| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਪੁਤ੍ਤਸੁਤ੍ਤવਣ੍ਣਨਾ
7. Puttasuttavaṇṇanā
੮੭. ਸਤ੍ਤਮੇ ਮ-ਕਾਰੋ ਪਦਸਨ੍ਧਿਕਰੋ ‘‘ਅਞ੍ਞਮਞ੍ਞ’’ਨ੍ਤਿਆਦੀਸੁ વਿਯ। ਨਿਚ੍ਚਲਸਮਣੋਤਿ ਥਿਰਸਮਣੋ। ਅਭਿਸਿਞ੍ਚਿਤਬ੍ਬੋਤਿ ਅਭਿਸੇਕੋਤਿ ਕਮ੍ਮਸਾਧਨੋ ਅਭਿਸੇਕਸਦ੍ਦੋ। ਤੇਨਾਹ ‘‘ਅਭਿਸੇਕਂ ਕਾਤੁਂ ਯੁਤ੍ਤੋ’’ਤਿ।
87. Sattame ma-kāro padasandhikaro ‘‘aññamañña’’ntiādīsu viya. Niccalasamaṇoti thirasamaṇo. Abhisiñcitabboti abhisekoti kammasādhano abhisekasaddo. Tenāha ‘‘abhisekaṃ kātuṃ yutto’’ti.
ਬਾਕੁਲਤ੍ਥੇਰੋ વਿਯਾਤਿ ਥੇਰੋ ਹਿ ਮਹਾਯਸਸ੍ਸੀ, ਤਸ੍ਸ ਪੁਤ੍ਤਧੀਤਰੋ ਨਤ੍ਤੁਪਨਤ੍ਤਕਾ ਸੁਖੁਮਸਾਟਕੇਹਿ ਚੀવਰਾਨਿ ਕਾਰੇਤ੍વਾ ਰਜਾਪੇਤ੍વਾ ਸਮੁਗ੍ਗੇ ਪਕ੍ਖਿਪਿਤ੍વਾ ਪਹਿਣਨ੍ਤਿ। ਥੇਰਸ੍ਸ ਨਹਾਨਕਾਲੇ ਨਹਾਨਕੋਟ੍ਠਕੇ ਠਪੇਨ੍ਤਿ। ਥੇਰੋ ਤਾਨਿ ਨਿવਾਸੇਤਿ ਚੇવ ਪਾਰੁਪਤਿ ਚ। ਤੇਨੇવੇਤਂ વੁਤ੍ਤਂ।
Bākulatthero viyāti thero hi mahāyasassī, tassa puttadhītaro nattupanattakā sukhumasāṭakehi cīvarāni kāretvā rajāpetvā samugge pakkhipitvā pahiṇanti. Therassa nahānakāle nahānakoṭṭhake ṭhapenti. Thero tāni nivāseti ceva pārupati ca. Tenevetaṃ vuttaṃ.
