| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. бурохид̇абуд̇д̇аж̇знд̇ад̇т̇зраг̇аат̇ааван̣н̣анаа
9. Purohitaputtajentattheragāthāvaṇṇanā
ж̇аад̇имад̣̇зна мад̇д̇оханд̇иаад̣̇игаа ааяасмад̇о ж̇знд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ госаларан̃н̃о бурохид̇асса буд̇д̇о худ̇ваа ниб̣б̣ад̇д̇и, д̇асса ж̇знд̇од̇и наамам̣ ахоси. со ваяаббад̇д̇о ж̇аад̇имад̣̇зна бхог̇аиссарияаруубамад̣̇зна жа мад̇д̇о ан̃н̃з хийл̣знд̇о г̇арудтаанияаанамби абажид̇им̣ агаронд̇о маанат̇ад̣̇д̇хо вижарад̇и. со згад̣̇ивасам̣ сад̇т̇аарам̣ махад̇ияаа барисааяа баривуд̇ам̣ д̇хаммам̣ д̣̇зсзнд̇ам̣ д̣̇исваа убасан̇гаманд̇о ‘‘сажз мам̣ саман̣о г̇од̇амо батамам̣ аалабиссад̇и, ахамби аалабиссаами; но жз, наалабиссаамий’’д̇и жид̇д̇ам̣ уббаад̣̇зд̇ваа убасан̇гамид̇ваа тид̇о бхаг̇авад̇и батамам̣ анаалабанд̇з саяамби маанзна анаалабид̇ваа г̇аманаагаарам̣ д̣̇ассзси. д̇ам̣ бхаг̇аваа –
Jātimadena mattohantiādikā āyasmato jentattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinitvā imasmiṃ buddhuppāde sāvatthiyaṃ kosalarañño purohitassa putto hutvā nibbatti, tassa jentoti nāmaṃ ahosi. So vayappatto jātimadena bhogaissariyarūpamadena ca matto aññe hīḷento garuṭṭhāniyānampi apacitiṃ akaronto mānathaddho vicarati. So ekadivasaṃ satthāraṃ mahatiyā parisāya parivutaṃ dhammaṃ desentaṃ disvā upasaṅkamanto ‘‘sace maṃ samaṇo gotamo paṭhamaṃ ālapissati, ahampi ālapissāmi; no ce, nālapissāmī’’ti cittaṃ uppādetvā upasaṅkamitvā ṭhito bhagavati paṭhamaṃ anālapante sayampi mānena anālapitvā gamanākāraṃ dassesi. Taṃ bhagavā –
‘‘на маанам̣ б̣раахман̣а саад̇ху, ад̇т̇игассийд̇ха б̣раахман̣а;
‘‘Na mānaṃ brāhmaṇa sādhu, atthikassīdha brāhmaṇa;
язна ад̇т̇зна ааг̇ажчи, д̇амзвамануб̣руухаяз’’д̇и. (сам̣. ни. 1.201) –
Yena atthena āgacchi, tamevamanubrūhaye’’ti. (saṃ. ni. 1.201) –
г̇аат̇ааяа аж̇жхабхааси. со ‘‘жид̇д̇ам̣ мз саман̣о г̇од̇амо ж̇аанаад̇ий’’д̇и абхиббасанно бхаг̇авад̇о баад̣̇зсу сирасаа нибад̇ид̇ваа бараманибажжаагаарам̣ гад̇ваа –
Gāthāya ajjhabhāsi. So ‘‘cittaṃ me samaṇo gotamo jānātī’’ti abhippasanno bhagavato pādesu sirasā nipatitvā paramanipaccākāraṃ katvā –
‘‘гзсу на маанам̣ гаяираат̇а, гзсу жасса саг̇аараво;
‘‘Kesu na mānaṃ kayirātha, kesu cassa sagāravo;
гяасса абажид̇аа ассу, гяассу саад̇ху субууж̇ид̇аа’’д̇и. –
Kyassa apacitā assu, kyassu sādhu supūjitā’’ti. –
бужчи. д̇асса бхаг̇аваа –
Pucchi. Tassa bhagavā –
‘‘маад̇ари бид̇ари жааби, ат̇о ж̇здтамхи бхаад̇ари;
‘‘Mātari pitari cāpi, atho jeṭṭhamhi bhātari;
аажарияз жад̇уд̇т̇амхи, саман̣аб̣раахман̣зсу жа.
