| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. буд̇д̇амам̣суубамасуд̇д̇аван̣н̣анаа
3. Puttamaṃsūpamasuttavaṇṇanā
63. д̇ад̇ияз жад̇д̇ааромз, бхигкавз, аахаараад̇иаад̣̇и вуд̇д̇анаяамзва. яасмаа банасса адтуббад̇д̇иго нигкзбо, д̇асмаа д̇ам̣ д̣̇ассзд̇ваавзд̇т̇а анубуб̣б̣абад̣̇аван̣н̣анам̣ гариссаами. гад̇арааяа бана ид̣̇ам̣ адтуббад̇д̇ияаа нигкид̇д̇анд̇и? лаабхасаггаарзна. бхаг̇авад̇о гира махаалаабхасаггааро уббаж̇ж̇и, яат̇аа д̇ам̣ жад̇д̇ааро асан̇кязяяз буурид̇ад̣̇аанабаарамийсан̃жаяасса. саб̣б̣ад̣̇исаасу хисса яамагамахаамзгхо вудтахид̇ваа махогхам̣ вияа саб̣б̣абаарамияо ‘‘згасмим̣ ад̇д̇абхаавз вибаагам̣ д̣̇ассаамаа’’д̇и самбин̣д̣ид̇аа вияа лаабхасаггаарамахогхам̣ ниб̣б̣ад̇д̇аяим̣су. д̇ад̇о д̇ад̇о аннабаанаяаанавад̇т̇амаалааг̇анд̇хавилзбанаад̣̇ихад̇т̇аа кад̇д̇ияаб̣раахман̣аад̣̇аяо ааг̇анд̇ваа, ‘‘гахам̣ б̣уд̣̇д̇хо, гахам̣ бхаг̇аваа, гахам̣ д̣̇звад̣̇зво нараасабхо бурисасийхо’’д̇и? бхаг̇аванд̇ам̣ бариязсанд̇и. сагадасад̇зхиби бажжаяз аахарид̇ваа огаасам̣ алабхамаанаа саманд̇аа г̇аавуд̇аббамаан̣амби сагадад̇хурзна сагадад̇хурам̣ аахажжа д̇идтанд̇и жзва ануббавад̇д̇анд̇и жа анд̇хагавинд̣̇аб̣раахман̣аад̣̇аяо вияа. саб̣б̣ам̣ канд̇хагз д̇зсу д̇зсу суд̇д̇зсу жа ааг̇ад̇анаязна взд̣̇ид̇аб̣б̣ам̣.
63. Tatiye cattārome, bhikkhave, āhārātiādi vuttanayameva. Yasmā panassa aṭṭhuppattiko nikkhepo, tasmā taṃ dassetvāvettha anupubbapadavaṇṇanaṃ karissāmi. Katarāya pana idaṃ aṭṭhuppattiyā nikkhittanti? Lābhasakkārena. Bhagavato kira mahālābhasakkāro uppajji, yathā taṃ cattāro asaṅkhyeyye pūritadānapāramīsañcayassa. Sabbadisāsu hissa yamakamahāmegho vuṭṭhahitvā mahoghaṃ viya sabbapāramiyo ‘‘ekasmiṃ attabhāve vipākaṃ dassāmā’’ti sampiṇḍitā viya lābhasakkāramahoghaṃ nibbattayiṃsu. Tato tato annapānayānavatthamālāgandhavilepanādihatthā khattiyabrāhmaṇādayo āgantvā, ‘‘kahaṃ buddho, kahaṃ bhagavā, kahaṃ devadevo narāsabho purisasīho’’ti? Bhagavantaṃ pariyesanti. Sakaṭasatehipi paccaye āharitvā okāsaṃ alabhamānā samantā gāvutappamāṇampi sakaṭadhurena sakaṭadhuraṃ āhacca tiṭṭhanti ceva anuppavattanti ca andhakavindabrāhmaṇādayo viya. Sabbaṃ khandhake tesu tesu suttesu ca āgatanayena veditabbaṃ.
яат̇аа бхаг̇авад̇о, звам̣ бхигкусан̇гхассааби. вуд̇д̇ан̃жзд̇ам̣ –
Yathā bhagavato, evaṃ bhikkhusaṅghassāpi. Vuttañcetaṃ –
‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийвара-бин̣д̣абаад̇а-сзнаасана-г̇илаана-бажжаяа-бхзсаж̇ж̇а-баригкаараанам̣. бхигкусан̇гхоби ко саггад̇о ход̇и…бз… баригкаараана’’нд̇и (уд̣̇аа. 14; сам̣. ни. 2.70).
‘‘Tena kho pana samayena bhagavā sakkato hoti garukato mānito pūjito apacito lābhī cīvara-piṇḍapāta-senāsana-gilāna-paccaya-bhesajja-parikkhārānaṃ. Bhikkhusaṅghopi kho sakkato hoti…pe… parikkhārāna’’nti (udā. 14; saṃ. ni. 2.70).
д̇ат̇аа ‘‘яаавад̇аа ко, жунд̣̇а, зд̇арахи сан̇гхо ваа г̇ан̣о ваа логз уббанно, наахам̣, жунд̣̇а, ан̃н̃ам̣ згасан̇гхамби саманубассаами звам̣ лаабхаг̇г̇аяасаг̇г̇абад̇д̇ам̣ яат̇аривааяам̣, жунд̣̇а, бхигкусан̇гхо’’д̇и (д̣̇ий. ни. 3.176).
Tathā ‘‘yāvatā kho, cunda, etarahi saṅgho vā gaṇo vā loke uppanno, nāhaṃ, cunda, aññaṃ ekasaṅghampi samanupassāmi evaṃ lābhaggayasaggapattaṃ yatharivāyaṃ, cunda, bhikkhusaṅgho’’ti (dī. ni. 3.176).
свааяам̣ бхаг̇авад̇о жа сан̇гхасса жа уббанно лаабхасаггааро згад̇о худ̇ваа д̣̇виннам̣ махаанад̣̇ийнам̣ уд̣̇агам̣ вияа аббамзяяо ахоси. ат̇а сад̇т̇аа рахог̇ад̇о жинд̇зси – ‘‘махаалаабхасаггааро ад̇ийд̇аб̣уд̣̇д̇хаанамби зваруубо ахоси, анааг̇ад̇аанамби зваруубо бхависсад̇и . гим̣ ну ко бхигкуу аахаарабариг̇г̇аахагзна сад̇исамбаж̇ан̃н̃зна саманнааг̇ад̇аа маж̇жхад̇д̇аа нижчанд̣̇арааг̇аа худ̇ваа аахаарам̣ барибхун̃ж̇ид̇ум̣ саггонд̇и, на саггонд̇ий’’д̇и?
Svāyaṃ bhagavato ca saṅghassa ca uppanno lābhasakkāro ekato hutvā dvinnaṃ mahānadīnaṃ udakaṃ viya appameyyo ahosi. Atha satthā rahogato cintesi – ‘‘mahālābhasakkāro atītabuddhānampi evarūpo ahosi, anāgatānampi evarūpo bhavissati . Kiṃ nu kho bhikkhū āhārapariggāhakena satisampajaññena samannāgatā majjhattā nicchandarāgā hutvā āhāraṃ paribhuñjituṃ sakkonti, na sakkontī’’ti?
со ад̣̇д̣̇аса згажжз ад̇хунаа баб̣б̣аж̇ид̇з гулабуд̇д̇з абажжавзгкид̇ваа аахаарам̣ барибхун̃ж̇амаанз. д̣̇исваанасса зд̇ад̣̇ахоси – ‘‘маяаа габбасад̇асахассаад̇хигаани жад̇д̇аари асан̇кязяяаани баарамияо буурзнд̇зна на жийвараад̣̇ихзд̇у буурид̇аа, уд̇д̇амапаласса бана арахад̇д̇ассад̇т̇ааяа буурид̇аа. имзби бхигкуу мама санд̇игз баб̣б̣аж̇анд̇аа на жийвараад̣̇ихзд̇у баб̣б̣аж̇ид̇аа, арахад̇д̇ассзва бана ад̇т̇ааяа баб̣б̣аж̇ид̇аа. д̇з ид̣̇аани асаарамзва саарам̣ анад̇т̇амзва жа ад̇т̇ам̣ гаронд̇ий’’д̇и звамасса д̇хаммасам̣взг̇о уд̣̇абаад̣̇и. д̇ад̇о жинд̇зси – ‘‘сажз бан̃жамам̣ баарааж̇игам̣ бан̃н̃абзд̇ум̣ саггаа абхависса, абажжавзгкид̇аахаарабарибхог̇о бан̃жамам̣ баарааж̇игам̣ гад̇ваа бан̃н̃абзд̇аб̣б̣о бхавзяяа. на бана саггаа звам̣ гаад̇ум̣, д̇хувабадисзванадтаанан̃хзд̇ам̣ сад̇д̇аанам̣. яат̇аа бана гат̇ид̇з бан̃жамам̣ баарааж̇игам̣ вияа нам̣ бассиссанд̇и. звам̣ д̇хаммаад̣̇аасам̣ сам̣варам̣ марияаад̣̇ам̣ табзссаами, яам̣ ааваж̇ж̇ид̇ваа ааваж̇ж̇ид̇ваа анааг̇ад̇з бхигкуу жад̇д̇ааро бажжаяз бажжавзгкид̇ваа барибхун̃ж̇иссанд̇ий’’д̇и. имааяа адтуббад̇д̇ияаа имам̣ буд̇д̇амам̣суубамасуд̇д̇анд̇ам̣ нигкиби. д̇ад̇т̇а жад̇д̇ааромз, бхигкавз, аахаараад̇иаад̣̇и хздтаа вуд̇д̇ад̇т̇амзва.
So addasa ekacce adhunā pabbajite kulaputte apaccavekkhitvā āhāraṃ paribhuñjamāne. Disvānassa etadahosi – ‘‘mayā kappasatasahassādhikāni cattāri asaṅkhyeyyāni pāramiyo pūrentena na cīvarādihetu pūritā, uttamaphalassa pana arahattassatthāya pūritā. Imepi bhikkhū mama santike pabbajantā na cīvarādihetu pabbajitā, arahattasseva pana atthāya pabbajitā. Te idāni asārameva sāraṃ anatthameva ca atthaṃ karontī’’ti evamassa dhammasaṃvego udapādi. Tato cintesi – ‘‘sace pañcamaṃ pārājikaṃ paññapetuṃ sakkā abhavissa, apaccavekkhitāhāraparibhogo pañcamaṃ pārājikaṃ katvā paññapetabbo bhaveyya. Na pana sakkā evaṃ kātuṃ, dhuvapaṭisevanaṭṭhānañhetaṃ sattānaṃ. Yathā pana kathite pañcamaṃ pārājikaṃ viya naṃ passissanti. Evaṃ dhammādāsaṃ saṃvaraṃ mariyādaṃ ṭhapessāmi, yaṃ āvajjitvā āvajjitvā anāgate bhikkhū cattāro paccaye paccavekkhitvā paribhuñjissantī’’ti. Imāya aṭṭhuppattiyā imaṃ puttamaṃsūpamasuttantaṃ nikkhipi. Tattha cattārome, bhikkhave, āhārātiādi heṭṭhā vuttatthameva.