ਖਦਿਰવਨਮਗ੍ਗੇ ਸੀવਲਿਤ੍ਥੇਰੋ વਿਯਾਤਿ ਸਤ੍ਥਰਿ ਕਿਰ ਤਂ ਮਗ੍ਗਂ ਪਟਿਪਨ੍ਨੇ ਦੇવਤਾ ‘‘ਅਮ੍ਹਾਕਂ ਅਯ੍ਯਸ੍ਸ ਸੀવਲਿਤ੍ਥੇਰਸ੍ਸ ਸਕ੍ਕਾਰਂ ਕਰਿਸ੍ਸਾਮਾ’’ਤਿ ਚਿਨ੍ਤੇਤ੍વਾ ਏਕੇਕਯੋਜਨੇ વਿਹਾਰਂ ਕਾਰੇਤ੍વਾ ਏਕਯੋਜਨਤੋ ਉਦ੍ਧਂ ਗਨ੍ਤੁਂ ਅਦਤ੍વਾ ਪਾਤੋવ ਉਟ੍ਠਾਯ ਦਿਬ੍ਬਾਨਿ ਯਾਗੁਆਦੀਨਿ ਗਹੇਤ੍વਾ ‘‘ਅਮ੍ਹਾਕਂ ਅਯ੍ਯੋ ਸੀવਲਿਤ੍ਥੇਰੋ ਕਹਂ ਨਿਸਿਨ੍ਨੋ’’ਤਿ વਿਚਰਨ੍ਤਿ। ਥੇਰੋ ਅਤ੍ਤਨੋ ਅਭਿਹਟਂ ਬੁਦ੍ਧਪ੍ਪਮੁਖਸ੍ਸ ਭਿਕ੍ਖੁਸਙ੍ਘਸ੍ਸ ਦਾਪੇਸਿ। ਏવਂ ਸਤ੍ਥਾ ਸਪਰਿવਾਰੋ ਤਿਂਸਯੋਜਨਿਕਂ ਕਨ੍ਤਾਰਂ ਸੀવਲਿਤ੍ਥੇਰਸ੍ਸ ਪੁਞ੍ਞਫਲਂ ਅਨੁਭવਮਾਨੋવ ਅਗਮਾਸਿ। ਤੇਨੇવੇਤਂ વੁਤ੍ਤਂ।
Khadiravanamagge sīvalitthero viyāti satthari kira taṃ maggaṃ paṭipanne devatā ‘‘amhākaṃ ayyassa sīvalittherassa sakkāraṃ karissāmā’’ti cintetvā ekekayojane vihāraṃ kāretvā ekayojanato uddhaṃ gantuṃ adatvā pātova uṭṭhāya dibbāni yāguādīni gahetvā ‘‘amhākaṃ ayyo sīvalitthero kahaṃ nisinno’’ti vicaranti. Thero attano abhihaṭaṃ buddhappamukhassa bhikkhusaṅghassa dāpesi. Evaṃ satthā saparivāro tiṃsayojanikaṃ kantāraṃ sīvalittherassa puññaphalaṃ anubhavamānova agamāsi. Tenevetaṃ vuttaṃ.
ਅਟ੍ਠਕਨਾਗਰਸੁਤ੍ਤੇ ਆਨਨ੍ਦਤ੍ਥੇਰੋ વਿਯਾਤਿ ਅਟ੍ਠਕਨਾਗਰਕੋ ਕਿਰ ਗਹਪਤਿ ਥੇਰਸ੍ਸ ਧਮ੍ਮਦੇਸਨਾਯ ਪਸੀਦਿਤ੍વਾ ਪਞ੍ਚਸਤਗ੍ਘਨਕਂ વਿਹਾਰਂ ਕਾਰੇਤ੍વਾ ਅਦਾਸਿ। ਤਂ ਸਨ੍ਧਾਯੇਤਂ વੁਤ੍ਤਂ।
Aṭṭhakanāgarasutte ānandatthero viyāti aṭṭhakanāgarako kira gahapati therassa dhammadesanāya pasīditvā pañcasatagghanakaṃ vihāraṃ kāretvā adāsi. Taṃ sandhāyetaṃ vuttaṃ.
