| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. буд̇д̇амам̣суубамасуд̇д̇ам̣
3. Puttamaṃsūpamasuttaṃ
63. саавад̇т̇ияам̣ …бз… ‘‘жад̇д̇ааромз , бхигкавз, аахаараа бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяа . гад̇амз жад̇д̇ааро? габ̣ал̣ийгааро аахааро ол̣аариго ваа сукумо ваа, пассо д̣̇уд̇ияо, маносан̃жзд̇анаа д̇ад̇ияаа, вин̃н̃аан̣ам̣ жад̇уд̇т̇ам̣. имз ко, бхигкавз, жад̇д̇ааро аахаараа бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяа’’.
63. Sāvatthiyaṃ …pe… ‘‘cattārome , bhikkhave, āhārā bhūtānaṃ vā sattānaṃ ṭhitiyā sambhavesīnaṃ vā anuggahāya . Katame cattāro? Kabaḷīkāro āhāro oḷāriko vā sukhumo vā, phasso dutiyo, manosañcetanā tatiyā, viññāṇaṃ catutthaṃ. Ime kho, bhikkhave, cattāro āhārā bhūtānaṃ vā sattānaṃ ṭhitiyā sambhavesīnaṃ vā anuggahāya’’.
‘‘гат̇ан̃жа, бхигкавз, габ̣ал̣ийгааро аахааро д̣̇адтаб̣б̣о? сзяяат̇ааби, бхигкавз, д̣̇вз ж̇ааяамбад̇игаа 1 барид̇д̇ам̣ самб̣алам̣ аад̣̇ааяа ганд̇аарамаг̇г̇ам̣ бадибаж̇ж̇зяяум̣. д̇зсамасса згабуд̇д̇аго бияо манаабо. ат̇а ко д̇зсам̣, бхигкавз, д̣̇виннам̣ ж̇ааяамбад̇игаанам̣ ганд̇аараг̇ад̇аанам̣ яаа барид̇д̇аа самб̣аламад̇д̇аа, саа баригкаяам̣ барияаад̣̇аанам̣ г̇ажчзяяа. сияаа жа нзсам̣ ганд̇аараавасзсо анад̇ин̣н̣о. ат̇а ко д̇зсам̣, бхигкавз, д̣̇виннам̣ ж̇ааяамбад̇игаанам̣ звамасса – ‘амхаагам̣ ко яаа барид̇д̇аа самб̣аламад̇д̇аа саа баригкийн̣аа барияаад̣̇ин̣н̣аа 2. ад̇т̇и жааяам̣ ганд̇аараавасзсо анид̇д̇ин̣н̣о 3. яам̣нууна маяам̣ имам̣ згабуд̇д̇агам̣ бияам̣ манаабам̣ вад̇хид̇ваа валлууран̃жа сон̣д̣иган̃жа гарид̇ваа буд̇д̇амам̣саани каад̣̇анд̇аа звам̣ д̇ам̣ ганд̇аараавасзсам̣ нид̇т̇арзяяаама, маа саб̣б̣зва д̇аяо винассимхаа’д̇и. ат̇а ко д̇з, бхигкавз, д̣̇вз ж̇ааяамбад̇игаа д̇ам̣ згабуд̇д̇агам̣ бияам̣ манаабам̣ вад̇хид̇ваа валлууран̃жа сон̣д̣иган̃жа гарид̇ваа буд̇д̇амам̣саани каад̣̇анд̇аа звам̣ д̇ам̣ ганд̇аараавасзсам̣ нид̇т̇арзяяум̣. д̇з буд̇д̇амам̣саани жзва каад̣̇зяяум̣, урз жа бадибисзяяум̣ – ‘гахам̣, згабуд̇д̇ага, гахам̣, згабуд̇д̇агаа’д̇и.