жад̇д̇ааро бана аахаарз вид̇т̇аарзд̇ваа ид̣̇аани д̇зсу аад̣̇ийнавам̣ д̣̇ассзд̇ум̣ гат̇ан̃жа, бхигкавз, габ̣ал̣ийгааро аахааро д̣̇адтаб̣б̣од̇иаад̣̇имааха? д̇ад̇т̇а ж̇ааяамбад̇игаад̇и ж̇ааяаа жзва бад̇и жа. барид̇д̇ам̣ самб̣аланд̇и будабхад̇д̇асад̇д̇умод̣̇агаад̣̇ийнам̣ ан̃н̃ад̇арам̣ аббамад̇д̇агам̣ баат̇зяяам̣. ганд̇аарамаг̇г̇анд̇и ганд̇аарабхууд̇ам̣ маг̇г̇ам̣, ганд̇аарз ваа маг̇г̇ам̣. ганд̇ааранд̇и жораганд̇аарам̣ ваал̣аганд̇аарам̣ амануссаганд̇аарам̣ нируд̣̇агаганд̇аарам̣ аббабхагкаганд̇ааранд̇и бан̃жавид̇хам̣. д̇зсу яад̇т̇а жорабхаяам̣ ад̇т̇и , д̇ам̣ жораганд̇аарам̣. яад̇т̇а сийхаб̣яаг̇гхаад̣̇аяо ваал̣аа ад̇т̇и, д̇ам̣ ваал̣аганд̇аарам̣. яад̇т̇а б̣алаваамукаяагкиниаад̣̇ийнам̣ амануссаанам̣ васзна бхаяам̣ ад̇т̇и, д̇ам̣ амануссаганд̇аарам̣. яад̇т̇а баад̇ум̣ ваа нхааяид̇ум̣ ваа уд̣̇агам̣ над̇т̇и, д̇ам̣ нируд̣̇агаганд̇аарам̣. яад̇т̇а каад̣̇ид̇аб̣б̣ам̣ ваа бхун̃ж̇ид̇аб̣б̣ам̣ ваа анд̇амасо ганд̣̇амуулаад̣̇имад̇д̇амби над̇т̇и, д̇ам̣ аббабхагкаганд̇аарам̣ наама. яад̇т̇а банзд̇ам̣ бан̃жавид̇хамби бхаяам̣ ад̇т̇и, д̇ам̣ ганд̇аарамзва. д̇ам̣ банзд̇ам̣ згаахад̣̇вийхад̇ийхаад̣̇ивасзна нид̇т̇арид̇аб̣б̣амби ад̇т̇и, на д̇ам̣ ид̇ха ад̇хиббзд̇ам̣. ид̇ха бана нируд̣̇агам̣ аббабхагкам̣ яож̇анасад̇игаганд̇аарам̣ ад̇хиббзд̇ам̣. зваруубз ганд̇аарз маг̇г̇ам̣. бадибаж̇ж̇зяяунд̇и чаад̇агабхаязна жзва рог̇абхаязна жа рааж̇абхаязна жа убад̣̇д̣̇уд̇аа бадибаж̇ж̇зяяум̣ ‘‘зд̇ам̣ ганд̇аарам̣ нид̇т̇арид̇ваа д̇хаммигасса ран̃н̃о нирубад̣̇д̣̇авз радтз сукам̣ васиссаамаа’’д̇и ман̃н̃амаанаа.
Cattāro pana āhāre vitthāretvā idāni tesu ādīnavaṃ dassetuṃ kathañca, bhikkhave, kabaḷīkāro āhāro daṭṭhabbotiādimāha? Tattha jāyampatikāti jāyā ceva pati ca. Parittaṃ sambalanti puṭabhattasattumodakādīnaṃ aññataraṃ appamattakaṃ pātheyyaṃ. Kantāramagganti kantārabhūtaṃ maggaṃ, kantāre vā maggaṃ. Kantāranti corakantāraṃ vāḷakantāraṃ amanussakantāraṃ nirudakakantāraṃ appabhakkhakantāranti pañcavidhaṃ. Tesu yattha corabhayaṃ atthi , taṃ corakantāraṃ. Yattha sīhabyagghādayo vāḷā atthi, taṃ vāḷakantāraṃ. Yattha balavāmukhayakkhiniādīnaṃ amanussānaṃ vasena bhayaṃ atthi, taṃ amanussakantāraṃ. Yattha pātuṃ vā nhāyituṃ vā udakaṃ natthi, taṃ nirudakakantāraṃ. Yattha khāditabbaṃ vā bhuñjitabbaṃ vā antamaso kandamūlādimattampi natthi, taṃ appabhakkhakantāraṃ nāma. Yattha panetaṃ pañcavidhampi bhayaṃ atthi, taṃ kantārameva. Taṃ panetaṃ ekāhadvīhatīhādivasena nittharitabbampi atthi, na taṃ idha adhippetaṃ. Idha pana nirudakaṃ appabhakkhaṃ yojanasatikakantāraṃ adhippetaṃ. Evarūpe kantāre maggaṃ. Paṭipajjeyyunti chātakabhayena ceva rogabhayena ca rājabhayena ca upaddutā paṭipajjeyyuṃ ‘‘etaṃ kantāraṃ nittharitvā dhammikassa rañño nirupaddave raṭṭhe sukhaṃ vasissāmā’’ti maññamānā.
згабуд̇д̇агод̇и угкибид̇ваа г̇ахид̇о анугамбид̇аб̣б̣аяуд̇д̇о ат̇ирасарийро згабуд̇д̇аго. валлууран̃жа сон̣д̣иган̃жаад̇и гханагханадтаанад̇о г̇ахзд̇ваа валлуурам̣, адтиниссид̇асирааниссид̇адтаанаани г̇ахзд̇ваа сууламам̣сан̃жаад̇и ад̇т̇о. бадибисзяяунд̇и бахарзяяум̣. гахам̣ згабуд̇д̇агаад̇и аяам̣ д̇зсам̣ барид̣̇званаагааро.
Ekaputtakoti ukkhipitvā gahito anukampitabbayutto athirasarīro ekaputtako. Vallūrañca soṇḍikañcāti ghanaghanaṭṭhānato gahetvā vallūraṃ, aṭṭhinissitasirānissitaṭṭhānāni gahetvā sūlamaṃsañcāti attho. Paṭipiseyyunti pahareyyuṃ. Kahaṃ ekaputtakāti ayaṃ tesaṃ paridevanākāro.
аяам̣ банзд̇т̇а бхууд̇амад̇т̇ам̣ гад̇ваа аад̣̇ид̇о бадтааяа сан̇кзбад̇о ад̇т̇аван̣н̣анаа – д̣̇вз гира ж̇ааяамбад̇игаа буд̇д̇ам̣ г̇ахзд̇ваа барид̇д̇зна баат̇зяязна яож̇анасад̇игам̣ ганд̇аарамаг̇г̇ам̣ бадибаж̇ж̇им̣су. д̇зсам̣ бан̃н̃аасаяож̇анаани г̇анд̇ваа баат̇зяяам̣ нидтааси, д̇з куббибаасаад̇ураа вирал̣ажчааяааяам̣ нисийд̣̇им̣су. д̇ад̇о бурисо бхарияам̣ ааха – ‘‘бхад̣̇д̣̇з ид̇о саманд̇аа бан̃н̃аасаяож̇анаани г̇аамо ваа ниг̇амо ваа над̇т̇и. д̇асмаа яам̣ д̇ам̣ бурисзна гаад̇аб̣б̣ам̣ б̣ахумби гасиг̇орагкаад̣̇игаммам̣, на д̣̇аани саггаа д̇ам̣ маяаа гаад̇ум̣, зхи мам̣ маарзд̇ваа убад̣дхамам̣сам̣ каад̣̇ид̇ваа убад̣дхам̣ баат̇зяяам̣ гад̇ваа буд̇д̇зна сад̣̇д̇хим̣ ганд̇аарам̣ нид̇т̇араахий’’д̇и. буна сааби д̇ам̣ ааха – ‘‘саами маяаа д̣̇аани яам̣ д̇ам̣ ид̇т̇ияаа гаад̇аб̣б̣ам̣ б̣ахумби суд̇д̇аганд̇анаад̣̇игаммам̣, д̇ам̣ гаад̇ум̣ на саггаа, зхи мам̣ маарзд̇ваа убад̣дхамам̣сам̣ каад̣̇ид̇ваа убад̣дхам̣ баат̇зяяам̣ гад̇ваа буд̇д̇зна сад̣̇д̇хим̣ ганд̇аарам̣ нид̇т̇араахий’’д̇и. буна соби д̇ам̣ ааха – ‘‘бхад̣̇д̣̇з маад̇уг̇аамамаран̣зна д̣̇виннам̣ маран̣ам̣ бан̃н̃ааяад̇и . на хи манд̣̇о гумааро маад̇араа винаа ж̇ийвид̇ум̣ саггод̇и. яад̣̇и бана маяам̣ ж̇ийваама. буна д̣̇аарагам̣ лабхзяяаама. ханд̣̇а д̣̇аани буд̇д̇агам̣ маарзд̇ваа, мам̣сам̣ г̇ахзд̇ваа ганд̇аарам̣ нид̇т̇араамаа’’д̇и. д̇ад̇о маад̇аа буд̇д̇амааха – ‘‘д̇аад̇а, бид̇усанд̇игам̣ г̇ажчаа’’д̇и, со аг̇амааси. ат̇асса бид̇аа, ‘‘маяаа ‘буд̇д̇агам̣ босзссаамий’д̇и гасиг̇орагкаад̣̇ийхи анаббагам̣ д̣̇угкаманубхууд̇ам̣, на саггоми ахам̣ буд̇д̇ам̣ маарзд̇ум̣, д̇вам̣язва д̇ава буд̇д̇ам̣ маарзхий’’д̇и вад̇ваа, ‘‘д̇аад̇а маад̇усанд̇игам̣ г̇ажчаа’’д̇и ааха. со аг̇амааси. ат̇асса маад̇ааби, ‘‘маяаа буд̇д̇ам̣ бад̇т̇знд̇ияаа г̇овад̇агуггуравад̇ад̣̇звад̇ааяаажанаад̣̇ийхиби д̇аава анаббагам̣ д̣̇угкаманубхууд̇ам̣, го бана ваад̣̇о гужчинаа барихаранд̇ияаа? на саггоми ахам̣ буд̇д̇ам̣ маарзд̇у’’нд̇и вад̇ваа ‘‘д̇аад̇а, бид̇усанд̇игамзва г̇ажчаа’’д̇и ааха. звам̣ со д̣̇виннаманд̇араа г̇ажчанд̇оязва мад̇о. д̇з д̇ам̣ д̣̇исваа барид̣̇звид̇ваа вуд̇д̇анаязна мам̣саани г̇ахзд̇ваа каад̣̇анд̇аа баггамим̣су.
