| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. буд̇д̇амам̣суубамасуд̇д̇аван̣н̣анаа
3. Puttamaṃsūpamasuttavaṇṇanā
63. вуд̇д̇анаяамзваад̇и хздтаа аахаараваг̇г̇асса батамасуд̇д̇з вуд̇д̇анаяамзва. лаабхасаггаарзнаад̇и лаабхасаггаарасан̇каад̇ааяа адтуббад̇д̇ияаад̇и гзжи. лаабхасаггаарз ваа адтуббад̇д̇ияаад̇и абарз. яо хи лаабхасаггааранимид̇д̇ам̣ бажжаязсу г̇зд̇хзна бхигкуунам̣ абажжавзгкид̇абарибхог̇о ж̇аад̇о, д̇ам̣ адтуббад̇д̇им̣ гад̇ваа бхаг̇аваа имам̣ д̣̇зсанам̣ нигкиби. яамагамахаамзгход̇и хздтаа оламб̣анаубариуг̇г̇аманавасзна сад̇абадаласахассабадало яуг̇ал̣амахаамзгхо.
63.Vuttanayamevāti heṭṭhā āhāravaggassa paṭhamasutte vuttanayameva. Lābhasakkārenāti lābhasakkārasaṅkhātāya aṭṭhuppattiyāti keci. Lābhasakkāre vā aṭṭhuppattiyāti apare. Yo hi lābhasakkāranimittaṃ paccayesu gedhena bhikkhūnaṃ apaccavekkhitaparibhogo jāto, taṃ aṭṭhuppattiṃ katvā bhagavā imaṃ desanaṃ nikkhipi. Yamakamahāmeghoti heṭṭhā olambanaupariuggamanavasena satapaṭalasahassapaṭalo yugaḷamahāmegho.
д̇идтанд̇и жзва бхаг̇авад̇и гад̇т̇ажи ниб̣ад̣̇д̇хаваасам̣ васанд̇з, жааригамби г̇ажчанд̇з ануб̣анд̇ханд̇и жа. бхигкуунамби язбхуяязна габбасад̇асахассам̣ д̇ад̇о бхияяоби буурид̇ад̣̇аанабаарамисан̃жаяад̇д̇аа д̇ад̣̇аа махаалаабхасаггааро уббаж̇ж̇ад̇ийд̇и вуд̇д̇ам̣ ‘‘звам̣ бхигкусан̇гхассабий’’д̇и. саггад̇од̇и саггаараббад̇д̇о. г̇аругад̇од̇и г̇аругаараббад̇д̇о. маанид̇од̇и б̣ахумад̇о манасаа бияааяид̇о жа. бууж̇ид̇од̇и маалаад̣̇ибууж̇ааяа жзва жад̇убажжаяаабхибууж̇ааяа жа бууж̇ид̇о. абажид̇од̇и абажааяанаббад̇д̇о. яасса хи жад̇д̇ааро бажжаяз саггад̇ваа суабхисан̇кад̇з бан̣ийд̇абан̣ийд̇з убанзнд̇и, со саггад̇о. яасмим̣ г̇арубхаавам̣ бажжубадтабзд̇ваа д̣̇знд̇и, со г̇аругад̇о. яам̣ манасаа бияааяанд̇и б̣ахуман̃н̃анд̇и, со б̣ахумад̇о. яасса саб̣б̣амзд̇ам̣ бууж̇аавасзна гаронд̇и, со бууж̇ид̇о. яасса абхиваад̣̇анабажжудтаанан̃ж̇алигаммаад̣̇ивасзна бараманибажжагаарам̣ гаронд̇и, со абажид̇о. бхаг̇авад̇и бхигкусан̇гхз жа лого звам̣ бадибанно. д̇зна вуд̇д̇ам̣ ‘‘д̇зна ко бана самаязна…бз… баригкаараана’’нд̇и (уд̣̇аа. 14; сам̣. ни. 2.70). лаабхаг̇г̇аяасаг̇г̇аббад̇д̇анд̇и лаабхасса жа яасасса жа аг̇г̇ам̣ уггам̣сам̣ бад̇д̇ам̣.
Tiṭṭhanti ceva bhagavati katthaci nibaddhavāsaṃ vasante, cārikampi gacchante anubandhanti ca. Bhikkhūnampi yebhuyyena kappasatasahassaṃ tato bhiyyopi pūritadānapāramisañcayattā tadā mahālābhasakkāro uppajjatīti vuttaṃ ‘‘evaṃ bhikkhusaṅghassapī’’ti. Sakkatoti sakkārappatto. Garukatoti garukārappatto. Mānitoti bahumato manasā piyāyito ca. Pūjitoti mālādipūjāya ceva catupaccayābhipūjāya ca pūjito. Apacitoti apacāyanappatto. Yassa hi cattāro paccaye sakkatvā suabhisaṅkhate paṇītapaṇīte upanenti, so sakkato. Yasmiṃ garubhāvaṃ paccupaṭṭhapetvā denti, so garukato. Yaṃ manasā piyāyanti bahumaññanti, so bahumato. Yassa sabbametaṃ pūjāvasena karonti, so pūjito. Yassa abhivādanapaccuṭṭhānañjalikammādivasena paramanipaccakāraṃ karonti, so apacito. Bhagavati bhikkhusaṅghe ca loko evaṃ paṭipanno. Tena vuttaṃ ‘‘tena kho pana samayena…pe… parikkhārāna’’nti (udā. 14; saṃ. ni. 2.70). Lābhaggayasaggappattanti lābhassa ca yasassa ca aggaṃ ukkaṃsaṃ pattaṃ.
