| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਪੁਤ੍ਤਸੁਤ੍ਤવਣ੍ਣਨਾ
7. Puttasuttavaṇṇanā
੮੭. ਸਤ੍ਤਮੇ ਸਮਣਮਚਲੋਤਿ ਸਮਣਅਚਲੋ, ਮਕਾਰੋ ਪਦਸਨ੍ਧਿਕਰੋ, ਨਿਚ੍ਚਲਸਮਣੋਤਿ ਅਤ੍ਥੋ। ਇਮਿਨਾ ਸਤ੍ਤવਿਧਮ੍ਪਿ ਸੇਖਂ ਦਸ੍ਸੇਤਿ। ਸੋ ਹਿ ਸਾਸਨੇ ਮੂਲਜਾਤਾਯ ਸਦ੍ਧਾਯ ਪਤਿਟ੍ਠਿਤਤ੍ਤਾ ਅਚਲੋ ਨਾਮ। ਸਮਣਪੁਣ੍ਡਰੀਕੋਤਿ ਪੁਣ੍ਡਰੀਕਸਦਿਸੋ ਸਮਣੋ। ਪੁਣ੍ਡਰੀਕਂ ਨਾਮ ਊਨਸਤਪਤ੍ਤਂ ਸਰੋਰੁਹਂ। ਇਮਿਨਾ ਸੁਕ੍ਖવਿਪਸ੍ਸਕਖੀਣਾਸવਂ ਦਸ੍ਸੇਤਿ। ਸੋ ਹਿ ਝਾਨਾਭਿਞ੍ਞਾਨਂ ਅਭਾવੇਨ ਅਪਰਿਪੁਣ੍ਣਗੁਣਤ੍ਤਾ ਸਮਣਪੁਣ੍ਡਰੀਕੋ ਨਾਮ ਹੋਤਿ। ਸਮਣਪਦੁਮੋਤਿ ਪਦੁਮਸਦਿਸੋ ਸਮਣੋ। ਪਦੁਮਂ ਨਾਮ ਪਰਿਪੁਣ੍ਣਸਤਪਤ੍ਤਂ ਸਰੋਰੁਹਂ। ਇਮਿਨਾ ਉਭਤੋਭਾਗવਿਮੁਤ੍ਤਂ ਖੀਣਾਸવਂ ਦਸ੍ਸੇਤਿ। ਸੋ ਹਿ ਝਾਨਾਭਿਞ੍ਞਾਨਂ ਭਾવੇਨ ਪਰਿਪੁਣ੍ਣਗੁਣਤ੍ਤਾ ਸਮਣਪਦੁਮੋ ਨਾਮ ਹੋਤਿ । ਸਮਣੇਸੁ ਸਮਣਸੁਖੁਮਾਲੋਤਿ ਸਬ੍ਬੇਸੁਪਿ ਏਤੇਸੁ ਸਮਣੇਸੁ ਸੁਖੁਮਾਲਸਮਣੋ ਮੁਦੁਚਿਤ੍ਤਸਰੀਰੋ ਕਾਯਿਕਚੇਤਸਿਕਦੁਕ੍ਖਰਹਿਤੋ ਏਕਨ੍ਤਸੁਖੀ। ਏਤੇਨ ਅਤ੍ਤਾਨਞ੍ਚੇવ ਅਤ੍ਤਸਦਿਸੇ ਚ ਦਸ੍ਸੇਤਿ।
87. Sattame samaṇamacaloti samaṇaacalo, makāro padasandhikaro, niccalasamaṇoti attho. Iminā sattavidhampi sekhaṃ dasseti. So hi sāsane mūlajātāya saddhāya patiṭṭhitattā acalo nāma. Samaṇapuṇḍarīkoti puṇḍarīkasadiso samaṇo. Puṇḍarīkaṃ nāma ūnasatapattaṃ saroruhaṃ. Iminā sukkhavipassakakhīṇāsavaṃ dasseti. So hi jhānābhiññānaṃ abhāvena aparipuṇṇaguṇattā samaṇapuṇḍarīko nāma hoti. Samaṇapadumoti padumasadiso samaṇo. Padumaṃ nāma paripuṇṇasatapattaṃ saroruhaṃ. Iminā ubhatobhāgavimuttaṃ khīṇāsavaṃ dasseti. So hi jhānābhiññānaṃ bhāvena paripuṇṇaguṇattā samaṇapadumo nāma hoti . Samaṇesu samaṇasukhumāloti sabbesupi etesu samaṇesu sukhumālasamaṇo muducittasarīro kāyikacetasikadukkharahito ekantasukhī. Etena attānañceva attasadise ca dasseti.
