| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[223] 3. будабхад̇д̇аж̇аад̇агаван̣н̣анаа
[223] 3. Puṭabhattajātakavaṇṇanā
намз наманд̇асса бхаж̇з бхаж̇анд̇анд̇и ид̣̇ам̣ сад̇т̇аа ж̇зд̇аванз вихаранд̇о згам̣ гудумб̣игам̣ аараб̣бха гат̇зси. саавад̇т̇инаг̇араваасий гирзго гудумб̣иго згзна ж̇анабад̣̇агудумб̣игзна сад̣̇д̇хим̣ вохаарам̣ агааси. со ад̇д̇ано бхарияам̣ аад̣̇ааяа д̇асса д̇хааран̣агасса санд̇игам̣ аг̇амааси. д̇хааран̣аго ‘‘д̣̇аад̇ум̣ на саггомий’’д̇и на гин̃жи ад̣̇ааси, ид̇аро гуж̇жхид̇ваа бхад̇д̇ам̣ абхун̃ж̇ид̇ваава нигками. ат̇а нам̣ анд̇араамаг̇г̇з чаад̇аж̇жхад̇д̇ам̣ д̣̇исваа маг̇г̇абадибаннаа бурисаа ‘‘бхарияааяаби д̣̇ад̇ваа бхун̃ж̇аахий’’д̇и бхад̇д̇абудам̣ ад̣̇ам̣су. со д̇ам̣ г̇ахзд̇ваа д̇ассаа ад̣̇аад̇угаамо худ̇ваа ‘‘бхад̣̇д̣̇з, ид̣̇ам̣ жораанам̣ д̇идтанадтаанам̣, д̇вам̣ бурад̇о яаахий’’д̇и уяяож̇зд̇ваа саб̣б̣ам̣ бхад̇д̇ам̣ бхун̃ж̇ид̇ваа д̇ужчабудам̣ д̣̇ассзд̇ваа ‘‘бхад̣̇д̣̇з, абхад̇д̇агам̣ д̇ужчабудамзва ад̣̇ам̣суу’’д̇и ааха. саа д̇зна згагзнзва бхуд̇д̇абхаавам̣ н̃ад̇ваа д̣̇оманассаббад̇д̇аа ахоси. д̇з убхоби ж̇зд̇аванабидтивихаарзна г̇ажчанд̇аа ‘‘баанийяам̣ бивиссаамаа’’д̇и ж̇зд̇аванам̣ бависим̣су.
Namenamantassa bhaje bhajantanti idaṃ satthā jetavane viharanto ekaṃ kuṭumbikaṃ ārabbha kathesi. Sāvatthinagaravāsī kireko kuṭumbiko ekena janapadakuṭumbikena saddhiṃ vohāraṃ akāsi. So attano bhariyaṃ ādāya tassa dhāraṇakassa santikaṃ agamāsi. Dhāraṇako ‘‘dātuṃ na sakkomī’’ti na kiñci adāsi, itaro kujjhitvā bhattaṃ abhuñjitvāva nikkhami. Atha naṃ antarāmagge chātajjhattaṃ disvā maggapaṭipannā purisā ‘‘bhariyāyapi datvā bhuñjāhī’’ti bhattapuṭaṃ adaṃsu. So taṃ gahetvā tassā adātukāmo hutvā ‘‘bhadde, idaṃ corānaṃ tiṭṭhanaṭṭhānaṃ, tvaṃ purato yāhī’’ti uyyojetvā sabbaṃ bhattaṃ bhuñjitvā tucchapuṭaṃ dassetvā ‘‘bhadde, abhattakaṃ tucchapuṭameva adaṃsū’’ti āha. Sā tena ekakeneva bhuttabhāvaṃ ñatvā domanassappattā ahosi. Te ubhopi jetavanapiṭṭhivihārena gacchantā ‘‘pānīyaṃ pivissāmā’’ti jetavanaṃ pavisiṃsu.