батамаахаараван̣н̣анаа
Paṭhamāhāravaṇṇanā
ассаад̇и бхаг̇авад̇о. д̇хаммасабхааважинд̇аавасзна бавад̇д̇ам̣ саход̇д̇аббан̃аан̣ам̣ д̇хаммасам̣взг̇о. д̇хувабадисзванадтаанан̃хзд̇ам̣ сад̇д̇аанам̣, яад̣̇ид̣̇ам̣ аахаарабарибхог̇о, д̇асмаа на д̇ад̇т̇а абажжавзгкан̣амад̇д̇зна баарааж̇игам̣ бан̃н̃абзд̇ум̣ саггаад̇и ад̇хиббааяо. аахаараад̇и ‘‘бажжаяаа’’д̇иаад̣̇инаа буб̣б̣з аахаарзсу вуд̇д̇авид̇хим̣ санд̇хааяа ааха ‘‘аахаараа’’д̇иаад̣̇и. ид̣̇аани д̇ад̇т̇а гад̇д̇аб̣б̣ам̣ ад̇т̇аван̣н̣анам̣ санд̇хааяа ‘‘хздтаа вуд̇д̇ад̇т̇амзваа’’д̇и вуд̇д̇ам̣.
Assāti bhagavato. Dhammasabhāvacintāvasena pavattaṃ sahottappañāṇaṃ dhammasaṃvego. Dhuvapaṭisevanaṭṭhānañhetaṃ sattānaṃ, yadidaṃ āhāraparibhogo, tasmā na tattha apaccavekkhaṇamattena pārājikaṃ paññapetuṃ sakkāti adhippāyo. Āhārāti ‘‘paccayā’’tiādinā pubbe āhāresu vuttavidhiṃ sandhāya āha ‘‘āhārā’’tiādi. Idāni tattha kattabbaṃ atthavaṇṇanaṃ sandhāya ‘‘heṭṭhā vuttatthamevā’’ti vuttaṃ.
аад̣̇ийнаванд̇и д̣̇осам̣. ж̇ааяаад̇и бхарияаа. бад̇ийд̇и бхад̇д̇аа. абзгкаасад̣̇д̣̇аа жзд̇з бид̇аабуд̇д̇асад̣̇д̣̇аа вияа, баал̣ияам̣ бана аа-гаарасса рассад̇д̇ам̣ саанунаасиган̃жа гад̇ваа вуд̇д̇ам̣ ‘‘ж̇ааяамбад̇игаа’’д̇и. саммаа палам̣ вахад̇ийд̇и самб̣алам̣, сукааваханд̇и ад̇т̇о. д̇ат̇аа хи д̇ам̣ ‘‘бат̇з хид̇анд̇и баат̇зяяа’’нд̇и вужжад̇и. маг̇г̇асса ганд̇аарабарияаабаннад̇д̇аа вуд̇д̇ам̣ ‘‘ганд̇аарабхууд̇ам̣ маг̇г̇а’’нд̇и. д̣̇уллабхад̇ааяа д̇ам̣ уд̣̇агам̣ д̇ад̇т̇а д̇аарзд̇ийд̇и ганд̇аарам̣, нируд̣̇агам̣ махааванам̣. рул̣хийвасзна ид̇арамби махааванам̣ д̇ат̇аа вужжад̇ийд̇и ааха ‘‘жораганд̇аара’’нд̇иаад̣̇и. барарааж̇уунам̣ взриаад̣̇ийнан̃жа васзна саббадибхаяамби аран̃н̃ам̣ зд̇т̇зва сан̇г̇ахам̣ г̇ажчад̇ийд̇и вуд̇д̇ам̣ ‘‘бан̃жавид̇ха’’нд̇и.
Ādīnavanti dosaṃ. Jāyāti bhariyā. Patīti bhattā. Apekkhāsaddā cete pitāputtasaddā viya, pāḷiyaṃ pana ā-kārassa rassattaṃ sānunāsikañca katvā vuttaṃ ‘‘jāyampatikā’’ti. Sammā phalaṃ vahatīti sambalaṃ, sukhāvahanti attho. Tathā hi taṃ ‘‘pathe hitanti pātheyya’’nti vuccati. Maggassa kantārapariyāpannattā vuttaṃ ‘‘kantārabhūtaṃ magga’’nti. Dullabhatāya taṃ udakaṃ tattha tāretīti kantāraṃ, nirudakaṃ mahāvanaṃ. Ruḷhīvasena itarampi mahāvanaṃ tathā vuccatīti āha ‘‘corakantāra’’ntiādi. Pararājūnaṃ veriādīnañca vasena sappaṭibhayampi araññaṃ ettheva saṅgahaṃ gacchatīti vuttaṃ ‘‘pañcavidha’’nti.
гханагханадтаанад̇од̇и мам̣сасса б̣ахалаб̣ахалам̣ т̇уулат̇уулам̣ худ̇ваа тид̇адтаанад̇о. ‘‘д̇аад̣̇исан̃хи мам̣сам̣ г̇ахзд̇ваа сугкаабид̇ам̣ валлуурам̣. суулз аавунид̇ваа баггамам̣сам̣ сууламам̣сам̣. вирал̣ажчааяааяам̣ нисийд̣̇им̣су г̇анд̇ум̣ асамад̇т̇о худ̇ваа. г̇овад̇агуггуравад̇ад̣̇звад̇ааяаажанаад̣̇ийхийд̇и г̇овад̇агуггуравад̇аад̣̇ивад̇ажаран̣зхи жзва д̣̇звад̇ааяаажанаад̣̇ийхи бан̣ид̇хигаммзхи жа маханд̇ам̣ д̣̇угкам̣ анубхууд̇ам̣.
Ghanaghanaṭṭhānatoti maṃsassa bahalabahalaṃ thūlathūlaṃ hutvā ṭhitaṭṭhānato. ‘‘Tādisañhi maṃsaṃ gahetvā sukkhāpitaṃ vallūraṃ. Sūle āvunitvā pakkamaṃsaṃ sūlamaṃsaṃ. Viraḷacchāyāyaṃ nisīdiṃsu gantuṃ asamattho hutvā. Govatakukkuravatadevatāyācanādīhīti govatakukkuravatādivatacaraṇehi ceva devatāyācanādīhi paṇidhikammehi ca mahantaṃ dukkhaṃ anubhūtaṃ.
