| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. бурисинд̣̇рияан̃аан̣асуд̇д̇аван̣н̣анаа
8. Purisindriyañāṇasuttavaṇṇanā
62. адтамз ниб̣б̣ад̇д̇ивасзна абааяасам̣вад̇д̇аниязна ваа гаммунаа абааязсу нияуд̇д̇од̇и аабааяиго нзраяигод̇и зд̇т̇ааби зсзва наяо. авийжимхи уббаж̇ж̇ид̇ваа д̇ад̇т̇а ааяугаббасан̃н̃ид̇ам̣ анд̇арагаббам̣ д̇идтад̇ийд̇и габбадто. нираяуубабад̇д̇ибарихаран̣авасзна д̇игижчид̇ум̣ асаггун̣зяяод̇и ад̇згижчо. акан̣д̣аанийд̇и згад̣̇зсзнаби акан̣д̣ид̇аани. бхиннагаалад̇о бадтааяа б̣ийж̇ам̣ б̣ийж̇ад̇т̇ааяа на убагаббад̇и. абууд̇ийнийд̇и уд̣̇агад̇зманзна абууд̇игаани. бууд̇иган̃хи б̣ийж̇ам̣ б̣ийж̇ад̇т̇ааяа на убагаббад̇и. аваад̇аад̇абахад̇аанийд̇и ваад̇зна жа аад̇абзна жа на хад̇аани нирож̇ад̇ам̣ на баабид̇аани. нирож̇ан̃хи гасадам̣ б̣ийж̇ам̣ б̣ийж̇ад̇т̇ааяа на убагаббад̇и. ‘‘саараад̣̇ааний’’д̇и вад̇д̇аб̣б̣з аа-гаарасса рассад̇д̇ам̣ гад̇ваа баал̣ияам̣ ‘‘саарад̣̇ааний’’д̇и вуд̇д̇анд̇и ааха ‘‘саараад̣̇ааний’’д̇и. д̇ан̣д̣уласаарасса аад̣̇аанад̇о саараад̣̇аани, г̇ахид̇асаараани бад̇идтид̇асаараани. ниссаран̃хи б̣ийж̇ам̣ б̣ийж̇ад̇т̇ааяа на убагаббад̇и. сукасаяид̇аанийд̇и жад̇д̇ааро маасз годтз багкид̇д̇анияаамзнзва сукасаяид̇аани судту саннижид̇аани. ман̣д̣акзд̇д̇зд̇и уусакаараад̣̇ид̣̇осзхи авид̣̇д̇хасд̇з саарагкзд̇д̇з. абхид̣̇од̇и абхи-сад̣̇д̣̇зна самаанад̇т̇анибаад̇абад̣̇анд̇и ааха ‘‘абхиад̣дхарад̇д̇а’’нд̇и. над̇т̇и зд̇асса бхид̣̇аад̇и ваа абхид̣̇о. ‘‘абхид̣̇ам̣ ад̣дхарад̇д̇а’’нд̇и вад̇д̇аб̣б̣з убаяог̇ад̇т̇з бажжад̇д̇аважанам̣. ад̣дхарад̇д̇анд̇и жа ажжанд̇асам̣яог̇аважанам̣, бхуммад̇т̇з ваа. д̇асмаа абхид̣̇о ад̣дхарад̇д̇анд̇и абхиннз ад̣дхарад̇д̇асамаязд̇и ад̇т̇о. бун̣н̣амаасияан̃хи г̇аг̇анамаж̇жхасса бурад̇о ваа бажчад̇о ваа жанд̣̇з тид̇з ад̣дхарад̇д̇асамаяо бхинно наама ход̇и, маж̇жхз зва бана тид̇з абхинно наама.