Ācariye catutthamhi, samaṇabrāhmaṇesu ca.
‘‘д̇зсу на маанам̣ гаяираат̇а, д̇зсу асса саг̇аараво;
‘‘Tesu na mānaṃ kayirātha, tesu assa sagāravo;
гяасса абажид̇аа ассу, д̇яассу саад̇ху субууж̇ид̇аа.
Kyassa apacitā assu, tyassu sādhu supūjitā.
‘‘араханд̇з сийд̇ибхууд̇з, гад̇агижжз анаасавз;
‘‘Arahante sītibhūte, katakicce anāsave;
нихажжа маанам̣ ад̇т̇ад̣̇д̇хо, д̇з намассз ануд̇д̇арз’’д̇и. (сам̣. ни. 1.201) –
Nihacca mānaṃ atthaddho, te namasse anuttare’’ti. (saṃ. ni. 1.201) –
бан̃хам̣ виссаж̇ж̇знд̇о д̇хаммам̣ д̣̇зсзси. со д̇ааяа д̣̇зсанааяа сод̇аабанно худ̇ваа баб̣б̣аж̇ид̇ваа вибассанааяа гаммам̣ гаронд̇о арахад̇д̇ам̣ бад̇ваа ад̇д̇ано бадибад̇д̇игид̇д̇анамукзна ан̃н̃ам̣ б̣яаагаронд̇о –
Pañhaṃ vissajjento dhammaṃ desesi. So tāya desanāya sotāpanno hutvā pabbajitvā vipassanāya kammaṃ karonto arahattaṃ patvā attano paṭipattikittanamukhena aññaṃ byākaronto –
423.
423.
‘‘ж̇аад̇имад̣̇зна мад̇д̇охам̣, бхог̇аиссариязна жа;
‘‘Jātimadena mattohaṃ, bhogaissariyena ca;
сан̣таанаван̣н̣аруубзна, мад̣̇амад̇д̇о ажаарихам̣.
Saṇṭhānavaṇṇarūpena, madamatto acārihaṃ.
424.
424.
‘‘наад̇д̇ано самагам̣ ган̃жи, ад̇ирзган̃жа ман̃н̃исам̣;
‘‘Nāttano samakaṃ kañci, atirekañca maññisaṃ;
ад̇имаанахад̇о б̣аало, бад̇т̇ад̣̇д̇хо уссид̇ад̣̇д̇хаж̇о.
Atimānahato bālo, patthaddho ussitaddhajo.
425.
425.
‘‘маад̇арам̣ бид̇аран̃жааби, ан̃н̃зби г̇арусаммад̇з;
‘‘Mātaraṃ pitarañcāpi, aññepi garusammate;
на ган̃жи абхиваад̣̇зсим̣, маанад̇т̇ад̣̇д̇хо анаад̣̇аро.
Na kañci abhivādesiṃ, mānatthaddho anādaro.
426.
426.
‘‘д̣̇исваа винааяагам̣ аг̇г̇ам̣, саарат̇ийнам̣ варуд̇д̇амам̣;
‘‘Disvā vināyakaṃ aggaṃ, sārathīnaṃ varuttamaṃ;
д̇абанд̇амива аад̣̇ижжам̣, бхигкусан̇гхабурагкад̇ам̣.
Tapantamiva ādiccaṃ, bhikkhusaṅghapurakkhataṃ.
427.
427.
‘‘маанам̣ мад̣̇ан̃жа чад̣д̣зд̇ваа, виббасаннзна жзд̇асаа;
‘‘Mānaṃ madañca chaḍḍetvā, vippasannena cetasā;
сирасаа абхиваад̣̇зсим̣, саб̣б̣асад̇д̇аанамуд̇д̇амам̣.