яасмаа бана саасанз саммаабадибаж̇ж̇анд̇асса бхигкуно аахаарабарибхог̇асса обаммабхаавзна д̇зсам̣ ж̇ааяамбад̇игаанам̣ буд̇д̇амам̣сабарибхог̇о ид̇ха бхаг̇авад̇аа аанийд̇о, д̇асмаасса наанаагаарзхи обаммад̇д̇ам̣ вибхаавзд̇ум̣ ‘‘д̇зсам̣ со буд̇д̇амам̣саахааро’’д̇иаад̣̇и аарад̣̇д̇хам̣. д̇ад̇т̇а саж̇аад̇имам̣сад̇ааяаад̇и самаанаж̇аад̇игамам̣сабхаавзна, мануссамам̣сабхаавзнаад̇и ад̇т̇о. масуссамам̣сан̃хи гулаббасуд̇амануссаанам̣ аманун̃н̃ам̣ ход̇и абарижид̇абхаавад̇о г̇аараяхабхаавад̇о жа, д̇ад̇о зва н̃аад̇иаад̣̇имам̣сад̇ааяаад̇иаад̣̇и вуд̇д̇ам̣. д̇арун̣амам̣сад̇ааяаад̇иаад̣̇и бана сабхаавад̇о анабхисан̇каарад̇о жа аманун̃н̃аад̇и гад̇ваа вуд̇д̇ам̣. ад̇хуубид̇ад̇ааяаад̇и ад̇хуубид̇абхаавад̇о. маж̇жхад̇д̇абхаавзязва тид̇аа. д̇ад̇о зва нижчанд̣̇арааг̇абарибхог̇з тид̇аад̇и вуд̇д̇ам̣ ганд̇аарад̇о нид̇т̇аран̣аж̇жхаасаяад̇ааяа. ид̣̇аани яз жа д̇з анабанийд̇аахааро, на яаавад̣̇ад̇т̇абарибхог̇о виг̇ад̇амажчзрамалад̇аа саммохаабхааво ааяад̇им̣ д̇ад̇т̇а бад̇т̇анаабхааво саннид̇хигаараабхааво абарижжаж̇анамад̣̇ад̇т̇аабхааво ахийл̣анаа авиваад̣̇абарибхог̇о жаад̇и убамааяам̣ лаб̣бхамаанаа багаарависзсаа, д̇з д̇ат̇аа нийхарид̇ваа убамзяяз яож̇зд̇ваа д̣̇ассзд̇ум̣ ‘‘на адтинхааружамманиссид̇адтаанааний’’д̇иаад̣̇и вуд̇д̇ам̣. д̇ам̣ гааран̣анд̇и д̇ам̣ д̇зсам̣ ж̇ааяамбад̇ийнам̣ яаавад̣̇зва ганд̇ааранид̇т̇аран̣ад̇т̇ааяа буд̇д̇амам̣сабарибхог̇асан̇каад̇ам̣ гааран̣ам̣.
Yasmā pana sāsane sammāpaṭipajjantassa bhikkhuno āhāraparibhogassa opammabhāvena tesaṃ jāyampatikānaṃ puttamaṃsaparibhogo idha bhagavatā ānīto, tasmāssa nānākārehi opammattaṃ vibhāvetuṃ ‘‘tesaṃ so puttamaṃsāhāro’’tiādi āraddhaṃ. Tattha sajātimaṃsatāyāti samānajātikamaṃsabhāvena, manussamaṃsabhāvenāti attho. Masussamaṃsañhi kulappasutamanussānaṃ amanuññaṃ hoti aparicitabhāvato gārayhabhāvato ca, tato eva ñātiādimaṃsatāyātiādi vuttaṃ. Taruṇamaṃsatāyātiādi pana sabhāvato anabhisaṅkhārato ca amanuññāti katvā vuttaṃ. Adhūpitatāyāti adhūpitabhāvato. Majjhattabhāveyeva ṭhitā. Tato eva nicchandarāgaparibhoge ṭhitāti vuttaṃ kantārato nittharaṇajjhāsayatāya. Idāni ye ca te anapanītāhāro, na yāvadatthaparibhogo vigatamaccheramalatā sammohābhāvo āyatiṃ tattha patthanābhāvo sannidhikārābhāvo apariccajanamadatthābhāvo ahīḷanā avivādaparibhogo cāti upamāyaṃ labbhamānā pakāravisesā, te tathā nīharitvā upameyye yojetvā dassetuṃ ‘‘naaṭṭhinhārucammanissitaṭṭhānānī’’tiādi vuttaṃ. Taṃ kāraṇanti taṃ tesaṃ jāyampatīnaṃ yāvadeva kantāranittharaṇatthāya puttamaṃsaparibhogasaṅkhātaṃ kāraṇaṃ.
ниссанд̣̇абаадигуляад̇ам̣ бажжавзгканд̇оби габ̣ал̣ийгаараахаарам̣ баривиймам̣сад̇и. яат̇аа д̇з ж̇ааяамбад̇игаад̇иаад̣̇иби обаммасам̣санд̣̇анам̣. ‘‘барибхун̃ж̇ид̇аб̣б̣о аахааро’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. зса наяо ид̇о барзсуби. абадигкибид̇ваад̇и анабанзд̇ваа. ваддагзна вияа гуггудзна вияа жаад̇и висад̣̇исууд̣̇аахаран̣ам̣. од̇хим̣ ад̣̇ассзд̇ваад̇и маханд̇аг̇г̇ахан̣авасзна од̇хим̣ агад̇ваа. сийхзна вияаад̇и сад̣̇исууд̣̇аахаран̣ам̣. со гира сабад̣̇аанамзва каад̣̇ад̇и.
Nissandapāṭikulyataṃ paccavekkhantopi kabaḷīkārāhāraṃ parivīmaṃsati. Yathā te jāyampatikātiādipi opammasaṃsandanaṃ. ‘‘Paribhuñjitabbo āhāro’’ti padaṃ ānetvā sambandhitabbaṃ. Esa nayo ito paresupi. Apaṭikkhipitvāti anapanetvā. Vaṭṭakena viya kukkuṭena viya cāti visadisūdāharaṇaṃ. Odhiṃ adassetvāti mahantaggahaṇavasena odhiṃ akatvā. Sīhena viyāti sadisūdāharaṇaṃ. So kira sapadānameva khādati.