сад̇т̇ааби д̇зсан̃н̃зва ааг̇аманам̣ ологзнд̇о маг̇г̇ам̣ г̇ахзд̇ваа тид̇алуд̣̇д̣̇аго вияа г̇анд̇хагудичааяааяа нисийд̣̇и, д̇з сад̇т̇аарам̣ д̣̇исваа убасан̇гамид̇ваа ванд̣̇ид̇ваа нисийд̣̇им̣су. сад̇т̇аа д̇зхи сад̣̇д̇хим̣ бадисант̇аарам̣ гад̇ваа ‘‘гим̣, убаасигз, аяам̣ д̇з бхад̇д̇аа хид̇агаамо саснзхо’’д̇и бужчи. ‘‘бханд̇з, ахам̣ зд̇асса саснзхаа, аяам̣ бана маяхам̣ ниснзхо, д̇идтанд̇у ан̃н̃зби д̣̇ивасаа, аж̇ж̇звзса анд̇араамаг̇г̇з будабхад̇д̇ам̣ лабхид̇ваа маяхам̣ ад̣̇ад̇ваа ад̇д̇анаава бхун̃ж̇ий’’д̇и. ‘‘убаасигз, нижжагааламби д̇вам̣ зд̇асса хид̇агаамаа саснзхаа, аяам̣ бана ниснзхова. яад̣̇аа бана бан̣д̣ид̇з ниссааяа д̇ава г̇ун̣з ж̇аанаад̇и, д̇ад̣̇аа д̇з саб̣б̣иссарияам̣ нияяаад̣̇зд̇ий’’д̇и вад̇ваа д̇ааяа яаажид̇о ад̇ийд̇ам̣ аахари.
Satthāpi tesaññeva āgamanaṃ olokento maggaṃ gahetvā ṭhitaluddako viya gandhakuṭichāyāya nisīdi, te satthāraṃ disvā upasaṅkamitvā vanditvā nisīdiṃsu. Satthā tehi saddhiṃ paṭisanthāraṃ katvā ‘‘kiṃ, upāsike, ayaṃ te bhattā hitakāmo sasneho’’ti pucchi. ‘‘Bhante, ahaṃ etassa sasnehā, ayaṃ pana mayhaṃ nisneho, tiṭṭhantu aññepi divasā, ajjevesa antarāmagge puṭabhattaṃ labhitvā mayhaṃ adatvā attanāva bhuñjī’’ti. ‘‘Upāsike, niccakālampi tvaṃ etassa hitakāmā sasnehā, ayaṃ pana nisnehova. Yadā pana paṇḍite nissāya tava guṇe jānāti, tadā te sabbissariyaṃ niyyādetī’’ti vatvā tāya yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о амажжагулз ниб̣б̣ад̇д̇ид̇ваа ваяаббад̇д̇о д̇асса ад̇т̇ад̇хаммаанусаасаго ахоси. ат̇а рааж̇аа ‘‘бад̣̇уб̣бхзяяааби мз аяа’’нд̇и ад̇д̇ано буд̇д̇ам̣ аасан̇ганд̇о нийхари. со ад̇д̇ано бхарияам̣ г̇ахзд̇ваа наг̇араа нигкамма згасмим̣ гаасигаг̇аамагз ваасам̣ габбзси. со абарабхааг̇з бид̇у гаалагад̇абхаавам̣ суд̇ваа ‘‘гуласанд̇агам̣ раж̇ж̇ам̣ г̇ан̣хиссаамий’’д̇и б̣аараан̣асим̣ бажжааг̇ажчанд̇о анд̇араамаг̇г̇з ‘‘бхарияааяаби д̣̇ад̇ваа бхун̃ж̇аахий’’д̇и бхад̇д̇абудам̣ лабхид̇ваа д̇ассаа ад̣̇ад̇ваа саяамзва д̇ам̣ бхун̃ж̇и. саа ‘‘гагкал̣о вад̇ааяам̣ бурисо’’д̇и д̣̇оманассаббад̇д̇аа ахоси. со б̣аараан̣асияам̣ раж̇ж̇ам̣ г̇ахзд̇ваа д̇ам̣ аг̇г̇амахзсидтаанз табзд̇ваа ‘‘зд̇д̇агамзва зд̇иссаа ала’’нд̇и на ан̃н̃ам̣ саггаарам̣ ваа саммаанам̣ ваа гарод̇и, ‘‘гат̇ам̣ яаабзсий’’д̇иби нам̣ на бужчад̇и.
