| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
3. бууд̇имукабзд̇авад̇т̇уван̣н̣анаа
3. Pūtimukhapetavatthuvaṇṇanā
д̣̇иб̣б̣ам̣ субхам̣ д̇хаарзси ван̣н̣ад̇хаад̇унд̇и ид̣̇ам̣ сад̇т̇ари взл̣уванз вихаранд̇з галанд̣̇аганиваабз ан̃н̃ад̇арам̣ бууд̇имукабзд̇ам̣ аараб̣бха вуд̇д̇ам̣. ад̇ийд̇з гира гассабасса бхаг̇авад̇о гаалз д̣̇вз гулабуд̇д̇аа д̇асса саасанз баб̣б̣аж̇ид̇ваа сийлаажаарасамбаннаа саллзкавуд̇д̇ино ан̃н̃ад̇арасмим̣ г̇аамагааваасз самаг̇г̇аваасам̣ васим̣су. ат̇а ан̃н̃ад̇аро баабаж̇жхаасаяо бзсун̃н̃аабхирад̇о бхигку д̇зсам̣ васанадтаанам̣ убаг̇ан̃чи. т̇зраа д̇зна сад̣̇д̇хим̣ бадисант̇аарам̣ гад̇ваа васанадтаанам̣ д̣̇ад̇ваа д̣̇уд̇ияад̣̇ивасз д̇ам̣ г̇ахзд̇ваа г̇аамам̣ бин̣д̣ааяа бависим̣су. мануссаа д̇з д̣̇исваа д̇зсу т̇зрзсу ад̇ивияа бараманибажжагаарам̣ гад̇ваа яааг̇убхад̇д̇аад̣̇ийхи бадимаанзсум̣. со вихаарам̣ бависид̇ваа жинд̇зси – ‘‘сунд̣̇аро вад̇ааяам̣ г̇ожараг̇аамо, мануссаа жа сад̣̇д̇хаа басаннаа, бан̣ийд̇абан̣ийд̇ам̣ бин̣д̣абаад̇ам̣ д̣̇знд̇и, аяан̃жа вихааро чааяууд̣̇агасамбанно, саггаа мз ид̇ха сукзна васид̇ум̣. имзсу бана бхигкуусу ид̇ха васанд̇зсу маяхам̣ паасувихааро на бхависсад̇и, анд̇зваасигаваасо вияа бхависсад̇и. ханд̣̇аахам̣ имз ан̃н̃аман̃н̃ам̣ бхинд̣̇ид̇ваа яат̇аа на буна ид̇ха васиссанд̇и, д̇ат̇аа гариссаамий’’д̇и.
Dibbaṃsubhaṃ dhāresi vaṇṇadhātunti idaṃ satthari veḷuvane viharante kalandakanivāpe aññataraṃ pūtimukhapetaṃ ārabbha vuttaṃ. Atīte kira kassapassa bhagavato kāle dve kulaputtā tassa sāsane pabbajitvā sīlācārasampannā sallekhavuttino aññatarasmiṃ gāmakāvāse samaggavāsaṃ vasiṃsu. Atha aññataro pāpajjhāsayo pesuññābhirato bhikkhu tesaṃ vasanaṭṭhānaṃ upagañchi. Therā tena saddhiṃ paṭisanthāraṃ katvā vasanaṭṭhānaṃ datvā dutiyadivase taṃ gahetvā gāmaṃ piṇḍāya pavisiṃsu. Manussā te disvā tesu theresu ativiya paramanipaccakāraṃ katvā yāgubhattādīhi paṭimānesuṃ. So vihāraṃ pavisitvā cintesi – ‘‘sundaro vatāyaṃ gocaragāmo, manussā ca saddhā pasannā, paṇītapaṇītaṃ piṇḍapātaṃ denti, ayañca vihāro chāyūdakasampanno, sakkā me idha sukhena vasituṃ. Imesu pana bhikkhūsu idha vasantesu mayhaṃ phāsuvihāro na bhavissati, antevāsikavāso viya bhavissati. Handāhaṃ ime aññamaññaṃ bhinditvā yathā na puna idha vasissanti, tathā karissāmī’’ti.
