| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. རཱདྷཨནིཙྩསུཏྟཾ
3. Rādhaaniccasuttaṃ
༧༦. ཨཐ ཁོ ཨཱཡསྨཱ རཱདྷོ…པེ॰… ཨེཀམནྟཾ ནིསིནྣོ ཁོ ཨཱཡསྨཱ རཱདྷོ བྷགཝནྟཾ ཨེཏདཝོཙ – ‘‘སཱདྷུ མེ, བྷནྟེ, བྷགཝཱ སཾཁིཏྟེན དྷམྨཾ དེསེཏུ , ཡམཧཾ བྷགཝཏོ དྷམྨཾ སུཏྭཱ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརེཡྻ’’ནྟི། ‘‘ཡཾ ཁོ, རཱདྷ, ཨནིཙྩཾ ཏཏྲ ཏེ ཚནྡོ པཧཱཏབྦོ། ཀིཉྩ, རཱདྷ, ཨནིཙྩཾ ཏཏྲ ཏེ ཚནྡོ པཧཱཏབྦོ? ཙཀྑུ ཨནིཙྩཾ , རཱུཔཱ ཨནིཙྩཱ, ཙཀྑུཝིཉྙཱཎཾ… ཙཀྑུསམྥསྶོ… ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩཾ། ཏཏྲ ཏེ ཚནྡོ པཧཱཏབྦོ…པེ॰… ཛིཝ྄ཧཱ… ཀཱཡོ… མནོ ཨནིཙྩོ། ཏཏྲ ཏེ ཚནྡོ པཧཱཏབྦོ། དྷམྨཱ… མནོཝིཉྙཱཎཾ… མནོསམྥསྶོ… ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩཾ། ཏཏྲ ཏེ ཚནྡོ པཧཱཏབྦོ། ཡཾ ཁོ, རཱདྷ, ཨནིཙྩཾ ཏཏྲ ཏེ ཚནྡོ པཧཱཏབྦོ’’ཏི། ཏཏིཡཾ།
76. Atha kho āyasmā rādho…pe… ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu , yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Yaṃ kho, rādha, aniccaṃ tatra te chando pahātabbo. Kiñca, rādha, aniccaṃ tatra te chando pahātabbo? Cakkhu aniccaṃ , rūpā aniccā, cakkhuviññāṇaṃ… cakkhusamphasso… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ. Tatra te chando pahātabbo…pe… jivhā… kāyo… mano anicco. Tatra te chando pahātabbo. Dhammā… manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ. Tatra te chando pahātabbo. Yaṃ kho, rādha, aniccaṃ tatra te chando pahātabbo’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༥. པཋམགིལཱནསུཏྟཱདིཝཎྞནཱ • 1-5. Paṭhamagilānasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༥. པཋམགིལཱནསུཏྟཱདིཝཎྞནཱ • 1-5. Paṭhamagilānasuttādivaṇṇanā