аг̇ад̇хид̇аамужчид̇аад̣̇ибхаавзна барибхун̃ж̇ид̇аб̣б̣ад̇о ‘‘амажчарааяид̇ваа’’д̇иаад̣̇и вуд̇д̇ам̣. аб̣бханд̇арз ад̇д̇аа наама ад̇т̇ийд̇и д̣̇идти ад̇д̇уубалад̣̇д̇хи, д̇ам̣сахаг̇ад̇зна саммохзна ад̇д̇аа аахаарам̣ барибхун̃ж̇ад̇ийд̇и. сад̇исамбаж̇ан̃н̃авасзнабийд̇и ‘‘асид̇з бийд̇з кааяид̇з сааяид̇з самбаж̇аанагаарий ход̇ий’’д̇и зд̇т̇а вуд̇д̇асад̇исамбаж̇ан̃н̃авасзнаби.
Agadhitaamucchitādibhāvena paribhuñjitabbato ‘‘amaccharāyitvā’’tiādi vuttaṃ. Abbhantare attā nāma atthīti diṭṭhi attūpaladdhi, taṃsahagatena sammohena attā āhāraṃ paribhuñjatīti. Satisampajaññavasenapīti ‘‘asite pīte khāyite sāyite sampajānakārī hotī’’ti ettha vuttasatisampajaññavasenapi.
‘‘ахо вад̇а маяам̣…бз… лабхзяяа’’нд̇и бад̇т̇анам̣ ваа, ‘‘хияяо вияа…бз… на лад̣̇д̇ха’’нд̇и анусожанам̣ ваа агад̇ваад̇и яож̇анаа.
‘‘Aho vata mayaṃ…pe… labheyya’’nti patthanaṃ vā, ‘‘hiyyo viya…pe… na laddha’’nti anusocanaṃ vā akatvāti yojanā.
‘‘саннид̇хим̣ на агам̣су, бхуумияам̣ ваа никан̣им̣су, аг̇г̇инаа ваа жхаабаяим̣суу’’д̇и на-гаарам̣ аанзд̇ваа яож̇анаа. звам̣ саб̣б̣ад̇т̇а.
‘‘Sannidhiṃ na akaṃsu, bhūmiyaṃ vā nikhaṇiṃsu, agginā vā jhāpayiṃsū’’ti na-kāraṃ ānetvā yojanā. Evaṃ sabbattha.
бин̣д̣абаад̇ам̣ ваа ахийл̣знд̇зна д̣̇ааяагам̣ ваа ахийл̣знд̇зна барибхун̃ж̇ид̇аб̣б̣од̇и яож̇анаа. са бад̇д̇абаан̣ийд̇и со бад̇д̇ахад̇т̇о. нааваж̇аанияаад̇и на аваж̇аанияаа. ад̇иман̃н̃ад̇ийд̇и ад̇иггамид̇ваа ман̃н̃ад̇и, аваж̇аанаад̇ийд̇и ад̇т̇о.
Piṇḍapātaṃ vā ahīḷentena dāyakaṃ vā ahīḷentena paribhuñjitabboti yojanā. Sa pattapāṇīti so pattahattho. Nāvajāniyāti na avajāniyā. Atimaññatīti atikkamitvā maññati, avajānātīti attho.
‘‘д̇ийхи барин̃н̃аахи барин̃н̃аад̇з’’д̇и вад̇ваа д̇аахи габ̣ал̣ийгаараахаарасса бариж̇аананавид̇хим̣ д̣̇ассзнд̇о ‘‘гат̇а’’нд̇иаад̣̇имааха. д̇ад̇т̇а савад̇т̇угавасзнаад̇и сасамбхааравасзна, сабхаавад̇о бана руубаахаран̣ам̣ ож̇амад̇д̇ам̣ ход̇и. ид̣̇ан̃хи габ̣ал̣ийгаараахаарасса лагкан̣ам̣. гаамам̣ расаарамман̣ам̣ ж̇ивхаабасаад̣̇з бадихан̃н̃ад̇и, д̇зна бана авинаабхаавад̇о самбад̇д̇ависаяаг̇аахид̇ааяа жа ж̇ивхаабасаад̣̇асса ‘‘ож̇адтамагаруубам̣ гад̇т̇а бадихан̃н̃ад̇ий’’д̇и вуд̇д̇ам̣. д̇ассаад̇и ж̇ивхаабасаад̣̇асса . имз д̇хаммаад̇и имз яат̇аавуд̇д̇абхууд̇убаад̣̇ааяад̇хаммаа. д̇анд̇и руубаканд̇хам̣. бариг̇г̇ан̣хад̇од̇и бариг̇г̇ан̣ханд̇асса. уббаннаа пассабан̃жамагаа д̇хаммаад̇и саб̣б̣зби яз яат̇аанид̣̇д̇хаарид̇аа, д̇зхи сахаббавад̇д̇аава саб̣б̣зби имз. сарасалагкан̣ад̇од̇и ад̇д̇ано гижжад̇о лагкан̣ад̇о жа. д̇зсам̣ наамаруубабхаавзна вавад̇т̇абид̇аанам̣ бан̃жаннам̣ канд̇хаанам̣ бажжаяо вин̃н̃аан̣ам̣. ‘‘д̇асса сан̇каараа д̇зсам̣ авиж̇ж̇аа’’д̇и звам̣ уд̣̇д̇хам̣ аароханавасзна бажжаяам̣. ад̇хоороханавасзна бана сал̣ааяад̇анаад̣̇игз бариязсанд̇о ануломабадиломам̣ бадижжасамуббаад̣̇ам̣ бассад̇и. сал̣ааяад̇анаад̣̇аяоби хи руубааруубад̇хаммаанам̣ яат̇аарахам̣ бажжаяабхаавзна вавад̇т̇абзд̇аб̣б̣аад̇и. яаат̇аавад̇о д̣̇идтад̇д̇аад̇и ‘‘ид̣̇ам̣ руубам̣, зд̇д̇агам̣ руубам̣, на ид̇о бхияяо, ид̣̇ам̣ наамам̣, зд̇д̇агам̣ наамам̣, на ид̇о бхияяо’’д̇и жа яат̇аабхууд̇ам̣ д̣̇идтад̇д̇аа. анижжаанубассанаа, д̣̇угкаанубассанаа, анад̇д̇аанубассанаа, ниб̣б̣ид̣̇аанубассанаа, вирааг̇аанубассанаа, нирод̇хаанубассанаа, бадиниссаг̇г̇аанубассанаад̇и имаасам̣ сад̇д̇аннам̣ анубассанаанам̣ васзна. сод̇и габ̣ал̣ийгаараахааро. д̇илагкан̣а…бз… сан̇каад̇ааяаад̇и анижжад̇аад̣̇ийнам̣ д̇ин̣н̣ам̣ лагкан̣аанам̣ бадивиж̇жханавасзна лагкан̣аванд̇асаммасанавасзна жа бавад̇д̇ан̃аан̣асан̇каад̇ааяа. барин̃н̃аад̇о ход̇и анавасзсад̇о наамаруубасса н̃аад̇ад̇д̇аа д̇аббарияаабаннад̇д̇аа жа аахаарасса. д̇знааха ‘‘д̇асмим̣ язваа’’д̇иаад̣̇и. чанд̣̇арааг̇аавагад̣дханзнаад̇и чанд̣̇арааг̇асса баж̇аханзна.