Atīte bārāṇasiyaṃ brahmadatte rajjaṃ kārente bodhisatto amaccakule nibbattitvā vayappatto tassa atthadhammānusāsako ahosi. Atha rājā ‘‘padubbheyyāpi me aya’’nti attano puttaṃ āsaṅkanto nīhari. So attano bhariyaṃ gahetvā nagarā nikkhamma ekasmiṃ kāsikagāmake vāsaṃ kappesi. So aparabhāge pitu kālakatabhāvaṃ sutvā ‘‘kulasantakaṃ rajjaṃ gaṇhissāmī’’ti bārāṇasiṃ paccāgacchanto antarāmagge ‘‘bhariyāyapi datvā bhuñjāhī’’ti bhattapuṭaṃ labhitvā tassā adatvā sayameva taṃ bhuñji. Sā ‘‘kakkhaḷo vatāyaṃ puriso’’ti domanassappattā ahosi. So bārāṇasiyaṃ rajjaṃ gahetvā taṃ aggamahesiṭṭhāne ṭhapetvā ‘‘ettakameva etissā ala’’nti na aññaṃ sakkāraṃ vā sammānaṃ vā karoti, ‘‘kathaṃ yāpesī’’tipi naṃ na pucchati.
б̣од̇хисад̇д̇о жинд̇зси – ‘‘аяам̣ д̣̇звий ран̃н̃о б̣ахуубагаараа саснзхаа, рааж̇аа банзд̇ам̣ гисмин̃жи на ман̃н̃ад̇и, саггаарасаммаанамассаа гаарзссаамий’’д̇и д̇ам̣ убасан̇гамид̇ваа убажаарам̣ гад̇ваа згаманд̇ам̣ тад̇ваа ‘‘гим̣, д̇аад̇аа’’д̇и вуд̇д̇з ‘‘гат̇ам̣ самудтаабзд̇ум̣ маяам̣, д̣̇зви, д̇умхз убадтахаама, гим̣ наама махаллагаанам̣ бид̇уунам̣ вад̇т̇акан̣д̣ам̣ ваа бхад̇д̇абин̣д̣ам̣ ваа д̣̇аад̇ум̣ на ваддад̇ий’’д̇и ааха. ‘‘д̇аад̇а, ахам̣ ад̇д̇анаава гин̃жи на лабхаами, д̇умхаагам̣ гим̣ д̣̇ассаами, нану лабханагаалз ад̣̇аасим̣, ид̣̇аани бана мз рааж̇аа на гин̃жи д̣̇зд̇и. д̇идтад̇у ан̃н̃ам̣ д̣̇аанам̣, раж̇ж̇ам̣ г̇ан̣хид̇ум̣ ааг̇ажчанд̇о анд̇араамаг̇г̇з бхад̇д̇абудам̣ лабхид̇ваа бхад̇д̇амад̇д̇амби мз ад̣̇ад̇ваа ад̇д̇анаава бхун̃ж̇ий’’д̇и. ‘‘гим̣ бана, амма, ран̃н̃о санд̇игз звам̣ гат̇зд̇ум̣ сагкиссат̇аа’’д̇и? ‘‘сагкиссаами, д̇аад̇аа’’д̇и. ‘‘д̇зна хи аж̇ж̇зва мама ран̃н̃о санд̇игз тид̇агаалз маяи бужчанд̇з звам̣ гат̇зт̇а аж̇ж̇зва во г̇ун̣ам̣ ж̇аанаабзссаамий’’д̇и звам̣ вад̇ваа б̣од̇хисад̇д̇о буримад̇арам̣ г̇анд̇ваа ран̃н̃о санд̇игз адтааси. сааби г̇анд̇ваа ран̃н̃о самийбз адтааси.
Bodhisatto cintesi – ‘‘ayaṃ devī rañño bahūpakārā sasnehā, rājā panetaṃ kismiñci na maññati, sakkārasammānamassā kāressāmī’’ti taṃ upasaṅkamitvā upacāraṃ katvā ekamantaṃ ṭhatvā ‘‘kiṃ, tātā’’ti vutte ‘‘kathaṃ samuṭṭhāpetuṃ mayaṃ, devi, tumhe upaṭṭhahāma, kiṃ nāma mahallakānaṃ pitūnaṃ vatthakhaṇḍaṃ vā bhattapiṇḍaṃ vā dātuṃ na vaṭṭatī’’ti āha. ‘‘Tāta, ahaṃ attanāva kiñci na labhāmi, tumhākaṃ kiṃ dassāmi, nanu labhanakāle adāsiṃ, idāni pana me rājā na kiñci deti. Tiṭṭhatu aññaṃ dānaṃ, rajjaṃ gaṇhituṃ āgacchanto antarāmagge bhattapuṭaṃ labhitvā bhattamattampi me adatvā attanāva bhuñjī’’ti. ‘‘Kiṃ pana, amma, rañño santike evaṃ kathetuṃ sakkhissathā’’ti? ‘‘Sakkhissāmi, tātā’’ti. ‘‘Tena hi ajjeva mama rañño santike ṭhitakāle mayi pucchante evaṃ kathetha ajjeva vo guṇaṃ jānāpessāmī’’ti evaṃ vatvā bodhisatto purimataraṃ gantvā rañño santike aṭṭhāsi. Sāpi gantvā rañño samīpe aṭṭhāsi.
