| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
раад̇хаб̣раахман̣авад̇т̇угат̇аа
Rādhabrāhmaṇavatthukathā
69. раад̇хаб̣раахман̣авад̇т̇усмим̣ – гин̃жааби ааяасмаа саарибуд̇д̇о бхаг̇авад̇аа б̣аараан̣асияам̣ д̇ийхи саран̣аг̇аманзхи анун̃н̃аад̇ам̣ баб̣б̣аж̇ж̇ан̃жзва убасамбад̣̇ан̃жа ж̇аанаад̇и, бхаг̇аваа бана д̇ам̣ лахугам̣ убасамбад̣̇ам̣ бадигкибид̇ваа н̃ад̇д̇ижад̇уд̇т̇агаммзна г̇аругам̣ гад̇ваа убасамбад̣̇ам̣ анун̃н̃аад̇угаамо. ат̇асса т̇зро аж̇жхаасаяам̣ вид̣̇ид̇ваа ‘‘гат̇аахам̣ бханд̇з д̇ам̣ б̣раахман̣ам̣ баб̣б̣ааж̇зми убасамбаад̣̇змий’’д̇и ааха. б̣уд̣̇д̇хаанан̃хи барисаа аж̇жхаасаяагусалаа хонд̇и, аяан̃жа б̣уд̣̇д̇хабарисааяа аг̇г̇о.
69.Rādhabrāhmaṇavatthusmiṃ – kiñcāpi āyasmā sāriputto bhagavatā bārāṇasiyaṃ tīhi saraṇagamanehi anuññātaṃ pabbajjañceva upasampadañca jānāti, bhagavā pana taṃ lahukaṃ upasampadaṃ paṭikkhipitvā ñatticatutthakammena garukaṃ katvā upasampadaṃ anuññātukāmo. Athassa thero ajjhāsayaṃ viditvā ‘‘kathāhaṃ bhante taṃ brāhmaṇaṃ pabbājemi upasampādemī’’ti āha. Buddhānañhi parisā ajjhāsayakusalā honti, ayañca buddhaparisāya aggo.
б̣яад̇д̇зна бхигкунаа бадиб̣алзнаад̇и зд̇т̇а б̣яад̇д̇о наама яасса саадтагат̇ам̣ винаяабидагам̣ ваажуг̇г̇ад̇ам̣ бавад̇д̇ад̇и, д̇асмим̣ асад̇и яасса анд̇амасо ид̣̇ам̣ н̃ад̇д̇ижад̇уд̇т̇агаммаваажаамад̇д̇амби суг̇г̇ахид̇ам̣ ход̇и, ваажуг̇г̇ад̇ам̣ бавад̇д̇ад̇и, аяамби имасмим̣ ад̇т̇з б̣яад̇д̇о. яо бана гаасасосасзмхаад̣̇инаа ваа г̇злан̃н̃зна одтад̣̇анд̇аж̇ивхаад̣̇ийнам̣ ваа асамбад̇д̇ияаа барияад̇д̇ияам̣ ваа агад̇абарижаяад̇д̇аа на саггод̇и бариман̣д̣алзхи бад̣̇аб̣яан̃ж̇анзхи гаммаваажам̣ саавзд̇ум̣, б̣яан̃ж̇анам̣ ваа бад̣̇ам̣ ваа хаабзд̇и, ан̃н̃ат̇аа ваа вад̇д̇аб̣б̣ам̣ ан̃н̃ат̇аа вад̣̇ад̇и, аяам̣ аббадиб̣ало. д̇аб̣б̣ибарийд̇о имасмим̣ ад̇т̇з ‘‘бадиб̣ало’’д̇и взд̣̇ид̇аб̣б̣о. сан̇гхо н̃аабзд̇аб̣б̣од̇и сан̇гхо ж̇аанаабзд̇аб̣б̣о. д̇ад̇о барам̣ яам̣ сан̇гхо ж̇аанаабзд̇аб̣б̣о, д̇ам̣ д̣̇ассзд̇ум̣ ‘‘сун̣аад̇у мз бханд̇з’’д̇иаад̣̇имааха.
Byattena bhikkhunā paṭibalenāti ettha byatto nāma yassa sāṭṭhakathaṃ vinayapiṭakaṃ vācuggataṃ pavattati, tasmiṃ asati yassa antamaso idaṃ ñatticatutthakammavācāmattampi suggahitaṃ hoti, vācuggataṃ pavattati, ayampi imasmiṃ atthe byatto. Yo pana kāsasosasemhādinā vā gelaññena oṭṭhadantajivhādīnaṃ vā asampattiyā pariyattiyaṃ vā akataparicayattā na sakkoti parimaṇḍalehi padabyañjanehi kammavācaṃ sāvetuṃ, byañjanaṃ vā padaṃ vā hāpeti, aññathā vā vattabbaṃ aññathā vadati, ayaṃ appaṭibalo. Tabbiparīto imasmiṃ atthe ‘‘paṭibalo’’ti veditabbo. Saṅgho ñāpetabboti saṅgho jānāpetabbo. Tato paraṃ yaṃ saṅgho jānāpetabbo, taṃ dassetuṃ ‘‘suṇātu me bhante’’tiādimāha.
71. убасамбаннасамананд̇араад̇и убасамбанно худ̇ваа самананд̇араа. анаажаарам̣ аажарад̇ийд̇и бан̣н̣ад̇д̇ивийд̇иггамам̣ гарод̇и. уллумбад̇у манд̇и уд̣̇д̇харад̇у мам̣, агусалаа вудтаабзд̇ваа гусалз бад̇идтабзд̇у; сааман̣зрабхааваа ваа уд̣̇д̇харид̇ваа бхигкубхаавз бад̇идтаабзд̇ууд̇и. анугамбам̣ убаад̣̇ааяаад̇и ануд̣̇д̣̇аяам̣ бадижжа; маяи анугаббам̣ гад̇ваад̇и ад̇т̇о.
71.Upasampannasamanantarāti upasampanno hutvā samanantarā. Anācāraṃ ācaratīti paṇṇattivītikkamaṃ karoti. Ullumpatu manti uddharatu maṃ, akusalā vuṭṭhāpetvā kusale patiṭṭhapetu; sāmaṇerabhāvā vā uddharitvā bhikkhubhāve patiṭṭhāpetūti. Anukampaṃ upādāyāti anuddayaṃ paṭicca; mayi anukappaṃ katvāti attho.
73. адтид̇аа ход̇ийд̇и нижжаббавад̇д̇иний ход̇и. жад̇д̇ааро ниссаязд̇и жад̇д̇ааро бажжаяз. яасмаа жад̇д̇ааро бажжаяз ниссааяа ад̇д̇абхааво бавад̇д̇ад̇и, д̇асмаа д̇з ниссаяаад̇и вужжанд̇и.
73.Aṭṭhitā hotīti niccappavattinī hoti. Cattāro nissayeti cattāro paccaye. Yasmā cattāro paccaye nissāya attabhāvo pavattati, tasmā te nissayāti vuccanti.
раад̇хаб̣раахман̣авад̇т̇угат̇аа нидтид̇аа.
Rādhabrāhmaṇavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 17. бан̣аамид̇агат̇аа • 17. Paṇāmitakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / раад̇хаб̣раахман̣авад̇т̇угат̇аа • Rādhabrāhmaṇavatthukathā