62. Aṭṭhame nibbattivasena apāyasaṃvattaniyena vā kammunā apāyesu niyuttoti āpāyiko nerayikoti etthāpi eseva nayo. Avīcimhi uppajjitvā tattha āyukappasaññitaṃ antarakappaṃ tiṭṭhatīti kappaṭṭho. Nirayūpapattipariharaṇavasena tikicchituṃ asakkuṇeyyoti atekiccho. Akhaṇḍānīti ekadesenapi akhaṇḍitāni. Bhinnakālato paṭṭhāya bījaṃ bījatthāya na upakappati. Apūtīnīti udakatemanena apūtikāni. Pūtikañhi bījaṃ bījatthāya na upakappati. Avātātapahatānīti vātena ca ātapena ca na hatāni nirojataṃ na pāpitāni. Nirojañhi kasaṭaṃ bījaṃ bījatthāya na upakappati. ‘‘Sārādānī’’ti vattabbe ā-kārassa rassattaṃ katvā pāḷiyaṃ ‘‘sāradānī’’ti vuttanti āha ‘‘sārādānī’’ti. Taṇḍulasārassa ādānato sārādāni, gahitasārāni patiṭṭhitasārāni. Nissarañhi bījaṃ bījatthāya na upakappati. Sukhasayitānīti cattāro māse koṭṭhe pakkhittaniyāmeneva sukhasayitāni suṭṭhu sannicitāni. Maṇḍakhetteti ūsakhārādidosehi aviddhaste sārakkhette. Abhidoti abhi-saddena samānatthanipātapadanti āha ‘‘abhiaḍḍharatta’’nti. Natthi etassa bhidāti vā abhido. ‘‘Abhidaṃ aḍḍharatta’’nti vattabbe upayogatthe paccattavacanaṃ. Aḍḍharattanti ca accantasaṃyogavacanaṃ, bhummatthe vā. Tasmā abhido aḍḍharattanti abhinne aḍḍharattasamayeti attho. Puṇṇamāsiyañhi gaganamajjhassa purato vā pacchato vā cande ṭhite aḍḍharattasamayo bhinno nāma hoti, majjhe eva pana ṭhite abhinno nāma.
суббаб̣уд̣̇д̇хасунагкад̇д̇аад̣̇аяод̇и зд̇т̇а (д̇ха. ба. адта. 2.127 суббаб̣уд̣̇д̇хасагяавад̇т̇у) суббаб̣уд̣̇д̇хо гира саагияо ‘‘мама д̇хийд̇арам̣ чад̣д̣зд̇ваа нигканд̇о, мама буд̇д̇ам̣ баб̣б̣ааж̇зд̇ваа д̇асса взридтаанз тид̇о жаа’’д̇и имзхи д̣̇вийхи гааран̣зхи сад̇т̇ари аагхаад̇ам̣ б̣анд̇хид̇ваа згад̣̇ивасам̣ ‘‘на д̣̇аани ниманд̇ид̇адтаанам̣ г̇анд̇ваа бхун̃ж̇ид̇ум̣ д̣̇ассаамий’’д̇и г̇аманамаг̇г̇ам̣ бид̣̇ахид̇ваа анд̇аравийт̇ияам̣ сурам̣ биванд̇о нисийд̣̇и. ат̇асса сад̇т̇ари бхигкусан̇гхабаривуд̇з д̇ам̣ таанам̣ ааг̇ад̇з ‘‘сад̇т̇аа ааг̇ад̇о’’д̇и аарожзсум̣. со ааха – ‘‘бурад̇о г̇ажчаад̇и д̇асса вад̣̇зт̇а, нааяам̣ маяаа махаллагад̇аро, наасса маг̇г̇ам̣ д̣̇ассаамий’’д̇и. бунаббунам̣ вужжамааноби д̇ат̇зва нисийд̣̇и. сад̇т̇аа маад̇уласса санд̇игаа маг̇г̇ам̣ алабхид̇ваа д̇ад̇ова нивад̇д̇и. соби жарабурисам̣ бзсзси – ‘‘г̇ажча д̇асса гат̇ам̣ суд̇ваа зхий’’д̇и. сад̇т̇ааби нивад̇д̇анд̇о сид̇ам̣ гад̇ваа аананд̣̇ад̇т̇зрзна – ‘‘го ну ко, бханд̇з, сид̇абаад̇угаммз бажжаяо’’д̇и будто ааха – ‘‘бассаси, аананд̣̇а, суббаб̣уд̣̇д̇ха’’нд̇и. бассаами, бханд̇з. бхаарияам̣ д̇зна гаммам̣ гад̇ам̣ маад̣̇исасса б̣уд̣̇д̇хасса маг̇г̇ам̣ ад̣̇знд̇зна, ид̇о сад̇д̇амз д̣̇ивасз хздтаабаасаад̣̇з баасаад̣̇амуулз бат̇авияаа бависиссад̇ий’’д̇и аажигки.