ат̇а нам̣ б̣од̇хисад̇д̇о ‘‘амма, д̇умхз ад̇ивияа гагкал̣аа, гим̣ наама бид̇уунам̣ вад̇т̇акан̣д̣ам̣ ваа бхад̇д̇абин̣д̣амад̇д̇ам̣ ваа д̣̇аад̇ум̣ на ваддад̇ий’’д̇и ааха. ‘‘д̇аад̇а, ахамзва ран̃н̃о санд̇игаа гин̃жи на лабхаами, д̇умхаагам̣ гим̣ д̣̇ассаамий’’д̇и? ‘‘нану аг̇г̇амахзсидтаанам̣ д̇з лад̣̇д̇ха’’нд̇и? ‘‘д̇аад̇а, гисмин̃жи саммаанз асад̇и аг̇г̇амахзсидтаанам̣ гим̣ гариссад̇и, ид̣̇аани мз д̇умхаагам̣ рааж̇аа гим̣ д̣̇ассад̇и, со анд̇араамаг̇г̇з бхад̇д̇абудам̣ лабхид̇ваа д̇ад̇о гин̃жи ад̣̇ад̇ваа саяамзва бхун̃ж̇ий’’д̇и. б̣од̇хисад̇д̇о ‘‘звам̣ гира, махаарааж̇аа’’д̇и бужчи. рааж̇аа ад̇хиваасзси. б̣од̇хисад̇д̇о д̇асса ад̇хиваасанам̣ вид̣̇ид̇ваа ‘‘д̇зна хи, амма, ран̃н̃о аббияагаалад̇о бадтааяа гим̣ д̇умхаагам̣ ид̇ха ваасзна. логасмин̃хи аббияасамбаяог̇о жа д̣̇угко, д̇умхаагам̣ ид̇ха ваасз сад̇и ран̃н̃о аббияасамбаяог̇ова д̣̇угкам̣ бхависсад̇и, имз сад̇д̇аа наама бхаж̇анд̇з бхаж̇анд̇и, абхаж̇анабхаавам̣ н̃ад̇ваа ан̃н̃ад̇т̇а г̇анд̇аб̣б̣ам̣, маханд̇о логасанниваасо’’д̇и вад̇ваа имаа г̇аат̇аа авожа –
Atha naṃ bodhisatto ‘‘amma, tumhe ativiya kakkhaḷā, kiṃ nāma pitūnaṃ vatthakhaṇḍaṃ vā bhattapiṇḍamattaṃ vā dātuṃ na vaṭṭatī’’ti āha. ‘‘Tāta, ahameva rañño santikā kiñci na labhāmi, tumhākaṃ kiṃ dassāmī’’ti? ‘‘Nanu aggamahesiṭṭhānaṃ te laddha’’nti? ‘‘Tāta, kismiñci sammāne asati aggamahesiṭṭhānaṃ kiṃ karissati, idāni me tumhākaṃ rājā kiṃ dassati, so antarāmagge bhattapuṭaṃ labhitvā tato kiñci adatvā sayameva bhuñjī’’ti. Bodhisatto ‘‘evaṃ kira, mahārājā’’ti pucchi. Rājā adhivāsesi. Bodhisatto tassa adhivāsanaṃ viditvā ‘‘tena hi, amma, rañño appiyakālato paṭṭhāya kiṃ tumhākaṃ idha vāsena. Lokasmiñhi appiyasampayogo ca dukkho, tumhākaṃ idha vāse sati rañño appiyasampayogova dukkhaṃ bhavissati, ime sattā nāma bhajante bhajanti, abhajanabhāvaṃ ñatvā aññattha gantabbaṃ, mahanto lokasannivāso’’ti vatvā imā gāthā avoca –
145.
145.
‘‘намз наманд̇асса бхаж̇з бхаж̇анд̇ам̣, гижжаанугуб̣б̣асса гарзяяа гижжам̣;
‘‘Name namantassa bhaje bhajantaṃ, kiccānukubbassa kareyya kiccaṃ;
наанад̇т̇агаамасса гарзяяа ад̇т̇ам̣, асамбхаж̇анд̇амби на самбхаж̇зяяа.
Nānatthakāmassa kareyya atthaṃ, asambhajantampi na sambhajeyya.
146.
146.