Ayaṃ panettha bhūtamatthaṃ katvā ādito paṭṭhāya saṅkhepato atthavaṇṇanā – dve kira jāyampatikā puttaṃ gahetvā parittena pātheyyena yojanasatikaṃ kantāramaggaṃ paṭipajjiṃsu. Tesaṃ paññāsayojanāni gantvā pātheyyaṃ niṭṭhāsi, te khuppipāsāturā viraḷacchāyāyaṃ nisīdiṃsu. Tato puriso bhariyaṃ āha – ‘‘bhadde ito samantā paññāsayojanāni gāmo vā nigamo vā natthi. Tasmā yaṃ taṃ purisena kātabbaṃ bahumpi kasigorakkhādikammaṃ, na dāni sakkā taṃ mayā kātuṃ, ehi maṃ māretvā upaḍḍhamaṃsaṃ khāditvā upaḍḍhaṃ pātheyyaṃ katvā puttena saddhiṃ kantāraṃ nittharāhī’’ti. Puna sāpi taṃ āha – ‘‘sāmi mayā dāni yaṃ taṃ itthiyā kātabbaṃ bahumpi suttakantanādikammaṃ, taṃ kātuṃ na sakkā, ehi maṃ māretvā upaḍḍhamaṃsaṃ khāditvā upaḍḍhaṃ pātheyyaṃ katvā puttena saddhiṃ kantāraṃ nittharāhī’’ti. Puna sopi taṃ āha – ‘‘bhadde mātugāmamaraṇena dvinnaṃ maraṇaṃ paññāyati . Na hi mando kumāro mātarā vinā jīvituṃ sakkoti. Yadi pana mayaṃ jīvāma. Puna dārakaṃ labheyyāma. Handa dāni puttakaṃ māretvā, maṃsaṃ gahetvā kantāraṃ nittharāmā’’ti. Tato mātā puttamāha – ‘‘tāta, pitusantikaṃ gacchā’’ti, so agamāsi. Athassa pitā, ‘‘mayā ‘puttakaṃ posessāmī’ti kasigorakkhādīhi anappakaṃ dukkhamanubhūtaṃ, na sakkomi ahaṃ puttaṃ māretuṃ, tvaṃyeva tava puttaṃ mārehī’’ti vatvā, ‘‘tāta mātusantikaṃ gacchā’’ti āha. So agamāsi. Athassa mātāpi, ‘‘mayā puttaṃ patthentiyā govatakukkuravatadevatāyācanādīhipi tāva anappakaṃ dukkhamanubhūtaṃ, ko pana vādo kucchinā pariharantiyā? Na sakkomi ahaṃ puttaṃ māretu’’nti vatvā ‘‘tāta, pitusantikameva gacchā’’ti āha. Evaṃ so dvinnamantarā gacchantoyeva mato. Te taṃ disvā paridevitvā vuttanayena maṃsāni gahetvā khādantā pakkamiṃsu.
д̇зсам̣ со буд̇д̇амам̣саахааро навахи гааран̣зхи бадигуулад̇д̇аа нзва д̣̇авааяа ход̇и, на мад̣̇ааяа, на ман̣д̣анааяа, на вибхуусанааяа, гзвалам̣ ганд̇ааранид̇т̇аран̣ад̇т̇ааязва ход̇и. гад̇амзхи навахи гааран̣зхи бадигуулод̇и жз? саж̇аад̇имам̣сад̇ааяа н̃аад̇имам̣сад̇ааяа буд̇д̇амам̣сад̇ааяа бияабуд̇д̇амам̣сад̇ааяа д̇арун̣амам̣сад̇ааяа аамагамам̣сад̇ааяа абхог̇амам̣сад̇ааяа алон̣ад̇ааяа ад̇хуубид̇ад̇ааяаад̇и. зван̃хи д̇з навахи гааран̣зхи бадигуулам̣ д̇ам̣ буд̇д̇амам̣сам̣ каад̣̇анд̇аа на саарад̇д̇аа г̇ид̣̇д̇хамаанасаа худ̇ваа каад̣̇им̣су, маж̇жхад̇д̇абхаавзязва бана нижчанд̣̇арааг̇абарибхог̇з тид̇аа каад̣̇им̣су. на адтинхааружамманиссид̇адтаанаани абанзд̇ваа т̇уулат̇уулам̣ варамам̣самзва каад̣̇им̣су, хад̇т̇асамбад̇д̇ам̣ мам̣самзва бана каад̣̇им̣су. на яаавад̣̇ад̇т̇ам̣ ган̣таббамаан̣ам̣ гад̇ваа каад̣̇им̣су, т̇огам̣ т̇огам̣ бана згад̣̇ивасам̣ яаабанамад̇д̇амзва каад̣̇им̣су. на ан̃н̃аман̃н̃ам̣ мажчарааяанд̇аа каад̣̇им̣су, виг̇ад̇амажчзрамалзна бана барисуд̣̇д̇хзнзва жзд̇асаа каад̣̇им̣су. на ан̃н̃ам̣ гин̃жи миг̇амам̣сам̣ ваа морамам̣саад̣̇ийнам̣ ваа ан̃н̃ад̇арам̣ каад̣̇аамаад̇и саммуул̣хаа каад̣̇им̣су, бияабуд̇д̇амам̣сабхаавам̣ бана ж̇аананд̇аава каад̣̇им̣су. на ‘‘ахо вад̇а маяам̣ бунаби зваруубам̣ буд̇д̇амам̣сам̣ каад̣̇зяяаамаа’’д̇и бад̇т̇анам̣ гад̇ваа каад̣̇им̣су, бад̇т̇анам̣ бана вийд̇ивад̇д̇аава худ̇ваа каад̣̇им̣су. на ‘‘зд̇д̇агам̣ ганд̇аарз каад̣̇ид̇ваа авасидтам̣ ганд̇аарам̣ ад̇иггамма лон̣амб̣илаад̣̇ийхи яож̇зд̇ваа каад̣̇иссаамаа’’д̇и саннид̇хим̣ агам̣су, ганд̇аарабарияосаанз бана ‘‘бурз махааж̇ано бассад̇ий’’д̇и бхуумияам̣ ваа никан̣им̣су, аг̇г̇инаа ваа жхаабаяим̣су. на ‘‘гожи ан̃н̃о амхз вияа зваруубам̣ буд̇д̇амам̣сам̣ каад̣̇ид̇ум̣ на лабхад̇ий’’д̇и маанам̣ ваа д̣̇аббам̣ ваа агам̣су, нихад̇амаанаа бана нихад̇ад̣̇аббаа худ̇ваа каад̣̇им̣су. ‘‘гим̣ иминаа алон̣зна анамб̣илзна ад̇хуубид̇зна д̣̇уг̇г̇анд̇хзнаа’’д̇и на хийл̣зд̇ваа каад̣̇им̣су, хийл̣анам̣ бана вийд̇ивад̇д̇аа худ̇ваа каад̣̇им̣су . на ‘‘д̇уяхам̣ бхааг̇о маяхам̣ бхааг̇о д̇ава буд̇д̇о мама буд̇д̇о’’д̇и ан̃н̃аман̃н̃ам̣ ад̇иман̃н̃им̣су. самаг̇г̇аа бана саммод̣̇амаанаа худ̇ваа каад̣̇им̣су. имам̣ нзсам̣ зваруубам̣ нижчанд̣̇арааг̇аад̣̇ибарибхог̇ам̣ самбассамаано сад̇т̇аа бхигкусан̇гхамби д̇ам̣ гааран̣ам̣ ануж̇аанаабзнд̇о д̇ам̣ гим̣ ман̃н̃ат̇а, бхигкавз, аби ну д̇з д̣̇авааяа ваа аахаарам̣ аахаарзяяунд̇иаад̣̇имааха. д̇ад̇т̇а д̣̇авааяа ваад̇иаад̣̇ийни висуд̣̇д̇химаг̇г̇з (висуд̣̇д̇хи. 1.18) вид̇т̇аарид̇аанзва. ганд̇аарассаад̇и нид̇д̇ин̣н̣аавасзсасса ганд̇аарасса.
