| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[437] 11. бууд̇имам̣саж̇аад̇агаван̣н̣анаа
[437] 11. Pūtimaṃsajātakavaṇṇanā
на ко мз ружжад̇ийд̇и ид̣̇ам̣ сад̇т̇аа ж̇зд̇аванз вихаранд̇о инд̣̇рияаасам̣варам̣ аараб̣бха гат̇зси. згасмин̃хи самаяз б̣ахуу бхигкуу инд̣̇риязсу аг̇уд̇д̇ад̣̇ваараа ахзсум̣. сад̇т̇аа ‘‘имз бхигкуу овад̣̇ид̇ум̣ ваддад̇ий’’д̇и аананд̣̇ад̇т̇зрасса вад̇ваа анияамавасзна бхигкусан̇гхам̣ саннибаад̇аабзд̇ваа алан̇гад̇абаллан̇гаварамаж̇жхаг̇ад̇о бхигкуу ааманд̇зд̇ваа ‘‘на, бхигкавз, бхигкунаа наама руубаад̣̇ийсу субханимид̇д̇авасзна нимид̇д̇ам̣ г̇ахзд̇ум̣ ваддад̇и, сажз хи д̇асмим̣ самаяз гаалам̣ гарод̇и, нираяаад̣̇ийсу ниб̣б̣ад̇д̇ад̇и, д̇асмаа руубаад̣̇ийсу субханимид̇д̇ам̣ маа г̇ан̣хат̇а. бхигкунаа наама руубаад̣̇иг̇ожарзна на бхавид̇аб̣б̣ам̣, руубаад̣̇иг̇ожараа хи д̣̇идтзва д̇хаммз махаавинаасам̣ баабун̣анд̇и, д̇асмаа варам̣, бхигкавз, д̇ад̇д̇ааяа аяосалаагааяа аад̣̇ид̇д̇ааяа самбаж̇ж̇алид̇ааяа саж̇од̇ибхууд̇ааяа жагкунд̣̇рияам̣ самбалимадта’’нд̇и вид̇т̇аарзд̇ваа ‘‘д̇умхаагам̣ руубам̣ ологанагаалоби ад̇т̇и анологанагаалоби. ологанагаалз субхавасзна анологзд̇ваа асубхавасзнзва ологзяяаат̇а, звам̣ ад̇д̇ано г̇ожараа на барихааяиссат̇а. го бана д̇умхаагам̣ г̇ожарод̇и? жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, арияо адтан̇г̇иго маг̇г̇о, нава логуд̇д̇арад̇хаммаа. зд̇асмин̃хи во г̇ожарз жаранд̇аанам̣ на лажчад̇и мааро од̇аарам̣, сажз бана гилзсавасигаа худ̇ваа субханимид̇д̇авасзна ологзссат̇а, бууд̇имам̣сасин̇г̇аало вияа ад̇д̇ано г̇ожараа барихааяиссат̇аа’’д̇и вад̇ваа ад̇ийд̇ам̣ аахари.
