| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[280] 10. будад̣̇уусагаж̇аад̇агаван̣н̣анаа
[280] 10. Puṭadūsakajātakavaṇṇanā
ад̣̇д̇хаа хи нууна миг̇арааж̇аад̇и ид̣̇ам̣ сад̇т̇аа ж̇зд̇аванз вихаранд̇о згам̣ будад̣̇уусагам̣ аараб̣бха гат̇зси. саавад̇т̇ияам̣ гирзго амажжо б̣уд̣̇д̇хаббамукам̣ бхигкусан̇гхам̣ ниманд̇зд̇ваа уяяаанз нисийд̣̇аабзд̇ваа д̣̇аанам̣ д̣̇ад̣̇амаано ‘‘анд̇араабхад̇д̇з уяяаанз жарид̇угаамаа жаранд̇уу’’д̇и ааха. бхигкуу уяяаанажааригам̣ жарим̣су. д̇асмим̣ кан̣з уяяаанабаало бад̇д̇асамбаннам̣ ругкам̣ абхирухид̇ваа маханд̇амаханд̇аани бан̣н̣аани г̇ахзд̇ваа ‘‘аяам̣ бубпаанам̣ бхависсад̇и, аяам̣ палаана’’нд̇и будз гад̇ваа ругкамуулз баад̇зд̇и. д̇асса буд̇д̇о д̣̇аараго баад̇ид̇абаад̇ид̇ам̣ будам̣ вид̣̇д̇хам̣сзд̇и. бхигкуу д̇амад̇т̇ам̣ бхаг̇авад̇о аарожзсум̣. сад̇т̇аа ‘‘на, бхигкавз, ид̣̇аанзва, буб̣б̣збзса будад̣̇уусагоязваа’’д̇и вад̇ваа ад̇ийд̇ам̣ аахари.
Addhā hi nūna migarājāti idaṃ satthā jetavane viharanto ekaṃ puṭadūsakaṃ ārabbha kathesi. Sāvatthiyaṃ kireko amacco buddhappamukhaṃ bhikkhusaṅghaṃ nimantetvā uyyāne nisīdāpetvā dānaṃ dadamāno ‘‘antarābhatte uyyāne caritukāmā carantū’’ti āha. Bhikkhū uyyānacārikaṃ cariṃsu. Tasmiṃ khaṇe uyyānapālo pattasampannaṃ rukkhaṃ abhiruhitvā mahantamahantāni paṇṇāni gahetvā ‘‘ayaṃ pupphānaṃ bhavissati, ayaṃ phalāna’’nti puṭe katvā rukkhamūle pāteti. Tassa putto dārako pātitapātitaṃ puṭaṃ viddhaṃseti. Bhikkhū tamatthaṃ bhagavato ārocesuṃ. Satthā ‘‘na, bhikkhave, idāneva, pubbepesa puṭadūsakoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ згасмим̣ б̣раахман̣агулз ниб̣б̣ад̇д̇ид̇ваа ваяаббад̇д̇о аг̇аарам̣ аж̇жхаавасамаано згад̣̇ивасам̣ гзнажид̣̇зва гаран̣ийязна уяяаанам̣ аг̇амааси. д̇ад̇т̇а б̣ахуу ваанараа васанд̇и. уяяаанабаало иминаава нияаамзна бад̇д̇абудз баад̇зд̇и, ж̇здтаваанаро баад̇ид̇абаад̇ид̇з вид̣̇д̇хам̣сзд̇и. б̣од̇хисад̇д̇о д̇ам̣ ааманд̇зд̇ваа ‘‘уяяаанабаалзна баад̇ид̇абаад̇ид̇ам̣ будам̣ вид̣̇д̇хам̣сзд̇ваа манаабад̇арам̣ гаад̇угаамо ман̃н̃з’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ ekasmiṃ brāhmaṇakule nibbattitvā vayappatto agāraṃ ajjhāvasamāno ekadivasaṃ kenacideva karaṇīyena uyyānaṃ agamāsi. Tattha bahū vānarā vasanti. Uyyānapālo imināva niyāmena pattapuṭe pāteti, jeṭṭhavānaro pātitapātite viddhaṃseti. Bodhisatto taṃ āmantetvā ‘‘uyyānapālena pātitapātitaṃ puṭaṃ viddhaṃsetvā manāpataraṃ kātukāmo maññe’’ti vatvā paṭhamaṃ gāthamāha –
88.