‘‘Tīhi pariññāhi pariññāte’’ti vatvā tāhi kabaḷīkārāhārassa parijānanavidhiṃ dassento ‘‘katha’’ntiādimāha. Tattha savatthukavasenāti sasambhāravasena, sabhāvato pana rūpāharaṇaṃ ojamattaṃ hoti. Idañhi kabaḷīkārāhārassa lakkhaṇaṃ. Kāmaṃ rasārammaṇaṃ jivhāpasāde paṭihaññati, tena pana avinābhāvato sampattavisayagāhitāya ca jivhāpasādassa ‘‘ojaṭṭhamakarūpaṃ kattha paṭihaññatī’’ti vuttaṃ. Tassāti jivhāpasādassa . Ime dhammāti ime yathāvuttabhūtupādāyadhammā. Tanti rūpakhandhaṃ. Pariggaṇhatoti pariggaṇhantassa. Uppannā phassapañcamakā dhammāti sabbepi ye yathāniddhāritā, tehi sahappavattāva sabbepi ime. Sarasalakkhaṇatoti attano kiccato lakkhaṇato ca. Tesaṃ nāmarūpabhāvena vavatthapitānaṃ pañcannaṃ khandhānaṃ paccayo viññāṇaṃ. ‘‘Tassa saṅkhārā tesaṃ avijjā’’ti evaṃ uddhaṃ ārohanavasena paccayaṃ. Adhoorohanavasena pana saḷāyatanādike pariyesanto anulomapaṭilomaṃ paṭiccasamuppādaṃ passati. Saḷāyatanādayopi hi rūpārūpadhammānaṃ yathārahaṃ paccayabhāvena vavatthapetabbāti. Yāthāvato diṭṭhattāti ‘‘idaṃ rūpaṃ, ettakaṃ rūpaṃ, na ito bhiyyo, idaṃ nāmaṃ, ettakaṃ nāmaṃ, na ito bhiyyo’’ti ca yathābhūtaṃ diṭṭhattā. Aniccānupassanā, dukkhānupassanā, anattānupassanā, nibbidānupassanā, virāgānupassanā, nirodhānupassanā, paṭinissaggānupassanāti imāsaṃ sattannaṃ anupassanānaṃ vasena. Soti kabaḷīkārāhāro. Tilakkhaṇa…pe… saṅkhātāyāti aniccatādīnaṃ tiṇṇaṃ lakkhaṇānaṃ paṭivijjhanavasena lakkhaṇavantasammasanavasena ca pavattañāṇasaṅkhātāya. Pariññāto hoti anavasesato nāmarūpassa ñātattā tappariyāpannattā ca āhārassa. Tenāha ‘‘tasmiṃ yevā’’tiādi. Chandarāgāvakaḍḍhanenāti chandarāgassa pajahanena.
бан̃жа гаамаг̇ун̣аа гааран̣абхууд̇аа зд̇асса ад̇т̇ийд̇и бан̃жагаамаг̇ун̣иго. д̇знааха ‘‘бан̃жагаамаг̇ун̣асамбхаво’’д̇и. згиссаа д̇ан̣хааяа барин̃н̃аа згабарин̃н̃аа. саб̣б̣асса бан̃жагаамаг̇ун̣игасса рааг̇асса барин̃н̃аа, саб̣б̣абарин̃н̃аа. д̇ад̣̇убхаяассаби муулабхууд̇асса аахаарасса барин̃н̃аа муулабарин̃н̃аа. ид̣̇аани имаа д̇иссоби барин̃н̃ааяо вибхааг̇зна д̣̇ассзд̇ум̣ ‘‘яо бхигкуу’’д̇иаад̣̇и аарад̣̇д̇хам̣. ж̇ивхаад̣̇ваарз згарасад̇ан̣хам̣ бариж̇аанаад̇ийд̇и ж̇ивхааяа расам̣ сааяид̇ваа ид̇и бадисан̃жигкад̇и ‘‘яо яамзд̇т̇а расо, со вад̇т̇угаамавасзна ож̇адтамагаруубам̣ ход̇и ж̇ивхааяад̇анам̣ басаад̣̇о. со гим̣ ниссид̇о? жад̇умахаабхууд̇аниссид̇о. д̇ам̣сахаж̇аад̇о ван̣н̣о г̇анд̇хо расо ож̇аа ж̇ийвид̇инд̣̇рияанд̇и имз д̇хаммаа руубагканд̇хо наама. яо д̇асмим̣ расз ассаад̣̇о, аяам̣ расад̇ан̣хаа. д̇ам̣сахаг̇ад̇аа пассаад̣̇аяо д̇хаммаа жад̇д̇ааро аруубагканд̇хаа’’д̇иаад̣̇ивасзна. саб̣б̣ам̣ адтагат̇ааяам̣ ааг̇ад̇авасзна взд̣̇ид̇аб̣б̣ам̣. д̇знааха ‘‘д̇зна бан̃жагаамаг̇ун̣иго рааг̇о барин̃н̃аад̇ова ход̇ий’’д̇и. д̇ад̇т̇а д̇знаад̇и яо бхигку ж̇ивхаад̣̇ваарз расад̇ан̣хам̣ бариж̇аанаад̇и, д̇зна. гат̇ам̣ бана згасмим̣ д̣̇ваарз д̇ан̣хам̣ бариж̇аанад̇о бан̃жасу д̣̇ваарзсу рааг̇о барин̃н̃аад̇о ход̇ийд̇и ааха ‘‘гасмаа’’д̇иаад̣̇и. д̇ассааязваад̇и д̇ан̣хааяа зва д̇ан̣хаасааман̃н̃ад̇о згад̇д̇анаяавасзна вуд̇д̇ам̣. д̇ад̇т̇аад̇и бан̃жасу д̣̇ваарзсу. уббаж̇ж̇анад̇од̇и руубарааг̇аад̣̇ибхаавзна уббаж̇ж̇анад̇о. лобхо зва хи д̇ан̣хааяанадтзна ‘‘д̇ан̣хаа’’д̇иби, раж̇ж̇анадтзна ‘‘рааг̇о’’д̇иби вужжад̇и. д̇знааха ‘‘сааязва хий’’д̇иаад̣̇и. ид̣̇аани вуд̇д̇амзвад̇т̇ам̣ ‘‘яат̇аа’’д̇иаад̣̇инаа убамааяа самбин̣д̣зд̇и. бан̃жамаг̇г̇з ханад̇од̇и бан̃жасу маг̇г̇зсу сан̃жарид̇д̇ам̣ гаронд̇зна маг̇г̇аг̇аамино хананд̇о ‘‘маг̇г̇з ханад̇о’’д̇и вуд̇д̇о.