ат̇згад̣̇ивасам̣ махаат̇зрз д̣̇виннамби оваад̣̇ам̣ д̣̇ад̇ваа ад̇д̇ано васанадтаанам̣ бавидтз бзсун̣иго бхигку т̇огам̣ гаалам̣ вийд̇инаамзд̇ваа махаат̇зрам̣ убасан̇гамид̇ваа ванд̣̇ид̇ваа т̇зрзна ‘‘гим̣, аавусо, вигаалз ааг̇ад̇осий’’д̇и жа вуд̇д̇з, ‘‘аама, бханд̇з гин̃жи вад̇д̇аб̣б̣ам̣ ад̇т̇ий’’д̇и вад̇ваа ‘‘гат̇зхи, аавусо’’д̇и т̇зрзна анун̃н̃аад̇о ааха – ‘‘зсо, бханд̇з, д̇умхаагам̣ сахааяагад̇т̇зро саммукаа мид̇д̇о вияа ад̇д̇аанам̣ д̣̇ассзд̇ваа бараммукаа сабад̇д̇о вияа убавад̣̇ад̇ий’’д̇и. ‘‘гим̣ гат̇зд̇ий’’д̇и бужчид̇о ‘‘сун̣аат̇а, бханд̇з, ‘зсо махаат̇зро сато мааяаавий гухаго мижчааж̇ийвзна ж̇ийвигам̣ габбзд̇ий’д̇и д̇умхаагам̣ аг̇ун̣ам̣ гат̇зд̇ий’’д̇и ааха. ‘‘маа, аавусо, звам̣ бхан̣и, на со бхигку звам̣ мам̣ убавад̣̇иссад̇и, г̇ихигаалад̇о бадтааяа мама сабхаавам̣ ж̇аанаад̇и ‘бзсало галяаан̣асийло’’’д̇и. ‘‘сажз, бханд̇з, д̇умхз ад̇д̇ано висуд̣̇д̇хажид̇д̇ад̇ааяа звам̣ жинд̇зт̇а, д̇ам̣ д̇умхаагам̣язва анужчавигам̣, маяхам̣ бана д̇зна сад̣̇д̇хим̣ взрам̣ над̇т̇и, гасмаа ахам̣ д̇зна авуд̇д̇ам̣ ‘вуд̇д̇а’нд̇и вад̣̇аами. ход̇у, гааланд̇арзна саяамзва ж̇ааниссат̇аа’’д̇и ааха. т̇зроби бут̇уж̇ж̇анабхаавад̣̇осзна д̣̇взл̣хагажид̇д̇о ‘‘звамби сияаа’’д̇и саасан̇гахад̣̇аяо худ̇ваа т̇огам̣ сит̇илависсаасо ахоси. со б̣аало батамам̣ махаат̇зрам̣ барибхинд̣̇ид̇ваа ид̇арамби т̇знам̣ вуд̇д̇анаязнзва барибхинд̣̇и. ат̇а д̇з убхоби т̇зраа д̣̇уд̇ияад̣̇ивасз ан̃н̃аман̃н̃ам̣ анаалабид̇ваа бад̇д̇ажийварамаад̣̇ааяа г̇аамз бин̣д̣ааяа жарид̇ваа бин̣д̣абаад̇амаад̣̇ааяа ад̇д̇ано васанадтаанзязва барибхун̃ж̇ид̇ваа саамийжимад̇д̇амби агад̇ваа д̇ам̣ д̣̇ивасам̣ д̇ад̇т̇зва васид̇ваа вибхаад̇ааяа жа рад̇д̇ияаа ан̃н̃аман̃н̃ам̣ анаарожзд̇ваава яат̇аапаасугадтаанам̣ аг̇амам̣су.