ਪਿਲਿਨ੍ਦવਚ੍ਛਤ੍ਥੇਰੋ વਿਯਾਤਿ ਥੇਰਸ੍ਸ ਕਿਰ ਇਦ੍ਧਾਨੁਭਾવੇਨ ਪਸਨ੍ਨਾ ਮਨੁਸ੍ਸਾ ਸਪ੍ਪਿਆਦੀਨਿ ਬਹੂਨਿ ਭੇਸਜ੍ਜਾਨਿ ਅਭਿਹਰਿਂਸੁ। ਪਕਤਿਯਾਪਿ ਚ ਆਯਸ੍ਮਾ ਪਿਲਿਨ੍ਦવਚ੍ਛੋ ਲਾਭੀ ਹੋਤਿ ਪਞ੍ਚਨ੍ਨਂ ਭੇਸਜ੍ਜਾਨਂ, ਲਦ੍ਧਂ ਲਦ੍ਧਂ ਪਰਿਸਾਯ વਿਸ੍ਸਜ੍ਜੇਤਿ। ਤੇਨੇਤਂ વੁਤ੍ਤਂ ‘‘ਗਿਲਾਨਪਚ੍ਚਯਂ ਪਿਲਿਨ੍ਦવਚ੍ਛਤ੍ਥੇਰੋ વਿਯਾ’’ਤਿ।
Pilindavacchatthero viyāti therassa kira iddhānubhāvena pasannā manussā sappiādīni bahūni bhesajjāni abhihariṃsu. Pakatiyāpi ca āyasmā pilindavaccho lābhī hoti pañcannaṃ bhesajjānaṃ, laddhaṃ laddhaṃ parisāya vissajjeti. Tenetaṃ vuttaṃ ‘‘gilānapaccayaṃ pilindavacchatthero viyā’’ti.
ਤਿਣ੍ਣਮ੍ਪਿ ਸਨ੍ਨਿਪਾਤੇਨ ਨਿਬ੍ਬਤ੍ਤਾਨੀਤਿ ਪਿਤ੍ਤਾਦੀਨਂ ਤਿਣ੍ਣਮ੍ਪਿ વਿਸਮਾਨਂ ਸਨ੍ਨਿਪਾਤੇਨ ਜਾਤਾਨਿ। ਅਤਿਸੀਤਾਦਿਭਾવੇਨ ਉਤੂਨਂ ਪਰਿਣਾਮੋਤਿ ਆਹ ‘‘ਅਤਿਸੀਤਅਤਿਉਣ੍ਹਉਤੁਤੋ ਜਾਤਾਨੀ’’ਤਿ। ਪੁਰਿਮਉਤੁਤੋ વਿਸਦਿਸੋ ਉਤੁ ਉਤੁਪਰਿਣਾਮੋ, ਤਤੋ ਜਾਤਾਨਿ ਉਤੁਪਰਿਣਾਮਜਾਨਿ, વਿਸਭਾਗਉਤੁਤੋ ਜਾਤਾਨੀਤਿ ਅਤ੍ਥੋ। ਜਙ੍ਗਲਦੇਸવਾਸੀਨਞ੍ਹਿ ਅਨੂਪਦੇਸੇ વਸਨ੍ਤਾਨਂ વਿਸਭਾਗੋવ ਉਤੁ ਉਪ੍ਪਜ੍ਜਤਿ, ਅਨੂਪਦੇਸવਾਸੀਨਞ੍ਚ ਜਙ੍ਗਲਦੇਸੇਤਿ। ਏવਂ ਮਲਯਸਮੁਦ੍ਦਤੀਰਾਦਿવਸੇਨਪਿ ਉਤੁવਿਸਭਾਗਤਾ ਉਪ੍ਪਜ੍ਜਤਿਯੇવ। ਤਤੋ ਜਾਤਾਨਿ ਉਤੁਪਰਿਣਾਮਜਾਨਿ ਨਾਮ।
Tiṇṇampi sannipātena nibbattānīti pittādīnaṃ tiṇṇampi visamānaṃ sannipātena jātāni. Atisītādibhāvena utūnaṃ pariṇāmoti āha ‘‘atisītaatiuṇhaututo jātānī’’ti. Purimaututo visadiso utu utupariṇāmo, tato jātāni utupariṇāmajāni, visabhāgaututo jātānīti attho. Jaṅgaladesavāsīnañhi anūpadese vasantānaṃ visabhāgova utu uppajjati, anūpadesavāsīnañca jaṅgaladeseti. Evaṃ malayasamuddatīrādivasenapi utuvisabhāgatā uppajjatiyeva. Tato jātāni utupariṇāmajāni nāma.