Suppabuddhasunakkhattādayoti ettha (dha. pa. aṭṭha. 2.127 suppabuddhasakyavatthu) suppabuddho kira sākiyo ‘‘mama dhītaraṃ chaḍḍetvā nikkhanto, mama puttaṃ pabbājetvā tassa veriṭṭhāne ṭhito cā’’ti imehi dvīhi kāraṇehi satthari āghātaṃ bandhitvā ekadivasaṃ ‘‘na dāni nimantitaṭṭhānaṃ gantvā bhuñjituṃ dassāmī’’ti gamanamaggaṃ pidahitvā antaravīthiyaṃ suraṃ pivanto nisīdi. Athassa satthari bhikkhusaṅghaparivute taṃ ṭhānaṃ āgate ‘‘satthā āgato’’ti ārocesuṃ. So āha – ‘‘purato gacchāti tassa vadetha, nāyaṃ mayā mahallakataro, nāssa maggaṃ dassāmī’’ti. Punappunaṃ vuccamānopi tatheva nisīdi. Satthā mātulassa santikā maggaṃ alabhitvā tatova nivatti. Sopi carapurisaṃ pesesi – ‘‘gaccha tassa kathaṃ sutvā ehī’’ti. Satthāpi nivattanto sitaṃ katvā ānandattherena – ‘‘ko nu kho, bhante, sitapātukamme paccayo’’ti puṭṭho āha – ‘‘passasi, ānanda, suppabuddha’’nti. Passāmi, bhante. Bhāriyaṃ tena kammaṃ kataṃ mādisassa buddhassa maggaṃ adentena, ito sattame divase heṭṭhāpāsāde pāsādamūle pathaviyā pavisissatī’’ti ācikkhi.
сунагкад̇д̇оби (ма. ни. адта. 1.147) буб̣б̣з бхаг̇аванд̇ам̣ убасан̇гамид̇ваа д̣̇иб̣б̣ажагкубаригаммам̣ бужчи. ат̇асса бхаг̇аваа гат̇зси. со д̣̇иб̣б̣ажагкум̣ ниб̣б̣ад̇д̇зд̇ваа аалогам̣ вад̣дхзд̇ваа ологзнд̇о д̣̇звалогз нанд̣̇анаванажид̇д̇алад̇ааванапаарусагаванамиссагаванзсу д̣̇иб̣б̣асамбад̇д̇им̣ анубхавамаанз д̣̇звабуд̇д̇з жа д̣̇звад̇хийд̇аро жа д̣̇исваа – ‘‘зд̇зсам̣ зваруубааяа ад̇д̇абхаавасамбад̇д̇ияаа тид̇аанам̣ гира мад̇хуро ну ко сад̣̇д̣̇о бхависсад̇ий’’д̇и сад̣̇д̣̇ам̣ сод̇угаамо худ̇ваа д̣̇асаб̣алам̣ убасан̇гамид̇ваа д̣̇иб̣б̣асод̇ад̇хаад̇убаригаммам̣ бужчи. бхаг̇аваа банасса – ‘‘д̣̇иб̣б̣асод̇ад̇хаад̇усса убаниссаяо над̇т̇ий’’д̇и н̃ад̇ваа баригаммам̣ на гат̇зси. на хи б̣уд̣̇д̇хаа яам̣ на бхависсад̇и, д̇асса баригаммам̣ гат̇знд̇и. со бхаг̇авад̇и аагхаад̇ам̣ б̣анд̇хид̇ваа жинд̇зси – ‘‘ахам̣ саман̣ам̣ г̇од̇амам̣ батамам̣ д̣̇иб̣б̣ажагкубаригаммам̣ бужчим̣, со маяхам̣ ‘самбаж̇ж̇ад̇у ваа маа ваа самбаж̇ж̇ад̇уу’д̇и гат̇зси. ахам̣ бана бажжад̇д̇абурисагаарзна д̇ам̣ ниб̣б̣ад̇д̇зд̇ваа д̣̇иб̣б̣асод̇ад̇хаад̇убаригаммам̣ бужчим̣, д̇ам̣ мз на гат̇зси. ад̣̇д̇хаа звам̣ ход̇и ‘аяам̣ рааж̇абаб̣б̣аж̇ид̇о д̣̇иб̣б̣ажагкун̃аан̣ам̣ ниб̣б̣ад̇д̇зд̇ваа, д̣̇иб̣б̣асод̇ан̃аан̣ам̣ ниб̣б̣ад̇д̇зд̇ваа, жзд̇обарияагамман̃аан̣ам̣ ниб̣б̣ад̇д̇зд̇ваа, аасаваанам̣ каяз н̃аан̣ам̣ ниб̣б̣ад̇д̇зд̇ваа, маяаа самасамо бхависсад̇ий’д̇и иссаамажчарияавасзна маяхам̣ на гат̇зд̇ий’’д̇и бхияяосо аагхаад̇ам̣ б̣анд̇хид̇ваа гаасааяаани чад̣д̣зд̇ваа г̇ихибхаавам̣ бад̇вааби на д̇ун̣хийбхууд̇о вихааси. д̣̇асаб̣алам̣ бана асад̇аа д̇ужчзна аб̣бхаажигкид̇ваа абааяуубаг̇о ахоси. д̇амби бхаг̇аваа б̣яаагааси. вуд̇д̇ан̃хзд̇ам̣ – ‘‘звамби ко, бхаг̇г̇ава, сунагкад̇д̇о лижчавибуд̇д̇о маяаа вужжамаано абаггамзва имасмаа д̇хаммавинаяаа, яат̇аа д̇ам̣ аабааяиго’’д̇и (д̣̇ий. ни. 3.6). д̇зна вуд̇д̇ам̣ ‘‘абарзби суббаб̣уд̣̇д̇хасунагкад̇д̇аад̣̇аяо бхаг̇авад̇аа н̃аад̇ааваа’’д̇и. аад̣̇и-сад̣̇д̣̇зна гогаалигаад̣̇ийнам̣ сан̇г̇ахо д̣̇адтаб̣б̣о.
Sunakkhattopi (ma. ni. aṭṭha. 1.147) pubbe bhagavantaṃ upasaṅkamitvā dibbacakkhuparikammaṃ pucchi. Athassa bhagavā kathesi. So dibbacakkhuṃ nibbattetvā ālokaṃ vaḍḍhetvā olokento devaloke nandanavanacittalatāvanaphārusakavanamissakavanesu dibbasampattiṃ anubhavamāne devaputte ca devadhītaro ca disvā – ‘‘etesaṃ evarūpāya attabhāvasampattiyā ṭhitānaṃ kira madhuro nu kho saddo bhavissatī’’ti saddaṃ sotukāmo hutvā dasabalaṃ upasaṅkamitvā dibbasotadhātuparikammaṃ pucchi. Bhagavā panassa – ‘‘dibbasotadhātussa upanissayo natthī’’ti ñatvā parikammaṃ na kathesi. Na hi buddhā yaṃ na bhavissati, tassa parikammaṃ kathenti. So bhagavati āghātaṃ bandhitvā cintesi – ‘‘ahaṃ samaṇaṃ gotamaṃ paṭhamaṃ dibbacakkhuparikammaṃ pucchiṃ, so mayhaṃ ‘sampajjatu vā mā vā sampajjatū’ti kathesi. Ahaṃ pana paccattapurisakārena taṃ nibbattetvā dibbasotadhātuparikammaṃ pucchiṃ, taṃ me na kathesi. Addhā evaṃ hoti ‘ayaṃ rājapabbajito dibbacakkhuñāṇaṃ nibbattetvā, dibbasotañāṇaṃ nibbattetvā, cetopariyakammañāṇaṃ nibbattetvā, āsavānaṃ khaye ñāṇaṃ nibbattetvā, mayā samasamo bhavissatī’ti issāmacchariyavasena mayhaṃ na kathetī’’ti bhiyyoso āghātaṃ bandhitvā kāsāyāni chaḍḍetvā gihibhāvaṃ patvāpi na tuṇhībhūto vihāsi. Dasabalaṃ pana asatā tucchena abbhācikkhitvā apāyūpago ahosi. Tampi bhagavā byākāsi. Vuttañhetaṃ – ‘‘evampi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko’’ti (dī. ni. 3.6). Tena vuttaṃ ‘‘aparepi suppabuddhasunakkhattādayo bhagavatā ñātāvā’’ti. Ādi-saddena kokālikādīnaṃ saṅgaho daṭṭhabbo.