Nakho me ruccatīti idaṃ satthā jetavane viharanto indriyaasaṃvaraṃ ārabbha kathesi. Ekasmiñhi samaye bahū bhikkhū indriyesu aguttadvārā ahesuṃ. Satthā ‘‘ime bhikkhū ovadituṃ vaṭṭatī’’ti ānandattherassa vatvā aniyamavasena bhikkhusaṅghaṃ sannipātāpetvā alaṅkatapallaṅkavaramajjhagato bhikkhū āmantetvā ‘‘na, bhikkhave, bhikkhunā nāma rūpādīsu subhanimittavasena nimittaṃ gahetuṃ vaṭṭati, sace hi tasmiṃ samaye kālaṃ karoti, nirayādīsu nibbattati, tasmā rūpādīsu subhanimittaṃ mā gaṇhatha. Bhikkhunā nāma rūpādigocarena na bhavitabbaṃ, rūpādigocarā hi diṭṭheva dhamme mahāvināsaṃ pāpuṇanti, tasmā varaṃ, bhikkhave, tattāya ayosalākāya ādittāya sampajjalitāya sajotibhūtāya cakkhundriyaṃ sampalimaṭṭha’’nti vitthāretvā ‘‘tumhākaṃ rūpaṃ olokanakālopi atthi anolokanakālopi. Olokanakāle subhavasena anoloketvā asubhavaseneva olokeyyātha, evaṃ attano gocarā na parihāyissatha. Ko pana tumhākaṃ gocaroti? Cattāro satipaṭṭhānā, cattāro sammappadhānā, cattāro iddhipādā, ariyo aṭṭhaṅgiko maggo, nava lokuttaradhammā. Etasmiñhi vo gocare carantānaṃ na lacchati māro otāraṃ, sace pana kilesavasikā hutvā subhanimittavasena olokessatha, pūtimaṃsasiṅgālo viya attano gocarā parihāyissathā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з химаванд̇абад̣̇зсз аран̃н̃ааяад̇анз баб̣б̣ад̇аг̇ухааяам̣ анзгасад̇аа зл̣агаа васанд̇и. д̇зсам̣ васанадтаанад̇о авид̣̇уурз згиссаа г̇ухааяа бууд̇имам̣со наама син̇г̇аало взн̣ияаа наама бхарияааяа сад̣̇д̇хим̣ васад̇и. со згад̣̇ивасам̣ бхарияааяа сад̣̇д̇хим̣ вижаранд̇о д̇з зл̣агз д̣̇исваа ‘‘згзна убааязна имзсам̣ мам̣сам̣ каад̣̇ид̇ум̣ ваддад̇ий’’д̇и жинд̇зд̇ваа убааязна згзгам̣ зл̣агам̣ маарзси. д̇з убхоби зл̣агамам̣сам̣ каад̣̇анд̇аа т̇аамасамбаннаа т̇ууласарийраа ахзсум̣. анубуб̣б̣зна зл̣агаа баригкаяам̣ аг̇амам̣су. д̇зсам̣ анд̇арз мзн̣д̣амаад̇аа наама згаа зл̣игаа б̣яад̇д̇аа ахоси убааяагусалаа. син̇г̇аало д̇ам̣ маарзд̇ум̣ асаггонд̇о згад̣̇ивасам̣ бхарияааяа сад̣̇д̇хим̣ самманд̇знд̇о ‘‘бхад̣̇д̣̇з, зл̣агаа кийн̣аа, имам̣ зл̣игам̣ згзна убааязна каад̣̇ид̇ум̣ ваддад̇и, аяам̣ банзд̇т̇а убааяо, д̇вам̣ згигаава г̇анд̇ваа зд̇ааяа сад̣̇д̇хим̣ сакий хохи, ат̇а д̇з д̇ааяа сад̣̇д̇хим̣ виссаасз уббаннз ахам̣ мад̇аалаяам̣ гарид̇ваа нибаж̇ж̇иссаами, д̇вам̣ зд̇ам̣ убасан̇гамид̇ваа ‘зл̣игз саамиго мз мад̇о, ахан̃жа анаат̇аа, табзд̇ваа д̇ам̣ ан̃н̃о мз н̃аад̇аго над̇т̇и, зхи род̣̇ид̇ваа ганд̣̇ид̇ваа д̇асса сарийрагижжам̣ гариссаамаа’д̇и вад̇ваа д̇ам̣ г̇ахзд̇ваа ааг̇ажчзяяааси, ат̇а нам̣ ахам̣ уббад̇ид̇ваа г̇ийвааяа д̣ам̣сид̇ваа маарзссаамий’’д̇и ааха.