Tesaṃ so puttamaṃsāhāro navahi kāraṇehi paṭikūlattā neva davāya hoti, na madāya, na maṇḍanāya, na vibhūsanāya, kevalaṃ kantāranittharaṇatthāyeva hoti. Katamehi navahi kāraṇehi paṭikūloti ce? Sajātimaṃsatāya ñātimaṃsatāya puttamaṃsatāya piyaputtamaṃsatāya taruṇamaṃsatāya āmakamaṃsatāya abhogamaṃsatāya aloṇatāya adhūpitatāyāti. Evañhi te navahi kāraṇehi paṭikūlaṃ taṃ puttamaṃsaṃ khādantā na sārattā giddhamānasā hutvā khādiṃsu, majjhattabhāveyeva pana nicchandarāgaparibhoge ṭhitā khādiṃsu. Na aṭṭhinhārucammanissitaṭṭhānāni apanetvā thūlathūlaṃ varamaṃsameva khādiṃsu, hatthasampattaṃ maṃsameva pana khādiṃsu. Na yāvadatthaṃ kaṇṭhappamāṇaṃ katvā khādiṃsu, thokaṃ thokaṃ pana ekadivasaṃ yāpanamattameva khādiṃsu. Na aññamaññaṃ maccharāyantā khādiṃsu, vigatamaccheramalena pana parisuddheneva cetasā khādiṃsu. Na aññaṃ kiñci migamaṃsaṃ vā moramaṃsādīnaṃ vā aññataraṃ khādāmāti sammūḷhā khādiṃsu, piyaputtamaṃsabhāvaṃ pana jānantāva khādiṃsu. Na ‘‘aho vata mayaṃ punapi evarūpaṃ puttamaṃsaṃ khādeyyāmā’’ti patthanaṃ katvā khādiṃsu, patthanaṃ pana vītivattāva hutvā khādiṃsu. Na ‘‘ettakaṃ kantāre khāditvā avasiṭṭhaṃ kantāraṃ atikkamma loṇambilādīhi yojetvā khādissāmā’’ti sannidhiṃ akaṃsu, kantārapariyosāne pana ‘‘pure mahājano passatī’’ti bhūmiyaṃ vā nikhaṇiṃsu, agginā vā jhāpayiṃsu. Na ‘‘koci añño amhe viya evarūpaṃ puttamaṃsaṃ khādituṃ na labhatī’’ti mānaṃ vā dappaṃ vā akaṃsu, nihatamānā pana nihatadappā hutvā khādiṃsu. ‘‘Kiṃ iminā aloṇena anambilena adhūpitena duggandhenā’’ti na hīḷetvā khādiṃsu, hīḷanaṃ pana vītivattā hutvā khādiṃsu . Na ‘‘tuyhaṃ bhāgo mayhaṃ bhāgo tava putto mama putto’’ti aññamaññaṃ atimaññiṃsu. Samaggā pana sammodamānā hutvā khādiṃsu. Imaṃ nesaṃ evarūpaṃ nicchandarāgādiparibhogaṃ sampassamāno satthā bhikkhusaṅghampi taṃ kāraṇaṃ anujānāpento taṃ kiṃ maññatha, bhikkhave, api nu te davāya vā āhāraṃ āhāreyyuntiādimāha. Tattha davāya vātiādīni visuddhimagge (visuddhi. 1.18) vitthāritāneva. Kantārassāti nittiṇṇāvasesassa kantārassa.
звамзва код̇и наваннам̣ баадигуляаанам̣ васзна бияабуд̇д̇амам̣сасад̣̇исо гад̇ваа д̣̇адтаб̣б̣од̇и ад̇т̇о. гад̇амзсам̣ наваннам̣? г̇аманабаадигуляад̇аад̣̇ийнам̣. г̇аманабаадигуляад̇ам̣ бажжавзгканд̇оби габ̣ал̣ийгаараахаарам̣ бариг̇г̇ан̣хаад̇и, бариязсанабаадигуляад̇ам̣ бажжавзгканд̇оби, барибхог̇анид̇хаанааасаяабарибаггаабарибаггасаммагкан̣аниссанд̣̇абаадигуляад̇ам̣ бажжавзгканд̇оби, д̇аани банзд̇аани г̇аманабаадигуляад̇аад̣̇ийни висуд̣̇д̇химаг̇г̇з (висуд̣̇д̇хи. 1.294) аахаарабаадигуляад̇аанид̣̇д̣̇зсз вид̇т̇аарид̇аанзва. ид̇и имзсам̣ наваннам̣ баадигуляаанам̣ васзна буд̇д̇амам̣суубамам̣ гад̇ваа аахааро барибхун̃ж̇ид̇аб̣б̣о.
Evameva khoti navannaṃ pāṭikulyānaṃ vasena piyaputtamaṃsasadiso katvā daṭṭhabboti attho. Katamesaṃ navannaṃ? Gamanapāṭikulyatādīnaṃ. Gamanapāṭikulyataṃ paccavekkhantopi kabaḷīkārāhāraṃ pariggaṇhāti, pariyesanapāṭikulyataṃ paccavekkhantopi, paribhoganidhānaāsayaparipakkāparipakkasammakkhaṇanissandapāṭikulyataṃ paccavekkhantopi, tāni panetāni gamanapāṭikulyatādīni visuddhimagge (visuddhi. 1.294) āhārapāṭikulyatāniddese vitthāritāneva. Iti imesaṃ navannaṃ pāṭikulyānaṃ vasena puttamaṃsūpamaṃ katvā āhāro paribhuñjitabbo.
яат̇аа д̇з ж̇ааяамбад̇игаа баадигуляам̣ бияабуд̇д̇амам̣сам̣ каад̣̇анд̇аа на саарад̇д̇аа г̇ид̣̇д̇хамаанасаа худ̇ваа каад̣̇им̣су, маж̇жхад̇д̇абхаавзязва нижчанд̣̇арааг̇абарибхог̇з тид̇аа каад̣̇им̣су, звам̣ нижчанд̣̇арааг̇абарибхог̇ам̣ гад̇ваа барибхун̃ж̇ид̇аб̣б̣о. яат̇аа жа д̇з на адтинхааружамманиссид̇ам̣ абанзд̇ваа т̇уулат̇уулам̣ варамам̣самзва каад̣̇им̣су, хад̇т̇асамбад̇д̇амзва бана каад̣̇им̣су, звам̣ сугкабхад̇д̇аманд̣̇аб̣яан̃ж̇анаад̣̇ийни бидтихад̇т̇зна абадигкибид̇ваа ваддагзна вияа гуггудзна вияа жа од̇хим̣ ад̣̇ассзд̇ваа д̇ад̇о д̇ад̇о саббимам̣саад̣̇исам̣садтаварабхож̇анам̣язва вижинид̇ваа абхун̃ж̇анд̇зна сийхзна вияа сабад̣̇аанам̣ барибхун̃ж̇ид̇аб̣б̣о.
Yathā te jāyampatikā pāṭikulyaṃ piyaputtamaṃsaṃ khādantā na sārattā giddhamānasā hutvā khādiṃsu, majjhattabhāveyeva nicchandarāgaparibhoge ṭhitā khādiṃsu, evaṃ nicchandarāgaparibhogaṃ katvā paribhuñjitabbo. Yathā ca te na aṭṭhinhārucammanissitaṃ apanetvā thūlathūlaṃ varamaṃsameva khādiṃsu, hatthasampattameva pana khādiṃsu, evaṃ sukkhabhattamandabyañjanādīni piṭṭhihatthena apaṭikkhipitvā vaṭṭakena viya kukkuṭena viya ca odhiṃ adassetvā tato tato sappimaṃsādisaṃsaṭṭhavarabhojanaṃyeva vicinitvā abhuñjantena sīhena viya sapadānaṃ paribhuñjitabbo.
яат̇аа жа д̇з на яаавад̣̇ад̇т̇ам̣ ган̣таббамаан̣ам̣ каад̣̇им̣су, т̇огам̣ т̇огам̣ бана згзгад̣̇ивасам̣ яаабанамад̇д̇амзва каад̣̇им̣су, звамзва аахарахад̇т̇агаад̣̇иб̣раахман̣аанам̣ ан̃н̃ад̇арзна вияа яаавад̣̇ад̇т̇ам̣ уд̣̇араавад̣̇зхагам̣ абхун̃ж̇анд̇зна жад̇уннам̣ бан̃жаннам̣ ваа аалобаанам̣ огаасам̣ табзд̇ваава д̇хаммасзнаабад̇инаа вияа барибхун̃ж̇ид̇аб̣б̣о. со гира бан̃жажад̇д̇аалийса вассаани д̇идтамаано ‘‘бажчаабхад̇д̇з амб̣илуг̇г̇аарасамудтаабагам̣ гад̇ваа згад̣̇ивасамби аахаарам̣ на аахаарзси’’нд̇и вад̇ваа сийханаад̣̇ам̣ над̣̇анд̇о имам̣ г̇аат̇амааха –
Yathā ca te na yāvadatthaṃ kaṇṭhappamāṇaṃ khādiṃsu, thokaṃ thokaṃ pana ekekadivasaṃ yāpanamattameva khādiṃsu, evameva āharahatthakādibrāhmaṇānaṃ aññatarena viya yāvadatthaṃ udarāvadehakaṃ abhuñjantena catunnaṃ pañcannaṃ vā ālopānaṃ okāsaṃ ṭhapetvāva dhammasenāpatinā viya paribhuñjitabbo. So kira pañcacattālīsa vassāni tiṭṭhamāno ‘‘pacchābhatte ambiluggārasamuṭṭhāpakaṃ katvā ekadivasampi āhāraṃ na āhāresi’’nti vatvā sīhanādaṃ nadanto imaṃ gāthamāha –
‘‘жад̇д̇ааро бан̃жа аалобз, абхуд̇ваа уд̣̇агам̣ бивз;
‘‘Cattāro pañca ālope, abhutvā udakaṃ pive;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);
Alaṃ phāsuvihārāya, pahitattassa bhikkhuno’’ti. (theragā. 983);
яат̇аа жа д̇з на ан̃н̃аман̃н̃ам̣ мажчарааяанд̇аа каад̣̇им̣су, виг̇ад̇амаламажчзрзна бана барисуд̣̇д̇хзнзва жзд̇асаа каад̣̇им̣су, звамзва бин̣д̣абаад̇ам̣ лабхид̇ваа амажчарааяид̇ваа ‘‘имам̣ саб̣б̣ам̣ г̇ан̣ханд̇асса саб̣б̣ам̣ д̣̇ассаами, убад̣дхам̣ г̇ан̣ханд̇асса убад̣дхам̣, сажз г̇ахид̇аавасзсо бхависсад̇и, ад̇д̇анаа барибхун̃ж̇иссаамий’’д̇и сааран̣ийяад̇хаммз тид̇знзва барибхун̃ж̇ид̇аб̣б̣о. яат̇аа жа д̇з на ‘‘ан̃н̃ам̣ гин̃жи маяам̣ миг̇амам̣сам̣ ваа морамам̣саад̣̇ийнам̣ ваа ан̃н̃ад̇арам̣ каад̣̇аамаа’’д̇и саммуул̣хаа каад̣̇им̣су, бияабуд̇д̇амам̣сабхаавам̣ бана ж̇аананд̇аава каад̣̇им̣су, звамзва бин̣д̣абаад̇ам̣ лабхид̇ваа ‘‘ахам̣ каад̣̇аами бхун̃ж̇аамий’’д̇и ад̇д̇уубалад̣̇д̇хисаммохам̣ ануббаад̣̇зд̇ваа ‘‘габ̣ал̣ийгаараахааро на ж̇аанаад̇и ‘жаад̇умахаабхууд̇игагааяам̣ вад̣дхзмий’д̇и, гааяоби на ж̇аанаад̇и ‘габ̣ал̣ийгаараахааро мам̣ вад̣дхзд̇ий’’’д̇и, звам̣ саммохам̣ бахааяа барибхун̃ж̇ид̇аб̣б̣о. сад̇исамбаж̇ан̃н̃авасзнааби жзса асаммуул̣хзнзва худ̇ваа барибхун̃ж̇ид̇аб̣б̣о.
