаанам̣ д̇игкамуд̣̇убхааваж̇аананан̃аан̣аанийд̇и ад̇т̇о.
62. Aṭṭhame aññataroti devadattapakkhiko eko. Samannāharitvāti āvajjitvā. Idaṃ so ‘‘kiṃ nu kho bhagavatā jānitvā kathitaṃ, udāhu ajānitvā, ekaṃsikaṃ vā kathitaṃ udāhu vibhajjakathita’’nti adhippāyena pucchati. Āpāyikoti apāye nibbattanako. Nerayikoti nirayagāmī. Kappaṭṭhoti kappaṭṭhiyakammassa katattā kappaṃ ṭhassati. Atekicchoti na sakkā tikicchituṃ. Dvejjhanti dvidhābhāvaṃ. Vālaggakoṭinittudanamattanti vālassa aggakoṭiyā dassetabbamattakaṃ, vālaggakoṭinipātamattakaṃ vā. Purisindriyañāṇānīti purisapuggalānaṃ indriyaparopariyattañāṇāni, indriyānaṃ tikkhamudubhāvajānanañāṇānīti attho.
виж̇ж̇амаанаа гусалааби д̇хаммаа агусалааби д̇хаммаад̇и зд̇д̇агаа гусалаа д̇хаммаа виж̇ж̇анд̇и, зд̇д̇агаа агусалаа д̇хаммаад̇и ж̇аанаами. анд̇арахид̇аад̇и ад̣̇ассанам̣ г̇ад̇аа. саммукийбхууд̇аад̇и самуд̣̇аажааравасзна баагадаа ж̇аад̇аа. гусаламууланд̇и гусалаж̇жхаасаяо. гусалаа гусаланд̇и д̇амхаа гусалаж̇жхаасаяаа ан̃н̃амби гусалам̣ ниб̣б̣ад̇д̇иссад̇и. саарад̣̇аанийд̇и саараад̣̇аани г̇ахид̇асаараани, сарад̣̇амаасз ваа ниб̣б̣ад̇д̇аани. сукасаяид̇аанийд̇и сукасаннижид̇аани. сукзд̇д̇зд̇и ман̣д̣акзд̇д̇з. нигкид̇д̇аанийд̇и вуд̇д̇аани. саббадибхааг̇аад̇и саригкагаа. абхид̣̇о ад̣̇д̇харад̇д̇анд̇и абхиад̣̇д̇харад̇д̇ам̣ ад̣̇д̇харад̇д̇з абхимукийбхууд̇з. бхад̇д̇агааласамаязд̇и рааж̇агулаанам̣ бхад̇д̇агааласан̇каад̇з самаяз. барихаанад̇хаммод̇и го звам̣ бхаг̇авад̇аа н̃аад̇од̇и? аж̇аад̇асад̇д̇урааж̇аа. со хи баабамид̇д̇ам̣ ниссааяа маг̇г̇апалзхи барихийно. абарзби суббаб̣уд̣̇д̇хасунагкад̇д̇аад̣̇аяо бхаг̇авад̇аа н̃аад̇аава. абарихаанад̇хаммод̇и звам̣ бхаг̇авад̇аа го н̃аад̇о? сусиймо бариб̣б̣ааж̇аго ан̃н̃з жа зваруубаа. бариниб̣б̣ааяиссад̇ийд̇и звам̣ го н̃аад̇о бхаг̇авад̇аад̇и? санд̇ад̇имахаамад̇д̇о ан̃н̃з жа зваруубаа.
Vijjamānā kusalāpi dhammā akusalāpi dhammāti ettakā kusalā dhammā vijjanti, ettakā akusalā dhammāti jānāmi. Antarahitāti adassanaṃ gatā. Sammukhībhūtāti samudācāravasena pākaṭā jātā. Kusalamūlanti kusalajjhāsayo. Kusalā kusalanti tamhā kusalajjhāsayā aññampi kusalaṃ nibbattissati. Sāradānīti sārādāni gahitasārāni, saradamāse vā nibbattāni. Sukhasayitānīti sukhasannicitāni. Sukhetteti maṇḍakhette. Nikkhittānīti vuttāni. Sappaṭibhāgāti sarikkhakā. Abhido addharattanti abhiaddharattaṃ addharatte abhimukhībhūte. Bhattakālasamayeti rājakulānaṃ bhattakālasaṅkhāte samaye. Parihānadhammoti ko evaṃ bhagavatā ñātoti? Ajātasatturājā. So hi pāpamittaṃ nissāya maggaphalehi parihīno. Aparepi suppabuddhasunakkhattādayo bhagavatā ñātāva. Aparihānadhammoti evaṃ bhagavatā ko ñāto? Susīmo paribbājako aññe ca evarūpā. Parinibbāyissatīti evaṃ ko ñāto bhagavatāti? Santatimahāmatto aññe ca evarūpā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бурисинд̣̇рияан̃аан̣асуд̇д̇ам̣ • 8. Purisindriyañāṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бурисинд̣̇рияан̃аан̣асуд̇д̇аван̣н̣анаа • 8. Purisindriyañāṇasuttavaṇṇanā