Atīte bārāṇasiyaṃ brahmadatte rajjaṃ kārente himavantapadese araññāyatane pabbataguhāyaṃ anekasatā eḷakā vasanti. Tesaṃ vasanaṭṭhānato avidūre ekissā guhāya pūtimaṃso nāma siṅgālo veṇiyā nāma bhariyāya saddhiṃ vasati. So ekadivasaṃ bhariyāya saddhiṃ vicaranto te eḷake disvā ‘‘ekena upāyena imesaṃ maṃsaṃ khādituṃ vaṭṭatī’’ti cintetvā upāyena ekekaṃ eḷakaṃ māresi. Te ubhopi eḷakamaṃsaṃ khādantā thāmasampannā thūlasarīrā ahesuṃ. Anupubbena eḷakā parikkhayaṃ agamaṃsu. Tesaṃ antare meṇḍamātā nāma ekā eḷikā byattā ahosi upāyakusalā. Siṅgālo taṃ māretuṃ asakkonto ekadivasaṃ bhariyāya saddhiṃ sammantento ‘‘bhadde, eḷakā khīṇā, imaṃ eḷikaṃ ekena upāyena khādituṃ vaṭṭati, ayaṃ panettha upāyo, tvaṃ ekikāva gantvā etāya saddhiṃ sakhī hohi, atha te tāya saddhiṃ vissāse uppanne ahaṃ matālayaṃ karitvā nipajjissāmi, tvaṃ etaṃ upasaṅkamitvā ‘eḷike sāmiko me mato, ahañca anāthā, ṭhapetvā taṃ añño me ñātako natthi, ehi roditvā kanditvā tassa sarīrakiccaṃ karissāmā’ti vatvā taṃ gahetvā āgaccheyyāsi, atha naṃ ahaṃ uppatitvā gīvāya ḍaṃsitvā māressāmī’’ti āha.
саа ‘‘саад̇хуу’’д̇и самбадижчид̇ваа д̇ааяа сад̣̇д̇хим̣ сакибхаавам̣ гад̇ваа виссаасз уббаннз зл̣игам̣ д̇ат̇аа авожа. зл̣игаа ‘‘аал̣и син̇г̇аали д̇ава саамигзна саб̣б̣з мама н̃аад̇агаа каад̣̇ид̇аа, бхааяаами на саггоми г̇анд̇у’’нд̇и ааха. ‘‘аал̣и, маа бхааяи, мад̇аго гим̣ гариссад̇ий’’д̇и? ‘‘караманд̇о д̇з саамиго, бхааяаамзвааха’’нд̇и саа звам̣ вад̇вааби д̇ааяа бунаббунам̣ яаажияамаанаа ‘‘ад̣̇д̇хаа мад̇о бхависсад̇ий’’д̇и самбадижчид̇ваа д̇ааяа сад̣̇д̇хим̣ бааяааси. г̇ажчанд̇ий бана ‘‘го ж̇аанаад̇и, гим̣ бхависсад̇ий’’д̇и д̇асмим̣ аасан̇гааяа син̇г̇аалим̣ бурад̇о гад̇ваа син̇г̇аалам̣ бариг̇г̇ан̣ханд̇ийязва г̇ажчад̇и. син̇г̇аало д̇аасам̣ бад̣̇асад̣̇д̣̇ам̣ суд̇ваа ‘‘ааг̇ад̇аа ну ко зл̣игаа’’д̇и сийсам̣ угкибид̇ваа агкийни баривад̇д̇зд̇ваа ологзси. зл̣игаа д̇ам̣ д̇ат̇аа гаронд̇ам̣ д̣̇исваа ‘‘аяам̣ баабад̇хаммо мам̣ ван̃жзд̇ваа маарзд̇угаамо мад̇аалаяам̣ д̣̇ассзд̇ваа нибанно’’д̇и нивад̇д̇ид̇ваа балааяанд̇ий син̇г̇аалияаа ‘‘гасмаа балааяасий’’д̇и вуд̇д̇з д̇ам̣ гааран̣ам̣ гат̇знд̇ий батамам̣ г̇аат̇амааха –
