5. буд̇д̇асуд̇д̇аван̣н̣анаа

74. бан̃жамз буд̇д̇аад̇и ад̇раж̇аа орасабуд̇д̇аа, д̣̇иннагаад̣̇аяоби ваа. санд̇од̇и бхаванд̇аа сам̣виж̇ж̇амаанаа логасминд̇и имасмим̣ логз убалаб̣бхамаанаа. ад̇т̇ибхаавзна санд̇о, баагадабхаавзна виж̇ж̇амаанаа. ад̇иж̇аад̇од̇и ад̇д̇ано г̇ун̣зхи маад̇аабид̇аро ад̇иггамид̇ваа ж̇аад̇о, д̇зхи ад̇хигаг̇ун̣од̇и ад̇т̇о. ануж̇аад̇од̇и г̇ун̣зхи маад̇аабид̇уунам̣ ануруубо худ̇ваа ж̇аад̇о, д̇зхи самаанаг̇ун̣од̇и ад̇т̇о. аваж̇аад̇од̇и г̇ун̣зхи маад̇аабид̇уунам̣ ад̇хамо худ̇ваа ж̇аад̇о, д̇зхи хийнаг̇ун̣од̇и ад̇т̇о. язхи бана г̇ун̣зхи яуд̇д̇о маад̇аабид̇уунам̣ ад̇хиго само хийнод̇и жа ад̇хиббзд̇о, д̇з вибхаж̇ид̇ваа д̣̇ассзд̇ум̣ ‘‘гат̇ан̃жа, бхигкавз, буд̇д̇о ад̇иж̇аад̇о ход̇ий’’д̇и гат̇зд̇угамяад̇ааяа бужчам̣ гад̇ваа ‘‘ид̇ха, бхигкавз, буд̇д̇ассаа’’д̇иаад̣̇инаа нид̣̇д̣̇зсо аарад̣̇д̇хо.

д̇ад̇т̇а на б̣уд̣̇д̇хам̣ саран̣ам̣ г̇ад̇аад̇иаад̣̇ийсу б̣уд̣̇д̇ход̇и саб̣б̣ад̇хаммзсу аббадихад̇ан̃аан̣анимид̇д̇аануд̇д̇аравимогкаад̇хиг̇амабарибхаавид̇ам̣ канд̇хасанд̇аанам̣, саб̣б̣ан̃н̃уд̇ан̃н̃аан̣абад̣̇адтаанам̣ ваа сажжаабхисамб̣од̇хим̣ убаад̣̇ааяа бан̃н̃ад̇д̇иго сад̇д̇аад̇исаяо б̣уд̣̇д̇хо. яат̇ааха –

‘‘б̣уд̣̇д̇ход̇и яо со бхаг̇аваа саяамбхуу анаажарияаго буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ бад̇д̇о, б̣алзсу жа васийбхаава’’нд̇и (жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.161) –

аяам̣ д̇аава ад̇т̇ад̇о б̣уд̣̇д̇хавибхааванаа.

б̣яан̃ж̇анад̇о бана саваасанааяа гилзсанид̣̇д̣̇ааяа ажжанд̇авиг̇амзна б̣уд̣̇д̇хаваа бадиб̣уд̣̇д̇хаваад̇и б̣уд̣̇д̇хо, б̣уд̣̇д̇хияаа ваа вигасид̇абхаавзна б̣уд̣̇д̇хаваа виб̣уд̣̇д̇хаваад̇и б̣уд̣̇д̇хо, б̣уж̇жхид̇аад̇и б̣уд̣̇д̇хо, б̣од̇хзд̇аад̇и б̣уд̣̇д̇ход̇и звамаад̣̇инаа наязна взд̣̇ид̇аб̣б̣о. яат̇ааха –

‘‘б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо, саб̣б̣ан̃н̃уд̇ааяа б̣уд̣̇д̇хо, саб̣б̣ад̣̇ассаавид̇ааяа б̣уд̣̇д̇хо, анан̃н̃анзяяад̇ааяа б̣уд̣̇д̇хо, висавид̇ааяа б̣уд̣̇д̇хо, кийн̣аасавасан̇каад̇зна б̣уд̣̇д̇хо, нирубаггилзсасан̇каад̇зна б̣уд̣̇д̇хо, зганд̇авийд̇арааг̇од̇и б̣уд̣̇д̇хо, зганд̇авийд̇ад̣̇осод̇и б̣уд̣̇д̇хо, зганд̇авийд̇амоход̇и б̣уд̣̇д̇хо, зганд̇аниггилзсод̇и б̣уд̣̇д̇хо, згааяанамаг̇г̇ам̣ г̇ад̇од̇и б̣уд̣̇д̇хо, зго ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и б̣уд̣̇д̇хо, аб̣уд̣̇д̇хивихад̇ад̇д̇аа б̣уд̣̇д̇хибадилаабхаад̇и б̣уд̣̇д̇хо, б̣уд̣̇д̇ход̇и жзд̇ам̣ наамам̣ на маад̇араа гад̇ам̣, на бид̇араа гад̇ам̣, на бхаад̇араа гад̇ам̣, на бхаг̇инияаа гад̇ам̣, на мид̇д̇аамажжзхи гад̇ам̣, на н̃аад̇исаалохид̇зхи гад̇ам̣, на саман̣аб̣раахман̣зхи гад̇ам̣, на д̣̇звад̇аахи гад̇ам̣, ат̇а ко вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ б̣од̇хияаа муулз саха саб̣б̣ан̃н̃уд̇ан̃н̃аан̣асса бадилаабхаа сажчигаа бан̃н̃ад̇д̇и, яад̣̇ид̣̇ам̣ б̣уд̣̇д̇хо’’д̇и (жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.162).

хим̣сад̇ийд̇и саран̣ам̣, саб̣б̣ам̣ анад̇т̇ам̣ абааяад̣̇угкам̣ саб̣б̣ам̣ сам̣саарад̣̇угкам̣ хим̣сад̇и винаасзд̇и вид̣̇д̇хам̣сзд̇ийд̇и ад̇т̇о. саран̣ам̣ г̇ад̇аад̇и ‘‘б̣уд̣̇д̇хо бхаг̇аваа амхаагам̣ саран̣ам̣ г̇ад̇и барааяан̣ам̣ бадисаран̣ам̣ агхасса ханд̇аа хид̇асса вид̇хаад̇аа’’д̇и иминаа ад̇хиббааязна б̣уд̣̇д̇хам̣ бхаг̇аванд̇ам̣ г̇ажчаама бхаж̇аама сзваама баяирубаасаама. звам̣ ваа ж̇аанаама б̣уж̇жхаамаад̇и звам̣ г̇ад̇аа убаг̇ад̇аа б̣уд̣̇д̇хам̣ саран̣ам̣ г̇ад̇аа. д̇аббадигкзбзна на б̣уд̣̇д̇хам̣ саран̣ам̣ г̇ад̇аа.

д̇хаммам̣ саран̣ам̣ г̇ад̇аад̇и ад̇хиг̇ад̇амаг̇г̇з сажчигад̇анирод̇хз яат̇аанусидтам̣ бадибаж̇ж̇амаанз жад̇уусу абааязсу абад̇амаанз гад̇ваа д̇хаарзд̇ийд̇и д̇хаммо. со ад̇т̇ад̇о арияамаг̇г̇о жзва ниб̣б̣аанан̃жа. вуд̇д̇ан̃хзд̇ам̣ –

‘‘яаавад̇аа, бхигкавз, д̇хаммаа сан̇кад̇аа, арияо адтан̇г̇иго маг̇г̇о д̇зсам̣ аг̇г̇амагкааяад̇ий’’д̇и вид̇т̇ааро (а. ни. 4.34).

на гзвалан̃жа арияамаг̇г̇аниб̣б̣аанаани зва, абижа ко арияапалзхи сад̣̇д̇хим̣ барияад̇д̇ид̇хаммо жа. вуд̇д̇ан̃хзд̇ам̣ чад̇д̇амаан̣авагавимаанз –

‘‘рааг̇авирааг̇аманзж̇амасогам̣,

д̇хаммамасан̇кад̇амаббадигуулам̣;

мад̇хурамимам̣ баг̇ун̣ам̣ сувибхад̇д̇ам̣,

д̇хаммамимам̣ саран̣ад̇т̇амубзхий’’д̇и. (ви. ва. 887);

д̇ад̇т̇а хи рааг̇авирааг̇од̇и маг̇г̇о гат̇ид̇о, анзж̇амасоганд̇и палам̣, д̇хаммасан̇кад̇анд̇и ниб̣б̣аанам̣, аббадигуулам̣ мад̇хурамимам̣ баг̇ун̣ам̣ сувибхад̇д̇анд̇и бидагад̇д̇аязна вибхад̇д̇аа саб̣б̣ад̇хаммагканд̇хаа гат̇ид̇аа. д̇ам̣ д̇хаммам̣ вуд̇д̇анаязна саран̣анд̇и г̇ад̇аа д̇хаммам̣ саран̣ам̣ г̇ад̇аа. д̇аббадигкзбзна на д̇хаммам̣ саран̣ам̣ г̇ад̇аа.