Athekadivasaṃ mahāthere dvinnampi ovādaṃ datvā attano vasanaṭṭhānaṃ paviṭṭhe pesuṇiko bhikkhu thokaṃ kālaṃ vītināmetvā mahātheraṃ upasaṅkamitvā vanditvā therena ‘‘kiṃ, āvuso, vikāle āgatosī’’ti ca vutte, ‘‘āma, bhante kiñci vattabbaṃ atthī’’ti vatvā ‘‘kathehi, āvuso’’ti therena anuññāto āha – ‘‘eso, bhante, tumhākaṃ sahāyakatthero sammukhā mitto viya attānaṃ dassetvā parammukhā sapatto viya upavadatī’’ti. ‘‘Kiṃ kathetī’’ti pucchito ‘‘suṇātha, bhante, ‘eso mahāthero saṭho māyāvī kuhako micchājīvena jīvikaṃ kappetī’ti tumhākaṃ aguṇaṃ kathetī’’ti āha. ‘‘Mā, āvuso, evaṃ bhaṇi, na so bhikkhu evaṃ maṃ upavadissati, gihikālato paṭṭhāya mama sabhāvaṃ jānāti ‘pesalo kalyāṇasīlo’’’ti. ‘‘Sace, bhante, tumhe attano visuddhacittatāya evaṃ cintetha, taṃ tumhākaṃyeva anucchavikaṃ, mayhaṃ pana tena saddhiṃ veraṃ natthi, kasmā ahaṃ tena avuttaṃ ‘vutta’nti vadāmi. Hotu, kālantarena sayameva jānissathā’’ti āha. Theropi puthujjanabhāvadosena dveḷhakacitto ‘‘evampi siyā’’ti sāsaṅkahadayo hutvā thokaṃ sithilavissāso ahosi. So bālo paṭhamaṃ mahātheraṃ paribhinditvā itarampi thenaṃ vuttanayeneva paribhindi. Atha te ubhopi therā dutiyadivase aññamaññaṃ anālapitvā pattacīvaramādāya gāme piṇḍāya caritvā piṇḍapātamādāya attano vasanaṭṭhāneyeva paribhuñjitvā sāmīcimattampi akatvā taṃ divasaṃ tattheva vasitvā vibhātāya ca rattiyā aññamaññaṃ anārocetvāva yathāphāsukaṭṭhānaṃ agamaṃsu.
бзсун̣игам̣ бана бхигкум̣ барибун̣н̣аманорат̇ам̣ г̇аамам̣ бин̣д̣ааяа бавидтам̣ мануссаа д̣̇исваа аахам̣су – ‘‘бханд̇з, т̇зраа гухим̣ г̇ад̇аа’’д̇и? со ааха – ‘‘саб̣б̣арад̇д̇им̣ ан̃н̃аман̃н̃ам̣ галахам̣ гад̇ваа маяаа ‘маа галахам̣ гарот̇а, самаг̇г̇аа хот̇а, галахо наама анад̇т̇аавахо ааяад̇ид̣̇угкуббаад̣̇аго агусаласам̣вад̇д̇аниго, буримагааби галахзна махад̇аа хид̇аа барибхадтаа’д̇иаад̣̇ийни вужжамаанааби мама важанам̣ анаад̣̇ияид̇ваа багганд̇аа’’д̇и. д̇ад̇о мануссаа ‘‘т̇зраа д̇аава г̇ажчанд̇у, д̇умхз бана амхаагам̣ анугамбааяа ид̇хзва анугган̣тид̇ваа васат̇аа’’д̇и яаажим̣су. со ‘‘саад̇хуу’’д̇и бадиссун̣ид̇ваа д̇ад̇т̇зва васанд̇о гад̇ибаахзна жинд̇зси – ‘‘маяаа сийлаванд̇о галяаан̣ад̇хаммаа бхигкуу ааваасалобхзна барибхиннаа, б̣ахум̣ вад̇а маяаа баабагаммам̣ басуд̇а’’нд̇и б̣алававиббадисаараабхибхууд̇о согавзг̇зна г̇илаано худ̇ваа нажирзнзва гаалам̣ гад̇ваа авийжимхи ниб̣б̣ад̇д̇и.