Sā ‘‘sādhū’’ti sampaṭicchitvā tāya saddhiṃ sakhibhāvaṃ katvā vissāse uppanne eḷikaṃ tathā avoca. Eḷikā ‘‘āḷi siṅgāli tava sāmikena sabbe mama ñātakā khāditā, bhāyāmi na sakkomi gantu’’nti āha. ‘‘Āḷi, mā bhāyi, matako kiṃ karissatī’’ti? ‘‘Kharamanto te sāmiko, bhāyāmevāha’’nti sā evaṃ vatvāpi tāya punappunaṃ yāciyamānā ‘‘addhā mato bhavissatī’’ti sampaṭicchitvā tāya saddhiṃ pāyāsi. Gacchantī pana ‘‘ko jānāti, kiṃ bhavissatī’’ti tasmiṃ āsaṅkāya siṅgāliṃ purato katvā siṅgālaṃ pariggaṇhantīyeva gacchati. Siṅgālo tāsaṃ padasaddaṃ sutvā ‘‘āgatā nu kho eḷikā’’ti sīsaṃ ukkhipitvā akkhīni parivattetvā olokesi. Eḷikā taṃ tathā karontaṃ disvā ‘‘ayaṃ pāpadhammo maṃ vañcetvā māretukāmo matālayaṃ dassetvā nipanno’’ti nivattitvā palāyantī siṅgāliyā ‘‘kasmā palāyasī’’ti vutte taṃ kāraṇaṃ kathentī paṭhamaṃ gāthamāha –
96.
96.
‘‘на ко мз ружжад̇и аал̣и, бууд̇имам̣сасса бзгканаа;
‘‘Na kho me ruccati āḷi, pūtimaṃsassa pekkhanā;
зд̇аад̣̇исаа сакаарасмаа, аарагаа бариваж̇ж̇аяз’’д̇и.
Etādisā sakhārasmā, ārakā parivajjaye’’ti.
д̇ад̇т̇а аал̣ийд̇и аалабанам̣, саки сахааяигзд̇и ад̇т̇о. зд̇аад̣̇исаа сакаарасмаад̇и зваруубаа сахааяагаа абаггамид̇ваа д̇ам̣ сахааяагам̣ аарагаа бариваж̇ж̇зяяаад̇и ад̇т̇о.
Tattha āḷīti ālapanaṃ, sakhi sahāyiketi attho. Etādisā sakhārasmāti evarūpā sahāyakā apakkamitvā taṃ sahāyakaṃ ārakā parivajjeyyāti attho.
зван̃жа бана вад̇ваа саа нивад̇д̇ид̇ваа ад̇д̇ано васанадтаанамзва г̇ад̇аа. син̇г̇аалий д̇ам̣ нивад̇д̇зд̇ум̣ асаггонд̇ий д̇ассаа гуж̇жхид̇ваа ад̇д̇ано саамигассзва санд̇игам̣ г̇анд̇ваа баж̇жхааяамаанаа нисийд̣̇и. ат̇а нам̣ син̇г̇аало г̇араханд̇о д̣̇уд̇ияам̣ г̇аат̇амааха –
Evañca pana vatvā sā nivattitvā attano vasanaṭṭhānameva gatā. Siṅgālī taṃ nivattetuṃ asakkontī tassā kujjhitvā attano sāmikasseva santikaṃ gantvā pajjhāyamānā nisīdi. Atha naṃ siṅgālo garahanto dutiyaṃ gāthamāha –
97.
97.
‘‘уммад̇д̇игаа аяам̣ взн̣ий, ван̣н̣зд̇и бад̇ино саким̣;
‘‘Ummattikā ayaṃ veṇī, vaṇṇeti patino sakhiṃ;
баж̇жхааяи бадиг̇ажчанд̇им̣, ааг̇ад̇ам̣ мзн̣д̣амаад̇ара’’нд̇и.