Yathā ca te na aññamaññaṃ maccharāyantā khādiṃsu, vigatamalamaccherena pana parisuddheneva cetasā khādiṃsu, evameva piṇḍapātaṃ labhitvā amaccharāyitvā ‘‘imaṃ sabbaṃ gaṇhantassa sabbaṃ dassāmi, upaḍḍhaṃ gaṇhantassa upaḍḍhaṃ, sace gahitāvaseso bhavissati, attanā paribhuñjissāmī’’ti sāraṇīyadhamme ṭhiteneva paribhuñjitabbo. Yathā ca te na ‘‘aññaṃ kiñci mayaṃ migamaṃsaṃ vā moramaṃsādīnaṃ vā aññataraṃ khādāmā’’ti sammūḷhā khādiṃsu, piyaputtamaṃsabhāvaṃ pana jānantāva khādiṃsu, evameva piṇḍapātaṃ labhitvā ‘‘ahaṃ khādāmi bhuñjāmī’’ti attūpaladdhisammohaṃ anuppādetvā ‘‘kabaḷīkārāhāro na jānāti ‘cātumahābhūtikakāyaṃ vaḍḍhemī’ti, kāyopi na jānāti ‘kabaḷīkārāhāro maṃ vaḍḍhetī’’’ti, evaṃ sammohaṃ pahāya paribhuñjitabbo. Satisampajaññavasenāpi cesa asammūḷheneva hutvā paribhuñjitabbo.
яат̇аа жа д̇з на ‘‘ахо вад̇а маяам̣ бунаби зваруубам̣ буд̇д̇амам̣сам̣ каад̣̇зяяаамаа’’д̇и бад̇т̇анам̣ гад̇ваа каад̣̇им̣су, бад̇т̇анам̣ бана вийд̇ивад̇д̇аава худ̇ваа каад̣̇им̣су, звамзва бан̣ийд̇абхож̇анам̣ лад̣̇д̇хаа ‘ахо вад̇аахам̣ свзби бунад̣̇ивасзби зваруубам̣ лабхзяяам̣’, луукам̣ ваа бана лад̣̇д̇хаа ‘‘хияяо вияа мз аж̇ж̇а бан̣ийд̇абхож̇анам̣ на лад̣̇д̇ха’’нд̇и бад̇т̇анам̣ ваа анусожанам̣ ваа агад̇ваа нид̇д̇ан̣хзна –
Yathā ca te na ‘‘aho vata mayaṃ punapi evarūpaṃ puttamaṃsaṃ khādeyyāmā’’ti patthanaṃ katvā khādiṃsu, patthanaṃ pana vītivattāva hutvā khādiṃsu, evameva paṇītabhojanaṃ laddhā ‘aho vatāhaṃ svepi punadivasepi evarūpaṃ labheyyaṃ’, lūkhaṃ vā pana laddhā ‘‘hiyyo viya me ajja paṇītabhojanaṃ na laddha’’nti patthanaṃ vā anusocanaṃ vā akatvā nittaṇhena –
‘‘ад̇ийд̇ам̣ наанусожаами, наббаж̇аббааминааг̇ад̇ам̣;
‘‘Atītaṃ nānusocāmi, nappajappāmināgataṃ;
бажжуббаннзна яаабзми, д̇зна ван̣н̣о басийд̣̇ад̇ий’’д̇и. (ж̇аа. 2.22.90) –
Paccuppannena yāpemi, tena vaṇṇo pasīdatī’’ti. (jā. 2.22.90) –
имам̣ оваад̣̇ам̣ ануссаранд̇зна ‘‘бажжуббаннзнзва яаабзссаамий’’д̇и барибхун̃ж̇ид̇аб̣б̣о.
Imaṃ ovādaṃ anussarantena ‘‘paccuppanneneva yāpessāmī’’ti paribhuñjitabbo.
яат̇аа жа д̇з на ‘‘зд̇д̇агам̣ ганд̇аарз каад̣̇ид̇ваа авасидтам̣ ганд̇аарам̣ ад̇иггамма лон̣амб̣илаад̣̇ийхи яож̇зд̇ваа каад̣̇иссаамаа’’д̇и саннид̇хим̣ агам̣су, ганд̇аарабарияосаанз бана ‘‘бурз махааж̇ано бассад̇ий’’д̇и бхуумияам̣ ваа никан̣им̣су, аг̇г̇инаа ваа жхаабаяим̣су, звамзва –
Yathā ca te na ‘‘ettakaṃ kantāre khāditvā avasiṭṭhaṃ kantāraṃ atikkamma loṇambilādīhi yojetvā khādissāmā’’ti sannidhiṃ akaṃsu, kantārapariyosāne pana ‘‘pure mahājano passatī’’ti bhūmiyaṃ vā nikhaṇiṃsu, agginā vā jhāpayiṃsu, evameva –
‘‘аннаанамат̇о баанаанам̣,
‘‘Annānamatho pānānaṃ,
каад̣̇анийяаанам̣ ат̇оби вад̇т̇аанам̣;
Khādanīyānaṃ athopi vatthānaṃ;
лад̣̇д̇хаа на саннид̇хим̣ гаяираа,
Laddhā na sannidhiṃ kayirā,
на жа барид̇д̇асз д̇аани алабхамаано’’д̇и. (су. ни. 930); –
Na ca parittase tāni alabhamāno’’ti. (su. ni. 930); –
имам̣ оваад̣̇ам̣ ануссаранд̇зна жад̇уусу бажжаязсу яам̣ яам̣ лабхад̇и, д̇ад̇о д̇ад̇о ад̇д̇ано яаабанамад̇д̇ам̣ г̇ахзд̇ваа, сзсам̣ саб̣рахмажаарийнам̣ виссаж̇ж̇зд̇ваа саннид̇хим̣ бариваж̇ж̇анд̇зна барибхун̃ж̇ид̇аб̣б̣о. яат̇аа жа д̇з на ‘‘гожи ан̃н̃о амхз вияа зваруубам̣ буд̇д̇амам̣сам̣ каад̣̇ид̇ум̣ на лабхад̇ий’’д̇и маанам̣ ваа д̣̇аббам̣ ваа агам̣су, нихад̇амаанаа бана нихад̇ад̣̇аббаа худ̇ваа каад̣̇им̣су, звамзва бан̣ийд̇абхож̇анам̣ лабхид̇ваа ‘‘ахамасми лаабхий жийварабин̣д̣абаад̇аад̣̇ийна’’нд̇и на маано ваа д̣̇аббо ваа гаад̇аб̣б̣о. ‘‘нааяам̣ баб̣б̣аж̇ж̇аа жийвараад̣̇ихзд̇у, арахад̇д̇ахзд̇у банааяам̣ баб̣б̣аж̇ж̇аа’’д̇и бажжавзгкид̇ваа нихад̇амаанад̣̇аббзнзва барибхун̃ж̇ид̇аб̣б̣о.
Imaṃ ovādaṃ anussarantena catūsu paccayesu yaṃ yaṃ labhati, tato tato attano yāpanamattaṃ gahetvā, sesaṃ sabrahmacārīnaṃ vissajjetvā sannidhiṃ parivajjantena paribhuñjitabbo. Yathā ca te na ‘‘koci añño amhe viya evarūpaṃ puttamaṃsaṃ khādituṃ na labhatī’’ti mānaṃ vā dappaṃ vā akaṃsu, nihatamānā pana nihatadappā hutvā khādiṃsu, evameva paṇītabhojanaṃ labhitvā ‘‘ahamasmi lābhī cīvarapiṇḍapātādīna’’nti na māno vā dappo vā kātabbo. ‘‘Nāyaṃ pabbajjā cīvarādihetu, arahattahetu panāyaṃ pabbajjā’’ti paccavekkhitvā nihatamānadappeneva paribhuñjitabbo.
яат̇аа жа д̇з ‘‘гим̣ иминаа алон̣зна анамб̣илзна ад̇хуубид̇зна д̣̇уг̇г̇анд̇хзнаа’’д̇и хийл̣зд̇ваа на каад̣̇им̣су, хийл̣анам̣ бана вийд̇ивад̇д̇аа худ̇ваа каад̣̇им̣су, звамзва бин̣д̣абаад̇ам̣ лабхид̇ваа ‘‘гим̣ иминаа ассаг̇он̣абхад̇д̇асад̣̇исзна луукзна нирасзна, суваанад̣̇он̣ияам̣ д̇ам̣ багкибат̇аа’’д̇и звам̣ бин̣д̣абаад̇ам̣ ваа ‘‘го имам̣ бхун̃ж̇иссад̇и, гаагасунакаад̣̇ийнам̣ д̣̇зхий’’д̇и звам̣ д̣̇ааяагам̣ ваа ахийл̣знд̇зна –
Yathā ca te ‘‘kiṃ iminā aloṇena anambilena adhūpitena duggandhenā’’ti hīḷetvā na khādiṃsu, hīḷanaṃ pana vītivattā hutvā khādiṃsu, evameva piṇḍapātaṃ labhitvā ‘‘kiṃ iminā assagoṇabhattasadisena lūkhena nirasena, suvānadoṇiyaṃ taṃ pakkhipathā’’ti evaṃ piṇḍapātaṃ vā ‘‘ko imaṃ bhuñjissati, kākasunakhādīnaṃ dehī’’ti evaṃ dāyakaṃ vā ahīḷentena –
‘‘са бад̇д̇абаан̣и вижаранд̇о, амууг̇о мууг̇асаммад̇о;
‘‘Sa pattapāṇi vicaranto, amūgo mūgasammato;
аббам̣ д̣̇аанам̣ на хийл̣зяяа, д̣̇аад̇аарам̣ нааваж̇аанияаа’’д̇и. (су. ни. 718); –
Appaṃ dānaṃ na hīḷeyya, dātāraṃ nāvajāniyā’’ti. (su. ni. 718); –
имам̣ оваад̣̇ам̣ ануссаранд̇зна барибхун̃ж̇ид̇аб̣б̣о. яат̇аа жа д̇з на ‘‘д̇уяхам̣ бхааг̇о, маяхам̣ бхааг̇о, д̇ава буд̇д̇о мама буд̇д̇о’’д̇и ан̃н̃аман̃н̃ам̣ ад̇иман̃н̃им̣су, самаг̇г̇аа бана, саммод̣̇амаанаа худ̇ваа каад̣̇им̣су, звамзвам̣ бин̣д̣абаад̇ам̣ лабхид̇ваа яат̇аа згажжо ‘‘го д̇умхаад̣̇исаанам̣ д̣̇ассад̇и ниггааран̣аа уммаарзсу багкаланд̇аанам̣ аахин̣д̣анд̇аанам̣ виж̇аад̇амаад̇ааби во д̣̇аад̇аб̣б̣ам̣ на ман̃н̃ад̇и, маяам̣ бана г̇ад̇аг̇ад̇адтаанз бан̣ийд̇аани жийвараад̣̇ийни лабхаамаа’’д̇и сийлаванд̇з саб̣рахмажаарий ад̇иман̃н̃ад̇и, яам̣ санд̇хааяа вуд̇д̇ам̣ –
Imaṃ ovādaṃ anussarantena paribhuñjitabbo. Yathā ca te na ‘‘tuyhaṃ bhāgo, mayhaṃ bhāgo, tava putto mama putto’’ti aññamaññaṃ atimaññiṃsu, samaggā pana, sammodamānā hutvā khādiṃsu, evamevaṃ piṇḍapātaṃ labhitvā yathā ekacco ‘‘ko tumhādisānaṃ dassati nikkāraṇā ummāresu pakkhalantānaṃ āhiṇḍantānaṃ vijātamātāpi vo dātabbaṃ na maññati, mayaṃ pana gatagataṭṭhāne paṇītāni cīvarādīni labhāmā’’ti sīlavante sabrahmacārī atimaññati, yaṃ sandhāya vuttaṃ –
‘‘со д̇зна лаабхасаггаарасилогзна абхибхууд̇о барияаад̣̇ин̣н̣ажид̇д̇о ан̃н̃з бзсалз бхигкуу ад̇иман̃н̃ад̇и. д̇ан̃хи д̇асса, бхигкавз, могхабурисасса ход̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и (сам̣. ни. 2.161).