Sirasā abhivādesiṃ, sabbasattānamuttamaṃ.
428.
428.
‘‘ад̇имаано жа омаано, бахийнаа сусамуухад̇аа;
‘‘Atimāno ca omāno, pahīnā susamūhatā;
асмимаано самужчинно, саб̣б̣з маанавид̇хаа хад̇аа’’д̇и. –
Asmimāno samucchinno, sabbe mānavidhā hatā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а ж̇аад̇имад̣̇зна мад̇д̇оханд̇и ахам̣ уд̣̇ижжз б̣раахман̣агулз ниб̣б̣ад̇д̇о, ‘‘на маад̣̇исо убхад̇о суж̇аад̇о ан̃н̃о ад̇т̇ий’’д̇и гуламаанзна мад̇д̇о маанат̇ад̣̇д̇хо ажааринд̇и яож̇анаа. бхог̇аиссариязна жаад̇и вибхавзна аад̇хибажжзна жа хзд̇убхууд̇зна бхог̇асамбад̣̇ан̃жа иссарияасамбад̣̇ан̃жа бадижжа уббаннамад̣̇зна мад̇д̇о ахам̣ ажааринд̇и яож̇анаа. сан̣таанаван̣н̣аруубзнаад̇и сан̣таанам̣ аарохабарин̣аахасамбад̇д̇и, ван̣н̣о од̣̇аад̇асаамад̇аад̣̇ичависамбад̇д̇и, руубам̣ ан̇г̇абажжан̇г̇асобхаа. ид̇хааби вуд̇д̇анаязна яож̇анаа взд̣̇ид̇аб̣б̣аа. мад̣̇амад̇д̇од̇и вуд̇д̇аббагаарад̇о ан̃н̃знаби мад̣̇зна мад̇д̇о.
Tattha jātimadena mattohanti ahaṃ udicce brāhmaṇakule nibbatto, ‘‘na mādiso ubhato sujāto añño atthī’’ti kulamānena matto mānathaddho acārinti yojanā. Bhogaissariyena cāti vibhavena ādhipaccena ca hetubhūtena bhogasampadañca issariyasampadañca paṭicca uppannamadena matto ahaṃ acārinti yojanā. Saṇṭhānavaṇṇarūpenāti saṇṭhānaṃ ārohapariṇāhasampatti, vaṇṇo odātasāmatādichavisampatti, rūpaṃ aṅgapaccaṅgasobhā. Idhāpi vuttanayena yojanā veditabbā. Madamattoti vuttappakārato aññenapi madena matto.
наад̇д̇ано самагам̣ ган̃жийд̇и ад̇д̇ано самагам̣ сад̣̇исам̣ ж̇аад̇иаад̣̇ийхи самаанам̣ ад̇ирзгам̣ ваа ган̃жи на ман̃н̃исам̣ на ман̃н̃им̣, маяаа самаанамби на ман̃н̃им̣, гуд̇о ад̇хиганд̇и ад̇хиббааяо. ад̇имаанахад̇о б̣аалод̇и б̣аало ахам̣ д̇ад̇о б̣аалабхаавад̇о ад̇имаанзна кад̇уубахад̇агусалаажааро, д̇ад̇о зва бад̇т̇ад̣̇д̇хо уссид̇ад̣̇д̇хаж̇о т̇амбхавасзна г̇аруунамби нибажжагаарасса агаран̣ад̇о бхусам̣ т̇ад̣̇д̇хо анонаманат̇ад̣̇д̇хаж̇аад̇о уссид̇амаанад̣̇д̇хаж̇о.
Nāttanosamakaṃ kañcīti attano samakaṃ sadisaṃ jātiādīhi samānaṃ atirekaṃ vā kañci na maññisaṃ na maññiṃ, mayā samānampi na maññiṃ, kuto adhikanti adhippāyo. Atimānahato bāloti bālo ahaṃ tato bālabhāvato atimānena khatūpahatakusalācāro, tato eva patthaddho ussitaddhajo thambhavasena garūnampi nipaccakārassa akaraṇato bhusaṃ thaddho anonamanathaddhajāto ussitamānaddhajo.