‘‘жаж̇з жаж̇анд̇ам̣ ванат̇ам̣ на гаяираа, абзд̇ажид̇д̇зна на самбхаж̇зяяа;
‘‘Caje cajantaṃ vanathaṃ na kayirā, apetacittena na sambhajeyya;
д̣̇иж̇о д̣̇умам̣ кийн̣апаланд̇и н̃ад̇ваа, ан̃н̃ам̣ самзгкзяяа махаа хи лого’’д̇и.
Dijo dumaṃ khīṇaphalanti ñatvā, aññaṃ samekkheyya mahā hi loko’’ti.
д̇ад̇т̇а намз наманд̇асса бхаж̇з бхаж̇анд̇анд̇и яо ад̇д̇ано намад̇и, д̇ассзва бадинамзяяа. яо жа бхаж̇ад̇и, д̇амзва бхаж̇зяяа. гижжаанугуб̣б̣асса гарзяяа гижжанд̇и ад̇д̇ано уббаннагижжам̣ анугуб̣б̣анд̇ассзва д̇ассаби уббаннагижжам̣ бадигарзяяа. жаж̇з жаж̇анд̇ам̣ ванат̇ам̣ на гаяираад̇и ад̇д̇аанам̣ ж̇аханд̇ам̣ ж̇ахзяязва, д̇асмим̣ д̇ан̣хаасан̇каад̇ам̣ ванат̇ам̣ на гарзяяа. абзд̇ажид̇д̇знаад̇и виг̇ад̇ажид̇д̇зна вибаллад̇т̇ажид̇д̇зна. на самбхаж̇зяяаад̇и д̇ат̇ааруубзна сад̣̇д̇хим̣ на самааг̇ажчзяяа. д̣̇иж̇о д̣̇уманд̇и яат̇аа сагун̣о буб̣б̣з палид̇амби ругкам̣ палз кийн̣з ‘‘кийн̣апало аяа’’нд̇и н̃ад̇ваа д̇ам̣ чад̣д̣зд̇ваа ан̃н̃ам̣ самзгкад̇и бариязсад̇и, звам̣ ан̃н̃ам̣ самзгкзяяа. махаа хи зса лого, ат̇а д̇умхз саснзхам̣ згам̣ бурисам̣ лабхиссат̇аад̇и.
Tattha name namantassa bhaje bhajantanti yo attano namati, tasseva paṭinameyya. Yo ca bhajati, tameva bhajeyya. Kiccānukubbassa kareyya kiccanti attano uppannakiccaṃ anukubbantasseva tassapi uppannakiccaṃ paṭikareyya. Caje cajantaṃ vanathaṃ na kayirāti attānaṃ jahantaṃ jaheyyeva, tasmiṃ taṇhāsaṅkhātaṃ vanathaṃ na kareyya. Apetacittenāti vigatacittena vipallatthacittena. Na sambhajeyyāti tathārūpena saddhiṃ na samāgaccheyya. Dijo dumanti yathā sakuṇo pubbe phalitampi rukkhaṃ phale khīṇe ‘‘khīṇaphalo aya’’nti ñatvā taṃ chaḍḍetvā aññaṃ samekkhati pariyesati, evaṃ aññaṃ samekkheyya. Mahā hi esa loko, atha tumhe sasnehaṃ ekaṃ purisaṃ labhissathāti.
д̇ам̣ суд̇ваа б̣аараан̣асирааж̇аа д̣̇звияаа саб̣б̣иссарияам̣ ад̣̇ааси. д̇ад̇о бадтааяа самаг̇г̇аа саммод̣̇амаанаа васим̣су.
Taṃ sutvā bārāṇasirājā deviyā sabbissariyaṃ adāsi. Tato paṭṭhāya samaggā sammodamānā vasiṃsu.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз д̣̇вз ж̇аяамбад̇игаа сод̇аабад̇д̇ипалз бад̇идтахим̣су. ‘‘д̇ад̣̇аа ж̇аяамбад̇игаа имз д̣̇вз ж̇аяамбад̇игаа ахзсум̣, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne dve jayampatikā sotāpattiphale patiṭṭhahiṃsu. ‘‘Tadā jayampatikā ime dve jayampatikā ahesuṃ, paṇḍitāmacco pana ahameva ahosi’’nti.
будабхад̇д̇аж̇аад̇агаван̣н̣анаа д̇ад̇ияаа.
Puṭabhattajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 223. будабхад̇д̇аж̇аад̇агам̣ • 223. Puṭabhattajātakaṃ