‘‘Kathañca, bhikkhave, kabaḷīkāro āhāro daṭṭhabbo? Seyyathāpi, bhikkhave, dve jāyampatikā 4 parittaṃ sambalaṃ ādāya kantāramaggaṃ paṭipajjeyyuṃ. Tesamassa ekaputtako piyo manāpo. Atha kho tesaṃ, bhikkhave, dvinnaṃ jāyampatikānaṃ kantāragatānaṃ yā parittā sambalamattā, sā parikkhayaṃ pariyādānaṃ gaccheyya. Siyā ca nesaṃ kantārāvaseso anatiṇṇo. Atha kho tesaṃ, bhikkhave, dvinnaṃ jāyampatikānaṃ evamassa – ‘amhākaṃ kho yā parittā sambalamattā sā parikkhīṇā pariyādiṇṇā 5. Atthi cāyaṃ kantārāvaseso anittiṇṇo 6. Yaṃnūna mayaṃ imaṃ ekaputtakaṃ piyaṃ manāpaṃ vadhitvā vallūrañca soṇḍikañca karitvā puttamaṃsāni khādantā evaṃ taṃ kantārāvasesaṃ nitthareyyāma, mā sabbeva tayo vinassimhā’ti. Atha kho te, bhikkhave, dve jāyampatikā taṃ ekaputtakaṃ piyaṃ manāpaṃ vadhitvā vallūrañca soṇḍikañca karitvā puttamaṃsāni khādantā evaṃ taṃ kantārāvasesaṃ nitthareyyuṃ. Te puttamaṃsāni ceva khādeyyuṃ, ure ca paṭipiseyyuṃ – ‘kahaṃ, ekaputtaka, kahaṃ, ekaputtakā’ti.
‘‘д̇ам̣ гим̣ ман̃н̃ат̇а, бхигкавз, аби ну д̇з д̣̇авааяа ваа аахаарам̣ аахаарзяяум̣, мад̣̇ааяа ваа аахаарам̣ аахаарзяяум̣, ман̣д̣анааяа ваа аахаарам̣ аахаарзяяум̣, вибхуусанааяа ваа аахаарам̣ аахаарзяяу’’нд̇и? ‘‘но хзд̇ам̣, бханд̇з’’. ‘‘нану д̇з, бхигкавз, яаавад̣̇зва ганд̇аарасса нид̇т̇аран̣ад̇т̇ааяа аахаарам̣ аахаарзяяу’’нд̇и? ‘‘звам̣, бханд̇з’’. ‘‘звамзва кваахам̣, бхигкавз, габ̣ал̣ийгааро аахааро д̣̇адтаб̣б̣о’’д̇и вад̣̇аами. габ̣ал̣ийгаарз, бхигкавз, аахаарз барин̃н̃аад̇з бан̃жагаамаг̇ун̣иго рааг̇о барин̃н̃аад̇о ход̇и. бан̃жагаамаг̇ун̣игз рааг̇з барин̃н̃аад̇з над̇т̇и д̇ам̣ сам̣яож̇анам̣ язна сам̣яож̇анзна сам̣яуд̇д̇о арияасааваго буна имам̣ логам̣ ааг̇ажчзяяа.
‘‘Taṃ kiṃ maññatha, bhikkhave, api nu te davāya vā āhāraṃ āhāreyyuṃ, madāya vā āhāraṃ āhāreyyuṃ, maṇḍanāya vā āhāraṃ āhāreyyuṃ, vibhūsanāya vā āhāraṃ āhāreyyu’’nti? ‘‘No hetaṃ, bhante’’. ‘‘Nanu te, bhikkhave, yāvadeva kantārassa nittharaṇatthāya āhāraṃ āhāreyyu’’nti? ‘‘Evaṃ, bhante’’. ‘‘Evameva khvāhaṃ, bhikkhave, kabaḷīkāro āhāro daṭṭhabbo’’ti vadāmi. Kabaḷīkāre, bhikkhave, āhāre pariññāte pañcakāmaguṇiko rāgo pariññāto hoti. Pañcakāmaguṇike rāge pariññāte natthi taṃ saṃyojanaṃ yena saṃyojanena saṃyutto ariyasāvako puna imaṃ lokaṃ āgaccheyya.