Pañca kāmaguṇā kāraṇabhūtā etassa atthīti pañcakāmaguṇiko. Tenāha ‘‘pañcakāmaguṇasambhavo’’ti. Ekissā taṇhāya pariññā ekapariññā. Sabbassa pañcakāmaguṇikassa rāgassa pariññā, sabbapariññā. Tadubhayassapi mūlabhūtassa āhārassa pariññā mūlapariññā. Idāni imā tissopi pariññāyo vibhāgena dassetuṃ ‘‘yo bhikkhū’’tiādi āraddhaṃ. Jivhādvāre ekarasataṇhaṃ parijānātīti jivhāya rasaṃ sāyitvā iti paṭisañcikkhati ‘‘yo yamettha raso, so vatthukāmavasena ojaṭṭhamakarūpaṃ hoti jivhāyatanaṃ pasādo. So kiṃ nissito? Catumahābhūtanissito. Taṃsahajāto vaṇṇo gandho raso ojā jīvitindriyanti ime dhammā rūpakkhandho nāma. Yo tasmiṃ rase assādo, ayaṃ rasataṇhā. Taṃsahagatā phassādayo dhammā cattāro arūpakkhandhā’’tiādivasena. Sabbaṃ aṭṭhakathāyaṃ āgatavasena veditabbaṃ. Tenāha ‘‘tena pañcakāmaguṇiko rāgo pariññātova hotī’’ti. Tattha tenāti yo bhikkhu jivhādvāre rasataṇhaṃ parijānāti, tena. Kathaṃ pana ekasmiṃ dvāre taṇhaṃ parijānato pañcasu dvāresu rāgo pariññāto hotīti āha ‘‘kasmā’’tiādi. Tassāyevāti taṇhāya eva taṇhāsāmaññato ekattanayavasena vuttaṃ. Tatthāti pañcasu dvāresu. Uppajjanatoti rūparāgādibhāvena uppajjanato. Lobho eva hi taṇhāyanaṭṭhena ‘‘taṇhā’’tipi, rajjanaṭṭhena ‘‘rāgo’’tipi vuccati. Tenāha ‘‘sāyeva hī’’tiādi. Idāni vuttamevatthaṃ ‘‘yathā’’tiādinā upamāya sampiṇḍeti. Pañcamagge hanatoti pañcasu maggesu sañcarittaṃ karontena maggagāmino hananto ‘‘magge hanato’’ti vutto.
саб̣яан̃ж̇анз бин̣д̣абаад̇асан̃н̃ид̇з бхад̇д̇асамуухз манун̃н̃з руубз руубасад̣̇д̣̇аад̣̇аяо лаб̣бханд̇и, д̇ад̇т̇а бан̃жагаамаг̇ун̣арааг̇асса самбхавам̣ д̣̇ассзд̇ум̣ ‘‘гат̇а’’нд̇иаад̣̇и вуд̇д̇ам̣. сад̇исамбаж̇ан̃н̃зна бариг̇г̇ахзд̇ваад̇и саб̣б̣абхааг̇иязна гаммадтаанабарибаалагзна бариг̇г̇ахзд̇ваа. нижчанд̣̇арааг̇абарибхог̇знаад̇и маг̇г̇аад̇хиг̇амасид̣̇д̇хзна нижчанд̣̇арааг̇абарибхог̇зна барибхуд̇д̇з. сод̇и гаамаг̇ун̣иго рааг̇о.
Sabyañjane piṇḍapātasaññite bhattasamūhe manuññe rūpe rūpasaddādayo labbhanti, tattha pañcakāmaguṇarāgassa sambhavaṃ dassetuṃ ‘‘katha’’ntiādi vuttaṃ. Satisampajaññena pariggahetvāti sabbabhāgiyena kammaṭṭhānaparipālakena pariggahetvā. Nicchandarāgaparibhogenāti maggādhigamasiddhena nicchandarāgaparibhogena paribhutte. Soti kāmaguṇiko rāgo.
д̇асмим̣ сад̇ийд̇и габ̣ал̣ийгаараахаарз сад̇и. д̇ассаад̇и бан̃жагаамаг̇ун̣игарааг̇асса. уббад̇д̇ид̇од̇и уббаж̇ж̇анад̇о. на хи аахаараалаабхзна ж̇игхажчаад̣̇уб̣б̣аляабарзд̇асса гаамабарибхог̇ижчаа самбхавад̇и. убаниж̇жхаанажид̇д̇анд̇и рааг̇авасзна ан̃н̃аман̃н̃ам̣ ологанажид̇д̇ам̣.
