| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. පුත්‌තසුත්‌තවණ්‌ණනා
9. Puttasuttavaṇṇanā
39. නවමෙ භතො වා නො භරිස්‌සතීති අම්‌හෙහි ථඤ්‌ඤපායනහත්‌ථපාදවඩ්‌ඪනාදීහි භතො පටිජග්‌ගිතො අම්‌හෙ මහල්‌ලකකාලෙ හත්‌ථපාදධොවන-න්‌හාපනයාගුභත්‌තදානාදීහි භරිස්‌සති. කිච්‌චං වා නො කරිස්‌සතීති අත්‌තනො කම්‌මං ඨපෙත්‌වා අම්‌හාකං රාජකුලාදීසු උප්‌පන්‌නං කිච්‌චං ගන්‌ත්‌වා කරිස්‌සති . කුලවංසො චිරං ඨස්‌සතීති අම්‌හාකං සන්‌තකං ඛෙත්‌තවත්‌ථුහිරඤ්‌ඤසුවණ්‌ණාදිං අවිනාසෙත්‌වා රක්‌ඛන්‌තෙ පුත්‌තෙ කුලවංසො චිරං ඨස්‌සති, අම්‌හෙහි වා පවත්‌තිතානි සලාකභත්‌තාදීනි අනුපච්‌ඡින්‌දිත්‌වා පවත්‌තෙස්‌සති, එවම්‌පි නො කුලවංසො චිරං ඨස්‌සති. දායජ්‌ජං පටිපජ්‌ජිස්‌සතීති කුලවංසානුරූපාය පටිපත්‌තියා අත්‌තානං දායජ්‌ජාරහං කරොන්‌තො අම්‌හාකං සන්‌තකං දායජ්‌ජං පටිපජ්‌ජිස්‌සති. දක්‌ඛිණං අනුප්‌පදස්‌සතීති පත්‌තිදානං කත්‌වා තතියදිවසතො පට්‌ඨාය දානං අනුප්‌පදස්‌සති.
39. Navame bhato vā no bharissatīti amhehi thaññapāyanahatthapādavaḍḍhanādīhi bhato paṭijaggito amhe mahallakakāle hatthapādadhovana-nhāpanayāgubhattadānādīhi bharissati. Kiccaṃ vā no karissatīti attano kammaṃ ṭhapetvā amhākaṃ rājakulādīsu uppannaṃ kiccaṃ gantvā karissati . Kulavaṃso ciraṃ ṭhassatīti amhākaṃ santakaṃ khettavatthuhiraññasuvaṇṇādiṃ avināsetvā rakkhante putte kulavaṃso ciraṃ ṭhassati, amhehi vā pavattitāni salākabhattādīni anupacchinditvā pavattessati, evampi no kulavaṃso ciraṃ ṭhassati. Dāyajjaṃ paṭipajjissatīti kulavaṃsānurūpāya paṭipattiyā attānaṃ dāyajjārahaṃ karonto amhākaṃ santakaṃ dāyajjaṃ paṭipajjissati. Dakkhiṇaṃ anuppadassatīti pattidānaṃ katvā tatiyadivasato paṭṭhāya dānaṃ anuppadassati.
සන්‌තො සප්‌පුරිසාති ඉමස්‌මිං ඨානෙ මාතාපිතූසු සම්‌මා පටිපත්‌තියා සන්‌තො සප්‌පුරිසාති වෙදිතබ්‌බා. පුබ්‌බෙ කතමනුස්‌සරන්‌ති මාතාපිතූහි පඨමතරං කතගුණං අනුස්‌සරන්‌තා. ඔවාදකාරීති මාතාපිතූහි දින්‌නස්‌ස ඔවාදස්‌ස කත්‌තා. භතපොසීති යෙහි භතො, තෙසං පොසකො. පසංසියොති දිට්‌ඨෙව ධම්‌මෙ මහාජනෙන පසංසිතබ්‌බො හොති.
Santo sappurisāti imasmiṃ ṭhāne mātāpitūsu sammā paṭipattiyā santo sappurisāti veditabbā. Pubbe katamanussaranti mātāpitūhi paṭhamataraṃ kataguṇaṃ anussarantā. Ovādakārīti mātāpitūhi dinnassa ovādassa kattā. Bhataposīti yehi bhato, tesaṃ posako. Pasaṃsiyoti diṭṭheva dhamme mahājanena pasaṃsitabbo hoti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. පුත්‌තසුත්‌තං • 9. Puttasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9-10. පුත්‌තසුත්‌තාදිවණ්‌ණනා • 9-10. Puttasuttādivaṇṇanā
