| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ராத⁴ப்³ராஹ்மணவத்து²கதா²வண்ணனா
Rādhabrāhmaṇavatthukathāvaṇṇanā
69. ராத⁴ப்³ராஹ்மணவத்து²ஸ்மிங் பாளியங் உப்பண்டு³ப்பண்டு³கஜாதோதி ஸகலஸரீரே ஸஞ்ஜாதபண்டு³வண்ணோ. பண்டு³வண்ணஸ்ஸ ஸகலஸரீரே ப்³யாபிதபா⁴வத³ஸ்ஸனத்த²ஞ்ஹி விச்சா²வசனங் கதங். அதி⁴காரந்தி உபகாரங். கதவேதி³னோதி அத்தனோ கதங் உபகாரங் படிகிரியாய ஞாபகா. உபஸம்பதா³கம்மவாசாய யங் வத்தப்³ப³ங், தங் பரியோஸானே வக்கா²ம. பரிமண்ட³லேஹீதி பரிபுண்ணேஹி.
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
71-73. பண்ணத்திவீதிக்கமந்தி ஸிக்கா²பத³வீதிக்கமங். பாளியங் பிண்டி³யாலோபபோ⁴ஜனந்தி ஜங்க⁴பிண்டி³மங்ஸப³லேன சரித்வா ஆலோபாலோபவஸேன பரியிட்ட²போ⁴ஜனங். அதிரேகலாபோ⁴தி பி⁴க்கா²ஹாரதோ அதி⁴கலாபோ⁴. ஸங்க⁴ப⁴த்தாதீ³னங் விபா⁴கோ³ ஸேனாஸனக்க²ந்த⁴கே ஆவி ப⁴விஸ்ஸதி. விஹாரோதி திணகுடிகாதி³ஸஹிதோ பாகாரபரிச்சி²ன்னோ ஸகலோ ஸங்கா⁴ராமோ. அட்³ட⁴யோகோ³தி ஏகஸாலோ தீ³க⁴பாஸாதோ³. ஹத்தி²பிட்டி²க³ருளஸண்டா²னோ தீ³க⁴பாஸாதோ³திபி வத³ந்தி. பாஸாதோ³தி சதுரஸ்ஸோ உச்சோ அனேகபூ⁴மகபாஸாதோ³. ஹம்மியந்தி முண்ட³ச்ச²த³னோ சந்தி³கங்க³ணயுத்தோ நாதிஉச்சோ பாஸாதோ³. கு³ஹாதி பப்³ப³தகு³ஹா. பூதிமுத்தந்தி கோ³முத்தங்.
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
ராத⁴ப்³ராஹ்மணவத்து²கதா²வண்ணனா நிட்டி²தா.
Rādhabrāhmaṇavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 17. பணாமிதகதா² • 17. Paṇāmitakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ராத⁴ப்³ராஹ்மணவத்து²கதா² • Rādhabrāhmaṇavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ராத⁴ப்³ராஹ்மணவத்து²கதா²வண்ணனா • Rādhabrāhmaṇavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ராத⁴ப்³ராஹ்மணவத்து²கதா²வண்ணனா • Rādhabrāhmaṇavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ராத⁴ப்³ராஹ்மணவத்து²கதா² • Rādhabrāhmaṇavatthukathā