‘‘So tena lābhasakkārasilokena abhibhūto pariyādiṇṇacitto aññe pesale bhikkhū atimaññati. Tañhi tassa, bhikkhave, moghapurisassa hoti dīgharattaṃ ahitāya dukkhāyā’’ti (saṃ. ni. 2.161).
звам̣ ган̃жи анад̇иман̃н̃ид̇ваа саб̣б̣зхи саб̣рахмажаарийхи сад̣̇д̇хим̣ самаг̇г̇зна саммод̣̇амаанзна худ̇ваа барибхун̃ж̇ид̇аб̣б̣ам̣.
Evaṃ kañci anatimaññitvā sabbehi sabrahmacārīhi saddhiṃ samaggena sammodamānena hutvā paribhuñjitabbaṃ.
барин̃н̃аад̇зд̇и н̃аад̇абарин̃н̃аа д̇ийран̣абарин̃н̃аа бахаанабарин̃н̃аад̇и имаахи д̇ийхи барин̃н̃аахи барин̃н̃аад̇з. гат̇ам̣? ид̇ха бхигку ‘‘габ̣ал̣ийгаараахааро наама аяам̣ савад̇т̇угавасзна ож̇адтамагаруубам̣ ход̇и, ож̇адтамагаруубам̣ гад̇т̇а бадихан̃н̃ад̇и? ж̇ивхаабасаад̣̇з, ж̇ивхаабасаад̣̇о гинниссид̇о? жад̇умахаабхууд̇аниссид̇о. ид̇и ож̇адтамагам̣ ж̇ивхаабасаад̣̇о д̇асса бажжаяаани махаабхууд̇аанийд̇и имз д̇хаммаа руубагканд̇хо наама, д̇ам̣ бариг̇г̇ан̣хад̇о уббаннаа пассабан̃жамагаа д̇хаммаа жад̇д̇ааро аруубагканд̇хаа. ид̇и саб̣б̣збимз бан̃жагканд̇хаа сан̇кзбад̇о наамаруубамад̇д̇ам̣ ход̇ий’’д̇и баж̇аанаад̇и. со д̇з д̇хаммз сарасалагкан̣ад̇о вавад̇т̇абзд̇ваа д̇зсам̣ бажжаяам̣ бариязсанд̇о ануломабадиломам̣ бадижжасамуббаад̣̇ам̣ бассад̇и. зд̇д̇аавад̇аанзна габ̣ал̣ийгаараахаарамукзна саббажжаяасса наамаруубасса яаат̇аавад̇о д̣̇идтад̇д̇аа габ̣ал̣ийгаараахааро н̃аад̇абарин̃н̃ааяа барин̃н̃аад̇о ход̇и. со д̇ад̣̇зва саббажжаяам̣ наамаруубам̣ анижжам̣ д̣̇угкам̣ анад̇д̇аад̇и д̇ийн̣и лагкан̣аани ааробзд̇ваа сад̇д̇аннам̣ анубассанаанам̣ васзна саммасад̇и. зд̇д̇аавад̇аанзна со д̇илагкан̣абадивзд̇хасаммасанан̃аан̣асан̇каад̇ааяа д̇ийран̣абарин̃н̃ааяа барин̃н̃аад̇о ход̇и. д̇асмим̣язва наамаруубз чанд̣̇арааг̇аавагад̣дханзна анааг̇аамимаг̇г̇зна бариж̇аанад̇аа бахаанабарин̃н̃ааяа барин̃н̃аад̇о ход̇ийд̇и.
Pariññāteti ñātapariññā tīraṇapariññā pahānapariññāti imāhi tīhi pariññāhi pariññāte. Kathaṃ? Idha bhikkhu ‘‘kabaḷīkārāhāro nāma ayaṃ savatthukavasena ojaṭṭhamakarūpaṃ hoti, ojaṭṭhamakarūpaṃ kattha paṭihaññati? Jivhāpasāde, jivhāpasādo kinnissito? Catumahābhūtanissito. Iti ojaṭṭhamakaṃ jivhāpasādo tassa paccayāni mahābhūtānīti ime dhammā rūpakkhandho nāma, taṃ pariggaṇhato uppannā phassapañcamakā dhammā cattāro arūpakkhandhā. Iti sabbepime pañcakkhandhā saṅkhepato nāmarūpamattaṃ hotī’’ti pajānāti. So te dhamme sarasalakkhaṇato vavatthapetvā tesaṃ paccayaṃ pariyesanto anulomapaṭilomaṃ paṭiccasamuppādaṃ passati. Ettāvatānena kabaḷīkārāhāramukhena sappaccayassa nāmarūpassa yāthāvato diṭṭhattā kabaḷīkārāhāro ñātapariññāya pariññāto hoti. So tadeva sappaccayaṃ nāmarūpaṃ aniccaṃ dukkhaṃ anattāti tīṇi lakkhaṇāni āropetvā sattannaṃ anupassanānaṃ vasena sammasati. Ettāvatānena so tilakkhaṇapaṭivedhasammasanañāṇasaṅkhātāya tīraṇapariññāya pariññāto hoti. Tasmiṃyeva nāmarūpe chandarāgāvakaḍḍhanena anāgāmimaggena parijānatā pahānapariññāya pariññāto hotīti.
бан̃жагаамаг̇ун̣игод̇и бан̃жагаамаг̇ун̣асамбхаво рааг̇о барин̃н̃аад̇о ход̇и. зд̇т̇а бана д̇иссо барин̃н̃аа згабарин̃н̃аа саб̣б̣абарин̃н̃аа муулабарин̃н̃аад̇и. гад̇амаа згабарин̃н̃аа? яо бхигку ж̇ивхаад̣̇ваарз згарасад̇ан̣хам̣ бариж̇аанаад̇и, д̇зна бан̃жагаамаг̇ун̣иго рааг̇о барин̃н̃аад̇ова ход̇ийд̇и. гасмаа? д̇ассааязва д̇ад̇т̇а уббаж̇ж̇анад̇о. сааязва хи д̇ан̣хаа жагкуд̣̇ваарз уббаннаа руубарааг̇о наама ход̇и, сод̇ад̣̇ваараад̣̇ийсу уббаннаа сад̣̇д̣̇арааг̇аад̣̇аяо. ид̇и яат̇аа згассзва жорасса бан̃жамаг̇г̇з ханад̇о згасмим̣ маг̇г̇з г̇ахзд̇ваа сийсз чиннз бан̃жаби маг̇г̇аа кзмаа хонд̇и, звам̣ ж̇ивхаад̣̇ваарз расад̇ан̣хааяа барин̃н̃аад̇ааяа бан̃жагаамаг̇ун̣иго рааг̇о барин̃н̃аад̇о ход̇ийд̇и аяам̣ згабарин̃н̃аа наама.
Pañcakāmaguṇikoti pañcakāmaguṇasambhavo rāgo pariññāto hoti. Ettha pana tisso pariññā ekapariññā sabbapariññā mūlapariññāti. Katamā ekapariññā? Yo bhikkhu jivhādvāre ekarasataṇhaṃ parijānāti, tena pañcakāmaguṇiko rāgo pariññātova hotīti. Kasmā? Tassāyeva tattha uppajjanato. Sāyeva hi taṇhā cakkhudvāre uppannā rūparāgo nāma hoti, sotadvārādīsu uppannā saddarāgādayo. Iti yathā ekasseva corassa pañcamagge hanato ekasmiṃ magge gahetvā sīse chinne pañcapi maggā khemā honti, evaṃ jivhādvāre rasataṇhāya pariññātāya pañcakāmaguṇiko rāgo pariññāto hotīti ayaṃ ekapariññā nāma.
гад̇амаа саб̣б̣абарин̃н̃аа? бад̇д̇з багкид̇д̇абин̣д̣абаад̇асмин̃хи згасмим̣язва бан̃жагаамаг̇ун̣игарааг̇о лаб̣бхад̇и. гат̇ам̣? барисуд̣̇д̇хам̣ д̇аавасса ван̣н̣ам̣ ологаяад̇о руубарааг̇о ход̇и, ун̣хз саббимхи д̇ад̇т̇а аасин̃жанд̇з бадабадаад̇и сад̣̇д̣̇о удтахад̇и, д̇ат̇ааруубам̣ каад̣̇анийяам̣ ваа каад̣̇анд̇асса мурумурууд̇и сад̣̇д̣̇о уббаж̇ж̇ад̇и, д̇ам̣ ассаад̣̇аяад̇о сад̣̇д̣̇арааг̇о. ж̇ийрагаад̣̇ивасаг̇анд̇хам̣ ассаад̣̇знд̇асса г̇анд̇харааг̇о, саад̣̇урасавасзна расарааг̇о. муд̣̇убхож̇анам̣ пассаванд̇анд̇и ассаад̣̇аяад̇о подтаб̣б̣арааг̇о. ид̇и имасмим̣ аахаарз сад̇исамбаж̇ан̃н̃зна бариг̇г̇ахзд̇ваа нижчанд̣̇арааг̇абарибхог̇зна барибхуд̇д̇з саб̣б̣оби со барин̃н̃аад̇о ход̇ийд̇и аяам̣ саб̣б̣абарин̃н̃аа наама.