сусиймо бариб̣б̣ааж̇агод̇и (сам̣. ни. адта. 2.2.70) звам̣наамаго взд̣̇ан̇г̇зсу гусало бан̣д̣ид̇о бариб̣б̣ааж̇аго. ан̃н̃ад̇ид̇т̇ияаа хи барихийналаабхасаггаарасилогаа ‘‘саман̣о г̇од̇амо на ж̇аад̇иг̇од̇д̇аад̣̇ийни аараб̣бха лаабхаг̇г̇аббад̇д̇о ж̇аад̇о, гависздто банзса уд̇д̇амагавид̇ааяа саавагаанам̣ б̣анд̇хам̣ б̣анд̇хид̇ваа д̣̇зд̇и. д̇з д̇ам̣ уг̇г̇ан̣хид̇ваа убадтаагаанам̣ убанисиннагат̇амби анумод̣̇анамби сарабхан̃н̃амбийд̇и звамаад̣̇ийни гат̇знд̇и. д̇з д̇зсам̣ басаннаанам̣ лаабхам̣ убасам̣харанд̇и. сажз маяам̣ яам̣ саман̣о г̇од̇амаа ж̇аанаад̇и, д̇ад̇о т̇огам̣ ж̇аанзяяаама, ад̇д̇ано самаяам̣ д̇ад̇т̇а багкибид̇ваа маяамби убадтаагаанам̣ гат̇зяяаама. д̇ад̇о зд̇зхи лаабхид̇араа бхавзяяаама. го ну ко саман̣асса г̇од̇амасса санд̇игз баб̣б̣аж̇ид̇ваа киббамзва уг̇г̇ан̣хид̇ум̣ сагкиссад̇ий’’д̇и звам̣ жинд̇зд̇ваа ‘‘сусимо бадиб̣ало’’д̇и д̣̇исваа убасан̇гамид̇ваа звамаахам̣су ‘‘зхи д̇вам̣, аавусо сусийма, саман̣з г̇од̇амз б̣рахмажарияам̣ жара, д̇вам̣ д̇хаммам̣ барияаабун̣ид̇ваа амхз ваажзяяааси, д̇ам̣ маяам̣ д̇хаммам̣ барияаабун̣ид̇ваа г̇ихийнам̣ бхаасиссаама, звам̣ маяамби саггад̇аа бхависсаама г̇аругад̇аа маанид̇аа бууж̇ид̇аа лаабхино жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и (сам̣. ни. 2.70).
Susīmo paribbājakoti (saṃ. ni. aṭṭha. 2.2.70) evaṃnāmako vedaṅgesu kusalo paṇḍito paribbājako. Aññatitthiyā hi parihīnalābhasakkārasilokā ‘‘samaṇo gotamo na jātigottādīni ārabbha lābhaggappatto jāto, kaviseṭṭho panesa uttamakavitāya sāvakānaṃ bandhaṃ bandhitvā deti. Te taṃ uggaṇhitvā upaṭṭhākānaṃ upanisinnakathampi anumodanampi sarabhaññampīti evamādīni kathenti. Te tesaṃ pasannānaṃ lābhaṃ upasaṃharanti. Sace mayaṃ yaṃ samaṇo gotamā jānāti, tato thokaṃ jāneyyāma, attano samayaṃ tattha pakkhipitvā mayampi upaṭṭhākānaṃ katheyyāma. Tato etehi lābhitarā bhaveyyāma. Ko nu kho samaṇassa gotamassa santike pabbajitvā khippameva uggaṇhituṃ sakkhissatī’’ti evaṃ cintetvā ‘‘susimo paṭibalo’’ti disvā upasaṅkamitvā evamāhaṃsu ‘‘ehi tvaṃ, āvuso susīma, samaṇe gotame brahmacariyaṃ cara, tvaṃ dhammaṃ pariyāpuṇitvā amhe vāceyyāsi, taṃ mayaṃ dhammaṃ pariyāpuṇitvā gihīnaṃ bhāsissāma, evaṃ mayampi sakkatā bhavissāma garukatā mānitā pūjitā lābhino cīvarapiṇḍapātasenāsanagilānapaccayabhesajjaparikkhārāna’’nti (saṃ. ni. 2.70).