Pajjhāyi paṭigacchantiṃ, āgataṃ meṇḍamātara’’nti.
д̇ад̇т̇а взн̣ийд̇и д̇ассаа наамам̣. ван̣н̣зд̇и бад̇ино сакинд̇и батамамзва ад̇д̇ано саким̣ зл̣игам̣ ‘‘маяи синзхаа виссаасигаа ааг̇амиссад̇и но санд̇игам̣, мад̇аалаяам̣ гарохий’’д̇и бад̇ино санд̇игз ван̣н̣зд̇и. ат̇а нам̣ саа ид̣̇аани ааг̇ад̇ам̣ мама санд̇игам̣ анааг̇анд̇ваава бадиг̇ажчанд̇им̣ мзн̣д̣амаад̇арам̣ баж̇жхааяад̇и анусожад̇ийд̇и.
Tattha veṇīti tassā nāmaṃ. Vaṇṇeti patino sakhinti paṭhamameva attano sakhiṃ eḷikaṃ ‘‘mayi sinehā vissāsikā āgamissati no santikaṃ, matālayaṃ karohī’’ti patino santike vaṇṇeti. Atha naṃ sā idāni āgataṃ mama santikaṃ anāgantvāva paṭigacchantiṃ meṇḍamātaraṃ pajjhāyati anusocatīti.
д̇ам̣ суд̇ваа син̇г̇аалий д̇ад̇ияам̣ г̇аат̇амааха –
Taṃ sutvā siṅgālī tatiyaṃ gāthamāha –
98.
98.
‘‘д̇вам̣ коси самма уммад̇д̇о, д̣̇уммзд̇хо авижагкан̣о;
‘‘Tvaṃ khosi samma ummatto, dummedho avicakkhaṇo;
яо д̇вам̣ мад̇аалаяам̣ гад̇ваа, агаалзна вибзгкасий’’д̇и.
Yo tvaṃ matālayaṃ katvā, akālena vipekkhasī’’ti.
д̇ад̇т̇а авижагкан̣од̇и вижааран̣абан̃н̃аарахид̇о. агаалзна вибзгкасийд̇и зл̣игааяа ад̇д̇ано санд̇игам̣ анааг̇ад̇ааязва ологзсийд̇и ад̇т̇о.
Tattha avicakkhaṇoti vicāraṇapaññārahito. Akālena vipekkhasīti eḷikāya attano santikaṃ anāgatāyeva olokesīti attho.
99.
99.
‘‘на агаалз вибзгкаяяа, гаалз бзгкзяяа бан̣д̣ид̇о;
‘‘Na akāle vipekkhayya, kāle pekkheyya paṇḍito;
бууд̇имам̣сова баж̇жхааяи, яо агаалз вибзгкад̇ий’’д̇и. – аяам̣ абхисамб̣уд̣̇д̇хаг̇аат̇аа;
Pūtimaṃsova pajjhāyi, yo akāle vipekkhatī’’ti. – ayaṃ abhisambuddhagāthā;
д̇ад̇т̇а агаалзд̇и гаамаг̇ун̣з аараб̣бха субхавасзна жид̇д̇уббаад̣̇агаалз. аяан̃хи бхигкуно руубам̣ ологзд̇ум̣ агаало наама. гаалзд̇и асубхавасзна ануссад̇ивасзна гасин̣авасзна ваа руубаг̇г̇ахан̣агаалз. аяан̃хи бхигкуно руубам̣ ологзд̇ум̣ гаало наама. д̇ад̇т̇а агаалз саарад̇д̇агаалз руубам̣ ологзнд̇аа махаавинаасам̣ баабун̣анд̇ийд̇и харид̇ажаж̇аад̇агаломасагассабаж̇аад̇агаад̣̇ийхи д̣̇ийбзд̇аб̣б̣ам̣. гаалз асубхавасзна ологзнд̇аа арахад̇д̇з бад̇идтаханд̇ийд̇и асубхагаммигад̇иссад̇т̇зравад̇т̇унаа гат̇зд̇аб̣б̣ам̣. бууд̇имам̣сова баж̇жхааяийд̇и бхигкавз, яат̇аа бууд̇имам̣сасин̇г̇аало агаалз зл̣игам̣ ологзд̇ваа ад̇д̇ано г̇ожараа барихийно баж̇жхааяад̇и, звам̣ бхигку агаалз субхавасзна руубам̣ ологзд̇ваа сад̇ибадтаанаад̣̇иг̇ожараа барихийно д̣̇идтад̇хаммз самбарааязби сожад̇и баж̇жхааяад̇и гиламад̇ийд̇и.