Tasmiṃ satīti kabaḷīkārāhāre sati. Tassāti pañcakāmaguṇikarāgassa. Uppattitoti uppajjanato. Na hi āhārālābhena jighacchādubbalyaparetassa kāmaparibhogicchā sambhavati. Upanijjhānacittanti rāgavasena aññamaññaṃ olokanacittaṃ.
над̇т̇и д̇ам̣ сам̣яож̇ананд̇и бан̃жавид̇хамби уд̣̇д̇хамбхааг̇ияасам̣яож̇анам̣ санд̇хааяа вуд̇д̇ам̣. д̇знааха ‘‘д̇зна рааг̇зна…бз… над̇т̇ий’’д̇и. д̇знаад̇и гаамарааг̇зна. зд̇д̇агзнаад̇и яат̇аавуд̇д̇ааяа д̣̇зсанааяа. гат̇зд̇ум̣ ваддад̇ийд̇и имам̣ батамаахаарагат̇ам̣ гат̇знд̇зна д̇хаммагат̇игзна.
Natthi taṃ saṃyojananti pañcavidhampi uddhambhāgiyasaṃyojanaṃ sandhāya vuttaṃ. Tenāha ‘‘tena rāgena…pe… natthī’’ti. Tenāti kāmarāgena. Ettakenāti yathāvuttāya desanāya. Kathetuṃ vaṭṭatīti imaṃ paṭhamāhārakathaṃ kathentena dhammakathikena.
батамаахаараван̣н̣анаа нидтид̇аа.
Paṭhamāhāravaṇṇanā niṭṭhitā.
д̣̇уд̇ияаахаараван̣н̣анаа
Dutiyāhāravaṇṇanā
д̣̇уд̇иязд̇и д̣̇уд̇ияз аахаарз. уд̣̇д̣̇аалид̇ажаммаад̇и уббаадид̇ажаммаа, саб̣б̣асо абанийд̇ажаммаад̇и ад̇т̇о. на саггод̇и д̣̇уб̣б̣алабхаавад̇о, д̇ат̇аа хи ид̇т̇ий ‘‘аб̣алаа’’д̇и вужжад̇и. силаагуддаад̣̇ийнанд̇и аад̣̇и-сад̣̇д̣̇зна идтагагуддамад̇д̇игаагуддаад̣̇ийнам̣ сан̇г̇ахо. ун̣н̣анаабхийд̇и маггадагам̣. сараб̣ууд̇и гхараг̇ол̣игаа . ужжаалин̇г̇абаан̣агаа наама ломасаа баан̣агаа. аагаасаниссид̇аад̇и аагаасажаарино. лун̃жид̇ваад̇и уббаадзд̇ваа.
Dutiyeti dutiye āhāre. Uddālitacammāti uppāṭitacammā, sabbaso apanītacammāti attho. Na sakkoti dubbalabhāvato, tathā hi itthī ‘‘abalā’’ti vuccati. Silākuṭṭādīnanti ādi-saddena iṭṭhakakuṭṭamattikākuṭṭādīnaṃ saṅgaho. Uṇṇanābhīti makkaṭakaṃ. Sarabūti gharagoḷikā . Uccāliṅgapāṇakā nāma lomasā pāṇakā. Ākāsanissitāti ākāsacārino. Luñcitvāti uppāṭetvā.
д̇иссо барин̃н̃аад̇и хздтаа вуд̇д̇аа н̃аад̇абарин̃н̃аад̣̇аяо д̇иссо барин̃н̃аа. д̇аммуулагад̇д̇аад̇и пассамуулагад̇д̇аа. д̣̇зсанаа яаава арахад̇д̇аа гат̇ид̇аа саб̣б̣асо взд̣̇анаасу барин̃н̃аад̇аасу гилзсаанам̣ лзсассаби абхаавад̇о.
Tisso pariññāti heṭṭhā vuttā ñātapariññādayo tisso pariññā. Tammūlakattāti phassamūlakattā. Desanā yāva arahattā kathitā sabbaso vedanāsu pariññātāsu kilesānaṃ lesassapi abhāvato.
д̣̇уд̇ияаахаараван̣н̣анаа нидтид̇аа.
Dutiyāhāravaṇṇanā niṭṭhitā.
д̇ад̇ияаахаараван̣н̣анаа
Tatiyāhāravaṇṇanā
ан̇г̇аарагаасунд̇и ан̇г̇аарараасим̣. пун̣анд̇ийд̇и ад̇д̇ано убари саяамзва аагиранд̇ийд̇и ад̇т̇о. д̇знааха ‘‘нараа руд̣̇анд̇аа барид̣̇ад̣дхаг̇ад̇д̇аа’’д̇и. нараад̇и бурисаад̇и ад̇т̇о, на мануссаа. бхаяан̃хи мам̣ винд̣̇ад̇ийд̇и бхаяасса васзна гаронд̇о бхаяам̣ лабхад̇и наама. санд̇арамаановаад̇и судту д̇арамаано зва худ̇ваа. борисам̣ вужжад̇и бурисаббамаан̣ам̣, д̇асмаа ад̇ирзгаборисаа бурисаббамаан̣ад̇о ад̇хигаа. д̇знааха ‘‘бан̃жарад̇анаббамаан̣аа’’д̇и. ассаад̇и гаасуяаа. д̇ад̣̇абхаавзд̇и д̇зсам̣ ж̇аалаад̇хуумаанам̣ абхаавз. аарагаавассаад̇и аарагаа зва асса.
Aṅgārakāsunti aṅgārarāsiṃ. Phuṇantīti attano upari sayameva ākirantīti attho. Tenāha ‘‘narā rudantā paridaḍḍhagattā’’ti. Narāti purisāti attho, na manussā. Bhayañhi maṃ vindatīti bhayassa vasena karonto bhayaṃ labhati nāma. Santaramānovāti suṭṭhu taramāno eva hutvā. Porisaṃ vuccati purisappamāṇaṃ, tasmā atirekaporisā purisappamāṇato adhikā. Tenāha ‘‘pañcaratanappamāṇā’’ti. Assāti kāsuyā. Tadabhāveti tesaṃ jālādhūmānaṃ abhāve. Ārakāvassāti ārakā eva assa.