‘‘гат̇ан̃жа, бхигкавз, пассаахааро д̣̇адтаб̣б̣о? сзяяат̇ааби, бхигкавз, г̇аавий нижжаммаа гуддам̣ жз 7 ниссааяа д̇идтзяяа. яз гудданиссид̇аа баан̣аа д̇з нам̣ каад̣̇зяяум̣. ругкам̣ жз ниссааяа д̇идтзяяа, яз ругканиссид̇аа баан̣аа д̇з нам̣ каад̣̇зяяум̣. уд̣̇агам̣ жз ниссааяа д̇идтзяяа, яз уд̣̇аганиссид̇аа баан̣аа д̇з нам̣ каад̣̇зяяум̣. аагаасам̣ жз ниссааяа д̇идтзяяа, яз аагаасаниссид̇аа баан̣аа д̇з нам̣ каад̣̇зяяум̣. яам̣ яад̣̇зва хи саа, бхигкавз, г̇аавий нижжаммаа ниссааяа д̇идтзяяа, яз д̇анниссид̇аа 8 баан̣аа д̇з нам̣ каад̣̇зяяум̣. звамзва кваахам̣, бхигкавз, ‘‘пассаахааро д̣̇адтаб̣б̣о’’д̇и вад̣̇аами. пассз, бхигкавз, аахаарз барин̃н̃аад̇з д̇иссо взд̣̇анаа барин̃н̃аад̇аа хонд̇и. д̇ийсу взд̣̇анаасу барин̃н̃аад̇аасу арияасаавагасса над̇т̇и гин̃жи уд̇д̇аригаран̣ийяанд̇и 9 вад̣̇аами.
‘‘Kathañca, bhikkhave, phassāhāro daṭṭhabbo? Seyyathāpi, bhikkhave, gāvī niccammā kuṭṭaṃ ce 10 nissāya tiṭṭheyya. Ye kuṭṭanissitā pāṇā te naṃ khādeyyuṃ. Rukkhaṃ ce nissāya tiṭṭheyya, ye rukkhanissitā pāṇā te naṃ khādeyyuṃ. Udakaṃ ce nissāya tiṭṭheyya, ye udakanissitā pāṇā te naṃ khādeyyuṃ. Ākāsaṃ ce nissāya tiṭṭheyya, ye ākāsanissitā pāṇā te naṃ khādeyyuṃ. Yaṃ yadeva hi sā, bhikkhave, gāvī niccammā nissāya tiṭṭheyya, ye tannissitā 11 pāṇā te naṃ khādeyyuṃ. Evameva khvāhaṃ, bhikkhave, ‘‘phassāhāro daṭṭhabbo’’ti vadāmi. Phasse, bhikkhave, āhāre pariññāte tisso vedanā pariññātā honti. Tīsu vedanāsu pariññātāsu ariyasāvakassa natthi kiñci uttarikaraṇīyanti 12 vadāmi.
‘‘гат̇ан̃жа , бхигкавз, маносан̃жзд̇анаахааро д̣̇адтаб̣б̣о? сзяяат̇ааби , бхигкавз, ан̇г̇аарагаасу саад̇хигаборисаа бун̣н̣аа ан̇г̇аараанам̣ вийд̇ажжигаанам̣ вийд̇ад̇хуумаанам̣. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкаббадигууло. д̇амзнам̣ д̣̇вз б̣алаванд̇о бурисаа наанааб̣аахаасу г̇ахзд̇ваа д̇ам̣ ан̇г̇аарагаасум̣ убагад̣дхзяяум̣. ат̇а ко, бхигкавз, д̇асса бурисасса аарагаавасса жзд̇анаа аарагаа бад̇т̇анаа аарагаа бан̣ид̇хи. д̇ам̣ гисса хзд̇у? зван̃хи, бхигкавз, д̇асса бурисасса ход̇и – ‘имам̣ жаахам̣ ан̇г̇аарагаасум̣ бабад̇иссаами, д̇ад̇онид̣̇аанам̣ маран̣ам̣ ваа ниг̇ажчаами маран̣амад̇д̇ам̣ ваа д̣̇угка’нд̇и. звамзва кваахам̣, бхигкавз, ‘маносан̃жзд̇анаахааро д̣̇адтаб̣б̣о’д̇и вад̣̇аами. маносан̃жзд̇анааяа, бхигкавз, аахаарз барин̃н̃аад̇з д̇иссо д̇ан̣хаа барин̃н̃аад̇аа хонд̇и. д̇ийсу д̇ан̣хаасу барин̃н̃аад̇аасу арияасаавагасса над̇т̇и гин̃жи уд̇д̇аригаран̣ийяанд̇и вад̣̇аами.
