| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. буд̇д̇асуд̇д̇аван̣н̣анаа
7. Puttasuttavaṇṇanā
87. сад̇д̇амз ма-гааро бад̣̇асанд̇хигаро ‘‘ан̃н̃аман̃н̃а’’нд̇иаад̣̇ийсу вияа. нижжаласаман̣од̇и т̇ирасаман̣о. абхисин̃жид̇аб̣б̣од̇и абхисзгод̇и гаммасаад̇хано абхисзгасад̣̇д̣̇о. д̇знааха ‘‘абхисзгам̣ гаад̇ум̣ яуд̇д̇о’’д̇и.
87. Sattame ma-kāro padasandhikaro ‘‘aññamañña’’ntiādīsu viya. Niccalasamaṇoti thirasamaṇo. Abhisiñcitabboti abhisekoti kammasādhano abhisekasaddo. Tenāha ‘‘abhisekaṃ kātuṃ yutto’’ti.
б̣аагулад̇т̇зро вияаад̇и т̇зро хи махааяасассий, д̇асса буд̇д̇ад̇хийд̇аро над̇д̇убанад̇д̇агаа сукумасаадагзхи жийвараани гаарзд̇ваа раж̇аабзд̇ваа самуг̇г̇з багкибид̇ваа бахин̣анд̇и. т̇зрасса нахаанагаалз нахаанагодтагз табзнд̇и. т̇зро д̇аани ниваасзд̇и жзва баарубад̇и жа. д̇знзвзд̇ам̣ вуд̇д̇ам̣.
Bākulatthero viyāti thero hi mahāyasassī, tassa puttadhītaro nattupanattakā sukhumasāṭakehi cīvarāni kāretvā rajāpetvā samugge pakkhipitvā pahiṇanti. Therassa nahānakāle nahānakoṭṭhake ṭhapenti. Thero tāni nivāseti ceva pārupati ca. Tenevetaṃ vuttaṃ.
кад̣̇ираванамаг̇г̇з сийвалид̇т̇зро вияаад̇и сад̇т̇ари гира д̇ам̣ маг̇г̇ам̣ бадибаннз д̣̇звад̇аа ‘‘амхаагам̣ аяяасса сийвалид̇т̇зрасса саггаарам̣ гариссаамаа’’д̇и жинд̇зд̇ваа згзгаяож̇анз вихаарам̣ гаарзд̇ваа згаяож̇анад̇о уд̣̇д̇хам̣ г̇анд̇ум̣ ад̣̇ад̇ваа баад̇ова удтааяа д̣̇иб̣б̣аани яааг̇уаад̣̇ийни г̇ахзд̇ваа ‘‘амхаагам̣ аяяо сийвалид̇т̇зро гахам̣ нисинно’’д̇и вижаранд̇и. т̇зро ад̇д̇ано абхихадам̣ б̣уд̣̇д̇хаббамукасса бхигкусан̇гхасса д̣̇аабзси. звам̣ сад̇т̇аа сабаривааро д̇им̣саяож̇анигам̣ ганд̇аарам̣ сийвалид̇т̇зрасса бун̃н̃апалам̣ анубхавамаанова аг̇амааси. д̇знзвзд̇ам̣ вуд̇д̇ам̣.
Khadiravanamagge sīvalitthero viyāti satthari kira taṃ maggaṃ paṭipanne devatā ‘‘amhākaṃ ayyassa sīvalittherassa sakkāraṃ karissāmā’’ti cintetvā ekekayojane vihāraṃ kāretvā ekayojanato uddhaṃ gantuṃ adatvā pātova uṭṭhāya dibbāni yāguādīni gahetvā ‘‘amhākaṃ ayyo sīvalitthero kahaṃ nisinno’’ti vicaranti. Thero attano abhihaṭaṃ buddhappamukhassa bhikkhusaṅghassa dāpesi. Evaṃ satthā saparivāro tiṃsayojanikaṃ kantāraṃ sīvalittherassa puññaphalaṃ anubhavamānova agamāsi. Tenevetaṃ vuttaṃ.
адтаганааг̇арасуд̇д̇з аананд̣̇ад̇т̇зро вияаад̇и адтаганааг̇араго гира г̇ахабад̇и т̇зрасса д̇хаммад̣̇зсанааяа басийд̣̇ид̇ваа бан̃жасад̇аг̇гханагам̣ вихаарам̣ гаарзд̇ваа ад̣̇ааси. д̇ам̣ санд̇хааязд̇ам̣ вуд̇д̇ам̣.
Aṭṭhakanāgarasutte ānandatthero viyāti aṭṭhakanāgarako kira gahapati therassa dhammadesanāya pasīditvā pañcasatagghanakaṃ vihāraṃ kāretvā adāsi. Taṃ sandhāyetaṃ vuttaṃ.
билинд̣̇аважчад̇т̇зро вияаад̇и т̇зрасса гира ид̣̇д̇хаанубхаавзна басаннаа мануссаа саббиаад̣̇ийни б̣ахууни бхзсаж̇ж̇аани абхихарим̣су. багад̇ияааби жа ааяасмаа билинд̣̇аважчо лаабхий ход̇и бан̃жаннам̣ бхзсаж̇ж̇аанам̣, лад̣̇д̇хам̣ лад̣̇д̇хам̣ барисааяа виссаж̇ж̇зд̇и. д̇знзд̇ам̣ вуд̇д̇ам̣ ‘‘г̇илаанабажжаяам̣ билинд̣̇аважчад̇т̇зро вияаа’’д̇и.