Pesuṇikaṃ pana bhikkhuṃ paripuṇṇamanorathaṃ gāmaṃ piṇḍāya paviṭṭhaṃ manussā disvā āhaṃsu – ‘‘bhante, therā kuhiṃ gatā’’ti? So āha – ‘‘sabbarattiṃ aññamaññaṃ kalahaṃ katvā mayā ‘mā kalahaṃ karotha, samaggā hotha, kalaho nāma anatthāvaho āyatidukkhuppādako akusalasaṃvattaniko, purimakāpi kalahena mahatā hitā paribhaṭṭhā’tiādīni vuccamānāpi mama vacanaṃ anādiyitvā pakkantā’’ti. Tato manussā ‘‘therā tāva gacchantu, tumhe pana amhākaṃ anukampāya idheva anukkaṇṭhitvā vasathā’’ti yāciṃsu. So ‘‘sādhū’’ti paṭissuṇitvā tattheva vasanto katipāhena cintesi – ‘‘mayā sīlavanto kalyāṇadhammā bhikkhū āvāsalobhena paribhinnā, bahuṃ vata mayā pāpakammaṃ pasuta’’nti balavavippaṭisārābhibhūto sokavegena gilāno hutvā nacireneva kālaṃ katvā avīcimhi nibbatti.
ид̇арз д̣̇вз сахааяагад̇т̇зраа ж̇анабад̣̇ажааригам̣ жаранд̇аа ан̃н̃ад̇арасмим̣ ааваасз самааг̇анд̇ваа ан̃н̃аман̃н̃ам̣ саммод̣̇ид̇ваа д̇зна бхигкунаа вуд̇д̇ам̣ бхзд̣̇аважанам̣ ан̃н̃аман̃н̃асса аарожзд̇ваа д̇асса абхууд̇абхаавам̣ н̃ад̇ваа самаг̇г̇аа худ̇ваа ануггамзна д̇амзва ааваасам̣ бажжааг̇амим̣су. мануссаа д̣̇вз т̇зрз д̣̇исваа хадтад̇удтаа сан̃ж̇аад̇асоманассаа худ̇ваа жад̇уухи бажжаязхи убадтахим̣су. т̇зраа жа д̇ад̇т̇зва васанд̇аа саббааяааахааралаабхзна самаахид̇ажид̇д̇аа вибассанам̣ вад̣дхзд̇ваа нажирзнзва арахад̇д̇ам̣ баабун̣им̣су.
Itare dve sahāyakattherā janapadacārikaṃ carantā aññatarasmiṃ āvāse samāgantvā aññamaññaṃ sammoditvā tena bhikkhunā vuttaṃ bhedavacanaṃ aññamaññassa ārocetvā tassa abhūtabhāvaṃ ñatvā samaggā hutvā anukkamena tameva āvāsaṃ paccāgamiṃsu. Manussā dve there disvā haṭṭhatuṭṭhā sañjātasomanassā hutvā catūhi paccayehi upaṭṭhahiṃsu. Therā ca tattheva vasantā sappāyaāhāralābhena samāhitacittā vipassanaṃ vaḍḍhetvā nacireneva arahattaṃ pāpuṇiṃsu.