Katamā sabbapariññā? Patte pakkhittapiṇḍapātasmiñhi ekasmiṃyeva pañcakāmaguṇikarāgo labbhati. Kathaṃ? Parisuddhaṃ tāvassa vaṇṇaṃ olokayato rūparāgo hoti, uṇhe sappimhi tattha āsiñcante paṭapaṭāti saddo uṭṭhahati, tathārūpaṃ khādanīyaṃ vā khādantassa murumurūti saddo uppajjati, taṃ assādayato saddarāgo. Jīrakādivasagandhaṃ assādentassa gandharāgo, sādurasavasena rasarāgo. Mudubhojanaṃ phassavantanti assādayato phoṭṭhabbarāgo. Iti imasmiṃ āhāre satisampajaññena pariggahetvā nicchandarāgaparibhogena paribhutte sabbopi so pariññāto hotīti ayaṃ sabbapariññā nāma.
гад̇амаа муулабарин̃н̃аа? бан̃жагаамаг̇ун̣игарааг̇асса хи габ̣ал̣ийгаараахааро муулам̣. гасмаа? д̇асмим̣ сад̇и д̇ассуббад̇д̇ид̇о . б̣раахман̣ад̇иссабхаяз гира д̣̇ваад̣̇аса вассаани ж̇ааяамбад̇игаанам̣ убаниж̇жхаанажид̇д̇ам̣ наама наахоси. гасмаа? аахаараманд̣̇ад̇ааяа. бхаяз бана вуубасанд̇з яож̇анасад̇иго д̇амб̣абан̣н̣ид̣̇ийбо д̣̇аарагаанам̣ ж̇аад̇аман̇г̇алзхи згаман̇г̇ало ахоси. ид̇и муулабхууд̇з аахаарз барин̃н̃аад̇з бан̃жагаамаг̇ун̣иго рааг̇о барин̃н̃аад̇ова ход̇ийд̇и аяам̣ муулабарин̃н̃аа наама.
Katamā mūlapariññā? Pañcakāmaguṇikarāgassa hi kabaḷīkārāhāro mūlaṃ. Kasmā? Tasmiṃ sati tassuppattito . Brāhmaṇatissabhaye kira dvādasa vassāni jāyampatikānaṃ upanijjhānacittaṃ nāma nāhosi. Kasmā? Āhāramandatāya. Bhaye pana vūpasante yojanasatiko tambapaṇṇidīpo dārakānaṃ jātamaṅgalehi ekamaṅgalo ahosi. Iti mūlabhūte āhāre pariññāte pañcakāmaguṇiko rāgo pariññātova hotīti ayaṃ mūlapariññā nāma.
над̇т̇и д̇ам̣ сам̣яож̇ананд̇и д̇зна рааг̇зна сад̣̇д̇хим̣ бахаанзгадтад̇ааяа бахийнад̇д̇аа над̇т̇и. звамаяам̣ д̣̇зсанаа яаава анааг̇аамимаг̇г̇аа гат̇ид̇аа. ‘‘зд̇д̇агзна бана маа восаанам̣ аабаж̇ж̇им̣суу’’д̇и зд̇зсам̣язва руубаад̣̇ийнам̣ васзна бан̃жасу канд̇хзсу вибассанам̣ вад̣дхзд̇ваа яаава арахад̇д̇аа гат̇зд̇ум̣ ваддад̇ийд̇и. батамаахааро (нидтид̇о).
Natthi taṃ saṃyojananti tena rāgena saddhiṃ pahānekaṭṭhatāya pahīnattā natthi. Evamayaṃ desanā yāva anāgāmimaggā kathitā. ‘‘Ettakena pana mā vosānaṃ āpajjiṃsū’’ti etesaṃyeva rūpādīnaṃ vasena pañcasu khandhesu vipassanaṃ vaḍḍhetvā yāva arahattā kathetuṃ vaṭṭatīti. Paṭhamāhāro (niṭṭhito).
д̣̇уд̇ияз нижжаммаад̇и курад̇о бадтааяа яаава син̇г̇амуулаа сагаласарийрад̇о уд̣̇д̣̇аалид̇ажаммаа гим̣сугараасиван̣н̣аа. гасмаа бана ан̃н̃ам̣ хад̇т̇иассаг̇он̣аад̣̇иубамам̣ аг̇ахзд̇ваа нижжаммаг̇аавуубамаа г̇ахид̇аад̇и? д̇ид̇игкид̇ум̣ асамад̇т̇абхаавад̣̇ийбанад̇т̇ам̣. маад̇уг̇аамо хи уббаннам̣ д̣̇угкавзд̣̇анам̣ д̇ид̇игкид̇ум̣ ад̇хиваасзд̇ум̣ на саггод̇и, звамзва пассаахааро аб̣ало д̣̇уб̣б̣алод̇и д̣̇ассанад̇т̇ам̣ сад̣̇исамзва убамам̣ аахари. гудданд̇и силаагуддаад̣̇ийнам̣ ан̃н̃ад̇арам̣. гудданиссид̇аа баан̣аа наама ун̣н̣анаабхисараб̣уумуусигаад̣̇аяо. ругканиссид̇аад̇и ужжаалин̇г̇абаан̣агаад̣̇аяо. уд̣̇аганиссид̇аад̇и мажчасум̣сумаараад̣̇аяо. аагаасаниссид̇аад̇и д̣ам̣самагасагаагагулалаад̣̇аяо. каад̣̇зяяунд̇и лун̃жид̇ваа каад̣̇зяяум̣. саа д̇асмим̣ д̇асмим̣ таанз д̇ам̣ д̇ам̣таанасанниссаяамуулигам̣ баан̣акаад̣̇анабхаяам̣ самбассамаанаа нзва ад̇д̇ано саггаарасаммаанам̣, на бидтибаригаммасарийрасамб̣ааханаун̣ход̣̇агаани ижчад̇и, звамзва бхигку пассаахаарамуулагам̣ гилзсабаан̣агакаад̣̇анабхаяам̣ самбассамаано д̇збхуумагапассзна анад̇т̇иго ход̇и.
Dutiye niccammāti khurato paṭṭhāya yāva siṅgamūlā sakalasarīrato uddālitacammā kiṃsukarāsivaṇṇā. Kasmā pana aññaṃ hatthiassagoṇādiupamaṃ agahetvā niccammagāvūpamā gahitāti? Titikkhituṃ asamatthabhāvadīpanatthaṃ. Mātugāmo hi uppannaṃ dukkhavedanaṃ titikkhituṃ adhivāsetuṃ na sakkoti, evameva phassāhāro abalo dubbaloti dassanatthaṃ sadisameva upamaṃ āhari. Kuṭṭanti silākuṭṭādīnaṃ aññataraṃ. Kuṭṭanissitā pāṇā nāma uṇṇanābhisarabūmūsikādayo. Rukkhanissitāti uccāliṅgapāṇakādayo. Udakanissitāti macchasuṃsumārādayo. Ākāsanissitāti ḍaṃsamakasakākakulalādayo. Khādeyyunti luñcitvā khādeyyuṃ. Sā tasmiṃ tasmiṃ ṭhāne taṃ taṃṭhānasannissayamūlikaṃ pāṇakhādanabhayaṃ sampassamānā neva attano sakkārasammānaṃ, na piṭṭhiparikammasarīrasambāhanauṇhodakāni icchati, evameva bhikkhu phassāhāramūlakaṃ kilesapāṇakakhādanabhayaṃ sampassamāno tebhūmakaphassena anatthiko hoti.
пассз, бхигкавз, аахаарз барин̃н̃аад̇зд̇и д̇ийхи барин̃н̃аахи барин̃н̃аад̇з. ид̇хааби д̇иссо барин̃н̃аа. д̇ад̇т̇а ‘‘пассо сан̇каарагканд̇хо , д̇ам̣самбаяуд̇д̇аа взд̣̇анаа взд̣̇анаагканд̇хо, сан̃н̃аа сан̃н̃аагканд̇хо, жид̇д̇ам̣ вин̃н̃аан̣агканд̇хо, д̇зсам̣ вад̇т̇аарамман̣аани руубагканд̇хо’’д̇и звам̣ саббажжаяасса наамаруубасса яаат̇аавад̇о д̣̇ассанам̣ н̃аад̇абарин̃н̃аа. д̇ад̇т̇зва д̇илагкан̣ам̣ ааробзд̇ваа сад̇д̇аннам̣ анубассанаанам̣ васзна анижжаад̣̇ид̇о д̇уланам̣ д̇ийран̣абарин̃н̃аа. д̇асмим̣язва бана наамаруубз чанд̣̇арааг̇аниггад̣дхано арахад̇д̇амаг̇г̇о бахаанабарин̃н̃аа. д̇иссо взд̣̇анаад̇и звам̣ пассаахаарз д̇ийхи барин̃н̃аахи барин̃н̃аад̇з д̇иссо взд̣̇анаа барин̃н̃аад̇аава хонд̇и д̇аммуулагад̇д̇аа д̇ам̣самбаяуд̇д̇ад̇д̇аа жа. ид̇и пассаахааравасзна д̣̇зсанаа яаава арахад̇д̇аа гат̇ид̇аа. д̣̇уд̇ияаахааро.
Phasse, bhikkhave, āhāre pariññāteti tīhi pariññāhi pariññāte. Idhāpi tisso pariññā. Tattha ‘‘phasso saṅkhārakkhandho , taṃsampayuttā vedanā vedanākkhandho, saññā saññākkhandho, cittaṃ viññāṇakkhandho, tesaṃ vatthārammaṇāni rūpakkhandho’’ti evaṃ sappaccayassa nāmarūpassa yāthāvato dassanaṃ ñātapariññā. Tattheva tilakkhaṇaṃ āropetvā sattannaṃ anupassanānaṃ vasena aniccādito tulanaṃ tīraṇapariññā. Tasmiṃyeva pana nāmarūpe chandarāganikkaḍḍhano arahattamaggo pahānapariññā. Tisso vedanāti evaṃ phassāhāre tīhi pariññāhi pariññāte tisso vedanā pariññātāva honti tammūlakattā taṃsampayuttattā ca. Iti phassāhāravasena desanā yāva arahattā kathitā. Dutiyāhāro.