Tattha akāleti kāmaguṇe ārabbha subhavasena cittuppādakāle. Ayañhi bhikkhuno rūpaṃ oloketuṃ akālo nāma. Kāleti asubhavasena anussativasena kasiṇavasena vā rūpaggahaṇakāle. Ayañhi bhikkhuno rūpaṃ oloketuṃ kālo nāma. Tattha akāle sārattakāle rūpaṃ olokentā mahāvināsaṃ pāpuṇantīti haritacajātakalomasakassapajātakādīhi dīpetabbaṃ. Kāle asubhavasena olokentā arahatte patiṭṭhahantīti asubhakammikatissattheravatthunā kathetabbaṃ. Pūtimaṃsova pajjhāyīti bhikkhave, yathā pūtimaṃsasiṅgālo akāle eḷikaṃ oloketvā attano gocarā parihīno pajjhāyati, evaṃ bhikkhu akāle subhavasena rūpaṃ oloketvā satipaṭṭhānādigocarā parihīno diṭṭhadhamme samparāyepi socati pajjhāyati kilamatīti.
взн̣ийби ко син̇г̇аалий бууд̇имам̣сам̣ ассаасзд̇ваа ‘‘саами, маа жинд̇зси, ахам̣ д̇ам̣ бунаби убааязна аанзссаами, д̇вам̣ ааг̇ад̇агаалз аббамад̇д̇о г̇ан̣хзяяаасий’’д̇и вад̇ваа д̇ассаа санд̇игам̣ г̇анд̇ваа ‘‘аал̣и, д̇ава ааг̇ад̇агаалзязва но ад̇т̇о ж̇аад̇о, д̇ава ааг̇ад̇агааласмим̣язва хи мз саамиго сад̇им̣ бадилабхи, ид̣̇аани ж̇ийвад̇и, зхи д̇зна сад̣̇д̇хим̣ бадисант̇аарам̣ гарохий’’д̇и вад̇ваа бан̃жамам̣ г̇аат̇амааха –
Veṇīpi kho siṅgālī pūtimaṃsaṃ assāsetvā ‘‘sāmi, mā cintesi, ahaṃ taṃ punapi upāyena ānessāmi, tvaṃ āgatakāle appamatto gaṇheyyāsī’’ti vatvā tassā santikaṃ gantvā ‘‘āḷi, tava āgatakāleyeva no attho jāto, tava āgatakālasmiṃyeva hi me sāmiko satiṃ paṭilabhi, idāni jīvati, ehi tena saddhiṃ paṭisanthāraṃ karohī’’ti vatvā pañcamaṃ gāthamāha –
100.
100.
‘‘бияам̣ ко аал̣и мз ход̇у, бун̣н̣абад̇д̇ам̣ д̣̇ад̣̇аахи мз;
‘‘Piyaṃ kho āḷi me hotu, puṇṇapattaṃ dadāhi me;
бад̇и сан̃ж̇ийвид̇о маяхам̣, зяяааси бияабужчигаа’’д̇и.
Pati sañjīvito mayhaṃ, eyyāsi piyapucchikā’’ti.