бзсун̣иго бхигку згам̣ б̣уд̣̇д̇ханд̇арам̣ нираяз бажжид̇ваа имасмим̣ б̣уд̣̇д̇хуббаад̣̇з рааж̇аг̇ахасса авид̣̇уурз бууд̇имукабзд̇о худ̇ваа ниб̣б̣ад̇д̇и. д̇асса гааяо суван̣н̣аван̣н̣о ахоси, мукад̇о бана бул̣авагаа нигкамид̇ваа ид̇о жид̇о жа мукам̣ каад̣̇анд̇и, д̇асса д̣̇уурамби огаасам̣ парид̇ваа д̣̇уг̇г̇анд̇хам̣ вааяад̇и. ат̇ааяасмаа наарад̣̇о г̇иж̇жхагуудабаб̣б̣ад̇аа ороханд̇о д̇ам̣ д̣̇исваа –
Pesuṇiko bhikkhu ekaṃ buddhantaraṃ niraye paccitvā imasmiṃ buddhuppāde rājagahassa avidūre pūtimukhapeto hutvā nibbatti. Tassa kāyo suvaṇṇavaṇṇo ahosi, mukhato pana puḷavakā nikkhamitvā ito cito ca mukhaṃ khādanti, tassa dūrampi okāsaṃ pharitvā duggandhaṃ vāyati. Athāyasmā nārado gijjhakūṭapabbatā orohanto taṃ disvā –
7.
7.
‘‘д̣̇иб̣б̣ам̣ субхам̣ д̇хаарзси ван̣н̣ад̇хаад̇ум̣, взхааяасам̣ д̇идтаси анд̇алигкз;
‘‘Dibbaṃ subhaṃ dhāresi vaṇṇadhātuṃ, vehāyasaṃ tiṭṭhasi antalikkhe;
мукан̃жа д̇з гимаяо бууд̇иг̇анд̇хам̣, каад̣̇анд̇и гим̣ гаммамагааси буб̣б̣з’’д̇и. –
Mukhañca te kimayo pūtigandhaṃ, khādanti kiṃ kammamakāsi pubbe’’ti. –
имааяа г̇аат̇ааяа гад̇агаммам̣ бужчи. д̇ад̇т̇а д̣̇иб̣б̣анд̇и д̣̇иви бхавам̣ д̣̇звад̇д̇абхаавабарияаабаннам̣. ид̇ха бана д̣̇иб̣б̣ам̣ вияаад̇и д̣̇иб̣б̣ам̣. субханд̇и собханам̣, сунд̣̇арабхаавам̣ ваа. ван̣н̣ад̇хаад̇унд̇и чавиван̣н̣ам̣. д̇хаарзсийд̇и вахаси . взхааяасам̣ д̇идтаси анд̇алигкзд̇и взхааяасасан̃н̃ид̇з анд̇алигкз д̇идтаси. гзжи бана ‘‘вихааяасам̣ д̇идтаси анд̇алигкз’’д̇и баатам̣ вад̇ваа вихааяасам̣ обхаасзнд̇о анд̇алигкз д̇идтасийд̇и важанасзсзна ад̇т̇ам̣ вад̣̇анд̇и. бууд̇иг̇анд̇ханд̇и гун̣абаг̇анд̇хам̣, д̣̇уг̇г̇анд̇ханд̇и ад̇т̇о. гим̣ гаммамагааси буб̣б̣зд̇и барамад̣̇уг̇г̇анд̇хам̣ д̇з мукам̣ гимаяо каад̣̇анд̇и, гааяо жа суван̣н̣аван̣н̣о, гийд̣̇исам̣ наама гаммам̣ зваруубасса ад̇д̇абхаавасса гааран̣абхууд̇ам̣ буб̣б̣з д̇вам̣ агаасийд̇и бужчи.
Imāya gāthāya katakammaṃ pucchi. Tattha dibbanti divi bhavaṃ devattabhāvapariyāpannaṃ. Idha pana dibbaṃ viyāti dibbaṃ. Subhanti sobhanaṃ, sundarabhāvaṃ vā. Vaṇṇadhātunti chavivaṇṇaṃ. Dhāresīti vahasi . Vehāyasaṃ tiṭṭhasi antalikkheti vehāyasasaññite antalikkhe tiṭṭhasi. Keci pana ‘‘vihāyasaṃ tiṭṭhasi antalikkhe’’ti pāṭhaṃ vatvā vihāyasaṃ obhāsento antalikkhe tiṭṭhasīti vacanasesena atthaṃ vadanti. Pūtigandhanti kuṇapagandhaṃ, duggandhanti attho. Kiṃ kammamakāsi pubbeti paramaduggandhaṃ te mukhaṃ kimayo khādanti, kāyo ca suvaṇṇavaṇṇo, kīdisaṃ nāma kammaṃ evarūpassa attabhāvassa kāraṇabhūtaṃ pubbe tvaṃ akāsīti pucchi.