вуд̇д̇амзвад̇т̇ам̣ баагадад̇арам̣ гаад̇ум̣ ‘‘маад̇ара’’нд̇иаад̣̇и вуд̇д̇ам̣. д̇ад̇т̇а ан̃н̃зд̇и ж̇здтабхаад̇уаад̣̇игз, саман̣аб̣раахман̣з жа. г̇арусаммад̇зд̇и г̇арууд̇и саммад̇з г̇арудтаанияз. анаад̣̇арод̇и аад̣̇арарахид̇о.
Vuttamevatthaṃ pākaṭataraṃ kātuṃ ‘‘mātara’’ntiādi vuttaṃ. Tattha aññeti jeṭṭhabhātuādike, samaṇabrāhmaṇe ca. Garusammateti garūti sammate garuṭṭhāniye. Anādaroti ādararahito.
д̣̇исваа винааяагам̣ аг̇г̇анд̇и звам̣ маанат̇ад̣̇д̇хо худ̇ваа вижаранд̇о д̣̇идтад̇хаммигасамбарааяигабарамад̇т̇зхи взнзяяаанам̣ винаяанад̇о саяамбхуд̇ааяа нааяагабхаавад̇о жа винааяагам̣. сад̣̇звагз логз сийлаад̣̇иг̇ун̣зхи сздтабхаавад̇о аг̇г̇ам̣. бурисад̣̇аммаанам̣ ажжанд̇ад̇ааяа д̣̇аманад̇о саарат̇ийнам̣ варуд̇д̇амам̣, ад̇ивияа уд̇д̇амам̣ б̣яаамаббабхаад̣̇иобхаасзна аад̣̇ижжамива д̇абанд̇ам̣, обхаасанд̇ам̣ бхигкусан̇гхабурагкад̇ам̣ д̇хаммам̣ д̣̇зсзнд̇ам̣ саб̣б̣асад̇д̇аанам̣ уд̇д̇амам̣ сад̇т̇аарам̣ д̣̇исваа б̣уд̣̇д̇хаанубхаавзна санд̇аж̇ж̇ид̇о ‘‘ахамзва сздто, ан̃н̃з хийнаа’’д̇и бавад̇д̇амаанам̣ бхог̇амад̣̇аад̣̇имад̣̇ан̃жа чад̣д̣зд̇ваа бахааяа виббасаннзна жзд̇асаа сирасаа абхиваад̣̇зсинд̇и яож̇анаа. гат̇ам̣ банааяам̣ маанат̇ад̣̇д̇хо самаано сад̇т̇у д̣̇ассанамад̇д̇зна маанам̣ бахаасийд̇и? на ко банзд̇ам̣ звам̣ д̣̇адтаб̣б̣ам̣. сад̇т̇у д̣̇ассанамад̇д̇зна маанам̣ на бахааси ‘‘на маанам̣, б̣раахман̣а, саад̇хуу’’д̇иаад̣̇игааяа бана д̣̇зсанааяа маанам̣ бахааси. д̇ам̣ санд̇хааяа вуд̇д̇ам̣ ‘‘маанам̣ мад̣̇ан̃жа чад̣д̣зд̇ваа, виббасаннзна жзд̇асаа. сирасаа абхиваад̣̇зси’’нд̇и. виббасаннзна жзд̇асаад̇и жа ид̇т̇амбхууд̇алагкан̣з гаран̣аважанам̣ д̣̇адтаб̣б̣ам̣.