‘‘Kathañca , bhikkhave, manosañcetanāhāro daṭṭhabbo? Seyyathāpi , bhikkhave, aṅgārakāsu sādhikaporisā puṇṇā aṅgārānaṃ vītaccikānaṃ vītadhūmānaṃ. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ dve balavanto purisā nānābāhāsu gahetvā taṃ aṅgārakāsuṃ upakaḍḍheyyuṃ. Atha kho, bhikkhave, tassa purisassa ārakāvassa cetanā ārakā patthanā ārakā paṇidhi. Taṃ kissa hetu? Evañhi, bhikkhave, tassa purisassa hoti – ‘imaṃ cāhaṃ aṅgārakāsuṃ papatissāmi, tatonidānaṃ maraṇaṃ vā nigacchāmi maraṇamattaṃ vā dukkha’nti. Evameva khvāhaṃ, bhikkhave, ‘manosañcetanāhāro daṭṭhabbo’ti vadāmi. Manosañcetanāya, bhikkhave, āhāre pariññāte tisso taṇhā pariññātā honti. Tīsu taṇhāsu pariññātāsu ariyasāvakassa natthi kiñci uttarikaraṇīyanti vadāmi.
‘‘гат̇ан̃жа, бхигкавз, вин̃н̃аан̣аахааро д̣̇адтаб̣б̣о? сзяяат̇ааби, бхигкавз, жорам̣ ааг̇ужаарим̣ г̇ахзд̇ваа ран̃н̃о д̣̇ассзяяум̣ – ‘аяам̣ д̇з, д̣̇зва, жоро ааг̇ужаарий, имасса яам̣ ижчаси д̇ам̣ д̣̇ан̣д̣ам̣ бан̣зхий’д̇и. д̇амзнам̣ рааж̇аа звам̣ вад̣̇зяяа – ‘г̇ажчат̇а, бхо, имам̣ бурисам̣ буб̣б̣ан̣хасамаяам̣ сад̇д̇исад̇зна ханат̇аа’д̇и. д̇амзнам̣ буб̣б̣ан̣хасамаяам̣ сад̇д̇исад̇зна ханзяяум̣. ат̇а рааж̇аа маж̇жханхигасамаяам̣ звам̣ вад̣̇зяяа – ‘амбхо, гат̇ам̣ со бурисо’д̇и? ‘д̇ат̇зва, д̣̇зва, ж̇ийвад̇ий’д̇и. д̇амзнам̣ рааж̇аа звам̣ вад̣̇зяяа – ‘г̇ажчат̇а, бхо, д̇ам̣ бурисам̣ маж̇жханхигасамаяам̣ сад̇д̇исад̇зна ханат̇аа’д̇и. д̇амзнам̣ маж̇жханхигасамаяам̣ сад̇д̇исад̇зна ханзяяум̣. ат̇а рааж̇аа сааяанхасамаяам̣ звам̣ вад̣̇зяяа – ‘амбхо, гат̇ам̣ со бурисо’д̇и? ‘д̇ат̇зва, д̣̇зва, ж̇ийвад̇ий’д̇и. д̇амзнам̣ рааж̇аа звам̣ вад̣̇зяяа – ‘г̇ажчат̇а, бхо, д̇ам̣ бурисам̣ сааяанхасамаяам̣ сад̇д̇исад̇зна ханат̇аа’д̇и. д̇амзнам̣ сааяанхасамаяам̣ сад̇д̇исад̇зна ханзяяум̣. д̇ам̣ гим̣ ман̃н̃ат̇а , бхигкавз, аби ну со бурисо д̣̇ивасам̣ д̇ийхи сад̇д̇исад̇зхи хан̃н̃амаано д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇иязт̇аа’’д̇и? ‘‘згиссааби, бханд̇з, сад̇д̇ияаа