д̣̇идтисийласан̇гхаад̇зна сам̣хад̇од̇и сан̇гхо. со ад̇т̇ад̇о адтаарияабуг̇г̇аласамуухо. вуд̇д̇ан̃хзд̇ам̣ д̇асмим̣ зва вимаанз –

‘‘яад̇т̇а жа д̣̇инна махабпаламааху,

жад̇уусу сужийсу бурисаяуг̇зсу;

адта жа буг̇г̇ала д̇хаммад̣̇асаа д̇з,

сан̇гхамимам̣ саран̣ад̇т̇амубзхий’’д̇и. (ви. ва. 888);

д̇ам̣ сан̇гхам̣ вуд̇д̇анаязна саран̣анд̇и г̇ад̇аа сан̇гхам̣ саран̣ам̣ г̇ад̇аа. д̇аббадигкзбзна на сан̇гхам̣ саран̣ам̣ г̇ад̇аад̇и.

зд̇т̇а жа саран̣аг̇аманагосаллад̇т̇ам̣ саран̣ам̣ саран̣аг̇аманам̣, яо жа саран̣ам̣ г̇ажчад̇и саран̣аг̇аманаббабхзд̣̇о, палам̣, сам̣гилзсо, бхзд̣̇о, вод̣̇аананд̇и аяам̣ вид̇хи взд̣̇ид̇аб̣б̣о.

д̇ад̇т̇а бад̣̇ад̇т̇ад̇о д̇аава хим̣сад̇ийд̇и саран̣ам̣, саран̣аг̇ад̇аанам̣ д̇знзва саран̣аг̇аманзна бхаяам̣ санд̇аасам̣ д̣̇угкам̣ д̣̇уг̇г̇ад̇им̣ баригилзсам̣ ханад̇и винаасзд̇ийд̇и ад̇т̇о, рад̇анад̇д̇аяассзд̇ам̣ ад̇хиважанам̣. ат̇а ваа хид̇з бавад̇д̇анзна ахид̇аа нивад̇д̇анзна жа сад̇д̇аанам̣ бхаяам̣ хим̣сад̇ийд̇и б̣уд̣̇д̇хо саран̣ам̣, бхаваганд̇аарад̇о уд̇д̇ааран̣зна ассаасад̣̇аанзна жа д̇хаммо, аббагаанамби гаараанам̣ вибулапалабадилаабхагаран̣зна сан̇гхо. д̇асмаа иминааби барияааязна рад̇анад̇д̇аяам̣ саран̣ам̣. д̇аббасаад̣̇ад̇аг̇г̇аруд̇аахи вихад̇агилзсо д̇аббарааяан̣ад̇аагаараббавад̇д̇о жид̇д̇уббаад̣̇о саран̣аг̇аманам̣. д̇ам̣саман̇г̇исад̇д̇о саран̣ам̣ г̇ажчад̇и, вуд̇д̇аббагаарзна жид̇д̇уббаад̣̇зна ‘‘зд̇аани мз д̇ийн̣и рад̇анаани саран̣ам̣, зд̇аани барааяан̣а’’нд̇и звам̣ убзд̇ийд̇и ад̇т̇о. звам̣ д̇аава саран̣ам̣ саран̣аг̇аманам̣, яо жа саран̣ам̣ г̇ажчад̇ийд̇и ид̣̇ам̣ д̇аяам̣ взд̣̇ид̇аб̣б̣ам̣.

бабхзд̣̇ад̇о бана д̣̇увид̇хам̣ саран̣аг̇аманам̣ – логияам̣, логуд̇д̇аран̃жа. д̇ад̇т̇а логуд̇д̇арам̣ д̣̇идтасажжаанам̣ маг̇г̇агкан̣з саран̣аг̇аманубаггилзсасамужчзд̣̇зна аарамман̣ад̇о ниб̣б̣аанаарамман̣ам̣ худ̇ваа гижжад̇о сагалзби рад̇анад̇д̇аяз иж̇жхад̇и, логияам̣ бут̇уж̇ж̇анаанам̣ саран̣аг̇аманубаггилзсавигкамбханзна аарамман̣ад̇о б̣уд̣̇д̇хаад̣̇иг̇ун̣аарамман̣ам̣ худ̇ваа иж̇жхад̇и. д̇ам̣ ад̇т̇ад̇о б̣уд̣̇д̇хаад̣̇ийсу вад̇т̇уусу сад̣̇д̇хаабадилаабхо , сад̣̇д̇хаамуулигаа жа саммаад̣̇идти д̣̇асасу бун̃н̃агирияавад̇т̇уусу д̣̇идтиж̇угамманд̇и вужжад̇и.

д̇аяид̣̇ам̣ жад̇уд̇хаа бавад̇д̇ад̇и – ад̇д̇асаннияяаад̇анзна, д̇аббарааяан̣ад̇ааяа, сиссабхаавуубаг̇аманзна, бан̣ибаад̇знаад̇и. д̇ад̇т̇а ад̇д̇асаннияяаад̇анам̣ наама ‘‘аж̇ж̇а аад̣̇им̣ гад̇ваа ахам̣ ад̇д̇аанам̣ б̣уд̣̇д̇хасса нияяаад̇зми, д̇хаммасса, сан̇гхассаа’’д̇и звам̣ б̣уд̣̇д̇хаад̣̇ийнам̣ ад̇д̇абарижжаж̇анам̣. д̇аббарааяан̣ам̣ наама ‘‘аж̇ж̇а аад̣̇им̣ гад̇ваа ахам̣ б̣уд̣̇д̇хабарааяан̣о, д̇хаммабарааяан̣о, сан̇гхабарааяан̣о ид̇и мам̣ д̇хаарзхий’’д̇и звам̣ д̇аббадисаран̣абхааво д̇аббарааяан̣ад̇аа. сиссабхаавуубаг̇аманам̣ наама ‘‘аж̇ж̇а аад̣̇им̣ гад̇ваа ахам̣ б̣уд̣̇д̇хасса анд̇зваасиго, д̇хаммасса, сан̇гхасса ид̇и мам̣ д̇хаарзд̇уу’’д̇и звам̣ сиссабхаавасса убаг̇аманам̣. бан̣ибаад̇о наама ‘‘аж̇ж̇а аад̣̇им̣ гад̇ваа ахам̣ абхиваад̣̇анабажжудтаанаан̃ж̇алигаммасаамийжигаммам̣ б̣уд̣̇д̇хаад̣̇ийнам̣ зва д̇ин̣н̣ам̣ вад̇т̇уунам̣ гароми ид̇и мам̣ д̇хаарзд̇уу’’д̇и звам̣ б̣уд̣̇д̇хаад̣̇ийсу бараманибажжагааро. имзсан̃хи жад̇уннам̣ аагаараанам̣ ан̃н̃ад̇арам̣ гаронд̇зна г̇ахид̇ам̣ зва ход̇и саран̣аг̇аманам̣.

абижа ‘‘бхаг̇авад̇о ад̇д̇аанам̣ барижжаж̇аами, д̇хаммасса, сан̇гхасса ад̇д̇аанам̣ барижжаж̇аами, ж̇ийвид̇ам̣ барижжаж̇аами, барижжад̇д̇о зва мз ад̇д̇аа ж̇ийвид̇ан̃жа, ж̇ийвид̇абарияанд̇игам̣ б̣уд̣̇д̇хам̣ саран̣ам̣ г̇ажчаами, б̣уд̣̇д̇хо мз саран̣ам̣ д̇аан̣ам̣ лзн̣а’’нд̇и звамби ад̇д̇асаннияяаад̇анам̣ взд̣̇ид̇аб̣б̣ам̣. ‘‘сад̇т̇ааран̃жа вад̇аахам̣ бассзяяам̣, бхаг̇аванд̇амзва бассзяяам̣; суг̇ад̇ан̃жа вад̇аахам̣ бассзяяам̣, бхаг̇аванд̇амзва бассзяяам̣; саммаасамб̣уд̣̇д̇хан̃жа вад̇аахам̣ бассзяяам̣; бхаг̇аванд̇амзва бассзяяа’’нд̇и (сам̣. ни. 2.154) звам̣ махаагассабад̇т̇зрасса саран̣аг̇аманам̣ вияа сиссабхаавуубаг̇аманам̣ д̣̇адтаб̣б̣ам̣.