ат̇а сусиймо бариб̣б̣ааж̇аго д̇зсам̣ важанам̣ самбадижчид̇ваа язнаананд̣̇о д̇знубасан̇гами, убасан̇гамид̇ваа баб̣б̣аж̇ж̇ам̣ яаажи. т̇зро жа д̇ам̣ аад̣̇ааяа бхаг̇аванд̇ам̣ убасан̇гамид̇ваа зд̇амад̇т̇ам̣ аарожзси. бхаг̇аваа бана жинд̇зси ‘‘аяам̣ бариб̣б̣ааж̇аго д̇ид̇т̇ияасамаяз ‘ахам̣ баадизгго сад̇т̇аа’д̇и бадиж̇аанамаано жарад̇и, ‘ид̇хзва маг̇г̇аб̣рахмажарияам̣ жарид̇ум̣ ижчаамий’д̇и гира вад̣̇ад̇и, гим̣ ну ко маяи басанно, уд̣̇ааху маяхам̣ ваа мама саавагаанам̣ д̇хаммагат̇ааяа басанно’’д̇и. ат̇асса згадтаанзби басаад̣̇аабхаавам̣ н̃ад̇ваа ‘‘аяам̣ мама саасанз ‘д̇хаммам̣ т̇знзссаамий’д̇и баб̣б̣аж̇ад̇и, ид̇исса ааг̇аманам̣ абарисуд̣̇д̇хам̣, нибпад̇д̇и ну ко гийд̣̇исаа’’д̇и ологзнд̇о ‘‘гин̃жааби ‘д̇хаммам̣ т̇знзссаамий’д̇и баб̣б̣аж̇ад̇и, гад̇ибаахзнзва бана гхадзд̇ваа арахад̇д̇ам̣ г̇ан̣хиссад̇ий’’д̇и н̃ад̇ваа ‘‘д̇знахаананд̣̇а, сусиймам̣ баб̣б̣ааж̇зт̇аа’’д̇и ааха. д̇ам̣ санд̇хааязд̇ам̣ вуд̇д̇ам̣ ‘‘звам̣ бхаг̇авад̇аа го н̃аад̇о? сусиймо бариб̣б̣ааж̇аго’’д̇и.
Atha susīmo paribbājako tesaṃ vacanaṃ sampaṭicchitvā yenānando tenupasaṅkami, upasaṅkamitvā pabbajjaṃ yāci. Thero ca taṃ ādāya bhagavantaṃ upasaṅkamitvā etamatthaṃ ārocesi. Bhagavā pana cintesi ‘‘ayaṃ paribbājako titthiyasamaye ‘ahaṃ pāṭiekko satthā’ti paṭijānamāno carati, ‘idheva maggabrahmacariyaṃ carituṃ icchāmī’ti kira vadati, kiṃ nu kho mayi pasanno, udāhu mayhaṃ vā mama sāvakānaṃ dhammakathāya pasanno’’ti. Athassa ekaṭṭhānepi pasādābhāvaṃ ñatvā ‘‘ayaṃ mama sāsane ‘dhammaṃ thenessāmī’ti pabbajati, itissa āgamanaṃ aparisuddhaṃ, nipphatti nu kho kīdisā’’ti olokento ‘‘kiñcāpi ‘dhammaṃ thenessāmī’ti pabbajati, katipāheneva pana ghaṭetvā arahattaṃ gaṇhissatī’’ti ñatvā ‘‘tenahānanda, susīmaṃ pabbājethā’’ti āha. Taṃ sandhāyetaṃ vuttaṃ ‘‘evaṃ bhagavatā ko ñāto? Susīmo paribbājako’’ti.