д̇ад̇т̇а бун̣н̣абад̇д̇ам̣ д̣̇ад̣̇аахи мзд̇и бияагкаанам̣ агкааяигаа маяхам̣ д̇удтид̣̇аанам̣ д̣̇зхи. бад̇и сан̃ж̇ийвид̇о маяханд̇и мама саамиго сан̃ж̇ийвид̇о удтид̇о арог̇од̇и ад̇т̇о. зяяаасийд̇и маяаа сад̣̇д̇хим̣ ааг̇ажча.
Tattha puṇṇapattaṃ dadāhi meti piyakkhānaṃ akkhāyikā mayhaṃ tuṭṭhidānaṃ dehi. Pati sañjīvito mayhanti mama sāmiko sañjīvito uṭṭhito arogoti attho. Eyyāsīti mayā saddhiṃ āgaccha.
зл̣игаа ‘‘аяам̣ баабад̇хаммаа мам̣ ван̃жзд̇угаамаа, аяуд̇д̇ам̣ ко бана бадибагкагаран̣ам̣, убааязнзва нам̣ ван̃жзссаамий’’д̇и жинд̇зд̇ваа чадтам̣ г̇аат̇амааха –
Eḷikā ‘‘ayaṃ pāpadhammā maṃ vañcetukāmā, ayuttaṃ kho pana paṭipakkhakaraṇaṃ, upāyeneva naṃ vañcessāmī’’ti cintetvā chaṭṭhaṃ gāthamāha –
101.
101.
‘‘бияам̣ ко аал̣и д̇з ход̇у, бун̣н̣абад̇д̇ам̣ д̣̇ад̣̇аами д̇з;
‘‘Piyaṃ kho āḷi te hotu, puṇṇapattaṃ dadāmi te;
махад̇аа бариваарзна, зссам̣ гаяираахи бхож̇ана’’нд̇и.
Mahatā parivārena, essaṃ kayirāhi bhojana’’nti.
д̇ад̇т̇а зссанд̇и ааг̇амиссаами. ааг̇ажчамаанаа жа ад̇д̇ано аарагкам̣ гад̇ваа маханд̇зна бариваарзна ааг̇амиссаамийд̇и.
Tattha essanti āgamissāmi. Āgacchamānā ca attano ārakkhaṃ katvā mahantena parivārena āgamissāmīti.
ат̇а нам̣ син̇г̇аалий бариваарам̣ бужчанд̇ий сад̇д̇амам̣ г̇аат̇амааха –
Atha naṃ siṅgālī parivāraṃ pucchantī sattamaṃ gāthamāha –
102.
102.
‘‘гийд̣̇исо д̇уяхам̣ баривааро, язсам̣ гаахаами бхож̇анам̣;
‘‘Kīdiso tuyhaṃ parivāro, yesaṃ kāhāmi bhojanaṃ;
гим̣ наамагаа жа д̇з саб̣б̣з, д̇з мз агкаахи бужчид̇аа’’д̇и.
Kiṃ nāmakā ca te sabbe, te me akkhāhi pucchitā’’ti.
саа аажигканд̇ий адтамам̣ г̇аат̇амааха –
Sā ācikkhantī aṭṭhamaṃ gāthamāha –
103.
103.
‘‘маалияо жад̇урагко жа, бин̇г̇ияо ат̇а ж̇амб̣уго;
‘‘Māliyo caturakkho ca, piṅgiyo atha jambuko;
зд̣̇исо маяхам̣ баривааро, д̇зсам̣ гаяираахи бхож̇ана’’нд̇и.
Ediso mayhaṃ parivāro, tesaṃ kayirāhi bhojana’’nti.