ਅਤ੍ਤਨੋ ਪਕਤਿਚਰਿਯਾਨਂ વਿਸਮਂ ਕਾਯਸ੍ਸ ਪਰਿਹਰਣવਸੇਨ વਿਸਮਪਰਿਹਾਰਜਾਨਿ। ਤਾਨਿ ਪਨ ਅਚ੍ਚਾਸਨਅਤਿਟ੍ਠਾਨਾਦਿਨਾ વੇਦਿਤਬ੍ਬਾਨੀਤਿ ਆਹ ‘‘ਅਚ੍ਚਾਸਨਅਤਿਟ੍ਠਾਨਾਦਿਕਾ’’ਤਿ। ਆਦਿ-ਸਦ੍ਦੇਨ ਮਹਾਭਾਰવਹਣਸੁਧਾਕੋਟ੍ਟਨਅਦੇਸਕਾਲਚਰਣਾਦੀਨਿ ਸਙ੍ਗਣ੍ਹਾਤਿ। ਪਰਸ੍ਸ ਉਪਕ੍ਕਮਤੋ ਨਿਬ੍ਬਤ੍ਤਾਨਿ ਓਪਕ੍ਕਮਿਕਾਨਿ, ਅਯਂ ਚੋਰੋਤਿ વਾ ਪਾਰਦਾਰਿਕੋਤਿ વਾ ਗਹੇਤ੍વਾ ਜਣ੍ਣੁਕਕਪ੍ਪਰਮੁਗ੍ਗਰਾਦੀਹਿ ਨਿਪ੍ਪੋਥਨਉਪਕ੍ਕਮਂ ਪਚ੍ਚਯਂ ਕਤ੍વਾ ਉਪ੍ਪਨ੍ਨਾਨੀਤਿ ਅਤ੍ਥੋ। ਤੇਨਾਹ ‘‘વਧਬਨ੍ਧਨਾਦਿਉਪਕ੍ਕਮੇਨ ਨਿਬ੍ਬਤ੍ਤਾਨੀ’’ਤਿ। ਕੇવਲਨ੍ਤਿ ਬਾਹਿਰਂ ਪਚ੍ਚਯਂ ਅਨਪੇਕ੍ਖਿਤ੍વਾ ਕੇવਲਂ, ਤੇਨ વਿਨਾਤਿ ਅਤ੍ਥੋ। ਤੇਨਾਹ ‘‘ਪੁਬ੍ਬੇਕਤਕਮ੍ਮવਿਪਾਕવਸੇਨੇવ ਜਾਤਾਨੀ’’ਤਿ।
Attano pakaticariyānaṃ visamaṃ kāyassa pariharaṇavasena visamaparihārajāni. Tāni pana accāsanaatiṭṭhānādinā veditabbānīti āha ‘‘accāsanaatiṭṭhānādikā’’ti. Ādi-saddena mahābhāravahaṇasudhākoṭṭanaadesakālacaraṇādīni saṅgaṇhāti. Parassa upakkamato nibbattāni opakkamikāni, ayaṃ coroti vā pāradārikoti vā gahetvā jaṇṇukakapparamuggarādīhi nippothanaupakkamaṃ paccayaṃ katvā uppannānīti attho. Tenāha ‘‘vadhabandhanādiupakkamena nibbattānī’’ti. Kevalanti bāhiraṃ paccayaṃ anapekkhitvā kevalaṃ, tena vināti attho. Tenāha ‘‘pubbekatakammavipākavaseneva jātānī’’ti.
ਪੁਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Puttasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਪੁਤ੍ਤਸੁਤ੍ਤਂ • 7. Puttasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਪੁਤ੍ਤਸੁਤ੍ਤવਣ੍ਣਨਾ • 7. Puttasuttavaṇṇanā