‘‘со ахам̣ вижариссаами, г̇аамаа г̇аамам̣ бураа бурам̣;

намассамаано самб̣уд̣̇д̇хам̣, д̇хаммасса жа суд̇хаммад̇а’’нд̇и. (сам̣. ни. 1.246; су. ни. 194) –

звам̣ аал̣авагаад̣̇ийнам̣ саран̣аг̇аманам̣ вияа д̇аббарааяан̣ад̇аа взд̣̇ид̇аб̣б̣аа. ‘‘ат̇а ко, б̣рахмааяу, б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа бхаг̇авад̇о баад̣̇зсу сирасаа нибад̇ид̇ваа бхаг̇авад̇о баад̣̇аани мукзна жа барижумб̣ад̇и, баан̣ийхи жа барисамб̣аахад̇и, нааман̃жа саавзд̇и ‘б̣рахмааяу ахам̣, бхо г̇од̇ама, б̣раахман̣о, б̣рахмааяу ахам̣, бхо г̇од̇ама, б̣раахман̣о’’’д̇и (ма. ни. 2.394) звам̣ бан̣ибаад̇о д̣̇адтаб̣б̣о.

со банзса н̃аад̇ибхаяаажарияад̣̇агкин̣зяяавасзна жад̇уб̣б̣ид̇хо ход̇и. д̇ад̇т̇а д̣̇агкин̣зяяабан̣ибаад̇зна саран̣аг̇аманам̣ ход̇и, на ид̇арзхи. сздтавасзнзва хи саран̣ам̣ г̇аяхад̇и, сздтавасзна бхиж̇ж̇ад̇и. д̇асмаа яо ‘‘аяамзва логз саб̣б̣асад̇д̇уд̇д̇амо аг̇г̇ад̣̇агкин̣зяяо’’д̇и ванд̣̇ад̇и, д̇знзва саран̣ам̣ г̇ахид̇ам̣ ход̇и, на н̃аад̇ибхаяаажарияасан̃н̃ааяа ванд̣̇анд̇зна. звам̣ г̇ахид̇асаран̣асса убаасагасса ваа убаасигааяа ваа ан̃н̃ад̇ид̇т̇иязсу баб̣б̣аж̇ид̇амби ‘‘н̃аад̇аго мз аяа’’нд̇и ванд̣̇ад̇о саран̣ам̣ на бхиж̇ж̇ад̇и, баг̇зва абаб̣б̣аж̇ид̇ам̣. д̇ат̇аа рааж̇аанам̣ бхаязна ванд̣̇ад̇о. со хи радтабууж̇ид̇ад̇д̇аа аванд̣̇ияамаано анад̇т̇амби гарзяяаад̇и. д̇ат̇аа яам̣гин̃жи сиббам̣ сигкаабагам̣ д̇ид̇т̇ияамби ‘‘аажарияо мз аяа’’нд̇и ванд̣̇ад̇оби на бхиж̇ж̇ад̇и. звам̣ саран̣аг̇аманасса бабхзд̣̇о взд̣̇ид̇аб̣б̣о.

зд̇т̇а жа логуд̇д̇арасса саран̣аг̇аманасса жад̇д̇аари сааман̃н̃апалаани вибаагапалам̣, саб̣б̣ад̣̇угкагкаяо аанисам̣сапалам̣. вуд̇д̇ан̃хзд̇ам̣ –

‘‘яо жа б̣уд̣̇д̇хан̃жа д̇хамман̃жа, сан̇гхан̃жа саран̣ам̣ г̇ад̇о;

жад̇д̇аари арияасажжаани, саммаббан̃н̃ааяа бассад̇и.

‘‘д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;

арияам̣ жадтан̇г̇игам̣ маг̇г̇ам̣, д̣̇угкуубасамаг̇ааминам̣.

‘‘зд̇ам̣ ко саран̣ам̣ кзмам̣, зд̇ам̣ саран̣амуд̇д̇амам̣;

зд̇ам̣ саран̣амааг̇амма, саб̣б̣ад̣̇угкаа бамужжад̇ий’’д̇и. (д̇ха. ба. 190-192);

абижа нижжад̇о анубаг̇аманаад̣̇ийниби зд̇асса аанисам̣сапалам̣ взд̣̇ид̇аб̣б̣ам̣. вуд̇д̇ан̃хзд̇ам̣ –

‘‘адтаанамзд̇ам̣, бхигкавз, анавагаасо, яам̣ д̣̇идтисамбанно буг̇г̇ало ган̃жи сан̇каарам̣ нижжад̇о убаг̇ажчзяяа, сукад̇о убаг̇ажчзяяа, ган̃жи д̇хаммам̣ ад̇д̇ад̇о убаг̇ажчзяяа, маад̇арам̣ ж̇ийвид̇аа воробзяяа, бид̇арам̣ ж̇ийвид̇аа воробзяяа, араханд̇ам̣ ж̇ийвид̇аа воробзяяа, д̣̇удтажид̇д̇о д̇ат̇ааг̇ад̇асса лохид̇ам̣ уббаад̣̇зяяа, сан̇гхам̣ бхинд̣̇зяяа, ан̃н̃ам̣ сад̇т̇аарам̣ уд̣̇д̣̇исзяяа нзд̇ам̣ таанам̣ виж̇ж̇ад̇ий’’д̇и (ма. ни. 3.127-128; а. ни. 1.268-276; вибха. 809).

логияасса бана саран̣аг̇аманасса бхавасамбад̣̇ааби бхог̇асамбад̣̇ааби паламзва. вуд̇д̇ан̃хзд̇ам̣ –

‘‘яз гзжи б̣уд̣̇д̇хам̣ саран̣ам̣ г̇ад̇аасз,

на д̇з г̇амиссанд̇и абааяабхуумим̣;

бахааяа маанусам̣ д̣̇зхам̣,

д̣̇звагааяам̣ барибуурзссанд̇ий’’д̇и. (сам̣. ни. 1.37);

абарамби вуд̇д̇ам̣ –

‘‘ат̇а ко сагго д̣̇зваанаминд̣̇о асийд̇ияаа д̣̇звад̇аасахассзхи сад̣̇д̇хим̣ язнааяасмаа махаамог̇г̇аллаано д̇знубасан̇гами…бз… згаманд̇ам̣ тид̇ам̣ ко саггам̣ д̣̇зваанаминд̣̇ам̣ ааяасмаа махаамог̇г̇аллаано зд̇ад̣̇авожа – ‘саад̇ху ко, д̣̇зваанаминд̣̇а, б̣уд̣̇д̇хам̣ саран̣аг̇аманам̣ ход̇и. б̣уд̣̇д̇хам̣ саран̣аг̇аманахзд̇у ко, д̣̇зваанаминд̣̇а, звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. д̇з ан̃н̃з д̣̇звз д̣̇асахи таанзхи ад̇хиг̇ан̣ханд̇и – д̣̇иб̣б̣зна ааяунаа, д̣̇иб̣б̣зна ван̣н̣зна, д̣̇иб̣б̣зна сукзна, д̣̇иб̣б̣зна яасзна, д̣̇иб̣б̣зна аад̇хибад̇зяязна, д̣̇иб̣б̣зхи руубзхи, д̣̇иб̣б̣зхи сад̣̇д̣̇зхи, д̣̇иб̣б̣зхи г̇анд̇хзхи, д̣̇иб̣б̣зхи расзхи, д̣̇иб̣б̣зхи подтаб̣б̣зхи…бз… д̇хаммам̣, сан̇гхам̣…бз… подтаб̣б̣зхий’’’д̇и (сам̣. ни. 4.341).

взлаамасуд̇д̇аад̣̇ивасзнаби (а. ни. 9.20) саран̣аг̇аманасса палависзсо взд̣̇ид̇аб̣б̣о. звам̣ саран̣аг̇аманасса палам̣ взд̣̇ид̇аб̣б̣ам̣.

логияасаран̣аг̇аманан̃жзд̇т̇а д̇ийсу вад̇т̇уусу ан̃н̃аан̣асам̣саяамижчаан̃аан̣аад̣̇ийхи сам̣гилиссад̇и, на махааж̇уд̇игам̣ ход̇и на махаавибпаарам̣. логуд̇д̇арасса бана сам̣гилзсо над̇т̇и. логияасса жа саран̣аг̇аманасса д̣̇увид̇хо бхзд̣̇о – сааваж̇ж̇о, анаваж̇ж̇о жа. д̇ад̇т̇а сааваж̇ж̇о ан̃н̃асад̇т̇аараад̣̇ийсу ад̇д̇асаннияяаад̇анаад̣̇ийхи ход̇и, со анидтапало. анаваж̇ж̇о гаалагирияааяа, со авибаагад̇д̇аа апало. логуд̇д̇арасса бана нзвад̇т̇и бхзд̣̇о. бхаванд̇арзби хи арияасааваго ан̃н̃ам̣ сад̇т̇аарам̣ на уд̣̇д̣̇исад̇ийд̇и звам̣ саран̣аг̇аманасса сам̣гилзсо жа бхзд̣̇о жа взд̣̇ид̇аб̣б̣о.