хан̃н̃амаано д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇иязт̇а; го бана ваад̣̇о д̇ийхи сад̇д̇исад̇зхи хан̃н̃амаано’’д̇и! ‘‘звамзва кваахам̣, бхигкавз, вин̃н̃аан̣аахааро д̣̇адтаб̣б̣од̇и вад̣̇аами. вин̃н̃аан̣з, бхигкавз, аахаарз барин̃н̃аад̇з наамаруубам̣ барин̃н̃аад̇ам̣ ход̇и, наамаруубз барин̃н̃аад̇з арияасаавагасса над̇т̇и гин̃жи уд̇д̇аригаран̣ийяанд̇и вад̣̇аамий’’д̇и. д̇ад̇ияам̣.
‘‘Kathañca, bhikkhave, viññāṇāhāro daṭṭhabbo? Seyyathāpi, bhikkhave, coraṃ āgucāriṃ gahetvā rañño dasseyyuṃ – ‘ayaṃ te, deva, coro āgucārī, imassa yaṃ icchasi taṃ daṇḍaṃ paṇehī’ti. Tamenaṃ rājā evaṃ vadeyya – ‘gacchatha, bho, imaṃ purisaṃ pubbaṇhasamayaṃ sattisatena hanathā’ti. Tamenaṃ pubbaṇhasamayaṃ sattisatena haneyyuṃ. Atha rājā majjhanhikasamayaṃ evaṃ vadeyya – ‘ambho, kathaṃ so puriso’ti? ‘Tatheva, deva, jīvatī’ti. Tamenaṃ rājā evaṃ vadeyya – ‘gacchatha, bho, taṃ purisaṃ majjhanhikasamayaṃ sattisatena hanathā’ti. Tamenaṃ majjhanhikasamayaṃ sattisatena haneyyuṃ. Atha rājā sāyanhasamayaṃ evaṃ vadeyya – ‘ambho, kathaṃ so puriso’ti? ‘Tatheva, deva, jīvatī’ti. Tamenaṃ rājā evaṃ vadeyya – ‘gacchatha, bho, taṃ purisaṃ sāyanhasamayaṃ sattisatena hanathā’ti. Tamenaṃ sāyanhasamayaṃ sattisatena haneyyuṃ. Taṃ kiṃ maññatha , bhikkhave, api nu so puriso divasaṃ tīhi sattisatehi haññamāno tatonidānaṃ dukkhaṃ domanassaṃ paṭisaṃvediyethā’’ti? ‘‘Ekissāpi, bhante, sattiyā haññamāno tatonidānaṃ dukkhaṃ domanassaṃ paṭisaṃvediyetha; ko pana vādo tīhi sattisatehi haññamāno’’ti! ‘‘Evameva khvāhaṃ, bhikkhave, viññāṇāhāro daṭṭhabboti vadāmi. Viññāṇe, bhikkhave, āhāre pariññāte nāmarūpaṃ pariññātaṃ hoti, nāmarūpe pariññāte ariyasāvakassa natthi kiñci uttarikaraṇīyanti vadāmī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. буд̇д̇амам̣суубамасуд̇д̇аван̣н̣анаа • 3. Puttamaṃsūpamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. буд̇д̇амам̣суубамасуд̇д̇аван̣н̣анаа • 3. Puttamaṃsūpamasuttavaṇṇanā
