| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. রাধঅনত্তসুত্তং
5. Rādhaanattasuttaṃ
৭৮. ‘‘যো খো, রাধ, অনত্তা তত্র তে ছন্দো পহাতব্বো। কো চ, রাধ, অনত্তা? চক্খু খো, রাধ, অনত্তা। তত্র তে ছন্দো পহাতব্বো। রূপা… চক্খুৰিঞ্ঞাণং… চক্খুসম্ফস্সো… যম্পিদং চক্খুসম্ফস্সপচ্চযা…পে॰… মনো অনত্তা… ধম্মা… মনোৰিঞ্ঞাণং… মনোসম্ফস্সো… যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি অনত্তা। তত্র তে ছন্দো পহাতব্বো। যো খো, রাধ, অনত্তা তত্র তে ছন্দো পহাতব্বো’’তি। পঞ্চমং।
78. ‘‘Yo kho, rādha, anattā tatra te chando pahātabbo. Ko ca, rādha, anattā? Cakkhu kho, rādha, anattā. Tatra te chando pahātabbo. Rūpā… cakkhuviññāṇaṃ… cakkhusamphasso… yampidaṃ cakkhusamphassapaccayā…pe… mano anattā… dhammā… manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā. Tatra te chando pahātabbo. Yo kho, rādha, anattā tatra te chando pahātabbo’’ti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-৫. পঠমগিলানসুত্তাদিৰণ্ণনা • 1-5. Paṭhamagilānasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-৫. পঠমগিলানসুত্তাদিৰণ্ণনা • 1-5. Paṭhamagilānasuttādivaṇṇanā