вод̣̇аанамби жа логияассзва яасса хи сам̣гилзсо, д̇ассзва д̇ад̇о вод̣̇аанзна бхавид̇аб̣б̣ам̣. логуд̇д̇арам̣ бана нижжавод̣̇аанамзваад̇и.

баан̣аад̇ибаад̇аад̇и зд̇т̇а баан̣асса сарасзнзва бад̇анасабхаавасса анд̇араа зва ад̇ибаад̇анам̣ ад̇ибаад̇о, сан̣игам̣ бад̇ид̇ум̣ ад̣̇ад̇ваа сийгхам̣ баад̇ананд̇и ад̇т̇о. ад̇иггамма ваа сад̇т̇аад̣̇ийхи абхибхавид̇ваа баад̇анам̣ ад̇ибаад̇о, баан̣агхаад̇од̇и вуд̇д̇ам̣ ход̇и. баан̣од̇и жзд̇т̇а канд̇хасанд̇аано, яо сад̇д̇од̇и вохарийяад̇и, барамад̇т̇ад̇о руубааруубаж̇ийвид̇инд̣̇рияам̣. руубаж̇ийвид̇инд̣̇рияз хи вигобид̇з ид̇арамби д̇ам̣самб̣анд̇хад̇ааяа винассад̇ийд̇и. д̇асмим̣ бана баан̣з баан̣асан̃н̃ино ж̇ийвид̇инд̣̇рияубажчзд̣̇агаубаггамасамудтаабигаа гааяаважийд̣̇ваараанам̣ ан̃н̃ад̇арад̣̇ваараббавад̇д̇аа вад̇хагажзд̇анаа баан̣аад̇ибаад̇о. яааяа хи жзд̇анааяа бавад̇д̇амаанасса ж̇ийвид̇инд̣̇рияасса ниссаяабхууд̇зсу убаггамагаран̣ахзд̇угамахаабхууд̇абажжаяаа уббаж̇ж̇анагамахаабхууд̇аа буримасад̣̇исаа на уббаж̇ж̇анд̇и, висад̣̇исаа зва уббаж̇ж̇анд̇и, саа д̇аад̣̇исаббаяог̇асамудтаабигаа жзд̇анаа баан̣аад̇ибаад̇о. лад̣̇д̇хуубаггамаани хи бхууд̇аани буримабхууд̇аани вияа на висад̣̇аанийд̇и самаанаж̇аад̇ияаанам̣ гааран̣аани на хонд̇ийд̇и. ‘‘гааяаважийд̣̇ваараанам̣ ан̃н̃ад̇арад̣̇ваараббавад̇д̇аа’’д̇и ид̣̇ам̣ манод̣̇ваарз бавад̇д̇ааяа вад̇хагажзд̇анааяа баан̣аад̇ибаад̇ад̇аасамбхавад̣̇ассанам̣. гулумб̣асуд̇д̇зби хи ‘‘ид̇хзгажжо саман̣о ваа б̣раахман̣о ваа ид̣̇д̇химаа жзд̇о васиббад̇д̇о ан̃н̃иссаа гужчиг̇ад̇ам̣ г̇аб̣бхам̣ баабагзна манасаа анубзгкид̇аа ход̇ий’’д̇и виж̇ж̇аамаяид̣̇д̇хи ад̇хиббзд̇аа. саа жа важийд̣̇ваарам̣ мун̃жид̇ваа на саггаа ниб̣б̣ад̇д̇зд̇унд̇и важийд̣̇вааравасзнзва ниббаж̇ж̇ад̇и. яз бана ‘‘бхааванаамаяид̣̇д̇хи д̇ад̇т̇а ад̇хиббзд̇аа’’д̇и вад̣̇анд̇и, д̇зсам̣ ваад̣̇о гусалад̇д̇игавзд̣̇анад̇д̇игавид̇аггад̇д̇игабхууманд̇арзхи вируж̇жхад̇и.

свааяам̣ баан̣аад̇ибаад̇о г̇ун̣арахид̇зсу д̇иражчаанаг̇ад̇аад̣̇ийсу куд̣̇д̣̇агз баан̣з аббасааваж̇ж̇о, махаасарийрз махаасааваж̇ж̇о. гасмаа? баяог̇амаханд̇ад̇ааяа. баяог̇асамад̇д̇зби вад̇т̇умаханд̇ад̇аад̣̇ийхи махаасааваж̇ж̇о, г̇ун̣аванд̇зсу мануссаад̣̇ийсу аббаг̇ун̣з баан̣з аббасааваж̇ж̇о, махааг̇ун̣з махаасааваж̇ж̇о . сарийраг̇ун̣аанам̣ бана самабхаавз сад̇и гилзсаанам̣ убаггамаанан̃жа муд̣̇уд̇ааяа аббасааваж̇ж̇о, д̇иб̣б̣ад̇ааяа махаасааваж̇ж̇о.

зд̇т̇а жа баяог̇авад̇т̇умаханд̇ад̇аад̣̇ийхи махаасааваж̇ж̇ад̇аа д̇зхи бажжаязхи уббаж̇ж̇амаанааяа жзд̇анааяа б̣алавабхаавад̇о взд̣̇ид̇аб̣б̣аа. яат̇аад̇хиббзд̇асса баяог̇асса сахасаа нибпаад̣̇анавасзна сагижжасаад̇хигааяа б̣ахугкад̇д̇ум̣ бавад̇д̇аж̇аванзхи лад̣̇д̇хаасзванааяа жа саннидтаабагажзд̇анааяа баяог̇асса маханд̇абхааво. сад̇иби гад̣̇аажи куд̣̇д̣̇агз жзва маханд̇з жа баан̣з баяог̇асса самабхаавз маханд̇ам̣ хананд̇асса жзд̇анаа д̇иб̣б̣ад̇араа уббаж̇ж̇ад̇ийд̇и вад̇т̇умаханд̇ад̇ааби жзд̇анааяа б̣алавабхаавасса гааран̣ам̣. ид̇и убхаяамбзд̇ам̣ жзд̇анааб̣алавабхаавзнзва махаасааваж̇ж̇ад̇ааяа хзд̇у ход̇и. д̇ат̇аа ханд̇аб̣б̣асса махааг̇ун̣абхаавз д̇ад̇т̇а бавад̇д̇аубагааражзд̇анаа вияа кзд̇д̇ависзсанибпад̇д̇ияаа абагааражзд̇анааби б̣алавад̇ий д̇иб̣б̣ад̇араа уббаж̇ж̇ад̇ийд̇и д̇асса махаасааваж̇ж̇ад̇аа д̣̇адтаб̣б̣аа. д̇асмаа баяог̇авад̇т̇уаад̣̇ибажжаяаанам̣ амахад̇д̇зби г̇ун̣амаханд̇ад̇аад̣̇ибажжаязхи жзд̇анааяа б̣алавабхаававасзнзва махаасааваж̇ж̇ад̇аа взд̣̇ид̇аб̣б̣аа.

д̇асса баан̣о, баан̣асан̃н̃ид̇аа, вад̇хагажид̇д̇ам̣, убаггамо, д̇зна маран̣анд̇и бан̃жа самбхаараа. бан̃жасамбхаараяуд̇д̇о баан̣аад̇ибаад̇од̇и бан̃жасамбхаараавинимуд̇д̇о д̣̇адтаб̣б̣о. д̇зсу баан̣асан̃н̃ид̇аавад̇хагажид̇д̇аани буб̣б̣абхааг̇ияааниби хонд̇и, убаггамо вад̇хагажзд̇анаасамудтаабид̇о. д̇асса ча баяог̇аа – саахад̇т̇иго, аан̣ад̇д̇иго, ниссаг̇г̇ияо, т̇ааваро, виж̇ж̇аамаяо, ид̣̇д̇химаяод̇и. д̇зсу сахад̇т̇зна ниб̣б̣ад̇д̇о саахад̇т̇иго. барзсам̣ аан̣аабанавасзна бавад̇д̇о аан̣ад̇д̇иго. усусад̇д̇иаад̣̇ийнам̣ ниссаж̇ж̇анавасзна бавад̇д̇о ниссаг̇г̇ияо. обаад̇акан̣анаад̣̇ивасзна бавад̇д̇о т̇ааваро. аат̇аб̣б̣ан̣игаад̣̇ийнам̣ вияа манд̇абариж̇аббанабаяог̇о виж̇ж̇аамаяо. д̣̇аатаагодданаад̣̇ийнам̣ вияа гаммавибаагаж̇ид̣̇д̇химаяо.

