| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9-10. புத்தஸுத்தாதி³வண்ணனா
9-10. Puttasuttādivaṇṇanā
39-40. நவமே ப⁴தோதி போஸிதோ. தங் பன ப⁴ரணங் ஜாதகாலதோ பட்டா²ய ஸுக²பச்சயூபஹரணேன து³க்க²பச்சயாபஹரணேன ச பவத்திதந்தி த³ஸ்ஸேதுங் ‘‘அம்ஹேஹீ’’திஆதி³ வுத்தங். ஹத்த²பாத³வட்³ட⁴னாதீ³ஹீதி ஆதி³-ஸத்³தே³ன முகே²ன ஸிங்கா⁴னிகாபனயனநஹாபனமண்ட³னாதி³ஞ்ச ஸங்க³ண்ஹாதி. மாதாபிதூனங் ஸந்தகங் கெ²த்தாதி³ங் அவினாஸெத்வா ரக்கி²தங் தேஸங் பரம்பராய டி²தியா காரணங் ஹோதீதி ஆஹ ‘‘அம்ஹாகங் ஸந்தகங்…பே॰… குலவங்ஸோ சிரங் ட²ஸ்ஸதீ’’தி. ஸலாகப⁴த்தாதீ³னி அனுபச்சி²ந்தி³த்வாதி ஸலாகப⁴த்தாதீ³னி அவிச்சி²ந்தி³த்வா. யஸ்மா தா³யஜ்ஜப்படிலாப⁴ஸ்ஸ யொக்³யபா⁴வேன வத்தமானோயேவ தா³யஸ்ஸ படிபஜ்ஜிஸ்ஸதி, ந இதரோதி ஆஹ ‘‘குலவங்ஸானுரூபாய படிபத்தியா’’திஆதி³ . அத்தனா தா³யஜ்ஜாரஹங் கரொந்தோதி அத்தானங் தா³யஜ்ஜாரஹங் கரொந்தோ. மாதாபிதரோ ஹி அத்தனோ ஓவாதே³ அவத்தமானே மிச்சா²படிபன்னே தா³ரகே வினிச்ச²யங் க³ந்த்வா அபுத்தே கரொந்தி, தே தா³யஜ்ஜாரஹா ந ஹொந்தி. ஓவாதே³ வத்தமானே பன குலஸந்தகஸ்ஸ ஸாமிகே கரொந்தி. ததியதி³வஸதோ பட்டா²யாதி மததி³வஸதோ ததியதி³வஸதோ பட்டா²ய. ஸேஸங் ஸுவிஞ்ஞெய்யமேவ. த³ஸமங் உத்தானமேவ.
39-40. Navame bhatoti posito. Taṃ pana bharaṇaṃ jātakālato paṭṭhāya sukhapaccayūpaharaṇena dukkhapaccayāpaharaṇena ca pavattitanti dassetuṃ ‘‘amhehī’’tiādi vuttaṃ. Hatthapādavaḍḍhanādīhīti ādi-saddena mukhena siṅghānikāpanayananahāpanamaṇḍanādiñca saṅgaṇhāti. Mātāpitūnaṃ santakaṃ khettādiṃ avināsetvā rakkhitaṃ tesaṃ paramparāya ṭhitiyā kāraṇaṃ hotīti āha ‘‘amhākaṃ santakaṃ…pe… kulavaṃso ciraṃ ṭhassatī’’ti. Salākabhattādīni anupacchinditvāti salākabhattādīni avicchinditvā. Yasmā dāyajjappaṭilābhassa yogyabhāvena vattamānoyeva dāyassa paṭipajjissati, na itaroti āha ‘‘kulavaṃsānurūpāya paṭipattiyā’’tiādi . Attanā dāyajjārahaṃ karontoti attānaṃ dāyajjārahaṃ karonto. Mātāpitaro hi attano ovāde avattamāne micchāpaṭipanne dārake vinicchayaṃ gantvā aputte karonti, te dāyajjārahā na honti. Ovāde vattamāne pana kulasantakassa sāmike karonti. Tatiyadivasato paṭṭhāyāti matadivasato tatiyadivasato paṭṭhāya. Sesaṃ suviññeyyameva. Dasamaṃ uttānameva.
புத்தஸுத்தாதி³வண்ணனா நிட்டி²தா.
Puttasuttādivaṇṇanā niṭṭhitā.
ஸுமனவக்³க³வண்ணனா நிட்டி²தா.
Sumanavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
9. புத்தஸுத்தங் • 9. Puttasuttaṃ
10. மஹாஸாலபுத்தஸுத்தங் • 10. Mahāsālaputtasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
9. புத்தஸுத்தவண்ணனா • 9. Puttasuttavaṇṇanā
10. மஹாஸாலபுத்தஸுத்தவண்ணனா • 10. Mahāsālaputtasuttavaṇṇanā