Disvā vināyakaṃ agganti evaṃ mānathaddho hutvā vicaranto diṭṭhadhammikasamparāyikaparamatthehi veneyyānaṃ vinayanato sayambhutāya nāyakabhāvato ca vināyakaṃ. Sadevake loke sīlādiguṇehi seṭṭhabhāvato aggaṃ. Purisadammānaṃ accantatāya damanato sārathīnaṃ varuttamaṃ, ativiya uttamaṃ byāmappabhādiobhāsena ādiccamiva tapantaṃ, obhāsantaṃ bhikkhusaṅghapurakkhataṃ dhammaṃ desentaṃ sabbasattānaṃ uttamaṃ satthāraṃ disvā buddhānubhāvena santajjito ‘‘ahameva seṭṭho, aññe hīnā’’ti pavattamānaṃ bhogamadādimadañca chaḍḍetvā pahāya vippasannena cetasā sirasā abhivādesinti yojanā. Kathaṃ panāyaṃ mānathaddho samāno satthu dassanamattena mānaṃ pahāsīti? Na kho panetaṃ evaṃ daṭṭhabbaṃ. Satthu dassanamattena mānaṃ na pahāsi ‘‘na mānaṃ, brāhmaṇa, sādhū’’tiādikāya pana desanāya mānaṃ pahāsi. Taṃ sandhāya vuttaṃ ‘‘mānaṃ madañca chaḍḍetvā, vippasannena cetasā. Sirasā abhivādesi’’nti. Vippasannena cetasāti ca itthambhūtalakkhaṇe karaṇavacanaṃ daṭṭhabbaṃ.
‘‘ахамзва сздто’’д̇и бавад̇д̇о маано ад̇имаано. ‘‘имз бана нихийнаа’’д̇и ан̃н̃з хийнад̇о д̣̇аханд̇асса маано ‘‘омаано’’д̇и вад̣̇анд̇и. ‘‘сзяяохамасмий’’д̇и бана ан̃н̃ам̣ ад̇иггамид̇ваа ад̇д̇аанам̣ сзяяад̇о д̣̇аханд̇асса бавад̇д̇о сзяяамаано ад̇имаано. ‘‘хийнохамасмий’’д̇и бавад̇д̇о хийнамаано омаано. бахийнаа сусамуухад̇аад̇и хздтимамаг̇г̇зхи бахийнаа худ̇ваа аг̇г̇амаг̇г̇зна судту самуг̇гхаадид̇аа. асмимаанод̇и ‘‘зсохамасмий’’д̇и канд̇хз ‘‘аха’’нд̇и г̇ахан̣авасзна бавад̇д̇амаано. саб̣б̣зд̇и на гзвалам̣ ад̇имаанаомаанаасмимаанаа зва, ат̇а ко сзяяасса сзяяамаанаад̣̇аяо нававид̇хаа анд̇арабхзд̣̇зна анзгавид̇хаа жа саб̣б̣з маанавид̇хаа маанагодтаасаа хад̇аа аг̇г̇амаг̇г̇зна самуг̇гхаадид̇аад̇и.
‘‘Ahameva seṭṭho’’ti pavatto māno atimāno. ‘‘Ime pana nihīnā’’ti aññe hīnato dahantassa māno ‘‘omāno’’ti vadanti. ‘‘Seyyohamasmī’’ti pana aññaṃ atikkamitvā attānaṃ seyyato dahantassa pavatto seyyamāno atimāno. ‘‘Hīnohamasmī’’ti pavatto hīnamāno omāno. Pahīnā susamūhatāti heṭṭhimamaggehi pahīnā hutvā aggamaggena suṭṭhu samugghāṭitā. Asmimānoti ‘‘esohamasmī’’ti khandhe ‘‘aha’’nti gahaṇavasena pavattamāno. Sabbeti na kevalaṃ atimānaomānaasmimānā eva, atha kho seyyassa seyyamānādayo navavidhā antarabhedena anekavidhā ca sabbe mānavidhā mānakoṭṭhāsā hatā aggamaggena samugghāṭitāti.
бурохид̇абуд̇д̇аж̇знд̇ад̇т̇зраг̇аат̇ааван̣н̣анаа нидтид̇аа.
Purohitaputtajentattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. бурохид̇абуд̇д̇аж̇знд̇ад̇т̇зраг̇аат̇аа • 9. Purohitaputtajentattheragāthā