зд̇т̇ааха – кан̣з кан̣з нируж̇жханасабхаавзсу сан̇каарзсу, го ханд̇аа, го ваа хан̃н̃ад̇и? яад̣̇и жид̇д̇ажзд̇асигасанд̇аано, со аруубид̇ааяа на чзд̣̇анабхзд̣̇анаад̣̇ивасзна вигобанасамад̇т̇о, нааби вигобанийяо, ат̇а руубасанд̇аано, со ажзд̇анад̇ааяа гадтагалин̇г̇аруубамод̇и на д̇ад̇т̇а чзд̣̇анаад̣̇инаа баан̣аад̇ибаад̇о лаб̣бхад̇и, яат̇аа мад̇асарийрз. баяог̇оби баан̣аад̇ибаад̇асса яат̇аавуд̇д̇о бахаран̣аббахаараад̣̇иго ад̇ийд̇зсу сан̇каарзсу бхавзяяа анааг̇ад̇зсу бажжуббаннзсу ваа. д̇ад̇т̇а на д̇аава ад̇ийд̇зсу анааг̇ад̇зсу жа самбхавад̇и д̇зсам̣ авиж̇ж̇амаанасабхаавад̇д̇аа, бажжуббаннзсу жа сан̇каараанам̣ кан̣игад̇д̇аа сарасзнзва нируж̇жханасабхаавад̇ааяа винаасаабхимукзсу ниббаяож̇ано баяог̇о сияаа, винаасасса жа гааран̣арахид̇ад̇д̇аа на бахаран̣аббахаараад̣̇иббаяог̇ахзд̇угам̣ маран̣ам̣, нирийхад̇д̇аа жа сан̇каараанам̣ гасса со баяог̇о, кан̣игабхаавзна вад̇хаад̇хиббааяасамагааламзва бхиж̇ж̇анагасса яаава гирияаабарияосаанагааламанавадтаанад̇о гасса ваа баан̣аад̇ибаад̇о гаммаб̣анд̇ход̇и?

вужжад̇з – яат̇аавуд̇д̇авад̇хагажзд̇анаасаман̇г̇ий сан̇каараанам̣ бун̃ж̇о сад̇д̇асан̇каад̇о ханд̇аа. д̇зна бавад̇д̇ид̇авад̇хаббаяог̇анимид̇д̇ам̣ абаг̇ад̇усмаавин̃н̃аан̣аж̇ийвид̇инд̣̇рияо мад̇од̇и вохаарасса вад̇т̇убхууд̇о яат̇аавуд̇д̇авад̇хаббаяог̇аагаран̣з буб̣б̣з вияа уд̣̇д̇хам̣ бавад̇д̇анаарахо руубааруубад̇хаммабун̃ж̇о хан̃н̃ад̇и, жид̇д̇ажзд̇асигасанд̇аано зва ваа. вад̇хаббаяог̇аависаяабхаавзби д̇асса бан̃жавогаарабхавз руубасанд̇аанаад̇хийнавуд̇д̇ид̇ааяа бхууд̇аруубзсу гад̇аббаяог̇авасзна ж̇ийвид̇инд̣̇рияавижчзд̣̇зна соби вижчиж̇ж̇ад̇ийд̇и на баан̣аад̇ибаад̇асса асамбхаво, нааби ахзд̇уго, на жа баяог̇о ниббаяож̇ано. бажжуббаннзсу сан̇каарзсу гад̇аббаяог̇авасзна д̇ад̣̇ананд̇арам̣ уббаж̇ж̇анаарахасса сан̇каарагалаабасса д̇ат̇аа ануббад̇д̇ид̇о кан̣игаанан̃жа сан̇каараанам̣ кан̣игамаран̣асса ид̇ха маран̣абхаавзна анад̇хиббзд̇ад̇д̇аа санд̇ад̇имаран̣асса жа яат̇аавуд̇д̇анаязна сахзд̇угабхаавад̇о на ахзд̇угам̣ маран̣ам̣, нирийхагзсуби сан̇каарзсу яат̇аабажжаяам̣ уббаж̇ж̇ид̇ваа ад̇т̇ибхаавамад̇д̇знзва ад̇д̇ано ад̇д̇ано ануруубапалуббаад̣̇ананияад̇аани гааран̣ааниязва гаронд̇ийд̇и вужжад̇и, яат̇аа бад̣̇ийбо багаасзд̇ийд̇и, д̇ат̇зва гхаад̇агавохааро. на жа гзваласса вад̇хаад̇хиббааяасахабхуно жид̇д̇ажзд̇асигагалаабасса баан̣аад̇ибаад̇о ижчид̇о, санд̇аанавасзна вад̇д̇амаанассзва бана ижчид̇од̇и ад̇т̇зва баан̣аад̇ибаад̇зна гаммаб̣анд̇хо. санд̇аанавасзна вад̇д̇амаанаанан̃жа бад̣̇ийбаад̣̇ийнам̣ ад̇т̇агирияаасид̣̇д̇хи д̣̇иссад̇ийд̇и. аяан̃жа вижааран̣аа ад̣̇иннаад̣̇аанаад̣̇ийсуби яат̇аасамбхавам̣ вибхаавзд̇аб̣б̣аа. д̇асмаа баан̣аад̇ибаад̇аа. на бадивирад̇аад̇и аббадивирад̇аа.

ад̣̇иннасса аад̣̇аанам̣ ад̣̇иннаад̣̇аанам̣, барасса харан̣ам̣ т̇зяяам̣ жоригаад̇и вуд̇д̇ам̣ ход̇и. д̇ад̇т̇а ад̣̇иннанд̇и барабариг̇г̇ахид̇ам̣, яад̇т̇а баро яат̇аагаамагаарид̇ам̣ аабаж̇ж̇анд̇о ад̣̇ан̣д̣аарахо анубаваж̇ж̇о жа ход̇и. д̇асмим̣ барабариг̇г̇ахид̇з барабариг̇г̇ахид̇асан̃н̃ино д̇ад̣̇аад̣̇ааяагаубаггамасамудтаабигаа т̇зяяажзд̇анаа ад̣̇иннаад̣̇аанам̣. д̇ам̣ хийнз барасанд̇агз аббасааваж̇ж̇ам̣, бан̣ийд̇з махаасааваж̇ж̇ам̣. гасмаа? вад̇т̇убан̣ийд̇ад̇ааяа. д̇ат̇аа куд̣̇д̣̇агз барасанд̇агз аббасааваж̇ж̇ам̣, маханд̇з махаасааваж̇ж̇ам̣. гасмаа? вад̇т̇умаханд̇ад̇ааяа баяог̇амаханд̇ад̇ааяа жа. вад̇т̇усамад̇д̇з бана сад̇и г̇ун̣аад̇хигаанам̣ санд̇агз вад̇т̇усмим̣ махаасааваж̇ж̇ам̣, д̇ам̣д̇ам̣г̇ун̣аад̇хигам̣ убаад̣̇ааяа д̇ад̇о д̇ад̇о хийнаг̇ун̣асса санд̇агз вад̇т̇усмим̣ аббасааваж̇ж̇ам̣. вад̇т̇уг̇ун̣аанам̣ бана самабхаавз сад̇и гилзсаанам̣ баяог̇асса жа муд̣̇убхаавз аббасааваж̇ж̇ам̣, д̇иб̣б̣абхаавз махаасааваж̇ж̇ам̣.

д̇асса бан̃жа самбхаараа – барабариг̇г̇ахид̇ам̣, барабариг̇г̇ахид̇асан̃н̃ид̇аа, т̇зяяажид̇д̇ам̣, убаггамо, д̇зна харан̣анд̇и. ча баяог̇аа саахад̇т̇игаад̣̇аяова. д̇з жа ко яат̇аануруубам̣ т̇зяяаавахааро, басаяхаавахааро, баригаббаавахааро, бадижчаннаавахааро, гусаавахаарод̇и имзсам̣ авахаараанам̣ васзна бавад̇д̇аа. зд̇т̇а жа манд̇абариж̇аббанзна барасанд̇агахаран̣ам̣ виж̇ж̇аамаяо баяог̇о. винаа манд̇зна д̇аад̣̇исзна ид̣̇д̇хаанубхаавасид̣̇д̇хзна гааяаважийбаяог̇зна барасанд̇агасса аагад̣дханам̣ ид̣̇д̇химаяо баяог̇од̇и взд̣̇ид̇аб̣б̣о.

