| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৯-১০. পুত্তসুত্তাদিৰণ্ণনা
9-10. Puttasuttādivaṇṇanā
৩৯-৪০. নৰমে ভতোতি পোসিতো। তং পন ভরণং জাতকালতো পট্ঠায সুখপচ্চযূপহরণেন দুক্খপচ্চযাপহরণেন চ পৰত্তিতন্তি দস্সেতুং ‘‘অম্হেহী’’তিআদি ৰুত্তং। হত্থপাদৰড্ঢনাদীহীতি আদি-সদ্দেন মুখেন সিঙ্ঘানিকাপনযননহাপনমণ্ডনাদিঞ্চ সঙ্গণ্হাতি। মাতাপিতূনং সন্তকং খেত্তাদিং অৰিনাসেত্ৰা রক্খিতং তেসং পরম্পরায ঠিতিযা কারণং হোতীতি আহ ‘‘অম্হাকং সন্তকং…পে॰… কুলৰংসো চিরং ঠস্সতী’’তি। সলাকভত্তাদীনি অনুপচ্ছিন্দিত্ৰাতি সলাকভত্তাদীনি অৰিচ্ছিন্দিত্ৰা। যস্মা দাযজ্জপ্পটিলাভস্স যোগ্যভাৰেন ৰত্তমানোযেৰ দাযস্স পটিপজ্জিস্সতি, ন ইতরোতি আহ ‘‘কুলৰংসানুরূপায পটিপত্তিযা’’তিআদি । অত্তনা দাযজ্জারহং করোন্তোতি অত্তানং দাযজ্জারহং করোন্তো। মাতাপিতরো হি অত্তনো ওৰাদে অৰত্তমানে মিচ্ছাপটিপন্নে দারকে ৰিনিচ্ছযং গন্ত্ৰা অপুত্তে করোন্তি, তে দাযজ্জারহা ন হোন্তি। ওৰাদে ৰত্তমানে পন কুলসন্তকস্স সামিকে করোন্তি। ততিযদিৰসতো পট্ঠাযাতি মতদিৰসতো ততিযদিৰসতো পট্ঠায। সেসং সুৰিঞ্ঞেয্যমেৰ। দসমং উত্তানমেৰ।
39-40. Navame bhatoti posito. Taṃ pana bharaṇaṃ jātakālato paṭṭhāya sukhapaccayūpaharaṇena dukkhapaccayāpaharaṇena ca pavattitanti dassetuṃ ‘‘amhehī’’tiādi vuttaṃ. Hatthapādavaḍḍhanādīhīti ādi-saddena mukhena siṅghānikāpanayananahāpanamaṇḍanādiñca saṅgaṇhāti. Mātāpitūnaṃ santakaṃ khettādiṃ avināsetvā rakkhitaṃ tesaṃ paramparāya ṭhitiyā kāraṇaṃ hotīti āha ‘‘amhākaṃ santakaṃ…pe… kulavaṃso ciraṃ ṭhassatī’’ti. Salākabhattādīni anupacchinditvāti salākabhattādīni avicchinditvā. Yasmā dāyajjappaṭilābhassa yogyabhāvena vattamānoyeva dāyassa paṭipajjissati, na itaroti āha ‘‘kulavaṃsānurūpāya paṭipattiyā’’tiādi . Attanā dāyajjārahaṃ karontoti attānaṃ dāyajjārahaṃ karonto. Mātāpitaro hi attano ovāde avattamāne micchāpaṭipanne dārake vinicchayaṃ gantvā aputte karonti, te dāyajjārahā na honti. Ovāde vattamāne pana kulasantakassa sāmike karonti. Tatiyadivasato paṭṭhāyāti matadivasato tatiyadivasato paṭṭhāya. Sesaṃ suviññeyyameva. Dasamaṃ uttānameva.
পুত্তসুত্তাদিৰণ্ণনা নিট্ঠিতা।
Puttasuttādivaṇṇanā niṭṭhitā.
সুমনৰগ্গৰণ্ণনা নিট্ঠিতা।
Sumanavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৯. পুত্তসুত্তং • 9. Puttasuttaṃ
১০. মহাসালপুত্তসুত্তং • 10. Mahāsālaputtasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৯. পুত্তসুত্তৰণ্ণনা • 9. Puttasuttavaṇṇanā
১০. মহাসালপুত্তসুত্তৰণ্ণনা • 10. Mahāsālaputtasuttavaṇṇanā