88.
‘‘ад̣̇д̇хаа хи нууна миг̇арааж̇аа, будагаммасса говид̣̇о;
‘‘Addhā hi nūna migarājā, puṭakammassa kovido;
д̇ат̇аа хи будам̣ д̣̇уусзд̇и, ан̃н̃ам̣ нууна гариссад̇ий’’д̇и.
Tathā hi puṭaṃ dūseti, aññaṃ nūna karissatī’’ti.
д̇ад̇т̇а миг̇арааж̇аад̇и маггадам̣ ван̣н̣знд̇о вад̣̇ад̇и. будагаммассаад̇и маалаабудагаран̣асса. говид̣̇од̇и чзго. аяам̣ банзд̇т̇а сан̇кзбад̇т̇о – аяам̣ миг̇арааж̇аа згам̣сзна будагаммасса говид̣̇о ман̃н̃з, д̇ат̇аа хи баад̇ид̇абаад̇ид̇ам̣ будам̣ д̣̇уусзд̇и, ан̃н̃ам̣ нууна д̇ад̇о манаабад̇арам̣ гариссад̇ийд̇и.
Tattha migarājāti makkaṭaṃ vaṇṇento vadati. Puṭakammassāti mālāpuṭakaraṇassa. Kovidoti cheko. Ayaṃ panettha saṅkhepattho – ayaṃ migarājā ekaṃsena puṭakammassa kovido maññe, tathā hi pātitapātitaṃ puṭaṃ dūseti, aññaṃ nūna tato manāpataraṃ karissatīti.
д̇ам̣ суд̇ваа маггадо д̣̇уд̇ияам̣ г̇аат̇амааха –
Taṃ sutvā makkaṭo dutiyaṃ gāthamāha –
89.
89.
‘‘на мз маад̇аа ваа бид̇аа ваа, будагаммасса говид̣̇о;
‘‘Na me mātā vā pitā vā, puṭakammassa kovido;
гад̇ам̣ гад̇ам̣ ко д̣̇уусзма, звам̣ д̇хаммамид̣̇ам̣ гула’’нд̇и.
Kataṃ kataṃ kho dūsema, evaṃ dhammamidaṃ kula’’nti.
д̇ам̣ суд̇ваа б̣од̇хисад̇д̇о д̇ад̇ияам̣ г̇аат̇амааха –
Taṃ sutvā bodhisatto tatiyaṃ gāthamāha –
90.
90.
‘‘язсам̣ во зд̣̇исо д̇хаммо, ад̇хаммо бана гийд̣̇исо;
‘‘Yesaṃ vo ediso dhammo, adhammo pana kīdiso;
маа во д̇хаммам̣ ад̇хаммам̣ ваа, ад̣̇д̣̇асаама гуд̣̇аажана’’нд̇и.
Mā vo dhammaṃ adhammaṃ vā, addasāma kudācana’’nti.
звам̣ вад̇ваа жа бана ваанараг̇ан̣ам̣ г̇арахид̇ваа баггаами.
Evaṃ vatvā ca pana vānaragaṇaṃ garahitvā pakkāmi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа ваанаро будад̣̇уусагад̣̇аараго ахоси, бан̣д̣ид̇абурисо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā vānaro puṭadūsakadārako ahosi, paṇḍitapuriso pana ahameva ahosi’’nti.
будад̣̇уусагаж̇аад̇агаван̣н̣анаа д̣̇асамаа.
Puṭadūsakajātakavaṇṇanā dasamā.
уд̣̇абаанаваг̇г̇о д̇ад̇ияо.
Udapānavaggo tatiyo.
д̇ассуд̣̇д̣̇аанам̣ –
Tassuddānaṃ –
уд̣̇абаанаварам̣ ванаб̣яаг̇гха габи, сикиний жа б̣алаага ружираваро;
Udapānavaraṃ vanabyaggha kapi, sikhinī ca balāka ruciravaro;
суж̇анаад̇хиба ромага д̣̇ууса буна, сад̇абад̇д̇аваро будагамма д̣̇асаад̇и.
Sujanādhipa romaka dūsa puna, satapattavaro puṭakamma dasāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 280. будад̣̇уусагаж̇аад̇агам̣ • 280. Puṭadūsakajātakaṃ