гаамзсууд̇и мзт̇унасамаажаарзсу. мижчаажаарод̇и зганд̇анинд̣̇ид̇о лаамагаажааро. лагкан̣ад̇о бана асад̣̇д̇хаммаад̇хиббааязна гааяад̣̇ваараббавад̇д̇аа аг̇аманийяадтаанавийд̇иггамажзд̇анаа гаамзсу мижчаажааро. д̇ад̇т̇а аг̇аманийяадтаанам̣ наама бурисаанам̣ д̇аава маад̇урагкид̇аад̣̇аяо д̣̇аса, д̇ханаггийд̇аад̣̇аяо д̣̇асаад̇и вийсад̇и ид̇т̇ияо, ид̇т̇ийсу бана д̣̇виннам̣ саарагкасабарид̣̇ан̣д̣аанам̣, д̣̇асаннан̃жа д̇ханаггийд̇аад̣̇ийнанд̇и д̣̇ваад̣̇асаннам̣ ид̇т̇ийнам̣ ан̃н̃абурисаа. свааяам̣ мижчаажааро сийлаад̣̇иг̇ун̣арахид̇з аг̇аманийяадтаанз аббасааваж̇ж̇о, сийлаад̣̇иг̇ун̣асамбаннз махаасааваж̇ж̇о. г̇ун̣арахид̇зби жа абхибхавид̇ваа мижчаа жаранд̇асса махаасааваж̇ж̇о, убхиннам̣ самаанажчанд̣̇ад̇ааяа аббасааваж̇ж̇о. самаанажчанд̣̇абхаавзби гилзсаанам̣ убаггамаанан̃жа муд̣̇уд̇ааяа аббасааваж̇ж̇о, д̇иб̣б̣ад̇ааяа махаасааваж̇ж̇о. д̇асса жад̇д̇ааро самбхаараа – аг̇аманийяавад̇т̇у, д̇асмим̣ сзванажид̇д̇ам̣, сзванабаяог̇о, маг̇г̇знамаг̇г̇аббадибад̇д̇иад̇хиваасананд̇и. д̇ад̇т̇а ад̇д̇ано ружияаа бавад̇д̇ид̇асса д̇аяо, б̣алаггаарзна бавад̇д̇ид̇асса д̇аяод̇и анавасзсаг̇г̇ахан̣зна жад̇д̇ааро д̣̇адтаб̣б̣аа, ад̇т̇асид̣̇д̇хи бана д̇ийхзва. зго баяог̇о саахад̇т̇игова.

мусаад̇и висам̣ваад̣̇анабурзгкаарасса ад̇т̇абхан̃ж̇аго гааяаважийбаяог̇о, висам̣ваад̣̇анаад̇хиббааязна банасса барависам̣ваад̣̇агагааяаважийбаяог̇асамудтаабигаа жзд̇анаа мусааваад̣̇о. абаро наяо мусаад̇и абхууд̇ам̣ вад̇т̇у, ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣. д̇асмаа ад̇ат̇ам̣ вад̇т̇ум̣ д̇ат̇ад̇о барам̣ вин̃н̃аабзд̇угаамасса д̇ат̇аавин̃н̃аабанабаяог̇асамудтаабигаа жзд̇анаа мусааваад̣̇о.

со яамад̇т̇ам̣ бхан̃ж̇ад̇и, д̇асса аббад̇ааяа аббасааваж̇ж̇о, маханд̇ад̇ааяа махаасааваж̇ж̇о. абижа г̇ахадтаанам̣ ад̇д̇ано санд̇агам̣ ад̣̇аад̇угаамад̇ааяа над̇т̇ийд̇и аад̣̇инаяаббавад̇д̇о аббасааваж̇ж̇о, сагкинаа худ̇ваа ад̇т̇абхан̃ж̇анавасзна вуд̇д̇о махаасааваж̇ж̇о. баб̣б̣аж̇ид̇аанам̣ аббагамби д̇злам̣ ваа саббим̣ ваа лабхид̇ваа хасаад̇хиббааязна ‘‘аж̇ж̇а г̇аамз д̇злам̣ над̣̇ий ман̃н̃з санд̣̇ад̇ий’’д̇и бууран̣агат̇аанаязна бавад̇д̇о аббасааваж̇ж̇о, ад̣̇идтам̣язва бана ‘‘д̣̇идта’’нд̇иаад̣̇инаа наязна вад̣̇анд̇аанам̣ махаасааваж̇ж̇о. д̇ат̇аа яасса ад̇т̇ам̣ бхан̃ж̇ад̇и, д̇асса аббаг̇ун̣ад̇ааяа аббасааваж̇ж̇о, махааг̇ун̣ад̇ааяа махаасааваж̇ж̇о. гилзсаанам̣ муд̣̇уд̇иб̣б̣ад̇аавасзна жа аббасааваж̇ж̇амахаасааваж̇ж̇ад̇аа лаб̣бхад̇зва.

д̇асса жад̇д̇ааро самбхаараа – ад̇ат̇ам̣ вад̇т̇у, висам̣ваад̣̇анажид̇д̇ам̣, д̇аж̇ж̇о вааяаамо, барасса д̇ад̣̇ад̇т̇авиж̇аанананд̇и. висам̣ваад̣̇анаад̇хиббааязна хи баяог̇з гад̇зби барзна д̇асмим̣ ад̇т̇з авин̃н̃аад̇з висам̣ваад̣̇анасса асиж̇жханад̇о барасса д̇ад̣̇ад̇т̇авиж̇аананамби зго самбхааро взд̣̇ид̇аб̣б̣о. гзжи бана ‘‘абхууд̇аважанам̣, висам̣ваад̣̇анажид̇д̇ам̣, барасса д̇ад̣̇ад̇т̇авиж̇аанананд̇и д̇аяо самбхаараа’’д̇и вад̣̇анд̇и. сажз бана баро д̣̇анд̇хад̇ааяа вижаарзд̇ваа д̇амад̇т̇ам̣ ж̇аанаад̇и, саннидтаабагажзд̇анааяа бавад̇д̇ад̇д̇аа гирияаасамудтаабагажзд̇анаагкан̣зязва мусааваад̣̇агаммунаа б̣аж̇жхад̇и.

сураад̇и бидтасураа, буувасураа, од̣̇анасураа, гин̣н̣абагкид̇д̇аа, самбхаарасам̣яуд̇д̇аад̇и бан̃жа сураа. мзраяанд̇и бубпаасаво, палаасаво, мад̇хваасаво, г̇ул̣аасаво самбхаарасам̣яуд̇д̇од̇и бан̃жа аасаваа. д̇ад̣̇убхаяамби мад̣̇анийяадтзна маж̇ж̇ам̣. яааяа жзд̇анааяа д̇ам̣ бивад̇и, саа бамаад̣̇агааран̣ад̇д̇аа бамаад̣̇адтаанам̣. лагкан̣ад̇о бана яат̇аавуд̇д̇асса сураамзраяасан̇каад̇асса маж̇ж̇асса б̣ийж̇ад̇о бадтааяа мад̣̇авасзна гааяад̣̇ваараббавад̇д̇аа бамаад̣̇ажзд̇анаа сураамзраяамаж̇ж̇абамаад̣̇адтаанам̣. д̇асса маж̇ж̇абхааво, баад̇угамяад̇аажид̇д̇ам̣, д̇аж̇ж̇о вааяаамо, аж̇жхохаран̣анд̇и жад̇д̇ааро самбхаараа. агусалажид̇д̇знзва жасса баад̇аб̣б̣ад̇о зганд̇зна сааваж̇ж̇абхааво . арияасаавагаанам̣ бана вад̇т̇ум̣ аж̇аананд̇аанамби мукам̣ на бависад̇и, баг̇зва ж̇аананд̇аанам̣. ад̣дхабасад̇амад̇д̇асса баанам̣ аббасааваж̇ж̇ам̣, ад̣̇д̇хаал̣хагамад̇д̇асса баанам̣ д̇ад̇о маханд̇ам̣ махаасааваж̇ж̇ам̣, гааяасан̃жааланасамад̇т̇ам̣ б̣ахум̣ бивид̇ваа г̇аамагхаад̇агаад̣̇игаммам̣ гаронд̇асса махаасааваж̇ж̇амзва. баабагамман̃хи баан̣аад̇ибаад̇ам̣ бад̇ваа кийн̣аасавз махаасааваж̇ж̇ам̣, ад̣̇иннаад̣̇аанам̣ бад̇ваа кийн̣аасавасса санд̇агз махаасааваж̇ж̇ам̣, мижчаажаарам̣ бад̇ваа кийн̣аасавааяа бхигкунияаа вийд̇иггамз, мусааваад̣̇ам̣ бад̇ваа мусааваад̣̇зна сан̇гхабхзд̣̇з, сураабаанам̣ бад̇ваа гааяасан̃жааланасамад̇т̇ам̣ б̣ахум̣ бивид̇ваа г̇аамагхаад̇агаад̣̇игаммам̣ махаасааваж̇ж̇ам̣. саб̣б̣зхиби жзд̇зхи мусааваад̣̇зна сан̇гхабхзд̣̇ова махаасааваж̇ж̇о. д̇ан̃хи гад̇ваа габбам̣ нираяз бажжад̇и.