ਏવਂ ਮਾਤਿਕਂ ਨਿਕ੍ਖਿਪਿਤ੍વਾ ਇਦਾਨਿ ਪਟਿਪਾਟਿਯਾ વਿਭਜਨ੍ਤੋ ਕਥਞ੍ਚ, ਭਿਕ੍ਖવੇਤਿਆਦਿਮਾਹ। ਤਤ੍ਥ ਸੇਖੋਤਿ ਸਤ੍ਤવਿਧੋਪਿ ਸੇਖੋ। ਪਾਟਿਪਦੋਤਿ ਪਟਿਪਨ੍ਨਕੋ। ਅਨੁਤ੍ਤਰਂ ਯੋਗਕ੍ਖੇਮਂ ਪਤ੍ਥਯਮਾਨੋ વਿਹਰਤੀਤਿ ਅਰਹਤ੍ਤਂ ਪਤ੍ਥਯਨ੍ਤੋ વਿਹਰਤਿ। ਮੁਦ੍ਧਾવਸਿਤ੍ਤਸ੍ਸਾਤਿ ਮੁਦ੍ਧਨਿ ਅવਸਿਤ੍ਤਸ੍ਸ, ਕਤਾਭਿਸੇਕਸ੍ਸਾਤਿ ਅਤ੍ਥੋ। ਆਭਿਸੇਕੋਤਿ ਅਭਿਸੇਕਂ ਕਾਤੁਂ ਯੁਤ੍ਤੋ। ਅਨਭਿਸਿਤ੍ਤੋਤਿ ਨ ਤਾવ ਅਭਿਸਿਤ੍ਤੋ। ਮਚਲਪ੍ਪਤ੍ਤੋਤਿ ਰਞ੍ਞੋ ਖਤ੍ਤਿਯਸ੍ਸ ਮੁਦ੍ਧਾવਸਿਤ੍ਤਸ੍ਸ ਪੁਤ੍ਤਭਾવੇਨ ਚੇવ ਪੁਤ੍ਤੇਸੁ ਜੇਟ੍ਠਕਭਾવੇਨ ਚ ਨ ਤਾવ ਅਭਿਸਿਤ੍ਤਭਾવੇਨ ਚ ਅਭਿਸੇਕਪ੍ਪਤ੍ਤਿਅਤ੍ਥਾਯ ਅਚਲਪ੍ਪਤ੍ਤੋ ਨਿਚ੍ਚਲਪਤ੍ਤੋ। ਮਕਾਰੋ ਨਿਪਾਤਮਤ੍ਤਂ। ਕਾਯੇਨ ਫੁਸਿਤ੍વਾਤਿ ਨਾਮਕਾਯੇਨ ਫੁਸਿਤ੍વਾ।
Evaṃ mātikaṃ nikkhipitvā idāni paṭipāṭiyā vibhajanto kathañca, bhikkhavetiādimāha. Tattha sekhoti sattavidhopi sekho. Pāṭipadoti paṭipannako. Anuttaraṃ yogakkhemaṃ patthayamāno viharatīti arahattaṃ patthayanto viharati. Muddhāvasittassāti muddhani avasittassa, katābhisekassāti attho. Ābhisekoti abhisekaṃ kātuṃ yutto. Anabhisittoti na tāva abhisitto. Macalappattoti rañño khattiyassa muddhāvasittassa puttabhāvena ceva puttesu jeṭṭhakabhāvena ca na tāva abhisittabhāvena ca abhisekappattiatthāya acalappatto niccalapatto. Makāro nipātamattaṃ. Kāyena phusitvāti nāmakāyena phusitvā.