Pilindavacchatthero viyāti therassa kira iddhānubhāvena pasannā manussā sappiādīni bahūni bhesajjāni abhihariṃsu. Pakatiyāpi ca āyasmā pilindavaccho lābhī hoti pañcannaṃ bhesajjānaṃ, laddhaṃ laddhaṃ parisāya vissajjeti. Tenetaṃ vuttaṃ ‘‘gilānapaccayaṃ pilindavacchatthero viyā’’ti.
д̇ин̣н̣амби саннибаад̇зна ниб̣б̣ад̇д̇аанийд̇и бид̇д̇аад̣̇ийнам̣ д̇ин̣н̣амби висамаанам̣ саннибаад̇зна ж̇аад̇аани. ад̇исийд̇аад̣̇ибхаавзна уд̇уунам̣ барин̣аамод̇и ааха ‘‘ад̇исийд̇аад̇иун̣хауд̇уд̇о ж̇аад̇ааний’’д̇и. буримауд̇уд̇о висад̣̇исо уд̇у уд̇убарин̣аамо, д̇ад̇о ж̇аад̇аани уд̇убарин̣аамаж̇аани, висабхааг̇ауд̇уд̇о ж̇аад̇аанийд̇и ад̇т̇о. ж̇ан̇г̇алад̣̇зсаваасийнан̃хи ануубад̣̇зсз васанд̇аанам̣ висабхааг̇ова уд̇у уббаж̇ж̇ад̇и, ануубад̣̇зсаваасийнан̃жа ж̇ан̇г̇алад̣̇зсзд̇и. звам̣ малаяасамуд̣̇д̣̇ад̇ийраад̣̇ивасзнаби уд̇увисабхааг̇ад̇аа уббаж̇ж̇ад̇иязва. д̇ад̇о ж̇аад̇аани уд̇убарин̣аамаж̇аани наама.
Tiṇṇampi sannipātena nibbattānīti pittādīnaṃ tiṇṇampi visamānaṃ sannipātena jātāni. Atisītādibhāvena utūnaṃ pariṇāmoti āha ‘‘atisītaatiuṇhaututo jātānī’’ti. Purimaututo visadiso utu utupariṇāmo, tato jātāni utupariṇāmajāni, visabhāgaututo jātānīti attho. Jaṅgaladesavāsīnañhi anūpadese vasantānaṃ visabhāgova utu uppajjati, anūpadesavāsīnañca jaṅgaladeseti. Evaṃ malayasamuddatīrādivasenapi utuvisabhāgatā uppajjatiyeva. Tato jātāni utupariṇāmajāni nāma.
ад̇д̇ано багад̇ижарияаанам̣ висамам̣ гааяасса барихаран̣авасзна висамабарихаараж̇аани. д̇аани бана ажжаасанаад̇идтаанаад̣̇инаа взд̣̇ид̇аб̣б̣аанийд̇и ааха ‘‘ажжаасанаад̇идтаанаад̣̇игаа’’д̇и. аад̣̇и-сад̣̇д̣̇зна махаабхааравахан̣асуд̇хаагодданаад̣̇зсагаалажаран̣аад̣̇ийни сан̇г̇ан̣хаад̇и. барасса убаггамад̇о ниб̣б̣ад̇д̇аани обаггамигаани, аяам̣ жород̇и ваа баарад̣̇ааригод̇и ваа г̇ахзд̇ваа ж̇ан̣н̣угагаббарамуг̇г̇араад̣̇ийхи ниббот̇анаубаггамам̣ бажжаяам̣ гад̇ваа уббаннаанийд̇и ад̇т̇о. д̇знааха ‘‘вад̇хаб̣анд̇ханаад̣̇иубаггамзна ниб̣б̣ад̇д̇ааний’’д̇и. гзваланд̇и б̣аахирам̣ бажжаяам̣ анабзгкид̇ваа гзвалам̣, д̇зна винаад̇и ад̇т̇о. д̇знааха ‘‘буб̣б̣згад̇агаммавибаагавасзнзва ж̇аад̇ааний’’д̇и.
Attano pakaticariyānaṃ visamaṃ kāyassa pariharaṇavasena visamaparihārajāni. Tāni pana accāsanaatiṭṭhānādinā veditabbānīti āha ‘‘accāsanaatiṭṭhānādikā’’ti. Ādi-saddena mahābhāravahaṇasudhākoṭṭanaadesakālacaraṇādīni saṅgaṇhāti. Parassa upakkamato nibbattāni opakkamikāni, ayaṃ coroti vā pāradārikoti vā gahetvā jaṇṇukakapparamuggarādīhi nippothanaupakkamaṃ paccayaṃ katvā uppannānīti attho. Tenāha ‘‘vadhabandhanādiupakkamena nibbattānī’’ti. Kevalanti bāhiraṃ paccayaṃ anapekkhitvā kevalaṃ, tena vināti attho. Tenāha ‘‘pubbekatakammavipākavaseneva jātānī’’ti.
буд̇д̇асуд̇д̇аван̣н̣анаа нидтид̇аа.
Puttasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. буд̇д̇асуд̇д̇ам̣ • 7. Puttasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. буд̇д̇асуд̇д̇аван̣н̣анаа • 7. Puttasuttavaṇṇanā