ан̇г̇аарагаасу вияа д̇збхуумагаваддам̣ згаад̣̇асаннам̣ аг̇г̇ийнам̣ васзна махаабарил̣аахад̇о. ж̇иви…бз… бут̇уж̇ж̇ано д̇зхи аг̇г̇ийхи д̣̇ахид̇аб̣б̣ад̇о. д̣̇вз б̣ала…бз… гаммам̣ анижчанд̇ассзва д̇асса ваддад̣̇угкз баад̇анад̇о. ааяуухануубагад̣дханаанам̣ гаалабхзд̣̇о на жинд̇зд̇аб̣б̣о зганд̇абхаавино паласса нибпаад̣̇ид̇ад̇д̇аад̇и ааха ‘‘гаммам̣ хий’’д̇иаад̣̇и.
Aṅgārakāsu viya tebhūmakavaṭṭaṃ ekādasannaṃ aggīnaṃ vasena mahāpariḷāhato. Jivi…pe… puthujjano tehi aggīhi dahitabbato. Dve bala…pe… kammaṃ anicchantasseva tassa vaṭṭadukkhe pātanato. Āyūhanūpakaḍḍhanānaṃ kālabhedo na cintetabbo ekantabhāvino phalassa nipphāditattāti āha ‘‘kammaṃ hī’’tiādi.
пассз вуд̇д̇анаязнзваад̇и д̇ад̇т̇а ‘‘пассо сан̇каарагканд̇хо’’д̇и вуд̇д̇ам̣, ид̇ха ‘‘маносан̃жзд̇анаа сан̇каарагканд̇хо’’д̇и вад̇д̇аб̣б̣ам̣. сзсам̣ вуд̇д̇анаяамзваад̇и. ‘‘д̇ан̣хаабажжаяаа убаад̣̇аанам̣, убаад̣̇аанабажжаяаа бхаво’’д̇и важанад̇о маносан̃жзд̇анааяа д̇ан̣хаа муулагааран̣анд̇и ааха ‘‘д̇ан̣хаамуулагад̇д̇аа маносан̃жзд̇анааяаа’’д̇и. д̇знааха ‘‘на хий’’д̇иаад̣̇и. гзжи бана яасмаа маносан̃жзд̇анааяа палабхууд̇ам̣ взд̣̇анам̣ бадижжа д̇ан̣хаа уббаж̇ж̇ад̇и, д̇асмаа звам̣ вуд̇д̇анд̇и вад̣̇анд̇и.
Phasse vuttanayenevāti tattha ‘‘phasso saṅkhārakkhandho’’ti vuttaṃ, idha ‘‘manosañcetanā saṅkhārakkhandho’’ti vattabbaṃ. Sesaṃ vuttanayamevāti. ‘‘Taṇhāpaccayā upādānaṃ, upādānapaccayā bhavo’’ti vacanato manosañcetanāya taṇhā mūlakāraṇanti āha ‘‘taṇhāmūlakattā manosañcetanāyā’’ti. Tenāha ‘‘na hī’’tiādi. Keci pana yasmā manosañcetanāya phalabhūtaṃ vedanaṃ paṭicca taṇhā uppajjati, tasmā evaṃ vuttanti vadanti.
д̇ад̇ияаахаараван̣н̣анаа нидтид̇аа.
Tatiyāhāravaṇṇanā niṭṭhitā.
жад̇уд̇т̇аахаараван̣н̣анаа
Catutthāhāravaṇṇanā
анидтабаабанавасзна д̇ам̣саман̇г̇ийбуг̇г̇алам̣ ааг̇ажчад̇ийд̇и ааг̇у, баабам̣, д̇ам̣ жарад̇и сийлзнаад̇и ааг̇ужаарий. д̇знааха ‘‘баабажаари’’нд̇и.
Aniṭṭhapāpanavasena taṃsamaṅgīpuggalaṃ āgacchatīti āgu, pāpaṃ, taṃ carati sīlenāti āgucārī. Tenāha ‘‘pāpacāri’’nti.
рааж̇аа вияа гаммам̣ барамиссарабхаавад̇о. ааг̇ужаарий бурисо вияа…бз… бут̇уж̇ж̇ано д̣̇угкавад̇т̇убхаавад̇о. аад̣̇иннаббахаараван̣аани д̇ийн̣и сад̇д̇исад̇аани вияа бут̇уж̇ж̇анасса аад̇урамаанамахаад̣̇угкабад̇идтам̣ бадисанд̇хивин̃н̃аан̣ам̣. д̇знааха сад̇д̇и…бз… д̣̇угканд̇и.
Rājā viya kammaṃ paramissarabhāvato. Āgucārī puriso viya…pe… puthujjano dukkhavatthubhāvato. Ādinnappahāravaṇāni tīṇi sattisatāni viya puthujjanassa āturamānamahādukkhapatiṭṭhaṃ paṭisandhiviññāṇaṃ. Tenāha satti…pe… dukkhanti.
д̇аммуулагад̇д̇аад̇и бадисанд̇хивин̃н̃аан̣амуулагад̇д̇аа ид̇о барам̣ бавад̇д̇анаамаруубасса.
Tammūlakattāti paṭisandhiviññāṇamūlakattā ito paraṃ pavattanāmarūpassa.
жад̇уд̇т̇аахаараван̣н̣анаа нидтид̇аа.
Catutthāhāravaṇṇanā niṭṭhitā.
буд̇д̇амам̣суубамасуд̇д̇аван̣н̣анаа нидтид̇аа.
Puttamaṃsūpamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. буд̇д̇амам̣суубамасуд̇д̇ам̣ • 3. Puttamaṃsūpamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. буд̇д̇амам̣суубамасуд̇д̇аван̣н̣анаа • 3. Puttamaṃsūpamasuttavaṇṇanā