ид̣̇аани зд̇зсу сабхаавад̇о, аарамман̣ад̇о, взд̣̇анад̇о, муулад̇о, гаммад̇о, палад̇од̇и чахи аагаарзхи винижчаяо взд̣̇ид̇аб̣б̣о. д̇ад̇т̇а сабхаавад̇о баан̣аад̇ибаад̇аад̣̇аяо саб̣б̣зби жзд̇анаасабхааваава. аарамман̣ад̇о баан̣аад̇ибаад̇о ж̇ийвид̇инд̣̇рияаарамман̣ад̇о сан̇каараарамман̣о, ад̣̇иннаад̣̇аанам̣ сад̇д̇аарамман̣ам̣ ваа сан̇каараарамман̣ам̣ ваа, мижчаажааро подтаб̣б̣авасзна сан̇каараарамман̣о, сад̇д̇аарамман̣од̇и згз. мусааваад̣̇о сад̇д̇аарамман̣о ваа сан̇каараарамман̣о ваа, сураабаанам̣ сан̇каараарамман̣ам̣. взд̣̇анад̇о баан̣аад̇ибаад̇о д̣̇угкавзд̣̇ано, ад̣̇иннаад̣̇аанам̣ д̇ивзд̣̇анам̣, мижчаажааро сукамаж̇жхад̇д̇авасзна д̣̇вивзд̣̇ано, д̇ат̇аа сураабаанам̣. саннидтаабагажид̇д̇зна бана убхаяамби маж̇жхад̇д̇авзд̣̇анам̣ на ход̇и. мусааваад̣̇о д̇ивзд̣̇ано. муулад̇о баан̣аад̇ибаад̇о д̣̇осамохавасзна д̣̇вимуулаго, ад̣̇иннаад̣̇аанам̣ мусааваад̣̇о жа д̣̇осамохавасзна ваа лобхамохавасзна ваа, мижчаажааро сураабаанан̃жа лобхамохавасзна д̣̇вимуулам̣. гаммад̇о мусааваад̣̇оязвзд̇т̇а важийгаммам̣, сзсам̣ жад̇уб̣б̣ид̇хамби гааяагаммамзва. палад̇о саб̣б̣зби абааяуубабад̇д̇ипалаа жзва суг̇ад̇ияамби аббааяугад̇аад̣̇инаанаавид̇хаанидтапалаа жаад̇и звамзд̇т̇а сабхааваад̣̇ид̇о винижчаяо взд̣̇ид̇аб̣б̣о.

аббадивирад̇аад̇и самаад̣̇аанавирад̇ияаа самбад̇д̇авирад̇ияаа жа абхаавзна на бадивирад̇аа. д̣̇уссийлаад̇и д̇ад̇о зва бан̃жасийламад̇д̇ассааби абхаавзна ниссийлаа. баабад̇хаммаад̇и лаамагад̇хаммаа, хийнаажаараа. баан̣аад̇ибаад̇аа бадивирад̇од̇и сигкаабад̣̇асамаад̣̇аанзна баан̣аад̇ибаад̇ад̇о вирад̇о, аарагаа тид̇о. зса наяо сзсзсуби.

ид̇хааби баан̣аад̇ибаад̇аавзраман̣иаад̣̇ийнам̣ сабхаавад̇о аарамман̣ад̇о , взд̣̇анад̇о, муулад̇о, гаммад̇о, самаад̣̇аанад̇о, бхзд̣̇ад̇о, палад̇о жа вин̃н̃аад̇аб̣б̣о винижчаяо. д̇ад̇т̇а сабхаавад̇о бан̃жаби жзд̇анааяоби хонд̇и вирад̇ияоби, вирад̇ивасзна бана д̣̇зсанаа ааг̇ад̇аа. яаа баан̣аад̇ибаад̇аа вираманд̇асса ‘‘яаа д̇асмим̣ самаяз баан̣аад̇ибаад̇аа аарад̇и вирад̇ий’’д̇и звам̣ вуд̇д̇аа гусалажид̇д̇асамбаяуд̇д̇аа вирад̇и. саа бабхзд̣̇ад̇о д̇ивид̇хаа – самбад̇д̇авирад̇и, самаад̣̇аанавирад̇и, самужчзд̣̇авирад̇ийд̇и. д̇ад̇т̇а асамаад̣̇иннасигкаабад̣̇аанам̣ ад̇д̇ано ж̇аад̇иваяаб̣аахусажжаад̣̇ийни бажжавзгкид̇ваа ‘‘аяуд̇д̇амзд̇ам̣ амхаагам̣ гаад̇у’’нд̇и самбад̇д̇авад̇т̇ум̣ авийд̇иггаманд̇аанам̣ уббаж̇ж̇амаанаа вирад̇и самбад̇д̇авирад̇и наама. самаад̣̇иннасигкаабад̣̇аанам̣ сигкаабад̣̇асамаад̣̇аанз д̇ад̣̇уд̇д̇ари жа ад̇д̇ано ж̇ийвид̇амби барижжаж̇ид̇ваа вад̇т̇ум̣ авийд̇иггаманд̇аанам̣ уббаж̇ж̇амаанаа вирад̇и самаад̣̇аанавирад̇и наама. арияамаг̇г̇асамбаяуд̇д̇аа бана вирад̇и самужчзд̣̇авирад̇и наама, яассаа уббад̇д̇ид̇о бадтааяа арияабуг̇г̇алаанам̣ ‘‘баан̣ам̣ гхаад̇зссаамаа’’д̇и жид̇д̇амби на уббаж̇ж̇ад̇и. д̇аасу самаад̣̇аанавирад̇и ид̇хаад̇хиббзд̇аа.

аарамман̣ад̇о баан̣аад̇ибаад̇аад̣̇ийнам̣ аарамман̣аанзва зд̇зсам̣ аарамман̣аани. вийд̇иггамид̇аб̣б̣ад̇оязва хи вирад̇и наама ход̇и. яат̇аа бана ниб̣б̣аанаарамман̣о арияамаг̇г̇о гилзсз баж̇ахад̇и, звам̣ ж̇ийвид̇инд̣̇рияаад̣̇иаарамман̣ааязва зд̇з гусалад̇хаммаа баан̣аад̇ибаад̇аад̣̇ийни д̣̇уссийляаани баж̇аханд̇и. взд̣̇анад̇о саб̣б̣ааби сукавзд̣̇анаава.

муулад̇о н̃аан̣асамбаяуд̇д̇ажид̇д̇зна вираманд̇асса алобхаад̣̇осаамохавасзна д̇имуулаа хонд̇и, н̃аан̣авиббаяуд̇д̇ажид̇д̇зна вираманд̇асса алобхаад̣̇осавасзна д̣̇вимуулаа. гаммад̇о мусааваад̣̇аа взраман̣и важийгаммам̣ , сзсаа гааяагаммам̣. самаад̣̇аанад̇о ан̃н̃асса г̇арудтаанияасса санд̇игз д̇ам̣ алабханд̇зна саяамзва ваа бан̃жа сийлаани згаж̇жхам̣ баадиязггам̣ ваа самаад̣̇ияанд̇зна самаад̣̇иннаани хонд̇и. бхзд̣̇ад̇о г̇ахадтаанам̣ яам̣ яам̣ вийд̇игганд̇ам̣, д̇ам̣ д̇ад̣̇зва бхиж̇ж̇ад̇и, ид̇арам̣ на бхиж̇ж̇ад̇и. гасмаа? г̇ахадтаа хи аниб̣ад̣̇д̇хасийлаа хонд̇и, яам̣ яам̣ саггонд̇и, д̇ам̣ д̇ад̣̇зва рагканд̇и. баб̣б̣аж̇ид̇аанам̣ бана згасмим̣ вийд̇игганд̇з саб̣б̣аани бхиж̇ж̇анд̇ийд̇и.