звам̣ т̇зрзна со бзд̇о ад̇д̇анаа гад̇агаммам̣ будто д̇амад̇т̇ам̣ виссаж̇ж̇знд̇о –
Evaṃ therena so peto attanā katakammaṃ puṭṭho tamatthaṃ vissajjento –
8.
8.
‘‘саман̣о ахам̣ баабод̇ид̣̇удтаваажо, д̇абассируубо мукасаа асан̃н̃ад̇о;
‘‘Samaṇo ahaṃ pāpotiduṭṭhavāco, tapassirūpo mukhasā asaññato;
лад̣̇д̇хаа жа мз д̇амасаа ван̣н̣ад̇хаад̇у, мукан̃жа мз бзсун̣иязна бууд̇ий’’д̇и. –
Laddhā ca me tamasā vaṇṇadhātu, mukhañca me pesuṇiyena pūtī’’ti. –
г̇аат̇амааха. д̇ад̇т̇а саман̣о ахам̣ баабод̇и ахам̣ лаамаго саман̣о баабабхигку ахосим̣. ад̇ид̣̇удтаваажод̇и ад̇ид̣̇удтаважано, барз ад̇иггамид̇ваа лан̇гхид̇ваа вад̇д̇аа, барзсам̣ г̇ун̣абарид̇хам̣сагаважанод̇и ад̇т̇о. ‘‘ад̇ид̣̇угкаваажо’’д̇и ваа баато, ад̇ивияа парусаважано мусааваад̣̇абзсун̃н̃аад̣̇иважийд̣̇ужжарид̇анирад̇о. д̇абассируубод̇и саман̣абад̇ируубаго. мукасаад̇и мукзна. лад̣̇д̇хаад̇и бадилад̣̇д̇хаа. жа-гааро самбин̣д̣анад̇т̇о. мзд̇и маяаа. д̇абасаад̇и б̣рахмажариязна. бзсун̣иязнаад̇и бисун̣аваажааяа. буд̇ийд̇и бууд̇иг̇анд̇хам̣.
Gāthamāha. Tattha samaṇo ahaṃ pāpoti ahaṃ lāmako samaṇo pāpabhikkhu ahosiṃ. Atiduṭṭhavācoti atiduṭṭhavacano, pare atikkamitvā laṅghitvā vattā, paresaṃ guṇaparidhaṃsakavacanoti attho. ‘‘Atidukkhavāco’’ti vā pāṭho, ativiya pharusavacano musāvādapesuññādivacīduccaritanirato. Tapassirūpoti samaṇapatirūpako. Mukhasāti mukhena. Laddhāti paṭiladdhā. Ca-kāro sampiṇḍanattho. Meti mayā. Tapasāti brahmacariyena. Pesuṇiyenāti pisuṇavācāya. Putīti pūtigandhaṃ.
звам̣ со бзд̇о ад̇д̇анаа гад̇агаммам̣ аажигкид̇ваа ид̣̇аани т̇зрасса оваад̣̇ам̣ д̣̇знд̇о –
Evaṃ so peto attanā katakammaṃ ācikkhitvā idāni therassa ovādaṃ dento –
9.
9.