д̇ад̇ияз ан̇г̇аарагаасууд̇и ан̇г̇аараанам̣ гаасу. гаасууд̇и раасиби вужжад̇и ааваадоби.
Tatiye aṅgārakāsūti aṅgārānaṃ kāsu. Kāsūti rāsipi vuccati āvāṭopi.
‘‘ан̇г̇аарагаасум̣ абарз пун̣анд̇и,
‘‘Aṅgārakāsuṃ apare phuṇanti,
нараа руд̣̇анд̇аа барид̣̇ад̣дхаг̇ад̇д̇аа;
Narā rudantā paridaḍḍhagattā;
бхаяан̃хи мам̣ винд̣̇ад̇и сууд̇а д̣̇исваа,
Bhayañhi maṃ vindati sūta disvā,
бужчаами д̇ам̣ маад̇али д̣̇звасаарат̇ий’’д̇и. (ж̇аа. 2.22.462); –
Pucchāmi taṃ mātali devasārathī’’ti. (jā. 2.22.462); –
зд̇т̇а рааси ‘‘гаасуу’’д̇и вуд̇д̇о.
Ettha rāsi ‘‘kāsū’’ti vutto.
‘‘гинну санд̇арамаанова, гаасум̣ канаси саарат̇ий’’д̇и? (ж̇аа. 2.22.3). –
‘‘Kinnu santaramānova, kāsuṃ khanasi sārathī’’ti? (Jā. 2.22.3). –
зд̇т̇а ааваадо. ид̇хааби аяамзва ад̇хиббзд̇о. саад̇хигаборисаад̇и ад̇ирзгаборисаа бан̃жарад̇анаббамаан̣аа. вийд̇ажжигаанам̣ вийд̇ад̇хуумаананд̇и зд̇знасса махаабарил̣аахад̇ам̣ д̣̇ассзд̇и. ж̇аалааяа ваа хи д̇хуумз ваа сад̇и ваад̇о самудтаад̇и, барил̣аахо махаа на ход̇и, д̇ад̣̇абхаавз ваад̇аабхаавад̇о барил̣аахо махаа ход̇и. аарагаавассаад̇и д̣̇уурзязва бхавзяяа.
Ettha āvāṭo. Idhāpi ayameva adhippeto. Sādhikaporisāti atirekaporisā pañcaratanappamāṇā. Vītaccikānaṃ vītadhūmānanti etenassa mahāpariḷāhataṃ dasseti. Jālāya vā hi dhūme vā sati vāto samuṭṭhāti, pariḷāho mahā na hoti, tadabhāve vātābhāvato pariḷāho mahā hoti. Ārakāvassāti dūreyeva bhaveyya.
звамзва код̇и зд̇т̇а ид̣̇ам̣ обаммасам̣санд̣̇анам̣ – ан̇г̇аарагаасу вияа хи д̇збхуумагаваддам̣ д̣̇адтаб̣б̣ам̣. ж̇ийвид̇угаамо бурисо вияа вадданиссид̇о б̣аалабут̇уж̇ж̇ано. д̣̇вз б̣алаванд̇о бурисаа вияа гусалаагусалагаммам̣. д̇зсам̣ д̇ам̣ бурисам̣ наанааб̣аахаасу г̇ахзд̇ваа ан̇г̇аарагаасум̣ убагад̣дханагаало вияа бут̇уж̇ж̇анасса гаммааяууханагаало. гамман̃хи ааяуухияамаанамзва бадисанд̇хим̣ аагад̣дхад̇и наама. ан̇г̇аарагаасунид̣̇аанам̣ д̣̇угкам̣ вияа гамманид̣̇аанам̣ ваддад̣̇угкам̣ взд̣̇ид̇аб̣б̣ам̣.
Evamevakhoti ettha idaṃ opammasaṃsandanaṃ – aṅgārakāsu viya hi tebhūmakavaṭṭaṃ daṭṭhabbaṃ. Jīvitukāmo puriso viya vaṭṭanissito bālaputhujjano. Dve balavanto purisā viya kusalākusalakammaṃ. Tesaṃ taṃ purisaṃ nānābāhāsu gahetvā aṅgārakāsuṃ upakaḍḍhanakālo viya puthujjanassa kammāyūhanakālo. Kammañhi āyūhiyamānameva paṭisandhiṃ ākaḍḍhati nāma. Aṅgārakāsunidānaṃ dukkhaṃ viya kammanidānaṃ vaṭṭadukkhaṃ veditabbaṃ.
барин̃н̃аад̇зд̇и д̇ийхи барин̃н̃аахи барин̃н̃аад̇з. барин̃н̃ааяож̇анаа банзд̇т̇а пассз вуд̇д̇анаязнзва взд̣̇ид̇аб̣б̣аа. д̇иссо д̇ан̣хаад̇и гаамад̇ан̣хаа бхавад̇ан̣хаа вибхавад̇ан̣хаад̇и имаа барин̃н̃аад̇аа хонд̇и. гасмаа? д̇ан̣хаамуулагад̇д̇аа маносан̃жзд̇анааяа. на хи хзд̇умхи аббахийнз палам̣ бахийяад̇и. ид̇и маносан̃жзд̇анаахааравасзнаби яаава арахад̇д̇аа д̣̇зсанаа гат̇ид̇аа. д̇ад̇ияаахааро.
Pariññāteti tīhi pariññāhi pariññāte. Pariññāyojanā panettha phasse vuttanayeneva veditabbā. Tisso taṇhāti kāmataṇhā bhavataṇhā vibhavataṇhāti imā pariññātā honti. Kasmā? Taṇhāmūlakattā manosañcetanāya. Na hi hetumhi appahīne phalaṃ pahīyati. Iti manosañcetanāhāravasenapi yāva arahattā desanā kathitā. Tatiyāhāro.
жад̇уд̇т̇з ааг̇ужааринд̇и баабажаарим̣ д̣̇осагаарагам̣. гат̇ам̣ со бурисод̇и со бурисо гат̇ам̣бхууд̇о, гим̣ яаабзд̇и, на яаабзд̇ийд̇и бужчад̇и? д̇ат̇зва д̣̇зва ж̇ийвад̇ийд̇и яат̇аа буб̣б̣з, ид̣̇ааниби д̇ат̇зва ж̇ийвад̇и.
Catutthe āgucārinti pāpacāriṃ dosakārakaṃ. Kathaṃ so purisoti so puriso kathaṃbhūto, kiṃ yāpeti, na yāpetīti pucchati? Tatheva deva jīvatīti yathā pubbe, idānipi tatheva jīvati.
звамзва код̇и ид̇хааби ид̣̇ам̣ обаммасам̣санд̣̇анам̣ – рааж̇аа вияа хи гаммам̣ д̣̇адтаб̣б̣ам̣, ааг̇ужаарий бурисо вияа ваддасанниссид̇о б̣аалабут̇уж̇ж̇ано, д̇ийн̣и сад̇д̇исад̇аани вияа бадисанд̇хивин̃н̃аан̣ам̣, ааг̇ужаарим̣ бурисам̣ ‘‘д̇ийхи сад̇д̇исад̇зхи ханат̇аа’’д̇и ран̃н̃аа аан̣ад̇д̇агаало вияа гаммаран̃н̃аа ваддасанниссид̇абут̇уж̇ж̇анам̣ г̇ахзд̇ваа бадисанд̇хияам̣ багкибанагаало. д̇ад̇т̇а гин̃жааби д̇ийн̣и сад̇д̇исад̇аани вияа бадисанд̇хивин̃н̃аан̣ам̣, сад̇д̇ийсу бана д̣̇угкам̣ над̇т̇и, сад̇д̇ийхи бахадаван̣амуулагам̣ д̣̇угкам̣, звамзва бадисанд̇хияамби д̣̇угкам̣ над̇т̇и, д̣̇иннааяа бана бадисанд̇хияаа бавад̇д̇з вибаагад̣̇угкам̣ сад̇д̇ибахадаван̣амуулагам̣ д̣̇угкам̣ вияа ход̇и.
Evamevakhoti idhāpi idaṃ opammasaṃsandanaṃ – rājā viya hi kammaṃ daṭṭhabbaṃ, āgucārī puriso viya vaṭṭasannissito bālaputhujjano, tīṇi sattisatāni viya paṭisandhiviññāṇaṃ, āgucāriṃ purisaṃ ‘‘tīhi sattisatehi hanathā’’ti raññā āṇattakālo viya kammaraññā vaṭṭasannissitaputhujjanaṃ gahetvā paṭisandhiyaṃ pakkhipanakālo. Tattha kiñcāpi tīṇi sattisatāni viya paṭisandhiviññāṇaṃ, sattīsu pana dukkhaṃ natthi, sattīhi pahaṭavaṇamūlakaṃ dukkhaṃ, evameva paṭisandhiyampi dukkhaṃ natthi, dinnāya pana paṭisandhiyā pavatte vipākadukkhaṃ sattipahaṭavaṇamūlakaṃ dukkhaṃ viya hoti.
барин̃н̃аад̇зд̇и д̇ийхзва барин̃н̃аахи барин̃н̃аад̇з. ид̇хааби барин̃н̃ааяож̇анаа пассаахаарз вуд̇д̇анаязнзва взд̣̇ид̇аб̣б̣аа. наамаруубанд̇и вин̃н̃аан̣абажжаяаа наамаруубам̣. вин̃н̃аан̣асмин̃хи барин̃н̃аад̇з д̇ам̣ барин̃н̃аад̇амзва ход̇и д̇аммуулагад̇д̇аа сахуббаннад̇д̇аа жа. ид̇и вин̃н̃аан̣аахааравасзнаби яаава арахад̇д̇аа д̣̇зсанаа гат̇ид̇аад̇и. жад̇уд̇т̇аахааро. д̇ад̇ияам̣.
Pariññāteti tīheva pariññāhi pariññāte. Idhāpi pariññāyojanā phassāhāre vuttanayeneva veditabbā. Nāmarūpanti viññāṇapaccayā nāmarūpaṃ. Viññāṇasmiñhi pariññāte taṃ pariññātameva hoti tammūlakattā sahuppannattā ca. Iti viññāṇāhāravasenapi yāva arahattā desanā kathitāti. Catutthāhāro. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. буд̇д̇амам̣суубамасуд̇д̇ам̣ • 3. Puttamaṃsūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. буд̇д̇амам̣суубамасуд̇д̇аван̣н̣анаа • 3. Puttamaṃsūpamasuttavaṇṇanā