палад̇од̇и баан̣аад̇ибаад̇аа взраман̣ияаа жзд̇т̇а ан̇г̇абажжан̇г̇асамбаннад̇аа, аарохабарин̣аахасамбад̇д̇и, ж̇аванасамбад̇д̇и, суббад̇идтид̇абаад̣̇ад̇аа, жааруд̇аа, муд̣̇уд̇аа, сужид̇аа, суурад̇аа, махаб̣б̣алад̇аа, виссадтаважанад̇аа, сад̇д̇аанам̣ бияаманаабад̇аа, абхиж̇ж̇абарисад̇аа, ажчамбхид̇аа, д̣̇уббад̇хам̣сияад̇аа, баруубаггамзна амаран̣ад̇аа, махаабариваарад̇аа, суван̣н̣ад̇аа, сусан̣таанад̇аа, аббааб̣аад̇хад̇аа, асогад̇аа, бияаманаабзхи авиббаяог̇о, д̣̇ийгхааяугад̇аад̇и звамаад̣̇ийни палаани.

ад̣̇иннаад̣̇аанаа взраман̣ияаа махаад̇ханад̇хан̃н̃ад̇аа, ананд̇абхог̇ад̇аа, т̇ирабхог̇ад̇аа, ижчид̇аанам̣ бхог̇аанам̣ киббам̣ бадилаабхо, рааж̇аад̣̇ийхи асаад̇хааран̣абхог̇ад̇аа, ул̣аарабхог̇ад̇аа, д̇ад̇т̇а д̇ад̇т̇а ж̇здтагабхааво, над̇т̇ибхаавасса аж̇аананад̇аа, сукавихаарид̇аад̇и звамаад̣̇ийни.

аб̣рахмажарияаа взраман̣ияаа виг̇ад̇абажжад̇т̇игад̇аа, саб̣б̣асад̇д̇аанам̣ бияаманаабад̇аа, аннабаанавад̇т̇ажчаад̣̇анаад̣̇ийнам̣ лаабхид̇аа, сукасубанад̇аа, сукабадиб̣уж̇жханад̇аа, абааяабхаяавимогко, ид̇т̇ибхааванабум̣сагабхааваанам̣ абхаб̣б̣ад̇аа, аггод̇ханад̇аа, сажжагаарид̇аа, аман̇гуд̇аа, аараад̇ханасукад̇аа, барибун̣н̣инд̣̇рияад̇аа, барибун̣н̣алагкан̣ад̇аа, нираасан̇гад̇аа, аббоссуггад̇аа, сукавихаарид̇аа, агуд̇обхаяад̇аа, бияавиббаяог̇аабхаавод̇и звамаад̣̇ийни. яасмаа бана мижчаажаараавзраман̣ияаа палааниби зд̇т̇зва анд̇ог̇ад̇хаани, д̇асмаа (аб̣рахмажарияаа взраман̣ияаа).

мусааваад̣̇аа взраман̣ияаа виббасаннинд̣̇рияад̇аа, виссадтамад̇хурабхаан̣ид̇аа, самасид̇асуд̣̇д̇хад̣̇анд̇ад̇аа, наад̇ит̇уулад̇аа, наад̇игисад̇аа, наад̇ирассад̇аа, наад̇ид̣̇ийгхад̇аа, сукасампассад̇аа, уббалаг̇анд̇хамукад̇аа, суссуусагабарисад̇аа, аад̣̇зяяаважанад̇аа, гамалад̣̇аласад̣̇исамуд̣̇улохид̇ад̇ануж̇ивхад̇аа, алийнад̇аа, ануд̣̇д̇хад̇ад̇аад̇и звамаад̣̇ийни.

сураамзраяамаж̇ж̇абамаад̣̇адтаанаа взраман̣ияаа ад̇ийд̇аанааг̇ад̇абажжуббаннзсу гижжагаран̣ийязсу аббамаад̣̇ад̇аа, н̃аан̣аванд̇ад̇аа, сад̣̇аа убадтид̇ассад̇ид̇аа, уббаннзсу гижжагаран̣ийязсу таануббад̇д̇игабадибхаанаванд̇ад̇аа , аналасад̇аа, аж̇ал̣ад̇аа, ануммад̇д̇ад̇аа, ажчамбхид̇аа, асаарамбхид̇аа, аниссугид̇аа, амажчарид̇аа, сажжаваад̣̇ид̇аа, абисун̣аапарусаасампаббалаабаваад̣̇ид̇аа, гад̇ан̃н̃уд̇аа , гад̇авзд̣̇ид̇аа, жааг̇аванд̇ад̇аа, сийлаванд̇ад̇аа, уж̇угад̇аа, аггод̇ханад̇аа, хирод̇д̇аббасамбаннад̇аа , уж̇уд̣̇идтид̇аа, маханд̇ад̇аа, бан̣д̣ид̇ад̇аа, ад̇т̇аанад̇т̇агусалад̇аад̇и звамаад̣̇ийни палаани. звамзд̇т̇а баан̣аад̇ибаад̇аавзраман̣иаад̣̇ийнамби сабхааваад̣̇ид̇о винижчаяо взд̣̇ид̇аб̣б̣о.

сийлаваад̇и яат̇аавуд̇д̇абан̃жасийлавасзна сийлаваа. галяаан̣ад̇хаммод̇и сунд̣̇арад̇хаммо, саран̣аг̇аманабарид̣̇ийбид̇ааяа д̣̇идтисамбад̇д̇ияаа самбаннабан̃н̃од̇и ад̇т̇о. яо бана буд̇д̇о маад̇аабид̇уусу ассад̣̇д̇хзсу д̣̇уссийлзсу жа саяамби д̇аад̣̇исо, соби аваж̇аад̇оязваад̇и взд̣̇ид̇аб̣б̣о. ассад̣̇д̇хияаад̣̇аяо хи ид̇ха аваж̇аад̇абхаавасса лагкан̣ам̣ вуд̇д̇аа, д̇з жа д̇асмим̣ сам̣виж̇ж̇анд̇и. маад̇аабид̇аро бана убаад̣̇ааяа буд̇д̇асса ад̇иж̇аад̇аад̣̇ибхааво вужжад̇ийд̇и.

яо ход̇и гулаг̇анд̇ханод̇и гулажчзд̣̇аго гулавинаасаго. чзд̣̇анад̇т̇о хи ид̇ха г̇анд̇хасад̣̇д̣̇о, ‘‘уббалаг̇анд̇хабажжад̇т̇игаа’’д̇иаад̣̇ийсу (баараа. 65) вияа. гзжи бана ‘‘гулад̇хам̣сано’’д̇и батанд̇и, со звад̇т̇о.

зд̇з ко буд̇д̇аа логасминд̇и зд̇з ад̇иж̇аад̇аад̣̇аяо д̇аяо буд̇д̇аа зва имасмим̣ сад̇д̇алогз буд̇д̇аа наама, на ид̇о винимуд̇д̇аа ад̇т̇и. имзсу бана яз бхаванд̇и убаасагаа яз саран̣аг̇аманасамбад̇д̇ияаа убаасагаа бхаванд̇и гаммассагад̇аан̃аан̣зна гаммасса говид̣̇аа, д̇з жа бан̣д̣ид̇аа бан̃н̃аванд̇о, бан̃жасийлад̣̇асасийлзна самбаннаа барибун̣н̣аа. яаажагаанам̣ важанам̣ ж̇аананд̇и, д̇зсам̣ мукаагаарад̣̇ассанзнзва ад̇хиббааяабууран̣ад̇од̇и вад̣̇ан̃н̃уу, д̇зсам̣ ваа ‘‘д̣̇зхий’’д̇и важанам̣ суд̇ваа ‘‘имз буб̣б̣з д̣̇аанам̣ ад̣̇ад̇ваа звам̣бхууд̇аа, маяаа бана звам̣ на бхавид̇аб̣б̣а’’нд̇и д̇зсам̣ барижжааг̇зна д̇ад̣̇ад̇т̇ам̣ ж̇аананд̇ийд̇и вад̣̇ан̃н̃уу, бан̣д̣ид̇аанам̣ ваа гаммассагад̇аад̣̇ид̣̇ийбагам̣ важанам̣ ж̇аананд̇ийд̇и вад̣̇ан̃н̃уу. ‘‘бад̣̇ан̃н̃уу’’д̇и жа батанд̇и, бад̣̇аанияаа барижжааг̇асийлаад̇и ад̇т̇о. д̇ад̇о зва виг̇ад̇амажчзрамалад̇д̇аа вийд̇амажчараа. аб̣бхагханаад̇и аб̣бхасан̇каад̇аа гханаа, гханамзгхабадалаа ваа муд̇д̇о жанд̣̇овияа, убаасагаад̣̇ибарисаасу кад̇д̇ияаад̣̇ибарисаасу жа вирожарз вирожанд̇и, собханд̇ийд̇и ад̇т̇о.

бан̃жамасуд̇д̇аван̣н̣анаа нидтид̇аа.