санд̇ад̇имахаамад̇д̇од̇и (д̇ха. ба. адта. 2.141 санд̇ад̇имахаамад̇д̇авад̇т̇у) со гира згасмим̣ гаалз ран̃н̃о басзнад̣̇исса бажжанд̇ам̣ губид̇ам̣ вуубасамзд̇ваа ааг̇ад̇о. ат̇асса рааж̇аа д̇удто сад̇д̇а д̣̇ивасаани раж̇ж̇ам̣ д̣̇ад̇ваа згам̣ нажжаг̇ийд̇агусалам̣ ид̇т̇им̣ ад̣̇ааси. со сад̇д̇а д̣̇ивасаани сураамад̣̇амад̇д̇о худ̇ваа сад̇д̇амз д̣̇ивасз саб̣б̣аалан̇гаараббадиман̣д̣ид̇о хад̇т̇игканд̇хавараг̇ад̇о нахаанад̇ид̇т̇ам̣ г̇ажчанд̇о сад̇т̇аарам̣ бин̣д̣ааяа бависанд̇ам̣ д̣̇вааранд̇арз д̣̇исваа хад̇т̇игканд̇хавараг̇ад̇ова сийсам̣ жаалзд̇ваа ванд̣̇и. сад̇т̇аа сид̇ам̣ гад̇ваа ‘‘го ну ко, бханд̇з, сид̇абаад̇угаран̣з хзд̇уу’’д̇и аананд̣̇ад̇т̇зрзна будто сид̇агааран̣ам̣ аажигканд̇о ааха – ‘‘бассаси, аананд̣̇а, санд̇ад̇имахаамад̇д̇ам̣, аж̇ж̇зва саб̣б̣аабхаран̣аббадиман̣д̣ид̇о мама санд̇игам̣ ааг̇анд̇ваа жаад̇уббад̣̇игаг̇аат̇аавасаанз арахад̇д̇ам̣ бад̇ваа бариниб̣б̣ааяиссад̇ий’’д̇и. д̇зна вуд̇д̇ам̣ ‘‘звам̣ го н̃аад̇о бхаг̇авад̇аад̇и? санд̇ад̇имахаамад̇д̇о’’д̇и.
Santatimahāmattoti (dha. pa. aṭṭha. 2.141 santatimahāmattavatthu) so kira ekasmiṃ kāle rañño pasenadissa paccantaṃ kupitaṃ vūpasametvā āgato. Athassa rājā tuṭṭho satta divasāni rajjaṃ datvā ekaṃ naccagītakusalaṃ itthiṃ adāsi. So satta divasāni surāmadamatto hutvā sattame divase sabbālaṅkārappaṭimaṇḍito hatthikkhandhavaragato nahānatitthaṃ gacchanto satthāraṃ piṇḍāya pavisantaṃ dvārantare disvā hatthikkhandhavaragatova sīsaṃ cāletvā vandi. Satthā sitaṃ katvā ‘‘ko nu kho, bhante, sitapātukaraṇe hetū’’ti ānandattherena puṭṭho sitakāraṇaṃ ācikkhanto āha – ‘‘passasi, ānanda, santatimahāmattaṃ, ajjeva sabbābharaṇappaṭimaṇḍito mama santikaṃ āgantvā cātuppadikagāthāvasāne arahattaṃ patvā parinibbāyissatī’’ti. Tena vuttaṃ ‘‘evaṃ ko ñāto bhagavatāti? Santatimahāmatto’’ti.
бурисинд̣̇рияан̃аан̣асуд̇д̇аван̣н̣анаа нидтид̇аа.
Purisindriyañāṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бурисинд̣̇рияан̃аан̣асуд̇д̇ам̣ • 8. Purisindriyañāṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бурисинд̣̇рияан̃аан̣асуд̇д̇аван̣н̣анаа • 8. Purisindriyañāṇasuttavaṇṇanā