‘‘д̇аяид̣̇ам̣ д̇аяаа наарад̣̇а саамам̣ д̣̇идтам̣,
‘‘Tayidaṃ tayā nārada sāmaṃ diṭṭhaṃ,
анугамбагаа яз гусалаа вад̣̇зяяум̣;
Anukampakā ye kusalā vadeyyuṃ;
маа бзсун̣ам̣ маа жа мусаа абхаан̣и,
Mā pesuṇaṃ mā ca musā abhāṇi,
яагко д̇увам̣ хохиси гаамагаамий’’д̇и. –
Yakkho tuvaṃ hohisi kāmakāmī’’ti. –
осаанаг̇аат̇амааха. д̇ад̇т̇а д̇аяид̣̇анд̇и д̇ам̣ ид̣̇ам̣ мама руубам̣. анугамбагаа яз гусалаа вад̣̇зяяунд̇и яз анугамбанасийлаа гаарун̣игаа барахид̇абадибад̇д̇ияам̣ гусалаа нибун̣аа б̣уд̣̇д̇хаад̣̇аяо яам̣ вад̣̇зяяум̣, д̇ад̣̇зва вад̣̇аамийд̇и ад̇хиббааяо. ид̣̇аани д̇ам̣ оваад̣̇ам̣ д̣̇ассзнд̇о ‘‘маа бзсун̣ам̣ маа жа мусаа абхаан̣и, яагко д̇увам̣ хохиси гаамагаамий’’д̇и ааха. д̇ассад̇т̇о – бзсун̣ам̣ бисун̣аважанам̣ мусаа жа маа абхаан̣и маа гат̇зхи. яад̣̇и хи д̇вам̣ мусааваад̣̇ам̣ бисун̣аваажан̃жа бахааяа ваажааяа сан̃н̃ад̇о бхавзяяааси, яагко ваа д̣̇зво ваа д̣̇зван̃н̃ад̇аро ваа д̇вам̣ бхависсаси, гаамам̣ гаамид̇аб̣б̣ам̣ ул̣аарам̣ д̣̇иб̣б̣асамбад̇д̇им̣ бадилабхид̇ваа д̇ад̇т̇а гааманасийло яат̇аасукам̣ инд̣̇рияаанам̣ барижаран̣зна абхираман̣асийлод̇и.
Osānagāthamāha. Tattha tayidanti taṃ idaṃ mama rūpaṃ. Anukampakā ye kusalā vadeyyunti ye anukampanasīlā kāruṇikā parahitapaṭipattiyaṃ kusalā nipuṇā buddhādayo yaṃ vadeyyuṃ, tadeva vadāmīti adhippāyo. Idāni taṃ ovādaṃ dassento ‘‘mā pesuṇaṃ mā ca musā abhāṇi, yakkho tuvaṃ hohisi kāmakāmī’’ti āha. Tassattho – pesuṇaṃ pisuṇavacanaṃ musā ca mā abhāṇi mā kathehi. Yadi hi tvaṃ musāvādaṃ pisuṇavācañca pahāya vācāya saññato bhaveyyāsi, yakkho vā devo vā devaññataro vā tvaṃ bhavissasi, kāmaṃ kāmitabbaṃ uḷāraṃ dibbasampattiṃ paṭilabhitvā tattha kāmanasīlo yathāsukhaṃ indriyānaṃ paricaraṇena abhiramaṇasīloti.
д̇ам̣ суд̇ваа т̇зро д̇ад̇о рааж̇аг̇ахам̣ г̇анд̇ваа бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о сад̇т̇у д̇амад̇т̇ам̣ аарожзси. сад̇т̇аа д̇ам̣ адтуббад̇д̇им̣ гад̇ваа д̇хаммам̣ д̣̇зсзси. саа д̣̇зсанаа самбад̇д̇абарисааяа саад̇т̇игаа ахосийд̇и.
Taṃ sutvā thero tato rājagahaṃ gantvā piṇḍāya caritvā pacchābhattaṃ piṇḍapātapaṭikkanto satthu tamatthaṃ ārocesi. Satthā taṃ aṭṭhuppattiṃ katvā dhammaṃ desesi. Sā desanā sampattaparisāya sātthikā ahosīti.
бууд̇имукабзд̇авад̇т̇уван̣н̣анаа нидтид̇аа.
Pūtimukhapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 3. бууд̇имукабзд̇авад̇т̇у • 3. Pūtimukhapetavatthu