ਯਾਚਿਤੋવ ਬਹੁਲਂ ਚੀવਰਂ ਪਰਿਭੁਞ੍ਜਤੀਤਿ ‘‘ਇਦਂ, ਭਨ੍ਤੇ, ਪਰਿਭੁਞ੍ਜਥਾ’’ਤਿ ਏવਂ ਦਾਯਕੇਹਿ ਯਾਚਮਾਨੇਹੇવ ਉਪਨੀਤਂ ਚੀવਰਂ ਬਹੁਂ ਪਰਿਭੁਞ੍ਜਤਿ, ਕਿਞ੍ਚਿਦੇવ ਅਯਾਚਿਤਂ, ਬਾਕੁਲਤ੍ਥੇਰੋ વਿਯ। ਪਿਣ੍ਡਪਾਤਂ ਖਦਿਰવਨਮਗ੍ਗੇ ਸੀવਲਿਤ੍ਥੇਰੋ વਿਯ। ਸੇਨਾਸਨਂ ਅਟ੍ਠਕਨਾਗਰਸੁਤ੍ਤੇ (ਮ॰ ਨਿ॰ ੨.੧੭ ਆਦਯੋ; ਅ॰ ਨਿ॰ ੧੧.੧੬ ਆਦਯੋ) ਆਨਨ੍ਦਤ੍ਥੇਰੋ વਿਯ। ਗਿਲਾਨਪਚ੍ਚਯਂ ਪਿਲਿਨ੍ਦવਚ੍ਛਥੇਰੋ વਿਯ। ਤ੍ਯਸ੍ਸਾਤਿ ਤੇ ਅਸ੍ਸ। ਮਨਾਪੇਨੇવਾਤਿ ਮਨਂ ਅਲ੍ਲੀਯਨਕੇਨ। ਸਮੁਦਾਚਰਨ੍ਤੀਤਿ ਕਤ੍ਤਬ੍ਬਕਿਚ੍ਚਾਨਿ ਕਰੋਨ੍ਤਿ ਪવਤ੍ਤਨ੍ਤਿ વਾ। ਉਪਹਾਰਂ ਉਪਹਰਨ੍ਤੀਤਿ ਕਾਯਿਕਚੇਤਸਿਕਉਪਹਾਰਂ ਉਪਹਰਨ੍ਤਿ ਉਪਨੀਯਨ੍ਤਿ। ਸਨ੍ਨਿਪਾਤਿਕਾਨੀਤਿ ਤਿਣ੍ਣਮ੍ਪਿ ਸਨ੍ਨਿਪਾਤੇਨ ਨਿਬ੍ਬਤ੍ਤਾਨਿ। ਉਤੁਪਰਿਣਾਮਜਾਨੀਤਿ ਉਤੁਪਰਿਣਾਮਤੋ ਅਤਿਸੀਤਅਤਿਉਣ੍ਹਉਤੁਤੋ ਜਾਤਾਨਿ। વਿਸਮਪਰਿਹਾਰਜਾਨੀਤਿ ਅਚ੍ਚਾਸਨਅਤਿਟ੍ਠਾਨਾਦਿਕਾ વਿਸਮਪਰਿਹਾਰਤੋ ਜਾਤਾਨਿ। ਓਪਕ੍ਕਮਿਕਾਨੀਤਿ વਧਬਨ੍ਧਨਾਦਿਉਪਕ੍ਕਮੇਨ ਨਿਬ੍ਬਤ੍ਤਾਨਿ। ਕਮ੍ਮવਿਪਾਕਜਾਨੀਤਿ વਿਨਾਪਿ ਇਮੇਹਿ ਕਾਰਣੇਹਿ ਕੇવਲਂ ਪੁਬ੍ਬੇ ਕਤਕਮ੍ਮવਿਪਾਕવਸੇਨੇવ ਜਾਤਾਨਿ। ਚਤੁਨ੍ਨਂ ਝਾਨਾਨਨ੍ਤਿ ਏਤ੍ਥ ਖੀਣਾਸવਾਨਮ੍ਪਿ ਬੁਦ੍ਧਾਨਮ੍ਪਿ ਕਿਰਿਯਜ੍ਝਾਨਾਨੇવ ਅਧਿਪ੍ਪੇਤਾਨਿ। ਸੇਸਂ ਉਤ੍ਤਾਨਤ੍ਥਮੇવਾਤਿ।
Yācitova bahulaṃ cīvaraṃ paribhuñjatīti ‘‘idaṃ, bhante, paribhuñjathā’’ti evaṃ dāyakehi yācamāneheva upanītaṃ cīvaraṃ bahuṃ paribhuñjati, kiñcideva ayācitaṃ, bākulatthero viya. Piṇḍapātaṃ khadiravanamagge sīvalitthero viya. Senāsanaṃ aṭṭhakanāgarasutte (ma. ni. 2.17 ādayo; a. ni. 11.16 ādayo) ānandatthero viya. Gilānapaccayaṃ pilindavacchathero viya. Tyassāti te assa. Manāpenevāti manaṃ allīyanakena. Samudācarantīti kattabbakiccāni karonti pavattanti vā. Upahāraṃ upaharantīti kāyikacetasikaupahāraṃ upaharanti upanīyanti. Sannipātikānīti tiṇṇampi sannipātena nibbattāni. Utupariṇāmajānīti utupariṇāmato atisītaatiuṇhaututo jātāni. Visamaparihārajānīti accāsanaatiṭṭhānādikā visamaparihārato jātāni. Opakkamikānīti vadhabandhanādiupakkamena nibbattāni. Kammavipākajānīti vināpi imehi kāraṇehi kevalaṃ pubbe katakammavipākavaseneva jātāni. Catunnaṃ jhānānanti ettha khīṇāsavānampi buddhānampi kiriyajjhānāneva adhippetāni. Sesaṃ uttānatthamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਪੁਤ੍ਤਸੁਤ੍ਤਂ • 7. Puttasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਪੁਤ੍ਤਸੁਤ੍ਤવਣ੍ਣਨਾ • 7. Puttasuttavaṇṇanā