д̇ад̇т̇а д̇з мзд̇и д̇з бариваарз маяхам̣ аажигки. маалияод̇иаад̣̇ийни жад̇уннам̣ сунакаанам̣ наамаани. ‘‘д̇ад̇т̇а згзгасса бан̃жа бан̃жа сунакасад̇аани бариваарзнд̇и, звам̣ д̣̇вийхи сунакасахассзхи бариваарид̇аа ааг̇амиссаамий’’д̇и вад̇ваа ‘‘сажз д̇з бхож̇анам̣ на лабхиссанд̇и, д̇умхз д̣̇взби ж̇анз маарзд̇ваа каад̣̇иссанд̇ий’’д̇и ааха.
Tattha te meti te parivāre mayhaṃ ācikkhi. Māliyotiādīni catunnaṃ sunakhānaṃ nāmāni. ‘‘Tattha ekekassa pañca pañca sunakhasatāni parivārenti, evaṃ dvīhi sunakhasahassehi parivāritā āgamissāmī’’ti vatvā ‘‘sace te bhojanaṃ na labhissanti, tumhe dvepi jane māretvā khādissantī’’ti āha.
д̇ам̣ суд̇ваа син̇г̇аалий бхийд̇аа ‘‘алам̣ имиссаа д̇ад̇т̇а г̇аманзна, убааязнассаа анааг̇аманамзва гариссаамий’’д̇и жинд̇зд̇ваа навамам̣ г̇аат̇амааха –
Taṃ sutvā siṅgālī bhītā ‘‘alaṃ imissā tattha gamanena, upāyenassā anāgamanameva karissāmī’’ti cintetvā navamaṃ gāthamāha –
104.
104.
‘‘нигканд̇ааяа аг̇аарасмаа, бхан̣д̣агамби винассад̇и;
‘‘Nikkhantāya agārasmā, bhaṇḍakampi vinassati;
аарог̇яам̣ аал̣ино важ̇ж̇ам̣, ид̇хзва васа мааг̇амаа’’д̇и.
Ārogyaṃ āḷino vajjaṃ, idheva vasa māgamā’’ti.
д̇ассад̇т̇о – аал̣и, д̇ава г̇зхз б̣ахубхан̣д̣агам̣ ад̇т̇и, д̇ам̣ д̇з нигканд̇ааяа аг̇аарасмаа анаарагкам̣ бхан̣д̣агам̣ винассад̇и, ахамзва д̇з аал̣ино сахааяагасса аарог̇яам̣ важ̇ж̇ам̣ вад̣̇иссаами, д̇вам̣ ид̇хзва васа мааг̇амаад̇и.
Tassattho – āḷi, tava gehe bahubhaṇḍakaṃ atthi, taṃ te nikkhantāya agārasmā anārakkhaṃ bhaṇḍakaṃ vinassati, ahameva te āḷino sahāyakassa ārogyaṃ vajjaṃ vadissāmi, tvaṃ idheva vasa māgamāti.
зван̃жа бана вад̇ваа маран̣абхаяабхийд̇аа взг̇зна саамигасса санд̇игам̣ г̇анд̇ваа д̇ам̣ г̇ахзд̇ваа балааяи. д̇з буна д̇ам̣ таанам̣ ааг̇анд̇ум̣ наасагким̣су.
Evañca pana vatvā maraṇabhayabhītā vegena sāmikassa santikaṃ gantvā taṃ gahetvā palāyi. Te puna taṃ ṭhānaṃ āgantuṃ nāsakkhiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси ‘‘д̇ад̣̇аа ахам̣ д̇асмим̣ таанз ванаж̇здтагаругкз ниб̣б̣ад̇д̇ад̣̇звад̇аа ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi ‘‘tadā ahaṃ tasmiṃ ṭhāne vanajeṭṭhakarukkhe nibbattadevatā ahosi’’nti.
бууд̇имам̣саж̇аад̇агаван̣н̣анаа згаад̣̇асамаа.
Pūtimaṃsajātakavaṇṇanā ekādasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 437. бууд̇имам̣саж̇аад̇агам̣ • 437. Pūtimaṃsajātakaṃ
